香港 Xocat Forum 討論區 - Powered by Discuz! Board

標題: 大家幫幫忙....急問!!!! [打印本頁]

作者: gantz_00100 時間: 2008-11-14 00:43 標題: 大家幫幫忙....急問!!!!

小女子因為進修讀副學士...唔想屋企人負擔我既學費....所以去in左份夜總會拳手....

大致情況係咁..

我有個女仔朋友陪我去....呢間都係一間幾大幾有名既....

上到去我朋友就話聽到有人係度講"又多兩條女".....唔知係咩意思呢?

之後我見到好多阿姨職員.....就同我講左工作內容靜係同d客猜妹,飲酒,傾計

人工90-140

本來想我即刻試工,不過我朋友趕時間所以話聽日先...

之後佢拎我身份証填d野~又講明比我知係作紀錄我係呢度職員...

我有睇清楚細字靜係寫話聲明自己唔會作出非法行為....冇其他野...

不過我填左真地址怕唔怕?同埋佢地對我既資料點處理架?

我有同佢講明我唔可以比人模,同埋我唔會出街之類既野....佢話無問題...會唔會到時候反口?

我返工時間到夜晚11點...2-11點呢d時間係咪冇咁多黑社會架?通常係咩人會去架?

我有問過帶我上去既人~佢話而家d夜總會唔同以前果d架啦喎....

係咪有人一心諗住上去飲下酒猜下妹?咁落吧咪一樣?

其實我真係諗左好耐先至過到自己呢關....我唔知大家會點睇我....

同埋佢話聽日會幫我影相....我想問...有冇人知道影咩相同埋會作咩用途?會唔會比人放上網架?

我好驚呀....但係係佢地先會比我選擇返呢個時間,同樣咁高人工既酒吧又要返到好夜,我又要返學我唔想影響到我學業呀...

本來以為自己返左幾年工無咩野好驚既..不過而家話做夜總會都係有d怕怕地...

希望大家可以幫下我....

作者: auriga00 時間: 2008-11-14 05:06

夜總會係叫公關、小姐，唔係拳手。

猜枚、飲酒、傾計係基本動作，不過夜總會同酒吧唔同地方係夜總會係逐間房坐，唔同酒吧坐晒大廳咁公開，所以有時個客飲多左會做乜係講唔埋。去得夜總會既客，尤其飲左酒後，手多多係可以話一定有，至少都會攬下。呢個亦係夜總會公關人工比酒吧拳手多既其中一個原因，因為「服務範圍」會有機會比較多。

你所謂「唔可以比人模」個底線係乜？攬腰算唔算？當然，你唔鍾意個客對你做乜，你可以直接叫佢停，甚至自己截佢鐘行出房。只不過人地唔坐你坐過第二個，你唔賺既錢仲有大把人賺。

你唔想做既野冇人會迫你做，只不過佢地會不斷咁遊說你去做，一般都唔會夾硬黎。唔想俾人摸，唔想同客出街，咁你首先就係要有一定酒量。假如你飲醉左俾個客摸勻晒你都唔識反抗，甚至帶你出埋街都唔知。

其實如果你唔俾人摸得，唔會同人出街，又唔飲得酒的話，咁你不如再諗清楚你返呢份工時可以做乜？唔好以為會有好多人淨係上去摸住茶杯底同你傾幾個鐘頭計！我唔敢話完全冇，不過真係少之又少，你估會唔會咁好彩次次都俾你遇到？

始終夜場都係品流複雜既地方，乜野人都有，包括外表斯文（內裡荒淫）既西裝友到黑社會大哥（或自認黑社會大哥）。話俾你聽個個都係斯文人你都唔信啦！仲有，著我光鮮講野唔粗魯唔代表唔會手多多甚至完全唔尊重囡囡，真係斯文既人都去晒圖書館、咖啡室、或者返屋企睇書。

唔排除有Ｄ人會唔尊重返夜總會既女仔，但都有人覺得呢個只係一份職業。一樣米養百樣人，邊講得埋？

影相如果只係指證件相做紀錄當然要啦，唔係點認得邊個打邊個？如果係要你擺晒pose影全身相，你有權拒絕。

有大班會要脅個女仔返工，唔係就直接打去佢屋企甚至踩上門搵佢，你自己衡量啦。如果你去見既係新花都就要小心，因為我所講既大班就正正係呢間做。

作者: gantz_00100 時間: 2008-11-14 09:32

我掙扎左好耐...都唔知到底今日去唔去好..
我去見果間叫x fai wong

[ 本帖最後由 gantz_00100 於 2008-11-14 09:34 編輯 ]

作者: FXO 時間: 2008-11-14 10:02

拳手咪即係拳拳到肉囉.

人工90-140, 使唔使去做拳手, 日夜顛倒呀?

睇清楚細字靜係寫話聲明自己唔會作出非法行為....冇其他野...
咁打下車輪, 情到濃時摸下身摸下勢, 係你唔反抗/唔敢反抗既情形下人地出下(手查)波龍爪手, 咁唔算非法行為噃, 誇張的, 同人去爆房, 你(情)我願下, 都係合法既.

係既, 而家d夜總會唔同以前果d架, 係唔會用非法手段迫你做野既, 但係除左非法手段, 重有好多合法手段既.

重有, 夜總會唔同以je, 但的客咪一樣係以前果的差唔多,

係囉, 諗左好耐先至過到自己呢關咪得囉, 慢慢咁過關囉, 一關一關咁過, 輕舟咪過盡萬重山囉

唔知大家會點睇你, 好簡單, 咪係夜總會做既女仔一個囉.

至於做乜, 就令人有無限聯想咯,

[ 本帖最後由 FXO 於 2008-11-14 10:07 編輯 ]

作者: KMY89 時間: 2008-11-14 10:11

夠膽上NC見工，係度 innocent，搏呢度有水魚？

作者: foresthill 時間: 2008-11-14 11:12

引用:

原帖由 gantz_00100 於 2008-11-14 09:32 發表
我掙扎左好耐...都唔知到底今日去唔去好..
我去見果間叫x fai wong

你知唔知自己條底線喺邊? 作為PR, 搭膊頭, 攬腰, 拖手係最基本嘅service . 如果唔得你都無謂返啦. 重有就係你自己有無本錢去維持你條底線, 例如sell 純情? 飲得? .........

如你可接受上述基本服務, 上去返一兩日睇吓亦無妨, 你亦可去尖東場試吓, D 客一般比旺角斯文.

作者: BB鬥士 時間: 2008-11-14 12:10

我去過tst nc都遇過d想去讀書, 所以要賺快錢既mm, 都幾同情佢地, 如果妳真係去做就事事小心啦, 依家無迫良為娼既.

作者: tpkam 時間: 2008-11-14 13:25

其實妳唔使咁驚，因為皇輝都係有好多金魚，好多都囡囡不准模手模腳既，係人都知呢間主打齊劈場，係木魚先有其他服務，仲要傾價錢，以妳既case應該冇問題的

作者: ah.bon 時間: 2008-11-14 14:40

做得拳手就預咗醉, 就算你好飲得, 俾幾個人輪都會冇運行.

預得醉, 就要預埋俾人抽水(都唔想用個摸字, 因為一定唔係普通的摸手腳). 老實講, 淨抽水已經係好理想啦 (用你的standard嚟講)

妹妹, 冇錢係易搵的

作者: wewa_168 時間: 2008-11-14 15:31

我識好多女,原先只係應徵做侍應 or DJ,但最終都會下海,點解? 係抵受唔到$既誘惑 lor. 若果唔想俾人掂,就唔好去NC做.

作者: webhunter 時間: 2008-11-14 21:54

如果你係一心唸住返學, 我勸你都係唔好去做, 咪最後都係會受唔住金錢既誘惑, 而唔使人迫你下海.

作者: gantz_00100 時間: 2008-11-14 23:07

嗯~我都明~因為我今日諗左成日都係過唔到自己果關...
最後電話都係唔聽...辛苦d做多兩份part-time好過...

好多謝大家比意見我~thx~
我差d令自己行錯路~我本來只係想用幾個月時間可以save多一年半年學費就好啦...
政府比左半免我都仲係好貴ma....個市又咁差,想搵份o岩學生返工既part-time都冇先諗到行呢步.....

我又冇話要sell咩囉~靚唔靚我都唔會利用自己外表黎搵錢既...
不過講真到最後點諗都係唔想比人模...

我反而唔想有一日我屋企人知道左會唔開心...

我講得好似好嚴重,但其實考慮到之後好多野,朋友會點睇我...都係過唔到自己...

p.s.生得醜都唔會追魂call迫我返工啦~

[ 本帖最後由 gantz_00100 於 2008-11-14 23:11 編輯 ]

作者: 11111186 時間: 2008-11-14 23:30 標題: 回復 12# 的帖子

good

作者: ah.bon 時間: 2008-11-15 09:27

引用:

原帖由 gantz_00100 於 2008-11-14 23:07 發表
嗯~我都明~因為我今日諗左成日都係過唔到自己果關...
最後電話都係唔聽...辛苦d做多兩份part-time好過...

好多謝大家比意見我~thx~
我差d令自己行錯路~我本來只係想用幾個月時間可以save多一年半年學費就好啦.. ...

support

如果可以就去搵d低年班做tutor. 起碼都叫你幫人幫己

作者: gantz_00100 時間: 2008-11-15 10:26

引用:

原帖由 ah.bon 於 2008-11-15 09:27 發表

support

如果可以就去搵d低年班做tutor. 起碼都叫你幫人幫己

我幫過我朋友兩個細佬妹補習啦....實在係太蠢我頂唔順~
我又唔知出面果d係點~"~

作者: ah.bon 時間: 2008-11-15 12:18

引用:

原帖由 gantz_00100 於 2008-11-15 10:26 發表我幫過我朋友兩個細佬妹補習啦....實在係太蠢我頂唔順~我又唔知出面果d係點~"~

蠢唔緊要, 最緊要受教. 補習時間可以有多d彈性,同返學時都可以做嗎嘛

作者: gantz_00100 時間: 2008-11-16 00:25

引用:

原帖由 ah.bon 於 2008-11-15 12:18 發表

蠢唔緊要, 最緊要受教. 補習時間可以有多d彈性,同返學時都可以做嗎嘛

最慘係...唔受教掛住玩,唔認真,集中力唔夠,又唔聽人講,鬧又鬧過十幾次,比佢家姐打到飛起....

作者: colorbhk 時間: 2008-11-16 07:08

引用:

原帖由 gantz_00100 於 2008-11-16 00:25 發表最慘係...唔受教掛住玩,唔認真,集中力唔夠,又唔聽人講,鬧又鬧過十幾次,比佢家姐打到飛起....

你補乜

作者: foresthill 時間: 2008-11-16 20:43

引用:

原帖由 gantz_00100 於 2008-11-14 23:07 發表
嗯~我都明~因為我今日諗左成日都係過唔到自己果關...
最後電話都係唔聽...辛苦d做多兩份part-time好過...

好多謝大家比意見我~thx~
我差d令自己行錯路~我本來只係想用幾個月時間可以save多一年半年學費就好啦.. ...

說得對,如果不是沒有辦法, 都是不要試為正路, 因你唔知會對自己有幾大傷害(主要係心理,人生觀,價值觀).

但如真的無辦法, 我亦見唔少你呢type少女喺NC都叫做適應到, 一星期返一兩日, 非常揀客, 隨時cut人檯, 係熟客兼likey 個客先會出街, 又好似幾OK喎.

作者: adjong 時間: 2008-11-17 01:08

點解你好人好姐又會知果間場好出名嘅??

作者: gantz_00100 時間: 2008-11-17 20:41

引用:

原帖由 colorbhk 於 2008-11-16 07:08 發表

你補乜

補中英數

作者: gantz_00100 時間: 2008-11-17 20:43

引用:

原帖由 adjong 於 2008-11-17 01:08 發表
點解你好人好姐又會知果間場好出名嘅??

因為佢話好出名~之後去到見到個名好似電視半夜d廣告有聽過~
之後再上網check~就知道啦- -

作者: gantz_00100 時間: 2008-11-17 20:44

引用:

原帖由 foresthill 於 2008-11-16 20:43 發表

說得對,如果不是沒有辦法, 都是不要試為正路, 因你唔知會對自己有幾大傷害(主要係心理,人生觀,價值觀).

但如真的無辦法, 我亦見唔少你呢type少女喺NC都叫做適應到, 一星期返一兩日, 非常揀客, 隨時cut ...

哈~係既~不過我上到去都覺得唔o岩~因為成個場都烏煙漲氣-.-.....又臭~好得人驚...

作者: gantz_00100 時間: 2008-11-17 20:46

引用:

原帖由 城市獵人08 於 2008-11-16 01:36 發表
如果你肯陪我行街睇戲食飯我擔保一樣可以比番個過價錢你

我幫你係因為你未被染烏

有興趣pm我

雖然都係仲未搵到野做...出面請兼職sales,入到去問又話請左....
但係我都係冇呢個興趣唔好意思

作者: colorbhk 時間: 2008-11-17 21:27

引用:

原帖由 gantz_00100 於 2008-11-17 20:41 發表補中英數

俾d心機去做補習, 中英數d大路嘢唔難搵學生

作者: webhunter 時間: 2008-11-17 22:27

引用:

原帖由 gantz_00100 於 2008-11-17 08:46 PM 發表

雖然都係仲未搵到野做...出面請兼職sales,入到去問又話請左....
但係我都係冇呢個興趣唔好意思

作者: joeyyung 時間: 2008-11-19 13:17

引用:

原帖由 gantz_00100 於 2008-11-17 12:46 發表

雖然都係仲未搵到野做...出面請兼職sales,入到去問又話請左....
但係我都係冇呢個興趣唔好意思

小妹妹: + oil....

作者: foresthill 時間: 2008-11-21 18:07

引用:

原帖由 gantz_00100 於 2008-11-17 20:44 發表

哈~係既~不過我上到去都覺得唔o岩~因為成個場都烏煙漲氣-.-.....又臭~好得人驚...

全對,兼且好嘈,成日喊咪叫人, 我都無再去, 呢方面尖東場會好D.

做PTsales就好難揾夠,人工少, 補習又唔易連做幾個鐘, 我都想知你D同學通常點揾錢?

作者: fumizuki 時間: 2008-11-22 00:19

呢樣野...諗都唔好諗...以後無論日子幾艱難...都要堅持唔做呢方面既野

世上...好多國家好多窮人...但係好多人都咬實牙根.之後換來係一世既自尊同心中既幸福

識得呢d 公關多就會知...100個裡面97個都係負債.越負越多...好難翻身...其中有部份仲因性病或被毒打,或毒品各種因素而不到30就死左

夜總會...黑社會...嫖客...媽咪...會有好多方法令到小姐...無端端負債既...防都冇得防

支持你咬實牙根搵普通工做,唔好再諗偏門...其實香港唔係印度...或中南美州....你努力做一般工作.一定可以過得快樂既....

堅持落去....總會有好日子...你總會明白什麼才是真正的快樂

如果入呢行...好人好姐都會浪費一生...好運既都會浪費幾十年...可怕程度唔係你呢d外行人能明白....

呢種工諗都唔好諗...

作者: fumizuki 時間: 2008-11-22 00:30

讀得書多的人就可以做靠腦力既工作

讀得書少的人唯有做努力既工作...如賣鞋.餐廳

放棄自己的人走去賣肉賣尊嚴賣命...佢地唔係壞人但係可憐人...係你今日仲有得選擇就冇必要將自己趕入絕路

以後你大個去多d地方睇睇...香港仲未到要去賣肉賣命既地步...正當工即使經濟衰退仲係可以搵到...

努力讀書...以後做d靠腦力既工...加油

作者: gantz_00100 時間: 2008-11-22 17:33

引用:

原帖由 foresthill 於 2008-11-21 18:07 發表

全對,兼且好嘈,成日喊咪叫人, 我都無再去, 呢方面尖東場會好D.

做PTsales就好難揾夠,人工少, 補習又唔易連做幾個鐘, 我都想知你D同學通常點揾錢?

有好多都冇做野~一係就做sales做到第2日冇精神就黎死咁樣...

作者: gantz_00100 時間: 2008-11-22 17:34

引用:

原帖由 fumizuki 於 2008-11-22 00:19 發表
呢樣野...諗都唔好諗...以後無論日子幾艱難...都要堅持唔做呢方面既野

世上...好多國家好多窮人...但係好多人都咬實牙根.之後換來係一世既自尊同心中既幸福

識得呢d 公關多就會知...100個裡面97個都係負債.越 ...

咁你又唔好講到我係為錢甘心比人攪o個d....

作者: fumizuki 時間: 2008-11-22 20:39

既然你唔係為錢...當然冇可能為興趣...

總之唔好做呢行就得

為讀書呢種冠冕堂皇既原因.問心係唔係欺騙自己...香港讀書真係要倫落到做小姐至讀得上去嗎...真係冇其它路行嗎... 完全冇其它路行嗎...

大家都只係勸你唔好做呢行... 其實你做番正行對大家無任何得失...只係你自己可以保有一般人既幸福同對未來既希望...小姐做短期又好做長期又好一生都已經改變

唔係我講野現實.... 呢一行本來就比其它行業現實.成個行業建構係私心上...夜總會.媽咪,龜公,嫖客...一切都係慾望同金錢.除左呢d冇其它元素... 亦冇錢途冇希望...

入左呢行直至離開為止冇人可以救.即使離開都有手尾根..所以你未入行大家都勸你唔好入.

既然你已經唔做...呢種玩女人既討論區亦無謂再上... 仲有好多有趣既討論區不是嗎

祝你以後畢業搵到份唔錯既文職工...

作者: foresthill 時間: 2008-11-23 10:39

引用:

原帖由 gantz_00100 於 2008-11-22 17:33 發表

有好多都冇做野~一係就做sales做到第2日冇精神就黎死咁樣...

係囉, 旣然好多都無做, 慳D駛係第一步可行的事. 讀好書一定無錯.

雖然大部份PR都係貪玩大駛, 不滿意正行辛苦, 或貪慕虛榮, 但亦有不少係為勢所迫, 為了家人而選擇做呢行以解困, 尤其經濟下滑之時, 呢D都係香港貧富懸殊所引致的現像, 喺外國做waiter同做OL差不多人工, 自然較易維生. 對於為家人作犧牲的PR,我是respect的.

所以我唔會話死都唔好做PR, 最重要係是否沒有更好辦法, 同埋要清楚downside和害處是什麼, 揾得錢多梗有代價,值得去做嗎 ? 只有自己知答案.

作者: adjong 時間: 2008-11-24 00:24

當傾下閒計, 我又無見過那間衣總會有賣電視廣告喎,
桑拿就多, 而且在網上都唔覺點出名法,
你都幾叻女喎.

作者: adjong 時間: 2008-11-24 00:30

引用:

原帖由 KMY89 於 2008-11-14 10:11 發表
夠膽上NC見工，係度 innocent，搏呢度有水魚？

呢位師兄又唔好咁講, 人地上得呢個網,
當然係好純情的少女,
唔通好似我地呢啲老野,想去學吓潮野,
都唔知去邊個網好啦.
如果我地老婆或者女友見到夜總會招牌都覺得係正經地方就好啦.

作者: 81tkhk 時間: 2008-12-6 07:19

再覆 1#

本人於十一月十四日，(夜遊風月版)已覆過一次，未知閣下可曾閱覽？現奉上两句，共十四字，〔醉臥Club場君莫笑，古來征戰幾人回？〕敬希領會！

作者: glucerna 時間: 2008-12-7 23:19

引用:

原帖由 81tkhk 於 2008-12-5 04:19 PM 發表
再覆 1#

本人於十一月十四日，(夜遊風月版)已覆過一次，未知閣下可曾閱覽？現奉上两句，共十四字，〔醉臥Club場君莫笑，古來征戰幾人回？〕敬希領會！

閱覽過又點呢?

我都奉上兩句,共十四字 "自古歡塲無真愛,燈紅酒綠往君來"

作者: adjong 時間: 2008-12-8 01:47

有無大哥可以話我知家下有咩場係出名架

作者: man927 時間: 2008-12-11 08:08

各位大哥大姐功德無量，又救返一個懂上成人版的迷途小羔羊

歡迎光臨香港 Xocat Forum 討論區 (http://p.xocat.com/p/)