香港 Xocat Forum 討論區 - Powered by Discuz! Board

標題: 香港少女性經驗超英趕美 [打印本頁]

作者: 飛鳥 時間: 2008-6-23 09:34 標題: 香港少女性經驗超英趕美

調查：邊青14歲性行為平均性伴4.4個
(明報) 06月 23日星期一 05:10AM

【明報專訊】社聯訪問1200名18或以下邊緣青年後發現，青少年有性經驗愈見年輕，63.4%受訪者有性經驗，較10年前同類調查大幅提升約20個百分點；當中青少年首次性行為的年齡平均僅14歲，而有性經驗者的性伴侶數目平均逾4個；地區青少年外展隊成員陳子陞認為，年輕人對安全性行為認識未追上步伐，「對避孕有多種謬誤，10年來無進步過」。

六成有性經驗安全意識不足

調查由全港16隊地區青少年外展社會工作隊及香港社會服務聯會合作，以隨機抽樣方法訪問1200名邊青，年齡介乎11至18歲，六成為男性，四成為女性，佔82%為15至18歲。

結果顯示，757名受訪者曾有性經驗，佔總數63.4%，參與調查的地區青少年外展隊成員李德惠表示，相對起97年城大同類調查，訪問801名年齡為18歲或以下的青少年中，有40%有性經驗，數字明顯上升。而有性經驗的受訪者中，平均年齡為14歲，最少的更只有11歲。社聯的調查顯示青少年婚前性行為問題嚴重。

一成人逾10名性伴

受訪者被問及對兩性關係的態度時，表示接受一夜情的有474人（39.7%），曾試過的有230人（19.3%），而接受「多P（群交）」的人數達142（11.9%），試過的更有40人，佔總數3.4%。李德惠表示，結果反映青少年心智未成熟，以為追求性慾等同「型」及「敢作敢為」的表現。

性伴侶數目方面，有性經驗者平均有4.4名性伴侶，更有一成多達10個以上。社聯兒童及青少年服務主任陳鑑銘認為，青少年有多個性伴侶現象普遍，但對安全性行為意識不足。

李德惠表示，受訪女生為滿足伴侶而「獻出第一次」，事後往往擔心懷孕，但男方則感覺愉悅，較少顧慮後果，反映受訪年輕人未懂尊重及關懷，建議應盡早在小學推行「生命教育」、把性教育納入中學生必修內容，並針對高危的邊青提供一站式危機支援中心，提供社工輔導、醫生諮詢、服務轉介等，減省輪候時間。

作者: 飛鳥 時間: 2008-6-23 09:37

有沒有想過你11歲的時候玩緊乜？

性教育太多還是太少？

[ 本帖最後由飛鳥於 2008-6-23 09:38 編輯 ]

作者: whisky 時間: 2008-6-23 10:08

提示: 作者被禁止或刪除內容自動屏蔽

作者: 飛鳥 時間: 2008-6-23 11:08

引用:

原帖由 whisky 於 2008-6-23 10:08 發表
時代不同了
性教育是必要
也不會太多
你情願教育他們
還是由得他們網上自學

唔係唔教，應該等到思想基本成熟才教，沒有限制網絡色情，再加上報章媒體渲染，導致今天的惡果！

作者: peninsula 時間: 2008-6-23 20:48

引用:

原帖由飛鳥於 2008-6-23 09:34 發表
調查：邊青14歲性行為平均性伴4.4個 ...

A bit surprised!

作者: CAB 時間: 2008-6-23 22:33

This is a biased sample test..."....社聯訪問1200名18或以下邊緣青年後發現","...以隨機抽樣方法訪問1200名邊青"

你不如隨機抽樣方法訪問1200名马缆妹，结果仲惊人！

作者: auriga00 時間: 2008-6-24 04:06

引用:

原帖由飛鳥於 2008-6-23 11:08 發表

唔係唔教，應該等到思想基本成熟才教，沒有限制網絡色情，再加上報章媒體渲染，導致今天的惡果！

但係佢地唔會等到自己「思想基本成熟」先至去接觸網絡危情、報章媒體及其他渠道喎？

作者: hny 時間: 2008-6-24 13:18

依家D細路，真是冇野講............

作者: runaway 時間: 2008-6-24 15:10

乜你真係覺得係細路問題?我反而覺得係而家既所謂父母識生唔識教, 導致時下細路冇家庭及家長尊重意識, 自己唯有出外尋活動, 冇乜錢之下最好玩又最平宜既活動就係SEX, 唔應該話好正常,但一D都唔意外...

作者: oneout 時間: 2008-6-24 16:46

This is the problem of Hong Kong.

作者: peninsula 時間: 2008-6-24 21:05

引用:

原帖由 CAB 於 2008-6-23 22:33 發表
This is a biased sample test..."....社聯訪問1200名18或以下邊緣青年後發現","...以隨機抽樣方法訪問1200名邊青"！ ...

Oh - not representative sample?

作者: airport 時間: 2008-6-24 23:49

what's the sampling method...?

by the way, I seriously think that many girls from HK are actually very conservative when dealing with sex.......-.-"""

作者: peninsula 時間: 2008-6-25 10:02

引用:

原帖由 airport 於 2008-6-24 23:49 發表
what's the sampling method...?
by the way, I seriously think that many girls from HK are actually very conservative when dealing with sex.......-.-"""

Of course la.

作者: runaway 時間: 2008-6-25 11:38

人地段新聞係講[邊緣青年],你又識幾多邊緣青年? 佢地d家庭模式幾乎係主流之外, 家長教育水平偏低, 老父少母(平均差15年以上), 母親更可能唔係香港人(或者係泰國,越南),家庭環境差地方少, 其實就係一班可憐人, 想生活好d都唔知點去搞...平日群埋一齊, 冇野做又冇錢, 所以就扑野...

作者: 飛鳥 時間: 2008-6-27 22:20

引用:

原帖由 stanley_4134 於 2008-6-25 15:02 發表
思想開放的必然既結果

其實教育係重要, 但教左你會唔會聽係另一回事

唯有在避孕方面做番d 功夫....

應該立法規定所有未成年少女都要打避孕針，保證任插都唔會搞出人命！

作者: 141Fun 時間: 2008-6-27 22:34

應該係傳媒不停地以性及婚前行為為賣點的電影、音樂、新聞節目等污染了我們的新生代。
不是我們是否教的問題。你看一個7、8歲多的小朋友，日日看的便是有關陳生與鍾小姐的風波報導，打的是非常爆力及色情的遊戲，聽歌便聽到一個女呻吟着地訢說他多麼地想要個男人，又或個男的要女人、女的要女的、男的要男的東東。

你到10、13 之間才教他正式的性教育已經遲了。可能要更早一點才成了。

作者: runaway 時間: 2008-6-28 02:31

對唔住, 我一d都唔同意你既睇法,因為身為父母係有責任去教細路,教清楚乜野係是非黑白既睇法, 報紙日日見唔代表係真理, 唔應該因為娛樂圈如何如何,家庭就百百分百承接娛樂圈既價值觀,講到底你又唔係藝人,d藝人食乜,著乜,做乜關你乜事? 照你意思,父母放手唔理,由得小朋友自己見乜學乜,不如生完唔好放在屋企,比幾萬佢自生自滅仲好啦.

而家問題係好多人用搵食用藉口,生完唔教,將責任推比別人, 我最怕見到就係60,70歲老人家拖著個小朋友, 有唔少老人家本身人品可能唔差但教育水平不足,成日同個細路講埋d唔make sense說話, 一得閒就叫個細路睇電視當消遣, 而家tvb點睇得入眼,任何有識之人除咗睇新聞之外,果d九流劇集,半咸又粗皮既獎門人,唔睇壞人先奇. 作為家長唔同家中細路把關, 任由放縱, 生細路出來做乜???????

作者: 港奸剋星 時間: 2008-6-28 08:34

就算學校﹑社會有教
相信都唔會令數字下降

作者: mark+gor 時間: 2008-6-30 11:31

引用:

原帖由 港奸剋星 於 2008-6-28 08:34 發表
就算學校﹑社會有教
相信都唔會令數字下降

何已見得？請說出理據。

作者: mark+gor 時間: 2008-6-30 11:35

引用:

原帖由 runaway 於 2008-6-28 02:31 發表
對唔住, 我一d都唔同意你既睇法,因為身為父母係有責任去教細路,教清楚乜野係是非黑白既睇法, 報紙日日見唔代表係真理, 唔應該因為娛樂圈如何如何,家庭就百百分百承接娛樂圈既價值觀,講到底你又唔係藝人,d藝人食乜 ...

如何教也是一個問題。有些家長自己也是非不分，有些把愛變成寵，父母反被子女牽住走，那如何教得好子女呢？

作者: runaway 時間: 2008-6-30 11:41

講得啱, 所以我成日話而家生仔先要攞牌, 先要測試父母既SQ同EQ,經濟能力等等...唔好以為有個性器官有大晒...

作者: ivan99 時間: 2008-6-30 11:58

引用:

原帖由 runaway 於 2008-6-28 02:31 發表, 而家tvb點睇得入眼,任何有識之人除咗睇新聞之外,果d九流劇集,半咸又粗皮既獎門人,唔睇壞人先奇. 作為家長唔同家中細路把關, 任由放縱, 生細路出來做乜???????

TVB除劇集，亦有資訊節目，例如向世界出發，新聞透視，蔡蘭旅遊節目......，就算劇集，亦不是全九流，TVB能多年在有華人地方企得住，劇集佔好多功勞，一流或九流，真係見仁見智；獎門人係粗俗d，但亦可以帶給香港人茶餘飯後一d笑料，輕鬆一下。
其實：香港少女性經驗是否超英趕美，怎樣統計，怎樣取樣本，可以有不同答案。

歡迎光臨香港 Xocat Forum 討論區 (http://p.xocat.com/p/)