香港 Xocat Forum 討論區 - Powered by Discuz! Board

標題: 又有新港女...一個勁過一個 [打印本頁]

作者: runaway 時間: 2008-6-2 22:22 標題: 又有新港女...一個勁過一個

呢單野好似仲未爆出來, 不過都幾港女, 起碼openrice都有成三百幾人插呢件極品...

做生意真係一門超高深學問！尤其是做飲食，餐\廳！個人講，都有唔少不愉快經歷！上次「寧記」事件記憶猶新！今次去一間一年前去過日本餐\廳食週年+兩個月晚飯（遲慶祝啦！）竟然都俾我遇到一個不愉快經歷！而呢間餐\廳就係唔識得呢一門做生意學問「一門」！

去之前原本諗住就算冇一個超開心經歷都唔會有一個太唔開心經歷…因為食物我食過都覺得幾正先會一年後再光顧！一年光顧一次雖然唔屬於熟客但都係客人！

訂時，我好大意咁訂張「求其」！
佢\話「八點半鐘交有冇問題？」
我話「冇！」
其實已經係問題！原本諗住如果叫支酒飲住應該唔會有人趕我走！點知…因為冇時間諗太多…結果…去到現場時候就得到「求其」待遇！

到場時原本都覺得ok！因為經理有禮帶我去張坐低！我坐低後…想轉…因為坐太近吧好油煙…唔舒服！結果經理同我轉！佢\強調八點半要交，因為有個20人 party訂！當時都覺得幾奇怪，因為個20人party係訂一個坐10人VIP房+外面黐住間房兩張，而成個位係長型，咁佢\點傾計呢？不如分開兩日約啦！而我就坐VIP房黐住門口張（即其中一張外面啦！又即係中間位置張啦！大家有唔明可以個別問我個位置圖！）我都係諗「我唔走你吹得我漲咩？最憎俾人趕走！」

last order第一次！
食到八點唔到，侍應第一次過叫last order，我奇怪問「噤快？」侍應話「因為有食物要做幾個字，所以要早少少落…」結果我都有叫，八點鬆到，我慢慢食！因為我支酒都未飲完，冇理由因為人話last order我就倒晒支酒落肚咖！唔先？

last order第二次！
剛剛叫個菜都未食完又有侍應走過問last order仲有冇叫！我又order個支豆酒！其實唔係想為難佢\，只係我都想飲埋支酒！其實食緊同時，VIP房20人party有幾個人已經到，佢\入房，聽到侍應同佢\訂位都應該幾熟，因為係叫客人名字而唔係姓。本來都冇特別八卦係咩人，但係我又真係太近，佢\一路都有人，結果我唔小心就見到原來係徐濠瑩梁漢文劉浩龍等人…

last order第三次！
食緊支豆同時，侍應又過問仲有冇叫！last order第三次！我就話睇先！結果我都冇叫其他…但係支酒仲未飲晒，支豆又未食晒，所以我繼續坐。

人客到第一次！
過交時間，又冇再叫，當然就係「小姐麻煩埋埋張單先啦！」埋單之後我仲未飲完支酒！大佬！有計傾就一定傾住傾住咖啦！真係唔會因為埋單就將支酒倒落個肚度咖嗎！都係呢句啦！隔一陣，有個侍應埋就「唔好意思呀！個客到」跟著我只係講句「哦好啦！我飲埋走呀！」佢\就九十度鞠躬噤講「唔好意思」講真！我唔係想留難佢\，只係我真係未飲完！跟著就因為咁搞到我又多話題傾落去！你越叫我走我咪越多討論囉！真係會咖嗎！就呢個話題我都會發表大家意見啦！又點可能早走到呢？留意返當時阿大客間房已經爆咖啦！侍應就係咁眼超超我同埋同同事講「lai囉！」

人客到第二次！
隔一陣，阿經理走過同我講「客人到啦！或者我俾個吧位你過去慢慢飲啦」我即刻答「我真係淨返好少咖咋！可唔可以飲埋走呢？」佢\俾一個好為難扁嘴反應我就行開啦！因為咁我又再討論呢個話題！洗唔洗咁先？趕人走到咁？講真！你都要負責啦！張係你俾我，你明知有明星客你都俾我？係咪真係怪你「經驗淺」俾我個樣呃到先？既然你俾得張我你自己就要負責啦！我唔走唔關我事咖嗎！係你自己一相情願以為我會走！

人客到第三次！
真係嬲！因為我原本唔係傾呢個話題！只係佢\ 隔十五分鐘過一次先會搞到我繼續傾落去！如果你唔係狂走過趨我可能我早半個鐘走啦！跟著又係之前條侍應過九十度鞠躬話「唔好意思…個客到啦！」大佬呀！我都有眼睇咖！鬼唔知你個客到咩！我就繼續話「哦好呀！我飲埋走咖啦！」之後佢\侍應行過都狂啤我！喂大佬！我真係未飲完嗎！點解要我就你先？你越趨我我就越唔走！究竟佢\有冇諗過咖？

呢件事件入面我可以結論呢個所謂服務性行業真係有待改進！
第一：
作為一個經理，你明知個20人party係明星你會唔會噤輕易放張俾一個唔係熟客呢？如果我係狗仔隊咁點算？你又點知我會識咩人呢？真係可以諗噤少？
第二：
放得張俾人你就已經take一個risk咖啦！你真係噤天真信一個叫一支酒客？你都唔知我會唔會興起叫多支咖喎！
第三：
當你真係要唔得失你客都可以有好多種做法咖！例如你可以堅持唔轉俾我但可以用另一個方法安撫我咖！請我食都解決到啦！到噤不幸你轉俾我而我又唔想走就唔係我責任啦嗎！你作為經理係要負責解決呢件事情，唔去得失任何一方先咖！你見到人係明星你就去先服侍人呢個諗法係最錯！你唔識我你又唔知我係乜水唔代表我係普通市民！我可以係你老細個朋友咖！

最後，我飲完走，行出去時阿經理講「多謝晒唐小姐」我心諗「唔洗啦！下次都唔會再幫襯！」我都相信佢\會black list我咖啦！不過冇所謂！因為係我決定black list佢\先囉！嘩哈哈哈哈哈哈哈哈！

總結就係：做生意係一門好高深學問！勸各位有志投身做生意，尤其係飲食業真係要諗清楚！因為為短線投資真係會得失好多客咖！
是次消費: 每人約HKD$650

原文post在下面...

http://www.openrice.com/restaura ... m?commentid=1876143

作者: YYzzoo 時間: 2008-6-2 22:42

做生意係一門好高深學問,
但做人既學問重要高很多,
正所謂有錢不等於是大晒.

作者: saltiwet 時間: 2008-6-3 06:45

訂的時候講好要8:30交檯, 唔滿意可以唔接受. "它"的做法豈不是惡霸行為嗎, 存心玩人都重理直氣壯話人地處理不當, "它"真是一絕.

作者: runaway 時間: 2008-6-3 09:27

在openrice都比幾百人勁鬧完當冇事,仲可以回應係全部人偏幫間餐廳,呢條女果然有取死之道...

作者: dizzc 時間: 2008-6-3 09:42

引用:

原帖由 runaway 於 2008-6-3 09:27 發表
在openrice都比幾百人勁鬧完當冇事,仲可以回應係全部人偏幫間餐廳,呢條女果然有取死之道...

呢d咪係港女籮, 別人都是不對的, 自己就做咩都係最正確, 快d搵人起佢底就知驚了

作者: ngtungsee 時間: 2008-6-3 10:56

呢條女洗銅錢夾大聲,自己唔著仲嘈嘈閉.正一係賤精...

作者: 熙官 時間: 2008-6-3 11:19

提示: 作者被禁止或刪除內容自動屏蔽

作者: saltiwet 時間: 2008-6-3 11:35

引用:

原帖由熙官於 2008-6-3 11:19 發表
好似比人起左啦....

唐凱倫

有冇相睇呢? 同唐英年有冇關架?

作者: 秋兒 時間: 2008-6-3 14:17

唐小姐, 比心機d啦, 你遲d同美心港女, and飛機Gucci港女有得"揮"㗎嘞, 呀仲有一句, "有錢大x哂"呀, 我係女人都要插你, 影衰hk女人.

作者: 秋兒 時間: 2008-6-4 17:09

引用:

原帖由 saltiwet 於 2008-6-3 11:35 發表

有冇相睇呢? 同唐英年有冇關架?

我都想睇.

作者: FXO 時間: 2008-6-5 09:55

引用:

原帖由 saltiwet 於 2008-6-3 11:35 發表

有冇相睇呢? 同唐英年有冇關架?

同唐寅有關係啩.

作者: COO 時間: 2008-6-5 16:24

引用:

原帖由 saltiwet 於 2008-6-3 11:35 發表

有冇相睇呢? 同唐英年有冇關架?

同塘邊鶴有關系既機會多 d。

作者: COO 時間: 2008-6-5 16:26

引用:

原帖由秋兒於 2008-6-3 14:17 發表
唐小姐, 比心機d啦, 你遲d同美心港女, and飛機Gucci港女有得"揮"㗎嘞, 呀仲有一句, "有錢大x哂"呀, 我係女人都要插你, 影衰hk女人.

講得好，一於用假狗快快插飽佢，唔駛成日阻住大家時間！

作者: kennnn 時間: 2008-6-5 19:37

呢個世界乜人都有，呢類人係多一個都嫌多，最好 send 佢去四川挨下

作者: Kay 時間: 2008-6-5 20:56

She is just an axxhole.

Haha~ seems like someone already post her photo up.

&click=1

作者: saltiwet 時間: 2008-6-5 21:12

引用:

原帖由 Kay 於 2008-6-5 20:56 發表
She is just an axxhole.

Haha~ seems like someone already post her photo up.

&click=1

好似泥公仔卡通人物.(chicken run

作者: runaway 時間: 2008-6-5 23:52

噢, 你既意思係4眼雞丁...佢邊有咁得意...

作者: saltiwet 時間: 2008-6-6 20:55

似 chicken run 裡的阿婆

作者: 全軍盡 時間: 2008-6-7 17:08 標題: FW 當港女遇到上帝

提示: 作者被禁止或刪除內容自動屏蔽

作者: 大魔神 時間: 2008-6-8 04:19

引用:

原帖由 全軍盡 於 2008-6-7 17:08 發表
一日，獨立自信的港女越過沙漠和曠野，來到上帝面前，問：「主啊！甚麼是『愛』？」

作嬉皮士打扮的上帝，輕吐出含有大麻的煙圈說：「愛，就是LOVE。」

港女又問：「LOVE 是甚麼？」

上帝說：「LOVE 就是 ...

係咪 08 金句?

作者: KidHung 時間: 2008-6-8 13:43

條港女都算得架啦！　　　

歡迎光臨香港 Xocat Forum 討論區 (http://p.xocat.com/p/)