香港 Xocat Forum 討論區 - Powered by Discuz! Board

標題: 譚耀宗止蝕狂踩煲呔曾 [打印本頁]

作者: 資深大漢奸 時間: 2008-5-29 12:04 標題: 譚耀宗止蝕狂踩煲呔曾

譚耀宗止蝕狂踩煲呔曾
29/05/2008

副局長雙重國籍風波愈鬧愈大，據悉出身民建聯  候任商務及經濟發展局副局長蘇錦樑，今日會宣布放棄加拿大護照，變相向民主派繳械投降。不過，縱使蘇錦樑讓步，事件已經引起負面影響，  呢場副局長政治分餅仔遊戲中，民建聯由「大贏家」，變成隨時偷雞唔到蝕把米，尋日終於要出招止蝕，主席譚耀宗突然出  踩煲呔曾一腳，指件事搞到咁  地步，係政府政治敏感度不足，擺明想將事件  責任，全部推莊畀政府。

據悉，  八個副局長中，除  蘇錦樑，  自港大醫學院  梁卓偉都持有外國護照。我  尋日就雙重國籍問題，聯絡過佢  八個人，蘇錦樑、梁卓偉、梁鳳儀、潘潔同譚志源全部無回覆，許曉暉放  假，邱誠武唔  香港，陳維安透過特首辦回覆，國籍屬個人私隱，不作評論。八個副局長做晒鴕鳥，不過唔避得好耐，就連工聯會王國興都批評，指從政同外國護照，係魚與熊掌，要求副局長二揀其一。

據悉，蘇錦樑今日會單身匹馬，行出  宣布放棄加籍，了結事件。至於候任運輸及房屋局副局長邱誠武，據聞係清白無辜，無持有外國護照。

其實，副局長持有雙重國籍，本非政治重罪，當年起草《基本法》，只係規定主要官員不可擁有外國國籍，諗住蒙混過關，點知呢個埋下廿幾年  地雷，由蘇錦樑誤觸引爆，蘇錦樑除  嘆句黑仔，應該要搵煲呔曾算帳，因為特區政府搞到一鑊泡，令事件變成一場政治公關災難。

譚耀宗尋日就呢次政治風波，率先同特區政府劃清界線，批評政治敏感度不足，覺得政府對事件評估唔準確：「成件事  問題，係政府一路唔覺得呢樣  （副局長持有外國護照）有問題。」言下之意，即係為蘇錦樑辯護，罪魁禍首係特區政府。

田少亦加入戰團
自由黨主席田北俊亦加入戰團，指特區政府政治敏感度不足，仲鬧政府當初話《基本法》無規定，所以副局長毋須放棄外國護照，真係大錯特錯，副局長聽到政府咁講，本來想放棄外國護照，都變成舉棋不定啦。兩個親中政黨黨魁口徑咁一致，煲呔曾呢鋪應該死得心服口服。

民主派無端端得到政府送彈藥，食得唔好  ，尋日  人事編制委員會繼續發炮，政府安排  六月十六日政制事務委員會解畫，到時睇  「林 D9 」林瑞麟點拆招喇。

作者: 八皇爺 時間: 2008-5-29 12:09

忠誠的問題不可只針對一位副局長，而是所有的公務員。

將效忠外國政府的公務員全部革職！

作者: FXO 時間: 2008-5-29 12:23

使唔使將子女有外國國籍既高幹全部革呢?

作者: COO 時間: 2008-5-29 12:23

引用:

原帖由 八皇爺 於 2008-5-29 12:09 發表
忠誠的問題不可只針對一位副局長，而是所有的公務員。

將效忠外國政府的公務員全部革職！

咁講不如玩大 d：

所有持香港居留權既人士，均不可效忠外國政府！

希望冇人話我 short 啦

作者: COO 時間: 2008-5-29 12:32

引用:

原帖由 資深大漢奸 於 2008-5-29 12:04 發表
譚耀宗止蝕狂踩煲呔曾
29/05/2008

副局長雙重國籍風波愈鬧愈大，據悉出身民建聯候任商務及經濟發展局副局長蘇錦樑，今日會宣布放棄加拿大護照 ...

譚耀宗就多 9 魚，將自民黨員既問題賴俾政府，想沖淡自己一女待二夫既污點！政府衹不過係引爆左民建聯既內部愛國問題！黨副主席都可以有外國護照，下面 d members照樣學樣啦！

民建聯應該少說話，多做事！先去清理門戶，清查所有 members，有彈就拆彈，以實際行動向中央誓死效忠！

致於田大少，都係因為 Label 既legislation 問題肥佬，怪政府放軟手腳，所以成機幫拖發難，當幫民建聯時，又可以幫自己黨出氣，向政府示威。有賺架！

作者: auriga00 時間: 2008-5-30 11:52

民建聯今次都幾抵死，當初仲高高興興諗住撈到油水，點知因一單咁野而踢爆原來堂堂一個「愛國更愛黨」既政黨，其中個副主席居然係揸住加國護照，第二時可以返去呢個「祖國」退休攞福利嘆世界，咁你地班友其實究竟係愛國、愛黨、定係搵黨著數，搵夠就走佬返第二頭「老家」長嘆？

所以唔怪得譚耀宗即刻擺曾特首上檯，企圖轉移視線

[ 本帖最後由 auriga00 於 2008-5-30 12:24 編輯 ]

作者: 飛鳥 時間: 2008-5-30 12:00

引用:

原帖由 COO 於 2008-5-29 12:23 發表

咁講不如玩大 d：

所有持香港居留權既人士，均不可效忠外國政府！

希望冇人話我 short 啦

泛民在香港搞政治運動，查三代，有問題就要押上台批鬥。

作者: kenny01 時間: 2008-5-30 12:07

好彩重有人明白發生緊乜野事

佢地創會主席話:[係d無聊人響度說三道四0者], 即係佢覺得係無問題既, 佢係創黨主席, 又即係代表民建聯覺得無問題.

可能因為主席太太本身都有加拿大國籍, 所以曾生覺得愛加拿大亦可以愛中國, 效忠兩邊唔係問題啦??

[ 本帖最後由 kenny01 於 2008-5-30 13:16 編輯 ]

作者: kenny01 時間: 2008-5-30 12:11

係ao一路都係要查啦, 以何況做局長??

新華社中聯辦唔起底???

更何況而家唔係查三代, 係講緊一人做事一人當呀!!

成日掛住大陸果套"成份唔好"

[ 本帖最後由 kenny01 於 2008-5-30 12:25 編輯 ]

作者: auriga00 時間: 2008-5-30 12:35

引用:

原帖由 COO 於 2008-5-29 12:32 發表

致於田大少，都係因為 Label 既legislation 問題肥佬，怪政府放軟手腳，所以成機幫拖發難，當幫民建聯時，又可以幫自己黨出氣，向政府示威。有賺架！

田少都係見風駛帆，難得有個話題係同一陣線上既其他所有人（特首及另一保皇黨），當然要伸一腳。一來唔好俾個話題停，二來亦提醒中央呢單野冇佢地自由黨份：即係三個仔之中佢先係最乖架！

作者: 熊魔鬼. 時間: 2008-5-30 12:48

引用:

原帖由 auriga00 於 2008-5-30 11:52 發表
民建聯今次都幾抵死，當初仲高高興興諗住撈到油水，點知因一單咁野而踢爆原來堂堂一個「愛國更愛黨」既政黨，其中個副主席居然係揸住加國護照，第二時可以返去呢個「祖國」退休攞福利嘆世界，咁你地班友其實究竟係愛國、愛黨、定係搵黨著數，搵夠就走佬返第二頭「老家」長嘆？

所以唔怪得譚耀宗即刻擺曾特首上檯，企圖轉移視線

...

件事攤左幾日,
睇清楚外界反應至決定點行,
仲算即刻??
唔算咯!

作者: 熊魔鬼. 時間: 2008-5-30 12:49

引用:

原帖由 kenny01 於 2008-5-30 12:07 發表
好彩重有人明白發生緊乜野事

佢地創會主席既佢話:, 即係佢覺得係無問題既, 佢係創黨主席, 又即係代表民建聯覺得無問題.

可能因為主席太太本身都有加拿大國籍, 所以曾生覺得愛加拿大亦可以愛中國, ...

個發瘟創會主席聲都唔敢聲

作者: 飛毛腿 時間: 2008-5-30 13:37

台灣綠營插馬英九有綠卡, 謝長廷話有綠卡是狗 !
跟手就話馬英九兩個女都有陸卡, 話唔定入埋美國籍添
那邊廂藍營就還擊謝長廷個老母葬喺美國, 寧做美國鬼

港產綠營學足佢地台灣師傅
人地老婆做加拿大人都要清算

作者: 港奸剋星 時間: 2008-5-30 21:08

引用:

原帖由 auriga00 於 2008-5-30 04:35 發表

田少都係見風駛帆，難得有個話題係同一陣線上既其他所有人（特首及另一保皇黨），當然要伸一腳。一來唔好俾個話題停，二來亦提醒中央呢單野冇佢地自由黨份：即係三個仔之中佢先係最乖架！

依家選擇臨近
田少當然唔見幫「政府」喇
佢近日係隧道門口大賣廣告
表示必勝喎
依家「政府」應該盡量少一事
等九月過後再拆招好過

作者: auriga00 時間: 2008-5-31 02:08

引用:

原帖由 港奸剋星 於 2008-5-30 21:08 發表

依家選擇臨近
田少當然唔見幫「政府」喇
佢近日係隧道門口大賣廣告
表示必勝喎
依家「政府」應該盡量少一事
等九月過後再拆招好過

只可惜呢單野捱唔到九月，六月中就要交代

歡迎光臨香港 Xocat Forum 討論區 (http://p.xocat.com/p/)