香港 Xocat Forum 討論區 - Powered by Discuz! Board

標題: [疑難] 筲箕灣東華三院第二小學 [打印本頁]

作者: 瞭望台 時間: 2008-7-21 23:16 標題: 筲箕灣東華三院第二小學

請問有沒有70年代筲箕灣東華三院第二小學的資料或相片分享?我在那裏讀小學的。Thanks!!

作者: ccooww 時間: 2008-7-22 23:41

係咪李志雄紀念小學呀?
我小學係讀呢間畢業架.

作者: 瞭望台 時間: 2008-7-23 20:44

是的。但我小六畢業時，還未改名。

作者: ccooww 時間: 2008-7-24 00:19

哦....我係讀新橋之後轉校讀東華三院.
原來你又係師兄,又係舊街坊

作者: 瞭望台 時間: 2008-7-24 20:02

我也曾在新橋中學讀幼稚園(兩年),之後轉讀東華三院No.2小學.
新橋中學的後山,還記得嗎?
可否說一些東華三院No.2小學的老師名字,看看有沒有相同.e.g. PE Mr. 鄧, Music Ms. 翁
附近是太平餅乾

作者: ccooww 時間: 2008-7-25 02:05

新橋中學的後山當然記得啦,呢個地方係一個遊樂場,讀新橋時體育堂就會去呢度上,自由活動時間就最開心,記得有鋼架,sir滑梯,鞦韆,tum tum轉,仲有一隻唔知點形容既大韆鞦,可以成班人坐,一齊玩,好鬼激

依家d遊樂場講求安全,完全搵唔返呢d刺激野玩.....
呢個遊樂場係邊條村你記得嗎?

作者: 瞭望台 時間: 2008-7-25 22:32

新橋門口是鞋檔，過一些是祥發麵飽，也有一金魚檔。維正得有沒有印象?新橋門口另一邊的!

作者: ccooww 時間: 2008-7-26 00:15

東華三院老師d名完全唔記得晒,同你提及既名字冇晒印象

我只記得副校長叫"梁滿寬",佢成日係佢個副校長室煲煙,佢張枱上有一句"風雲際會自有期",好鬼型

仲記得訓導主任姓江,全校學生背後都叫佢"江雞",因為佢好惡,最叻玩體罰.

作者: ccooww 時間: 2008-7-26 00:19

新橋門口鞋檔好似叫"發記"，祥發麵飽唔記得了........
金魚檔就記得,行前小小好似係一間好古老既茶樓,個樣仲古老過興發,你記得嗎?
維正得呢個名你講起好似有d印象,係咩黎既呢?

作者: 瞭望台 時間: 2008-7-26 22:35

祥發麵飽 = 現在的麻雀館
維正得是新橋附近的一間幼稚園，很快便消失(early 70s)
後山是否在"富斗屈村"?
梁滿寬-我記得，他很惡，他說過曾經是童軍. 正校長是否=李良佐??

作者: ccooww 時間: 2008-7-27 15:05

好似係叫富斗屈村啊,記得入村條路好多石級同好窄.
梁滿寬比我感覺又唔係好惡,佢教過我兩年,只係口水多過茶,有時講書講到離題老遠.
正校長唔記得了,只係記得佢光頭既

作者: ccooww 時間: 2008-7-27 15:47

呢張相見到太平餅乾

呢張見到賽馬會診所

[ 本帖最後由 ccooww 於 2008-7-27 15:49 編輯 ]

作者: 西南風 時間: 2008-7-27 18:24 標題: 回復 12# 的帖子

嘩！好珍貴、好精彩的相片丫。多謝ccooww兄。

講真，今日再見舊時景，只覺得一點兒傷感同唏噓。別了、不知所謂的童年。

係呢，"王祥記大厦"係改咗名定重建呢？

作者: 瞭望台 時間: 2008-7-27 19:32

ccooww, 你還有沒有印象以下書局:
- 南寧
- 利興
- 桂倫 (現還在，但搬了到別處了)

作者: choihung 時間: 2008-7-28 00:29

引用:

原帖由 ccooww 於 2008-7-27 03:47 PM 發表

呢張相見到太平餅乾

呢張見到賽馬會診所

小妹80年代才搬到港島東區，照片上的情景沒有親眼看見過，只記得當年（70年代初）麗的電視有節目呼籲大家捐錢賑災（愛秩序灣大火），好像更有大姐明（林建明）跳水籌款！

第二張照片就是説以前的筲箕灣也有棚屋？

作者: cooolman 時間: 2008-7-28 01:33

另外兩幅 1970 年愛秩序灣棚屋大火後災場的照片

【圖1】居民返回災場，盡力檢拾自已的財物▼

【圖2】這幅照片背境可見【永華戲院】▼

[ 本帖最後由 cooolman 於 2008-7-28 01:42 編輯 ]

作者: 西南風 時間: 2008-7-28 10:23

係咁嘅照片中看到兒時流連的地方.............唉！

作者: ccooww 時間: 2008-7-28 18:18

引用:

原帖由 西南風 於 2008-7-27 18:24 發表
嘩！好珍貴、好精彩的相片丫。多謝ccooww兄。

講真，今日再見舊時景，只覺得一點兒傷感同唏噓。別了、不知所謂的童年。

係呢，"王祥記大厦"係改咗名定重建呢？

西南風兄又唔好咁客氣,d相我都係偷返黎同大家分享既啫

師兄你在別一話題講過好早已經在筲箕灣居住,請問可以講下係什麼年代呢?
我都好想知道70年代前筲箕灣係點,
呢幾張相其實都令我諗起好多童年回憶,但點解會令你覺得傷感?
又有什麼事令你覺得童年過得咁唔開心?
"王祥記大廈"係咪即係工廠街同愛秩序街交界果座呢?

作者: ccooww 時間: 2008-7-28 18:25

引用:

原帖由 瞭望台 於 2008-7-27 19:32 發表
ccooww, 你還有沒有印象以下書局:
- 南寧
- 利興
- 桂倫 (現還在，但搬了到別處了)

呢三個名好熟,試下估下，如果錯左請指正啊

- 南寧 ...工廠街，教堂里附近
- 利興...冠男酒樓斜對面
- 桂倫...愛秩序村附近

作者: ccooww 時間: 2008-7-28 18:44

引用:

原帖由 choihung 於 2008-7-28 00:29 發表

小妹80年代才搬到港島東區，照片上的情景沒有親眼看見過，只記得當年（70年代初）麗的電視有節目呼籲大家捐錢賑災（愛秩序灣大火），好像更有大姐明（林建明）跳水籌款！

第二張照片就是説以前的筲箕灣 ...

choihung師姐如果你係80年代早期搬去東區，都有機會筲箕灣未填海時既海岸線同今日係大大不同．
70年代一場大火，我仲讀緊幼稚園，記得由南康街望出去見到好大，呢場火燒毀好多棚屋，好恐怖．
但奇在冇人會在意，街市內依然買餸既買餸，我仲同老豆係南"昌買"燒味

作者: ccooww 時間: 2008-7-28 18:58

引用:

原帖由 cooolman 於 2008-7-28 01:33 發表
另外兩幅 1970 年愛秩序灣棚屋大火後災場的照片

【圖1】居民返回災場，盡力檢拾自已的財物▼

【圖2】這幅照片背境可見【永華戲院】▼
http://img5 ...

cooolman兄永遠都可以搵到ｄ超正相，呢兩張真係超級珍貴

謝謝你啊

作者: ccooww 時間: 2008-7-28 19:08

引用:

原帖由 西南風 於 2008-7-28 10:23 發表

係咁嘅照片中看到兒時流連的地方.............唉！

西南風兄好似童年過得好唔開心咁.......究竟咩事令閣下暗藏唏噓呢？

作者: 大隻西 時間: 2008-7-28 22:44

唷！永華只見一邊牆 ccooww兄 cooolman兄兩位高人！

作者: choihung 時間: 2008-7-28 23:00

引用:

原帖由 ccooww 於 2008-7-28 06:44 PM 發表

choihung師姐如果你係80年代早期搬去東區，都有機會筲箕灣未填海時既海岸線同今日係大大不同．
70年代一場大火，我仲讀緊幼稚園，記得由南康街望出去見到好大，呢場火燒毀好多棚屋，好恐怖．
但奇在冇人會在意， ...

謝謝描述。對，以前我剛搬到東區的時候的筲箕灣、西灣河的海岸綫就是今天的東區走廊，現在整個海岸綫都差不多拉直了。那時候嘉諾撒書院還在，博文學校的超舊校舍還在。

作者: 瞭望台 時間: 2008-7-28 23:04

- 南寧 ...工廠街，教堂里附近 (Right)
- 利興...冠男酒樓斜對面 (Right)
- 桂倫...愛秩序村附近 (XX). 在現在寶福大廈附近(i.e. near the Shaukeiwan HSBC)

作者: ccooww 時間: 2008-7-28 23:41

引用:

原帖由 大隻西 於 2008-7-28 22:44 發表
唷！永華只見一邊牆 ccooww兄 cooolman兄兩位高人！

大隻西兄:小弟絕對唔係高人,只係偷相新仔一名,仲要跟好多師兄學野啊

作者: ccooww 時間: 2008-7-28 23:44

引用:

原帖由 choihung 於 2008-7-28 23:00 發表

謝謝描述。對，以前我剛搬到東區的時候的筲箕灣、西灣河的海岸綫就是今天的東區走廊，現在整個海岸綫都差不多拉直了。那時候嘉諾撒書院還在，博文學校的超舊校舍還在。

博文學校你都識?莫非師姐你都係住淺水碼頭村?

作者: ccooww 時間: 2008-7-28 23:56

引用:

原帖由 瞭望台 於 2008-7-28 23:04 發表
- 桂倫...愛秩序村附近 (XX). 在現在寶福大廈附近(i.e. near the Shaukeiwan HSBC)

哈哈~~上網搵地圖,再諗下諗下,終於有d印象了

即係以前廣東省銀行對面果間,
我知點解冇乜印象,因為佢遠過新僑小學,以前好少機會去呢邊,放學返堅企唔岩路啊

作者: choihung 時間: 2008-7-28 23:59

引用:

原帖由 ccooww 於 2008-7-28 11:44 PM 發表

博文學校你都識?莫非師姐你都係住淺水碼頭村?

No! 我初搬到港島東區時住在柴灣，當時沒有地鐵，一定是坐巴士，所以常常都經過博文學校。

作者: cooolman 時間: 2008-7-29 00:54

引用:

原帖由 ccooww 於 2008-7-28 18:58 發表

cooolman兄永遠都可以搵到ｄ超正相，呢兩張真係超級珍貴
謝謝你啊

ccoow 兄，
請不要客氣！
引用兩幅照片，都是出自香港已故名攝影家【陳迹】先生的作品。

作者: 西南風 時間: 2008-7-29 15:26 標題: 回復 23# 的帖子

多謝關心，幾拾年前的舊事，談來作怎？

談談相片吧，兄台提供的兩張是向愛秩序街的一面，第一張相片正中遠處是筲箕灣診所，依次序向左數分別是嘉諾撤書院、王祥記大厦(兩者之間是工厰街，大明渠應重未填吧，還有怪形怪相的莊士軒)、金華大厦(與王祥記大厦夾着的就是金華街~50' 我出世的地方)、太平餅干(門牌須是愛秩序街，但正門則開在宝文街那邊，隔離就是東華三院小學)。

cooolman兄的兩張則是向南安街一面的(東起林安坊、西至愛秩序街)。
那是兩個非當接近而不相連的棚屋區，被工厰街的大明渠出海口分隔開了，亦分屬兩個唔同派別的「社團」。

我亦住過那類棚屋，𣎴過係在東大街崇真堂對出D海皮度，溫黛之后，沒了。

後記：大火這一年，我應在北太平洋上某一點吧，我要在合約完了后回港休息至知那件事，算來都拾多個月之后lor。

[ 本帖最後由西南風於 2008-7-29 15:41 編輯 ]

作者: 財記士多 時間: 2008-7-29 16:29

引用:

原帖由 choihung 於 2008-7-28 23:00 發表

謝謝描述。對，以前我剛搬到東區的時候的筲箕灣、西灣河的海岸綫就是今天的東區走廊，現在整個海岸綫都差不多拉直了。那時候嘉諾撒書院還在，博文學校的超舊校舍還在。

................... 新僑之後 .. 博文

我也讀過女校長好好人 ............. 廁所

男女共用

作者: 財記士多 時間: 2008-7-29 16:32

博文在淺水碼頭村路口

作者: ccooww 時間: 2008-7-30 00:01 標題: 回復 31# 的帖子

難怪西南風兄看完呢幾張相咁感觸,原來兄台經歷過筲箕灣最多災多難既年代...
多謝師兄你對相片既詳細瞄述,得以令小弟可以認識多一點筲箕灣

作者: ccooww 時間: 2008-7-30 00:07

引用:

原帖由 cooolman 於 2008-7-29 00:54 發表

ccoow 兄，
請不要客氣！
引用兩幅照片，都是出自香港已故名攝影家【陳迹】先生的作品。

多謝cooolman兄提供，有空要到圖書館找找陳迹先生的作品溫習下

作者: pceworld 時間: 2008-7-31 16:48

提示: 作者被禁止或刪除內容自動屏蔽

作者: cooolman 時間: 2008-8-1 17:39

【圖1】50's 年代，【筲箕灣】電車總站 ▼

【圖2】80's 年代，【筲箕灣】電車總站 ▼

作者: pceworld 時間: 2008-8-1 20:24

提示: 作者被禁止或刪除內容自動屏蔽

作者: ccooww 時間: 2008-8-2 00:27

引用:

原帖由 pceworld 於 2008-7-31 16:48 發表

我同你應該係同一個時代既........個陣我住義德樓........

pceworld兄你都係70年代筲箕灣長大，80年代中離開？
義德樓即係邊個位置呢？

作者: ccooww 時間: 2008-8-2 00:47 標題: 回復 37# 的帖子

多謝cooolman兄又貼出兩張正相，50年代果張相望落去已經睇得出個位置，咁多年改變不大．
貼上一張兩年前既給大家看看

作者: pceworld 時間: 2008-8-2 01:13

提示: 作者被禁止或刪除內容自動屏蔽

作者: 西南風 時間: 2008-8-2 15:32 標題: 回復 37# 的帖子

很精彩的相片！這賣"可力康药皂"的药房我還有印象，在我識性之時(大概四、五歲吧)其樓上二，三樓已變成"洞天酒樓"。50's~70's那裏不是電車總站，總站係在當時的柴灣道口，街坊們都稱呼那兒為"電車頭"。兒時記憶中，亦多次見到電車到站、一打開車門.......司機拿着開車匙、售票員拿着錢袋在賽跑......飛卉往相片左手便的公廁。乘客、車、管他的。
相片左面，見到少少的建築物，是一個沒有人當值的警察更亭(今日的總站站長室)，入面只有一張長枱同一個用手搖啓動的直線電話。

作者: 瞭望台 時間: 2008-8-2 20:35 標題: 回復 38# 的帖子

黃色劃左既地方的附近，應該是有一家"洞天"酒家個對嗎?

作者: mandy 時間: 2008-8-2 23:58

引用:

原帖由 cooolman 於 2008-8-1 17:39 發表
【圖1】50's 年代，【筲箕灣】電車總站 ▼

cooolman兄，請問這照片跟你那幅是否位置相同呢？

作者: 西南風 時間: 2008-8-3 00:25

對的，兩張照片都是同一地點，向着的也是金華衔双數門牌的一邊，企位相若，只是取景角度有D差別而已。

作者: 1127s 時間: 2008-8-3 02:33

謝謝咁多位前輩的分享!!我還有興趣想知更多舊時工廠街,教堂街這區的事和看有關的相片!!!謝謝!!!

作者: ccooww 時間: 2008-8-3 14:53

記得70年代"洞天酒樓"係要上一層樓既,個招牌好似係個"大肥佬",入面既環境就冇晒印象了,因為當時年紀好細太耐歷史,而且唔知點解好少去呢間酒樓飲茶.

作者: 瞭望台 時間: 2008-8-4 23:18

那麼，你記得附近的"南龍"嗎？麵飽很好吃的!

作者: pceworld 時間: 2008-8-4 23:50 標題: 回復 48# 的帖子

提示: 作者被禁止或刪除內容自動屏蔽

作者: 西南風 時間: 2008-8-5 12:18

講講50's~70's的"電車頭"吧；當年金華街 "電車頭"左近共有五間食肆，蘭香園(茶餐室、亦是最早的一間也消失得最早~塊地係霸佔官地得來的)，新新酒家(今日嘅公厠側，檔次較高，其三樓有廂房、點曲的)，洞天酒樓(見#42帖子)、於60's中轉老板后改名新洞天，南龍大茶樓(在洞天的斜對面，最大的、四個冧巴、連地下、二、三樓，自置物業，亦都係成條金華街唯一可以免問而可借用其電話的一間商鋪)，還有一間忘了名字的潮式茶居(同洞天隔三、四個鋪位喇)。

作者: 財記士多 時間: 2008-8-5 16:26

引用:

原帖由 pceworld 於 2008-8-2 01:13 發表

即係東大街馬會(唔知現在還在嗎？)對面座唐樓

馬會就冇左系明華酒樓隔離 ...

對面唐樓叫乜名 ....................

作者: 財記士多 時間: 2008-8-5 16:27

我小時侯朱伯帶我們去飲

小牛記得嗎.........................

作者: 財記士多 時間: 2008-8-5 16:29

電車總站那間酒樓 .. 現在是百佳超屎

作者: pceworld 時間: 2008-8-5 17:00

提示: 作者被禁止或刪除內容自動屏蔽

作者: ccooww 時間: 2008-8-5 21:55

引用:

原帖由 西南風 於 2008-8-5 12:18 發表
講講50's~70's的"電車頭"吧；當年金華街 "電車頭"左近共有五間食肆，蘭香園(茶餐室、亦是最早的一間也消失得最早~塊地係霸佔官地得來的)，新新酒家(今日嘅公厠側，檔次較高，其三樓有廂房、點曲的)，洞天 ...

多謝西南風兄提供,你唔講真係唔知呢個地方原來有個咁可愛既名"電車頭"

亦唔知道原來呢個位置,出現過咁多酒樓茶居,小弟出生得遲,只係去過"洞天酒樓".
想問問西南風兄,50-70年代筲箕灣係咪漁民居多呢?
當年亞公岩係石礦場,你居住時期仲有冇人進行採石呢?

作者: ccooww 時間: 2008-8-5 21:58

引用:

原帖由 財記士多 於 2008-8-5 16:27 發表
我小時侯朱伯帶我們去飲小牛記得嗎.........................

有d印象,但好似唔係"洞天"喎.....

作者: 瞭望台 時間: 2008-8-6 09:41

東大街行入一點便是東華三院No.2小學的後門.

作者: ccooww 時間: 2008-8-7 00:15

引用:

原帖由 瞭望台 於 2008-8-6 09:41 發表
東大街行入一點便是東華三院No.2小學的後門.

係咪即係學校操場果度大鐵門？

作者: 瞭望台 時間: 2008-8-7 21:24

是的!我還記得二樓是教員室.
小食部在地下,隔離是音樂室.
提起小食部，那時有一個"容姐"和"馬蹓"，你記得嗎?

作者: ccooww 時間: 2008-8-8 16:35

引用:

原帖由 瞭望台 於 2008-8-7 21:24 發表
是的!我還記得二樓是教員室.
小食部在地下,隔離是音樂室.
提起小食部，那時有一個"容姐"和"馬蹓"，你記得嗎?

你講既教員室同音樂室位置完全記得,但小食部d人名就真係唔記得了.

你記得學校入面周圍都好多果d黑白相嗎?果陣時好鬼驚呢d相,好似墳場d相咁,
要留堂冇同學仔陪,如果行呢d位置會過唔敢望同即刻快步走過,好驚佢會走出黎

作者: ccooww 時間: 2008-8-8 16:38

記得呢三位嗎?

作者: 瞭望台 時間: 2008-8-9 13:46

我不懂他們，相信他們都是在我畢業後才教的。可否給我們看全張相其他的人嗎?

禮堂的黑白相，很有同感，都是在講台的另一邊。公訓堂時也很怕!

作者: ccooww 時間: 2008-8-10 15:27

右手邊係副校長梁滿寛，你認唔出呢？

下面呢張就係全照

作者: 瞭望台 時間: 2008-8-11 21:21

我知為何我不知了！因為你是讀下午校，而我是上午校，上下午校教師校長是不同的!

作者: ccooww 時間: 2008-8-12 05:05

哦,係喎,難怪你唔知道啦

以前好想讀上午校,因為成日覺得下午可以有時間同d朋友仔去玩,
但屋企人唔比,原因係下午屋企冇大人睇住我地,驚我地會作反

所以,趁住星期六長短週呢個機會,就可以搞"自由活動"了

作者: 瞭望台 時間: 2008-8-12 23:43

相信你上課前也間中光顧"周強記"吧!戰績如何?

作者: ccooww 時間: 2008-8-13 20:07

引用:

原帖由 瞭望台 於 2008-8-12 23:43 發表
相信你上課前也間中光顧"周強記"吧!戰績如何?

你一定有份去呢間"大檔"啦

我當年有聽老師講,唔好玩佢d"潛"紙仔,所以冇乜損失,
但佢有部彈波波機,我就玩過好多次,真係呃人架呢

以前返學零用錢得2蚊,通常都用係小食部,或者用左去幫趁姓蔡果位街坊賣既"涼粉橙"

作者: 瞭望台 時間: 2008-8-14 21:18

當然輸多啦!早餐錢也試過輸掉!
姓蔡果位街坊賣既"涼粉橙"好好味，冬天是賣夾餅的!
有沒有到永華看戲呀?

作者: ccooww 時間: 2008-8-15 03:31

記得姓蔡果位街坊賣涼粉既位置有好多美味街頭美食．
炸豬大腸，好大塊，呢家買既冇咁巨型
魚蛋佬，佢ｄ魚蛋超正，果種味道呢家搵唔返
牛什佬，以前只係食佢ｄ羅白
威利民餅家好似就係呢個位置
永華印象中去過幾次，但睇咩戲已經冇印象了，但有一套好印象深刻，
就係李修賢做既”中國超人”，你有冇睇過呢？

作者: 瞭望台 時間: 2008-8-15 23:34

牛什佬姓黃，也是住淺水碼頭村。
威利民餅家原址在歡喜酒樓對面。
魚蛋佬應是姓伍,是我同學的父親。
永華看戲太多，不能盡錄, 如所有李小龍的戲,姜大衛、狄龍的戲，無數的早場，台灣國語片.......

作者: ccooww 時間: 2008-8-16 14:17

歡喜酒樓呢個名有ｄ印象，是否在西灣河呢？

作者: 瞭望台 時間: 2008-8-17 10:18

對。
那你記得萬邦酒樓嗎?在金星戲院的舊址!

作者: alby 時間: 2008-8-18 00:34 標題: 校入面周圍好多黑白相:果陣好驚呢d相!!!

I think almost all Tung Wah schools has the same thing!

I was from No 1 College, Oxford Rd, Kowloon Tong

作者: ccooww 時間: 2008-8-19 00:48

引用:

原帖由 瞭望台 於 2008-8-17 10:18 發表
對。
那你記得萬邦酒樓嗎?在金星戲院的舊址!

記得,萬邦就係依家工聯會位置,當年酒樓門口有個魚池,好多小朋友喜歡去睇魚,
但佢有一排好尖既圍欄,好多大人細路都比佢刺傷流血,當然我都唔例外中過招啦.
金星戲院就真係唔知啊,會否在萬邦酒樓附近?記得佢隔離有間叫"金星藥房"啊.

作者: 瞭望台 時間: 2008-8-19 22:51

對！
金星藥房現在還在呀!
對面的英昌電器，我家的第一部黑白機也是在那裡買的!
金星戲院之後便是萬邦,問問長輩便知!

作者: 瞭望台 時間: 2008-8-19 22:54

CCOOWW你有印象永華戲院對面未愛秩序灣未大火前是什麼?

作者: ccooww 時間: 2008-8-20 00:48

英昌電器仲係度啊，依家仲有好多老街坊支持佢，
而且服務好，收費公度，所以今日都仲企得住．
金星戲院可能好早拆左，所以冇晒印象，
金明戲院我就知呢

作者: ccooww 時間: 2008-8-20 00:55

引用:

原帖由 瞭望台 於 2008-8-19 22:54 發表
CCOOWW你有印象永華戲院對面未愛秩序灣未大火前是什麼?

只記得好少，只記得馬路邊係有幾檔檔口仔賣貼紙，而向西灣河方向就係一例棚屋，
去到公廁附近已經係海邊，有好多船同有人賣魚，
而向金華街方向好似有個巴士總站，好似係２號車．
對嗎？

作者: 瞭望台 時間: 2008-8-20 22:06

對一些。
巴士總站,係２號; 過一些是14號和20號.另一邊是9號!
永華戲院對面有幾檔檔口仔賣貼紙，對.也有形形式式的賭玩意,潛野,抽獎、東南西北...
一檔叫肥婆，一檔叫瘦婆....

作者: ccooww 時間: 2008-8-22 01:51

哦...原來14號車當年唔係在西灣河總站的,真係唔知道呢.
20號車亦都遺忘了,係行走那裡呢?
照瞭望台兄所講,永華戲院對面當年都算幾熱鬧喎,我未入過後面d棚屋,其實有咩既呢?
肥婆同瘦婆未聽過,係賣貼紙的?

作者: 瞭望台 時間: 2008-8-22 10:55

14號的起點，是70年代中期才遷到西灣河碼頭.
20號是快線(黃牌),由筲箕灣至中環,經海旁大道(即現在的告士打道).
永華戲院對面當年都幾熱鬧，肥婆同瘦婆只是其中兩檔，因為他們比較多我們放學同學光顧和品種繁多.肥婆同瘦婆之名，只是他們因為身形的俗稱!
兩檔之外，永華戲院對面還有雜貨鋪，錄音帶鋪，etc.，申展至2號總站的上車處!

作者: ccooww 時間: 2008-8-22 22:29

記得當年每逢夏天，都係生頭蝨季節．
同學仔當中好多都係漁民，所以都中過幾次招，
清除頭蝨要用樟腦油焗頭，你地有冇試過呢？

作者: 瞭望台 時間: 2008-8-23 16:07

當然有的！好多同學還有鹹魚賣給我們!

作者: ccooww 時間: 2008-8-23 19:14

借左某師兄張圖分享

呢個巴士站記得嗎？

作者: 瞭望台 時間: 2008-8-23 22:48

正呀

有沒有多些?
後便是9號總站
2號開出轉右便是20號和14號總站!

作者: ccooww 時間: 2008-8-25 17:32

透過你既講解同呢張圖，腦海即刻記返起一些模糊景象，
對啊，記得巴士一轉右位置有一檔賣金魚．
我有四出偷相既習慣，偷到好野一定益街坊

作者: 瞭望台 時間: 2008-8-25 21:46

當然記得金魚檔啦！我經常在那裡買黑魔利的。

作者: ccooww 時間: 2008-8-26 00:25

呵呵~~原來你都有養魚,我都有啊.
我記得幫佢買過曼龍,豬仔魚,紅劍等...
最好玩既,當然係"打彩"啦

作者: choihung 時間: 2008-8-26 01:16

我也有養魚，不過我還是“初哥”。有空請多指教養魚技巧！

作者: 瞭望台 時間: 2008-8-26 22:48

ccooww 提到鸞鳳，我有一張貼圖，相信你會喜歡!看看電話號碼!!
[attach]783291[/attach]

作者: 大隻西 時間: 2008-8-27 00:35

引用:

原帖由 ccooww 於 2008-8-26 00:25 發表
呵呵~~原來你都有養魚,我都有啊.
我記得幫佢買過曼龍,豬仔魚,紅劍等...
最好玩既,當然係"打彩"啦

我都幫襯過呢檔八蚊買過一個八寸魚缸鐵框酥上一噠噠綠色油玻璃用油灰吻著粗制濫造。又買過紅劍黑魔利萬龍孔雀買過一條好靚的彩雀[泰國打魚] 紅身綠鰭 1.4元買養咁耐魚到依家都搵唔番！

作者: ccooww 時間: 2008-8-27 01:14

引用:

原帖由 choihung 於 2008-8-26 01:16 發表
我也有養魚，不過我還是“初哥”。有空請多指教養魚技巧！

我地講既所謂養魚,其實都係廿幾三十年前既事囉

以前我地養魚係只係用大隻西兄講既果種魚缸,一個氣泵,
所以d魚通常都唔長命,過到冬天都算係奇蹟.

作者: ccooww 時間: 2008-8-27 01:17

引用:

原帖由 瞭望台 於 2008-8-26 22:48 發表
ccooww 提到鸞鳳，我有一張貼圖，相信你會喜歡!看看電話號碼!!
783291

正喎,咁你都搵到真係利害啊!
電話號碼係7字頭,又冇分港九新界,咩年代呢?

作者: ccooww 時間: 2008-8-27 01:28

引用:

原帖由 大隻西 於 2008-8-27 00:35 發表
我都幫襯過呢檔八蚊買過一個八寸魚缸鐵框酥上一噠噠綠色油玻璃用油灰吻著粗制濫造。又買過紅劍黑魔利萬龍孔雀買過一條好靚的彩雀[泰國打魚] 紅身綠鰭 1.4元買養咁耐魚到依家都搵唔番！

我都係用呢款魚缸,不過就大個d,外觀個真係幾醜陋,
玩到都咁上下就漏水,用油灰吻完又漏,漏完又吻,好似個魚缸同d魚鬥長命咁...
上星期行過旺角金魚街,發現依家都有打魚賣喎,不過d品種差左,
見唔到粗身短尾既"將軍彩"囉.

作者: choihung 時間: 2008-8-27 11:35

引用:

原帖由 ccooww 於 2008-8-27 01:14 AM 發表

我地講既所謂養魚,其實都係廿幾三十年前既事囉
以前我地養魚係只係用大隻西兄講既果種魚缸,一個氣泵,
所以d魚通常都唔長命,過到冬天都算係奇蹟.

我同意，養魚最困難的就是如何“keep"到牠們長命一些。很多時候牠們都死因不明

。

作者: choihung 時間: 2008-8-27 11:36

引用:

原帖由 瞭望台 於 2008-8-26 10:48 PM 發表
ccooww 提到鸞鳳，我有一張貼圖，相信你會喜歡!看看電話號碼!!
783291

我喜歡這類“油畫”！請問該地址是今天的哪裏？

作者: gg2008 時間: 2008-8-27 12:29 標題: 回復 84# 的帖子

好珍貴,我小學時,7:00pm補習放學經過巴士站邊一定買一串魚旦五亳子一串有五粒.回家睇網中人.拍這相時棚屋已經冇左啦

作者: 西南風 時間: 2008-8-27 13:10 標題: 回復 96# 的帖子

卽今日南安里同筲箕灣道交界，現為房委會重建項目。(見懷舊相片大放送標題之冠男酒樓)

中秋節就快到喇，好懷念鸞鳳個中秋節至有嘅活動公仔燈箱，可以同當時旺角的龍鳳比一比。

[ 本帖最後由西南風於 2008-8-27 13:22 編輯 ]

作者: choihung 時間: 2008-8-27 21:09

引用:

原帖由 西南風 於 2008-8-27 01:10 PM 發表
卽今日南安里同筲箕灣道交界，現為房委會重建項目。(見懷舊相片大放送標題之冠男酒樓)

中秋節就快到喇，好懷念鸞鳳個中秋節至有嘅活動公仔燈箱，可以同當時旺角的龍鳳比一比。

西南風兄：謝謝！是不是可以說，鸞鳳就是冠男茶樓的前身？

作者: 瞭望台 時間: 2008-8-27 21:33

鸞鳳就是冠男茶樓的前身，當年中秋節的時候，酒樓外牆還有很大的油畫，年年不同。
至於ccooww問的電話，那時在香港島的電話 = H 字頭, 在香港島以外打到香港島，要先撥 5 字; Kowloon = K, 九龍以外打，先撥 3,； New Terrorities = NT, 在新界以外打，。先撥12.
月餅紙應是late 1960's to early 1970's.

歡迎光臨香港 Xocat Forum 討論區 (http://p.xocat.com/p/)