香港 Xocat Forum 討論區 - Powered by Discuz! Board

標題: 究竟係"御前"龍井, "雨前"龍井, "乳前"龍井 [打印本頁]

作者: carsl 時間: 2009-4-19 19:59 標題: 究竟係"御前"龍井, "雨前"龍井, "乳前"龍井

究竟係"御前"龍井, "雨前"龍井, "乳前"龍井...
我係網上查到有咁多個叫法, 邊個較接近正確呢?

作者: dynmv 時間: 2009-4-19 21:34

引用:

原帖由 carsl 於 2009-4-19 19:59 發表
究竟係"御前"龍井, "雨前"龍井, "乳前"龍井...
我係網上查到有咁多個叫法, 邊個較接近正確呢?

龍井分為明前與雨前,意思係講採摘嘅時間,
明前-清明前採摘,雨前-谷雨前採摘.
明前好過雨前.
而好的龍井茶葉係會上繳中央,
稱"御前"的我哋就無褔品嚐啦.

作者: 老何 時間: 2009-4-20 12:56

引用:

原帖由 dynmv 於 2009-4-19 21:34 發表

龍井分為明前與雨前,意思係講採摘嘅時間,
明前-清明前採摘,雨前-谷雨前採摘.
明前好過雨前.
而好的龍井茶葉係會上繳中央,
稱"御前"的我哋就無褔品嚐啦.

上繳中央Ｄ茶葉, 點會系好嘢AH, 冇人咁儍捉虫入SEE FAT.

作者: mlcheung.ml 時間: 2009-4-20 14:30

3#

老何兄我讀過曹聚仁的文章介紹，上繳的茶葉是一棵生長在瀑布中的茶樹叫什麼一品大紅袍，採摘下來做好茶葉約一斤，上繳毛蔣孫三位分享。情況如此

作者: 牛奶蛇 時間: 2009-4-21 04:18

曾看过報導, 採茶姑娘把茶葉一边採, 一边放於胸膛, 故有乳前龙井之称.

作者: 老何 時間: 2009-4-21 14:21

有小輩來電問, 何以聖上冇靚茶飲, 點解会捉虫. 年輕人不知輕重才有此一問。
要知道茶葉是天然產品, 質量有關天氣。天氣者溫度雨量陽光, 三缺一品貭立變。
因產品質量年年不同，負責官員為免皇上責問點解唔同味, 是否欺君；通常都是
配搭產物，味道永遠如一，這是對付糊塗皇帝之道；因我國明君, 五隻手指數晤晒，
就算明君都冇得飲, 因官員不知何時因龍顏大怒而被遷怒，固自保之道, 惟有如此。
此事見明人筆記, 己忘書名, 惟合乎人性, 可信度高, 將人比已, 我亦如此。

作者: tangkennis 時間: 2009-4-21 18:16

小弟多口搭句嘴，寫得唔好多有得罪，勿怪！

一講又要講番二十幾年前了

！ 1988 年有套電影《胭脂扣》由阿梅姐梅豔芳、哥哥張國榮主演，二人今俱不在，思之令人神傷矣！在戲中有一幕講風塵女子阿如花（阿梅姐飾）往見十二少(哥哥飾)之阿媽(譚倩紅飾)，後者為了家門清白唔想阿如花入門嫁十二少，於是乎就說了一段 “ … 我哋家鄉有清白女子往採龍井茶葉，藏於胸前，吸取少女體香，謂之「乳前」龍井 …〞要用言詞令如花知難而退 …

係個陣時大家(包括小弟) 都對「乳前」龍井一事感到極之新奇

，因為係第一次聽到，咁樣 … 未聽過唔代表無架嘛

！！

小弟記得嗰陣時有才子作家在報上專欄「論証」其事。他亦認為龍井一般只有御前或雨前的說法，版主 dynmv 已有論述，不贅了。那麼「乳前」之說是否編劇小說家「美麗的詮釋」呢？那又未必！！據他說，有一些地區的文人筆記亦曾錄有其詞或其風俗，說有些大户人家有「特殊嗜好」或「特殊俗例」專找些稚嫩少女去採摘「乳前」龍井咁話喎

！！故此有理由相信御前或雨前龍井是正常或一般的說法，那麼以前人家有錢或有例要去制作一些「異品」龍井，我哋都唔可以排除有呢種可能性嘅

！！希望冇記錯喇

！！

歡迎光臨香港 Xocat Forum 討論區 (http://p.xocat.com/p/)