Board logo

標題: [檔案] 睇咗[August Rush]聲夢奇緣DVD [打印本頁]
作者: runaway    時間: 2008-4-8 17:44     標題: 睇咗[August Rush]聲夢奇緣DVD

因為有女…性朋友同我講部戲好睇, 感人同歌好聽, 佢在飛機上睇,睇到喊晒. 叫我快D睇. Well, 我為人耳仔軟, 所以今晚又花咗個幾鐘去睇此碟, 點知….唉…,

在research此戲既資料時,睇到一個影評, 佢話如果太理性睇此戲一定睇唔完, 因為本片其實係一部童話式電影…好彩, 我戲品都有番甘上下, 在sofa上轉來轉去,終於睇完全片….

講番部戲, 導演之前冇乜特別作品, 演員面口新,不過唔算克人憎. 仲有個robin william幫手做大配角(其實有幾成係因為有佢先睇呢部戲), 話說回來…童話式電影?哼,不如話係TVB式電影, 成部戲有幾百巧合穿插幾個角色, 不但刻意仲幾鬼[娘].個故事講一個出身高貴既大提琴手同個Band仔主音,一夜間由唔識到即晚搞野, 第二日比女方爸爸一手拆散, 之後女方一搞即大, 大肚到8-9月時遇上交通意外, 醫院中比爸爸來一招[狸貓換太子]呃個女佢個仔死左, 實則將BB送走他方, 男女兩個就同時天各一方, 之後個故事就係個細路長大過程對音樂好有FEEL, 11歲時出來玩[萬里尋親],之後才華比人發現,利用,最後當然係….[齊歡唱呀呀…同興賀………], 同無記既劇集同出一徹. 你話有幾好睇呢…

天才兒童橋見唔少, 再加多條尋親橋 , 擺明係扇情野, 不過太多太多唔合理既巧合令件事唔自然. 加上歌曲一般. 美術同拍攝又係一般….

童話唔係包容爛片既藉口, 劇本唔得就係唔得…睇唔睇呢部戲就自己決定...講完
作者: Dr.Evil    時間: 2008-4-8 22:52

引用:
原帖由 runaway 於 2008-4-8 17:44 發表
因為有女…性朋友同我講部戲好睇, 感人同歌好聽, 佢在飛機上睇,睇到喊晒. 叫我快D睇. Well, 我為人耳仔軟, 所以今晚又花咗個幾鐘去睇此碟, 點知….唉…,

在research此戲既資料時,睇到一個影評, 佢話如果 ...
巧合唔代表冇可能,如果拍親戲都要好似你同我既現實一樣到時你又會唔會話悶?

戲中音樂好唔好真係見仁見智,我就好喜歡喇,可能因為我都幾鍾意管弦樂呱~~~

戲中我最鍾意既人兩父子o係廣場夾歌一幕!!



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0