香港 Xocat Forum 討論區 - Powered by Discuz! Board

標題: [疑難] 新僑幼稚園舊生會 [打印本頁]

作者: 財記士多 時間: 2008-7-29 09:41 標題: 新僑幼稚園舊生會

新僑同學請進來懷舊一下

作者: 財記士多 時間: 2008-7-29 09:41

每天唱東方經

作者: ccooww 時間: 2008-7-29 20:34

先來報到

記得當年有茶點堂，有幾塊餅乾同一杯水，
有間合作社賣零食，兩亳子一個麵包，八毫子一包維他果汁，剛剛好一蚊雞就可以做早餐．

作者: 瞭望台 時間: 2008-7-29 22:24

我也來了!
我還記得"智取威虎山".
我曾經拿好兒童獎!!

作者: ccooww 時間: 2008-7-29 23:17

"智取威虎山"係乜東東來的?
"好兒童獎"我都攞過喎

作者: 財記士多 時間: 2008-7-30 09:38

好兒童獎"

作者: ccooww 時間: 2008-8-1 16:54

發現屋企有一張當年新僑小學時期既相,當年唔駛校章架.

作者: 瞭望台 時間: 2008-8-1 23:39

好相一幅。ccooww, 你在相中那裡?你知嗎，其中一個人我知道他的名字。

作者: choihung 時間: 2008-8-1 23:42

引用:

原帖由 ccooww 於 2008-8-1 04:54 PM 發表
發現屋企有一張當年新僑小學時期既相,當年唔駛校章架.

哪一年？

作者: ccooww 時間: 2008-8-2 00:06

引用:

原帖由 瞭望台 於 2008-8-1 23:39 發表
好相一幅。ccooww, 你在相中那裡?你知嗎，其中一個人我知道他的名字。

為左保留神秘感，我唔講邊個係我囉．
有冇留意當年左派學校男女同學係唔可以一齊合照呢？
你識既會係姓楊的嗎？

作者: ccooww 時間: 2008-8-2 00:09

引用:

原帖由 choihung 於 2008-8-1 23:42 發表

哪一年？

大約80-81年

作者: 瞭望台 時間: 2008-8-2 20:39

ccooww真聰明，你為何知道呢?

作者: ccooww 時間: 2008-8-3 14:40

當然唔係聰明啦,只係相入面只有兩個係同村,好易估啦.
我記得呢位同學屋企好多兄弟姊妹,個個都好好人,但係分唔到邊個打邊個

作者: 財記士多 時間: 2008-8-4 10:49

我都有一張相

不過唔見左

作者: 瞭望台 時間: 2008-8-4 23:21

他也有很多親戚在淺水碼頭村住的!

作者: 財記士多 時間: 2008-8-5 10:43

小羊仔....

我知道 ...他們住張記士多

果頭 .............................

好面熟

作者: ccooww 時間: 2008-8-5 22:11

引用:

原帖由 瞭望台 於 2008-8-4 23:21 發表
他也有很多親戚在淺水碼頭村住的!

係哦....那年代真的很多人會與親戚同鄉住同一條村,相信目的係方便照應.
對於我地小朋友來說,只係會受到更多的監視,每當父母收到小報告後,就係我受罰之時

作者: ccooww 時間: 2008-8-5 22:13

引用:

原帖由 財記士多 於 2008-8-5 10:43 發表
h:" /> h:" /> h:" /> 小羊仔.... 我知道 ...他們住張記士多果頭 ............................. 好面熟

你還記得佢家中排行第幾嗎?

作者: 瞭望台 時間: 2008-8-6 09:34

如果沒有記錯的話，他們有九兄弟姐妹.他排行第八!

作者: ccooww 時間: 2008-8-6 23:35

引用:

原帖由 瞭望台 於 2008-8-6 09:34 發表
如果沒有記錯的話，他們有九兄弟姐妹.他排行第八!

好記性喎,記憶中他們有幾兄妹係讀新僑,瞭望台兄係他們同學?

作者: 瞭望台 時間: 2008-8-7 23:28

他所有兄弟姐姐都曾在新橋就讀。我也懂得他們!

作者: ccooww 時間: 2008-8-8 15:59

搵到呢張幼稚園畢業相,已經殘破不堪,睇返認得一d同學仔,不過名字就完全忘記了.
記得有位老師都係住淺水碼頭村的,你地有印象嗎?

作者: 瞭望台 時間: 2008-8-9 13:52

如果沒錯的話，前起第二牌左面起第三個曾教過我.
至於住淺水碼頭村的，是不是前起第二牌右面起第四個?

作者: 瞭望台 時間: 2008-8-11 21:31 標題: 回復 5# 的帖子

"智取威虎山"據說是樣版戲，"白毛女"，"紅色娘子軍","紅燈記"等也是!

作者: ccooww 時間: 2008-8-12 04:44

引用:

原帖由 瞭望台 於 2008-8-9 13:52 發表
如果沒錯的話，前起第二牌左面起第三個曾教過我.
至於住淺水碼頭村的，是不是前起第二牌右面起第四個?

係啊,瞭望台兄真好記性,就係呢位老師住同村,
印象中佢都係一位好老師,有時行過我屋企都會同我父母傾計,
中間黑色衫既校長,印象深刻大約76年淺水碼頭村發生大火,燒左周日清豬欄果年.
火警發生我屋企附近,我地要走到去李記附近避難,
見到佢三更半夜上村去搵佢既學生,仲走過來問候我地,佢話擔心佢既學生有意外所以上村睇下,
自從那時候開始我就好尊敬呢位校長了

作者: 瞭望台 時間: 2008-8-12 23:33

我仍然有印象你說的火警，是在一個冬天的半夜發生!你說的李記，是不是在斜路的李記?因我也在李記附近避難的!!

作者: 財記士多 時間: 2008-8-13 11:24

火燭

作者: ccooww 時間: 2008-8-13 20:14

引用:

原帖由 瞭望台 於 2008-8-12 23:33 發表
我仍然有印象你說的火警，是在一個冬天的半夜發生!你說的李記，是不是在斜路的李記?因我也在李記附近避難的!!

係啊,就係呢間李記,當晚望上山上見到火光紅紅,燒得好利害,
周日清自此之後再冇養豬,而我住既地方就再冇豬屎味了.

作者: ccooww 時間: 2008-8-13 20:19

引用:

原帖由 財記士多 於 2008-8-13 11:24 發表
火燭

財記兄你自己開個post出黎做乜又唔發表下意見呢？

作者: 瞭望台 時間: 2008-8-14 21:24

還記得當時是星期一的上午三時左右!!

作者: ccooww 時間: 2008-8-15 03:18

星期一你都記得，好利害

講返新僑，你記得當年學校ｄ趣事嗎？
有一年毛澤東過身，全校學生都要帶黑紗，細佬仔唔知乜野黎，放學帶住返屋企，俾老媽子炳到七彩

老媽子果個年代都係比較守舊同傳統ｄ，呢ｄ野對佢地黎講係極度大吉利是，果次唔捱打算走運了

作者: 瞭望台 時間: 2008-8-17 10:31

當年學校ｄ趣事 -
由於我在文革時代,老師每堂上課都把黑版兩旁留一些空間鼓勵好學生和highlight百厭學生.
好的名字在左邊，畫有一朵菊花在這邊象徵好。
差的在右邊，用"批評"兩字代表差.

作者: ccooww 時間: 2008-8-19 00:39

我都記得如果乖既學生可以做紅衛兵,有一條紅色頸巾.
而紅衛兵責任係看管同學紀律,有邊個同學仔唔遵守校規就會向老師報告.

作者: 瞭望台 時間: 2008-8-19 22:57

經常要去看"英雄兒女"

作者: ccooww 時間: 2008-8-20 00:44

"英雄兒女"係乜東東，冇印象喎，唔通又係果ｄ核突戲

作者: 瞭望台 時間: 2008-8-21 22:55

是文革戲. 下面是簡介
- 长春电影制片厂1964年摄制的著名影片，讲述抗美援朝时期，志愿军某团在坚守无名高地的战斗中勇敢作战。刚从医院回部队的战士王成要求参战，并拿出父亲鼓励他杀敌立功的来信给张团长和王文清政委看，王文清始知王成就是自己的老战友王复标的儿子。在战斗中王成英勇奋战，壮烈牺牲。在全军开展向王成学习的运动中，王文清认出该军文工团员、王成的妹妹王芳就是自己的亲生女儿。原来十八年前，王文清在上海做地下工作时，妻子被敌人杀害，不久他也被捕，老工人王复标收养了他的女儿王芳，此后双方失去了联系。王文清没有立即与王芳相认，而是帮助她完成歌颂王成的创作任务，并鼓励她以实际行动向哥哥学习。后来，当王芳在阵地上为炊事员演出时，敌机突然来袭，她为掩护炊事员而负伤，被送回祖国医治。一个月后，王复标参加慰问团赴朝慰问，王芳也伤愈归队，三人在前线团圆。王复标将真情告诉王芳，两位父亲都勉励王芳向哥哥学习，当好革命接班人。

作者: 大隻西 時間: 2008-8-21 23:03

引用:

原帖由 ccooww 於 2008-8-20 00:44 發表
"英雄兒女"係乜東東，冇印象喎，唔通又係果ｄ核突戲

解放裝那小妹純純的比現在的一線姐仔來得漂亮難怪那坐最高點的兵哥饞上了！！

作者: ccooww 時間: 2008-8-22 01:40

引用:

原帖由 瞭望台 於 2008-8-21 22:55 發表
是文革戲. 下面是簡介
- 长春电影制片厂1964年摄制的著名影片，讲述抗美援朝时期，志愿军某团在坚守无名高地的战斗中勇敢作战。刚ߡ ...

謝謝瞭望台兄講出電影入面既內容,其實係咪當時祖國所拍攝既電影,內容都係講類似題材呢?
由於當年年紀太少,印象中老豆都有帶我去新光睇類似電影,
只記得係講打仗,同大約係講中國人係點勇敢.
新僑當年都好似有搞電影欣賞會,好似有類似呢d電影睇,係嗎?

作者: ccooww 時間: 2008-8-22 01:44

引用:

原帖由 大隻西 於 2008-8-21 23:03 發表

解放裝那小妹純純的比現在的一線姐仔來得漂亮難怪那坐最高點的兵哥饞上了！！

大隻西兄:我睇黎睇去果幾位兵哥係似扁咀多d喎

作者: 瞭望台 時間: 2008-8-22 15:29

ccooww所說，全都是對。
記得電影欣賞會，是連老爺播影機也放在觀眾的中間，大大個圈估估聲轉.

作者: ccooww 時間: 2008-8-22 22:40

新僑係咪冇"教育電視"呢？
記得小三轉校到東華三院先開始有"教育電視"呢一堂，覺得好新奇，唔似老師講課咁沉悶，諗返起，其實會唔會係因為新僑係左派學校有關呢？

作者: 瞭望台 時間: 2008-8-23 16:11

對！當時左派學校沒有教育電視,也不參加會考。所以我爸媽要我轉讀東華三院小學。

作者: ccooww 時間: 2008-8-23 19:10

咁又真係奇怪,新僑要交學費,又冇得會考,點解仲有咁多人去讀?
東華三院係唔駛比學費,點解父母又唔選擇呢度比子女讀書呢?

作者: 瞭望台 時間: 2008-8-23 22:57

相信原因有:
1. 當時很多左派機構，家長都是在左派機構工作.
2. 當時很多左派機構，喜歡用左派學校畢業生.
3. 文革時 / 之後一段時間，左派有一定的力量.

作者: ccooww 時間: 2008-8-25 18:23

網上搵到呢張相

[ 本帖最後由 ccooww 於 2008-8-25 18:26 編輯 ]

作者: 瞭望台 時間: 2008-8-25 21:44

正呀

隔離便是醉瓊樓，當時很出名的。記得嗎?

作者: ccooww 時間: 2008-8-25 23:55

記得,醉瓊樓最出名係鹽焗雞,
細個好少去呢度飲茶,多數係幫趁鸞鳳.
記憶中呢間醉瓊樓好似80年代初就執左笠.

作者: choihung 時間: 2008-8-26 01:20

引用:

原帖由 ccooww 於 2008-8-25 06:23 PM 發表
網上搵到呢張相

請問相中的地方是今天的何處？

作者: 財記士多 時間: 2008-8-26 10:06

引用:

原帖由 choihung 於 2008-8-26 01:20 發表

請問相中的地方是今天的何處？

就是現在 (馬會) , SEVEN 行過 D ............MA 雀館果間馬會

作者: 瞭望台 時間: 2008-8-26 22:53

醉瓊樓，我也從來未去過。
馬路對面便是耀記棧。記得嗎?

作者: ccooww 時間: 2008-8-27 01:07

耀記棧真係完全冇印象啊,係咩黎呢?

作者: gg2008 時間: 2008-8-27 14:44 標題: 回復 45# 的帖子

有冇多d咐近d相我以前住新僑樓上.特別係左手邊有一個鞋檔d相,上教民村富斗村個山仔d相及右手邊防空洞山雀仔檔d相,
耀記棧拆左即係今日東亞銀行.相中美昌百貨冇左ニ十年度

Thanks

作者: ccooww 時間: 2008-8-29 01:31

師兄文中描述既事物，有ｄ印象啊，好似鞋檔附近有個防空洞喎．．．
耀記棧賣咩架？好出名既咩？

作者: ccooww 時間: 2008-8-29 01:53

網上搵到某個學兄ｄ相，冇野認得出，只認得個地板同果套冇校章既校服，
女同學同男同學都係一樣款，真係冇階級觀念喎．

作者: gg2008 時間: 2008-8-29 14:47 標題: 回復 53# 的帖子

耀記棧賣南乳花生,花生糖,餅乾,糖果...係用一個大玻璃樽装住.有冇汽水賣唔記得.
係東大街口近金華街今日新釗記個位也有類似一間.
耀記棧一排鋪位係約3-4層高舊樓.係1982年度被一間附近藥材鋪老細收購重建.但遇到97前途問題,資金不足,佢本來向廣東省銀行借錢,最後被廣東省銀行收回地盤起樓,大厦地鋪加一樓做廣東省銀行即今日東亞,而藥材鋪老細原鋪位即今日筲箕灣道房協重建地盤側一單幢約5層高商業樓.樓上是亞洲乜乜教會.藥材鋪老細破產.

係今日美聯地產個位以前都有一間士多,最初由一位白頭老伯做,我經常去買氣水同老父買烟,鋪叫乜名唔記得有冇人知...

下次講下保昌隆先同水記.
各位有冇附近d舊相????????thanks

作者: ccooww 時間: 2008-9-3 23:26 標題: 回復 55# 的帖子

聽師兄咁講，都好熟悉當年筲箕灣喎，
你講既美聯地產個位以前都果間士多，我都有ｄ印象，但幾時結業，已經唔記得了．
幾時講埋保昌隆先同水記啊，好想了解下呢ｄ歷史呢

細個果陣真係好窮，舊相真係一張都冇．
如果當年已經發明左數碼相機就正囉．

作者: 財記士多 時間: 2008-9-19 14:09

我們是否左派....................... 新僑

作者: ccooww 時間: 2008-9-22 19:44

財記兄終於浦頭

作者: Lydia123 時間: 2008-10-4 21:00

我弟弟讀過新橋,
記吾記得而家匯豐個名, 即係防空洞前有個做滕椅的﹖
他有很多仔女, 好似有成3pairs是孖胎。

會唔會有人同我一間幼稚園呢---培儀幼稚園, 而家是老人院

作者: LOX 時間: 2008-10-5 23:44

新僑幼稚園原來在金華街電車總站旁，73年才搬到筲箕灣道。有冇人在那邊讀過？

作者: ccooww 時間: 2008-10-6 22:14

引用:

原帖由 Lydia123 於 2008-10-4 21:00 發表
我弟弟讀過新橋,
記吾記得而家匯豐個名, 即係防空洞前有個做滕椅的﹖
他有很多仔女, 好似有成3pairs是孖胎。

會唔會有人同我一間幼稚園呢---培儀幼稚園, 而家是老人院

講起有d印象,記得佢門前掛住好多"呼拉圈",有時見有個細路女在織滕器.....
有3對孖胎咁利害??

防空洞個位置係咪依家馬會呢?

作者: ccooww 時間: 2008-10-6 22:19

引用:

原帖由 LOX 於 2008-10-5 23:44 發表
新僑幼稚園原來在金華街電車總站旁，73年才搬到筲箕灣道。有冇人在那邊讀過？

我73年在筲箕灣道開始返幼稚園,但覺得間學校都好殘舊,感覺係唔似新校舍喎

作者: 瞭望台 時間: 2008-10-11 23:03

新僑幼稚園是73年前已在筲箕灣道的，因我是六十年代尾在那裡讀幼稚園的!

作者: 瞭望台 時間: 2008-10-11 23:10

根據資料，應該是:
1950年1月，新僑中學成立，校址設於灣仔堅尼地道66-68號，並在1968年夏遷往筲箕灣擴大招生，及後更租用筲箕灣金華街5-7號設立新僑中學小學部。

作者: Lydia123 時間: 2008-10-13 05:31 標題: 回復 61# 的帖子

係呀就係馬會改位啦

作者: Lydia123 時間: 2008-10-13 05:32

引用:

原帖由 瞭望台 於 2008-10-11 23:03 發表
新僑幼稚園是73年前已在筲箕灣道的，因我是六十年代尾在那裡讀幼稚園的!

我應該大你幾歲

作者: Lydia123 時間: 2008-11-1 19:58

1-11-08新僑學校

隔離馬會，就是以前富斗窟村的入口

[ 本帖最後由 Lydia123 於 2008-11-1 19:59 編輯 ]

作者: js21631 時間: 2008-11-7 09:45

提示: 作者被禁止或刪除內容自動屏蔽

作者: Lydia123 時間: 2008-11-7 23:47 標題: 回復 68# 的帖子

我弟弟放學，每天用其不清的口齒唱, 東方紅、太陽升，
中國出了一個毛澤東.........

作者: 財記士多 時間: 2008-11-10 17:25

毛　主席　萬歲

作者: gg2008 時間: 2008-11-17 16:17 標題: 回復 41# 的帖子

好似話新橋學生要幫手洗地

作者: gg2008 時間: 2008-11-17 16:21 標題: 回復 66# 的帖子

新橋幼稚園係哪處?相中大厦只有新橋中小學

作者: ccooww 時間: 2008-11-17 22:22

洗地我未試過,可能我低年班,或者高年班同學要參加勞動都唔出奇,

橋中小學係個招牌,一樓就係幼稚園,分高班同低班兩款

歡迎光臨香港 Xocat Forum 討論區 (http://p.xocat.com/p/)