香港 Xocat Forum 討論區 - Powered by Discuz! Board

標題: 明愛醫院交代病人門外失救事件 [打印本頁]

作者: 一枝公 時間: 2008-12-21 18:03 標題: 明愛醫院交代病人門外失救事件

(星島)12月21日星期日 16:45
明愛醫院交代病人門外失救事件，行政總監認為，職員已盡力。
明愛醫院發言人表示，昨日一名男子，於永康街暈倒。職員建議家屬打九九九，安排救護車到場，做法合符醫院指引，食物及衛生局已經要求明愛交報告。院方強調，病人接受急救時已無脈搏。
急症室主管吳奎解釋，職員按指示去做，建議最好是即時致電999，是救護病人最好的辦法。

如果死者係急症室主管吳奎親屬、個位職員會唔會按指示去做，建議吳奎親屬最好是即時致電999呢？人命就係俾一位一般常識唔曉既職員奪去！

換句話來講、某人在警局附近被劫、到警局報案遇到清潔大嬸、唔知大嬸會唔會建議最好是即時致電999，是對被劫者最好的辦法？

作者: 屍屠華 時間: 2008-12-21 18:45

真係丟面
明愛真丟面

天主教真丟面

陳日君真丟面

最好祈禱,天主保佑

[ 本帖最後由屍屠華於 2008-12-21 18:54 編輯 ]

作者: 屍屠華 時間: 2008-12-21 19:16

点解唔見咗班信天主教嘅政棍出來鬧?

狀棍/政棍又有生意,可以去幫人申請法援告明愛醫院

作者: 至尊豪庭9 時間: 2008-12-21 19:47

提示: 作者被禁止或刪除內容自動屏蔽

作者: 屍屠華 時間: 2008-12-21 19:56

醫院每日有几多人死呀?

作者: 至尊豪庭9 時間: 2008-12-21 20:00

提示: 作者被禁止或刪除內容自動屏蔽

作者: 八皇爺 時間: 2008-12-21 21:25

引用:

原帖由 屍屠華 於 2008-12-21 11:56 發表
醫院每日有几多人死呀?

人到了醫院就絕對不會死。

作者: Rainybreeze 時間: 2008-12-21 22:54

東方日報專訊 2008-12-21
… 眾人在醫院外等候救援時，明愛醫院一名姓韋的外科醫生上班途經，立即上前替楊施予逾十分鐘心外壓搶救，…救人的韋醫生目送楊被送上救護車，他無奈地表示：「我完全冇工具，連氧氣樽都冇，希望佢（楊）冇事啦」….

明報專訊 2008-12-21
… 西九龍立法會議員 "涂謹申" 則指途經現場的醫生判斷不當，「為何不直接用輪椅或病牀推病人上急症室？」他認為，即使該醫生致電求助，也不應先致電報警，「應打回去醫院（明愛）叫人下來幫忙，總比救護車快」 …

我唔知道韋醫生做得對或錯, 不過我絕對相信韋醫生係有德醫既仁心.

我亦都唔知道涂議員說得對或錯, 不過我絕對相信涂議員對香港社會既偽善風氣貢獻功不可沒.

作者: public59 時間: 2008-12-21 23:18

引用:

原帖由 至尊豪庭9 於 2008-12-21 19:47 發表

對呀,醫院係救人地方,全港市民係唔容許有人0係醫院內死亡的!

我覺得應該不容許因官僚制度導致病人在醫院內死亡

作者: ali 時間: 2008-12-21 23:42

引用:

原帖由 Rainybreeze 於 2008-12-21 22:54 發表
東方日報專訊 2008-12-21
… 眾人在醫院外等候救援時，明愛醫院一名姓韋的外科醫生上班途經，立即上前替楊施予逾十分鐘心外壓搶救，…救人的韋醫生目送楊被送上救護車，他無奈地表示：「我完全冇工具，連氧氣樽都冇 ...

點解眾人寧花時間在醫院門外等救援，都唔集眾人之力直接抬病者入急症室？

我絕對相信涂議員對香港社會既偽善

作者: 屍屠華 時間: 2008-12-21 23:44

涂議員又可叫人申請法援,揾佢告明愛醫員

作者: 八皇爺 時間: 2008-12-22 11:31

引用:

原帖由 Rainybreeze 於 2008-12-21 14:54 發表
東方日報專訊 2008-12-21
… 眾人在醫院外等候救援時，明愛醫院一名姓韋的外科醫生上班途經，立即上前替楊施予逾十分鐘心外壓搶救，…救人的韋醫生目送楊被送上救護車，他無奈地表示：「我完全冇工具，連氧氣樽都冇 ...

眾人在醫院外等候救援都唔識將病人抬去急症室，事後怪醫院有屁用，不如告馬會呀，死者因贏馬導致心臟病發。

作者: 理魯竇 時間: 2008-12-22 12:10

有一樣野好唔明白，
既然已經將病人車到醫院詢問處，
爭幾步路都唔車去急症室？

作者: 無神論狂徒 時間: 2008-12-22 16:35

其實我睇完報紙都睇唔到邊要負責任，因為資料不足，佢果度好似冇儀器救佢，所以職員只可以做的係急召醫生同護士，報紙冇話佢有冇咁做，但點都好，兩分左右已經有個見義勇為的醫生去搶救了！
個職員仲可以找人抬佢去急症室或有儀器的地方救個病人，但係問題係咁做係咪聰明之舉呢？好似話離急症室都幾遠吓！用救護車可能真係除苯有精，會快啲！呢度又有得商確係咪真係有人判斷錯誤！
而成件事個病人唔見得遲救了，如果佢當初真係一去去左急症室，可能會好啲，但係佢又去錯咗，你可以話佢醫院冇足夠路標，又可以話個的士司機唔專業累死條人命！但係佢去錯地方係事實，咁就要用最好的方法送佢入院，叫白車送佢去睇急症係咪一個最好的方法呢？呢度要更多資料做分析，好難講邊個錯！
但係點都好，响醫院叫白車送病人入醫，又真係違反一般大眾的視為理所當然的謊謬事，你一挑戰群眾恆守的價值觀及傳統及理所當然的事情，無論你有冇道理，下場一定不好，因為群眾是盲目的
，做公關必需要遵守這條守則！但係個職員居然叫人打九九九這個違反大眾直覺的做法，當然會被群起而攻之！佢更好的做法是靜靜雞打九九九，再向上及要求指示要求派醫生來做急救！
就我而言，我睇唔到邊個有錯，有可能只是一單普通病死人的事情！

作者: ivan99 時間: 2008-12-22 16:47

引用"就我而言，我睇唔到邊個有錯，有可能只是一單普通病死人的事情！"
錯在明愛行政總監，就算要維護個職員，都要低調。

[ 本帖最後由 ivan99 於 2008-12-22 16:48 編輯 ]

作者: kcpw0n 時間: 2008-12-22 17:26

飯民政客要出位,一定乜都鬧架啦!!!
如果說硬性指引是負累那麼沒有指引又是否沒有批評呢!!!
肯定俾果 d 只識齋嘅飯民政棍鬧到福街啦!!!!
說成什麼沒危機處理指引,草菅人命.
政棍是無恥,回應是無奈!!!!!
吹吓水,抹吓嘴
算把啦!!!!!

作者: 飛毛腿 時間: 2008-12-22 17:35

港燦成日恥笑大陸醫院要先交錢後治人
而港燦就要先打999按程序送院先救人
其實大家都係按 " 指引" 辦事
五十步笑百步又一實證

作者: Rainybreeze 時間: 2008-12-22 18:06

引用:

原帖由 無神論狂徒 於 2008-12-22 16:35 發表
其實我睇完報紙都睇唔到邊要負責任，因為資料不足，佢果度好似冇儀器救佢，所以職員只可以做的係急召醫生同護士，報紙冇話佢有冇咁做，但點都好，兩分左右已經有個見義勇為的醫生去搶救了！
個職員仲可以找人抬佢去 ...

東方有句咁既說話,"楊子救父心切，跑進懷明樓地下大堂，向詢問處職員求助，要求通知醫護人員前來幫手，期間有人稱:'唔關我o地事，醫生好多o野做，呢度冇醫生'..", 不過睇tvb新聞訪問時候, 楊子說(大概),"我點知道詢問處職員點講, 我當時响到急救緊我亞爸..."

大家都只可以基於道聽塗說來評論, 唔知真假, 香港d高質素傳媒同d高質素議員一样都係為恐天下不亂.

作者: 飛毛腿 時間: 2008-12-22 18:14

引用:

原帖由 Rainybreeze 於 2008-12-22 18:06 發表

東方有句咁既說話,"楊子救父心切，跑進懷明樓地下大堂，向詢問處職員求助，要求通知醫護人員前來幫手，期間有人稱:'唔關我o地事，醫生好多o野做，呢度冇醫生'..", 不過睇tvb新聞訪問時候, 楊子說(大概),"我點知道詢 ...

以客觀事實睇就知道大概
個病人攤喺路邊, 距離醫院入口十幾步路
最後要由旺角消防局派救護車去深水埗青山道明愛醫院門口接病者 ! ....仲塞車 !
搞一輪轉而叫醫院駐院救護車出動

如果當時醫院派出一個醫生;兩個看護先急救
到頭來都係救唔到個病人.....大家就無可指責

作者: 理魯竇 時間: 2008-12-22 18:48

可能一開始在第一現場打 999 叫白車仲適當些，
起碼唔會去錯地方令到反為耽誤時間，
老實講
如果病人情況危急，
自己有無專業知識，
真係唔敢落手去救，
只可以幫手叫白車，
有事容乜易又賴埋你。

作者: peninsula 時間: 2008-12-22 22:01

引用:

原帖由 屍屠華 於 2008-12-21 19:56 發表
醫院每日有几多人死呀?h:" />

He may die anyway but must put up a better show ma.

作者: public59 時間: 2008-12-22 22:10

引用:

原帖由 ivan99 於 2008-12-22 16:47 發表
引用"就我而言，我睇唔到邊個有錯，有可能只是一單普通病死人的事情！"
錯在明愛行政總監，就算要維護個職員，都要低調。

那個職員都是按"指引"辦事
只不過不夠flexible, 但要一個普通職員flexible 運用指引, 可能有點難度
就算fire在那個職員, 但那些恐天下不亂的議員/傳媒都會繼續追究落去

作者: ali 時間: 2008-12-22 22:34

真是好想知道「建議家屬打九九九」那位明愛職員的9樣

另外
好9議員涂謹申應趁機呼籲有病或冇病的市民，出街要帶備輪椅或有車鹿車鹿的東西，
如購物車、木頭車、BB車、有車鹿鞋之類，萬一病發可以即時推病人上急症室或就近醫院、診所。」

作者: 八皇爺 時間: 2008-12-23 01:54

泛民議員又可以引用《權力及特權法》調查明愛醫院事件，再嚴利譴責明愛醫院的醫生、護士、職員冷血，要求醫管局高官下台，對相關人員進行紀律處份。

作者: CAB 時間: 2008-12-23 20:47

引用:

原帖由 飛毛腿 於 2008-12-22 17:35 發表
港燦成日恥笑大陸醫院要先交錢後治人
而港燦就要先打999按程序送院先救人
其實大家都係按 " 指引" 辦事
五十步笑百步又一實證

香港人現在的質素低了很多，以往的靈活變通已蕩然無存，反智的笑話每天層出不窮…

作者: 毛球 時間: 2008-12-23 21:36

晌呢件事上, 我覺得好幾方面都有責任.

- 明愛職員未有積極提供協助向有關部門要求救援安排.
- 急救服務運作僵化削弱行動效率.
- 楊子及司機沒想辦法將父親直接送到急症室, 必然耽誤時間, 即使司機不識路, 中途可轉的士應可最快到達.

當中明愛職員受公眾譴責最深, 卻又很無辜. 環觀每天在我身邊擦過的人, 公司裏, 街道上, 交通工具上, 可能超過一半人都是一樣. 最簡單讓座給老弱, 一個車廂12個坐著的有年輕有精壯, 2個公公婆婆上車, 最多只會有1個好心的人讓座, 其餘的假寐, 眈天, 望地, 聽歌, 講電話, 無視, 香港人係咪真係咁樂意助人, 冇利益冇責任有幾多個會出力? 我唔係話冇人做到, 不過公眾傳媒群聲譴責之時, 係咪個個都係咁熱血?

作者: 理魯竇 時間: 2008-12-24 01:57

楊先生在喪父之痛之餘，
亦應想一想自己有無不足之處，
將全部責任推在他人身上，
亦好無陰功。

作者: 突手憎任拳 時間: 2008-12-24 02:27

引用:

原帖由毛球於 2008-12-23 21:36 發表
晌呢件事上, 我覺得好幾方面都有責任.

- 明愛職員未有積極提供協助向有關部門要求救援安排.
- 急救服務運作僵化削弱行動效率.
- 楊子及司機沒想辦法將父親直接送到急症室, 必然耽誤時間, 即使司機不識路, 中途可 ...

我覺得其實醫院都幾無辜無諗過個詢問處職員噤無正義感打個999有幾難

仲有我諗當時在場一定唔止楊子司機及明愛職員如果香港人個個熱心幫人三兩個人一齊抬楊父入急診室
可能最後既結果都係一樣但係至少大家都覺得係香港居住都有一種互助互愛既安全感

所以我覺得醫療制度幾好都假唔通用金錢推動員工樂於幫人?! 社會既風氣差做咩都會有問題

[ 本帖最後由突手憎任拳於 2008-12-24 02:33 編輯 ]

作者: 飛毛腿 時間: 2008-12-24 13:57

引用:

原帖由毛球於 2008-12-23 21:36 發表
一個車廂12個坐著的有年輕有精壯, 2個公公婆婆上車, 最多只會有1個好心的人讓座, 其餘的假寐, 眈天, 望地, 聽歌, 講電話, 無視, 香港人係咪真係咁樂意助人 ...

我見過好多次, 有大肚婆, 或抱住小孩女人企喺地鐵車廂冇人讓座
其他劣等人都算喇
最難理解係多數中年婆娘都會視若無睹
佢地自己做過大肚婆, 抱過細路搭交通工具, 應該感同身受.....

所以一聽到有口水佬, 民主

植物人自吹咩香港係成熟公民社會, 乜卵先進城市....
我就會發出極端鄙夷冷笑

作者: peninsula 時間: 2008-12-24 21:57

引用:

原帖由 public59 於 2008-12-22 22:10 發表
那個職員都是按"指引"辦事
只不過不夠flexible, 但要一個普通職員flexible 運用指引, 可能有點難度
就算fire在那個職員, 但那些恐天下不亂的議員/傳媒都會繼續追究落去

Will not help!

作者: 無神論狂徒 時間: 2008-12-28 11:34

好多人都會大力狠批呢ｄ所謂喪心病狂的唔讓位的人渣，但係我唔係咁睇，試問你坐公車，會唔會打起十二分精神𥄫著邊個要讓坐丫！我好肯定冇幾多人會在坐車時做呢樣嘢，上得車，老虎蟹都抖抖先啦！最好眠一眠，一係聽下歌仔，再唔係發下白日夢，因為車上冇乜嘢好做，最好休息一下！講得休息梗係放鬆精神啦！仲點會花精神留意身邊人同事丫！
再講個個都話ｄ人係扮聽歌，扮瞓覺，你地點解咁肯定佢地係「扮」呢，點解唔可以係真呢？
我只覺得做人唔好下下諗得咁負面，成日猜度人邊度唔好果度唔得！
我信好多人係真係瞓覺，真係聽歌，真係發白日夢，香港人唔係真係咁冷血，少數個冷血例子，一定摷到，但係大部份香港唔係咁人渣，我信係咁！
有時有事發生，好多人明顯見到而唔幫手，亦不能講佢地係冷血，呢個係心理現象，係責任份散的心理現象！
我睇唔到香港人係冷血的，否則當年南亞海嘯，香港冇可能做到全球人均最高捐款金額！假僧人同乞兒都成人嚟香港搵食！

作者: Rainybreeze 時間: 2008-12-29 19:32

其實不妨搞清楚d"問責" 呢家野.

基本上做人, 對家, 對社會, 或者對自己係三種責任, 1.法律上 2.求生利益上, 3.道德上

個體可以因為失責响法律責任上, 而受到法律制裁或懲罰.

响自由市場經濟下, 大原則係唔犯法, 求生利益上就可以做.

至於道德責任上, 只要識玩手段, 最大不了咪比人手指指. 仲可以聲大夾惡講, "我又無犯法,打999呀! 個"醜"字點寫? 關我叉事!"

-MTR唔讓大肚婆..., 仲有

-父母打仔女要座監.

-學生問候老師個老母上utube

-做雞比人打劫,街坊都當睇唔倒

-投資輸錢?遊行示威

-人工少?罷工示威

-幾十人睇住個小朋友响水池浸死

香港個社會架構依家係 "法, 理, 情". 法律行頭, 所以如果有人要以法律依歸辦事, 某程度上, 都要諒解.

法律責任有法官把關. 咁求生利益,道德責任又點? 以前有老人家既家教同吳楚帆白燕既粵語長片. 依家有民主既議員同言論自由既傳媒.

唔係開玩笑, 道德責任係一種社會風氣, 正氣. D議員同傳媒應該係高文化水準人民喉舌代表, 佢地絕對有道德責任去帶領社會風氣. 但係呢D議員同傳媒又有無盡責?

人情漠不關心, 自求多福. 算唔算冷血.

作者: 毛球 時間: 2008-12-30 01:51

引用:

原帖由 無神論狂徒 於 2008-12-28 11:34 AM 發表
好多人都會大力狠批呢ｄ所謂喪心病狂的唔讓位的人渣，但係我唔係咁睇，試問你坐公車，會唔會打起十二分精神𥄫著邊個要讓坐丫！我好肯定冇幾多人會在坐車時做呢樣嘢，上得車，老虎蟹都抖抖先啦！最好眠一眠，一 ...

咩人"大力狠批呢ｄ所謂喪心病狂的唔讓位的人渣", 你係咪睇得報紙太多?

作者: 無神論狂徒 時間: 2008-12-30 16:01

哈!我只係用了中文中的誇張法啫!
騎騎騎
但係真好多人都係咁講,所以我提出我的論點啫!

作者: 屍屠華 時間: 2008-12-30 20:07

九年免費育嘛....
不懂思考,只懂背書,不懂應變............

歡迎光臨香港 Xocat Forum 討論區 (http://p.xocat.com/p/)