香港 Xocat Forum 討論區 - Powered by Discuz! Board

標題: 我老闆 [打印本頁]

作者: 無神論狂徒 時間: 2008-6-5 10:21 標題: 我老闆

佢係個女人。
我哋每個星期都要開一次中層管理會議。早排開會其中一個議程係因為公司出現鼠患，同事輪流病，雖然唔係死人果集病，但係都病得很凶。我地要求加裝設備，以改進健康環境。
呢次會整個中層會議由上午開到四點半，中間沒有食飯。而呢個議程係在四點鐘傾到。你估我老闆講乜嗱～～
佢話要健康，要作息定時。我唔知係咪你地休息不足，要早睡．．．。

果日我地一路沒有食午飯到四點半開完會，出去食飯，五點半才食完飯。
而呢個中層管會議每次都係上午開到下午冇三點四點唔放人。
佢以前仲成日同員工講，開吓OT係好正常，做到八點都唔過份。事實上佢每日都會隨口隨意開出十多個Order，而呢D　order唔係簡單例如叫你打個電話，每個Order都係扔地有聲的中型Order，例如做多個Training，做份指引．．．每份Order完成時間由十分鐘到數少時或一日。佢又會老人痴呆喎，落嘅Order有記得有唔記得，亦有D記部份講過唔算數。如果要做好佢D工作，一日做廿個鐘都未必得。但係要八點收工都係沒有可能。

佢居然冇眨眼，四點鐘在全體未食午飯的時間同我地講，作息要定時，要有足充的休息呢。

當然這些只是冰山一角。佢籠嘢已經成功令同一個職位的同事，一年內走六七個。平均一、兩個月換人。

作者: jackpao 時間: 2008-6-5 12:03

香港地好多呢d老闆，成日以為ot=勤力

，咁樣出糧比伙計時先至"抵"返

。我舊老闆就係咁，成日想慳錢但又無管理技巧，晚晚要人做到10點11點先放人，鍾意叫d中層管理人星期日返工(因佢自己係工作狂)，無補水補假果隻

。而家只有d老伙計同無學歷的舊同事走唔到留係度做，大部分叻d嘅都走晒跳槽。間公司點會成功?!同佢同期的同行公司已經做到上市了。

作者: mynameishoi 時間: 2008-6-5 20:01

狂徒兄, 閣下老闆好明顯唔係一個有同情心, 明白員工嘅人.
呢個亦都係點解佢困住喺中層管理嘅原因.
呢種白癡, 唔使理佢, 祝你早日早走早著.

作者: mynameishoi 時間: 2008-6-5 20:07

引用:

原帖由 jackpao 於 2008-6-5 14:03 發表
香港地好多呢d老闆，成日以為ot=勤力，咁樣出糧比伙計時先至"抵"返。我舊老闆就係咁，成日想慳錢但又無管理技巧，晚晚要人做到10點11點先放人，鍾意叫d中層管理人星期日返工(因佢自己係工作狂 ...

包兄, 我自己都係初階段工作狂, 但係我無法想像扣住一班員工留到11點到底有何作用.
OT多但效率不高, 何佳之有?
如此不知效率的管理人員竟如此之多, 香港之哀也

作者: 無神論狂徒 時間: 2008-6-9 11:16 標題: 回復 #3 mynameishoi 的帖子

我頂頭老闆唔係中層管理人員，佢係全公司最大果個。係總監。。但係我哋寫字樓的人最清楚呢個人。佢之所以做到一間七十人公司的老闆，係運氣。（雖然我知做人唔可以靠運氣，但唔到你唔信，呢個世界真係有人主要靠運氣做生意成功）

佢廿年左右工作經驗，做過兩間公司，佢有料到就唔會做老屎忽。最後一份工作因為佢管理手法惡劣，下面ｄ細既嚴重唔妥佢，被人群起攻之，被迫退位，沒有公作做，所以開了間公司，而佢好好彩，佢全因運氣（點解係運氣就唔方便講，但起馬有九成係運氣），做到全港獨市生意，唔幫襯佢唔得，所以佢先做到一間公司的老闆。

佢電腦白痴、數學白痴、英文好唔流利，分析能力很弱、唔識管理又扮識，迫我用佢果ｄ下九流管理手法，專犯管理大忌。佢唯一勁的係嗱喳招「瀉」；一味用侮辱性說話，迫你工作。我親眼親耳見佢曾經叫一位後勤同事，要佢用十五分鐘時間打廿個電話，叫人上來見工，由提起電話到放下電話，要一分鐘內完成，超白痴。
見我管的前線成績一路爆數，佢就眼紅，一路加Target（例如以前做Target有一千元佣金，依家加Target，做到Target都係一千元，即係減人工），想法子扣工錢減人工，我就要幫ｄ細既頂著，我睇著條數一路爆數，佢一路收緊，睇著條數一路跌反落去。佢就一味搞破壞，我做因為坐了在船上，唔可以比佢沉。
我的管理風格係放權、民主，初入職半年後，佢評擊我呢個管理作風叫「瀉」膊，放權叫「瀉」膊！後來我管到前線爆數，往年係歷年記錄，佢先致唔出聲，開始學我的部份管理手法，但係佢管理心魔太重，點學都學唔到。
我入職後見人手極不穩定，係因為佢個佣金制度不合理，有多個位置係促意扣工錢，我幫前線Fight，佢同我講：「你有冇企起公司位置睇，為公司利潤著想！
」；我回佢「我唔為前線，前線做唔到，公司點有利潤」，以當時佢的智慧，佢肯定唔會明白我講乜（唔係講笑，以我對佢的認識，佢真係會唔明呢個道理！），但係今日佢明白了，所以今年前線加人工最多，但係中層管理就減人工，佢真係一個管理白痴，以為前線企得穩陣就公司穩陣，見到我管到前線穩就以為前線係公司生命之本，而忽略中管。

但係我因為養個人Profile，唔想走得咁急，我先忍佢，但係已期滿，我亦己遞了信，一來係時候走，二來自己都受夠；三來佢見生意超勁，佢又瘋狂搞破壞，扣人工，條數又插水，我唔想收拾殘局，我亦冀望條數繼續插水。

[ 本帖最後由無神論狂徒於 2008-6-9 03:22 編輯 ]

作者: 郭政鴻 時間: 2008-6-9 11:29

提示: 作者被禁止或刪除內容自動屏蔽

作者: claudeyue 時間: 2008-6-10 23:17

引用:

原帖由 無神論狂徒 於 2008-6-9 11:16 發表
我頂頭老闆唔係中層管理人員，佢係全公司最大果個。係總監。。但係我哋寫字樓的人最清楚呢個人。佢之所以做到一間七十人公司的老闆，係運氣。（雖然我知做人唔可以靠運氣，但唔到你唔信，呢個世界真係有人主 ...

呢d公司, 咪比足機會你去搵經驗, 寫好個profile之後出去另覓新主囉~

作者: jackpao 時間: 2008-6-11 16:24

引用:

原帖由 mynameishoi 於 2008-6-5 20:07 發表

包兄, 我自己都係初階段工作狂, 但係我無法想像扣住一班員工留到11點到底有何作用.
OT多但效率不高, 何佳之有?
如此不知效率的管理人員竟如此之多, 香港之哀也

因為佢種意夜晚開會，初級員工唔會同你做咁夜，中層會在5-6後先有時間做返手頭未得閒做的paper work，佢見你重係公司，就會捉你開會。果d無agenda嘅會是最費時失事。佢諗到乜就叫你做乜，失驚無神叫你搵資料supporting，佢係老闆唔entertain佢又唔得，真係DLS

作者: mynameishoi 時間: 2008-6-12 15:21

引用:

原帖由 claudeyue 於 2008-6-11 01:17 發表

呢d公司, 咪比足機會你去搵經驗, 寫好個profile之後出去另覓新主囉~

直情係啦. 呢D咁嘅白癡 boss, 無需為佢賣命.

不過成功嘅企業人士好多都係靠運氣或者關係. 管理上完全無能嘅決策人, 好唔好彩見得唔少. 幸者, 佢地係 client, 唔係老闆, 至少唔駛受佢氣.

作者: 無神論狂徒 時間: 2008-6-12 18:41

我都係好怕呢Ｄ開會狂徒，我又係由朝到晚開會，中間有少少時間都比佢老人家捉著狂落Order，ＤOrder又係隨口嗡，冇經大腦的，十幾廿個Order。而且Ｄ Order又白痴喎。駁佢就仲死，隨時做多幾倍工作。佢會問你點解，跟手要你做個分析報告，要有數據支持，分析點解唔得。
白痴唔緊要，最緊要有運行。

作者: 無神論狂徒 時間: 2008-6-12 18:41 標題: 回復 #6 郭政鴻的帖子

我公司做邊行??零售業囉!

作者: mynameishoi 時間: 2008-6-12 19:41

引用:

原帖由 無神論狂徒 於 2008-6-12 20:41 發表
白痴唔緊要，最緊要有運行。

「君昏於上, 臣明於下」, 只要老闆之下有管理得宜嘅人才, 老闆幾低能都得.

慘在, 好似你老闆呢種對士氣同效率完全唔明白嘅人, 想請到賢臣嘅機會仲低過中六合彩.

作者: peninsula 時間: 2008-6-12 22:29

引用:

原帖由 無神論狂徒 於 2008-6-12 18:41 發表
我公司做邊行??零售業囉!

Sell what?

作者: 無神論狂徒 時間: 2008-6-14 10:21 標題: 回復 #13 peninsula 的帖子

Sell乜就唔講深入啦～～

作者: 無神論狂徒 時間: 2008-6-14 10:29 標題: 回復 #12 mynameishoi 的帖子

我老闆好簡人，我曾經一身兼三職，做到嘔血，因為佢請唔到人，佢見極都唔合眼綠。佢大部份時間昏庸，但係佢知自己無能，所以簡人簡得好小心，周圍問人意見。入得去的都好多係Fit馬，但係亦走得快，個個都係一兩年就走，大把一入職即走。因為Fit馬點會甘於屈身昏君之下。

我肯入職，全因為佢當年比Reject後，仍死心不惜，多次打電話比我，叫我上去再傾，我多次拒絕入職，佢都係搵我再傾，我見佢咁有誠意先比佢打動到。入到去先知上錯賊船，但見再走搵過份會個Profile變差，所以先局做。

[ 本帖最後由無神論狂徒於 2008-6-14 02:31 編輯 ]

作者: 郭政鴻 時間: 2008-6-22 23:11

提示: 作者被禁止或刪除內容自動屏蔽

作者: 郭政鴻 時間: 2008-6-22 23:32

提示: 作者被禁止或刪除內容自動屏蔽

作者: 不平凡人 時間: 2008-6-23 18:40

如果你老闆係做獨市.....
而你覺得佢係唔識做...
不如出黎自己攪.....同佢爭生意...到時佢就知.....

作者: 無神論狂徒 時間: 2008-7-2 18:45 標題: 回復 #16 郭政鴻的帖子

佢梗係無料到啦。佢初初開呢間公司，都只係玩玩吓。聽上手個阿ger講，佢一個星期返兩三日工，其他日子影都冇，但係佢返親嚟都係搞破壞。因為當時我老闆成日唔响公司，所以上手個阿ger有較大空間發展，所以先做吓嘢。後來有一日我老闆搞破壞，改了個佣金制，其精髓係扣前線人工以自肥，搞到前線大逃亡，後尾我接手，亦係公司最惡劣的日子，成績超插水，佢不斷搞破壞，我不斷頂著佢啲破壞嘢，一路谷佢條數上。

我知我一向都得唔到我老闆歡心，因為我成日頂佢咀。如果我唔頂佢啲嘢，我會較易得佢歡心，但係我同公司同一條船，我又唔可以比佢沉。而且我孭著前線六十幾人飯碗，唔衰得。

你話佢有料到？睇你點睇。佢啲PK嘢，如果你頂得著，你一定要好有料到，如果唔係你走咗九世。所以响親我公司做到過試用期，全部都係有料到，只係個個都做唔長，因為有料到，個個一年半載就走。

因為我老闆啲PK嘢，有Filter作用，令一班能力較弱的人被「西」走。留低啲人掂，所以佢間公司掂。所以如果你話佢有料到係因為佢夠PK。咁佢真係幾有料到。

我江湖打滾，跟過的阿Ger同大叻他十幾廿個，我老闆算係數一數二冚家剷。佢老人家專搞破壞，唔係講笑，係真正破壞，做咗真係會死果隻破壞。佢真係夠胆做。出咗鑊，佢實推落你度，你又要執佢手尾，硬接菠蘿。

你同我老闆都係無料到。只是大家管理手法不同。所以結果不同。

作者: 郭政鴻 時間: 2008-7-2 22:48

提示: 作者被禁止或刪除內容自動屏蔽

作者: 郭政鴻 時間: 2008-7-18 00:19

提示: 作者被禁止或刪除內容自動屏蔽

作者: 郭政鴻 時間: 2008-7-18 00:34

提示: 作者被禁止或刪除內容自動屏蔽

作者: 無神論狂徒 時間: 2008-7-18 11:36

咁你咁講都啱。屎都分爛屎同有形狀的屎。你老細係惡臭爛屎；我老細只係臭爛屎，有個「惡」字分別。但都係臭爛屎。連有形狀的屎都未係，更惶論離開屎的行列。

我老細之前話做過管理層，其實只係在一間豆潤幾人公司內，因為磨左十幾年，因為公司細無發展前景，所以有料的人會因為公司無發展而做唔耐好快走，而佢因為夠無能，所以走唔甩，因為佢夠老屎忽，所以先有得升。但係都只係掛名管理人，實際算係無管人的經驗。

我老細係請人管理，呢個係真，但係又唔放權比人管，焗你跟佢果套做，衰咗就插。即係佢叫你向前行，你唔可以Say No，你明知直行仆梗街，你都焗著行，到你照佢意思向前行，仆咗街，個鑊又係自己孭，執手尾又係自己。我個角色擺明係專責執手尾位，仲要出盡九牛二虎之精力去㩒著佢果ｄ破壞性政策，㩒唔到仆咗街，我又要執手尾。
我老闆做到間七十人公司，只係佢有運行，做到獨市生意，並唔係佢有料到。

作者: 郭政鴻 時間: 2008-7-18 15:51

提示: 作者被禁止或刪除內容自動屏蔽

作者: 無神論狂徒 時間: 2008-7-20 11:28

我係一個Underpay的例子。當年我去見完工，佢出手低到痴根，我采佢傻。同我市價小成20%左右，同我最高人工的一份工去比小成三十幾個百份點。我Reject佢，佢又打電話比我再傾，之後多次邀請我上工，我見佢有誠意先去返工。後來我做到成績，公司業績瘋狂燊升，佢加比我都係去唔到我市價，我先走。佢呢ｄ就真係打耙婆。

作者: 82030013 時間: 2008-7-27 02:44

提示: 作者被禁止或刪除內容自動屏蔽

作者: 郭政鴻 時間: 2008-7-27 19:09

提示: 作者被禁止或刪除內容自動屏蔽

作者: 無神論狂徒 時間: 2008-7-28 10:47

quitted啦～
依家咪hei吓先囉。

作者: COO 時間: 2008-7-31 16:31

能夠做到老闆，同時又有70多員工，公司業績理想，呢 d老闆除左有運氣外，必定還有些能力、本事既。衹不過出現係我地視線範圍以外，我地睇唔多清楚咁解。

好多時打工仔都認為自己對公司貢獻很大，公司好多同事既飯碗都係靠佢。不過，從來都係 "No one is indispenable"。公司唔會因為少左猛將而倒台；打工仔亦唔會因為唔打呢份工就生計不成。

好多老闆都性格難相處；同樣好多員工都好令老闆頭痛。

好料既打工仔，就幾時都唔擔心前途，總會有伯樂欣賞既。不過，幾時都係和上司/老闆/公司既關系最重要。那怕你有更大本事，上司/老闆/公司唔 buy or 唔 support 你既時候，始終都係馬騮精飛唔出佛祖五指山，除非你選擇做佛祖啦。

不過，唔係每個打工仔都可以修煉成佛！

作者: 無神論狂徒 時間: 2008-7-31 17:45

公司業績理想，係真，但係只在我入職後先係理想，之前唔掂。這個係事實，無得拗。
個個老細都係話呢個世界冇話冇咗邊個唔得，我唔多Buy呢套。「呢個世界冇話冇咗邊個唔得」。。。Maybe true，公司未必會死，可能啦，但係可能會元氣大傷。如果你呢套理論Work的話，就唔會有肥上瘦下的政策，其目的就是要穩定管理層。仲有早排罷工，Nestle大可企硬，炒哂佢地。

呢個世界冇話冇咗邊個唔得，呢句話只係虛張聲勢。我好清楚。我做老細的話，我都會咁講。無他，你兇唔掂班友，你點管。道理好簡單。兇人呢招我成日用。

你話每個老細都有其能力，只係我們看不到。呢句我成日聽到。錯唔哂，又唔啱得哂。香港地有大把太子爺，每日三點不露，五點又放工，有料？？都算做有料啩，因為老豆大把，所以算係有料。視乎你有料的定義。我老細有料？有運氣都算係有料的話，佢的確有料。
不過平心而論，我舊老細的確有一兩度扳斧，只是其扳斧及能力未去到可以管理一間咁的公司，再加上佢的運氣，所以你咬佢食。我舊老細成功之路，我好清楚，只係我唔方便同你地講，所以你先唔知佢運氣有幾勁。

作者: 郭政鴻 時間: 2008-7-31 20:15

提示: 作者被禁止或刪除內容自動屏蔽

作者: 郭政鴻 時間: 2008-7-31 20:17

提示: 作者被禁止或刪除內容自動屏蔽

作者: COO 時間: 2008-8-1 14:15

公司業績理想，係真，但係只在我入職後先係理想，之前唔掂。<---你老闆叻囉，能夠 tum 到你同班員工去打拼。

個個老細都係話呢個世界冇話冇咗邊個唔得<---呢句話唔係老細專用既。我作為打工仔之一，對呢個金句有好深既體驗 (corporate resstructure, operation takeover, change of top management...等，我都經歷過)，做操刀手角色或者被操刀既對象都試過。bluff 人係其中階段會做既一招半式。做到操刀殺戮戰場既「過程」至係夠殘酷耶。不過，C Hing，情況對雙方都係 ----Dark before dawn。

你話每個老細都有其能力，只係我們看不到。<----老細其中一樣能力，可能大家睇得到但唔一定認同，呢種能力就係能夠將「員工既潛力發揮到盡」然後就同佢分手。呢個道理，跟 OPM 無大差異，都係識得「leverage」。

你老細有運氣當然對佢好重要，不過，佢能夠知道係有運行之時發揮到盡，呢 d 先至係佢成功既地方呢！

作者: 無神論狂徒 時間: 2008-8-3 10:22

咁佢老人家都幾搞鬼。公司開業多年，佢唔去谷生意，有得盤生意半死不活，等我入職先至走去谷生意。好明顯唔合常理及邏輯。有錢唔搵的老細我未見過。

唔怕講，我入職後研究過佢公司內部，找出一些問題，當中係有些會死人的問題，我極力遊說佢改，佢一路都極力反駁我，久唔久嘲弄一下我，最後迫我行一著殺手簡，迫佢革除問題，在革除部份問題後，成績逐步回升。部份產品更Double咗生意額。

呢種能力就係能夠將「員工既潛力發揮到盡」然後就同佢分手。呢個道理　－－　你呢個道理我唔多接受，應該話唔係唔得，只係唔多王道，我都做過一間七八十人的子公司，佢地經營理念，我好Buy，佢都會裁員，在經濟最差時，佢都裁過員，但係佢會想法子發展員工，不單止工作，更發展員工的前途。而且我前老細管到公司後勤人手嚴重不穩，明顯超出正常水平多倍。再講我管前線，唔多喜歡用鐵腕手段（雖然有時谷著用），但係前線成績不繼上升。我想講的係，要員工既潛力發揮到盡，唔一定要鐵腕，唔一定要分手，問題是你的管理手腕如何。

我只想話「呢個世界冇話冇咗邊個唔得」，呢句唔一定啱啫。

至於你話「佢能夠知道係有運行之時發揮到盡」，佢基本上唔洗發揮，佢因為獨市，所以生意自動送上門。如果佢真係想做到你所講的「佢能夠知道係有運行之時發揮到盡」，佢應該好好管好盤生意，先有得發揮，如果佢當初管得好，佢依家公司唔止咁的成就。

歡迎光臨香港 Xocat Forum 討論區 (http://p.xocat.com/p/)