香港 Xocat Forum 討論區 - Powered by Discuz! Board

標題: 香港電影業興衰 [打印本頁]

作者: dynmv 時間: 2008-10-25 20:56 標題: 香港電影業興衰

曾幾何時香港電影業一枝獨秀,現時一落千丈
都係比翻版害死.

而相反80年代台灣電影業開始走下坡,
究其原因係太多視聽中心"MTV"搶去生意,
(當時未流行翻版影帶).
我記得曾經香港都有一間MTV中心,開業時轟動全個電影界,
但最後都支持唔住接埋,(我想這就是日後發展卡拉ok的前身).
嗰時放工帶埋女朋友去玩,談下心都唔知幾開心.

你哋有無幫赶過?

[attach]835887[/attach]

作者: enkwce 時間: 2008-10-25 21:03

翻版只是其中一個原因，影片質素，家庭影院的興起，其他的娛樂增多，最明顯是電腦和 video game 都進一步打擊電影市場

作者: choihung 時間: 2008-10-25 23:06

引用:

原帖由 enkwce 於 2008-10-25 09:03 PM 發表
翻版只是其中一個原因，影片質素，家庭影院的興起，其他的娛樂增多，最明顯是電腦和 video game 都進一步打擊電影市場

我覺得戲票太貴也是原因之一。

作者: Anti-air-gunner 時間: 2008-10-26 00:00

提示: 作者被禁止或刪除內容自動屏蔽

作者: 老搜 時間: 2008-10-27 00:34

引用:

原帖由 dynmv 於 2008-10-25 20:56 發表
曾幾何時香港電影業一枝獨秀,現時一落千丈
都係比翻版害死.
而相反80年代台灣電影業開始走下坡,
究其原因係太多視聽中心"MTV"搶去生意,
(當時未流行翻版影帶).
我記得曾經香港都有一間MTV中心,開業時轟動全 ...

香港電影業走下坡之原因, 巳由師兄師姐說出因由, 其中Anti-air-qunner 更一針見血地分析, 很有見地.
dynmv 兄所講述嘅MTV, 推算應是八八年代台灣影視業嘅景况.
MTV仍電影電視或音樂電視之簡稱. 當年MTV之掘起, 在台北, 其以每星期超過100間店鋪成立之驚人速度無牌營業, 簡直巳到失控地步. 其中以 "錢櫃", "癲馬" 等為表表者. MTV 对台灣電影業之殺傷力主要𣎴是因其影响片源或版權事宜, 要作探討, 首先要知道 MTV 之運作: 如經營一間MTV場所, 通常會設有卄餘間以上之房間, 内裡設備與現時之卡拉OK房間相若, 而音响一流, 清雅, 𣎴過面積較少, 約為8平方米, 24小時營業, 顧客以戲票之價錢可入場, 並可點看心儀之一套電影,當時以錄影帶及LD為主, 並有飲品及小食奉送, 光顧者多為青年人及情侶, 他們覺得那裡總好過在公園角落或戲院場内談心, 故欣然光顧 MTV 了.
跟據當年台北官方調查結果, 因MTV的開業, 致令電影院當年之營業額謹得往年之三十個巴仙, 因此, 令台灣之電影業亮起了紅灯.
同期, 香港之電影業仍方興未艾, 如日方中, 但亦有覺 MTV 其震撼力, 更有恐MTV蔓延至香港, 故一直來, 香電電影商會, 邵氏, 嘉禾, 新藝城等負責人, 联同八大發行商密密商討聯營策畧以抗距 MTV 之襲港.
可是, 同年八八年九月, 在尖沙咀樂道馬會舊址突然空降了首間 MTV, 名為 "好時MTV" , 它的出現 ..........

作者: bobbystar2100 時間: 2008-10-27 01:12

一個地方既電影行業要發展，完善的行業制度至為重要，但香港的制度是跟三、四十年前的沒多大分別。當電影巿道好果陣業界都顧著賺錢、根本就無當「電影工業」係一種「行業」…最光輝的時候大部份業界都無未雨籌繆地培訓下一代，而片商只從投機角度出發，某些巿場認為好的題材一路拍、拍…到死為止就算，將電影當成「搵快錢」一樣，八十年代末、九十年代初呢種心態至為嚴重。

等同將之當為股巿般賺夠錢就離場走人一樣，結果會變成怎樣呢？

有才華既人都會有江郎才盡既一日，應該咁樣形容，當年適合巿場需要的人才雄霸著電影界為中流抵柱，造成另類電影、小眾、藝術電影無生存空間，久而久之，可以拍既題材慢慢地減少，只好間唔中食老本，但呢班「食老本」既業者卻因無後繼人才可用，造成要麼靠「廖化作先鋒」拍爛片、要麼就要「老弱殘兵繼續戰鬥」，造成「老嫗被逼獻醜、或晚年失貞」之態，作品疲態盡露，加上香港人「要抵食夾大件」既心態，觀眾買飛入場之後覺得上當，自然會慢慢吐棄本地電影，即使想捧場，亦會因對本地電影戒心太大而會等dvd出先買。最後，電影巿場漸被外語片淪陷，這就是業界們要好好反省既問題。

有時候我聽到某些電影界人士埋怨「無題材可拍」，著實講這句話的人等如自打嘴巴，即是暴露自己「無料」而已。

作者: Anti-air-gunner 時間: 2008-10-27 02:54

提示: 作者被禁止或刪除內容自動屏蔽

作者: bobbystar2100 時間: 2008-10-27 12:06

大家都係對電影有興趣既同志和！唔使「兄」前「兄」後啦朋友！

我反而有種睇法，未知你會否認同。
我之前曾經講過，電影業最光輝果陣「巿場片」基本係雄霸整個業界（王家衛算係有巿場原素），其他拍小眾、藝術電影業者基本係靠政府去一路扶持佢地，好啦，演藝學院、或者大學開辦電影學系陣，呢班拍小眾、藝術電影既業者大多都兼任為導師去培訓新一代，未知你有否察覺得到？所謂現今教授電影系既導師，有幾多個係「巿場片」果班人做？

之前已經講過，「巿場片」果班人只會顧搵錢，當政府要搞培訓業界果陣，只好搵果班小眾、藝術電影業者去擔重任。
我這樣講並非想批評呢班電影業者係「無料」，君不見美、歐的電影學院也會有問題？但是，香港電影的培訓如果並無身在其中的人去參與培訓的話，出來的人才或者作品又能否適應電影界、觀眾的需要？
即使有片商有心扶持下一代（例如驕陽電影果類），但以往曾經「賴野」既例子太多了，對於香港呢種功利至上既社會，根本無時間比呢班新人才去重新掌握巿場同觀眾，久而久之，造成今日青黃不接的危機。未知朋友你是否認同？

作者: dynmv 時間: 2008-10-27 20:38

[quote]原帖由老搜於 2008-10-27 00:34 發表

香港電影業走下坡之原因, 巳由師兄師姐說出因由, 其中Anti-air-qunner 更一針見血地分析, 很有見地.
...大發行商密密商討聯營策畧以抗距 MTV 之襲港.
可是, 同年八八年九月, 在尖沙咀樂道馬會舊址突然空降了首間 MTV,...[/quote]

係啦就係呢間啦,

祗要交幾百蚊入會費,一套戲幾十蚊又有嘢食有嘢飲,
同女朋友消磨個零鍾都幾爽.

印象中音響超正.

可惜間MTV只有幾個月命,

如果唔係對電影業打擊都幾大.

bobbystar2100,Anti-air-gunner嘅分析好有見地,
但江郎才盡我就唔同意,如果能夠有好題材,
小成本一樣可以拍到好電影,
君不見現在台灣的"海角七號"又可賣個滿堂紅.
其實看電影就係追夢,現實中唔能夠達到的,
電影可以幫你做到"天馬行空",一時你會變作英雄;
大俠;有錢佬;大情人...

[ 本帖最後由 dynmv 於 2008-10-27 21:21 編輯 ]

作者: bobbystar2100 時間: 2008-10-27 21:19

引用:

原帖由 dynmv 於 2008-10-27 20:38 發表

...大發行 ...

多得各位前輩比面啦，88年果陣我只係個豆釘，錄影帶都唔識乜野黎，真係唔講唔知原來香港有過呢種鋪頭。

唔好怪我心邪，如果入面有「甜帶」睇都唔錯和，果個年代應該仲時興「丹麥名片」同「艾曼妞」果類…
引述我其中一個舅父回憶當年想睇「甜片」果種複雜既情緒：「屋企睇又怕有人撞正，去戲院睇又無膽入」，

如果好似呢類既影帶戲院可以係咁私人既話，我唸一定可以解決得到好多當年少男既好奇心。

[ 本帖最後由 bobbystar2100 於 2008-10-27 21:25 編輯 ]

歡迎光臨香港 Xocat Forum 討論區 (http://p.xocat.com/p/)