香港 Xocat Forum 討論區 - Powered by Discuz! Board

標題: 牛年世界新格局 [打印本頁]

作者: 飛毛腿 時間: 2009-1-31 17:42 標題: 牛年世界新格局

2009年剛過去一個月
中國人牛年剛開始

香港就冇乜好講, 亦費乜事多講
唔駛車公, 黃大仙話我地知
腦筋稍為清醒少少嘅人都知道, 香港攞硬下籤

財政司話做緊財政預算
班政棍, 社會運動家就開始吠要派糖, 開倉派米喎
好景果時就話要還富於民, 逆境時又話要開倉派米
總之班口水佬口水婆就吹噓政府就係救世主
人地美國佬就話有印銀紙大權, 而且粗粗地都有幾千隻核彈, 隱形戰機乜乜七七,船堅砲利
真係冇飯開就派兵去搶, 冇錢還就賴, 你咬佢食 ?
香港有乜 ? 有條毛 !
得一堆死淨把口民主紅衛兵, 只識日吠夜吠嘅廢柴, 擔又唔擔得, 抬又唔抬得
香港亡無日矣

都係瞄瞄外面世界發生跟乜事好過

作者: 飛毛腿 時間: 2009-1-31 18:01

地球上最失落的人

一月都未過
法國總統薩哥齊就成為最失落嘅人
舊年下半年做歐盟輪任主席時頻頻撲撲
又去調停俄格之爭, 又要拉攏各國去柴美國台, 要改革世界金融中心云...
以巴大打出手佢又要去做和事佬, 又要接見達癩喇嘛......
咁忙碌無非係要做世界頂級領袖 - 學佢法國老祖宗拿破崙
可惜佢得一樣嘢似拿破崙 - 矮
一事無成之餘仲得罪美中兩國, 偷雞唔到蝕楂米
點知前日仲後欄起火
法國全國 200個城市發生反政府示威
為法國 20年來僅見 !

做個法國領袖都做到火燒自己屎忽
仲想做世界領袖 ?

作者: 飛毛腿 時間: 2009-1-31 18:19

黃昏帝國

上兩星期商品大王 Jim Rogers 話英國 " Finished "

又話英國想賣都冇乜嘢好賣
其實都唔係嘅, 英國皇室可以賣 d 咩爵士, MBE, 勳爵之類
香港好多大英遺民恨到流口水

銀行一間接一間岌岌可危
分分鐘連我地間印銀紙銀行都要變成國企

經濟唔掂果時有所謂賤物鬥窮人
商舖要錢唔要貨
名牌都係咁話, 一於打個兩折 ! ( 80% OFF)

作者: 至尊豪庭9 時間: 2009-1-31 19:00

提示: 作者被禁止或刪除內容自動屏蔽

作者: 至尊豪庭9 時間: 2009-1-31 19:01

提示: 作者被禁止或刪除內容自動屏蔽

作者: 至尊豪庭9 時間: 2009-1-31 19:03

提示: 作者被禁止或刪除內容自動屏蔽

作者: 理魯竇 時間: 2009-1-31 19:36

引用:

原帖由 至尊豪庭9 於 2009-1-31 19:00 發表

香港有大堆西方盟友支持,定呀!

西方盟友中以英國最老友啦，
最靚最上等嘅鴉片自己都唔捨得食，
全部送晒過來遠東地區俾人食，
你係咪好感動呢？
重唔快d 去舔英國佬腳趾？

作者: 屍屠華 時間: 2009-1-31 21:11

香港有大堆西方奴才支持西方,定呀

作者: 飛毛腿 時間: 2009-1-31 21:50

共產中國建國至今年 60大壽
而大英帝國60年來就從未重視過咩中英兩國關係
無他, 二戰後英國一於傍住財主佬美國, 自己做頭馬, 架仔做太監

大佬做乜, 自己跟尾走, 睇大佬眼色做人
世界大局由大佬去發號施令, 做細佬只在旁斟茶遞水
大丈夫能屈能伸, 識時務者為俊傑

但前幾日, 白高敦突然拋出個咩英中兩國關係框架協議
又拍心口大大聲話支持一個中國政策
而西藏問題係英國佬搞出嚟嘅蘇州屎
英國佬一直都陰陰濕濕搵達癩條政治和尚做砲灰
家下英國外交部就話西藏係中國領土
所以溫寶寶投桃報李
今次去英國行一轉大家傾傾

作者: 飛毛腿 時間: 2009-1-31 22:04

其實英國佬轉軚意味著咩 ?
意味英國佬真係好唔掂 ! 非常唔掂 !
英國唔似美國咁好家底, 又冇咁大隻拳頭
家陣大佬自己奄奄一息, 奧爸爸籌錢籌到頭都大, 已經發爛渣鬧華爾街班大鱷
仲得周閒照顧你呢個細佬
有乜衣郁, 人地唔俾面就唔俾面, 睇下你英國佬幾個月前點對冰島 .....

英國佬老牌帝國, 玩政治玩到滾瓜爛熟, 政治觸角靈敏
佢自己病到點垂危佢自己肯定清楚
美國傷得有幾重, 以後仲行唔行得郁, 佢一定有自己判斷

呢個星期英國有 D 傳媒好似做咗大公報咁
金融時報, 每日電訊報之類去幫中國撐美國新財長話中國操縱人民幣匯率問題
英國做事算到爆, 唔會死錯人嘅
即管睇吓溫寶寶呢次去倫敦簽 D 咩協議先算
講開又講
三年幾後倫敦奧運都唔知英國佬仲有冇錢搞

不過, 香港班洋奴就唧都唔識笑
洋主子忽然同大陸拍哂膊頭認老友
洋奴本來掹住洋主子車尾搭順風車
點知主子一個急轉軚, 飄移入彎
洋奴毫無防備下被 FING 甩落車, 撻落地下撻到眼坦坦

原本諗住今年六四 20周年搞大佢, 攞彩向主子邀功

諗住主子一定會幫口打氣喝彩
呢勻洋奴睇怕食自己都得喇
最得人驚係如果洋主子有咩要靠大陸幫手的話
斬幾件奴才當手信去獻俾大陸….

就好似古人宰殺幾頭畜生去祭天咁, 呵呵…

作者: public59 時間: 2009-1-31 22:26

引用:

原帖由 飛毛腿 於 2009-1-31 17:42 發表
2009年剛過去一個月
中國人牛年剛開始
班政棍, 社會運動家就開始吠要派糖, 開倉派米喎
好景果時就話要還富於民, 逆境時又話要開倉派米...

不景時, 要派糖, 開倉派米
好景時, 要還富於民
總之不理好醜, 就係要派錢, 爭取選票,

作者: 一支柒 時間: 2009-2-1 01:22

引用:

原帖由 理魯竇 於 2009-1-31 19:36 發表

西方盟友中以英國最老友啦，
最靚最上等鮋鴉片自己都唔捨得食，
全部送晒過來遠東地區俾人食，
你係咪好感動呢？
重唔快d 去舔英國佬腳趾？

呢度根本無人理隻英9...

作者: 車仔領隊摩連奴 時間: 2009-2-1 13:38 標題: 魯智琛

提示: 作者被禁止或刪除內容自動屏蔽

作者: 飛毛腿 時間: 2009-2-1 17:39

GOD

上一輪睹局
大豪客- 爛賭薯 : 老子同花順面話事, 一千億....
冰仔最爛賭, 所以又叫冰賭, 大大聲話 : 跟, 大大都跟你 !
英, 法, 德, 澳, 韓各賭客沉思一輪, 有人攞手巾抹抹汗, 有人點著枝煙....
終於, 大家咬咬牙 : 跟 !
中國賭神高進, 望望其他睹客, 輕輕一笑, 然後冚牌唔跟 ! !

開牌 : 冰仔積一啤, 法國矮仔七夫佬 (Full House) , 其他人有吐啤, 三條不等...
爛賭薯哈哈大笑, 開牌......同花順 !
薯仔得意忘形大叫 : In God We Trust !!

作者: 飛毛腿 時間: 2009-2-1 18:16

矮仔七輸到面青青, 突然大叫 : 爛賭薯你出千 !
我偷睇過你隻底牌, 明明係二仔底, 點解變成 A ?

爛賭薯面色一沉 : 你偷睇底牌仲話我出千 ?
向後面打手打個眼色, 打手走到矮仔七身邊, 一拳質落矮仔度
矮仔當堂一個餓狗搶屎仆落地
爛賭薯施施然向各人講 : 我有事要先走, 我唔係割禾青
拿, 家陣我個拍檔黑仔奧上嚟繼續賭, 各位, 有賭未為輸, 請繼續...

黑仔奧氣定神閒代替爛賭薯坐上頭門位置 : 各位, 請攞錢出檯面 , 我地繼續...
高進, 你有幾多錢賭 ?
高進伸手入個勁大型公事包抬出一大疊銀紙 : 四萬億, 人仔 !
全場鴉雀無聲, 冰仔輸到底褲都甩埋, 冇得玩, 矮仔七坐喺地下, 痛苦呻吟
德國阿默大媽滿頭大汗, 英國白相公低頭吟吟沉沉, 老韓阿李命薄唔好得過冰仔好多....
黑仔奧由袋中攞本支票薄出嚟, 疾書一輪,現後掉張支票落檯面: 8000億, 美元 !
賭局規矩本來只認現金
但睇吓上面幅相就知, 做賭王唔係賭術高超就得, 背後企住個揸砲嘅打手先可以壓場
黑仔奧後面企住幾個彪形大漢, 人人都好似 Rambo 咁揸住 M16, M40 ...
邊個敢出聲話NO ?　睇吓矮仔七仲坐喺地吓依依哦哦．．．．

高進冇講咩, 伸手攞咗枝煙....
李命薄, 默大媽即有反應, 伸手去攞火柴
點知, 說時遲那時快, 白相公一個箭步, 已經手拿打火機衝向高進, 點火...
黑仔奧望咗一眼, 面無表情 : 好, 開始啦....

睹局繼續

作者: 一枝公 時間: 2009-2-1 21:04

東歐諸國中以俄國佬最老友啦，
將半個黒瞎子島及144萬平方公里送俾俄國佬
最難得賣國賣得甘多紅衛兵鼎力支持
俄國佬你係咪好感動呢？
重唔快d 去舔共匪腳趾？

作者: 飛毛腿 時間: 2009-2-1 21:57

引用:

原帖由 一枝公 於 2009-2-1 21:04 發表
東歐諸國中以俄國佬最老友啦，
將半個黒瞎子島及144萬平方公里送俾俄國佬
最難得賣國賣得甘多紅衛兵鼎力支持
俄國佬你係咪好感動呢？
重唔快d 去舔共匪腳趾？

咩叫書到用時方恨少 ?
家下有人辦喇

拿
俾樣有證有據有條文嘅實例你睇 :

《南京條約》- 條約原文
一八四二年八月二十九日，道光二十二年七月二十四日，南京。

三、因大英商船遠路涉洋，往往有損壞須修補者，自應給予沿海一處，以便修船及存守所用物料。今大皇帝準將香港一島給予大英國君主暨嗣後世襲主位者常遠據守主掌，任便立法治理。　　

香港島係你洋主子嘅屬土
你主子無厘頭無條件連島上奴民, 連埋幾千憶儲備一齊送俾共匪
你主子係唔係賣國 ? 舔共匪腳趾 ?

作者: 一枝公 時間: 2009-2-1 22:37

引用:

原帖由 飛毛腿 於 2009-2-1 21:57 發表

咩叫書到用時方恨少 ?
家下有人辦喇

拿
俾樣有證有據有條文嘅實例你睇 :

《南京條約》- 條約原文
一八四二年八月二十九日，道光二十二年七月二十四日，南京。

三、因大英商船遠路涉 ...

挺共賣國紅衛兵家下有人辦喇

一提到共匪賣國就鴉雀無聲、老鄧生前講過乜、挺共賣國紅衛兵都忘得一乾二淨啦！

作者: KMY89 時間: 2009-2-1 23:19

油價41蚊桶可知生意有幾差，
香港當然係唔掂，金融瓜香港實唔掂既 ...

香港最大既問題係缺乏了方向

作者: 理魯竇 時間: 2009-2-2 01:29

引用:

原帖由 飛毛腿 於 2009-2-1 21:57 發表

咩叫書到用時方恨少 ?
家下有人辦喇

拿
俾樣有證有據有條文嘅實例你睇 :

《南京條約》- 條約原文
一八四二年八月二十九日，道光二十二年七月二十四日，南京。

三、因大英商船遠路涉 ...

那位先生未必讀得書少，
只不過唔係幾想用腦，
呢 d 咪叫做膚淺囉。

佢不至於衰到舔人腳趾，
但執人口水尾到一樣咁嘔心。

作者: 屍屠華 時間: 2009-2-2 09:39

引用:

原帖由 一枝公 於 2009-2-1 22:37 發表

挺共賣國紅衛兵家下有人辦喇
一提到共匪賣國就鴉雀無聲、老鄧生前講過乜、挺共賣國紅衛兵都忘得一乾二淨啦！

你仲末移民澳門咩?澳門就快有23條,可以告佢哋賣國...你快啲去澳門..

作者: 車仔領隊摩連奴 時間: 2009-2-2 15:05 標題: 魯智琛

提示: 作者被禁止或刪除內容自動屏蔽

作者: 飛毛腿 時間: 2009-2-2 17:45

引用:

原帖由 一枝公 於 2009-2-1 22:37 發表

一提到共匪賣國就鴉雀無聲、老鄧生前講過乜、挺共賣國紅衛兵都忘得一乾二淨啦！

睇吓你洋主子點挺共啦

一提到洋主子賣國送港挺共就顧左右而言他

扮盲扮啞唔敢吠主子半聲

作者: 飛毛腿 時間: 2009-2-2 17:52

引用:

原帖由 理魯竇 於 2009-2-2 01:29 發表

那位先生未必讀得書少，
只不過唔係幾想用腦，
呢 d 咪叫做膚淺囉。

佢不至於衰到舔人腳趾，
但執人口水尾到一樣咁嘔心。

聽講鴕鳥隻眼體積大過個腦
睇怕

舔洋紅衛兵個腦就......

舔主子腳趾都要講級數
陳皮老太就可以去舔
d 奴才嘅奴才就只配對主子膜拜, 歌頌...

例如歌頌洋主子起地鐵, 拆山邊木屋起徙置區之類

作者: 飛毛腿 時間: 2009-2-2 17:58

引用:

原帖由 KMY89 於 2009-2-1 23:19 發表
油價41蚊桶可知生意有幾差，
香港當然係唔掂，金融瓜香港實唔掂既 ...

香港最大既問題係缺乏了方向

唔係缺乏方向
方向就好明確 - 想少勞多得, 刀仔鋸大樹
而事實係全方位缺乏競爭力

作者: 一枝公 時間: 2009-2-2 22:31

引用:

原帖由 屍屠華 於 2009-2-2 09:39 發表

你仲末移民澳門咩?澳門就快有23條,可以告佢哋賣國...你快啲去澳門..h:" />

共匪唔係有條反分裂國家法咩？係喎、厘係法例寫黎針對台灣喎！不過基於黨大於法原則下、共匪要賣國乜乜中國憲法、乜乜23條通通彈開啦！最緊要有一班挺共賣國紅衛兵拍手叫好。

作者: 屍屠華 時間: 2009-2-2 22:36

你入到大陸告佢哋咩?

唔去澳門去邊?

最緊要有我哋一班9年免費教肓的英匪奴才拍手叫好

[ 本帖最後由屍屠華於 2009-2-2 22:39 編輯 ]

作者: 一枝公 時間: 2009-2-2 22:57

引用:

原帖由 理魯竇 於 2009-2-2 01:29 發表

那位先生未必讀得書少，
只不過唔係幾想用腦，
呢 d 咪叫做膚淺囉。

佢不至於衰到舔人腳趾，
但執人口水尾到一樣咁嘔心。

讀得書少未必唔愛國、
閣下讀得書多咪一樣唔用腦、
共匪賣國避而不談、只懂附和挺共賣國紅衞兵、

呢ｄ咪叫做應聲蟲囉。

作者: 屍屠華 時間: 2009-2-2 23:02

讀得書少未必唔做奴才、
閣下讀得書多咪一樣唔用腦、做奴才
各匪,英匪,美匪,歐匪,台匪做衰嘢,做假就避而不談、只懂附和挺英匪美匪歐匪台匪主子,做死一世英匪美匪歐匪台匪奴才
呢ｄ咪叫做應聲奴才囉。

[ 本帖最後由屍屠華於 2009-2-2 23:11 編輯 ]

作者: 一枝公 時間: 2009-2-2 23:20

引用:

原帖由 屍屠華 於 2009-2-2 23:02 發表
讀得書少未必唔做奴才、
閣下讀得書多咪一樣唔用腦、
各洋匪做衰嘢,做假避而不談、只懂附和挺英匪美匪主子,做死一世英匪美匪奴才
呢ｄ咪叫做應聲蟲囉。

你而家活係共匪脚下？定活係洋人管治下？中國係共匪統治下問題多多、大把衰野、你憑乜野對洋人社會指指點點？

作者: 屍屠華 時間: 2009-2-2 23:35

我而家活係同一地球下,活係洋匪霸權于預下,各洋匪社會,霸權于預下問題多多、大把衰野、大把假野,洋匪成日對我哋指指點點,我哋点解唔對洋匪社會指指點點?...

因為我哋係洋匪奴才

因為我哋最鐘意聞洋匪放嘅屁!

[ 本帖最後由屍屠華於 2009-2-3 15:53 編輯 ]

作者: 車仔領隊摩連奴 時間: 2009-2-3 13:30 標題: 魯智琛

提示: 作者被禁止或刪除內容自動屏蔽

作者: 飛毛腿 時間: 2009-2-4 14:01

打白條

十幾年前老朱當總理時有一段時間實行宏觀調控收緊銀根
搞到國企, 地方政府個個缺水
窮縣窮鄉更加連幹部薪水俾唔出
向農民收購農產品就賒數, 寫將欠款單拖住先
大陸稱之為 " 打白條 "

今日
又再出現 " 打白條 " 情況.... 不過, 係 American Style !

作者: 飛毛腿 時間: 2009-2-4 14:05

早於一月初時
加州政府已經窮到喊救命
提出警告話就嚟頂唔順
薯仔 2007年搞嘅退稅, 去到加洲政府道就冇現金支付 :

Calif. Taxpayers Due Refunds May Get IOUs
ByPatrick Healy
NBCBayArea.com
updated5:48 p.m. ET
Jan. 5, 2009

If you expect you'll be getting a refund from California whenyou file your 2008 state income tax return, be prepared: you may instead receive a "registered warrant." Translation: an IOU.

California is rapidly running out of money. Blame it on the state budget deficitthat continues to bleed billions of dollars from California'sreserves. Facing inadequate credit to make up the difference, California'sController John Chiang warns that by the end of February, the nation's mostpopulous state may not be able to pay some of its debts, and instead be reducedto issuing those creditors IOUs.

[ 本帖最後由飛毛腿於 2009-2-4 14:06 編輯 ]

作者: 飛毛腿 時間: 2009-2-4 14:22

節衣縮食 :

通常打政府工吃大鑊飯最大好處係無論經濟好壞
吃阿公大鑊飯唔駛經冇飯開
睇香港就知吃阿公飯有幾幸福就知
--- 但喺美國就竟然唔係 !

加州政府個大鑊飯實在冇米落鑊
於是勒令所有公務員包括醫務人員, 不得再加班
所有公務, 政府人員每月強制放兩日無薪假期
薪水嘛 .....做好心理準備, 政府 I.O.U. !!
電視新聞提醒大家 : 今年退稅好可能會 I.O.U.

有私人醫院更搞笑 ( 如果仲笑得出的話 )
實在賒借無門, 發唔出現金, 以一種叫 " 債劵支票 " 代替
真唔知員金攞住呢 d " 債劵支票 " 去超級時場買唔買到食物 ?
去交電費, 支付信用卡數得唔得 ?

作者: 飛毛腿 時間: 2009-2-4 18:07

加州州長 - 超級大隻佬
唔想自己任內搞到加州破產的話
睇怕要搵埋另一個超級大隻佬 Rambo 同埋鐵漢阿 John 搵一班特攻隊
去中東 dap 班油王買一百幾十億 (美元) 加州債劵

否則 , 呢舖 Die Hard !

作者: 飛毛腿 時間: 2009-2-4 18:18

另外, 難怪有人話美中已經係邪惡軸心 - G2
哈佛大學經濟史教授 Niall Ferguson 話中美變成 Chimerica
大佬級數先可以俾人掟鞋
唔夠班嘅就唔係被掟鞋
分分鐘飛過嚟係兩粒子彈 !

而大英帝國就折墮
老牌高等學府降到同伊拉克一樣級數, 掟鞋 !

作者: 飛毛腿 時間: 2009-2-5 17:37

倒吊米字旗

睇咗米字旗咁多年
成日以為個米字係上下左右一乜樣, 隨便掛都係一樣
一直都唔知原來米字旗係有分上下

英國佬可能擔心冇米落鑊, 神不守舍
將自己塊米字旗倒吊都唔知

Flag mistake at UK-China ceremony

Agreement signing, overseen by LordMandelson and witnessed by Wen Jiabao and Gordon Brown
The flag was the centrepiece of anagreement-signing ceremony

The government has said it regretsdisplaying the Union flag upside down at the signing of a trade agreement.

A plastic flag was flown incorrectly for aceremony involving Gordon Brown, Chinese premier Wen Jiabao and Trade SecretaryLord Mandelson.

The Flag Institute said it was"concerned" about the mistake and Tory MP Andrew Rosindell called it"an unbelievable flaw in protocol".

http://news.bbc.co.uk/2/hi/uk_news/politics/7866938.stm

作者: 飛毛腿 時間: 2009-2-5 17:37

近鏡睇真 d .

作者: 飛毛腿 時間: 2009-2-5 17:38

考大家眼力
下面係正確掛旗

作者: 飛毛腿 時間: 2009-2-5 17:58

又難怪英國佬三魂唔見七魄咁
美國 "外交雜誌 " 近日有文章分析
話有五個國家危機重重, 可能會步冰島後塵
1.英國 - 金融危機未見底, 好多銀行可能最後要國有化
最近民意調查, 有六成英國人認為政府的經濟復甦計劃最終失敗
2. 拉脫維亞 - 兩年內失業率會升到兩位數, 目前政府支持率得 10%
3. 希臘 - 債務沉重, 可能要賴債先掂, 去年年底已經因為少少事就引發嚴重騷亂
4. 烏克蘭 - 主要出口鋼鐵, 世界經濟衰退, 國內鋼鐵業幾乎停頓, 睇怕北極熊
又借頭借路踩多佢幾腳, 趁佢病攞佢命
5. 尼加拉瓜 - 有名你叫 , 瓜

[ 本帖最後由飛毛腿於 2009-2-5 17:59 編輯 ]

作者: 飛毛腿 時間: 2009-2-6 17:34

咁快頂唔順

上工未夠一個月
已經做到喊救命
呢個總統唔易做 :

On a tough day, Obama escapes for a while

Feb 3 04:37 PM US/Eastern
By BEN FELLER
Associated Press Writer

On the rockiest day of his young administration, President Barack Obama did what surely made him happy for a while. He left.
With little notice, the president and first lady Michelle Obama bolted the gated compound of 1600 Pennsylvania Ave.in their tank of a limousine on Tuesday. They ended up at a Washingtonpublic school, greeted by children who could not care less about thecollapse of a Cabinet secretary nomination.
"We were justtired of being in the White House," the president candidly told thegleeful second-graders at Capital City Public Charter School.
"We got out! They let us out!" Mrs. Obama said as the kids and their teachers laughed.
The White House said the Obamas' trip had been planned, just not publicly announced.

對住小朋友
奧爸爸唔需要講政治語言, 心情放鬆
可能就情不自禁吐出心裡話

作者: 飛毛腿 時間: 2009-2-6 17:55

又好難怪
奧黑一坐入白宮
攤喺面前果張清單, 睇見都發惡夢 :

大摩, 高盛聽講又有大窟窿
睇怕又要注資打救

企業債好多舊債到期, 發新債又困難
好多已經節衣縮食 -大裁員
Caterpillar 裁員二萬人 !
呢亭大孖沙唔救唔得, 你唔救, 美國人會問 : 點解華爾街就要不停咁救, 工業就唔救 ?
救 -又要錢

奧黑上任前講過要幫助按揭困難戶
失業人數不斷增加, 供唔起樓人數上升
又要救

有 41 個州財政癱瘓陸續到斷糧地步 - 例如加州
除咗借錢救, 根本冇其他選擇

退休養老金投資面目全非
養老基金投資好穩陣, 買股票只買藍籌股, 你唔話得佢地錯
但係 AIG, 通用汽車, 房利美, 房貸美.....冇眼睇, 睇吓我地香港隻8號電刑, 港交所就明白
明年起戰後出生人士陸續到達退休年齡....

噢, 媽媽....

作者: 飛毛腿 時間: 2009-2-10 23:07

釣魚台島

先睇一段前幾日嘅新聞 :

日本《產經新聞》2月4日報導，日本海上保安廳已經在中國釣魚島海域常駐了可搭載直升機的PLH型巡視船。中國外交部發言人姜瑜對此表示，“日方任何加強對該島實際控制的舉動都是對中國領土主權的侵犯，是非法和無效的，應立即停止。” 然而，日本加強控制釣魚島，使得中國船隻很難再靠近，中國將來的維權行動面臨嚴峻挑戰。

作者: 飛毛腿 時間: 2009-2-10 23:16

釣魚台島點解會變成日本聲稱擁用有主權嘅來龍去脈
唔駛我多講大家都知道
美國當年(1972)無厘頭將釣魚台島管轄權 “歸還” 日本
一個從來都唔係佢自己嘅領土, 忽然大佬話交還俾佢
咁著數嘅嘢, 日本佬點會 say no
架佬靠自己實力當然冇本事啃得落
但有超級大隻佬美國照住就冇有怕
不過, 俗語謂 : 執條褲帶累咗付身家
正如老子話 : 福兮禍以所伏

接收個釣魚台島後, 無論大陸抑或台灣都拒絕承認
而日本佬搞吓搞吓, 就變成將釣魚台島變成自己包袱
去開發咩 ? 又唔敢, 話放棄咩 ?
一則唔合架佬貪婪本性, 二則政府點向國民交代 ?
同樣道理, 大陸根本冇可能放棄釣魚台島, 否則共產黨想唔倒台都難
今時今日, 唔好講核武器, 單係常規武力, 日本已經惹唔起大陸
唯一依靠嘅係美國大佬
但自從格魯吉亞俾北極熊毒打一鑊,美國袖手旁觀
架佬自己都十五十六, 真係要同大陸開火, 美國肯唔肯為個太監賣命 ?
而大陸方面就只會考慮自己實力惹唔惹得起美國 ? 咩時候先惹得起 ?
但架佬不顧一切去點起火頭的話, 大陸就一定上馬, 必無選擇

有 d 腦殘舔洋植物人成日就單單打打大陸唔對釣魚台島郁手
所以話佢地腦殘真係冇冤枉佢地

作者: 飛毛腿 時間: 2009-2-10 23:20

前兩日有艘被索馬里海盜綁咗去嘅大陸漁船剛獲釋
因為自己有漁船被綁, 又得到聯合國決議支持
大條道理派海軍去護航, 大條道理去印度洋行來行去
師出有名, 西方國家, 印度等覺得篤眼篤鼻都冇說話好講

如今, 架佬自己屎忽痕撩起釣魚台島主權問題
唔駛好耐, 大陸航空母艦下水後, 仲驚冇理由去釣魚台巡視下 ?
而且又唔係攻擊日本本土, 係保衛中國自己領土
當然更高明嘅策略係由架佬去開第一槍, 大陸先嚟一個 "自衛還擊 "
美國佬咁橫行無忌都要由日本侵襲珍珠港, 拉登炸世貿…去開第一槍啦
何況韜光養晦嘅中國 ?
打要打得, 又要進佔道德高地

架佬呢隻雞就殺硬架喇, 邊 d 係猴 ?
東南亞諸國聲稱擁有南沙主權, 同埋…..台灣囉

所以話, 咪睇日本佬陰陰濕濕
講戰略都係差好多皮
否則第二次大戰都唔會無厘頭惹起美國把火, 俾藉口美國參戰
事實上, 日本歷史中從來冇出一個哲學家, 思想家
冇辦法, 呢 d 就係文化深度嘅問題

[ 本帖最後由飛毛腿於 2009-2-10 23:22 編輯 ]

作者: 飛毛腿 時間: 2009-2-12 22:48

星球大戰 ?

‧ 2009-02-12
‧ 今日晚報
‧ 【中廣新聞／朱克威】
美國一顆通信衛星與一顆俄羅斯報廢衛星在西伯利亞上空的太空軌道相撞，美國太空總署表示，這次在軌道上的衛星相撞事件產生了大量太空垃圾，可能會對國際太空站、其他軍用或民用衛星造成威脅，他們還暗示俄羅斯的報廢衛星失控，是肇事的一方。

以前列根年代, 佢老人家吹水唔抹嘴話要搞個星球大戰計劃
如果由北韓金太陽口中講出, 人地當佢發白日夢
但由堂堂超級大國總統口中講出
份量就絕對唔講得笑
所以前蘇聯就暴跳如雷
到前蘇聯壽終正寢後
先有傳媒話原來只係吹水, 目的係引蘇聯掟錢加入太空軍事競賽
最終拖垮蘇聯經濟云云...

作者: 飛毛腿 時間: 2009-2-12 23:04

但廿幾年後今日
太空上飛來飛去嘅人造衛星已經唔係美俄專利

舊年有一段時間
美, 俄, 中, 日嘅衛星相繼出問題失靈
有人覺得有 d 古怪
不過, 人造衛星唔同飛機有個黑盒, 又唔會有乘客而因此搞出人命
所以局外人好難知道詳情

2007年一月
中國成功用彈導導彈進行 "反衛星系統" 試驗擊落自己一隻所謂廢棄氣象衛星
美國, 日本當堂鬼鏈頸咁嘈, 要中國交代詳情
梗係啦, 呢個舉動證明中國有能力擊落自己隻衛星
亦意味著可以擊落任何一隻衛星 ....

美國賴以雄霸世界嘅先進武器, 冇咗衛星導航, 咩 GPS 定位之類
優勢立即打個大折扣
話唔埋大家去返二次大戰年代果種打法
美國佬仲有咩優勢 ?

作者: 飛毛腿 時間: 2009-2-12 23:23

所以未來太空軍事戰略似乎係要諗計將對方隻 "天眼 " 打盲
等對方通訊, 導航等冇哂依靠, 變成盲公

講返呢次衛星相撞
太空上面咁多所屬不同國家嘅衛星飛來飛去
偏偏咁啱就美俄兩個死對頭撞埋一堆 ?

又偏偏飛到西伯利亞上空去撞 ?

當然, 話係意外可能性絕對存在
起碼美俄雙方到家陣都未互相指責對方, 大打口水戰
公開訊息-主要係西方傳媒就話北極熊隻衛星係廢棄又失控
- 暗示係北極熊隻衛星撞埋嚟 ?
但又有訊息話係美國佬隻衛星走入俄衛星軌道喎
以北極熊暴戾性格, 俾西方屈佢就勢係假
如果有少少證據認為係美國佬搞鬼, 必定喊打喊殺
不過, 北極熊到家下仲粒聲唔出.....

可能真係純意外, 又可能係.......

我地擔定凳仔睇吓地球上最惡嘅兩條紋身大漢點收科

作者: kathywonder 時間: 2009-2-12 23:24

引用:

原帖由 飛毛腿 於 2009-2-1 18:16 發表
矮仔七輸到面青青, 突然大叫 : 爛賭薯你出千 !
我偷睇過你隻底牌, 明明係二仔底, 點解變成 A ?

爛賭薯面色一沉 : 你偷睇底牌仲話我出千 ?
向後面打手打個眼色, 打手走到矮仔七身邊, 一拳質落矮仔度
矮仔當堂 ...

Hey!! Come on, please carry on ur story, it's funny!!

作者: 飛毛腿 時間: 2009-2-14 22:27

引用:

原帖由 kathywonder 於 2009-2-12 23:24 發表

Hey!! Come on, please carry on ur story, it's funny!!

多謝捧場

暫時個賭局都係悶戰
冇乜驚心動魄對賭大曬冷局面出現
所以冇乜好講
四月份在大笨鐘城再有一個 G20世界沙蟹局
到時睇吓有乜睇頭

不過, 你喜歡聽故仔囉喎

我就再講個上世紀一個江湖驚天大豪賭故事大家聽吓

但對住個電腦屏幕逐隻字打
眼花又手痛
所以, 要俾 D 耐性

作者: 飛毛腿 時間: 2009-2-14 22:56

世紀江湖大賭局

話說上世紀 (20世紀) 江湖上有兩家超級大豪客, 一家係牛仔幫, 一家係熊幫
表面睇兩家財大氣粗不特止, 最得人驚係兩家人馬個個都手瓜起展
出出入入成棚馬仔跟尾, 個個全副武裝, 真係唔打得都嚇得
呢兩家超級豪客對賭已經賭咗幾十年, 賭到飛砂走石
其他小散戶根本連坐低一齊賭嘅機會都冇

牛仔幫身家豐厚, 連班馬仔個個都身光頸靚
而熊幫雖然睇唔出點疊水, 但從來冇話向邊個度水, 卻又長賭長有咁款
熊幫最煞食係上上下下個個殺氣騰騰, 一言不合就攞傢生要打要殺
牛仔幫人馬好食好住, 財源滾滾, 免得過都唔想跟熊幫搏命
牛仔幫費盡心思諗計點樣陰熊幫, 陰到佢地暴斃又好, 殘廢又好, 以去心頭大患
70年代中, 牛仔幫掌門人尼黑蟲諗出條絕計 – 拉龍幫一齊夾手夾腳打殘熊幫 !

其時龍幫爛身爛勢, 係人都知佢地係窮幫一個,
但佢地人馬眾多, 又個個打得兩吓
試過有次牛仔幫拉大隊去泡菜幫個地頭掃場
掃吓掃吓, 側側膊掃到龍幫門口
龍幫眼見要連自己都掃埋, 得了 ?
於時派出一班打手, 幫泡菜幫去同牛仔幫砌過
牛仔幫雖然傢生先進, 人強馬壯, 卻完全冇半點甜頭
自此龍幫保住自己江湖大幫地位
但咪睇龍幫其時窮過鬼, 佢地本來來頭卻不小
好多好多年前, 牛仔幫都未成立, 而熊幫仲係喺鄉下養羊養馬執馬屎時
龍幫已經係江湖上超級大哥, 一路過嘅係江湖上最頂級最優哉悠哉生活
點知上幾代掌門人好日子過得耐咗, 就不知天高地厚兼腦殘
上咗米字幫當, 聽米字幫班白粉佬講話食鴉片可以延年益壽喎
咁就開始福街喇, 幫中馬仔有 D 做咗道友, 從此幫運中落, 卒之搞到一沉不起
幫中人馬個個皮黃骨瘦, 行路打倒褪, 莫講出去打天下, 連保自己地頭都無能為力
所以其他幫會人恥笑佢地係 “ 江湖病夫”

江湖上最信奉就係弱肉強食
眾幫會見佢半死不活, 於是一沉百踩, 個個湧入佢地頭搶地盤
其中搶地盤搶得最兇殘係太陽幫
一入龍幫地頭見人就斬, 搞到血流成河, 屍堆如山
同時間龍幫人自己又唔爭氣, 眼見家道衰落, 幾個當家兄弟都想做掌門人
卻你唔服我, 我唔服你, 於是話要分家
話分家又講唔掂數, 就不停內哄, 大打出手開大片
就係咁, 內憂外患, 曾經係江湖第一大幫龍幫就四分五裂, 半死不活
離亡幫陷包散只係一步之遙...

欲知後事如何, 下回分解

作者: 至尊豪庭9 時間: 2009-2-15 09:50

提示: 作者被禁止或刪除內容自動屏蔽

作者: 飛毛腿 時間: 2009-2-17 13:05

樓上果件
我寫嘢唔係俾你呢亭人睇架
你走入嚟賴屎賴尿, 影響其他網友心情, 降低呢條 thread 格調
你都係過主啦

作者: 飛毛腿 時間: 2009-2-18 22:36

又爆一煲

去古狗打入 Sir Allen Stanford 就可以見到呢位爵爺幾咁猛料
但正如巴菲特話齋 : 退潮之後你就見到邊個係裸泳
香港個賊仔階攞住件 8號電刑玩財技
玩到變過街老鼠, 人人喊打

但呢個爵爺德高望重, 身份顯赫, 金融界巨頭
今日被揭穿原來係金融寶藥黨 - 係真正靠呃嘅寶藥黨, 唔係玩財技
我地香港稱之為 "種金公司 " :

SEC statement on Sir Allen Stanford 'fraud' charge

Full statement from the United States' Securities and Exchange Commission after
Sir Allen Stanford was charged in relation to 'a fraud of shocking magnitude'.

詳情去睇英國 sky news　或者 yahoo uk

作者: 飛毛腿 時間: 2009-2-18 23:21

東歐骨牌幾時倒 ?

北極熊真係到咗賣血階段
扭扭擰擰咗幾隻月都係要走嚟同大陸借 250億美龍
抵押品係 20年期三億噸石油 !
北極熊夠兇又打得, 仲有豐厚石油天然氣身家
可惜俾江湖老大牛仔玩到殘, 紐約石油期貨鋤到得卅幾蚊美龍一桶
幾乎平過礦泉水

呢舖血海深仇, 北極熊實唔會俾牛仔有安樂日子過

大陸借 250億出去
攞到近路程石油供應, 又有個大隻佬去擋牛仔子彈 .... 正

但歐羅兄弟幫班窮兄弟就冇咁好家底 , 又唔打得
以為玩顏色革命可以跟住班財主佬搵食
前幾年好景時大借特借, 玩吓錢搵錢高層次產業
家陣老歐洲班財主自身難保
而班窮兄弟最大債主正係老歐班落難財主
是但東歐邊個窮兄弟頂唔住有一個瞓低 , 咁就慘喇
骨牌效應連班落難財主都趴到直
米字國屋漏偏逢連夜雨, 放俾東歐 d 數就凍過水....
橙色乜色革命終於變成黑色 !

有人話 :如果經濟危機係老虎, 成班人俾老虎追...
你唔駛跑得快過隻老虎, 你只需要跑得快過其他人, 那怕只快過一兩個人.....
所以....
牛仔幫老大陰陰笑望住班歐羅兄弟一個接一個仆低
適當時候, 自己有幾間企業瞓低, 債務化為烏有 (好似雷曼沙煲咁)
歐羅兄弟立即要抬入深切治療病房.....話唔埋係入殮房 !

所以各位要小心 d 歐羅草紙

作者: 飛毛腿 時間: 2009-2-21 22:58

世紀江湖大賭局

繼續講故仔.......

上次講到龍幫自己兩兄弟爭當家打個你死我活
而太陽幫就殺入龍幫地頭霸佔地盤
初時牛仔幫悶聲發大財, 搏命賣傢生物資俾太陽幫, 大發特發戰爭財
牛仔幫同米字幫原本心思係等太陽幫霸佔龍幫北面地頭去頂住熊幫勢力擴張
但太陽幫殺得性起, 地盤越霸越多
牛仔同米字於事喝住太陽幫咪越霸越多, 太陽幫貪勝不知輸, 啋你都傻
於是牛仔, 米字就要抵制太陽幫, 唔賣傢生唔賣油俾佢
太陽幫早就對米字幫霸住嘅地盤起痰,
索性一不做二不休, 殺到去米字幫地頭搶地盤
不特只咁, 更好似食咗興奮劑一樣靜雞雞去牛仔幫個祠堂放火燒牛仔幫傢生庫
如此這般就連牛仔幫都拉落水一齊廝殺
成個江湖一便大混戰, 殺聲震天 , 血流成河

足足打咗幾年, 首先歐羅果邊牛仔幫米字幫同熊幫聯手打低納稅幫
仲將納稅幫地盤瓜分
而另一邊太陽幫雖然五癆七傷,
但呢幫人生出命賤, 慣於死纏爛打, 爛命一條兼唔見棺材唔流淚
牛仔幫喺歐羅地盤大把世界等佢去搵, 唔多耐煩同太陽幫繼續糾纏
於是攞出獨門秘製武器 – 沖天砲
出重手連掟兩個沖天砲落太陽幫地頭
只見太陽幫地頭好似火山爆發咁天崩地裂
太陽幫終於頂唔順, 立即跪地求饒
牛仔就將太陽幫眾頭目當狗咁鎖上狗鏈, 戴上口罩 – 連吠都唔俾佢地吠
呢個處置方式一直到今日都係咁
講返果種沖天砲, 殺傷力驚人, 各路人馬聞所未聞
後來有人咬耳仔傳話, 當沖天砲爆時, 太陽幫馬仔即時剩低一個人影曬喺地面
人就化為烏有, 骨灰都搵唔到
更有人傳言, 就算遠距離避得到爆炸, 都一樣中招,
醫番都殘廢不特止, 仲後來生仔都冇 seafood 咁話
江湖上各路人馬眼見呢件武器咁利害, 以後有乜糾紛咪俾牛仔幫撳住打 ?
於是熊幫唔聲唔聲返歸去閉門研究，死都要做番件看門口咁話

作者: 飛毛腿 時間: 2009-2-21 23:09

江湖大廝殺完結後，江湖基本上分為兩派人馬
以牛仔幫為首認錢唔認人一派 - 有 d 讀過書嘅人話呢種叫資本主義喎
而熊幫為首帶領一幫歐羅兄弟稱為大鑊飯派, 宗旨係同撈同煲, 有飯大家吃咁話喎
而龍幫兩兄弟爭分家亦分出勝負
有熊幫撐腰嘅一路人得勝, 頭目係無賊公 – 佢話要殺哂d 有錢佬分身家, 咁就天下無賊公喇
另一派係牛仔幫撐腰, 卻不敵大敗, 逃到一離島自立為王, 頭目係 " 搶塊石 "
打輸走路, 所以金要搶銀亦搶連石都要搶
兩路人馬勢不兩立, 連顏色都要有分別以示道不同不相為謀
無賊公以紅色為主, 搶塊石以藍色為主, 兩路人馬都話自己先係龍幫正統

風平浪整日子過得冇幾年
紅色龍幫突然同熊幫反面, 幾乎大打出手
無賊公知道熊幫閉門研製成功沖天砲
有乜衣郁熊幫隨時掟幾個過嚟咁就陷包散
所以老無下令馬仔們, 當咗條褲都要搵錢泡製出沖天砲坐鎮
果然冇幾年時間, 龍幫亦成功造出沖天砲
如是江湖中幾大幫人都有沖天砲坐鎮
由於沖天砲殺傷力太大, 幾路人馬投鼠忌器, 驚一打就惹出大禍
反而大家都唔敢好似以往一樣郁 d 就開大片, 世事就係咁吊詭
江湖傳聞, 有次熊幫想偷襲龍幫, 靜雞雞搵大班人馬攞齊傢生
潛入龍幫偏遠地頭等機會發起突擊
點知無賊公早有預備, 故佈空城計, 等熊幫入到地頭後
無賊公扮乜都唔知, 一嘢試爆沖天砲, 潛入嘅熊幫人馬全部一鑊熟,
但熊幫自己暗算在先, 唯有暗啞抵唔出得聲, 連收屍都冇人敢去收
從此熊幫唔敢再對龍幫阿支阿左, 總之河水不犯井水就算云云
但江湖傳聞嘅事, 可能永遠係謎

欲知後事如何, 下回分解....

作者: 飛毛腿 時間: 2009-2-24 18:11

冧女普世價值

唔理佢係少女, 熟女, 阿姑...
亦唔理係街市賣菜嬸, 律政女強人, 定係猛到超級強國大姐大.......
總之有讚錯, 冇放過.........係啱嘅

國務委員戴秉國 : 妳靚過同後生過上電視喎....
克太 : ....(面紅) ...嗯, 我地會相處得好好.....

冇錯, 希拉莉都會面紅 !

華盛頓郵報:
http://www.washingtonpost.com/wp-dyn/content/article/2009/02/21/AR2009022100485.html?hpid=moreheadlines

When State Councilor Dai Bingguo greeted Clinton, heexclaimed,
"You look younger and more beautiful than you look on TV."Clinton seemed to blush in reaction,
and she raised her left hand to herright shoulder in a gesture of thanks. "Well, we will get along verywell," she said.

作者: 飛毛腿 時間: 2009-2-24 18:14

克太可能仲記住萊溫斯基壇嘢...
克淫頓想嘴一啖, 點知....

作者: 飛毛腿 時間: 2009-2-26 13:22

水龍頭價值 2,800萬歐元

其實果兩隻只不個係水龍頭 - 不過比普通水龍大得多之嘛
歷史得果百幾年,
又唔講得上咩代表性藝術品, 根本就唔同唐三彩之類一個等級
水龍頭來自圓明園, 圓明園係慈禧太后搞出嚟
慈禧喺中國歷史評價有幾低, 中國人應該好清楚
無論邊個層面去評價, 獸頭水龍頭都冇資格達到 " 國寶 " 級別
求其兩三百年以上歷史, 跟宮庭沾上關係就話係國寶
我睇中國境內閒閒地有一千幾百萬件國寶
所謂國寶只不過係吹水炒作, 吸引注意力
呢兩件嘢最大意義係代表嘅歷史 - 中國近代屈辱史
亦係西方國家強盜行為證物
擺喺佢地果度就係明乎其實 " 賊贓 "

前幾次拍賣另外幾隻水龍頭屢創天價
北京保利集團, 賭王不惜豪掟幾千萬勢要 " 國寶" 歸家
家陣西方世界水緊到喊救命
有人見中國佬大把水頭, 可能心生一計....
佈定個天仙局, 圍威喂自己友車輪戰搶高拍賣價
睇死你班中國佬死要面跟住出價, 唔肯俾哎吔國寶流落外國人手...
狠狠斬你一刀幫補吓身家縮水
點知大陸佬就你精我都精
預先高調反應, 擺明唔肯俾人勒索
"愛國商人" 們眉精眼企, 知道北京態度, 點會昂九九抬錢去搶水龍頭 ?

兩隻爛鬼水龍頭藝術價值既唔高
歷史價值又不堪 - 對中國而言係屈辱, 對西方而言係賊贓
市場極度狹窄
竟有傻佬花 2,800萬歐羅去買 ??

都唔係咪做媒.....

作者: masuk 時間: 2009-2-26 13:56

睇得到係做媒引人入局，睬佢都傻！

作者: 飛毛腿 時間: 2009-2-27 13:44

引用:

原帖由 masuk 於 2009-2-26 13:56 發表
睇得到係做媒引人入局，睬佢都傻！

佳士德話 : 佢地代一個不透露身份買家出價買渦....

They were bought by Thomas Seydoux, Christie’s international co-head ofImpressionist and modern art, on behalf of an unidentified telephonebidder.

歡迎光臨香港 Xocat Forum 討論區 (http://p.xocat.com/p/)