Board logo

標題: [原創] 媽姐 [打印本頁]
作者: choihung    時間: 2008-4-16 00:55     標題: 媽姐

覺不覺得傳統的順德媽姐已經買少見少？
印象中她們工作忠心，水平高。

有時忽發奇想，想把那白衫黑褲的裝扮套在我的“賓姐”身上，反正她也是長頭髮，叫她梳媽姐辮， 好滿足我一下那扮大戶人家的心態！（我算不算是有制服癖呢？）

送上一個youtube video：

[youtube]W1n6ys-2p5E[/youtube]
作者: keve0223    時間: 2008-4-16 01:00

套戲好似叫流氓皇帝, 鄭少秋好似劇中叫朱錦春
作者: choihung    時間: 2008-4-16 01:02

引用:
原帖由 keve0223 於 2008-4-16 01:00 AM 發表
套戲好似叫流氓皇帝, 鄭少秋好似劇中叫朱錦春
是啊，那是我最喜歡的其中一套劇。這一幕挺感人的。

[ 本帖最後由 choihung 於 2008-4-16 13:29 編輯 ]
作者: 1pointheart    時間: 2008-4-16 03:53     標題: 媽姐

提示: 作者被禁止或刪除 內容自動屏蔽
作者: pashwawa    時間: 2008-4-16 07:46

不是所有媽姐都有大辮的﹐但嚴謹的顧主則會要求媽姐穿制服。
可以順便估估拍攝的背景地點。

作者: algg    時間: 2008-4-16 09:50

引用:
原帖由 choihung 於 2008-4-16 01:02 發表



是啊，那時我最喜歡的其中一套劇。這一幕挺感人的。
有印象
仲記得"飲勝", 好high
作者: algg    時間: 2008-4-16 09:52

引用:
原帖由 choihung 於 2008-4-16 00:55 發表
覺不覺得傳統的順德媽姐已經買少見少？
印象中她們工作忠心，水平高。

有時忽發奇想，想把那白衫黑褲的裝扮套在我的“賓姐”身上，反正她也是長頭髮，叫她梳媽姐辮， 好滿足我一下那扮大戶人家的心態！（我算 ...
好似直頭絕跡
作者: choihung    時間: 2008-4-16 13:27

引用:
原帖由 algg 於 2008-4-16 09:50 AM 發表

有印象
仲記得"飲勝", 好high
就在這裡，以當時的標準來説，是一個高質素的MV

[youtube]HKr5t2CzXlA[/youtube]
作者: choihung    時間: 2008-4-16 13:30

引用:
原帖由 pashwawa 於 2008-4-16 07:46 AM 發表
不是所有媽姐都有大辮的﹐但嚴謹的顧主則會要求媽姐穿制服。
可以順便估估拍攝的背景地點。

Was that Central near Queen's Theatre?
作者: algg    時間: 2008-4-16 14:06

引用:
原帖由 choihung 於 2008-4-16 13:27 發表


就在這裡，以當時的標準來説，是一個高質素的MV

HKr5t2CzXlA
第一個shot:
陳國權(高佬權), 秋秋, 秦煌,
龍天生 , 曾楚霖

those were the days
作者: choihung    時間: 2008-4-16 15:19

引用:
原帖由 algg 於 2008-4-16 02:06 PM 發表

第一個shot:
陳國權(高佬權), 秋秋, 秦煌,
龍天生 , 曾楚霖

those were the days
Most interesting was:  莊文清也加入一起癲，特別有趣！
作者: saddam1    時間: 2008-4-16 17:07

Jardine House 頂樓 大班層仲有幾個, 不過冇辮, 有辮果d 吾嫁ga,
作者: algg    時間: 2008-4-16 17:18

引用:
原帖由 saddam1 於 2008-4-16 17:07 發表
Jardine House 頂樓 大班層仲有幾個, 不過冇辮, 有辮果d 吾嫁ga,
唔通你係大班
作者: saddam1    時間: 2008-4-16 17:33

我都想,上去聽野咋, 果度傳統英式裝修,擺設, 但又有著制服既馬姐同侍應, 好濃厚既殖民地色彩。 如果比報紙佬摷到,實大造文章
作者: saddam1    時間: 2008-4-16 18:03

............

[ 本帖最後由 saddam1 於 2008-4-16 18:06 編輯 ]
作者: mandy    時間: 2008-4-16 18:40

媽姐將辮子梳成髻的表示已婚，或「自梳」表示不結婚。
那沒辮的又是甚麼呢?
作者: 1pointheart    時間: 2008-4-16 18:53

提示: 作者被禁止或刪除 內容自動屏蔽
作者: 朱飛    時間: 2008-4-16 19:00

引用:
原帖由 1pointheart 於 2008-4-16 18:53 發表

好經典的相,尤其是那籐籃和咸水草.
以前 D 人好環保
報紙包豆腐......加送油墨
作者: choihung    時間: 2008-4-16 20:06

講開又講，聽説蘇絲黃自小都是媽姐揍大，媽姐一手超卓的廚藝養成了她對食的一份不可妥協的執著。。。

這樣看來，比媽姐揍大是一份福氣。
作者: 大隻西    時間: 2008-4-16 22:10

新馬仔同陳良忠都成日扮媽姐 呢兩位點睇！
作者: mandy    時間: 2008-4-16 22:34

扮媽姐最經典都係佢囉！

尤芷韻
作者: pashwawa    時間: 2008-4-17 00:08

引用:
原帖由 choihung 於 2008-4-16 13:30 發表


Was that Central near Queen's Theatre?
背景是北角的都城戲院﹐今新都城大廈的位置。
作者: choihung    時間: 2008-4-17 01:01

引用:
原帖由 pashwawa 於 2008-4-17 12:08 AM 發表


背景是北角的都城戲院﹐今新都城大廈的位置。
謝謝指正！ 不講不知道相片中是常經過的北角！
作者: choihung    時間: 2008-4-17 01:02

引用:
原帖由 mandy 於 2008-4-16 10:34 PM 發表
扮媽姐最經典都係佢囉！

尤芷韻
哇，差點把她忘了。我老爸認識她的表弟，聽説很早以前她得了癌症去世了。
作者: choihung    時間: 2008-4-17 01:04

引用:
原帖由 大隻西 於 2008-4-16 10:10 PM 發表
新馬仔同陳良忠都成日扮媽姐 呢兩位點睇！
最憎馬國明！！！

安仔順眼得多！
作者: choihung    時間: 2008-4-17 01:08

引用:
原帖由 mandy 於 2008-4-16 10:34 PM 發表
扮媽姐最經典都係佢囉！

尤芷韻
另一經典是“72家房客”中梁天反串扮媽姐！有沒有前輩有該劇照？

鄧寄塵也有扮過媽姐，是不是？
作者: pashwawa    時間: 2008-4-17 09:20

引用:
原帖由 mandy 於 2008-4-16 18:40 發表
媽姐將辮子梳成髻的表示已婚，或「自梳」表示不結婚。
那沒辮的又是甚麼呢?
湊大我的亦是一個順德工人﹐終生不結婚。她年輕(三四十歲左右)時是有條大辮的﹐到五十多歲就將辮子剪去﹐成了短髮﹐我覺得有辮無辮都是個人愛好而已。
作者: choihung    時間: 2008-4-17 13:29

引用:
原帖由 pashwawa 於 2008-4-17 09:20 AM 發表


湊大我的亦是一個順德工人﹐終生不結婚。她年輕(三四十歲左右)時是有條大辮的﹐到五十多歲就將辮子剪去﹐成了短髮﹐我覺得有辮無辮都是個人愛好而已。
So she had excellent cooking skills?
作者: pashwawa    時間: 2008-4-17 14:41

引用:
原帖由 choihung 於 2008-4-17 13:29 發表


So she had excellent cooking skills?
當然識煮野。亦是自動波﹐不像現在的賓賓乜都要交帶100%才會做。
作者: choihung    時間: 2008-4-17 14:49

引用:
原帖由 pashwawa 於 2008-4-17 02:41 PM 發表


當然識煮野。亦是自動波﹐不像現在的賓賓乜都要交帶100%才會做。
唉。。不論菲、印、泰，始終民族、文化有異，再加上香港政府太保護他們，我們當雇主還得看她們臉色。
作者: pashwawa    時間: 2008-4-17 15:44

引用:
原帖由 choihung 於 2008-4-17 14:49 發表


唉。。不論菲、印、泰，始終民族、文化有異，再加上香港政府太保護他們，我們當雇主還得看她們臉色。
我覺得媽姐和現今的外佣最大分別是很多媽姐決定終身不結婚﹐她們會很容易融入成為僱主家庭的一分子。例如我家亦負責我家的媽姐的生養死葬。 現在的外佣﹐除了文化有別之外﹐很多在家鄉都有家庭﹐來港只是掙快錢﹐做十年八載之後就回鄉結婚或買屋﹐不會對僱主有很多的感情。
作者: algg    時間: 2008-4-17 16:49

引用:
原帖由 pashwawa 於 2008-4-17 14:41 發表


當然識煮野。亦是自動波﹐不像現在的賓賓乜都要交帶100%才會做。
真羨慕
作者: choihung    時間: 2008-4-17 22:59

引用:
原帖由 pashwawa 於 2008-4-17 03:44 PM 發表


我覺得媽姐和現今的外佣最大分別是很多媽姐決定終身不結婚﹐她們會很容易融入成為僱主家庭的一分子。例如我家亦負責我家的媽姐的生養死葬。 現在的外佣﹐除了文化有別之外﹐很多在家鄉都有家庭﹐來港只是掙快 ...
沒感情不打緊，最要命就是不老實，更要命的就是在你的餸菜加料，或對少主人施以酷刑，或在外感染了“暗病”，形形式式，叫人心寒
作者: m2a2    時間: 2008-4-18 01:53

媽姐是不是順德特產？還是順德人當媽姐特別多特別好？(因為順德有自梳女所以好多都要自食其力當媽姐？)
這個連我這個順德仔(佬)都解答唔到。
尤芷韻扮媽姐時都好似係講順德話既~~
住家工人又好似唔一定等於媽姐，我[女麻][女麻]都係打住家工，不過好似無聽過人話佢係媽姐....
都係要請前輩解答解答~~
作者: 36D    時間: 2008-4-18 09:42

以前D媽姐好興叫乜姐物姐，例如：金姐，英姐，梅姐............等。
我家仲有一位叫七姐，成九十多嵗了，退休巳成二十多年了，帶大我老豆幾兄弟姐妹，又睇住我地一輩又出世，長大，學壞。而家佢在安老院，安享晚年。
作者: pashwawa    時間: 2008-4-18 10:25

很多六十年代的媽姐都有為退休作打算﹐她們會與相熟的姐妹湊錢買一間細屋﹐作為退休養老之用。很多當年的媽姐都一個一個老死﹐由於她們都無子女﹐這些物業通常就給姪兒承繼﹐或捐給寺廟佛堂。寶蓮寺﹐東華﹐黃大仙廟等現今財雄勢大﹐物業多到你唔信﹐都多得這些媽姐不少。
作者: choihung    時間: 2008-4-18 10:56     標題: 土鯪魚

媽姐好像有另一個稱呼叫土鯪魚，有沒有前輩可以解釋一下來由？
作者: pashwawa    時間: 2008-4-18 11:07

Wiki 資料﹕

媽姐，也作馬姐是一種女傭，1930年代，順德絲綢業式微，當地一些本來以繅絲為業的自梳女為了維持生計，就到南洋（馬來西亞、新加坡等地）、香港、澳門等地當女傭，這些女傭稱為「媽姐」。

媽姐通常梳著一條長辮子，平時通常穿白衣黑褲。有一個別稱叫「土鯪魚」，這個別稱有幾種說法：

    * 土鯪魚不會大肚，像媽姐的優美身段
    * 媽姐的長辮像土鯪魚身上的黑線
    * 土鯪魚一條身，媽姐終身不嫁，也是一條身（獨身）

媽姐可分為五類，依職級順序：

    * 近身：即侍女，是最高級的一類，薪金亦最高
    * 湊仔：即褓姆，負責照顧小主人
    * 煮飯：即家廚
    * 打雜：即雜務
    * 一腳踢：最低級的一種，即甚麼工作都要做，工作量最大，薪水最低，多是新人

隨著自梳習俗的式微，年老的媽姐又陸續退休，加上外籍家庭傭工的引入，現在只有少數年輕時已經照顧僱主一家的老媽姐仍然與僱主一家一起生活。
作者: choihung    時間: 2008-4-18 11:20

引用:
原帖由 pashwawa 於 2008-4-18 11:07 AM 發表
Wiki 資料﹕

媽姐，也作馬姐是一種女傭，1930年代，順德絲綢業式微，當地一些本來以繅絲為業的自梳女為了維持生計，就到南洋（馬來西亞、新加坡等地）、香港、澳門等地當女傭，這些女傭稱為「媽姐」。

媽姐 ...
Fully understood now, thanks a lot for your prompt reply!
作者: pashwawa    時間: 2008-4-18 11:32

戰後初期兩個媽姐在中環購物。

作者: 朱飛    時間: 2008-4-18 12:04

引用:
原帖由 pashwawa 於 2008-4-18 11:07 發表
Wiki 資料﹕

媽姐，也作馬姐是一種女傭，1930年代，順德絲綢業式微，當地一些本來以繅絲為業的自梳女為了維持生計，就到南洋（馬來西亞、新加坡等地）、香港、澳門等地當女傭，這些女傭稱為「媽姐」。

媽姐 ...
現今社會已遺忘了她們的貢獻
作者: m2a2    時間: 2008-4-23 02:17

引用:
原帖由 36D 於 2008-4-18 09:42 發表
以前D媽姐好興叫乜姐物姐，例如：金姐，英姐，梅姐............等。
我家仲有一位叫七姐，成九十多嵗了，退休巳成二十多年了，帶大我老豆幾兄弟姐妹，又睇住我地一輩又出世，長大，學壞。而家佢在安老 ...
我阿[女麻]唔係媽姐，不過從佢身上可以睇到以前打住家工既工人係幾咁忠心，同事頭家人關係幾親密。

我阿[女麻]係廣州時打一家姓方既工，帶大左五個小孩，來了香港跟方先生既妹，帶大左方姑娘(護士，我地咁叫佢既)個仔，一直到佢個心出問題，入醫院前都一直係打緊工，我父母點叫都叫唔到佢返黎一齊住(可能怕同我唔夾吧)。

廣州方先生五個細路都叫我[女麻]做"吾媽"，唔係叫乜姐既。舊年第二(定第三)果個來香港，都有去睇下我[女麻](佢地有家人葬係附近)。

我老豆以前返廣州都會探佢地，而家我老豆性情變左，先至無聯絡。

但係我地呢輩又會繼續聯絡方先生既仔女，我老豆跟佢地叫最細果個做阿妹，變左我多左個"姑姐"，但係我地又跟"姑姐"叫佢D阿哥做"哥"，輩份好混亂，哈哈~~

以前既打工關係可以延續幾十年，三四代，係而家呢個世代，真係匪夷所思~~
作者: choihung    時間: 2008-4-23 09:11

引用:
原帖由 m2a2 於 2008-4-23 02:17 AM 發表

我阿唔係媽姐，不過從佢身上可以睇到以前打住家工既工人係幾咁忠心，同事頭家人關係幾親密。

我阿係廣州時打一家姓方既工，帶大左五個小孩，來了香港跟方先生既妹，帶大左方姑娘(護士，我地咁叫佢既)個仔，一 ...
我滿欣賞她們的忠心。
作者: saddam1    時間: 2008-4-24 00:24

引用:
原帖由 m2a2 於 2008-4-23 02:17 發表

我阿唔係媽姐，不過從佢身上可以睇到以前打住家工既工人係幾咁忠心，同事頭家人關係幾親密。

我阿係廣州時打一家姓方既工，帶大左五個小孩，來了香港跟方先生既妹，帶大左方姑娘(護士，我地咁叫佢既)個仔，一 ...
咁你係咪"順德隱", 我係, 所以亦有以故親戚做馬姐,梳起o既, 以前o係淺水灣打工,印象中真係十年八年先至見一次面,大半生都係僱主家中渡過。

我倒認為,或許只是生活逼人,其實,有頭皮,邊個想做癩痢哩
作者: hk3dman    時間: 2008-4-24 13:04

其實馬姐點解要終身不娶？做工人要連人生幸福機會都唔要？
作者: m2a2    時間: 2008-4-25 01:20

引用:
原帖由 hk3dman 於 2008-4-24 13:04 發表
其實馬姐點解要終身不娶？做工人要連人生幸福機會都唔要？
係不嫁，女既點娶老婆？
有無睇過陳秀雯做果套.... 唔記得咩名既戲？中國男人其實幾唔爭氣架，而當時順德養蠶抽絲+紡織業興盛，女既搵到個錢，第一唔忿氣要養埋老公，第二可能自己屋企都要養，所以有好多女子自食其力，梳起唔嫁。
後來紡織業衰落，只好出來打工囉~~~
梳起左先打住家工至係媽姐，唔係為左打住家工至梳起架~~
無梳起(如我[女麻])就只係打住家工。
作者: m2a2    時間: 2008-4-25 01:21

引用:
原帖由 saddam1 於 2008-4-24 00:24 發表

咁你係咪"順德隱", 我係, 所以亦有以故親戚做馬姐,梳起o既, 以前o係淺水灣打工,印象中真係十年八年先至見一次面,大半生都係僱主家中渡過。

我倒認為,或許只是生活逼人,其實,有頭皮,邊個想做癩痢哩
我係順德人~~ 碧江蘇呀~~ 你呢？
如上文所說，梳起有兩個原因既~~
我其實唔識媽姐架，睇電視學返黎既~~
作者: 1pointheart    時間: 2008-4-25 05:46

提示: 作者被禁止或刪除 內容自動屏蔽
作者: algg    時間: 2008-4-25 16:33

引用:
原帖由 m2a2 於 2008-4-25 01:20 發表

係不嫁，女既點娶老婆？
有無睇過陳秀雯做果套.... 唔記得咩名既戲？中國男人其實幾唔爭氣架，而當時順德養蠶抽絲+紡織業興盛，女既搵到個錢，第一唔忿氣要養埋老公，第二可能自己屋企都要養，所以有好多女子 ...
陳秀雯做果套"自梳女”
作者: m2a2    時間: 2008-4-27 04:17

引用:
原帖由 1pointheart 於 2008-4-25 05:46 發表
引用:
原帖由 m2a2 於 2008-4-25 01:21 發表

我係順德人~~ 碧江蘇呀~~ 你呢？
如上文所說，梳起有兩個原因既~~
我其實唔識媽姐架，睇電視學返黎既~~
⒰攙邊科呢?:wonder ...
你問我係唔係順德人嘛~~ 我係順德碧江姓蘇既，我聽家父介紹自己時成日「碧江蘇」咁講架~~



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0