香港 Xocat Forum 討論區 - Powered by Discuz! Board

標題: 中國應該趁低收購美國汽車業和銀行 [打印本頁]

作者: KMY89 時間: 2008-12-8 00:36 標題: 中國應該趁低收購美國汽車業和銀行

坐擁巨額外滙，何不趁低價收購美國汽車業和銀行？

這是有價值的好投資。

作者: 理魯竇 時間: 2008-12-8 01:51

中投都話輸到怕，
你都唔好攪亞叔啦。

作者: 屍屠華 時間: 2008-12-8 10:51

美国佬賣俾人啲嘢全是揾人笨

作者: 流料 時間: 2008-12-8 11:59

cash is king! 收購美國汽車業和銀行 = 拿屎上身

作者: 飛毛腿 時間: 2008-12-8 18:15

引用:

原帖由 KMY89 於 2008-12-8 00:36 發表
坐擁巨額外滙，何不趁低價收購美國汽車業和銀行？

這是有價值的好投資。

你老人家會唔會搵個末期肺癌嘅靚女做老婆 ?

美國佬自己都養唔起汽車業
你叫大陸佬去養班打工皇帝 ?
至於銀行業, 沙地王子舊年加碼入股花旗銀行 - 果時花旗每股卅幾蚊美元
今日跌到得幾銀嘢美元一股
前幾個月日本三井入股大魔
冇幾耐就喊救命要集資
巴菲特前兩月入股高盛, 加陣跌咗三成幾......

作者: 理魯竇 時間: 2008-12-8 18:17 標題: 諾獎得主預言美汽車工業將消亡

(星島)12月8日星期一
2008年諾貝爾經濟學獎得主克魯曼稱，救助行動可能無法扭轉美國汽車工業消亡的發展趨勢。
克魯曼在斯德哥爾摩舉行的記者招待會上說，隨著日本和歐洲汽車製造商的湧入，美國通用、福特和佳士拿三大汽車公司在美國市場上的中心地位逐漸不復存在。美國汽車工業目前不僅在遭受全球金融危機的打擊，而且還在遭受長期的行業發展趨勢的打擊。
克魯曼認為，在「地域力量」的推動下，美國汽車工業「可能要消亡」。即使現在對美國三大汽車公司採取救助行動，那也只能收到短期效用，只是反映了不想接受美國汽車工業衰敗的意願，但行業大趨勢是難以逆轉的。
克魯曼預見，世界經濟雖然不會出現像上世紀30年代那樣的大蕭條，但嚴重的衰退將無法避免。他說，加大對公共事業部門的投入也只能起到緩解作用，不足以解決問題。要想阻止形勢的惡化，必須迅速採取進一步的行動。

美國的銀行業和汽車業，
都是雞肋不如，
食之無味、棄之亦不可惜。

[ 本帖最後由理魯竇於 2008-12-8 18:20 編輯 ]

作者: 飛毛腿 時間: 2008-12-8 18:32 標題: 回復 6# 的帖子

雞肋唔會食死人
但吞下美國銀行業同汽車業
隨時會骾乜死

作者: CAB 時間: 2008-12-8 22:05

信我，所有美國上市公司的數都是“造”出來的，國企不會比它們差。

作者: public59 時間: 2008-12-8 23:57

引用:

原帖由 屍屠華 於 2008-12-8 10:51 發表
美国佬賣俾人啲嘢全是揾人笨

Totally agree
Don't get involved in US Business for the time being.

作者: bzboy 時間: 2008-12-9 00:14

提示: 作者被禁止或刪除內容自動屏蔽

作者: FXO 時間: 2008-12-9 11:25

居心不良, 出的屎橋害國家.

曲線賣國

作者: 屍屠華 時間: 2008-12-9 11:31

係囉俾晒呀扁最好.............

作者: ray1129 時間: 2008-12-9 15:40 標題: 回復 1# 的帖子

呢個問題好值得思考一下

經過三十年的改革，按張五常的講法，大致上已完成了90%，但餘下的10%卻是最難處理的部分，弄不好可能前功盡廢！

現今中國可以說是國富民窮。際此內外紛擾的多難之秋，還是多行富民興邦之策為上。

[ 本帖最後由 ray1129 於 2008-12-9 15:57 編輯 ]

作者: 屍屠華 時間: 2008-12-9 16:16

張五常?

那個逃稅走回大陸的教授?

作者: ray1129 時間: 2008-12-9 16:19

引用:

原帖由 屍屠華 於 2008-12-9 04:16 PM 發表
張五常?

那個逃稅走回大陸的教授?

有乜問題?

咁我轉個講法。「按曹仁超所分析，目前中國改革開放已行了九步，剩低個一步有乜差池，分分鐘倒退回之前！」

希望曹仁超無痛腳俾你揸住啦。

其實你點睇張五常嘅觀點？

[ 本帖最後由 ray1129 於 2008-12-9 16:30 編輯 ]

作者: 屍屠華 時間: 2008-12-10 16:54

一個連稅都逃嘅教授,一個連假貨都貨賣嘅教授,一個要走老番深圳的教授
真係可攞諾貝爾獎...........

.美国自由經濟已玩完....什麽自由經濟学派已收晒口

[ 本帖最後由屍屠華於 2008-12-10 19:39 編輯 ]

作者: 深圳港燦 時間: 2008-12-10 17:05

歡迎張五常教授加入我們深圳港燦大家庭

作者: KMY89 時間: 2008-12-10 19:16

引用:

原帖由 FXO 於 2008-12-9 11:25 發表
居心不良, 出的屎橋害國家. h:" /> 曲線賣國

虧你講得出唔面紅：

D 經濟問題你識乜？

得閒去垃圾桶執番D舊post把啦

作者: 屍屠華 時間: 2008-12-10 19:41

港府準雷曼債券買賣
雷曼居心不良, 出啲屎橋害香港曲線賣港

作者: KMY89 時間: 2008-12-10 20:51

引用:

原帖由 飛毛腿 於 2008-12-8 18:15 發表

你老人家會唔會搵個末期肺癌嘅靚女做老婆 ?

美國佬自己都養唔起汽車業
你叫大陸佬去養班打工皇帝 ?
至於銀行業, 沙地王子舊年加碼入股花旗銀行 - 果時花旗每股卅幾蚊美元
今日跌到得幾銀Ü ...

Good question，問下陳振聰 ？

作者: public59 時間: 2008-12-10 21:02

引用:

原帖由 KMY89 於 2008-12-10 20:51 發表

Good question，問下陳振聰？

陳振聰答案可能是靚女未別會, 有錢女就一定會

作者: FXO 時間: 2008-12-10 21:36

引用:

原帖由 KMY89 於 2008-12-10 19:16 發表

虧你講得出唔面紅：
D 經濟問題你識乜？
得閒去垃圾桶執番D舊post把啦

經濟問題得你一個識咋? 我以為毛腿都識添. 我執佢的口水尾咋.

曲線害國果的唔面紅, 的返國內救援女胞果的唔面紅,

我又使乜面紅呀.

鄧矮子話, 唔理新聞舊聞, 有得做既就係好新聞, 你無聽過呀

作者: KMY89 時間: 2008-12-10 21:58

引用:

原帖由 FXO 於 2008-12-10 21:36 發表

經濟問題得你一個識咋? 我以為毛腿都識添. 我執佢的口水尾咋.

曲線害國果的唔面紅, 的返國內救援女胞果的唔面紅, 我又使乜面紅呀.

鄧矮子話, 唔理新聞舊聞, 有得做既就係好新聞, 你無聽 ...

俾人掉晒落垃圾桶，重執上黎做乜？

作者: 飛毛腿 時間: 2008-12-10 22:47

引用:

原帖由 KMY89 於 2008-12-10 20:51 發表

Good question，問下陳振聰？

可惜通用, 福特, 佳士拿係未期肺癌靚女但欠落一筆還成世都還唔清嘅債 !

[ 本帖最後由飛毛腿於 2008-12-11 17:33 編輯 ]

作者: KMY89 時間: 2008-12-10 23:05

講真，如果收購其中一間的價格會十分爛賤；

擁有過萬員工

；
由中國人領導

。

作者: FXO 時間: 2008-12-11 09:11

引用:

原帖由 KMY89 於 2008-12-10 21:58 發表

俾人掉晒落垃圾桶，重執上黎做乜？

難怪, KMY 唔識乜叫環保, 乜叫循環再做.

作者: 2630 時間: 2008-12-11 09:23

香港人最叻環保,買晒垃圾債券

作者: FXO 時間: 2008-12-11 09:37

引用:

原帖由 2630 於 2008-12-11 09:23 發表
香港人最叻環保,買晒垃圾債券

可見你思想幾狹窄.

垃圾債券如果單係由香港人買晒, 咁就唔成氣候啦.

作者: 2630 時間: 2008-12-11 09:43

香港人最叻思想狹窄.,唔係点会買晒垃圾債券

作者: ray1129 時間: 2008-12-11 13:57

引用:

原帖由 屍屠華 於 2008-12-10 04:54 PM 發表
一個連稅都逃嘅教授,一個連假貨都貨賣嘅教授,一個要走老番深圳的教授
真係可攞諾貝爾獎...........

.美国自由經濟已玩完....什麽自由經濟学派已收晒口

扯到「自由經濟」咁遠？

追本溯源，美國金融危局，源起於次按及兩房這個半官方機構。

當初美國政府為求屋者有其屋，遂以行政手段成立兩房，並以國家名義，賦予其在市場舉責的持權。意在協助擴大提供低成本房貸資金和擔保。次按風潮由是而生。

由於有美國政府介入撑腰，提供了誘因吸引大量資金投入這場高風險的房貸。

及至科網泡沫幻滅加上911事件，美國經濟又陷低迷。格老大驚之下，把利率人為地壓至極低水平。

至此，美國房產的瘋狂派對已經在華爾街悄然展開。

華爾街上的一流腦袋，想到可不巧立名目，廣售門票，讓更多人參與派對，令舞會更加熱鬧，好把他們的錢箱擠滿！

於是甚麽CDS、CDO、ARM、MBS等等的債務証券化門票產生了。偏偏世人都趨之若騖。

當眾人都在這場世紀派對酒酣耳熱之際，有人問格老這場狂野派對該如何結束？他卻輕搖手中香檳，志得意滿地揚起「自由經濟」的旗幟，叫世人繼讀沉醉於泡沫中。結果.......................................

h:" />

由此可見，在長官意志之下的「自由經濟」可其恐怖！

所以，今次充其量只可說是「混種的自由經濟」已死！

話說回頭，你認為現今中國是否應該利用國庫，以低價大舉收購國外的企業？

[ 本帖最後由 ray1129 於 2008-12-11 14:00 編輯 ]

作者: KMY89 時間: 2008-12-11 15:08

引用:

原帖由 FXO 於 2008-12-11 09:11 發表

難怪, KMY 唔識乜叫環保, 乜叫循環再做.

那別生產垃圾。

作者: FXO 時間: 2008-12-11 16:37

引用:

原帖由 KMY89 於 2008-12-11 15:08 發表

那別生產垃圾。

要食要痾要生活, 有人就有垃圾, 咁簡單都唔知.

作者: 2630 時間: 2008-12-12 18:02

真係好大件垃圾

作者: peninsula 時間: 2008-12-12 22:05

引用:

原帖由 2630 於 2008-12-12 18:02 發表
真係好大件垃圾

In US, everything is junk. Don't touch.

作者: CAB 時間: 2008-12-13 16:20

美國人自己都知道係垃圾，自然唔救…

被淘汰的行業：唯有拖住，慢性死亡，減低衝擊。

作者: 理魯竇 時間: 2008-12-13 17:12

美國的汽車工人在此大難當前仍然自私自利，
唔肯減人工以共渡時艱，
佢地要死咪由得佢地死囉。

作者: FXO 時間: 2008-12-15 13:09

引用:

原帖由 CAB 於 2008-12-13 16:20 發表
美國人自己都知道係垃圾，自然唔救…

被淘汰的行業：唯有拖住，慢性死亡，減低衝擊。

美國人自己都知道係垃圾, 但呢度有人當係寶, 建議中國去執添.

作者: CAB 時間: 2008-12-19 13:20

引用:

原帖由 CAB 於 2008-12-13 16:20 發表
美國人自己都知道係垃圾，自然唔救…

被淘汰的行業：唯有拖住，慢性死亡，減低衝擊。

美國白宮發言人表示，正認真考慮讓三大車廠有秩序破產。佩里諾說：「令破產有秩序地進行，有助問題軟著陸。」

作者: 飛毛腿 時間: 2008-12-19 13:29

薯仔向工會施壓手段而已
奧巴馬實唔肯摺埋幾間車廠

作者: 八皇爺 時間: 2008-12-19 13:38

引用:

原帖由 飛毛腿 於 2008-12-19 05:29 發表
薯仔向工會施壓手段而已
奧巴馬實唔肯摺埋幾間車廠

布殊被伊拉克記者扎伊迪擲鞋很生氣，回國即刻就狠抽奧巴馬一記耳光，奧巴馬要救美國汽車業三巨頭，布殊就要他們倒閉！

作者: 屍屠華 時間: 2008-12-19 17:33

布殊仲有幾多日?

放埋聖誕,新年條友仔又番佢個牧場....

睇來都係俾奧巴馬政府攪

作者: Rainybreeze 時間: 2008-12-19 19:48

引用:

原帖由 ray1129 於 2008-12-9 16:19 發表
… …
其實你點睇張五常嘅觀點？

… 在科學的範疇內，問題來來去去只有一條：為什麼？是的，「怎麼辦？」是工程學的問題，而「好不好？」則是倫理上的問題了。科學不問「怎麼辦」，也不問「好不好」。 … <經濟解釋, 張五常>

張教授係個文人, 學者, 唔係政治家. 的而且確, 佢絕對有一套優秀既”學者”思考模式. 佢或者可以成功解釋某些事情. 但係要權衡時勢大局, 而作出政策, 個人覺得張教授未能勝任.

http://blog.sina.com.cn/zhangwuchang
佢個 blog. (個人覺得d留言有小圈子自吹自捧既感覺)

作者: 屍屠華 時間: 2008-12-19 21:21

引用:

原帖由 ray1129 於 2008-12-11 13:57 發表

扯到「自由經濟」咁遠？

有幾遠?張五常不是自由經濟学派嗎?自由經濟在美国現不是破產嗎?自由經濟学派学者/教授去晒邊?費利民你去咗邊?你個徒弟張五常就成日番計劃經濟嘅中国大陸....

據香港《星島日報》報道，諾貝爾經濟學獎是瑞典中央銀行為紀念成立300周年而設，在1969年才首次頒發，并非諾貝爾遺囑中提到的五大獎勵領域之一。

　　這項獎項歷年來引發很大爭議，有批評者指責評審團偏重提倡新古典派經濟學的學者，這派的學者堅信私營企業的效率和市場的理性，最好政府不作幹預和監管，這相當於支配現今主流經濟學的自由市場主義。屬於這派學說的得獎者包括在1976年獲獎、主張自由放任資本主義的已故經濟學家佛利民（MiltonFriedman）。他們的理論推動了一場保守主義政策革命，被指為現時的金融危機鋪路。

　　在過去58位經濟學獎得主中，有40人為美國人，比率達到69%，當中超過七成人獲獎時在美國的大學工作。芝加哥大學的經濟系更孕育了以自由市場思想見稱的芝加哥經濟學派，產生了25位諾貝爾得主，當中10人屬學系的教授。前世界銀行首席經濟學者兼2001年經濟學獎得主斯蒂格利茨（JosephStiglitz）就笑言，經濟學獎曾被取笑為“斯德哥爾摩——芝加哥快車”。

　　不過，隨著美國引發全球金融海嘯，美國政府要拋出7000億美元救市方案，以避免市場崩潰，觀察家認為瑞典皇家科學院未來可能要改變評審準則，不再側重放任主義學說。斯蒂格利茨說：“我認為金融危機會使人們的思想出現基本的改變，發現自由自在的市場能觸發災難，市場不能良好地自行運作。”斯德哥爾摩諾貝爾博物館的歷史兼經濟專家史赫伯龍亦認為，金融危機會導致市場改弦易轍，當然亦會影響諾貝爾獎。

　　瑞典SEB銀行的首席分析員弗裡森稱，學者仍會對新古典派自由經濟學說進行研究，但金融危機一定會對諾貝爾獎帶來反響，為新領域的學者帶來機會。弗裡森表示學者會重燃對穩定宏觀經濟問題的興趣，會更集中鑽研混沌理論，也會對“信貸市場和社會經濟的互動關系”等特定範疇進行研究。

　　但評審委員會主席霍爾姆隆德強調，諾貝爾經濟學獎在短期內不會受金融危機影響。他反而認為現在的金融問題可能給予學者新靈感，轉而研究穩定金融的方法，從而獲得經濟學獎。

[ 本帖最後由屍屠華於 2008-12-19 21:34 編輯 ]

作者: 屍屠華 時間: 2008-12-19 21:40

咩都係啲美国佬講晒....唔知係咪天收

當年批亞洲金融風暴處理美雙重標準

10年前亞洲金融風暴發生時，美國曾批評亞洲多個經濟體系意圖給陷入財困的龍頭大企業包底拯救，形容那只是保護經營不善者；但華府現在卻連番出手，令人質疑華府雙重標準。國際貨幣基金組織前首席經濟師拉詹說：「當年反對亞洲政府出手救市的華府中人，現在卻高呼要政府干預。『讓市場自由運作找其平衡點』當然說得易，但當受到投機者狙擊、股價下挫、大行快要倒閉時，政府出手是自然的。」韓國經濟學者朴永哲更指，國際貨幣基金在1998年亞洲金融風暴中，答允借200億美元協助韓國，但條件是要韓國政府讓那些陷困銀行倒閉，不得拯救，「華府現在正卻隨另一個劇本」。但有專家指華府救市是「拯救全球金融市場」，亞洲專家拉迪說﹕「華府出手救AIG功德無量，若AIG倒閉，輸家會是歐洲銀行。現在被救的都是全球金融體系的主要機構。」

作者: ray1129 時間: 2008-12-22 14:57

引用:

原帖由 Rainybreeze 於 2008-12-19 07:48 PM 發表

… 在科學的範疇內，問題來來去去只有一條：為什麼？是的，「怎麼辦？」是工程學的問題，而「好不好？」則是倫理上的問題了。科學不問「怎麼辦」，也不問「好不好」。 …

張教授係個文人, 學者, 唔係政治家. ...

咁你認為中國現在應否動用國庫趁低收購美國汽車業和銀行?

作者: ray1129 時間: 2008-12-22 15:01

引用:

原帖由 屍屠華 於 2008-12-19 09:21 PM 發表

有幾遠?張五常不是自由經濟学派嗎?自由經濟在美国現不是破產嗎?自由經濟学派学者/教授去晒邊?費利民你去咗邊?你個徒弟張五常就成日番計劃經濟嘅中国大陸....

...

張五常係唔係自由經濟學派？費利民又去咗邊？你自已上網揾啦！

咁你認為中國現在應否動用國庫趁低收購美國汽車業和銀行?

作者: Rainybreeze 時間: 2008-12-22 15:56

引用:

原帖由 CAB 於 2008-12-13 16:20 發表
美國人自己都知道係垃圾，自然唔救…

被淘汰的行業：唯有拖住，慢性死亡，減低衝擊。

可以用一個咁既角度去睇, 被淘汰既唔係行業, 而係無競爭力既公司, 或者係失去合理市場需求既產品.

好簡單一個例子, 依家市場既 "化石燃料" (Fossil Fuel Energy) 車輛的供求已達飽和. 但係如果有 "另類燃料" (Alternative Energy) 車輛研製到價格上可以成功取代 "化石燃料" 車輛的話...

市場對於生產力既要求會係爆炸性.

物競天擇係天理, 政府可以立法, 短期無問題, 長期一定出事, 始終唔可以同個天鬥.

作者: Rainybreeze 時間: 2008-12-22 16:00

引用:

原帖由 ray1129 於 2008-12-22 14:57 發表

咁你認為中國現在應否動用國庫趁低收購美國汽車業和銀行?

對或錯都好, 中央每一個動作都有動機, 目的.

反問一句, 中國動用國庫趁低收購美國汽車業和銀行目的可在?

作者: ivan99 時間: 2008-12-22 16:16

引用:

原帖由 KMY89 於 2008-12-8 00:36 發表
坐擁巨額外滙，何不趁低價收購美國汽車業和銀行？

這是有價值的好投資。

美國汽車業和銀行，是負資產，係成本與成品不相稱的，美國汽車，成本高，質素低，已被自由市埸淘汰，收購美國汽車業，等同担沙塞海。

作者: ray1129 時間: 2008-12-22 16:29

引用:

原帖由 Rainybreeze 於 2008-12-22 04:00 PM 發表

對或錯都好, 中央每一個動作都有動機, 目的.

反問一句, 中國動用國庫趁低收購美國汽車業和銀行目的可在?

唔係問錯對? 亦唔係想討論中國動用國庫趁低收購美國汽車業和銀行目的可在？

因為事情錯與對，每個都有佢自己的睇法，所以只是想看看你的觀點。

加上事情都未曾發生，根本無從探討其目的。

如真有興趣圍繞這個thread的主題吹吓水嘅話，不如講講你的睇法。

[ 本帖最後由 ray1129 於 2008-12-23 10:11 編輯 ]

作者: Rainybreeze 時間: 2008-12-22 17:28

引用:

原帖由 ray1129 於 2008-12-22 16:29 發表
唔係問錯對? 亦唔係想討論中國動用國庫趁低收購美國汽車業和銀行目的可在？

因為事情錯與對，每個都有佢自己的睇法，所以只是想看看的你的觀點。

加上事情都未曾發生，根本無從探討其目的。

如真有興趣圍繞這個thread的主題吹吓水嘅話，不如講講你的睇法。

等等, 响吹水前, 唔該比我搞清楚.

之前貼上,"...但係要權衡時勢大局, 而作出政策, 個人覺得張教授未能勝任..."

唔少張教授既文章,只要細心一睇, 就會發現張教授作出既政策意見, 都只可以學術上吹水用, 因為佢既分析好多時候都漠視左現實條件.

特別係現實世界中, 國策上, 經濟問題同政治問題係唔可以分割而定策.

當你問,"咁你認為中國現在應否動用國庫趁低收購美國汽車業和銀行?", 就好似70年代時問,"應否幫助修建非洲坦贊鐵路"

你係問緊, "個人意見認為中國應如何運用國家資源!!", 如果唔評估目的或者動機, 又點知道個政策係咪符合國家策略而作出取捨?

幫助修建非洲坦贊鐵路已經發生左, 但係70年代時問應否幫助修建非洲坦贊鐵路, 正當中國一窮二白, 你會點答?

作者: 飛毛腿 時間: 2008-12-22 18:18

引用:

原帖由 ivan99 於 2008-12-22 16:16 發表

美國汽車業和銀行，是負資產，係成本與成品不相稱的，美國汽車，成本高，質素低，已被自由市埸淘汰，收購美國汽車業，等同担沙塞海。

美國汽車業和銀行，是負資產，係成本與成品不相稱的 = 香港

作者: 屍屠華 時間: 2008-12-22 18:39

叫啲自由經濟学教授買晒佢囉

叫呀張五常買咗佢囉....

美国佬邊有咁好死,唔掂都唔賣

HSBC 就買咗Household 入錯貨,死人美国佬邊有咁好死?

[ 本帖最後由屍屠華於 2008-12-22 18:47 編輯 ]

作者: ray1129 時間: 2008-12-22 18:58

引用:

原帖由 Rainybreeze 於 2008-12-22 05:28 PM 發表

等等, 响吹水前, 唔該比我搞清楚.

之前貼上,"...但係要權衡時勢大局, 而作出政策, 個人覺得張教授未能勝任..."

唔少張教授既文章,只要細心一睇, 就會發現張教授作出既政策意見, 都只可以學術上吹水 ...

第一，並非問你「個人意見認為中國應如何運用國家資源？」咁闊，只是問「中國現在應否動用國庫趁低收購美國汽車業和銀行?」

第二，你硬係要我估件事嘅目的或者動機，真係唔識答喎。

情形就好似咁，我聽到有人話：「周街都係屎，不如執幾舊番去食！」
我就話：「喂，屎唔適合人食喎！」
但你卻跳出來說：「咪住，係討論人應唔應該食屎之前，要攪清楚果個人食屎的目的！」

如果勉強要估，咁唯有估佢可能覺得屎既好食又有益啦。

又如果你堅持一定要估咗中央的動機先。咁我估.......

一）中央可能覺得價錢吸引。
二）啲技術資產好吸引。
三）可以利用呢個機會加強對美國汽車、及金融業的滲透及控制。

你睇下中意邊個，自已揀啦。若然無個中，我再諗過。

[ 本帖最後由 ray1129 於 2008-12-23 10:09 編輯 ]

作者: ray1129 時間: 2008-12-22 19:08

引用:

原帖由 ivan99 於 2008-12-22 04:16 PM 發表

美國汽車業和銀行，是負資產，係成本與成品不相稱的，美國汽車，成本高，質素低，已被自由市埸淘汰，收購美國汽車業，等同担沙塞海。

完全同意。

在過去幾年經濟繁榮期，三大車廠都唔能夠賺得足夠利潤去應付呢次危機，真係醫噃都無用！

至於果幾間金融機構嘅風險管理認真麻麻，執到都有「牌」攪。

作者: 屍屠華 時間: 2008-12-22 19:09

我就唔會揀...

美国車啲技術現在都夠引唔夠日本仔好
工會勢力咁大...做又36唔做又36
幫助美国佬,佢都唔會多謝你,佢得閒都會插你幾刀...

中日買咗咁多美国政府債劵,不如話考慮收購美国政府

幫助非洲建鐵路,起碼非洲唔會成日插你幾刀

[ 本帖最後由屍屠華於 2008-12-22 19:24 編輯 ]

作者: ray1129 時間: 2008-12-22 19:31

引用:

原帖由 屍屠華 於 2008-12-22 07:09 PM 發表
我就唔會揀...

美国車啲技術現在都夠引唔夠日本仔好
工會勢力咁大...做又36唔做又36
幫助美国佬,佢都唔會多謝你,佢得閒都會插你幾刀...

中日買咗咁多美国政府債劵,不如 ...

係呀！應唔應該賣？可從經濟效益或政治利益兩方面諗。同自由經濟一啲關係都無。

你終於醒喇。

作者: 屍屠華 時間: 2008-12-22 19:34

張五常是自由經濟学派,你終於仲未醒

[ 本帖最後由屍屠華於 2008-12-22 19:44 編輯 ]

作者: 屍屠華 時間: 2008-12-22 19:48

仲有好多港人成日話張五常可攞諾貝爾經濟獎,一年又一年,起講咗十几年..唔知幾時攞呢?可能佢而家掛住長住深圳很忙.....
連未來諾貝爾經濟獎得主都慶祝深圳特區改革開放30週年

作者: ray1129 時間: 2008-12-22 19:49

引用:

原帖由 屍屠華 於 2008-12-22 07:34 PM 發表
張五常是自由經濟学派,你終於仲未醒

咁張五常是否自由經濟学派同應唔應該買又有乜嘢關係呢？

作者: 屍屠華 時間: 2008-12-22 20:00

美国佬成日提倡自由經濟,但係佢哋又救市,十年前亞洲金融風暴後,這班人狂鬧香港入市干預...而家美国猛救市干預自由市場佢哋又唔出一句聲,佢哋真係好可愛

[ 本帖最後由屍屠華於 2008-12-22 20:02 編輯 ]

作者: ray1129 時間: 2008-12-22 20:04

引用:

原帖由 屍屠華 於 2008-12-22 08:00 PM 發表
美国佬成日提倡自由經濟,但係佢哋又救市,十年前亞洲金融風暴後,這班人狂鬧香港入市干預...而家美国猛救市干預自由市場佢哋又唔出一句聲,佢哋真係好可愛

係好可愛呀。咁同應唔應該買有乜嘢關係呢？

作者: 屍屠華 時間: 2008-12-22 20:09

因為現在美国政府積極干預打救三大車廠

[ 本帖最後由屍屠華於 2008-12-22 20:11 編輯 ]

作者: 屍屠華 時間: 2008-12-22 20:17

中國買了5850億美元美國債券

日本買了5732億美元美國債券

中日係咪可以收購美國政府?

作者: 屍屠華 時間: 2008-12-22 20:24 標題: 費利民死了後自由經濟跟住玩完

費利民多次質疑香港背離自由經濟原則，1998年香港爆發金融風暴，港府耗資千億入股市救亡，他猛烈批評香港政府「瘋狂」(insane)、欲將香港「公有化」。
2006年，在他病逝前40天，他發表（Hong Kong Wrong）一文，抨擊香港政府令「積極不干預」制度夭折，是香港的「悲哀」，令香港「不再是自由經濟的閃亮象徵」。

作者: public59 時間: 2008-12-22 21:29

引用:

原帖由 屍屠華 於 2008-12-22 20:24 發表
費利民多次質疑香港背離自由經濟原則，1998年香港爆發金融風暴，港府耗資千億入股市救亡，他猛烈批評香港政府「瘋狂」(insane)、欲將香港「公有化」。
2006年，在他病逝前40天，他發表（Hong Kong Wrong）一文，抨擊 ...

引用梁家傑所說, 激到費利民死在到要番生

作者: 屍屠華 時間: 2008-12-23 01:19

梁家傑應該去鬧吓布殊...激到費利民死在到要番生

作者: Rainybreeze 時間: 2008-12-23 15:08

引用:

原帖由 ray1129 於 2008-12-22 18:58 發表

第一，並非問你「個人意見認為中國應如何運用國家資源？」咁闊，只是問「中國現在應否動用國庫趁低收購美國汽車業和銀行?」

ok, 都通既, 國家依家話要用4萬憶救經濟, 經省市鎮地方政府響應救市金額會去到18至22萬憶. (07年全年國家國民生產總值係大概24~25萬憶.) 用三兩萬憶去收購美國汽車業和銀行都唔係咁大不了, 都可以話"唔係"運用國家資源咁闊.

引用:

原帖由 ray1129 於 2008-12-22 18:58 發表

第二，你硬係要我估件事嘅目的或者動機，真係唔識答喎。
情形就好似咁，我聽到有人話：「周街都係屎，不如執幾舊番去食！」
我就話：「喂，屎唔適合人食喎！」
但你卻跳出來說：「咪住，係討論人應唔應該食屎之前，要攪清楚果個人食屎的目的！」
如果勉強要估，咁唯有估佢可能覺得屎既好食又有益啦。

咁快搬d屎屎尿尿比大家見識, 閣下要意譯(Paraphrase)討論到"食屎"都唔係問題, 呢d個人喜好大家都可以明白. 但係都要做到忠於原著, 邏輯要執執, 如下.

情形就好似咁，ray1129聽到有人話：「周街都係屎，不如抽時間執幾舊番！」(抽時間係用緊資源)
但breezydrive卻跳出來說：「咪住，係討論人應唔應該執屎之前，要攪清楚果個人執屎的目的！」
ray1129就話：「如果勉強要估，咁唯有估佢可能覺得屎既好食又有益啦。」

"勉強,硬係要"吹水? 唔該, 唔同意咪大大聲聲講唔同意, 有咩所謂. 呢個世界有強姦無侷賭, 吹水都吹到勉強, 就唔係咁幸福. 硬吹都幾傷身.

作者: ivan99 時間: 2008-12-23 15:48

引用:

原帖由 ray1129 於 2008-12-22 19:08 發表

完全同意。

在過去幾年經濟繁榮期，三大車廠都唔能夠賺得足夠利潤去應付呢次危機，真係醫噃都無用！

至於果幾間金融機構嘅風險管理認真麻麻，執到都有「牌」攪。

所謂三大車廠，不單養一班現職高薪員工，更要養埋一班已退休員工，好似國企一樣，美國政府怕佢冧後，嗰班友要咬綜援，但要救，又救得一時，唔夠得一世，正係救又死，唔救又死；其實，汽車業不是夕陽，只是困境，不過，美國汽車業是死路一條，好似香港亞洲電視一樣，純商業因素計，買佢等同担沙塞海。

作者: public59 時間: 2008-12-23 15:53

引用:

原帖由 屍屠華 於 2008-12-23 01:19 發表
梁家傑應該去鬧吓布殊...激到費利民死在到要番生

可惜費利民死得早, 如果佢尚在, 真想知他又有甚麼偉論

作者: FXO 時間: 2008-12-23 16:44

引用:

原帖由 屍屠華 於 2008-12-22 18:39 發表
叫啲自由經濟学教授買晒佢囉

叫呀張五常買咗佢囉....

美国佬邊有咁好死,唔掂都唔賣

HSBC 就買咗Household 入錯貨,死人美国佬邊有咁好死?

人地張五常又無係呢度吹, 做乜叫人買?

點解你唔叫 KMY 買左佢呢,

佢咁識經濟,

係佢提議中國應該趁低收購美國汽車業和銀行

作者: ray1129 時間: 2008-12-23 19:42

引用:

原帖由 ivan99 於 2008-12-23 03:48 PM 發表

所謂三大車廠，不單養一班現職高薪員工，更要養埋一班已退休員工，好似國企一樣，美國政府怕佢冧後，嗰班友要咬綜援，但要救，又救得一時，唔夠得一世，正係救又死，唔救又死；其實，汽車業不是夕陽， ...

同意。如果現行員工福利和工會勢力不大幅削減，泵幾多水都係死路一條。加上美國接住四年係民主黨執政，睇唔到呢方面會有什麽改善，若然以主權基金或國企入股，說不定又鬧出甚麼中國威脅論等政冶風波。

作者: ray1129 時間: 2008-12-23 20:03

引用:

原帖由 Rainybreeze 於 2008-12-23 03:08 PM 發表

ok, 都通既, 國家依家話要用4萬憶救經濟, 經省市鎮地方政府響應救市金額會去到18至22萬憶. (07年全年國家國民生產總值係大概24~25萬憶.) , 都可以話"唔係"運用國 ...

如果覺得太早用屎做比喻唔好嘅話，咁改用垃圾。

引用:

"勉強,硬係要"吹水? 唔該, 唔同意咪大大聲聲講唔同意, 有咩所謂. 呢個世界有強姦無侷賭, 吹水都吹到勉強, 就唔係咁幸福. 硬吹都幾傷身.

唔同意你「用三兩萬憶去收購美國汽車業和銀行都唔係咁大不了」，因為總唔能夠因為時間多的是，而去通街執垃圾。

唔係覺得同你吹水係勉強，只係唔知點樣由估計中央的意圖去切入大家嘅討論？

其實，我到依家都未攪不清楚你係同意還是反對？

[ 本帖最後由 ray1129 於 2008-12-23 20:11 編輯 ]

作者: ray1129 時間: 2008-12-23 20:09

引用:

原帖由 屍屠華 於 2008-12-22 08:09 PM 發表
因為現在美国政府積極干預打救三大車廠

對唔住，都仲係唔明白同中央應否買有乜嘢關係，可否解釋一下？

作者: 理魯竇 時間: 2008-12-24 02:11

其實中國買外國車廠早有前科，
年前南京汽車廠就買起英國MG車廠，
重成間拆散搬返中國。

但最弊現在唔知點先叫做低價，
分分鐘低處未算低，
仲有間廠就話可以買，
但 D 人就要唔落，

唔知可唔可以淨係買廠唔買人呢？

作者: public59 時間: 2008-12-24 13:03

引用:

原帖由 理魯竇 於 2008-12-24 02:11 發表
其實中國買外國車廠早有前科，
年前南京汽車廠就買起英國MG車廠，
重成間拆散搬返中國。

但最弊現在唔知點先叫做低價，
分分鐘低處未算低，
仲有間廠就話可以買，
但 D 人就要唔落，

唔知可唔可以淨係買廠 ...

同意.
買不買美國三大車廠和銀行,
重要是看對方開出甚麼的條件.

作者: CAB 時間: 2008-12-24 13:44

過渡性貸款是有跌序執笠的開始：先節流，減一部份人；然後合併，再減；然後都唔掂，收檔。

一下子倒閉承受不了。

作者: Rainybreeze 時間: 2008-12-26 17:15

引用:

原帖由 理魯竇 於 2008-12-24 02:11 發表
其實中國買外國車廠早有前科，
年前南京汽車廠就買起英國MG車廠，
重成間拆散搬返中國。

但最弊現在唔知點先叫做低價，
分分鐘低處未算低，
仲有間廠就話可以買，
但 D 人就要唔落，

唔知可唔可以淨係買廠 ...

南京汽車個故事仲有下文,

南汽雄心勃勃計劃在美國Ardmore Airpark, Oklahoma 建廠, 打入美國市場.

但係實力不足下, 左發右大. 結果, 2007年底比上汽"併購"(好聽一句), (唔好聽一句,事實就比人"食左")

Ardmore 建廠胎死腹中, 反而响英國 longbridge 工廠重開.

無錯, 由英國重成間拆散搬返中國, 3年後到英國重開.

作者: Rainybreeze 時間: 2008-12-26 17:39

引用:

原帖由 CAB 於 2008-12-24 13:44 發表
過渡性貸款是有跌序執笠的開始：先節流，減一部份人；然後合併，再減；然後都唔掂，收檔。

一下子倒閉承受不了。

個局係好正路.

不過依家睇落去, 似會係用做改革機會既多一d.

GM係美國重要既 military contractor. 應該唔會咁容易比佢執,

Ford始終係家族生意, 管理同財技手法仍然係專注响汽車業上. 暫時佢都唔洗要政府錢.
http://info.detnews.com/video/index.cfm?id=1189 (Ford 版本既 TPS, Toyota Production System)

Chrysler 自從 Benz 同佢回購d股票之後, 都無點留意.

作者: 愛國嫩雞 時間: 2009-1-6 18:36

引用:

原帖由 KMY89 於 2008-12-8 00:36 發表
坐擁巨額外滙，何不趁低價收購美國汽車業和銀行？

這是有價值的好投資。

中國還可入股聯合國。而家十三億人大國，只交三個巴仙會費。再加百分四十八，就成大股東。就可控制全世界。除了台灣。因為台灣不是聯合國會員國。

[ 本帖最後由愛國嫩雞於 2009-1-6 18:38 編輯 ]

作者: CAB 時間: 2009-1-6 22:42

美國連聯合國年費都唔交。自從知道這消息後，我就再沒有捐錢俾聯合國兒童基金。

作者: Georgio 時間: 2009-1-8 08:46

引用:

原帖由 KMY89 於 2008-12-8 00:36 發表
坐擁巨額外滙，何不趁低價收購美國汽車業和銀行？

這是有價值的好投資。

Good idea!

但是對於美國員工的薪資會是成功與否的一大變數. 若是坐勇高薪的高階美國員工薪資福利不能妥善處理, 買來會是一大問題.

歡迎光臨香港 Xocat Forum 討論區 (http://p.xocat.com/p/)