Board logo

標題: [檔案] 結婚住屋問題.......希望大家俾d意見 ! [打印本頁]
作者: kkho2008    時間: 2009-2-6 22:21     標題: 結婚住屋問題.......希望大家俾d意見 !

我係男 , 我地兩個都冇咩基礎, 冇咩積蓄 {可能有人話, 冇錢就唔好結住啦, 但因為私人理由 (唔係有左) , 非結不可, 不便多說}
男搵15k, 女搵20k , 結婚都要問我阿爺借廿萬 ~


本身我屋企住佐敦, 做野都係佐敦 ~ 佢做野就鑽石山
講到住屋, 咁就一定就一個返工架啦 ~

但我計一計條數, 租樓加水電煤加雜費加家庭必須的支出, 最少都成萬一個月, 仲要還錢俾阿爺, 分4年還, 唔計息都4-5k一個月
都仲未計兩個人果d咩咩保險呀 ,基金呀 , 仲要洗呢.......自己都要洗掛 ~ 仲有家用呢, 多多少少都要俾d掛 ~
加上搬左出去, 咩都要置過晒, 多多少少傢私電器都要 ~
諗諗下, 婚後會極之辛苦, 仲好大可能成日為錢嗌交 !! 攪唔點 !!


於是我家人有個提議 , 我屋企做生意既, 咁arm佢地租果度租約滿 ,  要搵地方 ~
咁就睇arm左個商業大廈某單位, 都係佐敦, 450尺, 正正方方, 一個 toliet ~ 乜都冇架啦 !

佢地就話, 俾佢地間房我地, 佢地就住舖頭, 果度好大架, 間一間房出黎, 有個toliet , 冇問題 ~
咁我同老婆就同我細佬同工人4個人住, 我老豆老母就係食飯先上黎既姐 ~

咁我計下條數, 以上咁做 , 省好多好多錢...............
返工 : 我來回行路 , 佢來回一程 MTR ($16)
午餐 : 工人帶飯俾我 , 佢帶飯返工
晚餐 : 工人煮飯, 一齊返歸食 (有時都會出街食既)
家務 : 工人做晒
裝修 : 整整個主人房, 買過張床攪掂 (3萬內) , 其他東西全部唔洗置過
淨係以上呢幾樣野 , 已經足夠少左9成嗌交機會 !!

我屋企話, 每個俾番4k佢地, 當交租, 就ok啦 ~
咁我就同我未來老婆講, 不如就咁啦 ~ 我地住番兩三年, 已經可以儲到好多錢 ~ 到時先買樓, 輕鬆好多 ~ 二來如果有左細路仔的話, 大家都要搵食, 屋企又有工人, 又有老豆老母幫手照顧, 方便好多 ~
我又計過俾佢睇, 當我地自己每人每個月洗5k (包埋保險果d) + 4k俾屋企 + 還錢俾阿爺 (4-5k)
一個月都儲到13-14k , 保守d一年都儲到15萬, 住3年儲到45萬 ~ 都足夠買間150萬既樓做首期啦咁樣 ~


但係我未來老婆, 好鬼細路女, 諗野唔得成熟 ~ 俾2人世界呢4個字遮住左隻眼 ~
我話, 我地現時既環境, 2人世界不能放第一位 ~ 要現實一點, 冇錢就勢係假 ~
我話, 你寧願過d輕輕鬆鬆既生活呀, 還是過d晚晚番屋企都係玩緊計數機既生活呀 ~ 咁樣 ~



希望大家俾 d 支持我 ~ 俾佢睇下 ~ 如果可以, 俾多少少意見呀 ~
作者: 香港毒男    時間: 2009-2-6 23:04

引用:
原帖由 kkho2008 於 2009-2-6 22:21 發表
我係男 , 我地兩個都冇咩基礎, 冇咩積蓄 {可能有人話, 冇錢就唔好結住啦, 但因為私人理由 (唔係有左) , 非結不可, 不便多說}
男搵15k, 女搵20k , 結婚都要問我阿爺借廿萬 ~


本身我屋企住佐敦, 做野都係佐敦 ~  ...
你兩個錢都未儲 , 學人結婚 ?? , 想都唔好想 , 重要拿到爺官材本 , 今年會好多人失業下個可能是你

你一做負支產 , 跳樓都唔惦
作者: P_8    時間: 2009-2-6 23:22

男搵15k, 女搵20k 而家冇咩積蓄 以後一個月都儲到13-14k? 要提供多D而家同將來收入支出既資料至俾倒意見。仲有雙方職業年齡和相識多久 幾時結婚等。同埋點解要問阿爺借廿萬？吾係父母？或銀行？同埋講下你地既性生活啦 吾係我驚C兄你會俾人小呀。

[ 本帖最後由 P_8 於 2009-2-6 23:27 編輯 ]
作者: kllmy    時間: 2009-2-7 02:57

其實你兩個既收入已經非常好啦 !!! 好多家庭得一萬蚊度或者無一萬, 首先你同邊個借, 借幾多都唔係一個大問題, 因為結婚無回頭既錢有幾樣, 1. 介指 2. 結婚相 3.女家禮金 4. 女家酒席圍數, 大約係呢幾樣啦! 而我個人覺得1.同2. 可以慳0的唔好咁貴, 呢兩個之中最貴會係 2. , 0個0的 sales 好勁, 除時要成2萬蚊落樓小心, 另外3.同4.就無得慳啦, 不過可能有計傾唔使比咁多都未定, 剩餘既就係什項同酒席, 女家要幾多圍數就禮金全歸女家, 男家禮金就歸你啦!! 咁當然你唔好自己袋, 要將所有還晒比你阿爺就即時減少負債啦!! 如果你請客名單選擇得好, 除時連女家0個幾圍都唔使蝕, 到時負債應該最多係一半到啦! 你其他嘢使大0左就無得計啦 !!! 最後你0地有得回籠既就係人地送比你老婆既金飾, 十之八九都只留一兩件, 其他好價就溶0左佢, 依家金價咁高應該都有 2萬返. 但係住我就唔會同屋企人一齊住啦, 你諗0下你同你老婆都有意見分歧既時候啦, 莫講依家重要突然同咁多人一齊相處好難0家, 有句 " 相見好, 同住難 " 你一定要記住呀, 如果唔係到時就真係回頭太難啦! 我相信以依家咁既市, 要租一個 400呎有基本家俱既單位最多貴 1千至2千到, 3年加埋都係 5萬度, 每個月買少0的嘢都返0左黎啦 !! 唔好錯過結婚既頭兩年呀!!!! 記住啦 !!!!
作者: 118018    時間: 2009-2-7 16:38

OK丫~　自己有哂諗法計埋出黎囉∼　照咁行咪得囉∼　試左先知行唔行得通架ｍａ∼∼　
作者: wallacepigpig    時間: 2009-2-7 20:22     標題: 回復 1# 的帖子

提示: 作者被禁止或刪除 內容自動屏蔽



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0