Board logo

標題: [已解決] 劉雲傑獲日本第二屆國際漫畫大獎 [打印本頁]
作者: 成熟溫柔男士    時間: 2008-8-27 02:15     標題: 劉雲傑獲日本第二屆國際漫畫大獎

恭賀香港漫畫家劉雲傑憑作品 "百分百感覺 FEEL 100%" 獲日本第二屆國際漫畫大獎!
這已經是連續兩屆由香港漫畫家奪得此項大獎, 上一屆得此大獎的是由香港漫畫家李志清以 "孫子攻略" 奪得!
作者: 不平凡人    時間: 2008-8-27 04:39

呢本漫畫十幾年前既產品黎喎,....
last o個期都係上年出...
我想知呢個獎係點評既呢???
作者: 冰河    時間: 2008-8-27 23:47

劉 雲 傑 憑 《 百 分 百 感 覺 》 壓 倒 367 對 手
港 產 漫 畫 家 奪 國 際 大 獎

【 本 報 訊 】 15 年 ， 足 以 讓 一 個 羽 翼 未 豐 的 年 輕 人 進 化 為 一 個 佬 ， 青 春 少 艾 變 為 肥 師 奶 ， 所 有 人 都 老 了 ， 偏 偏 許 樂 、 Jerry 及 Cherie 就 是 不 老 。 用 了 15 年 創 作 《 百 分 百 感 覺 》 的 劉 雲 傑 ， 最 大 創 舉 不 是 推 出 漫 畫 單 行 本 ， 而 是 創 作 出 一 個 令 人 擔 心 有 生 之 年 會 等 不 到 的 結 局 ； 不 老 的 傳 說 ， 令 他 力 壓 全 球 367 個 對 手 ， 奪 得 日 本 外 務 省 頒 發 的 第 二 屆 國 際 漫 畫 獎 最 優 秀 獎 。 記 者 ： 張 嘉 雯

能 夠 讓 讀 者 看 愛 情 漫 畫 看 到 「 喊 打 喊 殺 」 、 「 唔 記 得 上 期 講 乜 」 的 ， 劉 雲 傑 可 能 是 第 一 人 。 知 道 得 獎 ， 這 位 大 哥 笑 嘻 嘻 說 好 開 心 ， 形 容 自 己 最 癲 的 時 候 ， 試 過 連 畫 70 多 個 小 時 ， 中 間 只 短 睡 兩 句 鐘 ， 投 入 大 量 情 感 ， 「 到 後 來 我 都 唔 係 好 控 制 到 佢 ， 佢 好 似 變 活 生 生 人 物 咁 ， 有 自 己 獨 立 人 格 」 。


讀 者 等 出 書 等 到 失 控

16 期 漫 畫 出 了 15 年 ， 「 仔 」 變 了 「 中 坑 」 ， 不 單 主 角 失 控 ， 讀 者 也 等 到 失 控 ， 在 這 段 日 子 ， 劉 雲 傑 自 言 靠 食 老 本 和 bonus 過 活 ， 「 我 呢 適 應 能 力 好 強 ， 有 多 就 食 多 ， 有 少 就 食 少 ， 積 穀 防 飢 ， 都 叫 勉 強 捱 得 住 」 。
劉 雲 傑 說 ， 創 作 需 要 赤 子 之 心 ， 這 顆 心 驅 使 他 在 畫 《 百 分 百 感 覺 》 後 ， 推 出 一 本 以 運 動 為 主 軸 的 漫 畫 ， 內 容 不 是 麥 兜 學 風 帆 或 者 百 一 欄 王 傳 奇 ， 「 我 咁 樣 真 係 衝 向 死 亡 ， 做 呢 個 更 加 難 ， 個 巿 場 咁 狹 窄 ， 當 係 熱 身 」 。
劉 雲 傑 透 露 ， 他 的 另 一 個 嘗 試 是 出 版 「 非 柏 拉 圖 式 」 的 愛 情 故 事 ， 跟 《 百 分 百 感 覺 》 南 轅 北 轍 。


嘗 試 畫 另 類 愛 情 故 事

「 唔 會 再 係 人 間 無 情 總 有 情 呀 、 救 贖 式 種 ， 呢 唔 夠 刺 激 ， 吸 引 唔 到 人 睇 ， 要 寫 實 、 殘 酷 ， 要 有 魔 性 先 得 ， 家 呢 一 代 思 潮 係 咁 ， 唔 進 入 去 就 好 難 同 佢 傾 」 。
日 本 外 相 高 村 正 彥 昨 日 在 記 者 會 上 公 佈 第 二 屆 國 際 漫 畫 獎 的 得 獎 名 單 ， 劉 雲 傑 憑 《 百 分 百 感 覺 》 奪 最 優 秀 獎 ， 內 地 漫 畫 家 尹 川 的 《 逝 》 及 俄 國 、 法 國 漫 畫 家 的 三 部 作 品 獲 優 秀 獎 。 頒 獎 禮 將 於 9 月 2 日 在 東 京 舉 行 ； 368 件 參 賽 作 品 來 自 46 個 地 區 ， 超 過 去 年 的 146 件 。
上 屆 得 獎 者 ， 本 地 漫 畫 家 李 志 清 對 劉 得 獎 感 欣 喜 ， 他 指 本 地 作 品 較 接 近 日 本 人 的 口 味 ， 語 言 技 巧 亦 較 不 少 地 區 高 ， 劉 雲 傑 獲 獎 肯 定 了 香 港 漫 畫 家 的 能 力 。


劉 雲 傑 小 檔 案

• 1966 年 出 生 ， 現 年 42 歲
• 中 學 就 讀 聖 方 濟 書 院
• 完 成 中 學 後 入 讀 李 惠 利 工 業 學 院 ， 修 讀 設 計
• 曾 從 事 玩 具 設 計 、 雕 刻
• 1985 年 踏 足 漫 畫 業 ， 擔 任 《 怪 異 集 》 助 理
• 1988 年 晉 升 主 筆 ， 在 《 漫 畫 少 年 》 內 繪 畫 《 禁 Rock 》
• 1992 年 推 出 漫 畫 《 百 分 百 感 覺 》
• 2007 年 推 出 漫 畫 《 百 分 百 感 覺 》 大 結 局
資 料 來 源 ： 劉 雲 傑


特 稿 ： 15 年 推 出 16 集 多 次 拍 成 電 影

劉 雲 傑 在 2007 年 推 出 《 百 分 百 感 覺 》 第 16 集 大 結 局 。
漫 畫 《 百 分 百 感 覺 》 在 1992 年 推 出 ， 故 事 圍 繞 許 樂 、 Jerry 及 Cherie 三 人 的 感 情 世 界 ， 大 受 年 輕 人 歡 迎 。 故 事 最 初 由 陳 慶 嘉 負 責 編 劇 ， 劉 雲 傑 作 畫 ， 其 後 編 劇 多 次 易 手 ， 加 上 出 版 商 出 現 人 事 變 動 ， 令 漫 畫 推 出 時 間 一 拖 再 拖 ， 創 下 了 兩 年 沒 有 新 書 的 紀 錄 ， 最 終 延 至 2007 年 推 出 第 16 集 大 結 局 ； 其 間 故 事 多 次 被 拍 成 電 影 搬 上 銀 幕 ， 2002 年 更 被 拍 成 首 套 網 劇 。
本 報 記 者

__________________

[ 本帖最後由 冰河 於 2008-8-27 23:51 編輯 ]
作者: PENMILK    時間: 2008-8-28 00:01     標題: 回復 3# 的帖子

thanks for sharing
作者: 不平凡人    時間: 2008-8-28 04:49

講耐...加爾巴可能同佢差唔多....
作者: sammy20072007    時間: 2008-8-28 18:33

其實我幾欣賞劉雲傑呢講有誠意�H漫畫家架，佢地�H作品尤其是精裝本的更加鍾意，但有時每期之間真係等到人都癲，劉雲傑呢本書我都有睇，初出時我讀緊中學，到而家出版大結局我已經結埋婚•••其實當年仲有一本【超神Z】我都好鍾意，好似係司徒劍橋畫�H，當年Ｄ畫功真係靚到驚為天人，但係睇創刋號之後好似等咗成半年都無書出，後來仲有無出我都唔知，我贊成慢功出細貨，但太慢就真係頂唔梗，週刋、雙週刋、月刋、季刋、半年刋都無問題，但如果太耐�H就唔好啦！不過話時話，咁出書法佢點揾食呀？
作者: 周五一次郎    時間: 2008-8-29 12:40

引用:
原帖由 sammy20072007 於 2008-8-28 18:33 發表
其實我幾欣賞劉雲傑呢講有誠意�H漫畫家架，佢地�H作品尤其是精裝本的更加鍾意，但有時每期之間真係等到人都癲，劉雲傑呢本書我都有睇，初出時我讀緊中學，到而家出版大結局我已經結埋婚•••其實當年仲有一本【超神 ...
由劉 雲 傑亲自回答超人兄的疑问：

16 期 漫 畫 出 了 15 年 ， 「  仔 」 變 了 「 中 坑 」 ， 不 單 主 角 失 控 ， 讀 者 也 等 到 失 控 ， 在 這 段 日 子  ， 劉 雲 傑 自 言 靠 食 老 本 和 bonus 過 活 ， 「 我  呢  適 應 能 力 好 強 ， 有 多 就 食 多 ， 有 少 就 食 少 ， 積 穀 防 飢 ， 都 叫 勉 強 捱 得 住 」 。
作者: potatogundam    時間: 2008-8-29 14:10

引用:
原帖由 不平凡人 於 2008-8-28 04:49 發表
講耐...加爾巴可能同佢差唔多....
加爾巴更久  
作者: 不平凡人    時間: 2008-9-7 04:44

http://hk.news.yahoo.com/article/080904/4/826a.html網絡侵權謀殺本地漫畫
(明報)9月5日 星期五 05:10

【明報專訊】劉雲傑獲獎後獲商務及經濟發展局長劉吳慧蘭接見，劉雲傑所屬的文化傳信漫畫企業部總經理周家恒亦有同行，並即場要求劉局長加強打擊互聯網侵權行為。周說﹕「網友為跟志同道合者分享，將漫畫一本一本掃描放上網任人看。」周指，網絡侵權是令漫畫界萎縮的致命原因，希望政府着力打擊。
助理月薪3000多 無人入行
劉雲傑以42歲之齡登上國際舞台，令人關注本地漫畫界青黃不接缺乏後起之秀。周家恒直指行業受網絡衝擊生意下滑，年輕人看不到前景不願入行。「有興趣的寄來漫畫自薦，但一聽初入職只有3000多元月薪便頭也不回離去。」80年代是香港漫畫最蓬勃的黃金時期，那年頭入職的月薪也是3000多元。
「這一代年輕人都急功近利，來應徵的總愛問：『幾多年之後我才可升做主筆？』80年代的年輕人，充滿熱誠，不收錢也來做，只為見主筆偶像、只為一嘗拿畫筆的感覺。」在行內打滾10多年的周家恒，感慨如今新一輩貪圖搵快錢，卻甚少人肯為理想而戰。
周家恒說，過去5年漫畫界出現嚴重人才荒，更出現「零入行」現象，行內擔任初級助理的都平均有10年以上經驗。要解決人才問題，那得從改善業務根源着手——如何為一池死水的漫畫市場注入生命。
下班時間乘地鐵，不時可見中年男子拿一本《龍虎門》在車廂看得津津有味，可香港的漫畫市場，總不能只靠這群「中男」支持者。「《龍虎門》現每期平均銷量約4萬多冊，比不上90年代高峰時的上10萬冊。」文化傳信目前的策略，是在《龍虎門》以外出版多元題材漫畫，《百分百感覺》講愛情是一個成功例子，另外歷史題材如《三國志》、《孫中山》等在日本均錄得滿意成績。此外亦引入更多日本漫畫滿足本港年輕人口味，目前旗下六成出版作均屬日本漫畫，其餘四成為本地創作。
周家恒說，本地漫畫家其實等着一條黃金出路——打進內地市場。「我們向劉局長建議，希望廣東省政府可以配額制方式，限量讓本港漫畫在省內出版銷售。」他引述劉太指會積極研究有關方案。據摩根士丹利國際投資銀行指出，中國未來動漫市場年產值將達5000億元人民幣以上，未來3至5年是中國動漫產業發展的黃金時期。商務及經濟發展局估計，香港創意產業現僱用了16萬名從業員，佔香港經濟生產總值逾3%，每年為香港帶來500億元增值額。


廿年前3000...廿年後3000...
一本漫畫廿年前賣5蚊...廿年後賣14蚊...o個2倍錢去左邊???
人地海洋都出6k啦(o係第2版有post....不過唔知有冇人做...)....你仲出3k...咁既野你都講得出口...真係食得屎...
作者: sammy20072007    時間: 2008-9-9 13:37

【文化傳信漫畫企業部總經理周家恒】呢條友仲講到好似係而家Ｄ人無熱誠咁，$3000大元咁高人工都講得出，仲係幾咁理所當然咁，大佬，賓妹都高過佢啦、攞個人綜援都好過佢啦，仲係上市企業渦，呢單嘢李卓人應該跟進啦！
作者: yuyu6    時間: 2008-9-11 16:30

3000元夠肉郎買一枝紅酒....
作者: 不平凡人    時間: 2008-9-11 17:46

引用:
原帖由 yuyu6 於 2008-9-11 08:30 發表
3000元夠肉郎買一枝紅酒....
or可以上大陸玩條女一個鐘...



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0