香港 Xocat Forum 討論區 - Powered by Discuz! Board

標題: 一命二運三風水 [打印本頁]

作者: bbsa1014 時間: 2006-8-19 11:00 標題: 一命二運三風水

各位弟兄姊妹們：
你們相信命運嗎？我就非常之相信，因本人曾在失意之時走去問盲公起掛，非常之準確，曾在那時非常之沈迷，但是人生總有高低的，所以這叫命運，出世之時已是注定的，所以本人在購買新居之時，都去問盲公的這樓花可不可以買，本人相信盲人之言話，這樓花２００２年很好你不買你想住在什麼，於是本人真的購買了這屋，但到現在本人之屋不見得很好風水，而本人隔離屋苑升了不知多少錢了，但本人如果信自已的話就不用今天沒有購買隔離座的屋苑，今天就發達了．哈哈哈！
所以奉勸各位人兄不要迷信，做人一定要信自已．

作者: pilot 時間: 2006-8-20 22:27

一命二運三風水四積陰德五讀書,
隨著年紀越大,感覺世事越來越難明白,
係唔係命運最重要?或者讀書先重要?
想唔通睇唔透...
我諗...唔好害人,對別人善心點,有能力的話,做下善事,
其他野..隨遇而安

作者: waleson 時間: 2006-8-24 18:08

我一生幾十歲人，個個算命師(7、8個)都話我條命冇セ野，幾好咁。
等我以為可以平平淡淡過(好安心)，點知97後老公婚外情，仲要同個女人生左個仔，自殺過1次，想自殺過無數次，痛苦到無法形容，為左對仔女要隻眼開隻眼閉，唔想仔女冇老豆，驚影響心智，我是過來人我知影響好大。
冇人就惟有要$，點知老公D生意少上加少，欠落一身責，到現在面臨破產已經第3次，都唔知過唔過到，唉！唉！唉！

但我知有好多人97後差過我好多好多，所以我唔知信唔信好！

作者: busman 時間: 2006-8-24 20:57

一命二運三風水四積陰德五讀書, 我覺得一半半, 因為如果無運, 讀書更多都無用, 有運不讀書也是不行, 但有運而且讀書多, 則事半功倍.
我覺得每人每事都像有個Quota, 暫時失意不代表一世失敗, 行運亦要居安思危, 早作預備

作者: phi+仔 時間: 2006-8-25 17:42

引用:

原帖由 waleson 於 2006-8-24 10:08 AM 發表
我一生幾十歲人，個個算命師(7、8個)都話我條命冇セ野，幾好咁。
等我以為可以平平淡淡過(好安心)，點知97後老公婚外情，仲要同個女人生左個仔，自殺過1次，想自殺過無數次，痛苦到無法形容，為左對仔女要隻眼開 ...

信命又要做, 唔信命又要做, 所以最好信"明天會更好", 至少而家開心d, 賺硬.

作者: Elba 時間: 2006-8-26 06:59

一命二運三風水
四積陰德五讀書
六名七相八敬神
九交貴人十養生
十一擇業與擇偶
十二趨吉及避兇
十三逢苦要無怨
十四不固執善惡
十五榮光因緣來

作者: three3x3 時間: 2006-8-31 18:37

原來由一到十五...真係唔知...thanks

作者: oldkent 時間: 2006-8-31 21:54

我學過吓八字，反而越來越信人生是有大致軌跡。

作者: oldkent 時間: 2006-8-31 21:54

引用:

原帖由 Elba 於 2006-8-26 06:59 AM 發表
一命二運三風水
四積陰德五讀書
六名七相八敬神
九交貴人十養生
十一擇業與擇偶
十二趨吉及避兇
十三逢苦要無怨
十四不固執善惡
十五榮光因緣來

You enrich my knowledge. Thanks

作者: oldkent 時間: 2006-8-31 21:59

引用:

原帖由 waleson 於 2006-8-24 06:08 PM 發表
我一生幾十歲人，個個算命師(7、8個)都話我條命冇セ野，幾好咁。
等我以為可以平平淡淡過(好安心)，點知97後老公婚外情，仲要同個女人生左個仔，自殺過1次，想自殺過無數次，痛苦到無法形容，為左對仔女要隻眼開 ...

點解妳性別係男？
妳絕對要靠自己，也要靠宗教信仰來強化思想。欲知前世因，今生受者是。欲知來世果，今生作者是。妳當還債俾佢，個心會好過好多。

作者: pilot 時間: 2006-9-1 12:01

係網上世界,無分男女!

歡迎光臨香港 Xocat Forum 討論區 (http://p.xocat.com/p/)