標題: 以前返大陸 [打印本頁]

---

作者: choihung    時間: 2008-4-18 19:49     標題: 以前返大陸

各位前輩可否分享一下你們以前回鄉探親的經驗？

我在70年代最深的印象是：

1  車一到羅湖，好像日本仔打到來似的，為求走得快好世界，D人會衝到車窗前，打開，以最快的速度連人帶行李跳車，如勝利大逃亡

2  除了紅白藍膠袋以外，擔挑一定要，還有身上不知穿了多少重衣服預備給親戚

3  過�T逼到喊

4  出�T后，你根本認不出親戚，因爲人山人海，再加上人人都穿勞動工人服，只能靠你親戚出來認你

5  這一次的“禮物”還沒有派完， 你親戚已經把他們的“願望樹”交給您，他們會說“你一定要常來！！”

時代變，人情也變，現在是

1  我去國内買老翻，他們來香港掃名店

2  以前拿港幣出來，全國歡迎，現在，要拿人民幣出來才全世界歡迎

好想聼聼各位有趣的經驗。。。。

---

作者: 朱飛    時間: 2008-4-18 20:18

以前返深圳心都震
E+就唔同了

---

作者: 周五一次郎    時間: 2008-4-18 21:39

引用:

原帖由 朱飛 於 2008-4-18 20:18 發表
以前返深圳心都震
E+就唔同了

记得以前返到深圳闻到阵柴油味就头晕兼做恶。
过一次关要成个钟，又多人又冇冷气，又热又臭，难顶到晕。
所以每次返乡下简直是噩梦！

---

作者: algg    時間: 2008-4-18 21:59

引用:

原帖由 choihung 於 2008-4-18 19:49 發表
各位前輩可否分享一下你們以前回鄉探親的經驗？

我在70年代最深的印象是：

1  車一到羅湖，好像日本仔打到來似的，為求走得快好世界，D人會衝到車窗前，打開，以最快的速度連人帶行李跳車，如勝利大逃亡:vi ...

- 唔止車一到羅湖要跳車, 也要琴窗上車; 我排最細, 咁高技巧嘅緊係由我做;
- 係香港過馬路駕輕就熟; 係大陸過馬路唔識過 - d單車多到嚇死你;
- 以前返大陸, 唔出聲講野人地都認到你係香港人 - 衣著光鮮; 依家返大陸, 唔出聲講野人地都認到你係香港人 - 衣著唔夠人光鮮;
- 要去唔知邊到登記戶籍, 要攞'糧劵'
- 仲有好多, 一次寫唔曬...

---

作者: 理魯竇    時間: 2008-4-18 22:07

引用:

原帖由 choihung 於 2008-4-18 19:49 發表
各位前輩可否分享一下你們以前回鄉探親的經驗？

我在70年代最深的印象是：

1  車一到羅湖，好像日本仔打到來似的，為求走得快好世界，D人會衝到車窗前，打開，以最快的速度連人帶行李跳車，如勝利大逃亡:vi ...

70 年代應該重未有紅白藍膠袋

我在60-70 年代最深的印象是:

1. 過了深圳要寫「回鄉介紹書」，好似睇醫生同審犯咁，解放軍叔叔問一句，你就答一句，
    佢就慢慢寫，寫完都成粒鍾，悶到抽筋，但問心個句，佢地手字又寫得幾靚。

2. 去邊度食野都要糧票，最經典就係有些人無糧票，就隨身帶住袋米，去到食店想食碗二
   �O�龠滿A就將d 米倒落一個二�O�龠q杯內，先至有得食，但我到現在都攪不清楚個d 百家
   米點樣處理。

3. 個陣時大陸人對香港人都幾尊敬，到處都貼有「港澳同胞，特別接待」的標語，方便港客
    優先購票或進膳，而家時移勢逆，逐漸變為「特別折墮」。

講住咁多先

[ 本帖最後由 理魯竇 於 2008-4-18 22:09 編輯 ]

---

作者: mobile2007    時間: 2008-4-18 22:46

70年代回鄉，政治氣氛仍很緊張，父母叮噣不要隨便亂說話。過關時個唔知民兵定解放軍問有冇財物手錶，我細佬叻唔切話：有呀！老豆有個雷達錶。頓時觸動對方敏感神經，老豆慌忙笑口解釋係雷達牌手錶，唔係特務D雷達，個老解半信半疑亦笑笑口話：啊，雷達錶下話。一邊係咁摷我個衰多口細佬.........。

---

作者: hk3dman    時間: 2008-4-18 23:36

記得細個跟父母親戚回鄉，
因為老豆驚我同細佬返到去悶，比我o地帶自己鍾意o既「超合金」機械人上路，

過關時大陸海關佬見到個機械人玩具，問：「是甚麼？」

「超~合~金。」年少的我直答。

點知個大陸海關佬聽到個「金」字，馬上緊晒，怒問我地帶金點解唔報？

我老母都嚇到驚驚地，驚佢地會以為佢帶金，因為機械人的手臂、腳等位部份上了金色。

當時攪到要幾個大陸海關佬圍住我個機械人研究一大輪，最後先相信「超合金」並唔係黃金，

當然，年少o既我只係驚一樣野.........個機械人要充公。

[ 本帖最後由 hk3dman 於 2008-4-19 17:36 編輯 ]

---

作者: choihung    時間: 2008-4-18 23:44

引用:

原帖由 理魯竇 於 2008-4-18 10:07 PM 發表



70 年代應該重未有紅白藍膠袋

我的體驗是70年代末期，真的見過紅白藍， 不過用大布袋的也不少。

糧票。。。當年異常的珍貴。

大家有沒有用過外匯券呢？70年代末期拿出來買東西，當年的同胞還搞不清楚那是什�洩F西

單車。。。記得我弟弟（當時是小學生）過馬路時就給一個農民騎單車撞倒，幸好只受輕傷，不過也嚇得我們。。。記得那人還辯稱他的單車的刹車壞了，自此我也對他們的單車處於高度警備的狀態。

雷達表。。。。有趣有趣。仲有無多點可以分享？

---

作者: mandy    時間: 2008-4-19 00:08

引用:

原帖由 理魯竇 於 2008-4-18 22:07 發表



70 年代應該重未有紅白藍膠袋

我在60-70 年代最深的印象是:

1. 過了深圳要寫「回鄉介紹書」，好似睇醫生同審犯咁，解放軍叔叔問一句，你就答一句，
    佢就慢慢寫，寫完都成粒鍾，悶到抽筋，但問心 ...

60年代回鄉是件苦事，剩係在火車站排長龍已經怕怕.....
好似六七十年代回鄉要隨身一本"毛語錄"，不知是否？？

---

作者: hk3dman    時間: 2008-4-19 01:00

日排夜排，細個好唔明點解父母要返大陸......

---

作者: dorothytiffany    時間: 2008-4-19 06:23

先發兩張羅湖關卡的圖片, 容後再匯報經驗........

---

作者: pashwawa    時間: 2008-4-19 09:25

六十年代回鄉在羅湖橋出境的人潮。



Source: Immigration Dept

---

作者: pashwawa    時間: 2008-4-19 10:13

我70年代在我們偉大的舵手死後第一次返大陸。用的是外匯卷﹐住和食的都只可以去招待外賓的酒店及食肆。大部份街邊食檔需要糧票﹐有些街檔亦肯招待﹐但要俾多點錢作買糧票之用。水餃等食物是按重量買﹐﹐但重量是以麵粉的重量作單位﹐例如半斤水餃是以半斤麵粉而造出來的水餃﹐所以實際重量比半斤多很多﹐ 三毛錢水餃已經可吃一餐。那時亦不需擔心被騙﹐人們都是食大鑊飯﹐騙了你亦沒有甚麼好處。

從廣州坐飛機到桂林只是六十元(當年好像是100港幣兌26﹐27元RMB)﹐誤點是常事﹐準時反而是例外的。飛機是蘇聯的螺旋槳機。一路搭一路驚。

每逢在街邊影相都有人圍觀。另外酒店收費亦很怪。是按人頭計﹐我記得我住漓江飯店﹐一個人佔一間房收8元﹐兩個人16元﹐三個人24元。證件要留在酒店。

買東西主要在友誼商店﹐早期一般店鋪跟本不認識外匯卷﹐但後期人們知道外匯卷可用作買入口貨品﹐開始有黑市買賣。在八十年代初到過北京的朋友﹐相信還記得在街邊生果小販兌換人民幣。

記得當年故宮的入場費是五毛錢(珍寶管則要十元)。聽聞現時大約要一百元。當年的單身上路﹐遊覽尚未完全開放的祖國﹐所有東西都平宜﹐令人難忘。

[ 本帖最後由 pashwawa 於 2008-4-19 10:42 編輯 ]

---

作者: mobile2007    時間: 2008-4-19 15:11

繼續分享：
那些歡迎港澳同胞標語只流於口號和統戰手段，骨子�婸{為香港人只是資本主義的奴隸。回廣州時，街上小朋友係後邊叫香港仔，香港婆揶揄。
折滕大半日過關後，在廣州找到一間華僑賓館吃飯，點知客又唔多，但成個鐘未有得食，D服務就係做唔做都三十六，打阿爺工，話之你死，隔離檯客遲來先上岸，食完見我幾個細路難忍，好心比D菜尾頂住先。

食物篇：
當時大陸靚米出哂口，同胞只有食次等米，叫米'碌'，即存倉太耐斷開一碌碌的碎米，成陣米糠味很難食，回港後吃的第一碟叉燒飯，是一生人最香滑軟熟的飯滋味。
鄉下手訊不外乎：荔枝乾、蕃薯粉、蓮蕅粉，D蕃薯乾趙到牙軟！
國內糧油缺乏，炒菜時用個豬油渣在鍋上抹一圈，就當下了油，據云那油渣用左成年！

親情篇：
八十多歲的外婆親落廣州，第一次見母親和外孫仔女。從窮困鄉下帶來一隻等閒不會吃的大公雞做手訊；細個時就為殺左隻靚靚公雞而扭計不吃飯，大個後就會為公雞背負那份情誼而眼濕，那就是唯一亦是最後一次見外婆。

玩物篇：
當時大陸物質比香港差，但難掩小朋友自製玩具創意，如'急紙槍'，用門鉸、鐵釘、單車胎橡皮和鐵線做成，用大陸火柴做急紙，男仔玩開心死，我仲偷偷帶回來，可惜香港火柴打不響。
踢毽子：用雞尾毛和銅幣做成，細隻很難踢，仲踢到腳痛，都係香港D用電話簿紙做嘅毽子好玩。

[ 本帖最後由 mobile2007 於 2008-4-19 15:40 編輯 ]

---

作者: choihung    時間: 2008-4-19 17:09

引用:

原帖由 mobile2007 於 2008-4-19 03:11 PM 發表
繼續分享：
那些歡迎港澳同胞標語只流於口號和統戰手段，骨子�婸{為香港人只是資本主義的奴隸。回廣州時，街上小朋友係後邊叫香港仔，香港婆揶揄。
折滕大半日過關後，在廣州找到一間華僑賓館吃飯，點知客又唔多 ...

感谢各位前辈的分享，有有趣的，也有令人感動的（mobile2007 的親情篇），我覺得：

- 祖國今天跟當年比較真的改變了不少，當然還有許多可以改善的地方，不過要繼續改革開放成功，我們港人還需要繼續包容與支持。

- 不要笑國内同胞沒文化、土包子，查實我們港人現今的優勢不大，看看新一輩的中、英文水平和刻苦程度就知道，還不加倍努力趕上的話早晚這個優勢會跟國内同胞對調。

- 老談政治解決不了實際的問題，反而多關心民生與教育的議題，多跟内地交流，能加深相互了解，消除矛盾。

我個人沒有政治立場，我只同意一句話：“内地好，香港更好”。

---

作者: pashwawa    時間: 2008-4-19 17:28

剛開放的時候﹐農村仍然剩不不少火紅年代的口號 - 農業學大寨﹐工業學大慶。
與現在的 向世界接軌 都有異曲同工之妙。

---

作者: choihung    時間: 2008-4-19 20:43

引用:

原帖由 pashwawa 於 2008-4-19 10:13 AM 發表
(當年好像是100港幣兌26﹐27元RMB)﹐

不講不知道，原來以前的人民幣這�炮Q

---

作者: missballball    時間: 2008-4-19 20:51

睇到你地D分享，回憶真係珍貴！
我就無喇，因為我返去時已經係九十年代了！

當時，雖然都開始起飛，但都係跑道衝剌緊，亦正式ｇａｔ起個頭起飛∼
仲記得我媽拎錢番大陸買樓，要張Ｄ人民幣左塞又塞，塞幾成幾千張

---

作者: choihung    時間: 2008-4-19 20:54

引用:

原帖由 missballball 於 2008-4-19 08:51 PM 發表
睇到你地D分享，回憶真係珍貴！
我就無喇，因為我返去時已經係九十年代了！

當時，雖然都開始起飛，但都係跑道衝剌緊，亦正式ｇａｔ起個頭起飛∼
仲記得我媽拎錢番大陸買樓，要張Ｄ人民幣左塞又塞，塞幾成幾 ...

90年代國内有“爛尾樓”的問題，希望令壽堂沒有受到影響，蒙受不必要的損失。

---

作者: 大隻西    時間: 2008-4-19 21:46

君早年想到國內旅遊 或什至到更偏遠的地方例如新疆 一想擁抱廣闊大漠的朋友們 都先要坐舒適的香港火車到羅湖 再由深圳折滕五個多小時到廣州 由廣州乘火車或飛機到北京 然後再由北京坐火車去烏魯木齊 坐的不是硬臥軟臥 或什麼快直 而是硬直 車未到烏魯木齊人已經...烏...老...木...樣樣齊 相信大家都明我說什麼！！ 打後的還要轉乘小車從泥巴路開往世外桃園。

[ 本帖最後由 大隻西 於 2008-4-19 21:55 編輯 ]

---

作者: 理魯竇    時間: 2008-4-19 21:54

講到以前返大陸�鼣央A真係三日三夜都講唔完。

70年代的中國，文革剛過，一窮二白，家鄉在廣東偏遠山區，更是窮上加窮，人
都無得食，蓄生重慘。

某次和太太回鄉，在親戚家見到一穿開襠褲小女孩在其婆婆引導下大便，事畢該婆婆
學足泰山一樣，叫了幾聲，轉瞬間只見幾隻大狗衝入屋內，不分由說，直撲獵物，真
的是風捲殘雲，向隅者唯有舔乾淨妹妹的屁股，總算聊勝於無。婆婆亦可慳翻D 廁紙
(其實唔係慳，根本上係無)。

太太和我見了唯有苦笑，太太問我如果是男孩子會不會讓它舔屁股，因為 D 狗餓起上
�賽A都食，容乜易變左太監。

這個「笑話」包含著許多中國人的辛酸，中國老百姓的刻苦能耐，令人動容，現時大
陸人民生活日漸改善，應要珍惜目前，不要走回頭路。

---

作者: choihung    時間: 2008-4-19 23:57

引用:

原帖由 理魯竇 於 2008-4-19 09:54 PM 發表
講到以前返大陸�鼣央A真係三日三夜都講唔完。

70年代的中國，文革剛過，一窮二白，家鄉在廣東偏遠山區，更是窮上加窮，人
都無得食，蓄生重慘。

某次和太太回鄉，在親戚家見到一穿開襠褲小女孩在其婆婆引導 ...

理魯竇兄的文章真是言之有物！ 理魯竇嫂的假設性問題也是很有可能發生的！ 貧窮真是一種悲哀，不過鄉下人的環保智慧也值得留意。

那小妹妹的屁股長期在這種情況下，到底有沒有長皮膚病呢？

有沒有人發現最近牛Sir不見了？好期待他可以在這裡分享他的經驗。

---

作者: choihung    時間: 2008-4-20 00:08

引用:

原帖由 algg 於 2008-4-18 09:59 PM 發表


- 唔止車一到羅湖要跳車, 也要琴窗上車; 我排最細, 咁高技巧�嚘簬Y由我做;
- 係香港過馬路駕輕就熟; 係大陸過馬路唔識過 - d單車多到嚇死你;
- 以前返大陸, 唔出聲講野人地都認到你係香港人 - 衣著光 ...

很有趣的描述，期待下一囘的發表。。。

---

作者: antoine90    時間: 2008-4-20 06:27

小心階級敵人！

---所以我上落樓梯都好小心！

+++++++++++++++++++++++++++++++++=====
有年返去，話林彪係毛主席指定接班人；
第二年，變左叛徒，咁毛主席真係無眼光


++++++++++++++++++++++++++
打倒美帝!
吊，我剩係識波羅丁大帝(鐵甲人果個)
美國都無皇帝!
+++++++++++++++++++
咁就三十幾年了......

---

作者: algg    時間: 2008-4-20 11:18

引用:

原帖由 antoine90 於 2008-4-20 06:27 發表
小心階級敵人！

---所以我上落樓梯都好小心！

+++++++++++++++++++++++++++++++++=====
有年返去，話林彪係毛主席指定接班人；
第二年，變左叛徒，咁毛主席真係無眼光


++++++++++++++++++++++++++
...

有趣

---

作者: 理魯竇    時間: 2008-4-20 23:42

幾十年前好多人嘲笑大陸�鴷肮﹛A話佢地：

每日都
食足三餐
瘦肉四�O
有鬼鞋著

聽落唔錯喎

實情係：

食「粥」三餐
瘦肉四�O (每日瘦四�O)
有「鬼」鞋著 (無鞋著)

---

作者: choihung    時間: 2008-4-21 01:06

引用:

原帖由 理魯竇 於 2008-4-20 11:42 PM 發表
幾十年前好多人嘲笑大陸�鴷肮﹛A話佢地：

每日都
食足三餐
瘦肉四�O
有鬼鞋著

聽落唔錯喎

實情係：

食「粥」三餐
瘦肉四�O (每日瘦四�O)
有「鬼」鞋著 (無鞋著)

正！仲有無呢？

---

作者: 理魯竇    時間: 2008-4-21 02:42

多謝毛主席
賜我一舖死牛力
曬到我黑 GWIK GWIK
有得做無得食

---

作者: algg    時間: 2008-4-21 15:16

真人真事個案一:
小男孩跟老媽返大陸; 因當時大陸物資短缺, 老媽話帶野返去物都要打稅, 老媽將一個打火機塞入小男孩口袋裡, 口中唸唸有詞 '唔會查細路嘅...'
果然老媽預知未來, 真的'唔會查細路'; 但老媽千想不到萬想不到, 排隊過海關時, 海關同志不停地喊: 有冇野要打稅, 有冇野要打稅... 小男孩心中不懂老媽心意, 只不停'提醒'老媽他口袋裡的打火機....

事後老媽在各鄉親面前不住提起這事, 鄉親為打完場, 不停'稱讚小男為人"老實"; 小男孩不知就裡, "老實"..."老實"....老實為何物呢?

[ 本帖最後由 algg 於 2008-4-21 15:22 編輯 ]

---

作者: kain865    時間: 2008-4-21 16:03

thx...very good

---

作者: 阿爾拔    時間: 2008-4-21 16:46

乜都唔記得，最記得去茅廁要個窿上面，腳邊同埋個窿下面周圍都係米田共，弱小心靈到而家都仲難以磨滅!

---

作者: 理魯竇    時間: 2008-4-21 18:39

引用:

原帖由 阿爾拔 於 2008-4-21 16:46 發表
乜都唔記得，最記得去茅廁要���鰣蚆K上面，腳邊同埋個窿下面周圍都係米田共，弱小心靈到而家都仲難以磨滅!

如果在夜晚去茅廁重大鑊，
家鄉無電，漆黑一片，
去茅廁要點火把，
因為太黑，乜污糟野都睇唔到，
以為心安理得，
忽然間聽到 D 怪聲，
打開竹門，只見到兩盞怪燈射住我，
驚惶失措後，始意會到是一隻動物和我四目交投，
我連忙關門，它隨即走開，

原來又是一隻飢餓的狗。
差點給它嚇破膽。

---

作者: 周五一次郎    時間: 2008-4-21 20:44

引用:

原帖由 阿爾拔 於 2008-4-21 16:46 發表
乜都唔記得，最記得去茅廁要���鰣蚆K上面，腳邊同埋個窿下面周圍都係米田共，弱小心靈到而家都仲難以磨滅!

仲有D屎坑系建在鱼塘上面，一面疴，鱼塘里D鱼一面抢食！

---

作者: 無謂之    時間: 2008-4-21 22:24

thanks

---

作者: missballball    時間: 2008-4-21 23:29

引用:

原帖由 choihung 於 2008-4-19 20:54 發表


90年代國内有“爛尾樓”的問題，希望令壽堂沒有受到影響，蒙受不必要的損失。

咁佢又無影響呀，間屋仲向度呀！

以前我家姐Ｄ衫唔著就拎番去比表姐
呢家？　Ｄ表姐拎既著既食既用既住既
全部都令你"目不暇給"
真係風水輸流轉呀！

---

作者: 1pointheart    時間: 2008-4-21 23:41     標題: 我的二次奇妙大陸旅程.

提示: 作者被禁止或刪除 內容自動屏蔽

---

作者: choihung    時間: 2008-4-22 00:04

引用:

原帖由 missballball 於 2008-4-21 11:29 PM 發表


咁佢又無影響呀，間屋仲向度呀！

以前我家姐Ｄ衫唔著就拎番去比表姐
呢家？　Ｄ表姐拎既著既食既用既住既
全部都令你"目不暇給"
真係風水輸流轉呀！

講起D衫，我也想起一段往事：

又是70年代末期 ，我外婆和我媽帶我們幾個小孩回鄉探親，我舅公（外婆的弟弟）是農民，一家人多年來都是靠我外婆在香港接濟幫補。那是我第一次跟他見面，他穿深藍色勞動工人服，我外婆把一套新的給他，他高興得不得了，馬上把身上就得脫下，穿上新的，那個笑容非常燦爛，我估計他舊的那一套穿了多年，有新衣服，笑得猶如一個小孩般開心。

外婆跟舅公都先後去世了，我在想：如果在現在送一套勞動工人服給國内同胞，會不會給人家說神經病？

---

作者: choihung    時間: 2008-4-22 00:19

引用:

原帖由 阿爾拔 於 2008-4-21 04:46 PM 發表
乜都唔記得，最記得去茅廁要個窿上面，腳邊同埋個窿下面周圍都係米田共，弱小心靈到而家都仲難以磨滅!

這一款茅�菃琣b2000年去内蒙古試過！不過不用太擔心，因爲下面是挺深的，你不掉下去，沒事。

那�堨i能是太乾燥，下面的東西氣味不太大，只是蒼蠅好多，才覺得要趕快搞掂，逃離現場。

---

作者: hk3dman    時間: 2008-4-22 02:36

約 70 年代尾，
當時小孩的我跟大夥親戚十多人有男有女有小孩上鄉探親 ( 新會 )，
因火車班次問題，離開時不能一日內返港，
有一晚要十多人一起住在一招待所，
那裡設備簡陋得可怕，室內只有帆布床和蚊帳，絕冇任何有關美學上的裝修。

其中最深刻是大夥人入房後，發現鐵皮門竟沒有任何鎖，即是只能掩上，
眾親戚們向負責人查問，答覆是：原來全部房都沒有鎖。
負責人還理直氣壯喝道：「全部自己人 (指：同胞)！怕甚麼？」

大家實在難被說服，其中舅父借來一洗臉盆裝滿水，放在門後，
用意為有人開門的話，門會撞在洗臉盆發出聲響，是個很簡陋之防盜器。

其實當晚大家雖被旅途折磨，但一顆心實在太擔心，根本好多人都睡不好，
果然深夜之際，門果然撞在洗臉盆發出聲響，
眾親戚馬上群起大喝「邊個？」！
門外人馬上速逃，但大家已經無勇氣再睡，
只有個個眼睜睜撐到天亮才離開招待所。

---

作者: 36D    時間: 2008-4-22 17:40

小弟七十年代開始返大陸，每年都係暑假，半夜比老媽子巢醒，著衫。夏天三十幾度，我要著乜野衫呢？陳述如下：两年背心底衫，一件文化底衫，一件白恤衫，一件大两碼白恤衫，一件冷背心，一件工作服，一件校褸，两條三角底褲，两條孖煙筒，一條藍且褲，一條厚戎褲，两對勿，一對功夫鞋
去到火車站排隊，(仲係尖沙咀)死上火車，老媽担两大布袋，我就耍背前後四個枕頭，去到深圳見到解放軍叔叔，個個拿槍凶神惡煞，無啦啦比人捉去種牛痘，個醫生見到我係咁笑，剩係除衫比隻手佢拮針都成個幾字，過海關時仲仆街，待續

---

作者: billy_1    時間: 2008-4-22 21:13     標題: very good.......................

very   good.......................

---

作者: choihung    時間: 2008-4-22 21:36

引用:

原帖由 36D 於 2008-4-22 05:40 PM 發表
小弟七十年代開始返大陸，每年都係暑假，半夜比老媽子巢醒，著衫。夏天三十幾度，我要著乜野衫呢？陳述如下：�峖~背心底衫，一件文化底衫，一件白恤衫，一件大�彖X白恤衫，一件冷背心，一件工作服，一 ...

你沒有中暑也算夠運了

---

作者: 1pointheart    時間: 2008-4-23 10:05

提示: 作者被禁止或刪除 內容自動屏蔽

---

作者: 1pointheart    時間: 2008-4-23 10:06

提示: 作者被禁止或刪除 內容自動屏蔽

---

作者: pashwawa    時間: 2008-4-23 10:33

六十年代的羅湖橋﹐看到文革年代的口號。來往未見太多的人潮。

---

作者: algg    時間: 2008-4-23 13:55

引用:

原帖由 1pointheart 於 2008-4-23 10:06 發表

竟然無人問,包括彩虹.

問咩呀

---

作者: 36D    時間: 2008-4-23 15:47

引用:

原帖由 36D 於 2008-4-22 17:40 發表
小弟七十年代開始返大陸，每年都係暑假，半夜比老媽子巢醒，著衫。夏天三十幾度，我要著乜野衫呢？陳述如下：两年背心底衫，一件文化底衫，一件白恤衫，一件大两碼白恤衫，一件冷背心，一件工作服，一 ...

去到海關，呢樣又唔淮帶，果樣又要打稅，D行李又倒晒出黎，裝番好D行李，老媽子排隊去打稅，打完稅入去排寫介紹書，排到去D解放軍叔叔又係now佬，我地講廣東話，佢地話now話，雞同鴨講。死咁滯先寫完。又要等出介紹書。等到出黎，又雞咁腳去排車票。買完車票就大家在候車室就地寬衣，無論男女老幼，齊齊除衫，上車後又耍争位返到廣州都下午五六點，D親戚已再火車站等候，返到親戚屋企飯都未食就去派出所報戶口，最後返到屋企就分野，原來我所背的四個枕頭，�堶悼�部係晒乾肥豬皮。過幾返香港時著件舊底衫，一條舊且褲，一對爛拖鞋，好似乞兒仔咁

---

作者: 1pointheart    時間: 2008-4-23 18:04

提示: 作者被禁止或刪除 內容自動屏蔽

---

作者: choihung    時間: 2008-4-24 00:23

引用:

原帖由 1pointheart 於 2008-4-23 10:06 AM 發表

竟然無人問,包括彩虹.

Sorry sorry.... missed 1pointheart's 火紅的post....

問題1： 那日後你有沒有困難呢？
問題2： 有的話，有沒有回去找張書記呢？

你講的交流團，有點像民建聯主辦的，因爲有重量級的人物出來招呼 （不過可能你們是VIP,就一定要重量級的人馬出來接待！）

---

作者: choihung    時間: 2008-4-24 00:25

引用:

原帖由 36D 於 2008-4-23 03:47 PM 發表


去到海關，呢樣又唔淮帶，果樣又要打稅，D行李又倒晒出黎，裝番好D行李，老媽子排隊去打稅，打完稅入去排寫介紹書，排到去D解放軍叔叔又係now佬，我地講廣東話，佢地話now話，雞同鴨講。死咁滯先寫完。又要等 ...

“打稅”，久違了的 term !!! 記得小時候大人一聽到這個字眼就頭疼

---

作者: 理魯竇    時間: 2008-4-24 00:27

引用:

原帖由 36D 於 2008-4-23 15:47 發表


去到海關，呢樣又唔淮帶，果樣又要打稅，D行李又倒晒出黎，裝番好D行李，老媽子排隊去打稅，打完稅入去排寫介紹書，排到去D解放軍叔叔又係now佬，我地講廣東話，佢地話now話，雞同鴨講。死咁滯先寫完。又要等 ...

感同身受，歷歷在目。

但我覺得佢地同人種牛痘�黈觸v都唔錯，
十幾個人排單行，
全部打出手瓜，
個疑似護士�鴾H物一路行一路係咁篤篤篤
一陣間就攪掂晒

60 年代我去到廣州，入住近海珠橋一間客棧，
即刻有兩個醫護人員過來，
話國內腦膜炎很嚴重，外來人士要檢疫。
方法就係用條雪條棍同你通櫃，�� d 野去檢驗，
真係慘無人道，
痛不欲生。

---

作者: choihung    時間: 2008-4-24 00:29

引用:

原帖由 1pointheart 於 2008-4-23 10:05 AM 發表

我聽過著四件面衫,十條底衭.

wa, 10 underpants.... 坐硬座長途火車會不會有坐軟座的感覺？

---

作者: choihung    時間: 2008-4-24 00:30

引用:

原帖由 理魯竇 於 2008-4-24 12:27 AM 發表


感同身受，歷歷在目。

但我覺得佢地同人種牛痘�黈觸v都唔錯，
十幾個人排單行，
全部打出手瓜，
個疑似護士�鴾H物一路行一路係咁篤篤篤
一陣間就攪掂晒

60 年代我去到廣州，入住近海珠橋一間客棧， ...

oh dear, 好像入冊。。。

---

作者: choihung    時間: 2008-4-24 09:55

引用:

原帖由 hk3dman 於 2008-4-22 02:36 AM 發表
約 70 年代尾，
當時小孩的我跟大夥親戚十多人有男有女有小孩上鄉探親 ( 新會 )，
因火車班次問題，離開時不能一日內返港，
有一晚要十多人一起住在一招待所，
那裡設備簡陋得可怕，室內只有帆布床和蚊帳，絕 ...

整件案件看來，都是你舅父夠醒目！

國營的賓館不會給你房門key,而房務員手上拿的master keys 會繫在一塊圓形的膠版上，你從外面回來，要進房，你得麻煩房務員給你開門，有點監獄feel!!

---

作者: 1pointheart    時間: 2008-4-24 19:36

提示: 作者被禁止或刪除 內容自動屏蔽

---

作者: choihung    時間: 2008-4-24 20:10

引用:

原帖由 1pointheart 於 2008-4-24 07:36 PM 發表

終於引到你了,1 有,2 有.並不是民建聯主辦的,那時並沒有民建聯,連學聯還在孕育生.

你原先沒有寫明要我們回應嘛！

這�活圻砥赤漸甈y團日後你再有沒有參加呢？還是黃金機會只此一次？

---

作者: 1pointheart    時間: 2008-4-25 05:33

提示: 作者被禁止或刪除 內容自動屏蔽

---

作者: pashwawa    時間: 2008-4-25 09:39

引用:

原帖由 1pointheart 於 2008-4-25 05:33 發表

其實我想講祖國幾十年前己經實行一國兩制la.

中國自古以來都是一國兩制。對有權有勢有錢的人是一個制度﹐對無權無勢無錢的人是另一個制度。

---

作者: 西南風    時間: 2008-4-25 11:05

引用:

原帖由 1pointheart 於 25/4/08 05:33 發表

其實我想講祖國幾十年前己經實行一國兩制la.

唔係'一國兩制'，而係'階級有別'啫。

我在77年之前都是用海員(國際朋友)身份經羅湖往返上海、黄埔、福州港、塘沽等港口。港段由'中旅'安排、內地段則由'外代辨'負責，費用當然是船公司啦。每次過關都用不了45分鐘。

---

作者: KidHung    時間: 2008-4-25 15:32

小時候返到，我的記憶都開始於１９９０之後，仲記得半夜俾父母整醒，
當時我仲係幼稚園學生，起身之後，媽媽幫我換衫，唔使１個鐘，２個紅白藍，出發！
當時住上水，好近羅湖，所以火車的事唔太記得！
最重要過關時，佢地講普通話，我當時都唔知佢講咩，唔識答！
佢地就用半鹹淡廣東話對我說”小朋友你唔講你叫咩名，我地會拉你架喎！”
我當時就嚇到喊！
過關之後，就要搭長途巴，中途仲要落車食飯！一邊坐車，媽媽一邊捉住我隻手，
好似驚我俾人拐左去咁，不過我自己都驚俾人捉左！因為唔識聽人地講咩！

---

作者: 1pointheart    時間: 2008-4-25 16:34

提示: 作者被禁止或刪除 內容自動屏蔽

---

作者: Obi-Shady    時間: 2008-4-25 18:18

提示: 作者被禁止或刪除 內容自動屏蔽

---

作者: 大隻西    時間: 2008-4-25 19:36

八幾年間一個人無無聊聊 在四川閒晃了兩個多月 身處地域與文化不同的環境中 很自然便會看到一些的趣事 怪事 驚險的事 隅有發生在自已身上 待閒下來時也說上些讓大家分享！

---

作者: choihung    時間: 2008-4-25 23:25

引用:

原帖由 大隻西 於 2008-4-25 07:36 PM 發表
八幾年間一個人無無聊聊 在四川閒晃了兩個多月 身處地域與文化不同的環境中 很自然便會看到一些的趣事 怪事 驚險的事 隅有發生在自已身上 待閒下來時也說上些讓大家分享！

兩個多月，確實是不短的時間，洗耳恭聽

---

作者: KidHung    時間: 2008-4-26 13:29

我也想知道喔∼！！！　　　　　　　

---

作者: 大隻西    時間: 2008-4-26 23:54

我在重慶逗留了六七天 其中一天悶極 漫無目的去到嘉陵江邊 沿著江邊瀏覽風景 行得累了 不知走了多久也不知到了怎麼地段 發現了江兩岸連繫著鋼索的交通工具 心想海洋公園的吊車便乘過 國內的也要試試 跟著便買票輪候 這種吊車形狀像一輛十四座段大小 十多廿人要擠站著 當時六七月天並不好受 跟著隆隆兩聲加上震動 吊車便徐徐開動 除了風大吹得有點搖晃也算穩定 各人悠然自得有說有笑 當去到江中心的時候 突然感覺猛烈的急停 吊著的車廂是還有去勢的 馬上弄至前後搖擺 再加上嘉陵江夏季的強風 另載客門有點蕩遷鞦的感覺 女仕們有些在驚叫 而男子漢的也不見得鎮定到那裡去 在驚惶中我便住下拍了一張照 當這樣難受的氣氛過了十多分鐘 車廂又開始移動 直到對岸下了車 各人扭曲的面容才回復正常 笑容再現！

---

作者: m2a2    時間: 2008-4-27 01:24

仲有無其他趣事？兩個月無理由咁少野~~

---

作者: m2a2    時間: 2008-4-27 01:28

引用:

原帖由 1pointheart 於 2008-4-25 05:33 發表

其實我想講祖國幾十年前己經實行一國兩制la.

呢D大家晨早都知啦~~ 不過對唔同階級有唔同制度姐∼~ 呢個世界只有特權階級同普通階級~~
問題1: 困難人人有架啦~~ 唔再問你
問題2: 咩情況下再見張書記？佢情況又點呢？

---

作者: m2a2    時間: 2008-4-27 01:30

引用:

原帖由 choihung 於 2008-4-22 00:04 發表
我在想：如果在現在送一套勞動工人服給國内同胞，會不會給人家說神經病？

第一：你仲可以搵到咩？
第二：我先話你黐線~~

---

作者: choihung    時間: 2008-4-27 01:44

引用:

原帖由 m2a2 於 2008-4-27 01:30 AM 發表

第一：你仲可以搵到咩？
第二：我先話你黐線~~

不用這�洸Z白哦，傷害了我的弱小心靈

---

作者: m2a2    時間: 2008-4-27 02:11

講下笑姐~~ 唔好咁認真啦~~
唉~~ 第二次得罪人啦~~ 睇黎我真係要小心D講野啦~~

---

作者: choihung    時間: 2008-4-27 02:14

引用:

原帖由 m2a2 於 2008-4-27 02:11 AM 發表
講下笑姐~~ 唔好咁認真啦~~
唉~~ 第二次得罪人啦~~ 睇黎我真係要小心D講野啦~~

no problem for me.  When was your first time about offending people?

---

作者: m2a2    時間: 2008-4-27 02:20

引用:

原帖由 choihung 於 2008-4-27 02:14 發表


no problem for me.  When was your first time about offending people?

係《請問有冇油瑭魔鬼山舊相片》條thread裡面....

---

作者: choihung    時間: 2008-4-27 02:21

引用:

原帖由 m2a2 於 2008-4-27 02:20 AM 發表

係《請問有冇油瑭魔鬼山舊相片》條thread裡面....

don't bother about that one.  Most of the people here are open-minded.

---

作者: m2a2    時間: 2008-4-27 02:44

多謝多謝~~ 不過注意語氣也是應該的。
大家上網都係尋開心的嘛~~

---

作者: eke    時間: 2008-4-27 04:42

引用:

原帖由 大隻西 於 2008-4-26 23:54 發表
我在重慶逗留了六七天 其中一天悶極 漫無目的去到嘉陵江邊 沿著江邊瀏覽風景 行得累了 不知走了多中ㄙ儘鴗F怎麼地段 發現了江兩岸連繫著鋼索的交通工具 心想海洋公園的吊車便乘過 國內的也要試試 跟著便買票輪候  ...

嘩... 好鬼刺激!!!  宜家仲有無?

---

作者: 36D    時間: 2008-4-27 09:44

引用:

原帖由 大隻西 於 2008-4-25 19:36 發表
八幾年間一個人無無聊聊 在四川閒晃了兩個多月 身處地域與文化不同的環境中 很自然便會看到一些的趣事 怪事 驚險的事 隅有發生在自已身上 待閒下來時也說上些讓大家分享！

師兄原來也是喜流浪之人，小弟也經常在大陸四處遊走，以後大家分享下丫。

---

作者: 大隻西    時間: 2008-4-27 13:53

引用:

原帖由 36D 於 2008-4-27 09:44 發表



師兄原來也是喜流浪之人，小弟也經常在大陸四處遊走，以後大家分享下丫。

一碌竹兄客氣了 當時國內物價便宜 越偏遠越花費少 也很希望聽聽您的見聞！

---

作者: 大隻西    時間: 2008-4-28 00:56

引用:

原帖由 eke 於 2008-4-27 04:42 發表



嘩... 好鬼刺激!!!  宜家仲有無?

引用:

原帖由 m2a2 於 2008-4-27 01:24 發表
仲有無其他趣事？兩個月無理由咁少野~~

下期預告:跑馬溜溜的山上

---

作者: dorothytiffany    時間: 2008-4-28 11:36

引用:

原帖由 choihung 於 2008-4-27 02:21 發表


don't bother about that one.  Most of the people here are open-minded.

Strongly agree. Take it easy. We're all here for fun and for sharing!

---

作者: 大隻西    時間: 2008-5-1 18:11

初到成都頭幾天無所事事 便去小吃館子找人聊天 得知遠處康定城外的跑馬山 過幾天有節日 但是要翻越一道很高的二郎山 本來要坐公共汽車去 但坐這種車很難拍照 所以便去找運送隊 終於找到了運物資去西藏的車隊 在那隊長面前厚顏的癩著要求跟車 那隊長拿我沒我辦法地說..明早五時半開車 你得早點來。
從早上開了幾小時車到山腳的小鎮雅安才吃飯 匆匆吃完便向山裡開去 每輛滿載的軍卡都努力地往上爬 師機都不作聲 二郎山是一道分隔開四川兩種地形的山 開始兩小時左右向上全是原始森林 到最高點然後下山這邊全是光禿的高原 廿多年前國內物資缺乏 下行的車要關了車溜下山 只聽到風聲和車輪壓碎石子聲音。

跟運送隊去有兩點好處 一是容易拍照 二是不需收費 因為這是國家管理的 車隊為安全問題沒安排我坐第一輛  為了要在天黑前趕到補給站 所以開始下山時便要加快行程 下山後第一站瀘定我便下車 車子停在路旁 隊長便向路邊園子�堛澈峇漸s喊 有一穿藍色衣的大媽出來接了我進屋 剛放下包袱便要跟大媽到市集買菜給她準備晚飯。
次日的中大媽安排下坐一輛吉普車去康定 逗留了一夜早上便要爬上跑馬山 其間很多人一起上山 很多騎馬上山的都不成 馬匹翻倒了人便要拉著馬上。
來到半山是一處不算平笪的平地 這就是康定情歌�堛熄]馬溜溜的山 在這裡很快便跟一些藏族人熟落了 其中一人從馬背上跳下來問我..兄弟要試試麼 我說..好 當我走到馬的後面時 這匹馬突然後腿一踢 馬蹄擦到褲管旁 差點就被廢了 這廝跟著又被主人連鞘的劍懲罰了一記 算了 上馬了 馬主喝著拍了一吓 四條腿便向前慢行 不知是我不懂操控還是這東西根本不裡我 偏離指示前進 接著還碎步的走進另一堆馬中 跟著這些馬一字排開 每匹馬上還有人拿著韁繩 再向前望一眼 頓時才回魂過來 前面是賽道的起點 這隻衰馬想怎樣？環境很不對頭 我連隨誇大動作向旁邊示意 才被其他人拉離 剛好踏下地旁邊的騎士已絕塵而去 還要去找那馬主領回這害人精 累我拍不到賽馬場面！

---

作者: choihung    時間: 2008-5-1 18:16

好精彩！！仲有無？？好想知多d...

---

作者: 大隻西    時間: 2008-5-1 18:21

引用:

原帖由 choihung 於 2008-5-1 18:16 發表
好精彩！！仲有無？？好想知多d...

有！想起了一件趣事

    下回:人體展覽

---

作者: KidHung    時間: 2008-5-1 18:22

我都好想知多ｄ耶∼！！！　　　　　　

---

作者: pashwawa    時間: 2008-5-1 18:26

引用:

原帖由 大隻西 於 2008-5-1 18:11 發表
初到成都頭幾天無所事事 便去小吃館子找人聊天 得知遠處康定城外的跑馬山 過幾天有節日 但是要翻越一道很高的二郎山 本來要坐公共汽車去 但坐這種車很難拍照 所以便去找運送隊 終於找到了運物資去西藏的車隊 在那 ...

條山路相當嚇人﹐最怕塌方﹐山泥傾瀉等﹐膽量小點也不行。
當年又唔流行旅行保險﹐真係要年少氣盛搭夠。

[ 本帖最後由 pashwawa 於 2008-5-1 18:32 編輯 ]

---

作者: 大隻西    時間: 2008-5-1 18:57

引用:

原帖由 pashwawa 於 2008-5-1 18:26 發表



條山路相當嚇人﹐最怕塌方﹐山泥傾瀉等﹐膽量小點也不行。
當年又唔流行旅行保險﹐真係要年少氣盛搭夠。

不會太危險 車尾吊著很多鐵鍊 如果條路漬雪 用鍊纏著車輪就不會跣呔！

---

作者: szejackie    時間: 2008-5-3 11:07

70年代初.我曾經返大陸.果陣時我亞媽帶我返去探親戚
我亞爺本來約好左時間,叫d親屬幾時上廣州相見,點知佢地要收割,遲左成個星期,我亞爺因為是美國籍關係.當時外籍人士回祖國,需要到中旅社申請,再等批准,然後要指定住大賓館,我兩母子便代爺上廣州,本來已經安排好,佢地3人上黎,我地已經打左電報上廣州朋友,每人比300文人民幣,再買船飛比佢地返家鄉.當時幹部都得36文人工,900文夠佢地使2年,但好似過意唔去,因此我至上去
提著大堆餅乾.衣服,上左火車,經過千辛萬苦,到左朋友屋企,d親戚不久亦上左黎,我亞媽便把所有禮品送上,然後解釋亞爺黎唔到原因.點知親戚開心第一句問,點解冇3寶(單車,衣車,收音機)
嘩,我當時雖然細,但好奇怪,點解開口唔係問好,第一句就咁現實,佢地話如果冇3寶囉返去會比人笑.單車我冇.衣車我家中亦冇,收音機我屋企部都好舊,點解佢地要果d野呢,我見到果幾位唔似親戚,好似幾隻獅子,而且都齊張開大口,由果陣時開始,我對大陸親戚都好抗拒

[ 本帖最後由 szejackie 於 2008-5-3 11:10 編輯 ]

---

作者: hk3dman    時間: 2008-5-3 12:58     標題: 回復 #81 大隻西 的帖子

好正的旅行呀！好像好驚險！

好有一種冒險的感覺！介意我問當時閣下多大？

現在的人好像都沒有了這份遨遊的氣蓋。

---

作者: devilfoureye    時間: 2008-5-3 17:14

70年代,很多老人家.婆仔用擔挑.大布袋裝行理過關.現在每個人都是手拉行理車

---

作者: 大隻西    時間: 2008-5-3 18:52

引用:

原帖由 hk3dman 於 2008-5-3 12:58 發表
好正的旅行呀！好像好驚險！

好有一種冒險的感覺！介意我問當時閣下多大？

現在的人好像都沒有了這份遨遊的氣蓋。

二十多歲 那時如果有錢就不會去這些地方 在香港享樂。

---

作者: 大隻西    時間: 2008-5-3 19:08

在成都的日子�� 認識了日本人.竜田知憲. 曾在國內留學一年 略懂漢文 返回日本當過作家 剛來四川找同學 我與他在成都同是遊手好閒的人 自然就成了朋友 常結伴到處去 我去了高原自治區個多星期 因持有外國証件的都不准許前往邊陲地區 我只好獨自去  然後返成都再找回他。
某日 跟竜田相約好吃中午飯 他想試試地道著名的.夫妻肺片及毛肚火鍋. 但這些東西在日間想吃到得要費點神去找 兩人便在鬧市中邊行邊看著 希望如願一嘗名菜。
正在尋找美食的途中 我見到一所有圍牆的平房式建築物 大門口的兩旁鐵閘全開 門外棟著一抽屜門大小的牌 牌上四個紅色大字寫上【人體展覽】之外並沒其它旁釋的字句 閘門內亦有一售票的小亭 剎那間的確耐人尋味 雖然如此 也沒有裡會它 繼續著尋吃的路途 走了十來步 猛然發覺竜田不知去向 回頭望了一會 才見這老友從那裡的門口轉出來 拿著兩張票子舉高招手作狀示意 口裡大聲嚷著..過支..過支..[即日語.這邊.] 心想當時國內的開放程度 會色情得到那裡去 既然有人買了票 好！！我就看你什麼的葫蘆。
入口部份不能直接看到展場內 要經L 形的通道進入 竜田先生開始有點緊張了 見他深呼吸了一口 進場第一眼看見的 是籃球場大小的地方 非常昏暗 只有幾個人在觀看 沒有一顆照明的燈 光線是從一座座柱狀的玻璃缸�媯o出來的 玻璃缸有圓形的 有方形的 長方形的 射燈從上照下 每個缸內都放著不同切割死人 有男有女 也有嬰孩 胎兒 更有孕婦 全部用液體浸著 有橫切的 有開邊的 也有把頭顱薄切開多片 有孕婦連肚內嬰兒開中 子彈射過人體的軌道.....不再說下去了 還有張泡在水裡的整塊人皮！
就這樣地折煞了幾分鐘 竜田第一個吃不消 我也頭昏轉向的 馬上便離開那鬼地方走出大門 你眼望我眼 還那裡來胃口食肺片毛肚 剛才都看飽了！
回想起這些 只可以擺放在研究室或學院等地方 給那些有關的人作參看才對 在人流的鬧市收費展覽沒一點好處 只能夠給普通的市民帶來惡心及驚嚇。

---

作者: choihung    時間: 2008-5-3 20:30

引用:

原帖由 大隻西 於 2008-5-3 07:08 PM 發表
在成都的日子�� 認識了日本人.�吤衁噢�. 曾在國內留學一年 略懂漢文 返回日本當過作家 剛來四川找同學 我與他在成都同是遊手好閒的人 自然就成了朋友 常結伴到處去 我去了高原自治區個多星期 因持有外國証件 ...

怖ろゲギザエ！！！

這�洫ㄘヾA想起都會造惡夢！！

---

作者: choihung    時間: 2008-5-3 20:34

引用:

原帖由 szejackie 於 2008-5-3 11:07 AM 發表
70年代初.我曾經返大陸.果陣時我亞媽帶我返去探親戚
我亞爺本來約好左時間,叫d親屬幾時上廣州相見,點知佢地要收割,遲左成個星期,我亞爺因為是美國籍關係.當時外籍人士回祖國,需要到中旅社申請,再等批准,然後要指 ...

國内親戚只懂要求，只能怪社會主義制度初實行時，一切未如理想，搞得物質缺乏，人性的貪念就更加暴露無遺了。

---

作者: hk3dman    時間: 2008-5-4 00:55     標題: 回復 #91 大隻西 的帖子

【人體展覽】看來不是騙人喎，絕對是貨真價實呢！

不過如此恐怖展覽，門外竟沒注釋？！睇怕唔少人盲舂舂入左去.....( 以為有野睇~ )

---

作者: m2a2    時間: 2008-5-4 14:08

引用:

原帖由 hk3dman 於 2008-5-4 00:55 發表
【人體展覽】看來不是騙人喎，絕對是貨真價實呢！

不過如此恐怖展覽，門外竟沒注釋？！睇怕唔少人盲舂舂入左去.....( 以為有野睇~ )

寫明就唔會有普通人入去啦~~ 真係貪得意咩~~

---

作者: KidHung    時間: 2008-5-7 19:40

人體展覽．．．真係好恐怖呀！！！

---

作者: 大隻西    時間: 2008-5-7 22:07

引用:

原帖由 KidHung 於 2008-5-7 19:40 發表
人體展覽．．．真係好恐怖呀！！！

昨天上網看見成都現在也有類似展覽 從圖片看大都是塑化了的屍體 沒有以前那個較為原始活生生的展覽真實可怖！

---

作者: soccerlau    時間: 2008-5-25 03:55

火機都要打稅??唔係掛?

---

作者: hollywoodground    時間: 2008-5-25 15:34

引用:

原帖由 大隻西 於 2008-5-7 22:07 發表

昨天上網看見成都現在也有類似展覽 從圖片看大都是塑化了的屍體 沒有以前那個較為原始活生生的展覽真實可怖！

約1,2 年前這些中國塑化屍体在此地 (San Francisco) 展出過，仲吹噓是全球獨步之工藝。但隨即被一些人權團体質疑，他們的觀點是，無人認領的 bodies, 未經死者授權，你冇權用來展覽，就算死者或家屬授權將 bodies 作研究之用後，為了respect 死者，也不能將之用來展覽收錢, 展會卒之腰斬。個人覺得反對團体言之成理，文明社會合該如此。

---

作者: pashwawa    時間: 2008-5-29 08:29

1972年的糧票。

---

歡迎光臨 香港 Xocat Forum 討論區 (http://p.xocat.com/p/)

Powered by Discuz! 6.0.0