Board logo

標題: [原創] 在 DVD 影碟上發現昔日之星光 [打印本頁]
作者: tangkennis    時間: 2008-6-16 18:24     標題: 在 DVD 影碟上發現昔日之星光

小弟首次開新題目，請各位多多指教！

眾所皆知，很多以前七、八十年代的電影電視，已被陸續發行 DVD 影碟，在欣賞電影之餘，我們會發現很多男女演員 (紅或不紅) 他/她們昔日之星光，小弟想借此一主題讓大家版友一齊分享一下，齊齊貼圖！

1985年的 【弟子也瘋狂 】，是邵氏公司出品呵！

劉家輝不用大家費神都認得出了！其餘的呢 … ？
作者: tangkennis    時間: 2008-6-16 18:26

認得出「南拳王」嗎？ … 原名郭錦鴻 ，現時是人所共知的「全力支持郭政鴻」了 ！！在此戲中他沒有角色名字和沒有一句正式對白，未算是第一部電影作品！

「白展武」呵！！一年之後(86年)出任電視劇【神劍魔刀】的第一男主角歐瑞偉！！

徐錦江，他演出麥當雄87年的【省港奇兵續集】後先開始受人注意呢。
作者: tangkennis    時間: 2008-6-16 18:27

羅莽，以前是動作功夫演員，自從數年前歡樂滿東華演出「吳芳」師傅一角，身上又渣油又食碳又噴火，一舉成名呵 … ^_^ … ！！

嘩，元秋姐，年輕時亦有動人之處呢 ^_^
作者: tangkennis    時間: 2008-6-16 18:28

看這一幅，元秋姐身形非常之苗條，真的是十年人事幾翻新了！
作者: tangkennis    時間: 2008-6-16 18:30

張少媚 … 不知現時狀況如何 …
作者: tangkennis    時間: 2008-6-16 18:34

嘩，各位版友認出來嗎 … ！
作者: tangkennis    時間: 2008-6-16 18:37

在歐瑞偉右邊隔籬的，各位可覺而臉熟？
作者: tangkennis    時間: 2008-6-16 18:39

郭政鴻在右邊，中間那位小友是 … 小弟懷疑是 … 林雪呵 … ！！

郭政鴻和林雪同年，看上去真的有點像，未知各版友有沒有同感呢 …

Cheers.
作者: pashwawa    時間: 2008-6-16 18:56

1973年鐵金剛中的元秋。


作者: dirtyoldman    時間: 2008-6-16 19:39

Welcome to this board! I enjoyed reading this interesting post. Keep posting please!
作者: tangkennis    時間: 2008-6-16 20:35

多謝版友 Pashwawa君和 dirtyoldman君捧場。

元秋姐在【鐵金鋼大戰金槍客】中的演出真的是最為人所樂道了！另外一場近鏡亦有「瞄頭」，唔錯架 ^_^ ！！
作者: tangkennis    時間: 2008-6-16 20:47

一年後在片頭客串演出劉家良的【霹靂十傑】，身形已漸見「豐滿」起來了，可知保持身段都是一件不容易的事呵 ... ！
作者: tangkennis    時間: 2008-6-16 21:00

劉家良的【霹靂十傑】一片中，還有一件重要的事值得留意！！

小弟相信「我們支持」的郭政鴻，在此片中首次有角色名稱和有對白諗，是飾演胡惠乾呵！！真的有一些衝動要寫電郵給「全力支持郭政鴻」的網主知道，「澄清」他的電影作品年表要推前幾年，是 1986 年的【霹靂十傑】啊 … ^_^ … !!

Good night !
作者: pashwawa    時間: 2008-6-16 21:50

我真是‘背’﹐tangkennis 兄多次提到郭政鴻﹐我都要 GOOGLE 一番才知他是那一位。
作者: choihung    時間: 2008-6-16 23:09

引用:
原帖由 tangkennis 於 2008-6-16 06:26 PM 發表
認得出「南拳王」嗎？ … 原名郭錦鴻 ，現時是人所共知的「全力支持郭政鴻」了 ！！在此戲中他沒有角色名字和沒有一句正式對白，未算是第一部電影作品！

「白展武」呵！！一年之後(86年)出任電視劇【神劍魔刀】 ...
想當年，歐瑞偉演出TVB的武俠劇，又打得，又靚仔，我超喜歡他！！！！
作者: dirtyoldman    時間: 2008-6-17 06:17

引用:
原帖由 choihung 於 2008-6-16 23:09 發表


想當年，歐瑞偉演出TVB的武俠劇，又打得，又靚仔，我超喜歡他！！！！
他有銀壇鐵漢曹達華的影子，可惜未能紅起來！
作者: tangkennis    時間: 2008-6-17 19:21

在90年代初，當時歐瑞偉已「息影」沒有任何幕前演出，小弟有一次搭地鐵撞見他。明星即係明星，衣衫穿戴係唔同 D，零舍搶眼！！不過小弟實話實說，粉絲們唔好介意 … ^_^！英偉是無可置疑了，但就是覺他矮了一點，不夠高大 … 又另外小弟覺得他諗對白有點歪音，亦復有點生硬 … 其實這些都不是什麼缺點，在娛樂圈紅起來始終要靠點運氣吧 …

尤記得郭政鴻在【大運河】的演出，嘩，他讀對白時之木獨，真的是至今無人能及，到而家終於為人認同了 …
作者: tangkennis    時間: 2008-6-17 19:23

Choihung 君和 dirtyoldman 君咁鍾意歐瑞偉，等小弟貼多幾張先！

仍然是劉家良的【霹靂十傑】。 嘩，呢張是歐瑞偉少有的近鏡呵！
作者: tangkennis    時間: 2008-6-17 19:24

郭政鴻和歐瑞偉再次同場演出！
作者: tangkennis    時間: 2008-6-17 19:25

大家有沒有留意到 … 其中一個是劉少君呢
當年他和周秀蘭與郭少芸的三角之戀，日日上城市追擊、睇真D，好悶呵！！

(喜歡看功夫片的，都知道中間大頭的是小侯了 … )
作者: choihung    時間: 2008-6-18 01:16

引用:
原帖由 tangkennis 於 2008-6-17 07:23 PM 發表
Choihung 君和 dirtyoldman 君咁鍾意歐瑞偉，等小弟貼多幾張先！

仍然是劉家良的【霹靂十傑】。 嘩，呢張是歐瑞偉少有的近鏡呵！
Thank you thank you
作者: choihung    時間: 2008-6-18 01:18

引用:
原帖由 tangkennis 於 2008-6-17 07:21 PM 發表
在90年代初，當時歐瑞偉已「息影」沒有任何幕前演出，小弟有一次搭地鐵撞見他。明星即係明星，衣衫穿戴係唔同 D，零舍搶眼！！不過小弟實話實說，粉絲們唔好介意 … ^_^！英偉是無可置疑了，但就是覺他矮了一點， ...
查實我覺得歐瑞偉有點像吳剛師傅！不過歐瑞偉靚仔得多

他好像現在偶有在電視劇中演CID之類的角色。
作者: oneout    時間: 2008-6-18 05:40

Thanks very much!
作者: dirtyoldman    時間: 2008-6-18 11:45

引用:
原帖由 tangkennis 於 2008-6-17 19:23 發表
Choihung 君和 dirtyoldman 君咁鍾意歐瑞偉，等小弟貼多幾張先！

仍然是劉家良的【霹靂十傑】。 嘩，呢張是歐瑞偉少有的近鏡呵！
Thanks a lot!
作者: tangkennis    時間: 2008-6-18 20:03

dirtyoldman 君，感到不便再在其它題目「插科打諢」了，會影響原來的討論旨趣！小弟便在此處答你有關【一水隔天涯】的問題，順便貼下此戲的幾張圖吧。

電影【一水隔天涯】原來是電臺廣播劇，後搬上銀幕被拍成電影，是為1966年。由於是彩色攝制，所以「殘片」的感覺相對之下就比較淺了。以小弟之淺見，這套戲有故事性，鋪排有敘，有人物性格的刻劃，有血有肉架，仲有香港和澳門兩地實景拍攝，大可以又懷舊「集體回憶」一番呵！！ 內容是愛情文藝，唔講咁多，有機會的話閣下不妨找來看一下，小弟誠意推介 … ^_^ … !!

苗金鳳這套湖水藍色長衫，就夠好睇啦；張瑛那時已非後生，但拍住苗金鳳一樣店，男人係襟老D ！
作者: tangkennis    時間: 2008-6-18 20:05

在這場「戲肉」之中，苗金鳳對著張瑛說：「今晚你就留係度休息啦 …」嘩、嘩、嘩，如此「真情表露」的對白，就算在粵語長片中亦屬少見！！(註：由於張瑛助苗金鳳解除困境，苗覺無以為報，故作此言也，乃真性情之人了)

當然，在此戲中張瑛能謹持君子守禮之道，沒有發生任何「激情」的場面，在現今充斥著「人慾橫流」的電影，尤覺難能可貴呵 …  ^_^ …！！
作者: tangkennis    時間: 2008-6-18 20:06

唔好話老套，呢句對白真的是金石良言，值得我們深思架 … ^_^ … ！！
作者: tangkennis    時間: 2008-6-18 20:07

正中的李鵬飛，不用大家費神認了！那麼在他左邊的靚仔，大家認出嗎？再過的那一位極像馬海倫啊！！
作者: tangkennis    時間: 2008-6-18 20:08

李鵬飛一係做神勇英明的探長，一係做為富不仁(專呃女仔)的董事長，戲路都算兩極化！
作者: tangkennis    時間: 2008-6-18 20:09

那位靚仔係江毅呀！說話聲線表情幾十年都不變，都係誇張左「少少」 ^_^
作者: tangkennis    時間: 2008-6-18 20:10

認得他嗎？是丁亮呀！
作者: tangkennis    時間: 2008-6-18 20:11

黎妁妁，演那個倔強的姑媽，非常好戲。
作者: tangkennis    時間: 2008-6-18 20:13

黎少芳，唔知小弟係咪睇得粵語長片少，好少見到佢。
作者: tangkennis    時間: 2008-6-18 20:14

最後送上苗金鳳的妹仔裝，別有韻味呵！！

Good night !
作者: dealerboy    時間: 2008-6-18 21:42

作者: m2a2    時間: 2008-6-18 23:47

引用:
原帖由 tangkennis 於 2008-6-18 20:11 發表
黎妁妁，演那個倔強的姑媽，非常好戲。
我對佢印象最深刻係王書麒同路加敏既《小時候》
作者: m2a2    時間: 2008-6-18 23:52

引用:
原帖由 choihung 於 2008-6-18 01:18 發表

他好像現在偶有在電視劇中演CID之類的角色。
《法證先鋒II》歐瑞偉是否有演出？
作者: dirtyoldman    時間: 2008-6-19 06:33

引用:
原帖由 tangkennis 於 2008-6-18 20:14 發表
最後送上苗金鳳的妹仔裝，別有韻味呵！！

Good night !
tangkennis兄，

多謝，請受小弟一拜！另我已pm tangkennis兄, 請閱！　
作者: hollywoodground    時間: 2008-6-19 06:46

引用:
原帖由 m2a2 於 2008-6-18 23:52 發表

《法證先鋒II》歐瑞偉是否有演出？
<談判專家> 佢演 Madam 郭可盈部下一個雜差沙展，屬於一個跑尨套之腳色。
作者: hollywoodground    時間: 2008-6-19 07:02

引用:
原帖由 tangkennis 於 2008-6-18 20:05 發表
在這場「戲肉」之中，苗金鳳對著張瑛說：「今晚你就留係度休息啦 …」嘩、嘩、嘩，如此「真情表露」的對白，就算在粵語長片中亦屬少見！！(註：由於張瑛助苗金鳳解除困境，苗覺無以為報，故作此言也，乃真性情之人 ...
粵語片時代號稱電影王帝的張瑛，晚年還要在邵氏(?)一些爛片中演一些煨瑣的咸濕伯父的閑角...唉！
作者: tangkennis    時間: 2008-6-19 22:35

其實由影碟之中貼幾張圖都不是什麼了不起的事呢，dirtyoldman 君太言重了！！比起其它版友上山下鄉為我們做實地調查兼拍照，小弟這些真的是不值一提了 …

正所謂集思廣益，其實小弟是希望做到拋磚引玉，讓大家一起交流討論，唔好淨係得小弟「唱單簧」就好了 … ^_^ … ！！

(後記：謝 PM，在外地，中文資訊是不缺的，但都是始終那一句物離鄉貴啦！)
作者: tangkennis    時間: 2008-6-19 22:36

黎妁妁在【小時候】飾演那慈祥的嫲嫲，真的已成為我們的集體回憶了。
作者: tangkennis    時間: 2008-6-19 22:37

在電影【家】的造型，張瑛做三少爺覺慧，要衝破封建藩籬，掌握自己的命運！！

很年青靚仔呵，唔怪得阿媽後生個陣時係張瑛粉絲，勁鐘意佢 … 就正如阿Choihung 君咁勁鐘意歐瑞偉 … 咁囉 … ^_^ …！！

[ 本帖最後由 tangkennis 於 2008-6-20 21:47 編輯 ]
作者: tangkennis    時間: 2008-6-19 22:38

歲月催人，有誰能免呢 …
作者: tangkennis    時間: 2008-6-19 22:40

小弟只記得看過張瑛做過一次咸濕大老板，是電影【發錢寒】，嘉禾出品的。在邵氏的，小弟曾看過他有份演出的【傾國傾城】，飾演翁同龢，演得都不錯呢。後來小弟又買了天映的 DVD，重温一番。
作者: tangkennis    時間: 2008-6-19 22:43

亦是來自李翰祥的【傾國傾城】，1975 年的電影，中間飾演慈禧太后的，如果請大家估就實在太淺了！她名字叫盧燕(好像是美籍華裔的演員呢)，演得不錯呵！

左邊的，嘩，又實在是太易啦！！咁喇，要估就連埋右邊個位一齊估啦，若然有版友不假思索、不需翻查就能說出其名，小弟在這裏都要甘拜下風了 … ^_^ …！！！！！！

Good night !




[ 本帖最後由 tangkennis 於 2008-6-20 22:02 編輯 ]
作者: choihung    時間: 2008-6-19 22:46

引用:
原帖由 tangkennis 於 2008-6-19 10:37 PM 發表
在電影【家】的造型，張瑛做三少爺覺慧，要衝破封建藩籬，掌握自己的命運！！

很年青覩仔呵，唔怪得阿媽後生個陣時係張瑛粉絲，勁鐘意佢 … 就正如阿Choihung 君咁勁鐘意歐瑞偉 … 咁囉 … ^_^ …！！
  鍾意就鍾意，有時真是難以解釋！
作者: choihung    時間: 2008-6-19 22:46

引用:
原帖由 hollywoodground 於 2008-6-19 06:46 AM 發表



<談判專家> 佢演 Madam 郭可盈部下一個雜差沙展，屬於一個跑尨套之腳色。
What a waste!!!!
作者: tangkennis    時間: 2008-6-20 22:18

咦，乜無版友有興趣玩估遊戲吖？睇唔清楚定係咪嫌太淺呢 ^_^ ！！

今次左右位置互轉，再貼一次啦！！


作者: tangkennis    時間: 2008-6-20 22:20

能夠被李翰祥指派做慈禧太后身邊做宮女的，想必在臨時或特約演員界中都有一些名氣，或者樣貌也要出眾一點吧。在戲中做左右宮女的還有一人，看看大家又認不認得。

Good night !


作者: fathotdog    時間: 2008-6-21 01:20

引用:
原帖由 tangkennis 於 19/6/08 22:43 發表
亦是來自李翰祥的【傾國傾城】，1975 年的電影，中間飾演慈禧太后的，如果請大家估就實在太淺了！她名字叫盧燕(好像是美籍華裔的演員呢)，演得不錯呵！

左邊的，嘩，又實在是太易啦！！咁喇，要估就連埋右邊個 ...
tangkennis兄,其中一個是楊盼盼吧?
作者: chuen_siu    時間: 2008-6-21 15:32     標題: 灶囤者場究罕場冗岸妥毛宙沙場

朽穿床料毛室七奚未幻明丈奚帘帘圯妥帘岸肖妥帘瘁罕帑岸朋好冢;肚奚帘囿甫沛甩穿腦抄貝身帑才迪技妙銀留糸委千妙畏分油終委肖丈囿匕甩帛畏步妙罕委彤妥穿長受委彤帑壬奴毋帛反
作者: tangkennis    時間: 2008-6-21 22:17

引用:
原帖由 fathotdog 於 2008-6-21 01:20 發表

tangkennis兄,其中一個是楊盼盼吧?
對吖，這位妙齡少女就是楊盼盼，謝fathotdog 君捧場 。


版友們是否都很「拘謹」，不太踴躍玩猜估遊戲呢？   定係 … 要做 CD-ROM，「唯讀而不寫」呢！！
作者: tangkennis    時間: 2008-6-21 22:19

楊盼盼，大家可能會記起【倚天屠龍記】的紀曉芙/楊不悔，或【射雕英雄傳】的穆念慈，或【天龍八部】的木婉清 …


作者: tangkennis    時間: 2008-6-21 22:21

版友亦都有可能看過劉松仁和米雪拍的【萍踪俠影錄】- 麗的版本吧，都會讚米雪扮演的雲蕾做得好；好當然是好，但小弟斗膽講一句，最好還是楊盼盼！！

當年佳視拍攝【萍踪俠影錄】是1977年吧，由陳強和楊盼盼飾演張丹楓和雲蕾，演一對被前代仇恨阻隔、相愛而要相分的鴛侶，非常之感人呵！！連原作者梁羽生亦說楊盼盼這小妮子演上來有七成的性格像極雲蕾，足証小弟並無虛言架！！

作者: tangkennis    時間: 2008-6-21 22:23

再貼多一張，三大宮女同場演出 (好少可！)，餘下兩位不知各位還有沒有興趣估呢 … ？

Good night !

作者: pashwawa    時間: 2008-6-22 14:32

引用:
原帖由 tangkennis 於 2008-6-21 22:23 發表
再貼多一張，三大宮女同場演出 (好少可！)，餘下兩位不知各位還有沒有興趣估呢 … ？
不是不為﹐實乃不能。。。

tangkennis 兄發的截圖非常高質數﹐是否近期的DVD取下的﹖
作者: tangkennis    時間: 2008-6-22 21:49

引用:
原帖由 pashwawa 於 2008-6-22 14:32 發表



不是不為﹐實乃不能。。。

tangkennis 兄發的截圖非常高質數﹐是否近期的DVD取下的﹖
pashwawa 君，好說、好說！古語有云【君子敏事慎言】，想各版友是秉承了這種雅趣而已  … ！！       

這些影碟亦購自多年，每逢回港省親，必大破慳囊 (更適逢袋鼠幣節節高升，實在令小弟有點「不能自已」 … ！！)。天映的邵氏數碼修復版，無論是港版或台版(價錢差不多 … 一樣的貴！！)，影像清晣，如同看一部新拍攝的電影，不曾令小弟失望過。其它的懷舊影碟質素，無論是中港台兩岸三地的就 … 唉 … 一律可用「不忍卒睹」四個字可慨括之！！香港粵語長片影碟，中台兩地的懷舊國片系列，暫時未嘗遇見一部可稱及格的，更遑論高質素了。

例：等了多年，極度喝望天映會出電影【辛亥雙十】數碼修復版，仍然末見面世(邵氏和外地影片公司合作攝制的電影，版權多屬於後者 ，希望這次是例外喇  … )， 亦明知此片的中影台版質素比起 VHS tape 好不了多少，仍然「違心」的去買下它，因為就是很懷念林鳳嬌身穿鳳冠霞帔為夫殉節那一幕，很感人呵！！有機會都貼幾幅圖講下這部戲。

Good night !


作者: mandy    時間: 2008-6-22 23:09

引用:
原帖由 tangkennis 於 2008-6-21 22:23 發表
再貼多一張，三大宮女同場演出 (好少可！)，餘下兩位不知各位還有沒有興趣估呢 … ？
支持一下......另一宮女是劉雅英。
作者: tangkennis    時間: 2008-6-23 19:59

引用:
原帖由 mandy 於 2008-6-22 23:09 發表

支持一下......另一宮女是劉雅英。
對吖，是劉雅英，多謝 Mandy 君的捧場。在各大論壇講起七十年代的「豔星」，其名字必入其中，已成 icon 已！眾人皆說她出身自 1974 年落選港姐，其實之前她已拍戲了。八十年代初且涉及娛樂圈的某「風波案件」之中，其實在眾多人中只有她在娛樂圈有些少名氣(好似還有一個艾蒂)，餘者人皆不識，娛樂圈新聞有咁大作咁大也，一向如此已！！

八十年代中後期，有一段時間她有加入無線拍劇集，演風塵女子或巴渣少婦角色，唔知大家有冇記憶呢？



[ 本帖最後由 tangkennis 於 2008-6-24 19:10 編輯 ]
作者: pashwawa    時間: 2008-6-23 21:07

引用:
原帖由 tangkennis 於 2008-6-23 19:59 發表


對吖，是劉雅英，多謝 Mandy 君的捧場。在各大論壇講起七十年代的「豔星」，其名字必入其中，已成 icon 已！眾人皆說她出身自 1974 年落選港姐，其實之前她已拍戲了。八十年代初且涉及娛樂圈的某「風波 ...
【傾國傾城】中的劉雅英比上圖的她可愛得多。
作者: tangkennis    時間: 2008-6-24 19:09

引用:
原帖由 pashwawa 於 2008-6-23 21:07 發表


【傾國傾城】中的劉雅英比上圖的她可愛得多。
人的樣貌，的確會隨歲月環境而改變 …

還記得當年爆出這個「Call Girls 事件簿」，社會新聞亦起哄了一會，娛樂新聞亦炒作了一陣子，但很快就淡了下來，唔同而家 D 新聞，少少野都霸住個頭版幾星期呵 ！！，社會上的氣氛比起而家的確是大不同了，好似以前仲和諧 D !! … 猶記得當時明報週刊彩色內頁登了一張成半版的相(未見在其它報刊有登)，八、九個女仔手挽手一字排開，步出裁判司署，眉宇間雖有著無限心事，但每個人都有「拾得起、放得低」的豪情，邁開腳步，手挽著手大家一起勇闖未來 …

小弟心想，站在高地向下邊的人指指點點，是很容易的事，「搵把口話人」邊個唔識！但是來個真的彼吾互易，在俗世的洪流旋渦底下，自己亦未必能把持得住呢 …
作者: tangkennis    時間: 2008-6-24 19:13

至於扮演另外一位宮女的，她叫呂紅，好似縱橫國語片已幾十年了！！小弟靜係記得她在政府新聞宣傳短片中經常演出，去街市買餸吖，去換身分證吖，去醫院打防疫針吖，唔好拋垃圾吖 … 咁囉！！好似都有拍過廣告，係 …「瑞士糖好味道」呵！


作者: tangkennis    時間: 2008-6-25 19:40

【傾國傾城】有靚景、靚衫和靚人。在整個七十年代充滿鹽花與茄汁的邵氏電影中，有這樣一部(和下集【瀛臺泣血】) 嚴謹兼大型制作的出現，都算難得了。

先看一下幾張靚人之相先。

李翰祥手下的一員愛將，當然有份演出啦。亦一如既往使出她的「必殺技」嫵媚電眼，能不使人銷魂否 ！！

恬妮。(與丈夫岳華早年已移民加拿大，做其海外寓公已。)


作者: tangkennis    時間: 2008-6-25 19:41

另外一位七十年代「豔星」，在戲中之扮相，真的非常美麗，她一直行豔星之路線，之後不曾或也許沒有太多機會嘗試其它的角色呢。

陳萍。(八十年代返回台灣發展，聽聞晚年生活潦倒，還要在小舞廳幹活呢 … )

作者: tangkennis    時間: 2008-6-25 19:43

為何李翰祥要揀她做珍妃，都唔係好明白，小弟又唔覺佢好靚喎！！

蕭瑤。(最記得佢下嫁劉永 … 點知後者有一次嚴打老婆(飲醉洒喎！)，將蕭瑤打到變豬頭咁樣 … 後來劉永被台灣當局通緝，逃來香港避難兼拍劇！無論點都好，打女人就係唔啱！咁無品，小弟從此罷睇佢拍既劇集！！)


作者: tangkennis    時間: 2008-6-25 19:45

小弟一向覺得她有美貌兼有氣質，後來好似在麗的有拍過劇集。

陳思佳。


作者: tangkennis    時間: 2008-6-25 19:46

能夠擔任四大入選妃嬪之角色，都應非寂寂無名之輩啦，但小弟都唔係好肯定她的名字，就請各版友幫下手，先行多謝支持！


作者: choihung    時間: 2008-6-25 20:12

引用:
原帖由 tangkennis 於 2008-6-25 07:43 PM 發表
為何李翰祥要揀她做珍妃，都唔係好明白，小弟又唔覺佢好靚喎！！

蕭瑤。(最記得佢下嫁劉永 … 點知後者有一次嚴打老婆(飲醉洒喎！)，將蕭瑤打到變豬頭咁樣 … 後來劉永被台灣當局通緝，逃來香港避難兼拍劇！無 ...
劉永的前妻除了戴良純和黎燕珊外，還有一位叫蕭瑤？？小妹孤陋寡聞，第一次知道這個人。
作者: dynmv    時間: 2008-6-25 20:50

一九八四年八月廿六日，劉永在台北跟太太戴良純發生爭執，向她施以叉、剪襲擊，引致女方手足多處受傷，後頸叉傷處幾近動脈，左右臉頰被剪刀劃傷，左臉傷痕達七吋長，血流披身，由劉永抱着急送診所救治，戴家報警。這樁影人「愛殺」事件，轟動東南亞。
作者: pashwawa    時間: 2008-6-25 21:32

引用:
原帖由 dynmv 於 2008-6-25 20:50 發表
一九八四年八月廿六日，劉永在台北跟太太戴良純發生爭執，向她施以叉、剪襲擊，引致女方手足多處受傷，後頸叉傷處幾近動脈，左右臉頰被剪刀劃傷，左臉傷痕達七吋長，血流披身，由劉永抱覑急送診所救治，戴家報警。 ...
真係唔恨得甘多﹐和劉永搭上的﹐都是年輕貌美。

黎燕珊現在好像是個保險經紀﹐但間中亦有上電視節目﹐最近四川地震籌款亦有出現﹐仍然美艷如昔。她應是接近五十歲了。
作者: choihung    時間: 2008-6-25 21:51

引用:
原帖由 pashwawa 於 2008-6-25 09:32 PM 發表



真係唔恨得甘多﹐和劉永搭上的﹐都是年輕貌美。

黎燕珊現在好像是個保險經紀﹐但間中亦有上電視節目﹐最近四川地震籌款亦有出現﹐仍然美艷如昔。她應是接近五十歲了。
一直都覺得Mr Lau 長得兇神惡煞，但偏偏有這麽多女人喜歡，不過都不能白頭到老，活生生是“揀錯郎”的例子。
作者: wai1960    時間: 2008-6-26 00:27

引用:
原帖由 m2a2 於 2008-6-18 23:52 發表

《法證先鋒II》歐瑞偉是否有演出？
他只演出第二十二集中的兩個鏡頭而已。
可能與上一輯連戲的關係，第一輯演黃卓堅，有一些戲份。
作者: wai1960    時間: 2008-6-26 00:33

引用:
原帖由 tangkennis 於 2008-6-21 22:21 發表
版友亦都有可能看過劉松仁和米雪拍的【萍踪俠影錄】- 麗的版本吧，都會讚米雪扮演的雲蕾做得好；好當然是好，但小弟斗膽講一句，最好還是楊盼盼！！

當年佳視拍攝【萍踪俠影錄】是1977年吧，由陳強 ...
這版我同意，我就是因為「萍踪俠影錄」而迷上陳強。
作者: choihung    時間: 2008-6-26 00:35

引用:
原帖由 wai1960 於 2008-6-26 12:27 AM 發表


他只演出第二十二集中的兩個鏡頭而已。
可能與上一輯連戲的關係，第一輯演黃卓堅，有一些戲份。
哎，好好的一個演員就這樣給TVB糟蹋了
作者: wai1960    時間: 2008-6-26 00:38

也真有點氣，初時我也以為也有些戲份，怎知瑞偉他說只有一場戲，頓時大叫：為甚麼只有一場戲？瑞偉說：我怎麼知道！
真的給他氣死。
作者: wai1960    時間: 2008-6-26 00:41

choihung ，你很喜歡瑞偉了，有時也很氣無線，為甚麼他的戲份越來越少，希望「烈火雄心３」會多些戲份。
作者: wai1960    時間: 2008-6-26 00:55

引用:
原帖由 dynmv 於 2008-6-25 20:50 發表
一九八四年八月廿六日，劉永在台北跟太太戴良純發生爭執，向她施以叉、剪襲擊，引致女方手足多處受傷，後頸叉傷處幾近動脈，左右臉頰被剪刀劃傷，左臉傷痕達七吋長，血流披身，由劉永抱着急送診所救治，戴家報警。 ...
其實我覺得戴良純也不是好東西，很來嫁給一個日本人，又發生相同事件。可能問題是出在她的身上。
作者: choihung    時間: 2008-6-26 11:20

引用:
原帖由 wai1960 於 2008-6-26 12:38 AM 發表
也真有點氣，初時我也以為也有些戲份，怎知瑞偉他說只有一場戲，頓時大叫：為甚麼只有一場戲？瑞偉說：我怎麼知道！
真的給他氣死。
Oh you know him personally?  Pls tell him that he still has fans!!
作者: choihung    時間: 2008-6-26 11:23

引用:
原帖由 wai1960 於 2008-6-26 12:55 AM 發表

其實我覺得戴良純也不是好東西，很來嫁給一個日本人，又發生相同事件。可能問題是出在她的身上。
又一單？她長得很漂亮，經過這兩役創傷后不知道變成什麽模樣。

聽説她跟劉永的那件事情是緣于好像她有婚外情，給劉永發現了，所以
作者: pashwawa    時間: 2008-6-26 11:42

記不清楚了﹐劉永和米雪的妹妹(叫雪梨﹖)都好像有些瓜葛。。。
各位可否記得﹖
作者: cooolman    時間: 2008-6-26 12:55

引用:
原帖由 pashwawa 於 2008-6-26 11:42 發表
記不清楚了﹐劉永和米雪的妹妹(叫雪梨﹖)都好像有些瓜葛。。。
各位可否記得﹖
同雪梨有瓜葛果位大哥叫徐少強....另一女星殺手！
但當年最難接受o既係，黃造時跟o左陳觀泰！.....
作者: pashwawa    時間: 2008-6-26 13:56

引用:
原帖由 cooolman 於 2008-6-26 12:55 發表

同雪梨有瓜葛果位大哥叫徐少強....另一女星殺手！
但當年最難接受o既係，黃造時跟o左陳觀泰！.....
多謝 cooolman 兄指正。個人覺得徐少強和劉永都有很多相似的地方。
作者: choihung    時間: 2008-6-26 15:48

引用:
原帖由 pashwawa 於 2008-6-26 01:56 PM 發表



多謝 cooolman 兄指正。個人覺得徐少強和劉永都有很多相似的地方。
Mr Tsui was more handsome than Mr Lau!
作者: choihung    時間: 2008-6-26 15:49

引用:
原帖由 cooolman 於 2008-6-26 12:55 PM 發表

同雪梨有瓜葛果位大哥叫徐少強....另一女星殺手！
但當年最難接受o既係，黃造時跟o左陳觀泰！.....
Miss Wong was pretty (much better than Lau Kar Ling!!).  Not sure how she looks like nowadays.
作者: tangkennis    時間: 2008-6-26 21:07

噢，咁多回應 , 冇幾可   ！！

小弟靜係記得之前的蕭瑤(希望冇記錯！)，和之後的黎燕姍，中間戴良純的「暴力襲擊事件」就所知不多了。多謝choihung君和dynmv 君的詳細報道！

個陣時劉永佢群埋李小龍、林正英、陳會毅阿一班人咁係度練功夫，玩西洋拳空手道，比佢打親確係好傷，唔講得笑架。

小弟心想，有著纍纍前科，咁都有女仔下嫁，仲係要好靚個隻哦！除了講愛情威力之何其巨大外，就只好話天公實在太偏心啦 ！！


作者: tangkennis    時間: 2008-6-26 21:10

引用:
原帖由 wai1960 於 2008-6-26 00:33 發表

這版我同意，我就是因為「萍踪俠影錄」而迷上陳強。
陳強係佳視都算勁，一出就係男主角！做【碧血劍】的袁承志和【萍踪俠影錄】的張丹楓，小弟都係佢的〝小〞影迷 ！！ 。佢唔算靚仔，但勝在夠高大。之後就唔係好覺佢仲做過邊套了。

之後佢移民美國聚妻生子，大概八十年代中後期佢有返過香港幾天打理私人業務，同李通明一齊去電視台探班，仲被影埋相登係娛樂版添。
作者: pashwawa    時間: 2008-6-26 21:15

引用:
原帖由 tangkennis 於 2008-6-26 21:07 發表
噢，咁多回應 , 冇幾可   ！！

小弟靜係記得之前的蕭瑤(希望冇記錯！)，和之後的黎燕姍，中間戴良純的「暴力襲擊事件」就所知不多了。多謝choihung君和dynmv 君的詳細報道！

個陣時劉永佢群埋李小龍、林正 ...
記得劉永曾在李小龍其中一套電影出現過(唐山大兄﹖)。我想他亦是懂武術之人。唔怪得個個女朋友都唔夠拒打。
作者: tangkennis    時間: 2008-6-26 21:16

小弟記得歐瑞偉有一次被訪問(新電視雜誌)，佢「發負氣」咁話，阿劉德華未紅個陣時，佢同人地做武打替身，到阿華哥紅左啦，就要佢做劉德華個替身，到左而家自己做第一男主角，就要自己落手落腳親身去打 ... 監制話:"你識打就唔駛用替身喇"！！佢個陣時好似有點「條氣唔順」，你知啦，娛樂圈跟紅頂白，唔知係咪咁得罪咗 D 監制高層呵！！

阿 wai1960君，如有機會可唔可以問下瑞偉哥，佢點解會「急流勇退」嘅？個陣時劉德華被雪藏，出現男角真空，真的是千載難逢的機會，阿瑞偉哥緣何會錯失良機吖…


作者: tangkennis    時間: 2008-6-26 21:18

圖左是凌波，大家都知了，「左右侍女伴身旁」的三位大家亦知，那麼最右邊的是那一位呢 … 企得埋慈禧太后身的都非無名小輩呵！！

Good night !


作者: wai1960    時間: 2008-6-26 22:20

引用:
原帖由 tangkennis 於 2008-6-26 21:16 發表
小弟記得歐瑞偉有一次被訪問(新電視雜誌)，佢「發負氣」咁話，阿劉德華未紅個陣時，佢同人地做武打替身，到阿華哥紅左啦，就要佢做劉德華個替身，到左而家自己做第一男主角，就要自己落手落腳親身去打 ... 監制話 ...
他並不是急流勇退，而是移民到咗新加坡，他一直在馬來西亞和大陸拍電視劇及電視電影。
那時他還年輕，而且他還是一個心直口快的人，不懂得娛樂圈的生存之道，其實他能生存到現在，我也覺得是一個奇蹟。

最近他經常到百度他的貼吧發貼，所以都算知道他的一些消息，今個月二十八日十二時半「疑情別戀」就在荷里活廣場作宣傳，這個也是我問他，他說的。
作者: wai1960    時間: 2008-6-26 22:23

引用:
原帖由 choihung 於 2008-6-26 11:20 發表


Oh you know him personally?  Pls tell him that he still has fans!!
其實還有很多人喜他的，在百度也聚集了一些人。
不很多，但大家都很開心。昨天他也有去，我們也傾談了一陣子。

[ 本帖最後由 wai1960 於 2008-6-26 22:24 編輯 ]
作者: wai1960    時間: 2008-6-26 22:30

引用:
原帖由 tangkennis 於 2008-6-26 21:10 發表


陳強係佳視都算勁，一出就係男主角！做【碧血劍】的袁承志和【萍踪俠影錄】的張丹楓，小弟都係佢的〝小〞影迷 ！！ 。佢唔算靚仔，但勝在夠高大。之後就唔係好覺佢仲做過邊套了。

之後佢移民美國聚妻 ...
是呀，他不算靚仔，但就真的很高大，有型，看「萍踪俠影錄」時，就好喜他穿著白衣、騎著白馬的形態。他離開佳視之後，據聞是做了空中少爺。但其後我就不知了。
多謝樓主報知。
作者: choihung    時間: 2008-6-27 01:06

引用:
原帖由 wai1960 於 2008-6-26 10:20 PM 發表

他並不是急流勇退，而是移民到咗新加坡，他一直在馬來西亞和大陸拍電視劇及電視電影。
那時他還年輕，而且他還是一個心直口快的人，不懂得娛樂圈的生存之道，其實他能生存到現在，我也覺得是一個奇蹟。
...
哇，快d去拿他的簽名和影相
作者: wai1960    時間: 2008-6-27 01:23

引用:
原帖由 choihung 於 2008-6-27 01:06 發表


哇，快d去拿他的簽名和影相
你是香港的朋友嗎？那天我也會去，希望可以見到他。
作者: hollywoodground    時間: 2008-6-27 06:36

引用:
原帖由 choihung 於 2008-6-25 21:51 發表


一直都覺得Mr Lau 長得兇神惡煞，但偏偏有這麽多女人喜歡，不過都不能白頭到老，活生生是“揀錯郎”的例子。
家暴人辦, 專打女人的 Mr Lau, 他令堂好似係專演含辛茹苦的賢妻慈母的黎雯。

真搞笑！
作者: tangkennis    時間: 2008-6-28 17:18

引用:
原帖由 pashwawa 於 2008-6-26 21:15 發表



記得劉永曾在李小龍其中一套電影出現過(唐山大兄﹖)。我想他亦是懂武術之人。唔怪得個個女朋友都唔夠拒打。
李小龍前三套電影劉永都有份做，最後遺作【龍爭虎鬥】佢就負責陪 John Saxon 尊蕯遜跑步練拳，沒有出鏡。


作者: tangkennis    時間: 2008-6-28 17:19

引用:
原帖由 wai1960 於 2008-6-26 22:20 發表

他並不是急流勇退，而是移民到咗新加坡，他一直在馬來西亞和大陸拍電視劇及電視電影。
那時他還年輕，而且他還是一個心直口快的人，不懂得娛樂圈的生存之道，其實他能生存到現在，我也覺得是一個奇蹟。
...
哦，原來如此，多謝wai1960君的報導。
作者: tangkennis    時間: 2008-6-28 17:20

引用:
原帖由 choihung 於 2008-6-27 01:06 發表


哇，快d去拿他的簽名和影相
嘩，有得搵瑞偉哥的親筆簽名，好羨慕呵！！
作者: tangkennis    時間: 2008-6-28 17:23

引用:
原帖由 wai1960 於 2008-6-26 22:30 發表


是呀，他不算靚仔，但就真的很高大，有型，看「萍踪俠影錄」時，就好喜他穿著白衣、騎著白馬的形態。他離開佳視之後，據聞是做了空中少爺。但其後我就不知了。
多謝樓主報知。
不用客氣。

陳強演白馬書生張丹楓，的確不錯。原作者梁羽生筆下的他，是「亦狂亦俠真名士，能哭能歌邁俗流，難忘恩怨難忘你，只為情痴只為真」 … 他亦掌握有度，不慍不火；劉松仁當然演得好，但小弟再「唯心」地講都是陳強演得最好！！

佳視執粒，經典劇集被拍買，都分別落入麗的和大台之手。之前聽講射雕/神雕已在大台的衛星頻道播出了。大家記唔記得麗的都曾播過【碧血劍】和【萍踪俠影錄】吖，大概是八十年代中(應該是劉松仁米雪版之前)，晚十一時後播出，以作熱身之用… 唉 … 麗的係弱台，相信都冇乜人睇過了。




楊盼盼演的雲蕾妙目流盼，深情款款的望著陳強演的張丹楓，而後者身負家仇國難，表現出有愛難圓的悲慟，印像非常深刻 … 正是口說無憑，如日後有機會這套劇集再次重播的話，大家不妨抽空看一看呵，以証小弟所言不虛也！！



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0