香港 Xocat Forum 討論區 - Powered by Discuz! Board

標題: 麥卡倫的笑料 [打印本頁]

作者: Fire_Ball 時間: 2008-6-17 11:44 標題: 麥卡倫的笑料

英格蘭和愛爾蘭雖然都未能打入今屆歐洲國家盃決賽週，不過一樣有笑料傳出，根據愛爾蘭傳媒報導，話說上任英格蘭教練麥卡倫以業內人事身份到歐洲國家盃賽會辦公室領取入場證，歐洲足協職員一見他，便說：「呀！我認得你，你你你你係教愛爾蘭嗰位教練．．．」

那位職員大概認錯麥卡倫是愛爾蘭上任教練史當頓，不過二人倒有一個共通點：都是因為未能帶領國家隊打入今屆歐洲國家盃而被炒魷。人有相似？還是物以類聚？

麥卡倫想復出

前英格蘭國家隊領隊麥卡倫向領隊一職懸空的布力般流浪自薦。

麥卡倫說︰「當然，布力般流浪方面對我會感到興趣。帶領英格蘭期間所發生的一切對我來說是一大失敗經歷，但我想重返領隊職位。」

個人希望舒利亞去試試

作者: mkpmkp 時間: 2008-6-17 23:32 標題: haha...good!

haha...good!

作者: claudeyue 時間: 2008-6-17 23:56

引用:

原帖由 Fire_Ball 於 2008-6-17 11:44 發表

英格蘭和愛爾蘭雖然都未能打入今屆歐洲國家盃決賽週，不過一樣有笑料傳出，根據愛爾蘭傳媒報導，話說上任英格蘭教練麥卡倫以業內人事身份到歐洲國家盃賽會辦公室領取入場證，歐洲足協職員一見他，便說： ...

我又覺得唔認得佢係個職員既問題, 話晒都係歐洲足協職員喎

作者: fourfoursixsix 時間: 2008-6-18 23:58

愛爾蘭同英格蘭既人腳都唔同，點可以一概而論丫？麥卡倫今次其實都有樣好，英格蘭唔係話唔好波，但實在被高估（因感情因素？），佢帶英格蘭出局（唔係出線）可以令好多人輸少 d。

作者: ryanwkw27 時間: 2008-6-21 15:18

大家就放長雙眼，睇下佢帶川迪又會搞成點!!!

作者: OrangeFai 時間: 2008-6-21 15:57

引用:

原帖由 ryanwkw27 於 2008-6-21 15:18 發表
大家就放長雙眼，睇下佢帶川迪又會搞成點!!!

去左川迪?

作者: Fire_Ball 時間: 2008-6-21 17:36

引用:

原帖由 OrangeFai 於 2008-6-21 15:57 發表

去左川迪?

麥卡倫正式接掌川迪

麥卡倫與荷蘭川迪已簽下了2年的合約。麥卡倫說：在今早我已與川迪達成協議，成為他們的新領隊。這是我的領隊生涯之中最興奮的時間，我已急不及待地接受挑戰。

川迪既是荷蘭8號仔安格拿 (Orlando ENGELAAR) 現在效力的球隊.

祝隊波好運, 我唸衰極都唔會降班既

作者: OrangeFai 時間: 2008-6-21 19:22

引用:

原帖由 Fire_Ball 於 2008-6-21 17:36 發表

麥卡倫正式接掌川迪

麥卡倫與荷蘭川迪已簽下了2年的合約。麥卡倫說：在今早我已與川迪達成協議，成為他們的新領隊。這是我的領隊生涯之中最興奮的時間，我已急不及待地接受挑戰。

川迪既是荷蘭8號仔 ...

個人覺得安基拿走的機會好大喎

作者: Fire_Ball 時間: 2008-6-21 23:02

引用:

原帖由 OrangeFai 於 2008-6-21 19:22 發表

個人覺得安基拿走的機會好大喎

我都相信佢走硬, 年紀唔細, 仲唔趁機搵間大球會簽張靚約

$$$

作者: Fire_Ball 時間: 2008-6-22 13:02

引用:

原帖由 OrangeFai 於 2008-6-21 19:22 發表

個人覺得安基拿走的機會好大喎

英超雙雄爭奪安格拿亞 2008年 6月 21日 20:39

安格拿亞在今屆歐國盃表現出色

根據報導，英超球會紐卡素及愛華頓均對荷蘭中場安格拿亞有興趣。

作者: 郭政鴻 時間: 2008-6-22 13:58

提示: 作者被禁止或刪除內容自動屏蔽

作者: Fire_Ball 時間: 2008-6-23 00:17

引用:

原帖由 郭政鴻 於 2008-6-22 13:58 發表

but he played bagly in the last game against Russia

橙軍成隊波好似早一晚床上大戰百回咁, 個個腳軟

又豈只安格拿亞表現差. 相反俄軍好似齋戒10日, 再飲完成打紅牛出黎, 見波即生

睇左頭廿分鐘已知橙軍死硬

作者: 郭政鴻 時間: 2008-6-23 00:24

提示: 作者被禁止或刪除內容自動屏蔽

作者: OrangeFai 時間: 2008-6-23 02:40

引用:

原帖由 郭政鴻 於 2008-6-23 00:24 發表

不過有d唔甘心,俄羅斯呢班波低荷蘭一皮,真係無得好講,可能心理壓力太大,而俄軍無心理壓力下打出漂亮一仗

荷蘭尋日係抵死的, 不過我唔知應該歸咎於球員定coach好.

講真, 荷蘭之前3場都係放膽去攻, 用「攻擊就係最好的防守」呢個原則去踢, 個波大部份時間係對方半場, 後防受壓當然少.

相反對俄國一場, 就算俄羅斯用過半場即緊逼, 以荷蘭的質素, 傳波的水準唔應該一下子跌到咁低! 而雲巴士頓的調動令人費解, 換入雲佩斯建樹甚少, 又唔知點解唔換洛賓. 另外保拿奴斯換左等於無換.... 真正出色的教練, 唔止剩係交紙俾球證話換人, 而係見球隊處於劣勢, 就會借換人來改變戰術甚整個隊型. 但雲巴根本做唔到. 見到的只係攻勢唔見得流暢左, 後衛繼續俾人放到甩褲....要唔係迪莊不斷保位同埋雲達沙的高水準演出荷蘭早就收皮.

作者: Fire_Ball 時間: 2008-6-23 11:21

引用:

原帖由 OrangeFai 於 2008-6-23 02:40 發表

荷蘭尋日係抵死的, 不過我唔知應該歸咎於球員定coach好.

講真, 荷蘭之前3場都係放膽去攻, 用「攻擊就係最好的防守」呢個原則去踢, 個波大部份時間係對方半場, 後防受壓當然少.

相反對俄國一場, 就算俄羅斯 ...

正如我前言所說, 以當日荷蘭的體能情形, 真係邊個做主帥都救唔番

等我開番個荷蘭死因研究庭

從來荷蘭都係能攻不擅守, 一旦失勢被壓住黎攻, 多數都輸

荷蘭主要死因在體能, 其次在右衛, 其三在中場失勢

首因事後可以怪雲帥和體能教練, 但我覺班球員都好大問題, 真想知班友個幾日休息去左攪咩

次因無得救荷蘭陣中得保拿奴斯, 希汀加, 米芝洛3個RB\CB, 原來保拿奴斯仲打得好過希汀加, 怪不得搶左個正選. 換人應該係怕保拿奴斯再攞多張牌, 紅埋會打少件

其三都係冇計, 兩件防中唔夠人搶

始終唔係夏格維斯, 馬斯查蘭奴, 艾辛既級數

歡迎光臨香港 Xocat Forum 討論區 (http://p.xocat.com/p/)