香港 Xocat Forum 討論區 - Powered by Discuz! Board

標題: 泰式民主大革命 [打印本頁]

作者: 飛毛腿 時間: 2008-11-28 21:32 標題: 泰式民主大革命

泰國局勢發展到今日為止, 政府終於宣佈 " 機場" 緊急狀態 - 唔係曼谷緊急狀態

總理頌猜就匿在清邁, 有家歸不得

再下一步會點 ? 會唔會武力清場 , 將班友掃出機場 ?
軍方就多數唔會郁手, 因為軍方或明或暗都係撐班示威者.
陸軍司令前日都已經出聲叫總理頌猜下台提前大選
軍方未想再發動政變, 因為整多鑊實在太難睇, 國際上再 friend 嘅國家都幫唔落口

呢場鬧劇由他信被軍方發動政變趕下台時拉開序幕
軍方及其幕後既得利益集團以為趕走他信, 再配合法院宣判解散他信嘅泰愛泰黨, 咁就以為可以操控大局
誰知再次大選, 冇他信嘅原班人馬再組黨參選, 依然可以贏得大選
於是再次由法院發功, 搵 d 雞毛蒜皮小事砌低食家總理沙馬
接任者係現總理, 他信妹夫頌猜, 依然係他信班子
於是反對派不到黃河心不死, 係都要剷取他信班子
終於又由法院判他信有罪, 迫他信著草, 諗住冇他信喺國內籌劃
群龍無首, 頌猜唔頂得幾耐
為加強壓力, 索性癱瘓議會, 霸佔國會大樓
繼而霸佔機場, 要癱瘓泰國經濟命脈

作者: 飛毛腿 時間: 2008-11-28 21:33

呢種所謂示威, 其實已經超越任何一個國家(包括民主國家)法律所能容忍嘅底線
更何況正如頌猜聲稱, 佢地係民選合法政府
反對派所作所為, 根本就係一場變相政變, 顛覆合法政府
但到如今, 軍方就扮中立, 泰皇粒聲唔出
對反對派呢種顛覆行為唔出聲指責就已經表明佢地係咩立場
究竟兩派人爭乜 ?
一字咁淺 – 利益.

他信其實係一個有能力政治家, 執政者
泰國經歷97年亞洲金融風暴後奄奄一息
他信上任後大力改善國內經濟, 短短幾年已經可以還清外債
佢施政最大特色係向低下層, 農民等傾斜
所以佢及佢政黨班底咁得民心, 得大部份窮人, 農民選民支持
(當然他信不忘會將自己家族利益最大化), 但佢亦明白要得到最廣泛支持,
唔可以唔照顧平民百姓利益
但餅就得咁大塊, 切多 d 俾窮人農民食, 自然就要中產, 既得利益者食少 d
而泰國傳統上, 皇親閣戚係佔有最豐厚資源, 其次係一班商家財閥,
呢兩者跟軍方又有千絲萬縷利益關係, 再其後就係以曼谷一班中產為主嘅中產階層, 呢班就係上面所講嘅既得利益集團
所以, 以他信為首派系及他信政策下得益嘅低層百姓為一派
既得利益為一派, 兩大對立陣容各自形成.

作者: 飛毛腿 時間: 2008-11-28 21:35

反對派所持嘅係國家上層勢力 – 軍方及泰皇
(不過, 如果話法院唔係利益攸關方, 我就打死都唔信 )

頌猜一派卻得到最廣泛選民支持, 但支持者卻分佈在曼谷以外地區
- 所以喺清邁, 反對派一個地下電台頭目俾政府支持者拉出車外, 一槍打爆佢個頭,
咪以為好似喺曼谷內咁買你怕, 任你為所欲為
頌猜一方冇能力調度軍方只有挨呢種亂局
而反對一方背後支持者又唔可以太強硬行動, 例如軍方再出動坦克大砲迫頌猜
以免引起國內國外強力反彈
呢種亂局繼續落去反而對頌猜有利, 因為法理, 民意在頌猜一方
除非 …….
又係果招, 法院再三玩陰招, 睇落都多數會係, 話頌猜一方當日選舉舞弊….

總之, 玩到家陣
兩方僵持不下, 最大損失其實係國家整體利益
而無論軍方, 皇室, 街頭反對派就啋你都傻, 本階層自身利益凌駕於國家利益
跟台灣相似, 都係民主被少數人操弄的經典範例
所以泰, 台不愧為亞洲民主雙寶 !

作者: hhl 時間: 2008-11-28 23:17

成件事, 我有以下感受:
1. 其實我覺得泰國人都唔幾識得尊重民主, 輸打贏要 ...
2. 政治就係妥協, 但頌猜辦不到... 各方利益不平衡 ...

民主係亞洲.... 真係唔係點講得出邊個辦得好...

作者: ivan99 時間: 2008-11-29 10:19

有d友移左去有民主國家，有民主空氣唔吸，硬要回流香港攪假民主，又有班低X人仕支持，好在仲有一班支持真民主，不是以民主為名，福利為真的人。

作者: 飛鳥 時間: 2008-11-29 10:25

西方民主不適合泰國民情！泰國大多數人選舉產生的民主政府，未能保障有軍隊支持那些少數精英的利益，有軍隊支持的少數精英出來胡作非為，軍方就要解散國會重新再選，其實反對派和軍方應將他們認為屬於他信集團的人全部殺光再選，要不然推翻民主政府，由軍人上台執政，泰國就可以穩定。

作者: Harry 時間: 2008-12-1 12:34

他信...
如果他信袛為貪財,年前"老頂"就唔會默許軍方政變,拉佢落台.
他信已是萬人之上,為何害怕法院對他有不利判決而出走.
近日他信已第三次表示要皇帝特赫.逼皇帝出面已是大大不敬.
農民都是單純的,他信在位時的確免費送手機俾農民,但往後的通話費就自付(當然是他信的電訊公司).尚有很多低息借款也是出自他信本身的家族公司.
東北+北部的地方選舉全都是泰愛泰黨天下,泰愛泰買票也比其他黨闊佬,再獨大落去泰國將分裂,為此老頂必須拉佢落台.
當初落台,他信口口聲聲話唔再入政治,但就繼續背後支持舊友新黨,他信的野心及眷戀權力顯而易見.

俾佢返泰國"老頂"仲有地方企?

作者: 飛毛腿 時間: 2008-12-1 17:08

引用:

原帖由 hhl 於 2008-11-28 23:17 發表
成件事, 我有以下感受:
1. 其實我覺得泰國人都唔幾識得尊重民主, 輸打贏要 ...
2. 政治就係妥協, 但頌猜辦不到... 各方利益不平衡 ...

民主係亞洲.... 真係唔係點講得出邊個辦得好...

1. 應該係泰國呢班所謂民主聯盟(反對派) 唔尊重遊戲規則, 輸打贏要

2.反對派訴求係要頌猜下台, 上次趕他信下台後, 同系組黨再選又贏,
沙馬上台就話佢係他信嘅傀儡,沙馬下台頌猜上, 又話要趕頌猜下台
總之要選到自己友執政先算數

你叫頌猜同支持者點妥協 ? 大多數人服從少數人 ?

作者: 飛毛腿 時間: 2008-12-1 17:13

泰國傳統係皇室靠軍方捍衛, 軍方借泰皇威望
他信執政時已經觸及皇室同軍方, 財閥等傳統勢力利益
另一方面, 他信廣受平民愛戴, 聲望力迫泰皇
呢種趨勢繼續落去, 權力天秤就傾向文人政府一邊
如今泰皇有幾十年威望照住皇室利益,
但泰皇有乜冬瓜豆腐的話, 下任泰皇再冇咁崇高威望壓場, 皇室利益就越玩越縮
泰皇班皇子皇孫, 皇親閣戚就好易變破落戶
如果連槍杆子都落入文人政府掌控, 班軍佬既冇權又冇油水
所以佢地不計代價都要發動武力政變趕絕他信,
政變後就輪到班反對派出面搗亂, 憲法法庭玩法律繼續打壓他信系人馬,
務求制止住文人政府借民望壓倒傳統勢力呢股風氣

歡迎光臨香港 Xocat Forum 討論區 (http://p.xocat.com/p/)