香港 Xocat Forum 討論區 - Powered by Discuz! Board

標題: 最低工資 [打印本頁]

作者: saltiwet 時間: 2008-4-17 22:03 標題: 最低工資

今日個仔放學後打電話到我公司問我, 最低工對社會有嘜影響. 唔係呀咁都要打電話問功課 ?

我講左幾點唔好ge給他聽, 佢話老師都有講過, 佢話要寫minimum wages對社會好的方面的影響. 我唸來唸去都唸唔到. 所謂提高薪金, 最後又係比有錢人超級市場食返, 佢地比多一蚊d工人, 就一定在產品上加多過一蚊, 最後吃虧就係低下層.

睇下呢度有冇高手可以幫到忙.

作者: 深圳港燦 時間: 2008-4-17 23:11

強烈要求政府為最低肉金立法,保障性工作者生活

作者: Rainybreeze 時間: 2008-4-18 16:05

唉… … , 咩叫做對社會好的方面的影響?

講緊既係社會既道德風氣? 定係社會經濟方面?( 最基本例如, 社會既競爭力, 社會既財富分配, 社會既生活指數, 社會既就業問題, 社會既生產力, 社會既勞動力市場) 或者講緊既係社會政治方面?

如果只係單純社會道德方面, 最好,每人最少月薪十萬, 有香港, 無窮人.

如果只係單純社會經濟方面, 唔該, 先買本書 ”Price Theory”, 作者: David D. Friedman, 去初步了解下經濟係咩既一回事, 工資係點定位.

如果係社會政治方面, 講緊既係短線民生, 定係長線社會發展. 最簡單, 如果係為左提昇低收入人仕既生活水平, 點去釐定最低工資多少, 月薪八千夠唔夠? 覆蓋範圍去到邊? 社會消費市場可以消化既程序去到邊? 最最低工資只係雲雲政策之一, 咁呢一個政策係咪同其他政策有一致性既協調? 有最低工資係咪代表社會好的方面的影響? 真係唔知一個中小學生可以點答.

呢d老師真係唔簡單.

作者: saltiwet 時間: 2008-4-18 21:56

我覺得個老師出d題目唔應該咁難, 事關佢地係中一學生, 同香港比只是小五.

以前都有睇過d關於經濟ge書, 如果用最直接的供求來定最低薪金是最理想的. 薪金是通漲的一部分, 如果全世界加了薪水, 物價就一定隨增長了的消費能力上漲. 結果錢會唔見得好用左, 反而生活支出更大.

今年是紐西蘭大選年, 工黨想用 min wages 買窮人的票, 1/4開始把最低薪金提高, 不到半個月, 超市的貨物價格提升10~30%. 米本來是 $29 一包, e+就要 40幾蚊一包. 食油亦漲了10%. 唯一想到的好處是, d人因為食物貴就唔會食過量, 身體自然好左, 咁政府醫療開支會少左. 同樣地酒貴了, d人飲酒次數可能少左, drink driving機會少了, 因 drink driving ge accident 會少了, 而醫療開支又可以減少.

作者: peninsula 時間: 2008-4-18 23:05

引用:

原帖由 深圳港燦 於 2008-4-17 23:11 發表
強烈要求政府為最低肉金立法,保障性工作者生活

How much do you propose?

作者: 馬丁狗 時間: 2008-4-18 23:34

一蚊一隻鷄
一蚊一隻龜.............

作者: 港奸剋星 時間: 2008-4-18 23:42

想做.........特首梁振英都講左失敗喇

作者: 深圳港燦 時間: 2008-4-19 00:05

我港燦夠想做...不過冇人彩我

[ 本帖最後由深圳港燦於 2008-4-19 00:07 編輯 ]

作者: 馬丁狗 時間: 2008-4-19 00:09

我馬丁狗多想做.........特首

作者: 大佛 時間: 2008-4-19 02:06

最低工資的好處
1/工人有最低固定工資收入.
2/老婆有最低固定家用.
3/老闆有最低固定工資請人.
4/議員可以用最低固定工資行動拉票.
5/政府強積金可以有最低固定供款運作

...想不到了.

作者: saltiwet 時間: 2008-4-28 21:55

最低工資在紐西蘭的禍害終於出現了, 今日新聞講低收入人士因4月份的突然上升通漲影響, 已令他們吃不消. 食物價格的增加, 簡直令他們無法生存.

作者: 至尊豪庭9 時間: 2008-4-28 22:44

提示: 作者被禁止或刪除內容自動屏蔽

作者: kenny01 時間: 2008-4-28 22:55

我偏向支持最低工資......

不過"許寶強"一講,就比人砌到七彩
我覺得應該揾下d錢落左邊個袋,如果係判頭,d分判商,就更應該行呢個最低工資,
但係應該set響大約五,六千元左右

作者: 熊魔鬼 時間: 2008-4-29 00:28

最低工資制+最低工時制,
受最大影響既一定唔係大商家佬,
而係好多小老闆,
例如茶餐廳,
要佢地6,7千蚊請清潔,洗碗,
如果本身生意已經係剩返半條命既,
新法例實施之後想唔執都幾難,
香港又準備多一批失業大軍.

作者: saltiwet 時間: 2008-4-29 06:42

其實可以咁樣想, 大家都加一元就是口袋裡多了一元, 但之後每一元的價值就減少了. 最低工資只是把中下收入人士的貧(富)懸殊拉窄. 我公司有一個工人聽到最低工資同我講:好啦你唔加比我都唔得. 我同佢講:物價一定會瀑升, 我會在最低工資後再同佢你地做 performance review.

最後好的員工從每人加一元變成每人加兩元. 我賣的產品當然要調整價格啦.

作者: hny 時間: 2008-4-29 09:09

引用:

原帖由 saltiwet 於 2008-4-17 22:03 發表
今日個仔放學後打電話到我公司問我, 最低工對社會有嘜影響. 唔係呀咁都要打電話問功課 ?

我講左幾點唔好ge給他聽, 佢話老師都有講過, 佢話要寫minimum wages對社會好的方面的影響. 我唸來唸去都唸唔到. 所謂提 ...

問題係大企業，生產商就算唔加一蚊俾你，佢都繼續加價。

作者: 八皇爺 時間: 2008-4-29 14:05

香港的清潔工比菲傭還要慘......

作者: ericwong4362 時間: 2008-4-29 15:47

set乜鬼？每个"有用"既人都有距既价值！D无用既，自然要淘汰喇！菲佣叻过清洁工人系必然既！人地好多都系大学生黎....市场价值比起D清洁工人好好多！我识得一D装饰後清洁女工，勤勤力力，月入过万呀！

作者: 飛毛腿 時間: 2008-4-29 18:20 標題: 回復 #1 saltiwet 的帖子

最大好處係跟西方先進大國接軌
人地有我地又有
港燦可以好自豪地話自己係先進文明社會
提升香港國際地位
港燦們自尊心大大提高
社會更加和諧

各國資金蜂擁搶住進入香港呢個先進文明都市投資

作者: ericwong4362 時間: 2008-4-29 20:02

引用:

原帖由 飛毛腿 於 2008-4-29 18:20 發表
最大好處係跟西方先進大國接軌
人地有我地又有
港燦可以好自豪地話自己係先進文明社會
提升香港國際地位
港燦們自尊心大大提高
社會更加和諧
各國資金蜂擁搶住進入香港呢個先進文明都市投資 ...

甘唔好咩？

作者: kenny01 時間: 2008-4-29 22:47

引用:

原帖由 ericwong4362 於 2008-4-29 20:02 發表

甘唔好咩？

每個人都可以表達意見,更好的就有背後的論據

總比單單打打的post來得好,我諗你唔會同意,無謂惹火0麻...

作者: ericwong4362 時間: 2008-4-29 23:13

引用:

原帖由 kenny01 於 2008-4-29 22:47 發表

每個人都可以表達意見,更好的就有背後的論據

總比單單打打的post來得好,我諗你唔會同意,無謂惹火0麻...

表达意见比起果D为反对而反对既好好多！你既论点我有分析架！同唔同意又系另一回事。

作者: peninsula 時間: 2008-4-30 21:17

引用:

原帖由 八皇爺 於 2008-4-29 14:05 發表
香港的清潔工比菲傭還要慘......

Yes, saw the program on TVB.

歡迎光臨香港 Xocat Forum 討論區 (http://p.xocat.com/p/)