香港 Xocat Forum 討論區 - Powered by Discuz! Board

標題: 你較難忘的食物或食肆(請多多發言) [打印本頁]

作者: 求其 時間: 2006-8-20 10:23 標題: 你較難忘的食物或食肆(請多多發言)

假如你是35歲以上, 又曾經在中環一帶上學/上班, 你應該知道中國天祥百貨後街有一間老牌餐廳(x樂園, 個名真係都唔記得了, 因為間野好似收左皮成十幾年了)

呢間餐廳無乜特別, 但佢地個窩蛋牛肉飯 (免治)就好過癮, 可能係我見過最多免治牛肉的窩蛋牛肉飯了! 佢地用一個鵝卵形的銻兜盛住d牛肉, 裡面打隻生雞蛋(黃連白), 個蛋黃o係d"牛肉林"裡浪下浪下, 好鬼過癮, 而且牛肉的量好大, 成個銻兜都裝唔晒, 經常漏晒出來...

雖然味道是一般, 但印象難忘!

作者: johncage 時間: 2006-8-20 10:53

小學放下午成六點，
係街邊買五毛子豬腸粉。

以前街市傍邊既哪渣面，永遠食唔番果種味道！

[ 本帖最後由 johncage 於 2006-8-20 10:56 AM 編輯 ]

作者: Super-K 時間: 2006-8-20 12:04

引用:

原帖由求其於 2006-8-20 11:53 發表
假如你是35歲以上, 又曾經在中環一帶上學/上班, 你應該知道中國天祥百貨後街有一間老牌餐廳(x樂園, 個名真係都唔記得了, 因為間野好似收左皮成十幾年了)

呢間餐廳無乜特別, 但佢地個窩蛋牛肉飯 (免治)就好過癮 ...

中國天祥..........

作者: dejavu2003 時間: 2006-8-20 13:39

引用:

原帖由求其於 2006-8-20 02:23 AM 發表
假如你是35歲以上, 又曾經在中環一帶上學/上班, 你應該知道中國天祥百貨後街有一間老牌餐廳(x樂園, 個名真係都唔記得了, 因為間野好似收左皮成十幾年了)

呢間餐廳無乜特別, 但佢地個窩蛋牛肉飯 (免治)就好過癮 ...

你唔會講緊戲院里間舊蛇竇嘛？另外有一間好似between電車路同干諾道，叫安樂園(?)，不過我記得好似食熱狗出名。

天祥百貨好似喺萬邦行，巳經執咗成廿年。

作者: fachai 時間: 2006-8-20 15:07

鴨寮街炒豬腸粉, 用蛋炒, 香到不得了~~

作者: billchan 時間: 2006-8-20 15:56

引用:

原帖由 fachai 於 2006-8-20 03:07 PM 發表
鴨寮街炒豬腸粉, 用蛋炒, 香到不得了~~

十年前左右銅鑼灣利舞台戲院對面小街，晚上約十一點後，都有一檔手推車賣蛋炒豬腸粉 !

作者: goldenbaby 時間: 2006-8-20 16:44 標題: 回復 #1 求其的帖子

提示: 作者被禁止或刪除內容自動屏蔽

作者: goldenbaby 時間: 2006-8-20 16:45

提示: 作者被禁止或刪除內容自動屏蔽

作者: dejavu2003 時間: 2006-8-20 17:26

引用:

原帖由 goldenbaby 於 2006-8-20 08:45 AM 發表

e家仲有

揾日去懷吓舊先。我都三十年無去過囉。

作者: goldenbaby 時間: 2006-8-20 17:35

提示: 作者被禁止或刪除內容自動屏蔽

作者: goldenbaby 時間: 2006-8-20 17:44

提示: 作者被禁止或刪除內容自動屏蔽

作者: johncage 時間: 2006-8-20 18:00

我果頭仲有間快餐店，
d味廿幾年如一日，食到大！
漢堡包最

作者: goldenbaby 時間: 2006-8-20 18:09

提示: 作者被禁止或刪除內容自動屏蔽

作者: billchan 時間: 2006-8-20 19:25

我都係一個典型為食鬼，對許多自己曾食過的對口味食物，

不分平貴、不論難易食到、抑或是很久前還是最近食過的，都念念不忘，經常想一食再食，

我有時不辭勞苦，付出時間，金錢，都是為重覆地滿足口腹之慾，及滿足對食物的好奇心 !

既然有巴打提出此話題，我又講下我非常懷念的街頭風味小食之一 : 牛雜 !!!

舊時大排檔或街邊檔牛雜，正 ! 正 ! 正 !

正在是新鮮料，是屠房活殺牛雜，不是現在的急凍大路紙皮箱貨，漂洗雪白，整整齊齊，無厘性格 !

正在原味，有新鮮肉香，是天然味道，非現在的無味雪貨靠加鹹加味加色搭夠 !

正在品類部屬繁多，但清楚分明，口感、味道，各異其趣，各有其特別處 ! 你不用每種每部份都喜歡，但其中總有你特別鍾愛的 !

你諗諗 : 膀、肚 ( 其實是胃，牛有四胃，除慣見平滑肌肚及金錢肚外，應還有風味不同的牛沙膽等等.....嘻嘻....我食過...)、肺、氣管、脆軟喉、爽骨、大小粉質不同的各種腸等等等、、、、林林總總，點可能一次食得晒 !

想得到牛雜的點滴知識，你要面對一盆熱呼呼，微微翻滾著的原汁牛雜，同時，耳中要聽著手持剪刀，靈巧地左揭右摷，大裁小剪，忙碌中又肯給好奇為食的你，解答牛雜品類初階幼稚問題的牛雜大師 !

但，在現今，在現實上，這些都沒有了.......

難忘的持剪大師，難忘的味道、口感，難忘的牛雜，俱往矣 !

有誰可教教我這為食鬼，在那裏可找到那舊日的牛雜呢 ?

[ 本帖最後由 billchan1969 於 2006-8-20 11:35 PM 編輯 ]

作者: 柔道姐姐 時間: 2006-8-22 20:47

樂富
一個停車場附近一個好細的店自製ｃｈｅｅｓｅ漢堡正！正！

作者: johncage 時間: 2006-8-22 22:58

臭豆腐我諗係香港已經失傳左！
炸大腸都仲有，炸起黎果種味都幾壓！

作者: fachai 時間: 2006-8-22 23:20

引用:

原帖由 johncage 於 2006-8-22 22:58 發表
臭豆腐我諗係香港已經失傳左！

金魚街有檔, 陣味都幾壓!

作者: johncage 時間: 2006-8-22 23:51

臭豆腐係香既！
炸大腸先係壓！

作者: billchan 時間: 2006-8-23 00:25

引用:

原帖由 柔道姐姐 於 2006-8-22 08:47 PM 發表
樂富
一個停車場附近一個好細的店自製ｃｈｅｅｓｅ漢堡正！正！

姐姐版主，可否示下細店資料，我間中會有機會去果頭，去開時想試下 ! 謝謝 !

作者: fireball2368 時間: 2006-8-23 11:45

在半年前在電氣道試過一間手打烏冬麵館，烏冬麵新鮮彈牙，湯底很清。如喜歡吃清淡湯底的烏冬，值得一試。

作者: goldenbaby 時間: 2006-8-23 11:57

提示: 作者被禁止或刪除內容自動屏蔽

作者: Super-K 時間: 2006-8-24 11:40

引用:

原帖由求其於 2006-8-20 11:53 發表
假如你是35歲以上, 又曾經在中環一帶上學/上班, 你應該知道中國天祥百貨後街有一間老牌餐廳(x樂園, 個名真係都唔記得了, 因為間野好似收左皮成十幾年了)

呢間餐廳無乜特別, 但佢地個窩蛋牛肉飯 (免治)就好過癮 ...

舊時中環天祥每日午飯同放工時候有個亞伯, 只賣腸粉 . 佢 D 腸粉一流.

豉油 ,豬油 + 甜醬...............

作者: oldgun 時間: 2006-8-24 12:19

提示: 作者被禁止或刪除內容自動屏蔽

作者: chanpowing 時間: 2006-8-25 14:48

炸金錢圈 (將蘿蔔絲，粉醬放在一個圓型金屬圈內炸)

作者: Big Rock 時間: 2006-8-25 16:08

提示: 作者被禁止或刪除內容自動屏蔽

作者: billchan 時間: 2006-8-25 16:29

引用:

原帖由 Big Rock 於 2006-8-25 04:08 PM 發表
土瓜灣銀漢街與浙江街之間一條相通嘅橫街有一鋪仔，多年來賣嘅砵仔糕堪稱冠絕港九！絕的是：只供應黃色有紅豆，下午二時後通常賣晒，價錢最貴(好似成$3個)。
不過冇計，只要咬一啖就返唔到轉頭 ...

呢樣會找機會去試！

[ 本帖最後由 billchan1969 於 2006-8-25 04:30 PM 編輯 ]

作者: 求其 時間: 2006-8-26 21:48

引用:

原帖由 oldgun 於 2006-8-24 04:19 AM 發表

我估你係講緊「永樂園」！他除了熱狗外，免治牛肉飯都係好正！

我都唔記得佢個名了, 假如你從電車路入去, 係右手邊, 是地庫的, 那一間是<永樂園>嗎?

作者: johncage 時間: 2006-8-26 23:03

波士頓實有啦，以前個扒度會加隻荷包蛋上面！

作者: 求其 時間: 2006-8-26 23:19

引用:

原帖由 johncage 於 2006-8-26 03:03 PM 發表
波士頓實有啦，以前個扒度會戊J上面！

以前死鬼老豆帶我去boston食扒 (你係咪指灣仔修頓球場果間呀?), 最深印象係, 有一杯香檳送(果個餐幾貴的)

作者: johncage 時間: 2006-8-26 23:24

yes!
依家都仲係度，
但人面全非！
香檳?冇喎！細路仔飲咩酒呀！
咪咖啡或茶！
佢d面包都幾正！
以前冇用鍚紙包牛油，
佢就用把刀刮一個圈牛油俾你，
仲好feel!

作者: 求其 時間: 2006-8-27 01:55

引用:

原帖由 johncage 於 2006-8-26 03:24 PM 發表
yes!
依家都仲係度，
但人面全非！
香檳?冇喎！細路仔飲咩酒呀！
咪咖啡或茶！
佢d面包都幾正！
以前冇用鍚紙包牛油，
佢就用把刀刮一個圈牛油俾你，
仲好feel!

肯定有, 果個餐好似係"龍蝦牛柳大餐", 好鬼貴, 仲有杯好細杯既"濕鳩"香檳隨餐附送的, 我果時都成十幾歲了, 但距今也十九幾年囉...

作者: johncage 時間: 2006-8-27 10:11

你富貴就食龍蝦牛柳大餐，
我有個什扒食已經好開心！

作者: 求其 時間: 2006-8-27 11:39

引用:

原帖由 johncage 於 2006-8-27 02:11 AM 發表
你富貴就食龍蝦牛柳大餐，
我有個什扒食已經好開心！

食過一次咁大把o者! 唔駛好富貴係嘛?!

講到食扒, 你有無食過深水埗果間"金鳳"(我呢個"大陸仔"有無記錯同字呢?!

)

作者: johncage 時間: 2006-8-27 11:46

冇啦！
依家有心理恐懼，唔食扒啦！

但羊扒鍾意食，貪佢細細件，又香，
但好多人都怕佢有"SO"味！
自己會買黎煎！

[ 本帖最後由 johncage 於 2006-8-27 11:50 AM 編輯 ]

作者: 求其 時間: 2006-8-27 13:14

引用:

原帖由 johncage 於 2006-8-27 03:46 AM 發表
冇啦！
依家有心理恐懼，唔食扒啦！
但羊扒鍾意食，貪佢細細件，又香，
但好多人都怕佢有"SO"味！
自己會買黎煎！

新鮮的是不會騒的! "騒"可以加 mint sauce丫嘛

作者: johncage 時間: 2006-8-27 22:43

引用:

原帖由求其於 2006-8-27 01:14 PM 發表

新鮮的是不會騒的! "騒"可以加 mint sauce丫嘛

我都唔怕"騒"，
"騒"梗加有女人味！

作者: ycop 時間: 2006-8-28 12:48

提示: 作者被禁止或刪除內容自動屏蔽

作者: chanpowing 時間: 2006-8-28 16:35

皇上皇燒鷄

觀塘黃三記粥、油器

作者: billchan 時間: 2006-8-28 18:01

引用:

原帖由 chanpowing 於 2006-8-28 04:35 PM 發表

皇上皇燒鷄

皇上皇燒鷄，

當年在旺角彌敦道舖前有部上下旋轉烤爐，成日係度不停咁轉，

傳出陣陣烤鷄香味，引死我地當時 D 豆釘細路，

其實唔止佢，近旺角道的愛皮西 ( ABC )飯店都一樣，在舖前機器烤鷄，香到死！

好似賣 $ 5~6 元一隻，我做細路仔買唔起，衹係經過時流口水，恨吓！

若干年後，儲埋 D 利是錢，大手筆地豪買左一隻，帶入戲院內，

一邊看戲，一邊大口大口地又撕又咬地吃，同時滿足了兩個願望，

那一次，滿足極了!!!

皇上皇當時仲有飛機餐、火焰雪糕等，都恨到我口水流哂！

作者: redhorse 時間: 2006-8-28 19:40

二三十前灣仔舊鋪美利堅餐廳ga燒春雞好聞名,細細隻燒得好甘香,要訂檯輪候.

作者: redhorse 時間: 2006-8-28 19:47 標題: 回復 #39 billchan1969 的帖子

以前中環德輔道中都有一間皇上皇,係舊中央街市對面,當時價錢算幾貴.

作者: billchan 時間: 2006-8-28 21:22

引用:

原帖由 redhorse 於 2006-8-28 07:40 PM 發表
二三十前灣仔舊鋪美利堅餐廳ga燒春雞好聞名,細細隻燒得好甘香,要訂檯輪候.

我最早食果時好似唔洗十蚊一隻 ? 不肯定 ! 剩係記得人人都叫雞，枱枱都叫雞 !

仲記得成日會有碟芹菜花生一齊食，唔知算係前菜或什麽 !

而家好似都仲有灣仔美利堅，不過食到口刁左，無去好多好多年了 !

作者: ycop 時間: 2006-8-29 11:00

提示: 作者被禁止或刪除內容自動屏蔽

作者: billchan 時間: 2006-8-29 14:06

引用:

原帖由 ycop 於 2006-8-29 11:00 AM 發表

皇上皇燒鷄...有冇食佢門口賣既軟雪糕?

愛皮西 ( ABC )飯店... 我最喜歡佢三樣嘢,

1. 港式正宗蘿宋湯;
2. 薯仔沙律;
3. 咸豬仔飽.

同一代既餐廳, 重有...

1. 老尖既 "紅雞"
2. ...

果時有那個細佬不被皇上皇門口部軟雪糕機吸引丫！

太子道都有「雄雞」和「車厘歌夫」，我還記得當年有個有錢姨姨帶我去太子道「車厘歌夫」，問我食乜？

我當時衹是個細佬哥，點識有乜野食，衹記得餐廳有火腿通粉叫，便答要火腿通粉，嘩！結果........印象深刻，景像至今難忘！

一個穿白恤衫戴煲呔黑燕尾禮服白手套侍應慢慢推出餐車，車上銀盤上放置另一銀盆，盆上罩着發着閃燦銀光明亮如鏡的圓形銀罩，

禮服人恭步上前，穿白手套的手輕持銀罩上端黃金把手，輕輕地把銀罩揭離，

小標看得眼睛發亮，伸頸欲看盆中何物？

說時遲那時快，白手套改持一中型銀夾，謹重地把盆中物夾到旁邊一亮白瓷碟上，端到小標面前.......

我的媽呀！小阿標面前碟內的，衹是茶餐廳大排檔賣一個幾毫的火腿通粉！

咁大陣仗，係咪好味過平時好多呀？

阿標而家已無記憶了，祇是那個排場陣象，那間「車厘哥夫」，以及太子道上天主教堂、明愛中心，

民房樓梯間的英文雜誌檔、街口的「山打皮鞋」、「西伯利亞皮草店」，以及跨過彌敦道的

「梅江飯店」及「源源牛奶公司」等，都令阿標終生難忘！

作者: ycop 時間: 2006-8-29 16:35

提示: 作者被禁止或刪除內容自動屏蔽

作者: nightkidhk 時間: 2006-8-29 16:54

新浦崗得龍
因有老鼠週圍走

作者: billchan 時間: 2006-8-29 18:37

引用:

原帖由 ycop 於 2006-8-29 04:35 PM 發表

阿標兄... 那麼你有冇去大子道 "紅雞" 旁邊間 "九龍牛奶(即係現在既"維記鮮奶"), 佢地既紅豆冰, 係非常出位, 味道同口感...仍然留在我腦海之中.

雖然, Ruby 都係在同一條街, 亦屬 ...

嘻嘻.......睇黎我地既童年活動軌跡和回憶，都有相當重疊處.......

「九龍牛奶」的紅豆冰仍有印象，但飲鮮奶則到源源牛奶公司多，紅寶石當年對我沒吸引力，祇知之後變為老野跳老舞的地方！

此外，果區附近還有「紅棉餐廳」、「銀宮餐廳」（是細路阿標吃第一個聖𧩙大餐的地方，十元八塊左右，十幾個 courses，走時還送我一支塑膠太空火箭，前截透明，中間可旋開，裏面是各種糖！

）、「張深記茶樓」、「金門麵飽」、「黃碧山涼茶」、齋舖、、、等等。

.......
正是：往事衹能回味，舊愛常存心中！

Jimmy's Kitchen 我三兩年前也探過，真個是，老牌名店如美人，不許人間見白頭！探左一次也算了！

看另題知 ycop 兄也喜歡食日本揀手嘢，小弟近日有去天后「順」，不吃地方，吃食物，任基哥俾，祇花費稍越你的最低消費，吃勻好野，樣樣都不俗

，也是一個相當可以的選擇！

你去開萬麗，咁有無去 Scala 呀？ Ricky 走後我還去了一次，之後也算了！

[ 本帖最後由 billchan1969 於 2006-8-29 06:46 PM 編輯 ]

作者: ycop 時間: 2006-8-30 12:42

提示: 作者被禁止或刪除內容自動屏蔽

作者: billchan 時間: 2006-8-30 15:36 標題: 回復 #48 ycop 的帖子

唔知點解，當時我家大人無帶我去過「旋轉餐廳」，所以錯過了佢杯朱古力同埋栗子蛋糕！

旺角「美而廉」我也是有幾年成日同埋同學去，中午吃佢地 D 午市套餐算係貴野！所以去得不密！
有時同而家40~45歲上下的香港中西或 fusion菜厨師傾開，似乎人人都跟美而廉有一段關係！

天后「順」最好訂位，電話 22346691

九龍城海裕我無去過，而家知道了，若有機會去，找阿超！

ycop 兄咁多料，有機會我地又再交流吓！

作者: ycop 時間: 2006-8-30 16:34

提示: 作者被禁止或刪除內容自動屏蔽

作者: billchan 時間: 2006-8-30 18:48

引用:

原帖由 ycop 於 2006-8-30 04:34 PM 發表

... 我只不過早退休...無乜嘢做... 閒來咪早d 揾定夜晚去邊到食丫...揾邊個做陪飯丫... 咁囉.

...

真羨慕！

作者: billchan 時間: 2006-8-30 21:36

引用:

原帖由 ycop 於 2006-8-30 04:34 PM 發表

... 「順」- 一定去試.

...

.....月初在「順」基哥介紹試了 Kime Tai 金目𩶘，質感與魚味很不錯，好吃 ! 吃肥的部份，竟不似𩶘 !

阿基說不是全年都有的，他太太最鍾意此魚 ! 跟着月中在銅鑼灣天扶良 Ten Yoshi 吃天婦羅時又見有，又叫了吃。

所以我知這段時間應該仍有供應，你去試時，也不妨試下 Kime Tai 金目𩶘 ! sishimi ! 正 !

作者: ycop 時間: 2006-8-31 13:09

提示: 作者被禁止或刪除內容自動屏蔽

作者: ycop 時間: 2006-8-31 13:18

提示: 作者被禁止或刪除內容自動屏蔽

作者: billchan 時間: 2006-8-31 14:00

引用:

原帖由 ycop 於 2006-8-31 01:18 PM 發表

哈哈! 駛乜鬼羨慕丫... 我相信你一定可以有機會活到老, 而且享受退休生活, 享受人生. 千其唔好學 d 壞鬼後生...笑 d "SENIOR CITIZEN".

唉... d 壞鬼後生可唔可以享受退休生活, 享受人生... 我就唔知, 不過我就...哈!哈! 享受緊囉.

我從來不會因對方是 "Senior Citizen" 而笑佢！因為人不是用年紀這個準則，來界定賢愚好壞！這是極清楚的！

我如果明笑或暗笑某人，就一定是他/她有可笑之道！絕不是因為他/她的年紀 !

我自己都會有一天做 Senior Citizen，都會要為退休後生活方式考慮，如果到時能做到你咁，

可以大聲說：.........不過我就...哈!哈! 享受緊囉.......！！！就不枉此生喇！

所以我說：真羨慕！！！

作者: ycop 時間: 2006-8-31 15:01

提示: 作者被禁止或刪除內容自動屏蔽

作者: billchan 時間: 2006-8-31 15:47

引用:

原帖由 ycop 於 2006-8-31 03:01 PM 發表
過獎! 過獎!

咁...你有冇去...

1. Shatin Height
2. Shatin Inn
3. Carlton (華爾登)
4. 容龍別墅

伊家四間只剩下 Shatin Height , d 野仲唔點, 想去囉返 d 回憶都唔得.

嘻嘻！還好細個時家中 D 大人好動，又有車用，所以都去過，家人仲有 D 黑白照片係度添！

重記得 Shatin Inn 附近小店有沙爹及貴刁食，而家小店應猶在，不過我多年無幫襯了！

新界還有沙田小欖公、烏溪沙、雍雅山房、大埔、新娘潭、泰園、泰如、流浮山、龍珠半島、青龍頭、汀九等等，是當時新界一日遊的熱門停站！

.........沙田的各式炸物炸豆腐木瓜、雍雅山房或容龍或華爾登的下午茶、泰園泰如的午膳、
流浮山的海鮮晚餐等等，也許都是引致並構成阿標今日咁為食的性格原因！

[ 本帖最後由 billchan 於 2006-8-31 05:37 PM 編輯 ]

作者: ycop 時間: 2006-8-31 17:28

提示: 作者被禁止或刪除內容自動屏蔽

作者: billchan 時間: 2006-8-31 17:57

引用:

原帖由 ycop 於 2006-8-31 05:28 PM 發表

嘩... 係o窩, 重有間 "泰園"
我記得第一次座水上單車咪就喺 "泰園漁村" 囉.
你講個間小店咪應該係 "Shatin Height" 囉.
呀...你講少個 "麗都灣"

嘻嘻.....愈講諗起愈多......

仲有沙田楓林、龍華乳鴿、萬佛寺，稍後楓林遷至大圍，又多左瑞華，雅苑等....另外青山個邊十一咪半、生力啤酒廠、青龍頭租艇出汲水門釣魚等....都是遊新界節目！

果時，每周食野，踏單車，放紙鳶等等.......活動多多，諗番轉頭，過的真是嘆緊世界的日子！
不過當時自己是細路，邊識諗吖！

而家反而日日在石屎森林中，在森林定律的陰影下討一口半口飯吃，真是.......

作者: patrickppt007 時間: 2006-8-31 19:09

引用:

原帖由求其於 2006-8-20 10:23 AM 發表
假如你是35歲以上, 又曾經在中環一帶上學/上班, 你應該知道中國天祥百貨後街有一間老牌餐廳(x樂園, 個名真係都唔記得了, 因為間野好似收左皮成十幾年了)

呢間餐廳無乜特別, 但佢地個窩蛋牛肉飯 (免治)就好過癮 ...

間野叫永樂園~~~~食熱狗好出名ga ma~~~~

作者: ycop 時間: 2006-9-1 11:08

提示: 作者被禁止或刪除內容自動屏蔽

作者: billchan 時間: 2006-9-1 18:18

引用:

原帖由 ycop 於 2006-9-1 11:08 AM 發表

標兄...
你的記憶力真好...

什麼 ...沙田楓林、龍華乳鴿、萬佛寺，瑞華，雅苑...十一咪半、生力啤酒廠、青龍頭租艇出吸水門釣魚... 等...我都有回憶.

可是...雅苑在你未講出之前, 我已遺忘了. 但你講 ...

嘻嘻.......許多朋友都有話過我記埋啲唔等使嘅嘢！

我都唔知點解，講開食野玩野、睇戲電視、古靈精怪民情風俗，奇技淫巧文獻野史，

中外古今琴棋書畫、尋幽探勝外訪冶遊、波狗馬雀卄一家樂........

總之唔係正經寫字樓嘢，阿標都鍾意探個頭埋去，窺窺門檻，參予求樂，眾樂樂固佳，獨樂樂亦可！

呢啲興趣野，自少已留心在意，記憶中的資料，唔覺唔覺可上溯至阿標的細路期！連幾歲大時

在家中探看大人睇剩的「成報」、「晶報」、「紅綠日報」、「明、銀燈」等的內容和插圖，

於今猶歷歷在目，所以講開食野地方，一下子腦海庫藏洶湧浮出，五滋六味齊上心頭，

如證嚴法師話齋：「悲喜交集」，不吐不快！

嘻嘻……講番野味酒家雅苑，你還記得當年的八掛新聞否？

曾有泊車爭執新聞事件，在雅苑停車場發生，涉及韋姓、楊姓商人及當時冠軍騎師告東尼。

結果楊姓商人罪名成立，之後幾番起落，而家遠超過十八年後，早又是一名好漢了！

當年市區的食肆，名店數量遠比現在少，能立足者，亦多能經營多年不墮，

一講起人人都認同，請問 ycop 兄當年多數在那區揾食和活動呢？

作者: 求其 時間: 2006-9-1 20:09

引用:

原帖由 billchan 於 2006-9-1 10:18 AM 發表

嘻嘻.......許多朋友都有話過我記埋啲唔等使嘅嘢！

我都唔知點解，講開食野玩野、睇戲電視、古靈精怪民情風俗，奇技淫巧文獻野史，

中外古今琴棋書畫、尋幽探勝外訪冶遊、波狗馬雀卄一家樂 ...

佩服! 佩服!

作者: billchan 時間: 2006-9-1 21:18 標題: 回復 #63 求其的帖子

求其兄你睇清楚，阿標祇是探個頭埋去，窺窺門檻，參予求樂，

涉獵咁多野，其實都衹是求在現實生活以外的空間裡, 輕輕鬆鬆, 求求其其咁過, 以解來自日常生活的壓力 !

上世紀在香港長大的小孩，祇要不活在温室內，有機會在社會大學打滾，培養到街頭智慧的，

誰不如此任性率性，對每樣感興趣的東西，都會探個頭埋去，窺窺門檻，參予求樂呢 ?

[ 本帖最後由 billchan 於 2006-9-2 12:33 AM 編輯 ]

作者: chuchu1970 時間: 2006-9-1 22:44

good

作者: ycop 時間: 2006-9-2 12:15

提示: 作者被禁止或刪除內容自動屏蔽

作者: hamsupzai 時間: 2006-9-3 01:04

my unforegtables (must be dating back 30+years ago):

ABC (爱皮西in chinese?)的通心粉
金门面包的鸡尾包,波罗包
车里哥夫的全餐
旺角龙风茶楼的叉烧
旺角婛华酒楼的牛肉球
牛奶公司的汉堡包

作者: billchan 時間: 2006-9-3 03:50 標題: 回覆 #66 ycop 及 #67 hamsupzai 的帖子

ycop 兄，各位巴打 ! 阿標前晚一時興起，口沒摭欄，大放厥辭，大大失言，再睇番自已都瞼紅，謹向曾被污耳目的朋友致歉 !

其實睇下 D 資料，ycop兄跟小弟差不多是在同一天空下長大，不過，嘻嘻，上文中倒看到有小小分別，

小標大概十一歲買第一注外圍馬，還清楚記得是 P 6X1 @$4.5 (因為有九折 !)，結果是....斷一關 !

跟著還有字花、狗等。

另外，阿標大學年代養不起車，祗能坐有錢同學的車。

講番其它所有阿標曾投入心力的雜項，阿標的參予是彼起此落模式為多，但亦有相伴至今，不離不棄者 !

ycop 兄，真高興能跟你筆談風月，意興逸飛 ! 我們時間有的是，既然此題本是 ( 你較難忘的食物或食肆 ) ，

我又先就 hamsupzai 兄述及的食物和食肆，就記憶補提一二，以資談興 !

ABC (愛皮西)，我記得油旺何文田區曾有兩間，除提及的旺角道店外，

窩打老道培正中學，與美蓮餐廳之間，早年曾有一間ABC麵包店 ! 後一度改為嘉華銀行，看來沒多少人記得了 !

金門麵包店全盛時港九差多每角落都有，每間招牌有埋 "第 XXX 店" ，嚇得下人 ! 店多設於兩街相交處，倚角而舖 !

我還記得初時雞尾包、餐包賣一毫半子兩個，波蘿包賣一毫子一個，之後金門還出(炸)咖喱牛肉包、墨西哥包.....等等，

跟之前出現的車輪包、椰絲奶油包、豬仔包等等，拿到今天的著重知識創作版權世界，倒不知版權誰屬 ?

旺角龍鳳茶楼和瓊華酒楼斜斜相對，各有擁躉，阿標家人是瓊崋派，有一段日子的星期天多到瓊華!

每年的中秋，一眾茶樓外掛大畫會各出奇謀，龍鳳和瓊華自是每年焦點之一，細路如小標年年在彌敦道上看得大樂，

更樂是瓊華賽馬日的特別出品，策其馬 - 馬仔，小標經常都有機會吃。

另外每年端午瓊華都掛出例牌宣傳句 : 邊個話我儍 ! 大大隻字掛向街上，以儍字形似稯字，好作宣傳也 !

其實，龍鳳和瓊華附近的百樂門、麗斯、稍遠的域多利、百老𣾀、新華、文華、麗聲、凱聲、東樂、大世界、好世界、

麗華、英京、明聲、北河、黃金、仙樂、新舞台，另一端的金聲、油麻地、普慶、大華、嘉禾、佐敦、彌敦、樂宮、

新聲 (景聲)、海運等諸戲院，比諸曾提及的食物食肆，對阿標的影響，猶遠猶深 !

聲光歲月，膠卷留情，是阿標生命的主樂章，不過，已不屬於今天這個欄目的範疇了.........

[ 本帖最後由 billchan 於 2006-9-3 05:32 AM 編輯 ]

作者: johncage 時間: 2006-9-3 10:05

旺角南風(舊鋪)
沙爹同貴刁！
同大大公司係couple黎！

作者: phi+仔 時間: 2006-9-3 11:21

銅鑼灣華麗園嘅豆腐花, 椰汁糕

作者: 求其 時間: 2006-9-3 18:37

引用:

原帖由 hamsupzai 於 2006-9-2 05:04 PM 發表
my unforegtables (must be dating back 30+years ago):

ABC (爱皮西in chinese?)的通心粉
金门面包的鸡尾包,波罗包
车里哥夫的全餐
旺角龙风茶楼的叉 ...

车里哥夫的cookies仲好味, 不過而家好似差了點!

作者: ycop 時間: 2006-9-4 15:34

提示: 作者被禁止或刪除內容自動屏蔽

作者: billchan 時間: 2006-9-4 18:31

引用:

原帖由 ycop 於 2006-9-4 03:34 PM 發表

ycop 兄，各位巴打 ! 阿標前晚一時興起，口沒摭欄，大放厥辭，大大失言，再睇番自已都瞼紅，謹向曾被污耳目的朋友致歉 !

標兄, 那有失言之事… 討論區的目的是給予人開懷談天說地。只要不是上崗上 ...

..嘻...嘻.... 謝謝 ycop 兄美言和支持，大家在這自由論壇聊天，真係愈講愈高興！

都講過阿標唔知點解腦中儲埋很多唔等使既嘢，有機會諗番下，各位朋友又補充下，

真是過癮得緊！

「此外，字花買吉品。」對呀！

31號吉品，哈哈！男根！！！

當時 D 家傭、住年妹等女人，如果夢見男人碌野，第二日就買 31 ！！！

小標見佢地買吉品就笑到佢地臉紅為止！

真好玩！

「當年我亦曾在培正溝女，每星期六，該心儀既少女一定是回校打乒乓球的，而我亦唔怕面皮厚，一於二仔底死跟，她的名字我仍記得姓“蘇”單一個字叫亞 “X”，家住勝利道。但我全無印象有間ABC (愛皮西)。佩服！佩服！」

當時間 ABC (愛皮西) 原址屬培正校舍部份，後來培正收回後，改租給有關連的嘉華銀行，

因為當時培正校長是林子豐，林氏家族林思齊(林子豐弟)等是嘉華銀行董事，當其時，

嘉華銀行大門向窩打老道，但另有一 counter 開向校內，每月代收培正的學費，嘩，你諗吓，

當時培正號稱三千名學生，作為私立學校，每月條學費數幾大！

「嘩…旺角還欠一間… 荷理活…　而…域多利是有打燈同講戲位。頭等好似七粒腎? 至於，環頭環尾既戲院，我亦留下不少腳毛。哈哈! 可能你不信... 不過那是事實. 因為, 當時的 ...以收特別效用.另... 好似環頭環尾既戲院欠了 "民樂"?」

我提及的戲院，祇是憑記憶怱怱寫就，你提起的荷里活和民樂，嘻嘻，真是漏了！

謝謝提番，荷里活我常有去睇戲，民樂就較少了！

其實說起來，佐敦油麻地一帶，阿標前文還是漏寫了平安 ! 平安戲院正是在曾發生梁小龍遇襲，黎愛蓮毀容的平安大廈現址，

我想我坐在爸爸腿上，看畢蘭加士打的 [紅海盜] 時，可能還是個未入學的幼兒，當銀幕中英雄

從升空熱氣球站籠內，隨手往地面拋擲液體炸藥小瓶，把壞人們炸過七彩痛快時，

小小標的高興與投入，差點使自己從爸爸身上掉下來，至今猶景象難忘 !

還有百老匯，坐在媽媽膝上看 [地心探險記] 、 [四谷怪談 (嘩!嚇得我丫!)] 等，舅父還帶我在這裏聽了一生人第一個樂器演奏會！

啊！怎能漏了樂宮，看完 [桂河橋] 時，出到街上，還拖着大人的手，賴在門前看在大廣告牌上幾層樓高的立體真竹搭建桂河橋，恨不得自己能爬上去跑跑！

在樂宮初窺異性之祕，已是很久之後看 [春光乍洩 Blow Up] 的事了，中間當然還有忘不了，但全不關自己事的 [披頭士演唱會] 舉行，不知怎的，當時一心想著，演唱會祇是女孩子們的事！

說起來，阿標對每一所戲院的記憶，總跟一些電影串聯起來！

嘻嘻......生物學家與哲學家眼中，一滴水是一個世界，小阿標眼中，一套電影是一個世界，

而戲院，就是阿標的宇宙！

「戲院襄理常常邀請看戲」，嘩！再次羨慕！

靜靜雞話你知，

阿標當年的志願是：長大後做戲院帶位！

對居所的夢想是：搭個閣仔住在戲院裏！

[ 本帖最後由 billchan 於 2006-9-5 11:37 AM 編輯 ]

作者: fanla22 時間: 2006-9-5 02:11

深水埗 -- 八仙 -- 雞仔餅
坤記 -- 白糖糕 ~~~ 一流 !!!

作者: billchan 時間: 2006-9-5 02:45

引用:

原帖由 fanla22 於 2006-9-5 02:11 AM 發表
深水埗 -- 八仙 -- 雞仔餅
坤記 -- 白糖糕 ~~~ 一流 !!!

請問坤記在那裏 ?

作者: fanla22 時間: 2006-9-5 03:41

引用:

原帖由 billchan 於 2006-9-5 02:45 發表

請問坤記在那裏 ?

深水埗MTR 郵局出口 , 一出右邊就係 ,

ps : 芝麻糕及紅豆糕都唔錯

作者: billchan 時間: 2006-9-5 09:21

引用:

原帖由 fanla22 於 2006-9-5 03:41 AM 發表

深水埗MTR 郵局出口 , 一出右邊就係 ,

ps : 芝麻糕及紅豆糕都唔錯

收到，謝謝！會揀日去試！

作者: ycop 時間: 2006-9-5 17:29

提示: 作者被禁止或刪除內容自動屏蔽

作者: billchan 時間: 2006-9-5 21:06

引用:

原帖由 ycop 於 2006-9-5 05:29 PM 發表

你比我幸福得多，當年戲院是我的一個陰影．．．青少年時代常常都會在戲院給學妹們無條件的探索.

而戲院，就是小底的煱心地！

乜野話，在戲院給學妹們無條件的探索 !!!

性騷擾事件造成童年陰影事件簿 ?

作者: fouriercosine 時間: 2006-9-6 03:08

永樂園仲o係度架 ~

作者: ycop 時間: 2006-9-6 11:03

提示: 作者被禁止或刪除內容自動屏蔽

作者: billchan 時間: 2006-9-6 12:03

引用:

原帖由 ycop 於 2006-9-6 11:03 AM 發表

係呀... 搞到我呢家一有機會就報服....

標兄...

你有冇去老尖 d 餐廳酒廊?

...因為...要報復....呢個理由幾有說服力喎！

老尖 D 餐廳有去，會所也有，有表演睇！酒廊較少，酒城時期我少出老尖，更早期有去下拉丁屋！

有上過一間叫「天天電影會」的，重記得睇過白小曼未做李翰祥電影女主角前的護士演出！

你去那些地方呀？

作者: ycop 時間: 2006-9-6 15:31

提示: 作者被禁止或刪除內容自動屏蔽

作者: billchan 時間: 2006-9-6 15:41

引用:

原帖由 ycop 於 2006-9-6 03:31 PM 發表

有一次...佩服!

拉丁屋非常熟悉的感覺...
中午有茶飲...
下午有茶舞...
但係... 想不出個地址同內裡裝修係點添...

尖沙咀彌敦道安樂大廈重慶大廈果邊，行落少少樓梯入，

當時算幾新，而家算好老土既裝修，

D' Top Notes 駐場唱過........

記番起未呀？

作者: ycop 時間: 2006-9-6 16:00

提示: 作者被禁止或刪除內容自動屏蔽

作者: billchan 時間: 2006-9-6 16:36

引用:

原帖由 ycop 於 2006-9-6 04:00 PM 發表

唔係入...

而係落地牢?

係咪...

黑咪文.... 有好多玻璃...

對嗎?

係呀！落幾級入地牢！

第一次去是被女仔約去！

作者: keepop 時間: 2006-9-6 17:35

引用:

原帖由 ycop 於 2006-8-31 07:01 AM 發表
過獎! 過獎!

咁...你有冇去...

1. Shatin Height
2. Shatin Inn
3. Carlton (華爾登)
4. 容龍別墅

伊家四間只剩下 Shatin Height , d 野仲唔點, 想去囉返 d 回憶都唔得.

容龍別墅應該仲有wor, 係返同一地方重建, 細左好多, 無哂啲園林靚境
幾年前去過, 都係食返差吾多既海鲜呀咁, 無乜特別.

作者: ycop 時間: 2006-9-7 10:49

提示: 作者被禁止或刪除內容自動屏蔽

作者: peninsula 時間: 2006-9-7 11:30

引用:

原帖由 ycop 於 2006-9-6 06:49 PM 發表

多謝你既提示....

那麼要醞日入去尋找舊日的足跡.

多謝兄台.

One place I am always impressed is the Japanese restaurant at Grand Hyatt HK called Kaetsu. Excellent and fresh seafood, cozy and good service. Price is not high so such quality, esp. their weekend "brunch".

作者: ycop 時間: 2006-9-7 11:40

提示: 作者被禁止或刪除內容自動屏蔽

作者: ycop 時間: 2006-9-7 11:46

提示: 作者被禁止或刪除內容自動屏蔽

作者: peninsula 時間: 2006-9-7 11:58

引用:

原帖由 ycop 於 2006-9-6 07:46 PM 發表

半島兄...

唔好玩啦...
呢間野...... 冇耐性 ...
d 陪飯話, 訂極都訂唔到位...
最快都要兩三星期後先得...
所以冇性趣....

半島兄...嚮你個名得唔得先?

Don't play me la!

Yes, hard to book on weekends but if you go on weekdays, easier to book. I am a small player at Grand Hyatt. However, Conrad's Golden Leaf (my favorite Chinese restaurant) knows me quite well!

作者: ycop 時間: 2006-9-7 12:41

提示: 作者被禁止或刪除內容自動屏蔽

作者: peninsula 時間: 2006-9-7 13:03

引用:

原帖由 ycop 於 2006-9-6 08:41 PM 發表

哈哈... 我都成日去夏宮飲茶.

Compared with Summer Palace and Marriott's Mah Ho (for lunch), Golden Leaf stands out the best by far!

作者: boner 時間: 2006-9-7 22:23

引用:

原帖由求其於 2006-8-26 01:48 PM 發表

我都唔記得佢個名了, 假如你從電車路入去, 係右手邊, 是地庫的, 那一間是<永樂園>嗎?

其兄:

係永樂園. 不過對面個阿伯既好味腸粉就吾見好耐咯!!

作者: peninsula 時間: 2006-9-8 09:07

引用:

原帖由 ycop 於 2006-9-6 08:41 PM 發表
*** 作者被禁止或刪除內容自動屏蔽 ***

Why your message was deleted?

作者: johncage 時間: 2006-9-8 09:33

引用:

原帖由 peninsula 於 2006-9-8 09:07 AM 發表

Why your message was deleted?

問候人母親！

作者: peninsula 時間: 2006-9-8 10:45

引用:

原帖由 johncage 於 2006-9-7 05:33 PM 發表

問候人母親！

No, it was very polite as I noted clearly.

作者: k+west+man 時間: 2006-9-8 14:03

引用:

原帖由 peninsula 於 2006-9-8 02:45 AM 發表

No, it was very polite as I noted clearly.

因為你地有D 版主，講唔過人，作出挑釁，煽動及人身攻擊言論而引發罵戰。

但唔知點解又唔 banned 有關一干人等。

非常不合理！　:

作者: peninsula 時間: 2006-9-8 14:54

引用:

原帖由 k+west+man 於 2006-9-7 10:03 PM 發表

因為你地有D 版主，講唔過人，作出挑釁，煽動及人身攻擊言論而引發罵戰。

但唔知點解又唔 banned 有關一干人等。

非常不合理！　:

Can you be more specific and list some examples?

歡迎光臨香港 Xocat Forum 討論區 (http://p.xocat.com/p/)