香港 Xocat Forum 討論區 - Powered by Discuz! Board

標題: [建議] 淺水碼頭村 [打印本頁]

作者: 瞭望台 時間: 2008-7-20 09:48 標題: 淺水碼頭村

我在淺水碼頭村住了十多年，看到網友的討論很有興趣，如果有淺水碼頭村或筲箕灣的照片的話，很想看看。我的用戶名-瞭望台,是淺水碼頭村一個特色，有誰知為何？我也知道70s筲箕灣很多東西可分享！

作者: 西南風 時間: 2008-7-20 10:48

咁，斜路盡頭的「夏園」你知冇？你係住高過「夏園」吓定"斜路"邊呢？

係呢，你有冇「永華」同「金星」D相丫？好珍貴㗎。

[ 本帖最後由西南風於 2008-7-20 10:55 編輯 ]

作者: 大隻西 時間: 2008-7-20 11:41

引用:

原帖由 西南風 於 2008-7-20 10:48 發表

係呢，你有冇「永華」同「金星」D相丫？好珍貴㗎。

作者: 瞭望台 時間: 2008-7-20 20:55

我住在夏園之下，但經常到"黎明記"買野食+到附近水龍頭洗衣。

作者: ccooww 時間: 2008-7-22 23:56

我住水井區的,黎明記附近就係夏園,聽到你地提起呢d名,感覺好似見返好耐冇見d街坊咁

你地記得財記嗎?
村口紅屋派信既"朱伯"有印象嗎?

作者: ccooww 時間: 2008-7-23 00:02

引用:

原帖由 瞭望台 於 2008-7-20 09:48 發表
我在淺水碼頭村住了十多年，看到網友的討論很有興趣，如果有淺水碼頭村或筲箕灣的照片的話，很想看看。我的用戶名-瞭望台,是淺水碼頭村一個特色，有誰知為何？我也知道70s筲箕灣很多東西可分享！

瞭望台印象好似係財記行上d果間紅屋,屋出面吊住有個火警時用作通知街坊既銅鐘...
我都好想睇返以前d相,可惜當時細個冇相機

作者: 西南風 時間: 2008-7-23 10:30

兩位早晨，可能與你們的年代有D差別，徐了「夏園」同「黎明記」外，餘者都冇乜印像。就你們所述、以ccooww兄往得最高﹙高過夏園﹚，我次之(從夏園左側的小路~有度石屎橋越過山坑的一條~行二、三分鐘至到的，ccooww兄應該都是行這一段吧)，瞭望台兄住得較低﹙斜路邊的Ｘ暉台吧--名字忘了，應有個〝輝〞或〝暉〞字，請瞭望台兄補充﹚。

另一帖子講及的金華街，我就在那兒出世亦在那條街渡過了大部份的童年，係67年因拆舊樓而搬離了筲箕灣，到了你們的年代金華街D舊唐樓應拆得七七八八吧。

瞭望台兄所提及的東華三院小學是不是宝文街海皮的一間丫？

[ 本帖最後由西南風於 2008-7-23 10:36 編輯 ]

作者: ccooww 時間: 2008-7-23 15:29

西南風兄瞭望台兄
我係70年至86年期間在淺水碼頭村渡過,夏園70年代中期已經空置左,當年我時常會同期他小朋友入去玩,入面有棵楊桃樹,但d楊桃每年都係花生咁大粒,而楊桃樹對住一條斜路仔上面有一間石屋,就係當時夏園主人間屋,以前細個驚有鬼,冇入去睇過呀.
西南風兄我同你返屋企既路線有d唔同,你係沿黎明記行過去會見到山坑一段,而我就要沿夏園右邊竹林再上小小就到,我屋企好近夏園,只係隔幾間屋咋

作者: 瞭望台 時間: 2008-7-23 20:21

ccooww 西南風兄我很高興，可以和舊村友在此重逢。你們的門牌是什麼?

斜路邊的是"明福台".
財記當然記得，還有附近的"張師奶" (士多)
我和我親戚都住在淺水碼頭村各處,所以很多記憶.遺憾是當時窮，沒有相機。
我也識夏園住的人。
瞭望台在斜路(我住在斜路), 是當時治安差因而建的，每一戶要輪流看更，門口對出可通往康元.
斜路盡頭近馬路方向是幾家水果檔。
下次再說!

作者: 瞭望台 時間: 2008-7-23 23:02

"朱伯"當然記得，他中氣很好，好我們叫他"派信伯".

作者: ccooww 時間: 2008-7-24 00:00

我屋企門牌65b,你又幾多號呢?
你講起張師奶,即刻令我諗返起佢間張記士多,細個屋企冇電視,成班細路仔坐佢門口"遙望"住佢果部黑白電視,電視做緊乜其實係唔知,只係覺得好好玩

突然記得張記個老闆係叫張建東,佢當年係村長,佢死左瞭望台有嗌咪叫村民籌帛金,諗返起覺得當時村民大家都好有人情味,多年後張記士多冇再做,佢間屋賣左比人,連佢門口條橋仔前面塊空地都比佢霸埋起屋,自此就少左個地方同朋友仔玩了.
其實一直我都想知夏園既事,因為到我大個少少既時候,夏園已經人去園空,而當夏園要改建公園時,工人破開土地竟然發現地底下面係空心,而且仲有好多用紅磚堆砌成既圓龔型石柱,亦見有石牆,地面離下面有20至30尺深,而個範圍都好大,好似一間巨人住既屋咁,呢件事冇人講得出究竟點解,連黎明記呢輩老街坊都唔知,我到呢家對呢件事都好深刻.
瞭望台兄可唔可以講多d夏園既事我知呢

[ 本帖最後由 ccooww 於 2008-7-24 00:03 編輯 ]

作者: ccooww 時間: 2008-7-24 00:14

斜路盡頭近馬路方向是幾家水果檔仲記得呀

當年斜路數上第一檔係賣奶茶蛋治,再上係全記賣麵,再上係米佬,之後生果檔過d係飛髲佬,再上又係一個生果檔,即係今日仲見到果棵榕樹對面既位置.
再上係一個賣榚點既老伯,米佬同賣車仔麵既"油叔"
見到你兩位老街坊,雖然唔同年代,但又在呢個時空傾談真係別有一番滋味

作者: 瞭望台 時間: 2008-7-24 20:15

油叔我經常光顧,上午常常有很多人.
油叔對面是爛地.
油叔隔離是矮仔(賣米的)
第一檔水果檔有棋局，很多人，也很利害.
記得有一家賣電芯的李記嗎(在斜路中的)?
遲點再談!

作者: 瞭望台 時間: 2008-7-24 23:02

我們一班人，常在斜路
1. 賽跑
2. 玩公仔紙
3. 玩荷蘭水蓋
4. 玩何濟公
5. 踢球
6. 猜皇帝
7. 跳橡根
8. 玩紅綠燈
9. 跳 Over

作者: ccooww 時間: 2008-7-25 01:36

記得,佢娶左個泰國婆做老婆,生左個仔,街坊叫佢個仔做"米碌",個名好搞笑,
當年大約1979年左右獅子山下"老犁"就係用佢間米舖拍攝,個故事都係講個米佬娶左個泰國婆做老婆,你有冇睇過呢?
賣電芯的李記你講起我記得啦,印象中佢間舖黑蚊蚊,好似長期係打麻雀架喎,係嗎?

作者: ccooww 時間: 2008-7-25 01:54

我記好少係斜路玩,通常自己屋企門口同隔離屋或者d同學仔玩.
細個玩摺飛機,波子,劍仔,荷蘭水蓋,貼紙,同你差唔多,基本上係唔駛錢,
到大個d就識通山走,同朋友仔上水橋路玩,即係依家稱呼既將軍石下面既引水道玩水,捉蝦仔,游水,仲記得係朱伯帶我地去將軍石,捉金絲貓,斬吊鐘樹....
你有冇上水橋路玩呢?
我細個好百厭,真係有都講唔完

作者: 瞭望台 時間: 2008-7-25 23:01

我住在李記附近，經常有平電芯用

還有些人物，你聽過(或記得)嗎?....蘭姐，膠花婆，又你懂不懂一家姓蔡的人，他們是在永華戲院附近賣涼粉等東西的。

作者: ccooww 時間: 2008-7-26 00:04

我記得李記附近唔係好多戶人家,莫非你係就係屋企門口時常有兩隻雞果家人?
蘭姐如果冇錯係紅屋下面賣魚同菜既
膠花婆又真係唔識啊.
一家姓蔡的人永華戲院附近賣涼粉就記得,佢地幾兄弟姊妹住水井隔離,我成日放學有幫襯佢買涼粉架.

作者: 瞭望台 時間: 2008-7-26 22:50

門口時常有兩隻雞果家人不是我，但我們很熟.
一家姓蔡的人永華戲院附近賣涼粉的人，我媽跟他們很熟很熟(我也OK)，是鄉里吧!有時吃涼粉/夾餅都不收我錢的。他們都很好人。他們的一個女兒曾經和我是同學!
人物時間:有沒有印象做豬欄的姓周人?

作者: ccooww 時間: 2008-7-27 15:15

豬欄就係我堅企對面,好鬼臭,但當時太細,只有一dd印象,
只記得入過去睇,好黑同臭,但唔知什麼原因佢搬左上近公廁位置再養豬,
記得到d豬養大左,就有人抬d豬落山,好大隻又臭,一見呢d場面就要閂門啊...
有一年大火正正燒左個豬欄,自始再冇人養豬了...
養豬隔離仲有一個豆腐工場,你記得嗎?

作者: 瞭望台 時間: 2008-7-27 19:24

當然記得賣荳腐的一家人，他的一個仔經常推車上落斜路。但記得他很兇惡的。
你有沒有印象有一個賣牛什的人，是姓黃的，他住得較高。

作者: 財記士多 時間: 2008-7-28 09:42

大家好 ................... 我是水井區的

作者: ccooww 時間: 2008-7-28 17:52

哈哈~~你記憶力真好

,我記賣荳腐果過男仔追我隔離屋果個女仔,下文係點就唔記得,但果陣時成為街坊鄰里話柄.
賣牛什又真係唔記得了,永華戲院擺檔?

作者: ccooww 時間: 2008-7-28 17:58

財記士多你好

歡迎你返來"淺水碼頭村"

作者: 瞭望台 時間: 2008-7-28 21:15

財記士多你好，可否介紹一下你的淺水碼頭村經驗?

作者: 財記士多 時間: 2008-7-29 09:16

你好CCOOWW .

暸望台兄

作者: 財記士多 時間: 2008-7-29 09:17

我住系夏園上高 , 水井下面 ..

好近 ...

作者: 財記士多 時間: 2008-7-29 09:20

細路時...去油叔那裡吃面.,,,,,,,,,,,,,,,,,,,,,,,,,, 釭屋對出有羅米飯吃.. 姓陳開的, 我爸爸成日系村口 (謝記) 打 MA雀...謝記附近有間面檔 ..

作者: 財記士多 時間: 2008-7-29 09:21

姓蔡那家人認識我姐姐... 有一個叫丁香姐姐

作者: 財記士多 時間: 2008-7-29 09:47

我有好多好朋友在...............淺水碼頭村....牛仔, 耀仔, 老UN,

作者: 財記士多 時間: 2008-7-29 09:48

朱伯時常帶我們上水僑路玩

作者: 財記士多 時間: 2008-7-29 09:50

水井對上有一間叫英義武館

作者: ccooww 時間: 2008-7-29 20:51

引用:

原帖由 財記士多 於 2008-7-29 09:48 發表
朱伯時常帶我們上水僑路玩

我都係朱伯帶我上水橋路玩喎，唔通我地係識既？

有冇去過呢個水池玩水呢？

作者: 瞭望台 時間: 2008-7-29 21:27

財記士多所說我全部都記得。我住在暸望街區。1965-1980.
你懂斜路的人嗎？
羅米飯.. 姓陳開的太太跟我家很熟。

作者: 財記士多 時間: 2008-7-30 08:46

:bird: :bird: 斜路有一個 (叫大舊李 ) 李生是我爸爸朋友.. .. 對面叫余雷仔的人....................

作者: 財記士多 時間: 2008-7-30 08:46

顏叔也是我爸爸朋友

作者: 財記士多 時間: 2008-7-30 08:48

引用:

原帖由 ccooww 於 2008-7-29 20:51 發表

我都係朱伯帶我上水橋路玩喎，唔通我地係識既？

有冇去過呢個水池玩水呢？

唔通... 認識..........................

作者: 瞭望台 時間: 2008-7-30 21:00

顏叔是否=棉叔，是嗎?

作者: ccooww 時間: 2008-7-31 01:33

今日係屋企努力搵下有冇淺水碼頭村既野,俾我搵到呢本簿仔

記得呢幾個人名嗎?

1975年出品,33年了

作者: 財記士多 時間: 2008-7-31 09:01

引用:

原帖由 瞭望台 於 2008-7-30 21:00 發表
顏叔是否=棉叔，是嗎?

他是揸 (的士).......................

作者: 財記士多 時間: 2008-7-31 09:07

引用:

原帖由 ccooww 於 2008-7-31 01:33 發表
今日係屋企努力搵下有冇淺水碼頭村既野,俾我搵到呢本簿仔

記得呢幾個人名嗎?

1975年出品,33年了
http://i38.tinypic.com/2r61ohe. ...

咁你都搵到

作者: ccooww 時間: 2008-8-1 17:10

1986年從將軍石下引水道下望淺水碼頭村,當年東區走廊直入柴灣段仲未興建,愛秩序灣仲未填海,可以見到好多漁船

作者: 大隻西 時間: 2008-8-1 22:05

[quote]原帖由 ccooww 於 2008-8-1 17:10 發表

1986年從將軍石下引水道下望淺水碼頭村,當年東區走廊直入柴灣段仲未興建,愛秩序灣仲未填海,可以見到好多漁船
嘩！！呢張係好野！

作者: pceworld 時間: 2008-8-1 22:41

提示: 作者被禁止或刪除內容自動屏蔽

作者: choihung 時間: 2008-8-1 23:32

引用:

原帖由 大隻西 於 2008-8-1 10:05 PM 發表
[quote]原帖由 ccooww 於 2008-8-1 17:10 發表
1986年從將軍石下引水道下望淺水碼頭村,當年東區走廊直入柴灣段仲未興建,愛秩序灣仲未填海,可以見到好多漁船
嘩 ...

非常經典的照片，快點把它下載下來。。。。

非常感謝！！

作者: ccooww 時間: 2008-8-1 23:54

引用:

原帖由 pceworld 於 2008-8-1 22:41 發表
我就係呢一年搬離開筲箕灣的........

我係87年因為清拆淺水碼頭村離開筲箕灣,pceworld你呢？

作者: ccooww 時間: 2008-8-1 23:59

大隻西師兄，choihung師組，呢張相係當年小弟用最CHEAP既傻瓜機影既，所以質素奇差，但總算可保留住一點點回憶．

作者: 瞭望台 時間: 2008-8-2 20:45

ccooww你有沒有筲箕灣其他的照片呢?如有,我很想看!
你記得"金鹿麵飽"嗎?

作者: ccooww 時間: 2008-8-3 15:08

引用:

原帖由 瞭望台 於 2008-8-2 20:45 發表
ccooww你有沒有筲箕灣其他的照片呢?如有,我很想看!
你記得"金鹿麵飽"嗎?

要再搵下先,如果有發現一定會放上來同大家分享.
個名好似叫"金鹿餐廳"呢,不過又唔係好記得了.
以前如果可以入去食個早餐好開心架

,
記得係火腿通粉,兩隻太陽蛋同一件牛油方包,即係同依家既A餐冇分別,
但細路仔時期已經覺得極度豪華,要儲幾日錢先可以星期日偷偷地去一次"嘆世界"

你又記得佢隔離間"萬香餅家"嗎?

作者: 財記士多 時間: 2008-8-4 10:46

引用:

原帖由 瞭望台 於 2008-8-2 20:45 發表
ccooww你有沒有筲箕灣其他的照片呢?如有,我很想看!
你記得"金鹿麵飽"嗎?

金鹿..........................................................

沒有了

金記仲有 ...

有 ,興發酒樓

照片嗎

作者: 瞭望台 時間: 2008-8-4 23:15

當然記得"萬香餅家".萬香餅家隔離便是"南昌".
記得遠些小的"威利民麵飽"嗎?

作者: choihung 時間: 2008-8-4 23:39

引用:

原帖由 瞭望台 於 2008-8-4 11:15 PM 發表
當然記得"萬香餅家".萬香餅家隔離便是"南昌".
記得遠些小的"威利民麵飽"嗎?

小妹對“萬香餅家”和“威利民”有點印象，可否說一下他們是不是在筲箕灣道？哪個位置呢？謝謝。

作者: pceworld 時間: 2008-8-4 23:52

提示: 作者被禁止或刪除內容自動屏蔽

作者: choihung 時間: 2008-8-4 23:59

引用:

原帖由 ccooww 於 2008-8-1 11:59 PM 發表
大隻西師兄，choihung師組，呢張相係當年小弟用最CHEAP既傻瓜機影既，所以質素奇差，但總算可保留住一點點回憶．

不要緊，相機勁不勁不是問題，内容最重要！

可否約略圈一圈照片中的重要建築物，加以説明？勞煩了！

作者: 大隻西 時間: 2008-8-5 00:13

威利民餅家個名我都唔記得好耐！

作者: 財記士多 時間: 2008-8-5 10:20

引用:

原帖由 choihung 於 2008-8-4 23:39 發表

小妹對“萬香餅家”和“威利民”有點印象，可否說一下他們是不是在筲箕灣道？哪個位置呢？謝謝。

巴士站......(.而家有圍版果道............)......... 以前酒樓 .... 果個

有間銀行附近 .............................

作者: 財記士多 時間: 2008-8-5 10:35

引用:

原帖由 瞭望台 於 2008-8-4 23:15 發表
當然記得"萬香餅家".萬香餅家隔離便是"南昌".
記得遠些小的"威利民麵飽"嗎?

我是麵飽大王

我最愛萬香 (豬仔飽)....(提子蛋糕)........威利民 ......(雞尾飽 )和萬香.. 不同味道金鹿好像是吃早餐的................. 嘉頓 ... 近柴灣斜路有去過嗎大家................. 我喜歡..和我兄弟 (小牛) .. 去西灣河 ....吃生菜魚肉街市買魚片吃太安樓吃碗仔翅聖十徑路口吃千年鼓油(魷魚)

好味

作者: ccooww 時間: 2008-8-5 21:37

相片中其實沒什麼重要建築物,我只可以講一些對小弟有印象的事物
紫色線就係東區走廊,同今日一樣,只係未興建柴灣段
藍色圈係西灣炮台,即係今日既鯉魚門渡假村
黃色圈係譚公廟,印象中當日廟前面係無敵大海景
綠色圈位置係亞公岩最入位置,當年係兵房,係鐵絲網圍住,有一個碼頭可以釣魚,呢個地方要係鍾意釣魚先會入去玩.今日海防博物館海旁仲可以見到鐵絲網遺跡
紅圈位置其實係我拍呢張照既主要地方,佢係淺水碼頭村既公園位置,即係前身夏園既地方,我屋企就係附近,可惜太模糊,搵唔返...
如有錯漏,各位大大請多多包涵及給予指正,thx

作者: ccooww 時間: 2008-8-5 21:41

各位街坊,淺水碼頭村美食你地又記得有幾多呢?

作者: 大隻西 時間: 2008-8-5 22:10

左下角有居住人家的一塊高地小平原這個環境印象多年來都在我腦中圍繞著究竟是在夢境出現過？還是親歷來過？真暈人！直到現在見到ccooww兄這張照片才了掉一煩事確是小時到過可能當時太幼小只模糊一個印象有論壇真好能解很多扭結感謝ccooww兄！

作者: choihung 時間: 2008-8-6 01:21

引用:

原帖由 ccooww 於 2008-8-5 09:37 PM 發表

相片中其實沒什麼重要建築物,我只可以講一些對小弟有印象的事物
紫色線就係東區走廊,同今日一樣,只係未興建柴灣段
藍色圈係西灣炮台,即係今日既鯉魚門渡假村
黃色圈係譚公廟, ...

謝謝！我那時候還住在柴灣，偶爾要去舊基灣小學接弟弟放學才會在西灣河停一停，不然的話就是坐巴士經過。謝謝所有的介紹！

作者: 瞭望台 時間: 2008-8-6 09:32

記得"萬香餅家"行過一點的街市嗎(街市口對住康元的路口的), 在現在東亞隔離的?

作者: ccooww 時間: 2008-8-6 23:49

引用:

原帖由 大隻西 於 2008-8-5 22:10 發表
左下角有居住人家的一塊高地小平原這個環境印象多年來都在我腦中圍繞著究竟是在夢境出現過？還是親歷來過？真暈人！直到現在見到ccooww兄這張照片才了掉一煩事確是小時到過可能當時太幼小只模糊一個印象有論 ...

不用客氣

大隻西兄所指的高地小平原記憶中不像屬於淺水碼頭村,那位置像似是屬於教文村的地方,
那年代我們如果到其他山村玩耍會有一定危險,因為每條村都有一班"陀地惡霸"

作者: ccooww 時間: 2008-8-6 23:55 標題: 回復 61# 的帖子

choihung師姐不用客氣,我都係跟各位師兄師姐學緊野，能力做到的我一定會為大家辦妥．

作者: ccooww 時間: 2008-8-7 00:11

引用:

原帖由 瞭望台 於 2008-8-6 09:32 發表
記得"萬香餅家"行過一點的街市嗎(街市口對住康元的路口的), 在現在東亞隔離的?

記得哦，我有個同學屋企係賣魚的，有時同老媽子買菜行過會見佢幫手，就會同呢位同學打招呼囉．
記得有ｄ檔口係有梗檔的，好似間屋仔咁，東亞銀行位置係一列大排檔，記得有粥食啦，
後面依家東區走廊上橋位置當年係棚屋，有好多小販擺地攤賣魚．．．．．
只係記得返咁多，瞭望台兄可否又描述一吓呢？

作者: 財記士多 時間: 2008-8-7 10:21

　　大家記得　淺水碼頭村　　小食嗎　　，，，

　有一個獨眼龍　買魚旦　，．．．．．．．．．．．．．，　擔　住　兩個　火鍋　　四維去　，　到時到侯　在村　任何角落　出現，　　　

作者: ccooww 時間: 2008-8-7 18:46

引用:

原帖由 財記士多 於 2008-8-7 10:21 發表
　　大家記得　淺水碼頭村　　小食嗎　　，，，　有一個獨眼龍　買魚旦　，．．．．．．．．．．．．．，　擔　住　兩個　火鍋　　四維去　，　到時到侯　在村　任何角落　出現，　　　:applaus ...

記得哦,一亳子兩粒魚蛋丫嗎,佢通常會"停泊"係夏園門口,就有人圍住幫趁佢架啦

佢賣既魚蛋真係好好食,到今日都食唔返呢種咪道,當年"油叔"賣既都比唔上佢.
瞭望台對面有檔糯米飯,印象中好似開左好短時期,對嗎?

作者: ccooww 時間: 2008-8-7 19:11

尋日打風其間係屋企搜尋相片,搵到一千零一張淺水碼頭村既相,
可惜係夜晚影既,好難辨認邊間屋打邊間屋

拍攝位置係自己屋頂向柏架山方向,唯一可仲以辨認既只係山上面發光既無線電發射站.

作者: 瞭望台 時間: 2008-8-7 21:14 標題: 回復 67# 的帖子

講到小食，你們有沒有印象去爛地的樓梯級(現還在),晚上有人賣豆腐，煎釀三寶的流動檔(=在蘭姐檔口附近)?
另有一檔賣芝麻糊的.
也有一檔賣花生糖的.
也有一檔賣粉果的.
全在斜路!

作者: ccooww 時間: 2008-8-8 16:27

引用:

原帖由 瞭望台 於 2008-8-7 21:14 發表
講到小食，你們有沒有印象去爛地的樓梯級(現還在),晚上有人賣豆腐，煎釀三寶的流動檔(=在蘭姐檔口附近)?
另有一檔賣芝麻糊的.
也有一檔賣花生糖的.
也有一檔賣粉果的.
全在斜路!

完全冇印象添,點解我完全唔知既

賣花生糖係咪即係油叔再落兩間舖果個老伯?佢有"笑口棗"同粉果賣喎.
你講開爛地,有冇印象以前有一檔雲吞麵,係用一架舊巴士改裝而成,停泊係愛民街,好過癮,
夜晚就會賣宵夜,係架巴士入面開餐好抵死

作者: 瞭望台 時間: 2008-8-9 13:38

雲吞麵檔，我當然記得!
賣花生糖即係油叔再落兩間舖果個老伯.再落一些就是很多人下棋的地方!
爛地附近有很多狼狗，我很怕.
講開，你住的附近也有很多狗，特別是張師奶上一些，我不感經常去!

作者: 瞭望台 時間: 2008-8-9 14:03 標題: 回復 65# 的帖子

街市口一邊是大排檔，另一邊口是賣菜檔的學佬人,繼而是賣雜貨的檔,是賣菜檔的老公負責。再入又是賣菜，再入是賣荳腐的。兩邊中間也有流動檔賣很多不同的東西，包括魚.
下次再續!

作者: 瞭望台 時間: 2008-8-11 21:27

街市口一邊是大排檔，另一邊口是賣菜檔的學佬人,再向西灣河方向是賣電器的小鋪，再行便是"大德"肉食，再行便是"百冰餐廳"...

作者: ccooww 時間: 2008-8-12 04:58

瞭望台兄一講,又令我記得返一d遺忘左既野

係哦,百冰餐廳有印象了,記得呢度附近係有幾間"餐廳"同"冰室",好熱鬧啊.

瞭望台兄,想問問你記得你講既呢個位置,附近係咪有間賣"小籠飽"既上海店舖呢?
我腦海入面成日記得係家人帶過我去呢度食小籠飽,但又唔敢確定......

作者: 財記士多 時間: 2008-8-13 11:26

小籠飽

跌打佬隔離............跌打佬

以前是買涼荼

呃飯吃

作者: ccooww 時間: 2008-8-13 19:58

跌打佬係咪即係依家仲有行醫果個?

作者: 瞭望台 時間: 2008-8-14 21:20

街市兩邊，恰巧都各有一間"南昌"的食店，記得嗎?

作者: ccooww 時間: 2008-8-15 03:42

係咪"南昌粥麵"同"南昌燒味"?

作者: 瞭望台 時間: 2008-8-15 23:25

對。那麼，那一間近鸞鳳酒家?那一間後面是公廁?

作者: ccooww 時間: 2008-8-16 14:20

近鸞鳳酒家係"南昌粥麵"，"南昌燒味"就近東亞銀行果邊，對嗎？

作者: 瞭望台 時間: 2008-8-17 10:12

對！你真好記性！
講番淺水碼頭村,你記得村口有一個報紙檔，由一個呀婆負責，下午便關檔。在這，還可以看完一份換一份

作者: ccooww 時間: 2008-8-19 00:53

記得啊,在村口鷥鳳對面,正正當年班馬線前面,
不過就唔知道佢有呢d咁特別既服務,
以前都唔會買報紙睇,最多都係睇超人書,1蚊本,仲記得報紙只係賣2亳.

作者: ccooww 時間: 2008-8-19 01:14

呢幾張相係由獅子山下老犁中剪貼下來，1978的淺水碼頭村，你認得出嗎？

中間最小的小朋友你記得是誰嗎？

呢條獨木橋係兒時玩樂地方

呢間係我一個朋友既屋企，見返好懷念

作者: ccooww 時間: 2008-8-19 01:21

呢處就係瞭望台兄所講既下棋地方啦

水井向左邊路再上，就可以去到位仁堂，但係咪真係有中醫就唔記得了

周日清豬欄前面既公廁

作者: ccooww 時間: 2008-8-19 01:28

瞭望台

米佬舖頭，留意下面個亞伯，記得佢賣咩嗎？

蘭姐個檔口

呢間紅屋是否叫"防火部"呢？

作者: 瞭望台 時間: 2008-8-19 22:39

謝謝ccooww!

正!
我看起來很想看那套獅子山下老犁,你怎樣有的.
全部我都有印象!
那個亞伯賣的是粉果，花生糖等!
那個小孩是不是姓楊的同學!

作者: ccooww 時間: 2008-8-20 01:07

呢隻ｖｃｄ係透過網上訂購既，＄２８蚊，個網頁唔知點解今日入唔到，你入去睇下得唔得啦．
http://www.moviesuper.com/big5/v ... DVD_VCD&hLight=
對呀，亞伯ｄ花生糖同笑口棗好正啊

冇錯，那小孩就係楊同學啦，記得拍呢套獅子山下果陣佢好鍾意去睇人地拍戲，我都有同佢睇過，佢睇到唔肯走，戲入面有兩個鏡頭都見到佢架．

作者: ccooww 時間: 2008-8-20 01:23

仲有四張，一同懷念下昔日生活既地方啦

呢個位置大約係李記附近，相中黃色招牌就係”黎明記”

油叔個檔口，相中白衫人係咪油叔呢？

財記士多後面個水井，呢度ｄ井水特別清涼啊

水井行上一ｄ既位置，認得出嗎？

作者: 瞭望台 時間: 2008-8-20 21:56

正呀!回復 88的第一幅相附近，便是我住的地方!
看到相中的人、事、物，很懷念!

作者: 西南風 時間: 2008-8-21 12:15

嘩！你們的年代，斜路變得那麽熱鬧(密集)真是意料之外，就樓上的照片所見、斜路唔見咗一邊了。當年(50'~60')只係得一間"黎明記"咋，不過就勝在空間大D，"黎明記"門前又有個絲爪棚，實是一處乘涼、閒聊(間中開番枱麻雀、客家紙牌)的好地方。
"水井區"：當年可沒有那地名，就你們所述應是夏園后面的三或四列平房(原為豬舍)再加其后在僅有的空地上加搭的鋅皮屋而成的一個較新的住屋區吧。那裏有兩口水井(隔着條大山坑，每邊各一)，在夏園后面的一個有水但冇人用嘅，唔知點解(當年我年小無知卦)。街坊們都是响另一個井取水用的。

另一標題"東華三院小學"：
我所認知的"東華三院小學"座落在寶文街、太平餅干隔離，今日的東華三院乜乜社區服務中心(全名忘了)。你們可以講吓"東華三院第二小學"的地址或確實的地點嗎？

題外話，你們可記得工廠街的大明渠是那一年改為暗渠的？

另外一個題外話：賽西湖~栢架山空難(1951？)之有人執到金
確有其人、其事，其所執到的金條足以買兩個"冧把"有餘(家母口述)。不過當事人還在世，所以那兒不能講太多了。

[ 本帖最後由西南風於 2008-8-21 12:48 編輯 ]

作者: 瞭望台 時間: 2008-8-21 22:47

不錯，我們的年代(70s - 80s)，是淺水碼頭村最多人居住的年代.大概在1972年，由於村人口增長得快+治安不好；所以組成互助，並成立瞭望台(斜路紅屋)，又把淺水碼頭村清楚劃分區域，才有系統地區域命名, e.g.水井區、康元區、瞭望台區....
ccooww,如有錯漏，請你補充。

作者: ccooww 時間: 2008-8-22 02:28

西南風兄你入住淺水碼頭村既時間仲早過我好多,我係70年代初先開始居住,所以有好多唔同啊.
黎明記門前個絲爪棚種滿炮丈花,每都新年記會開花,好靚,而黎明記70年代至80年代初係有兩間屋在絲爪棚之間,一間係打麻雀抽水用,一間係士多,二樓係睡房.80年代黎明記曾經引進過一部電子遊戲機,係第一代既"太空侵略者",當年勁多人去玩,諗返起都覺得黎明記真係識"食腦"呀.
你所講既兩個水井其實一個在財記士多上少少,記得細過時候發現過在一埋木板及垃圾堆下,已經封左,早前得知原來曾經發生過不愉快事件,所以要封井.
而夏園之水井我又係無意中發現,當年係藏一堆木板及草叢當中,但都係唔明點解唔用.
西南風兄多d入黎講下以前淺水碼頭村好嗎?因為只有你知道70年代以前呢條村既人和事啊

作者: ccooww 時間: 2008-8-22 02:50

東華三院第二小學當年地址係香港筲箕灣寶文街六號
即係依家方樹泉社會服務大樓，而想了解多ｄ，就入下面個網頁睇下啦

http://www.twghlchmp.edu.hk/

工廠街的大明渠如果冇記錯大約79-80年改為暗渠的.

多得你同幾位前輩親述先解開小弟多年"栢架山空難執金發達事件"之迷團，西南風兄可否去返該話題內再講多ｄ呢？

作者: ccooww 時間: 2008-8-22 02:54

引用:

原帖由 瞭望台 於 2008-8-21 22:47 發表
不錯，我們的年代(70s - 80s)，是淺水碼頭村最多人居住的年代.大概在1972年，由於村人口增長得快+治安不好；所以組成互助，並成立瞭望台(斜路紅屋)，又把淺水碼頭村清楚劃分區域，才有系統地區域命名, e.g.水井區、康 ...

瞭望台兄其實你所知的比我多，因為那時候我真的年紀太小了

作者: 瞭望台 時間: 2008-8-22 15:23

不如說說"黎明記",他們的鋪種類繁多，又有彈珠機博拿獎品

可是他們都很惡，我們從來都不可以在他們處撿汽水蓋

作者: ccooww 時間: 2008-8-23 00:05

黎明記兩公婆都算係惡死一族，所以我多數去財記幫趁多．
大約1979年，有一次我同個朋友仔到夏園玩，個朋友仔爬樹由樹上跌下來，跌穿左下巴勁流血，當時好驚唔知點算，我扶佢到黎明記叫黎婆打電話叫救護車，點知佢唔打電話不特止仲叫我地走開，話你死你事，但我個朋友仔真係勁流血，行唔到，只好坐在佢舖頭對面．
之後有街坊行過，開始多人留意同關心，好多人聚集佢門口，呢個時候呀黎婆就即刻180度變臉，即刻去慰問我朋友仔，比佢坐係佢舖門口，又打電話報警，之後仲大大聲同班街坊講”我係呢條村呢理事長，咩事我都會理”!
一班街坊同聲稱讚下，黎婆頓時意氣風發，一副洋洋得意模樣．
呢件事我好印象深刻，當時好震驚，一個成年人見到一個十歲未夠小朋友成身血可以唔伸出援手仲趕佢走，但當人群壓力下又別一張咀臉，係我第一次見到大人講大話，第一次見到一場虛偽表演，自此對黎婆呢個人失去信心．
後期我地一班小朋友開始長大，變成青少年，黎婆再唔敢同我地"講惡"了

作者: 瞭望台 時間: 2008-8-23 16:03

絕對了解。多謝你的故事。
我記得中秋節玩燈籠，也不感行近。抽水也不感行近他們的鋪，弄濕他們的鋪也要捱罵的！

作者: 瞭望台 時間: 2008-8-23 16:05

財記因為遠，行上來也很多狗，我不能常常去。

作者: ccooww 時間: 2008-8-23 19:19

其實70年代初，村中仲有幾間士多，規模不及財記同黎明記，你記得嗎？

作者: 瞭望台 時間: 2008-8-23 22:41

我住在斜路，只可說在斜路的士多, 如瞭望台對面的"大堂", 米佬隔離的"鶴佬人",上斜盡頭轉左上樓梯級的"假財記",爛地也有一家.

歡迎光臨香港 Xocat Forum 討論區 (http://p.xocat.com/p/)