香港 Xocat Forum 討論區 - Powered by Discuz! Board

標題: [原創] 全家總動員票投社民連 [打印本頁]

作者: 港奸剋星 時間: 2008-8-28 07:57 標題: 全家總動員票投社民連

各位版友,

民主香港已經到了最危險的關頭
民主是香港核心價值
理應由人民作主,而唔係由共黨操控
大家必須認清事實,認清真正為人民的政黨
懇請全家總動員票投社民連

作者: COO 時間: 2008-8-29 16:42

我會投「監察政府、倡議通過公平競爭法、維護司法獨立」既候選人！

作者: kcpw0n 時間: 2008-8-29 17:02

一些假道學之傳媒人,政客利用大空氣中電波,報刊為平台,毫無約束和肆意攻擊政府或政治對手,誰監管他們呢??
說句不同聲音就說成打壓,抹黑,白色恐怖,要選這類流氓政團嗎?

以下轉貼一篇好貼心的一篇心聲:

我認為, 現在香港人太政治化了......我好討厭而家香港的氣氛.
我唔認同話, 而家無人可以拿政治人民來開玩笑, 詹瑞文都以煲呔及袋巾來亮相.....
但不同的, 過往是開玩笑, 而在是醜化.
盧海鵬扮欣宜, 亞肥都係咁笑, 因為扮係滑稽,
但你睇下而家節目?? 佢地係將所扮演的人身上的缺點, 無限咁放大.....呢D就已經唔係滑稽而係醜化.
點解會咁轉變?? 因為香港人鍾意睇.
而家報紙, 傳媒, 好自然都會傾向企係政府的對立方, (連港台都係咁), 點解?? 因為市民鍾意睇.
董先生的出現, 將政府變成全港市民的出氣袋.... 呢個文化, 係史無前例.
在政棍的挑釁下, 將經濟問題歸究為沒有民主...... 成功挑起香港市民的對抗意識, 從中大撈政治本錢.
當中傳媒的選擇報道, 已經成功麻木到每一位讀者.... 尤其係, 不是一份報紙行呢個路線, 而係所有報紙都行同一路線... 報悲不報喜...(因害怕怶對手扣政府喉舌這頂帽子). 你又插, 我又插, 長時間的插, 令到所有市民都有一份恐懼感..... 究竟我地政府係唔真係咁差.....
梁錦松買車, 佢話不小心, 漏報, 結果落台.
涂謹申租寫字樓無申報, 佢話不小心, 結果傳媒輕輕放過, (甚至有報紙窮追猛打, D人又會覺得係中央發功)
香港市民已經唔會再為"對/錯"來做判斷.... 只以"派別"來做判斷了.
在這個論壇這個版, 我不是常來, 但常見很多人選擇立法局議員的原因, 就是因為佢會"反"政府, 要打散建制派, 唔俾佢地"保皇".
呢個答案其實好可笑的.
同一個還輯, 事宜世易, 真係保反互換, 咁大家又是否要求保皇, 反對反對派呢??
(那原來要"反政府"來作為監察的原意何在??)
政棍們老是強調自己如何監察政府得力.... 但其實正正用文革那套上網上線來作為政治本錢.
打風落雨唔開學校俾家長拿學位, 曾蔭權下台
停屍間調錯屍體, 曾蔭權下台.(但又唔記得O左自己反對政府係自己O個區度興建殮房喎.)
消防員殉職, 曾蔭權都要下台.(無意拿兩位英勇消防員來開玩笑, 只是總結前陣子的聲音)
在政棍舖橋塔路下, 所有事都將矛頭連向政府, 連向特首.....
市民亦大呼過癮, 大有"睇你點死"的看法, 一窩蜂來起哄.
香港人已沒有過往的包容. (以前對內地人都唔會咁偏激), 亦已經沒有量度. (香港人已經沒有容許別人犯錯的空間, 永遠都是殺頭文化.) 市民陶醉於充當政棍政治SHOW內的茄哩啡, 已沒有分辨能力的了.
大家試回想一下.... 我地已經習慣了, 商人前面一定加個奸字.... 所有僱主前面一定加無良.... 某一些政黨前面, 都一樣加上保皇, 官員前一定加上無能....... 大量洗腦式文章節目下, 耳濡目染, 連小學生都會將八萬五掛在口邊...(但我幾肯定佢根本唔知八萬五係乜.)
香港人愛自由, 亦愛濫用自由. (美心港女事件, 事主絕對有自由去拍攝該燒味師傅), 正如你有自由著到紅紅綠綠去參加人家的喪禮一樣. 這把尚方寶劍, 將人的價值觀徹底改變了.
傳媒要挖政府瘡疤, 因為要監察政府, 那麼, 傳媒由誰來監察, 不是無的放矢, 惡意中傷??
個人名譽因為失實報導, 可以循民事, 以誹謗來控訴.....
如果是對象是政府, 以失實, 偏頗/以偏蓋全, 選擇報導來扭曲原意, (我無話而家有, 我係用假設), 誰來監察??
有沒有人出來"監察傳媒", 要"反傳媒"來爭取平衡聲音??
(你以平常心去聽下左右大局的李惠玲, 佢每日為泛民宣傳不遺餘力.... 這是對事對人的節目嗎??)
我地又假設, 如果, 倘若, 某電台主持人是"收受利益"而不斷去抹黑, 中傷黨派呢, 我只是問, 誰來監察這些主持人?? 真的只是與本台立場無關便可推卸??
(當日李小姐為支持何俊仁而在電台追殺李永達, 唔知大家有無聽過???)
香港現在越來越民粹, 這是我所憂慮的.

[ 本帖最後由 kcpw0n 於 2008-8-29 17:06 編輯 ]

作者: 飛鳥 時間: 2008-8-29 19:00

社民聯同三合會有什麼關系？

[ 本帖最後由飛鳥於 2008-8-29 23:01 編輯 ]

作者: 皇后 時間: 2008-8-29 19:31

支持社民聯,全家人投票,社民聯一定要入立法局為市民發聲

:clap:

作者: maezono 時間: 2008-8-29 22:02

「民建聯最無恥」手機鈴聲：
http://www.badongo.com/cn/file/11057850

作者: 飛鳥 時間: 2008-8-29 22:57

勞永樂批毓民收受江湖利益
現年53歲的傳染病專家勞永樂，絕對是近期的話題人物，從他加入社民連到退出社民連，都是媒體關注的焦點。

上月底，勞永樂忽然辭去社民連的副主席並退黨，理由是不滿社民連主席在黨員不知情下收受江湖中人利益。勞永樂認為，作為政治組織，有責任保持最高的道德標準，而且要言行合一，向公眾展示誠信和道德操守。社民連在尖沙咀的總部，被媒體揭發原來是由一名叫做「鬼添」的新義安資深成員免費提供的。

「鬼添」真名叫作李育添，曾被稱為新義安「十傑」，有大學學位，早年甚至在懲教署任職，在現在則為香港泰拳理事會會長。1996年因為身為黑社會成員而被判6個月。去年12月，李育添因為涉及新世界集團連環被襲案而再度被捕。

要求訂租約被指多事
勞永樂在接受《星島日報》專訪的時候，說去年7月的時候社民連秘書長陶君行曾找過他，指出會址可能和「那個人」（李育添）有關。勞永樂奇怪陶君行為何不直接問黃毓民，陶君行當時則回應「驚畀佢鬧，查（查契）清楚先敢問佢老人家囉。」

查契的結果發現，物業確實和「鬼添」有關系，單位的業主是「迅亞發展有限公司」，而李育添擁有該公司一半的股份。於是勞永樂與陶君行及另一副主席麥國風在一個深夜到黃毓民麵鋪，「我們建議他要訂立正式租約，要交巿值租金，跟足規矩交租」，當時更問他拿租約看，「但一直都睇唔到。」

不過後來陶君行則公開表示支持黃毓民，認為做法無問題，並指只要確保並非「有交換條件」，則無論業主是誰又或者什麼人捐款都沒有問題，社民連不會歧視任何類別的捐款者。

勞永樂對社民連成員在面對這樣「黑白分明」的事件時，「一係唔出聲，一係覺得合理」的表現感到不滿，他認為社民連太害怕失去主席黃毓民，整個黨表現出反智和非理性的情緒，面對這樣「一言堂」的政黨，他只有離開：「由○六年十月一日社民連成立開始，租金從無入帳，捐獻無入帳，我要求更正這做法，要求訂定租約……若果這樣也叫做錯、叫做挑剔、叫做無是生非，我仲點可能再留低？」

事件被揭發之初（2007年12月24日），黃毓民曾強調過租約合法，不過4天後，社民連終於召開行政委員會討論事件，黃毓民才承認一直沒有交租。

社民連指責勞「影響形象」

社民連方面，則發表聲明，指勞永樂就會址租約的問題發表了不當及不實的聲明，嚴重影響了社民連的形象和聲譽，對此表示遺憾。

這次事件並非勞永樂和黃毓民的首次矛盾，在早前立法會補選，泛民主派初選的時候，勞永樂表示他已經收到了極大的壓力，他堅持要經過選舉產生的泛民派候選人才是民主，不過這點卻受到泛民主派的嚴厲抨擊，部分輿論認為勞永樂在上演「無間道」，是親建派打入泛民的臥底。對此，勞永樂認為只是泛民壓迫「不就範」弱勢成員做法，「我做了甚麼成為『無間道』呢？就因為挑戰陳太？」

雖然黃毓民在過程中並沒有勸阻他參選，但就處處留難，勞永樂稱「我屢次要求、聲淚俱下地要求他召開行政委員會，早日確認我參選資格，直至初選辯論前四天，我才獲得確認代表社民連參選。」

作者: 飛鳥 時間: 2008-8-29 23:00

立法三合成一家

作者: KMY89 時間: 2008-8-30 23:49

不如投阿扁 ...

作者: COO 時間: 2008-9-1 13:34

嘩，勞永樂醫生好偉大啊！

作者: kcpw0n 時間: 2008-9-1 21:23

勞永樂,頭岳岳
政壇圈子四圍踱
功能組別衰一鑊
入錯社團怕孖鑊
單拖出來扮大鱷
祝福佢
最終真會有收獲

作者: peninsula 時間: 2008-9-1 21:33

引用:

原帖由 COO 於 2008-9-1 13:34 發表
嘩，勞永樂醫生好偉大啊！

He is a good choice!

作者: LoneStar 時間: 2008-9-1 22:57

哈, 勞永樂?! 誠信? 道德操守?

作者: 分身人 時間: 2008-9-2 10:18

引用:

原帖由 peninsula 於 2008-9-1 21:33 發表

He is a good choice!

為借人膀頭上位, 再踩人落地底既勞醫生鼓掌

作者: superengine 時間: 2008-9-2 22:08

wong yuk man----MADDOG
leung kwok hung----LONGHAIR

作者: COO 時間: 2008-9-3 12:42

引用:

原帖由 LoneStar 於 2008-9-1 22:57 發表
哈, 勞永樂?! 誠信? 道德操守?

除左佢之外，重有好多選擇既 ~

作者: FXO 時間: 2008-9-3 16:34

我投阿牛

作者: COO 時間: 2008-9-3 16:46

引用:

原帖由 FXO 於 2008-9-3 16:34 發表
我投阿牛

長毛麻麻地！

毓民還可以。

作者: kcpw0n 時間: 2008-9-3 17:12

#17+ #18 = 狗牛一毛混在一起
真巧合

作者: COO 時間: 2008-9-3 17:19

引用:

原帖由 kcpw0n 於 2008-9-3 17:12 發表
#17+ #18 = 狗牛一毛混在一起
真巧合

「塵缸」配，都算係有得對打喎

作者: 港奸剋星 時間: 2008-9-3 23:25

引用:

原帖由 COO 於 2008-9-3 08:46 發表

長毛麻麻地！

毓民還可以。

只係毓民入去,殺傷力唔夠
可能結局係好似大舊咁成日同班狗官嘻嘻哈哈
兩位都要投
全家總動員
票投社民連
食窮民建聯

作者: 熊魔鬼. 時間: 2008-9-3 23:47

毓民入到局就大把好戲睇咯.

http://hk.youtube.com/watch?v=zOoKe0piTbU&feature=related

作者: 成熟溫柔男士 時間: 2008-9-4 02:45

引用:

原帖由 熊魔鬼. 於 2008-9-3 15:47 發表
毓民入到局就大把好戲睇咯.

http://hk.youtube.com/watch?v=zOoKe0piTbU&feature=related

我個人認為一定會有大把戲睇o勒, 因為我覺得毓民一定入到立法會, 而毓民真係冇改錯名, 佢真係專 "郁民", 佢唔單止郁民建聯, 就連民主黨一樣唔畀面 !

作者: 理魯竇 時間: 2008-9-4 10:42

諗諗下都覺得好笑，
每逢臨近選舉，
總有班人突然出現，
搖旗吶喊，互相抹黑，繼而叫人要選邊個，千祈唔好選邊個，選親就係無恥，
嘩，乜咁樣叫做民主？

其實大家駛乜係度嘥氣，
入得呢個討論區，早已各有各立場
來來去去得果十零廿人，
誰也改變不了誰，
對選情亦絕無影響。

留翻淡氣尚可以暖肚。

作者: 熊魔鬼. 時間: 2008-9-4 10:48

引用:

原帖由 理魯竇 於 2008-9-4 10:42 發表
入得呢個討論區，早已各有各立場
來來去去得果十零廿人，
誰也改變不了誰，
對選情亦絕無影響。

...

啱

作者: COO 時間: 2008-9-4 12:06

引用:

原帖由 港奸剋星 於 2008-9-3 23:25 發表

只係毓民入去,殺傷力唔夠
可能結局係好似大舊咁成日同班狗官嘻嘻哈哈
兩位都要投
全家總動員
票投社民連
食窮民建聯

好過長毛，開會有到，不過總係冇得留低，成日被人叮出局。
咁樣點有足夠時間係立法會表達意見呀？
次次講幾句野就可以收皮(都唔知係咪有意做 attendance 記錄，報完到就 say bye，跟住就做街工)，其他人去做佢份 job 都得啦！

作者: peninsula 時間: 2008-9-4 20:09

引用:

原帖由 分身人 於 2008-9-2 10:18 發表
為借人膀頭上位, 再踩人落地底既勞醫生鼓掌

He is more "real".

作者: 分身人 時間: 2008-9-5 11:56

引用:

原帖由 peninsula 於 2008-9-4 20:09 發表

He is more "real".

yes, real 權欲熏心

作者: hny 時間: 2008-9-5 18:08

范太真係走得合時，如果唔係阿長毛加毓民真係唔得佢死

作者: peninsula 時間: 2008-9-5 20:02

引用:

原帖由 hny 於 2008-9-5 18:08 發表
范太真係走得合時，如果唔係阿長毛加毓民真係唔得佢死

Better at the Jockey Club la!

作者: 港奸剋星 時間: 2008-9-6 08:44

加埋今年有毒瘤入去
未來四年,好玩到極

作者: 民國小民 時間: 2008-9-8 01:41

已經投左社民連

歡迎光臨香港 Xocat Forum 討論區 (http://p.xocat.com/p/)