Board logo

標題: [原創] 我想到個方法對付索馬利海盜，大家入嚟吹吓是否可行∼∼ [打印本頁]
作者: 無神論狂徒    時間: 2009-4-16 17:29     標題: 我想到個方法對付索馬利海盜，大家入嚟吹吓是否可行∼∼

我個諗法其實冇乜特別，香港捉黃色架步都常用，就係：

放蛇

有心對付海盜的國家都各自派出假貨船，當然船上面要放滿貨柜，放一啲重物入貨柜，以防船身輕露馬腳∼∼
船上部處好幾十個軍佬同長短火，飛毛腿，巡航導彈，地獄火，whole nine yards乜叉都有∼∼（當然唔洗咁勁，吹下水啫）
軍佬要扮到個個羊牯樣子的水手，專門在海盜出現的地方游來游去．．．．

只要放蛇比例多，做海盜的自然會驚中招，自然會收歛∼∼

一係規定，所有行經該處的貨輪都要向軍方申請保安，每首派五六個至十個不等，帶齊長短火做保安∼∼

其實古時海盜橫行的年代，貨輪都會武裝自己，有火熗有大炮，現代貨輪都可能有需要∼∼


其實索馬利多海盜，歸根究底都係窮，自己國家當權者唔爭氣，成日搞內亂∼∼而事實上索馬利的人民一啲都唔好過，索馬利人經常有大批人膽正命平，用部船仔，好似蜑家艇咁大的船仔偷渡去也門，年年都死唔少人，因為一首船仔企人好似地鐵繁忙時間咁迫，個海又大浪，周不時一個浪打過去，跌幾個人落海死咗去∼∼時間又耐，餓死熱死渴死大把人，由於坐船耐，屎尿都係企嚮度痾，搞到臭氣薰天污糟拿渣∼∼埋到岸死唔去都係虛脫∼∼不過好在多數有救援組織的人員在岸邊巡邏去救呢啲人∼∼

其實問題係索馬利政府∼∼但係你吹佢唔賬，佢老子鐘意∼∼吹咩∼∼傳聞軍閥有資助海盜做嘢∼
要解決問題的根本，可能真係要打跨其當權人軍閥，重新建立一個政權，改善人民生活才能解決∼∼
希望索馬利人民可以免受呢啲苦。
作者: 至尊豪庭11    時間: 2009-4-16 18:00

提示: 作者被禁止或刪除 內容自動屏蔽
作者: 無神論狂徒    時間: 2009-4-16 18:24

唔好咁煩喇∼∼
原子彈咪得囉∼∼
一個原子彈有幾貴啫∼∼比唔起咩！美國佬彈粒鼻屎出嚟都買得起有餘啦∼∼
再成勢入侵中東一帶再打埋非洲同印度，再入泰國南洋一帶，長驅直入東歐同西歐同北歐，打埋日本同南美智利古巴再打埋加拿大同冰島∼∼
最後中國為正義一戰，打敗美國一舉而統治全世界∼∼實行仁政！世界大同呀∼∼
作者: 飛毛腿    時間: 2009-4-17 18:41     標題: 回復 3# 的帖子

咪傻啦
好多國家暗底不知幾歡迎班海盜
大家有藉口去亞丁灣遊船河展示軍力又可以操練海軍
又乘機霸地頭
班海盜好識做, 只謀財不害命
唔似中東綁架外國人質後割頭示眾
你睇架佬班木嘴仲話派反潛直昇機去亞丁灣
防海盜防到要反潛直昇機 ?   
美國佬就派導彈戰艦去
睇怕搞搞吓連核武器都搬埋過去  
作者: masuk    時間: 2009-4-18 09:01

引用:
原帖由 飛毛腿 於 2009-4-17 18:41 發表 咪傻啦好多國家暗底不知幾歡迎班海盜大家有藉口去亞丁灣遊船河展示軍力又可以操練海軍又乘機霸地頭班海盜好識做, 只謀財不害命唔似中東綁架外國人質後割頭示眾你睇架佬班木嘴仲話派反潛直昇機去亞丁灣 ...
呵呵，怪唔之得某詩可這樣頌：颯爽英姿五尺槍，夕陽斜照演兵場；架佬木嘴多奇志，不愛文裝愛武裝。
作者: 無神論狂徒    時間: 2009-4-18 17:14

咁又係喎！∼可以Show off下軍力，的確係一個好好的平台去展示軍力∼∼

自從美國Seal派人去殺咗幾件海盜蛋散，真係有少少膽心班海盜會轉為下下撕票∼∼
始終殺人唔好∼∼

查實索馬里一路都係 anarchical狀態∼∼聯合國可以好好考慮呢點，睇睇可唔可以做到嘢∼∼
作者: 飛毛腿    時間: 2009-4-20 17:56     標題: 回復 6# 的帖子

其實班海盜係美國佬間接搞出嚟
90年代以前索馬里有個 "伊斯蘭聖戰聯盟"  ( 大概係咁上下名稱)
強硬剷除海盜, 打到班海盜有如喪家狗
--  情形似二戰時, 墨索里尼對付西西里島班黑手黨, 趕盡殺絕幾乎將黑手黨滅種
美國佬唔順超班回教佬掌控索馬里, 所以支持其他叛軍
搞到戰國時代咁各方軍閥大混戰
後來又借聯合國名義去維和
總之十九幾年來索馬里亂過亂世佳人
而呢班海盜其實係所謂 " 商業海盜 "
向船公司同保險公司勒索贖金
唔同馬六甲海狹, 印尼, 馬來西亞海盜果種殺人越貨



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0