Board logo

標題: 打o比馬討論專區 [打印本頁]
作者: 茶水站站長    時間: 2009-3-10 17:36     標題: 打o比馬討論專區

今日入選馬已經在馬會網頁公佈了，o岩o岩去左 my HKJC: Gigi blog 睇到以下資料：　

騎師馬匹配搭 - 第1手資料!10 March 2009


其實早幾日， 1眾o既馬主， 騎練， 甚至馬迷都非常緊張， 究竟自己心目中o既愛駒入唔入選呢？ 評分高o既馬當然冇有怕喇， 只要評分稍為低o的o的o既都驚餐飽。 不過， 大局已定， 因為今日就係 「Mercedes –Benz香港打o比大賽2009 - 獲選參賽馬匹名單」o既公佈日。 大家先o黎睇1睇呢個「獲選參賽馬匹名單」先喇， 隨表附送小妹千辛萬苦地準備o既 預計騎師list俾大家！

馬號　 馬名　 練馬師　 評分　 預計騎師
1 閒話一句 約翰摩亞　 115　 白德民
2 君皇鷹　 約翰摩亞　 105　 巫斯義
3 自由好　 沈集城　　 105　 蘇銘倫
4 首飾奇寶  蔡約翰    105   杜利萊
5 再豐裕    蔡約翰    101    韋達
6 羅馬      李易達    101    柏寶
7 色彩傳奇  蘇保羅    100    潘頓
8 長有    約翰摩亞     94   馬偉昌
9 好先生   何良        91   冼毅力
10 漂亮第一 告東尼    90    高雅志
11 夢幻組合 告東尼    90    (未知)
12 好計劃  葉楚航     89    (未知)
13 喜威寶  方嘉柏     89     戴勝
14 按得快  沈集成     86    韋健仕

o的騎師配搭小妹都幾肯定o架喇， 當然， 都要保留返少少有機會更改o既權利，  至於list上面o既未知s， 小妹都可以o係度同大家分析1番o既！ o係香港現有o既騎師選擇其實唔多， 當中普萊西o既傷勢亦係1個疑問。 「漂亮第一」就請o左高雅志返o黎出戰呢項大賽， 咁告東尼o既另1匹「夢幻組合」又點呢？ 蔡明紹o既表演出色， 告東尼又會唔會好似上屆咁， 起用見習生上陣呢？ 另外， 小妹早前收到消息「按得快」係想搵冼毅力o既， 不過佢最後選擇o左效力「好先生」， 而「按得快」就落係韋健仕手上喇！

小妹已經聯絡o左有關o既人事o架喇， 1有最新最update o既騎師配搭， 小妹會即刻o係呢度通知大家o架喇！ Web Team o既同事， 辛苦晒！

呀…… 小妹最近剪o左頭髮呀！ 隨blog附上近照1張！
作者: happycamel    時間: 2009-3-10 18:11     標題: 回復 1# 的帖子

GIGI                   



霸頭位 等update
作者: 浪高長岸    時間: 2009-3-10 22:11

小妹真係靚啦

好計劃不是用滇仔嗎?
夢幻组合如用賴仔就好了...
作者: john    時間: 2009-3-10 23:01

  yes..pretty girl !
作者: MSC1417    時間: 2009-3-10 23:53     標題: 手到拿來

千萬身價,閒話一句,大摩捧盃......
作者: happycamel    時間: 2009-3-11 16:32



未有令女update   
作者: 茶水站站長    時間: 2009-3-11 16:34

引用:
原帖由 happycamel 於 2009-3-11 16:32 發表
未有令女update   
一來未得閒去睇 blog ，二來邊有咁快。　
作者: leohkcom    時間: 2009-3-11 16:55

個人比較喜歡 : 閒話一句, 再豐裕, 好先生.
牠們的跑法較適合香港.
最初很喜歡 再豐裕 因本身有前速, 可前跟而纏鬥力又很強, 可惜最近常無故留後, 未有再真正發揮, 可惜可惜!!!!
作者: 浪高長岸    時間: 2009-3-11 18:32

閒話一句easy win ,但最難是第二呢?
作者: mark+gor    時間: 2009-3-11 23:30

看上週取勝資態，閒話一句應該贏得
對手係無同佢同場跑過的馬
首飾奇寶勇熟，John Size 收埋操，唔搵韋達可能係奇兵一路
另外，我都覺得羅馬唔會係咁差
作者: 茶水站站長    時間: 2009-3-12 10:06

Gigi blog 暫時未有最新打o比資料，另外有會員 pm 站長，問點解冇 Gigi 張近照，站長再睇番，真係唔見左喎，唔通唔准轉貼圖片。　

而家再貼番，希望睇到啦。　
作者: 茶水站站長    時間: 2009-3-12 16:07

轉左自馬會網頁：Gigi Blog

最漂亮的打o比人馬12 March 2009

仲有10日就係1年1度o既打o比大賽， o係o黎緊呢10日裡面， 小妹會源源不絕咁為大家送上打o比各路人馬o既專訪， 千祈唔好錯過！

小妹今日好榮幸， 可以邀請到打o比入選馬匹「漂亮第一」o既馬主， 莎莎國際控股有限公司o既主席及行政總裁 – 郭少明先生， 擔任小妹o既專訪系列第1位嘉賓。 歡迎！ 歡迎！

郭生名下o既馬匹， 馬名總係同「靚」有關， 由最早期o既「明艷照人」、 「靚得精彩」、 「靚得開心」， 到06年o既打o比入選馬匹「終身美麗」， 相信各位馬迷對佢o地1 o的都唔陌生。 今日， 「漂亮第一」再度為郭生帶o黎另1個圓佢打o比夢想o既希望， 究竟郭生係用點樣o既心情去迎接呢項賽事呢？ 「對於『漂亮第一』能夠入選打o比大賽， 我都已經好開心。 今次o既對手都好強， 但係我o地會盡力， 抽到個檔好就好。」

「漂亮第一」o黎到香港初期， 因為感染到1 o的病毒， 所以都休息o左1頗長o既時間， 到以為養好o左隻馬o既時候， 初出跑完o個場1400， 馬o既體重又突然大跌o左30磅， 結果「漂亮第一」o既操練1直都斷斷續續， 練馬師告東尼Tony都要重覆又重覆地做過晒所有o既功夫。 不過， 佢o地o既心血總算冇白費到， 「漂亮第一」o係第2次跑o既o個場1800米賽事， 即刻o係蘇銘倫跨下得第2， 所有o既健康問題亦好似1掃而空。 郭生︰「當時o既狀態8成都到， 我相信到打o比大賽當日， 馬o既狀態可以有9成幾。」 o個場輸俾當打o既「好日子」， 1 o的都唔失禮！

郭生預計， 「漂亮第一」未必會放頭跑， 視乎檔位而定， 希望可以守o係3， 4位， 到直路先走甩， 但係講到尾， 佢最希望可以抽到1 - 5檔。 至於騎師配搭方面， 郭生同Tony o既意見一致︰ 「高雅志最o岩發揮呢o的均速馬！」

小妹話︰ 「漂亮第一」o既呼聲當然不及當年o既o個匹「終身美麗」， 但係單計馬匹本身o既狀態， 確實比之前進步o左好多。 學郭生話， 以「漂亮第一」現時o既水準同評分， 假使可以跑入5名之內都已經好開心， 至少可以證明到呢匹馬有1定o既實力呀！

首先， 小妹要再1次多謝郭生接受小妹o既訪問， 多謝晒！ 另外， 小妹聽講騎師馬匹配搭o個方面會有o的變動， 不過都要等到消息確實o左先可以同大家公佈…… 所以呢， 繼續緊貼住小妹o既myHKJC blog喇！
作者: 茶水站站長    時間: 2009-3-13 11:52

引用:
原帖由 浪高長岸 於 2009-3-10 22:11 發表
小妹真係靚啦

好計劃不是用滇仔嗎?
夢幻组合如用賴仔就好了...
轉自馬會網頁，Gigi Blog ：

P.S. 小妹收到最新消息...騎師馬匹配搭方面...巫斯義會改騎「好計劃」...
作者: 茶水站站長    時間: 2009-3-13 16:48

轉自馬會網頁，Gigi Blog ：　

打o比人馬配搭速報

哇…… 小妹o既update 又o黎喇！ 騎師馬匹配搭方面有所變動， 以下先送上最新最update o既騎師馬匹配搭資料！

o係表入面見到有*星星*記號o既地方， 就係有所更改o架喇！ 巫斯義將會策騎「好計劃」上陣， 而「君皇鷹」就會配馬偉昌， 至於「長有」o既鞍上人暫定o左係都爾。 大摩o既座騎配搭大執位， 蔡約翰都o黎個對調， 雖然「首飾奇寶」o既馬主董滿輝先生講到明好想杜利萊騎返， 但係同時佢亦非常之尊重同相信蔡約翰o既決定， 將「首飾奇寶」交返去韋達手上， 而杜利萊則會騎「再豐裕」。 希望呢o的初步o既概念， 可以幫到大家o係做功課o既時候用得著喇！

另外， 打o比預賽冠軍「首飾奇寶」o既馬主董滿輝先生今朝有出沙田馬場睇晨操， o係講返上1場「Mercedes Benz 香港打o比預賽」o既時候， 董生︰「跑o個場o既壓力真係好大！」 至於原因， 就要歸咎於前1場o既「Mercedes Benz 香港經典一哩賽」喇， 因為呢1場「首飾奇寶」o既表現實在係強差人意， o係韋達跨下只係得第9， 亦唔知道固中o既原因， 所以當「首飾奇寶」o係打o比預賽贏o左o個1剎， 董生亦鬆o左1口氣。 對於今次o既打o比大賽， 董生決定以平常心面對， 亦再3強調， 無論係配韋達又或者杜利萊都好， 都會係練馬師蔡約翰最佳o既決定！

[ 本帖最後由 HJ2127_ATR1 於 2009-3-13 16:49 編輯 ]
作者: star    時間: 2009-3-14 13:58

引用:
原帖由 茶水站站長 於 2009-3-12 10:06 發表
Gigi blog 暫時未有最新打o比資料，另外有會員 pm 站長，問點解冇 Gigi 張近照，站長再睇番，真係唔見左喎，唔通唔准轉貼圖片。　

而家再貼番，希望睇到啦。　
馬會新聞之花
作者: 茶水站站長    時間: 2009-3-14 14:50

轉自馬會網頁，Gigi Blog ：  

小妹專訪系列o既第2擊

呢幾日， 「夢幻組合」即將宣佈退出o既消息滿天飛， 其實小妹早o係星期3晚已經聽到呢個消息， 不過馬會o既網頁1直都未有正式公佈， 所有小妹都唔敢下定論， 究竟「夢幻組合」係跑抑或唔跑呢？ 不過， 大家應該留意到， 「夢幻組合」將會o係聽日o既沙田1400米賽事上陣， 騎師方面會強配蘇銘倫， 對手方面都1樣超強， 有4戰都輕鬆取勝o既「鳥雨花香」， 真係唔知咩葫蘆賣咩藥喇！

又o黎到小妹專訪系列o既第2擊喇！ 今次o既主角1樣係馬主， 名下o既馬亦曾經出爭過打o比， 仲得過第2名o既佳績…… 講到呢度， 大家應該已經估到， 佢就係「喜威寶」o既馬主羅建生先生！ 羅生多次強調贏打o比大賽係佢o既夢想， 提返上屆有份出爭打o比o既「喜聚寶」， 只係以頸位飲恨得第2， 仍然覺得輸得唔抵。

「喜威寶」曾經o係海外跑過1900米o既賽事， 以放頭o既跑法贏馬， 所以今次打o比大賽o既2000米路程， 根本就難佢唔到。 對於跑法， 羅生就話要視乎檔位再決定， 守o係5，6位o既機會比較大， 除o左檔位之外， 埸地係佢另1個concern︰「有雨更佳， Soft Track Very Good！」

狀態方面， 羅生指「喜威寶」而家係漸進式咁進步中， 1日比1日好， 早前試閘o既表現亦好輕鬆。 「我對『喜威寶』有1定o既期望， 上場只係步速問題先發揮得唔好。」 鞍上人戴勝更加為馬主打o左支強心針︰「只要有個好檔就有機會贏！」



[ 本帖最後由 HJ2127_ATR1 於 2009-3-14 14:52 編輯 ]
作者: KMY89    時間: 2009-3-15 10:34

今日個個講"閒話一句"，都算先知先覺 。
打吡冠軍當然是"羅馬"。
作者: 茶水站站長    時間: 2009-3-17 11:56

打o比報名已經出了，長有，夢幻組合退出：　
作者: 茶水站站長    時間: 2009-3-17 17:33

轉自馬會網頁：Gigi Blog  

「自由好」1 o的都唔擔心「閒話一句」

17 March 2009

經過小妹連日o黎o既努力， 1班騎練o既訪問都接近完成， 小妹發現佢o地都有1個共通點， 就係預o左自己匹馬會成為「閒話一句」o既蹄下敗將…… 除o左佢。

「自由好」o既練馬師沈集成Danny同小妹講︰「1 o的都唔擔心， 跑過先知得唔得！」 佢話馬o既狀態而家比起前1仗經典一哩賽o既時候更好， 但係最重要都係要睇騎師臨場o既發揮。 講到上1場o既打o比預賽， Danny表示只不過係策略之1， 對「自由好」o既表現1 o的o既失望都冇， 佢o既目標係打o比大賽！

Danny表示， 同場好多o既馬o係近幾場o既比賽都已經用o左好多力， 無疑對佢o既馬o黎講係1個優勢， 問到Danny「自由好」o既預計跑法， 佢就俾o左1 o的數據小妹參考︰ 「睇返2月22日， 同樣係A+3欄o既賽事， 後面o既馬係好難追， 擺前o的跑會比較有優勢， 至於點跑， 就要睇o下排位當日抽到個咩檔位喇！」

至於騎師蘇銘倫對「自由好」o既信心， 就只限於place， 佢預計「閒話一句」會放甩4 – 5個馬位返o黎。 但係佢同意Danny所講， 「自由好」o係之前o個兩場冇用盡， 臨場會睇o下有冇偷襲o既機會。

至於Danny o既另1匹參戰馬「按得快」， Danny話參戰純粹係為o左應馬主o既要求， 而o係騎師方面， 原本冼毅力已經應承o左騎o架喇， 不過最後佢都係選擇o左騎「好先生」， 而搵韋健仕o既原因， 係1班馬主都認為佢近排有o的運仔喎！

最後， 又俾返o的騎師馬匹配搭o既update大家先！ 「勇者無敵」o既騎師係都爾， 而「真係寶」o既騎師係勞愛德呀！
作者: 茶水站站長    時間: 2009-3-18 12:02

轉自馬會網頁：Gigi Blog   

今日專訪o既主角係大摩同白德民

18 March 2009
小妹o尋日講過， 1眾o既騎練都極之睇好「閒話一句」， 「自由好」o既騎師蘇銘倫甚至預計「閒話一句」會放甩4 – 5個馬位返o黎， 究竟「閒話一句」本身o既練馬師又點睇呢？ 小妹今日專訪o既主角係大摩同白德民！

訪問當日， 小妹覺得佢o地o既心情特別輕鬆， 而o係成個訪問o既過程中， 最搞笑o既係當小妹o既同事「循例地」問o下大摩， o係同場有冇邊1匹馬會係對手o既時候， 大摩竟然「O」o左咀， 擘大口得個窿o左大概係8 - 10秒鐘o既時間， 而呢個問題o既答案係︰「冇， 我預計『閒話一句』可以放甩3 – 4個馬位返o黎。」 o衣？ 比蘇銘倫保守o的喎！

檔位方面， 大摩希望「閒話一句」可以抽到中檔， 以減低俾馬困住o既機會。 另外， 大摩話同場有1 o的唔夠班跑o既馬， 如果跟住o係佢o地後面o既話好容易會塞死， 為o左避免跑跑o下有隋退o既機會， 會盡量令自己放o係有利o既位置。

跑法方面， 大摩相信呢場o既步速唔會太快， 雖然「閒話一句」上次贏o個場o既步速都係偏快o既， 但係佢話「閒話一句」非常flexible， 跟前o的跑都絕對冇問題！

而騎師白德民就指「閒話一句」o既級數高人1等， 加上而家o既狀態非常之好， 佢o地已經做好晒所有o既準備功夫。 白德民︰「希望今次o既打o比大賽， 會成為我騎師生涯入面1個新o既里程碑！」 至於對手方面， 白德民認為有機會威脅佢o既馬有3匹， 分別係「自由好」，「首飾奇寶」同埋「羅馬」！

o尋日朝早小妹入o左馬房！ 如果想知道小妹探o左邊隻馬仔， 同邊位打o比人馬做專訪o既話， 記得繼續留意小妹o既熱爆JC Blog喇！
作者: 茶水站站長    時間: 2009-3-19 10:50

轉自馬會網頁：Gigi Blog  

訪問蔡神仙

19 March 2009


打o比預賽o既盟主「首飾奇寶」， 本來係好應該成為今屆打o比大賽o既焦點， 不過1匹「閒話一句」， 就連被譽為蔡神仙o既練馬師蔡約翰都冇晒佢乎， 大嘆︰「『閒話一句』 基本上完全超晒班， 呢場賽事等同佢自己1匹馬跑晒冇分別。」「至於其他o既對手， 有5 – 6 匹馬都會跑得好接近， 當中包括『首飾奇寶』同『再豐裕』。」

蔡神仙話「首飾奇寶」同「再豐裕」而家o既狀態都不相伯仲， 但係「首飾奇寶」始終o係1800米贏過， 相對比「再豐裕」更有優勢。 佢唯1擔心o既係步速太慢， 因為好有可能同時影響2匹馬o既發揮， 預計「再豐裕」會走快o的， 而「首飾奇寶」就會用返上1場佢認為係最佳o既跑法。
有睇小妹o既myHKJC blog o既話， 都應該知道蔡神仙o係騎師配搭方面花o左唔少腦力。 結果， 「首飾奇寶」配杜利萊而「再豐裕」配韋達， 蔡神仙話最主要o既原因， 係佢非常滿意杜利萊o係「首飾奇寶」鞍上o既表現， 而「再豐裕」同韋達亦夾慣夾熟， 相信呢個會係最好o既決定。

另外， 小妹都有訪問過騎師杜利萊o架， 不過佢所講o既同蔡神仙講o既都差唔多， 所以小妹就唔o係呢度重覆喇， 送返張佢o既型仔相俾大家睇o下就算喇！
作者: 茶水站站長    時間: 2009-3-19 11:16

排位表：　
作者: 茶水站站長    時間: 2009-3-22 19:42

轉自馬會網頁：Gigi Blog  

葉楚航和巫斯義有個「好計劃」

21 March 2009
為o左今次o既打o比大賽， 小妹接近做晒所有騎練o既專訪， 不過由於時間同篇幅有限o既關係， 小妹今日就o係其餘o既專訪入面揀多1個o黎送俾大家！ 今日o既主角係「好計劃」o既練馬師葉楚航Dennis同騎師巫斯義Mosse！

Dennis表示「好計劃」之前o既傷患， 對佢跑打o比o既部署有o的影響， 而假如佢前1場已經贏o左o既話， 根本就唔會再晒力跑o岩o岩o個場1800米。 至於「好計劃」應唔應付到2000米o既路程， Dennis就話始終未跑過都唔知， 但係睇返佢之前陣上o既表現， 係應該應付得到。 對「好計劃」o既期望︰「如果跑到頭5名內就好o架喇， 始終佢o既評分差好多， 『閒話一句』呢匹馬好高， 而『好先生』亦係對手！」

小妹問過Dennis， 如果唔係巫斯義決定棄騎「君皇鷹」而揀騎「好計劃」o既話， 佢o地原本係諗住搵柏兆雷返o黎o既。 究竟點解巫斯義會有1個咁樣o既決定呢？

巫斯義解釋︰「之前幫『君皇鷹』試o左1課， 但係感覺唔係咁好， 同我原本預計o既『君皇鷹』有好大o既出入， 慶幸大摩都好明白我o既決定。」佢認為『閒話一句』同『自由好』都係好強o既對手， 但係佢會盡全力去跑個位置返o黎。

以下係小妹o既心水馬匹︰
馬號 馬名
1 閒話一句
3 自由好
9 好先生
11 好計劃

wuuuuuuuuu…… 好緊張呀！ 聽日沙田馬場見！
作者: 茶水站站長    時間: 2009-3-22 19:45

引用:
以下係小妹o既心水馬匹︰
馬號 馬名
1 閒話一句
3 自由好
9 好先生
11 好計劃
　睇番原來 Gigi 中左三重彩，可惜遲左睇！　

入場就見唔到 Gigi，劉璇同幾個鬼妹仔就見到。　
作者: 茶水站站長    時間: 2009-3-22 19:50

打o比名次：　
作者: 茶水站站長    時間: 2009-3-22 19:52

打o比派彩：　



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0