香港 Xocat Forum 討論區 - Powered by Discuz! Board

標題: 二零零八年北京秦城監獄奧運會 [打印本頁]

作者: 肥笨蛋 時間: 2008-7-15 00:34 標題: 二零零八年北京秦城監獄奧運會

開始寫之前，先行講明，本人係一個反共份子，因本人深信，共產／社會主意絕唔可能在有人類的世界成真，現實亦可見所有堅持共產／社會主意的國家，都無一個成功（至於所謂 "有中國特色的社會主意" 大家對大陸同共產／社會主意，有皮毛認識的，都會知道係點樣掛羊頭賣狗肉），更加唔洗講要做到馬克思的烏托邦，各位親共鷹犬，請盡情攻擊．

講返正題，今日北京奧組委公報咗，奧運期間在場館內的行為指引，有好多全世界在喜慶事件或節慶日子，都會做的 "平常事" 竟然都唔比做：帶樂器入場，為中國隊打氣加油，唔得（連大家去演唱會，大會都會派的 BB 都唔比吹，真係比你玩到 BB 聲響）；帶海報及寫上加油字句的標語入場，唔得；大家穿著相同設計或圖案的衣服入場，唔得（香港賣咗咁多印有 "中國加油" 的 T 恤都好可能係好心做壞事）；睇比賽睇到太投入企上坐椅或大陸人每日都唔小得的小動作 "蹲" 在一旁，唔得；落雨時候，帶把大雨傘入場，唔得；帶 "縮骨雨傘" 入場可以（終於有一樣做得），但係唔好意思，入到場之後，就算係落雨天，閣下坐的又係露天坐位，都唔可以打開把 "縮骨雨傘" 用，只可以在雨中 "硬食" （咁點解要比帶把 "縮骨雨傘" 入場呢？咁點解同點樣去睇比場呢？如果天氣反常落冰雹，咪死得人多？），地震的確難唔到勇敢的中國人民，但咁樣的行為指引就難到落雨時，有門票想去睇奧運的北京市民．
北京要個奧運易於管理同唔可以出亂子，咁樣搞法，不如將成個奧運所有的比賽，都搬去秦城監獄進行吧啦，再唔係就一於收回所有境內的門票，再由解放軍換便服當做老百姓入場睇啦，到時個個大陸入場者都係坐到直一直；聲都唔聲；目光全部癡癡呆呆，專門監視入場的外國人；一但有外國人想企起身／開口叫或手指指等 "出位" 行為，就馬上一萬幾千人撲過去用人海戰術，即時制服及 "靜雞雞" 帶走一干人等，咁就一定萬無一失，而奧運期間，中南海的 "住客" 及工作人員，就一於搬晒去汶川，一來唔怕比法論功的人，博大霧手牽手包圍中南海，嚇親班 "住客" 發生集體 "失禁" 事件，搞到一褲都係；二來又可以親自到地震前線，監察救災情況，同監察收到數以百億善款，有無用到 "應該用" 的地方，同有無入到 "應該入" 的銀行戶口，一舉兩得．
現在就連瞎子都睇得出，大陸全境的人都在等開奧運，都想有份參與，但就公報個咁樣的行指引，真係唔冷凍所有對北京奧運感到自豪的大陸人，都真係笑死外國人的口．
本人就便係替他們不值，原來 "共匪" 竊國都快六十年，到今時今日咁樣的情勢下，都仍然信唔過十三億老百姓，咁你不如唔好申請辦奧運啦，你搞個咁樣笑死人的奧運，你似甚麼樣啊？幾時有見過，其他國家搞奧運或大型活動，會好似 "共匪" 咁樣定規矩．
當大陸人因為北京辦奧運，覺得身為中國人而自豪的時候，本人真係替他們有一個對他們，百份之一百唔信任的 "政府" 而感到可悲．

作者: 牛奶蛇 時間: 2008-7-15 03:01

難得的好文.

原來应該歡樂祥和的國際聚會搞到好似軍事演習, 秦城監獄可能太細, 索性移去瀋陽軍区或南京軍区舉行, 便萬無一失矣.

作者: oneout 時間: 2008-7-15 03:55

蛋兄,這就是所謂有 "中國特色" 的奧運了,自己的人民被勸在家看電視!唉!!!!!!!!!!!!