香港 Xocat Forum 討論區 - Powered by Discuz! Board

標題: 特區政府已經失去香港管治權 [打印本頁]

作者: 飛鳥 時間: 2008-7-13 10:13 標題: 特區政府已經失去香港管治權

特區政府已經失去香港管治權
香港進入收音機治港，時事評論員治港、網絡討論區治港，特區政府完全被媒體講的所謂民意牽著鼻子走，換句話說特區政府已經失去香港管治權！

作者: 飛鳥 時間: 2008-7-13 10:27

濫權自毀形象　香港唔唱都衰
2008-07-13
【東方日報專訊】好事不出門，壞事傳千里。最近聽講有人唱衰香港，仲專門開咗一個網頁添，功夫茶上網一查，真有其事。不過，人哋唔係生安白造專登唱衰，而係香港確實羞家。

原來網主就係澳洲華僑譚先生，佢上月底喺澳洲返香港，帶咗一公斤生牛柳準備孝敬外父，佢主動向海關申報，點知仍然被扣查咗足足十粒鐘，仲被檢控，罰款一千蚊。

無喇喇畀人整鑊甘，譚先生條氣梗係唔順啦，佢話要向全世界揭露香港政府苛刻執法，搪塞卸責。佢仲話，對政府部門辦事效率好失望，食環署話人手唔夠，就將佢喺機場禁區扣留六、七粒鐘，送去機場警署，又關咗三粒鐘，當正犯人咁。大佬，人哋帶少少牛肉啫，又唔係殺人放火，使唔使咁呀！

最令譚先生火滾嘅係，呢班執法人員錯咗唔肯認，佢事後唔知有冇留案底，去問食環署、海關同警方，佢哋都當佢乒乓波咁推嚟推去，始終冇人講得清楚。譚先生直斥海關同警方帶佢坐旋轉木馬。

正如譚先生話齋，喺澳洲絕對唔會發生呢種事，入境之前，澳洲政府會提供指引，講清楚乜嘢物品唔可以帶入境，如果旅客帶咗而有申報，最多叫你丟咗佢。總之絕對唔會當你係罪犯咁審。其實，又點止澳洲，走勻全世界都唔會有咁騎呢嘅事發生啦。

講開又講啦，呢幾年香港旅遊業受周邊地區威脅，走緊下坡，政府高官吹水唔抹嘴，口講冇有怕，其實好心虛。煲呔曾早排仲「閃咗去」美國三藩市主持香港日，旅遊發展局仲攞咗三千幾萬出嚟，舉辦二○○八香港盛夏魅力活動，想爭取多啲客源。

嘥氣啦，掟多多錢宣傳都唔夠政府自己倒米。譚先生將件事原原本本寫出嚟，仲話對香港法律制度已失望，對香港印象大打折扣。睇嚟香港今次想唔出名都幾難喇，外地遊客睇見譚先生咁嘅遭遇，對香港點會仲有好感。好人好姐都無情白事惹官非，除非有被虐待狂，否則想搵人嚟香港都幾難。

其實海關濫權嘅事，簡直多籮籮。早排有個女士北上返港，帶咗一包喺香港買嘅煙，剩番七支，過關時無端端被罰咗二千蚊。但係佢以前有次過關，亦帶咗五支煙，海關人員就話唔使申報，一時一樣，令人無所適從。呢件事被本報踢爆，海關上周四開始補鑊，喺關口派單張，提醒市民出境未夠二十四小時必須申報所攜帶的香煙。唉，早知今日，何必當初？

照功夫茶話齋，海關同食環署咁玩法實在離晒大譜，直情係幫香港趕客。機場等口岸係香港嘅大門，依家等於喺門口放咗幾隻惡狗喺度亂吠，邊個敢入嚟吖。

話時話，香港呢排唔知撞咗乜嘢邪，班執法人員好似食錯藥咁，警方成日要市民無理剝光豬搜身，仲要離譜到一日剝五次，海關同食環署又隨意留難外地遊客。政府咁樣濫權，香港唔使人唱，自己都衰到貼地啦，仲講乜嘢盛夏魅力，「嚴冬霉港」就真。

作者: 飛鳥 時間: 2008-7-13 10:38

海關人員和執法人員都變成惡狗

作者: ngtungsee 時間: 2008-7-13 10:45

佢地都係執行緊特首口中嘅強政厲治,以民為本嘅治港理念中的厲治之嗎

作者: oneout 時間: 2008-7-13 14:36 標題: 回復 4# 的帖子

一矢中的

作者: 港奸剋星 時間: 2008-7-13 15:41

中環當局自1997年勾結中共入侵香港開始
董建華﹑曾蔭權
先後攪到香港永無寧日﹑百姓慘遭禍手之餘
香港的核心價值及整體利益
日日被迫輸送予中共
依家香港百姓
日日都想起義﹑推翻佢
依家
民怨比董建華年代嚴重
懇請中環當局應該自我解散
廣開普選
還香港人民新香港

作者: oneout 時間: 2008-7-13 18:21

會唔會大想頭 d 呢!我想我呢一生都見唔到!

作者: 飛鳥 時間: 2008-7-13 18:27

引用:

原帖由 港奸剋星 於 2008-7-13 15:41 發表
廣開普選
還香港人民新香港

萬一選出個港產衰扁，港人又再衰多八年。

作者: 飛鳥 時間: 2008-7-14 08:49 標題: 收音機成功統治香港

煲呔擬「加碼」數十億紓民困
(星島)7月14日星期一 05:30
(綜合報道)

(星島日報報道)本報得悉，體會到市民深受通脹之苦的行政長官曾蔭權，已決定動用五十億元以內的撥款，推出多項紓解民困措施，包括凍結所有政府收費、考慮調整外傭徵費，一次過增加約一千元的生果金及數百至一千元的書簿費津貼等，並最快在本周三立法會答問大會上公布。

　　本報記者

　　曾蔭權深明市民生活在通脹的壓力下，近日不斷進行街訪活動，多聽取市民的聲音，並希望能吸納他們的意見，紓解民困。他早前曾探訪一些家庭和長者，發現不少住戶都反映子女的書簿費昂貴，而長者也覺得百物騰貴，希望生果金可以增加。

　　凍結所有政府收費

　　消息人士透露，港府都體會民情，已決定凍結所有政府收費，又決定為《財政預算案》的利民紓困措施「加碼」，初步會定在五十億元以內，措施可能再待新一屆立法會成立，通過撥款才能實施。單是低收入公屋住戶寬減一個月租金和增加一個月綜援津貼，便需要二十二億元，再加上為長者提供一次過約一千元的生果金，也要約五億元，已花費二十七億元。

　　額外一千元生果金

　　該消息人士說，也會提供由數百至一千元的書簿津貼，並考慮寬免或暫停每月四百元的僱傭徵費。

　　曾提出有關建議的民建聯主席譚耀宗說，現時再培訓局已有足夠的徵費應付運作，暫時不收也不會影響培訓工作，認為暫停徵收直至有需要時再重新開徵，更能協助市民。

　　譚耀宗坦言，暫停徵收僱傭徵費，最快見效，因為是僱員再培訓局徵收，只要行政會議作指示，便可以直接寬減，毋須再經由立法會通過，而且有關措施也不是只是「益」有錢人，不少屋邨或私人屋苑家庭現時都僱有外籍傭工，暫停收取每月四百元的徵費，對他們也有紓困作用。

　　不少市民都深受交通費開支之苦，消息人士說，會為學生提供港鐵全綫票價優惠，令學生享半價優惠，不過，無意全港落實「交通費支援計畫」。

　　對於電費再加碼補貼，消息人士認為，單是每戶提供一千八百元補貼，便要花四十三億元，而且不少低收入住戶也要一段時間才完全扣減，正在研究，而水費的補貼，由於不少基層市民都毋須交水費，提供補貼對他們可能作用不大。

　　學生搭港鐵享半價優惠

　　對於通脹之苦，民主黨何俊仁昨透露，選舉政綱會以紓解民困為首要的任務，希望政府盡快實施醫療半價收費，而且增加生果金及長者的綜援額。對於在職貧窮人士，民主黨倡議領取綜援的在職人士，如果收入超過四千二百元，政府可代為儲蓄餘額，而非將金額沒收。儲滿十萬元後，交還當事人，幫助他們脫貧。

　　針對年輕人所面對的社會競爭和壓力，民主黨建議政府，盡量寬免年輕人的升學貸款利息，其中包括副學士和大學。

作者: COO 時間: 2008-7-14 14:22

引用:

原帖由飛鳥於 2008-7-13 10:13 發表
特區政府已經失去香港管治權
香港進入收音機治港，時事評論員治港、網絡討論區治港，特區政府完全被媒體講的所謂民意牽著鼻子走，換句話說特區政府已經失去香港管治權！

冇計，d 缺乏國際視野既領導人和週邊痔囊團，鐘意指指點點，做 backseat driver。加上Donald Tsang 又棧戀權力，香港都幾難有運行 lu。

作者: 飛毛腿 時間: 2008-7-14 18:22

情形同天水圍一九色
傳霉無厘頭九一手泡製一個所謂 " 悲情城市 "

九十年代初
通脹率每年以雙位數上升
家陣通脹率仲只係單位數
傳霉就舖天蓋地大吹特吹 , 講到世界末日咁
沙士前幾年情況倒轉
香港冇通脹而有通縮
計正冇乜加價壓力之下日子過得好輕鬆寫意
但偏偏就係日日有人燒炭跳樓
每個月破產個案月月創新高

民意 ? 傳霉大吹大擂就代表民意