香港 Xocat Forum 討論區 - Powered by Discuz! Board

標題: 巴士奇遇結良緣 [打印本頁]

作者: atlantean 時間: 2009-1-12 23:00 標題: 巴士奇遇結良緣

http://www.youku.com/playlist_show/id_1225326.html

長城電影公司1978年出品，時值巴士由三人售票員過渡至一人售票以至上車入錢的年代，巴士售票員阿義的故事及經歷。本片故事雖然發生在香港，但大部份情景都在澳門拍攝，所採用的巴士也是澳門福利公共汽車公司的車輛(但塗上九龍巴士顏色)，可能是因為片中有鏡頭諷刺巴士公司老闆不理工人辛勞，所以九巴不予配合拍攝之故。

本片有大量香港及澳門的街景，也講述了巴士售票員的日常工作，及引入錢箱之後售票員面臨失業的惶恐。另外，也描寫了巴士司機在巴士由四人控制改為一人控制之後所面對的壓力。

作者: 老搜 時間: 2009-1-13 18:32

引用:

原帖由 atlantean 於 2009-1-12 23:00 發表
 http://www.youku.com/playlist_show/id_1225326.html

長城電影公司1978年出品，時值巴士由三人售票員過渡至一人售票以至上車入錢的年代，巴士售票員阿義的故事及經歷。本片故事雖然發生在香港，但大部份情景都在 ...

很有意義的寫實提材推薦, 當年九巴這樣工作模式的改變, 對當時社會來說, 確是一種大胆嘗試.
因很多九巴員工都恐怕一旦實行,會有很多職位會被淘汰.
然而, 此乃九巴總經理雷覺華自英澳帶回的改革意念.
不知市面上有沒有所述及之影碟出售, 真希望能一睹內容及順便懷舊吓.

作者: LouisLee 時間: 2009-1-14 17:14

引用:

原帖由 atlantean 於 2009-1-12 23:00 發表
 http://www.youku.com/playlist_show/id_1225326.html

長城電影公司1978年出品，時值巴士由三人售票員過渡至一人售票以至上車入錢的年代，巴士售票員阿義的故事及經歷。本片故事雖然發生在香港，但大部份情景都在 ...

六十年代有套同名黑白片, 男主角係朱江。

作者: LouisLee 時間: 2009-1-14 17:23

引用:

原帖由 atlantean 於 2009-1-12 23:00 發表
 http://www.youku.com/playlist_show/id_1225326.html

本片有大量香港及澳門的街景，也講述了巴士售票員的日常工作，及引入錢箱之後售票員面臨失業的惶恐。另外，也描寫了巴士司機在巴士由四人控制改為一人控制之後所面對的壓力。

未睇過長城版, 不過故事應該同舊版好唔同, 充斥著共產主義意識, 巴士一人控制根本係大勢所趨, 身處夕陽崗位, 唔增值轉型就一定會被淘汰!!!

作者: LouisLee 時間: 2009-1-14 21:20

引用:

原帖由老搜於 2009-1-13 18:32 發表

很有意義的寫實提材推薦, 當年九巴這樣工作模式的改變, 對當時社會來說, 確是一種大胆嘗試.
因很多九巴員工都恐怕一旦實行,會有很多職位會被淘汰.
然而, 此乃九巴總經理雷覺華自英澳帶回的改革意念.
...

原來有得睇!!!

男主角係方平, 女主角係李燕燕, 幾索, 其中一個賣飛佬係張錚。

[ 本帖最後由 LouisLee 於 2009-1-14 21:38 編輯 ]

作者: fighterplane 時間: 2009-1-14 22:06

[flash]http://player.youku.com/player.php/Type/Folder/Fid/1225326/Ob/1/Pt/0/sid/XMTExNzU4Mjg=/v.swf[/flash]

作者: LouisLee 時間: 2009-1-14 23:44

引用:

原帖由 fighterplane 於 2009-1-14 22:06 發表
 http://player.youku.com/player.php/Type/Folder/Fid/1225326/Ob/1/Pt/0/sid/XMTExNzU4Mjg=/v.swf

睇晒, 有唱衰香港成份, 九巴唔會刻薄到連個司機嘔血死都唔搵人洗下個位呀?????

難怪人地唔肯借車佢地拍戲!!!!!

作者: ko007 時間: 2009-1-15 23:40

以前的巴士,無風油駄,要載滿百多人巴士轉灣,要札起馬,少D手力都唔掂,腳制和油門,一樣咁重,楂完一轉車,落地幾乎唔嘵郁,有時超時到總站,一落完客,又要即開,吃飯趕時間,週時要吃汽水溝飯.

作者: m2a2 時間: 2009-1-18 23:22

想當年，有幾多人唔係做到嘔血？個個都係捱架啦，學呢廿年個個炒炒下咩~~
當年既意識形態係咁，以今日既意識形態去批評，似乎用錯了標準吧？呢廿年李柱銘同劉慧卿都成日去美國唱衰香港(唔係我講架，係一個唔多識講中文既老闆級澳藉華人講既)，又點呢？
當年我作為一個小學生都有去戲院睇呢套戲，印象深刻。
朱江果套我早幾年係電視睇過，不過而家又記唔起講乜。

作者: atlantean 時間: 2009-1-20 23:43

以前無地鐵, 九龍D巴士迫人起上黎真係載百幾二百人, 個個站都幾十人上落, 車內秩序又差, 成日有人打荷包同搶野. 一人控制車入面無售票員維持秩序, 司機又要渣車又要開關門又要睇住D人入錢, 而家標準睇當然理所當然, 但當時改革初期, 好多司機真係做到怕.

仲有, 以前巴士司機多數只得半個鐘食飯, 塞車過鐘就係咁先. 渣電車仲衰, 公司根本無俾食飯時間, 帶住盒飯渣車, 停紅燈先可以拎起扒幾啖, 一盒飯食成個鐘.

作者: bobbystar2100 時間: 2009-1-21 21:53

引用:

原帖由 LouisLee 於 2009-1-14 23:44 發表

睇晒, 有唱衰香港成份, 九巴唔會刻薄到連個司機嘔血死都唔搵人洗下個位呀?????

難怪人地唔肯借車佢地拍戲!!!!!

講真響果個年代，反而係長、鳳、新呢類電影公司拍最多講述小巿民、勞苦大眾生活既電影，你話有政治意識響入面，我而覺得無問題和，難道反映現實，諷刺一下不理勞工疾苦的財團都有錯嘛？

樓上的，唔理你鐘唔鐘意共產主義也好，敢問一聲，你話人地部戲唱衰九巴係乜野意思呢？

作者: atlantean 時間: 2009-1-22 01:43

如果為低下階層發聲就係共產黨主義, 咁民主黨, 公民黨, 社民連全部都係共產黨.

作者: LouisLee 時間: 2009-1-22 03:28

引用:

原帖由 bobbystar2100 於 2009-1-21 21:53 發表

講真響果個年代，反而係長、鳳、新呢類電影公司拍最多講述小巿民、勞苦大眾生活既電影，你話有政治意識響入面，我而覺得無問題和，難道反映現實，諷刺一下不理勞工疾苦的財團都有錯嘛？

樓上的，唔理你鐘唔鐘意共產主義也好，敢問一聲，你話人地部戲唱衰九巴係乜野意思呢？

你有冇睇最後一幕先???

司機位成灘血冇人洗, 有冇搞錯?????

[ 本帖最後由 LouisLee 於 2009-1-22 03:32 編輯 ]

作者: LouisLee 時間: 2009-1-22 03:30

引用:

原帖由 atlantean 於 2009-1-22 01:43 發表
如果為低下階層發聲就係共產黨主義, 咁民主黨, 公民黨, 社民連全部都係共產黨.

你唔係唔知長城乜嘢背景呀???

作者: bobbystar2100 時間: 2009-1-22 11:00

引用:

原帖由 LouisLee 於 2009-1-22 03:30 發表

你唔係唔知長城乜嘢背景呀???

又如何呢？長、鳳、新當年專拍愛國或左派電影，但我覺得唔好用先入為主去睇呢類電影先。
畢竟當年呢類電影之所以有一定巿場原因，係因為響七十年代社會問題仍然很嚴峻，
勞工法例亦未盡完善，很多勞工既工作環境著實差得很，呢類帶有批判資本主義刻溥勞工成份既電影固然會受一d人歡迎係好正常。

講多樣野你地聽，我阿爺以前就係渣巴士既。
根據我阿爸憶述阿爺工作既情況：當年無地鐵既年代，很多道路響七十年代成日塞車，所以好多路線既發車密度好短，好多時一轉車剛番總站就要再開過，
但係由於實在客量太大了，天氣熱既時候，引擎響隔離已經熱死，無風油汰時轉彎既慣常用力已經可以整到隻手有肌肉勞損後遺症，
有時人太多果陣，加上天熱車汰貼地果陣個汰仲重，有時只係一個半徑唔係咁大既彎都要成個企起身轉彎，
停站上客又要經常扭扭到後面去睇埋入錢，腰扭得多都會痛；
仲有，當年好多巴士仲要用最原始既「無影腳」踏離合器轉波（非同步齒合），塞車經常轉波要吊住隻腳唔在講，有時候只要腳慢一點，離合器就會因為波箱
齒合唔到而自動彈起，引致左腳肌肉或根腱受傷。

或者無得賴啦，但我阿爺連六十七歲都未過就死了，或多或少同佢既工作有關。

呢套戲都係反映一部份既辛勞而已，希望能夠唔好用自己既政見去睇呢類電影，亦希望你明白，呢類諷刺電影就係要用呢種誇張手法先會更突出。

[ 本帖最後由 bobbystar2100 於 2009-1-22 13:14 編輯 ]

作者: atlantean 時間: 2009-1-22 22:39

巴士公司當年根本年年賺大錢, 你睇番中巴同九巴七十年代既年報就知道, 1972年隧道線一開, 搶走渡輪客, 每一條線都係一個金礦. 但巴士公司為左賺到盡, 就炒晒班售票員, 轉晒做一人控制巴士. 中華巴士仲好D, 因為好多售票員轉咗做司機, 企站, 文職, 又或者係入水員, 但九巴就真係炒咗好多.

巴士一人控制之後, 不設找贖, 對市民非常唔方便. 另外, 以前巴士有中途分段, 尖沙咀去油麻地會平過去深水埗, 取消售票員之後, 就話監察唔到, 取消晒呢D分段, 即係變相加價. 新加坡D巴士都係一人控制, 但至少佢地無取消呢類中途分段, 因為人地始終係國營事業, 唔似香港係私營.

呢件事上, 員工無咗份工, 市民要坐貴車, 又無錢找, 得益嘅只有巴士公司大老闆.

作者: atlantean 時間: 2009-1-22 22:45

引用:

原帖由 bobbystar2100 於 2009-1-22 11:00 發表
仲有，當年好多巴士仲要用最原始既「無影腳」踏離合器轉波（非同步齒合），塞車經常轉波要吊住隻腳唔在講，有時候只要腳慢一點，離合器就會因為波箱
齒合唔到而自動彈起，引致左腳肌肉或根腱受傷。

由六十年代開始, 中巴基本上所有新車已經係用「電波」(半自動波箱, 無極力子), 九巴雙層新車都係用電波, 但點知到七十年代巴士公司又走去買埋晒D五十年代造嘅英國二手車, 人地行到殘先運去香港用, 所以先至要用咁懷舊既方法去轉波.

作者: m2a2 時間: 2009-1-23 01:00

引用:

原帖由 bobbystar2100 於 2009-1-22 11:00 發表長、鳳、新當年專拍愛國或左派電影...

無左呢類「有背景」既電影公司之後，香港有幾多真係反映現實既電影？真係草根階層既生活有幾多上到大銀幕？「沉默的大多數」變成銀幕上既少數/異類。(其實套戲有幾現實呢？我覺得佢地住果間房太大喎)
結果係商業電影一支獨秀，從此與現實脫離。從來藝術同生活分離既後果只有一個，就係沒落，我諗香港電影而家咁環境，都唔可以怪晒翻版既。

如果無左結尾果灘血，我呢個當年既小學生就真係唔知果位老司機既結果，但係導演只有一個一秒左右既鏡頭，就令一個十歲左右既小朋友明白呢個現實，可以話係導演既成功。

如果無呢一秒，可以點交代呢？要影住老司機停左架車，然後嘔血(到時又會唔會仍然畀人鬧「有無搞錯！」呢？一個人嘔血既鏡頭應該會比一灘血既鏡頭更「搞錯」！)，然後影住架白車駛入醫院，再搵多幾個人扮家人，再呼天搶地，再...... 我會覺得失敗D囉。

或者唔好「唱衰」九巴(且慢，套戲有講過係「九巴」咩？)囉，個個九巴員工都老西一套，咬住支大雪茄，住大屋養番狗，咁呢套戲就「無搞錯」啦。咁要搵返李鵬飛(做戲果個)返黎做司機喎~~

[ 本帖最後由 m2a2 於 2009-1-23 01:02 編輯 ]

作者: bobbystar2100 時間: 2009-1-23 01:44

引用:

原帖由 m2a2 於 2009-1-23 01:00 發表
無左呢類「有背景」既電影公司之後，香港有幾多真係反映現實既電影？真係草根階層既生活有幾多上到大銀幕？「沉默的大多數」變成銀幕上既少數/異類。(其實套戲有幾現實呢？我覺得佢地住果間房太大喎)
結果係商業電影 ...

題外話，有乜野觀眾素質就有乜野電影電視，只要睇下今時今日「自稱代表香港既電視台」所拍既「膠劇」，裡面不問歷史、也不問現實，大家就會明白到，點解「反映現實」會同「唱衰」有關了。

其實當年九巴都係同中巴一樣，安排售票員轉職其他車務工作，企站、銀仔房、水龍王、洗車、甚至轉職做司機都有…你有得揀做與不做既。

再講多少少響老豆聽番黎既事，原來當年一人控制初期，好多司機都係鐘意渣有「食飯台」（一人售票員）既車，因為無需兼顧太多，有起事上黎多個人照應也，不過有「食飯台」賣飛都有缺點既，比如每次大班人上客果陣要好快咁收錢、找錢、出飛，好多時車開左仲有一大班人堆響門口等買飛，好易出意外；

後來九巴曾經試過一段好短既時間由英國訂左d「BELLPUNCH機械售票機」於「一人售票」既車度，上車果陣入錢入票機裡面，然後連找贖出飛，並設售票員監察情況以試驗售票機能否實行於「一人控制」，但係呢種英國式售票機實在缺點多多，有時候入左錢又無找贖、或者出唔到飛，容量太少又易食錢，最後仍要售票員自己做番。

作者: comm 時間: 2009-1-30 15:25

今天有左呢類「有背景」的十幾廿萬人工政府助理,香港有幾多真係反映倒依家的現實呀,
方向永遠不变,左就左,右是右,(死性不改)

歡迎光臨香港 Xocat Forum 討論區 (http://p.xocat.com/p/)