香港 Xocat Forum 討論區 - Powered by Discuz! Board

標題: [原創] 管理員夜遊日誌 : 十 ~ 後會有期。 [打印本頁]

作者: 管理員先生 時間: 2009-5-12 20:32 標題: 管理員夜遊日誌 : 十 ~ 後會有期。

幕後大老爺 : 唔經唔覺，管理員夜遊日誌，已經去到最後一集，多謝討論區俾個位我係度出報告，多謝各位版主既支持，多謝喜歡呢套作品既網友，希望後會有期，不久既將來，會有新作品同大家見面。

++++++++++++++++++++++++++++

以下內容，全屬嘉賓雞蛋團長 ( 以下簡稱雞哥 ) 及主持管理員先生 ( 以下簡稱管理員 ) 個人意見，與本內遊討論區全無關係。

++++++++++++++++++++++++++++

管理員 : 雞哥，團長樂『討』去到最後一集啦，點解你要起個牌頭叫自己做雞蛋團長呢 ?

雞哥 : 我最初個牌頭叫 CAPTAIN X , 有次團友交報告將我寫成 CAPTAIN EGG , 之後叫下叫下我就變左雞蛋團長啦。

管理員 : 雞哥，你帶團帶左幾耐呀 ?

雞哥 : 大約六七年左右啦。

管理員 : 可唔可以講下呢六七年既轉變呀 ?

雞哥 : 大約係分四個階段既，等我慢慢講啦 ~

最初係聚網形式，參加既都係網上吹慣水既人，冇話邊個做團長，邊個得閒就邊個做，唔會預先夾定錢，通常都係玩完睇單除人頭。

第二階段，開始有新人加入，由完場收錢，變成入場收錢，通常係出團貼寫到明團費收幾多，之後多除小補，不過當時團費都係沙灣一百沙咀百五，團長就會睇住夾左既錢來落 order，個時做團長大多數要包底，不過爆單都係團長出多幾草至一百，真係爆得多，每人最多都係俾多三至五十，個陣時真係冇人會計較，唔以得依家甘，玩完使多一百幾十就返討論區嘈到流晒牙血，幾肉酸呀。

到左第三階段，由於參加既人越來越多，甘夾既錢就多左，有淨既錢就會越多，玩慣既人都知，唱 K，人越多，每人要夾既錢就越平。以同一間場計，好似兩個人去玩，每人飲一打可能要每人三百落樓，如果有二十個人一齊去，每人飲一打應該唔使二百，重有，唔係個個人都甘飲得，以我個人經驗計，JOIN 得團玩既，七成都係唔飲得既，拉上補下，加上團長同主場既關係，好似超送，存酒，自帶烈酒免開瓶費，計晒所有野可能每人百五都夠找數。

加上係第三階段，所有團長所收既團費，都係用最小人成團既方式來計算應該收既團費，好似三人成團，就用三個人來計，個團多人參加既，團長一定係有錢落袋，有團友參加過一兩次，就自己就插支旗做團長，第三階段既時間，曾經出過團既團長真係多到數到數唔晒。

到左今時今日，即係第四階段，已經變成團長同大場合作，或者係大場搵自己既團長落討論區拉客，團長只係負責拉客賺人頭費，打個比喻，大場出價俾團長每個人頭百五一打啤酒雜費全包，或者二百五任飲雜費全包，團長搵客， mark up 團費幾多，mark up 既部份就團長落袋，至於其他細節既野，係呢度就唔再多講啦。

同第三階段比，第四階段搵既錢一定小左，不過團長既風險就細好多，如果當晚參加既人數小又係全部飲得既，當晚張單一定爆到亞媽都唔認得，如果晚晚都開團，係第四階段有人參加，團長就有錢落袋，點都好過第三階段，得幾丁友參加就會白做或者隨時要貼錢。當然，依家重有好多團長行緊第三階段既方法，不過團長之間競爭越來越激烈，有大場做 back up 既團長一定係比較有優勢，而大場又樂意接受團長呢類人同佢地拉客，係眼見既將來，長開長有既團長一定係同大場合作既全職團長。

++++++++++++++++++++++++++++

管理員 : 你點樣由業餘變做全職架 ?

雞哥 : 最初都係三沙一水，沙灣，攪即日團，或者常平長安攪下過夜團，通常一個禮拜攪兩三團左右，搵外快之餘重可以溝下部長，媽咪，當年真係食唔小女架，慢慢攪仁 K 既團長越來越多，甘我就轉攪 DISCO，攪 DISCO 個期最搵錢，團費收得高，團友飲既酒又小，一間房迫三四十人都冇人會嘈，加上團友九成九都會食 XXXX，放個類野就最賺，而且食左 XXXX，又唔會點飲酒，攪一團 DISCO 搵既錢多過攪三團仁 K，真係賺到笑。

自從 838 執左，甘就轉攪酒吧團，酒吧團攪過幾次，次次都要貼錢，酒吧團好難攪，好似 FACE 呢類大場，間場本身已經收得好貴，團費開價四百都未必有得執，團費開價甘高，來既一定係飲得之人，再加上講明女係 FOC，如果一條仔拖幾條女來玩，一定係貼錢請佢地飲，而且落吧既人通常都唔好 XXXX，攪過幾次見冇作為就冇再攪。轉返去攪仁 K。

今年過農曆年前，自己做野間公司執左，係新年前都好難搵工，個段時間就做全職攪手先，過左年再打算，之後有大場老總係討論區搵我，問我有冇興趣合作，我見條件都唔錯，咪當係正職做住先，一做就做到依家啦。

++++++++++++++++++++++++++++

管理員 : 通常係邊類人會跟團多架 ?

雞哥 : 通常都係唔識路既新手，或者係想搵腳一齊玩既獨行俠。

管理員 : 你自己點睇團攪呢類職業呢 ?

雞哥 : 攪團呢行一定係雙贏，唔係都唔會甘多人攪團，甘多人參加。團長同團友雙方都係得益者，最慘就係太多人攪團或者跟團搵食，團長同團長之間既明爭暗鬥，先至攪到呢行甘污煙瘴氣。

管理員 : 差唔多到尾聲啦，你可唔可以講下雞蛋主場係邊間呀 ?

雞哥 : 秘密。

管理員 : 俾下面講小小都唔得 ?

雞哥 : 係新世紀年代，一個住係花都市既有錢人，每個 Sunday 都會坐帆船美怡登號，去曼克頓半島，係匯美森林入面既天鵝湖，捕捉紅色獅子，再去桃園採摘五月花。

管理員 : 今集時間又夠啦，再次多謝各位網友支持管理員夜遊日誌，最後，講多一次團長樂土三大名言 ~ 不要問，只要信。文明回貼。團長樂土我愛你。後會有期。

雞哥 : 不要問，只要信。文明回貼。團長樂土我愛你。後會有期。

============= 完 =============

[ 本帖最後由管理員先生於 2009-5-12 22:35 編輯 ]

作者: 7-siu 時間: 2009-5-12 20:50 標題: 回復 1# 的帖子

發人(心)深醒！

作者: Happy_Everyday 時間: 2009-5-12 21:10

引用:

原帖由 7-siu 於 2009-5-12 20:50 發表
發人(心)深醒！

明哂團長嘅演變 !!!

作者: ivan99 時間: 2009-5-13 10:56

希望快D有第十一，十二...................

作者: ivan99 時間: 2009-5-13 11:19

仲有，仲有，點參加？請PM我，我乜都試過，硬係未試過跟團，好想試下，心情好似細個時去旅行前夕一樣

作者: 管理員先生 時間: 2009-5-13 23:46

引用:

原帖由 ivan99 於 2009-5-13 11:19 發表
仲有，仲有，點參加？請PM我，我乜都試過，硬係未試過跟團，好想試下，心情好似細個時去旅行前夕一樣

第一 , xocat 唔鼓勵網友攪團同跟團 !

第二 , 我已經唔會再攪團 !

萬二分抱歉 !

作者: 無情情流水 時間: 2009-5-14 00:27

引用:

原帖由 管理員先生 於 2009-5-12 20:32 發表
幕後大老爺 : 唔經唔覺，管理員夜遊日誌，已經去到最後一集，多謝討論區俾個位我係度出報告，多謝各位版主既支持，多謝喜歡呢套作品既網友，希望後會有期，不久既將來，會有新作品同大家見面。

+++++++++++++++++ ...

好帖! 多謝晒！

作者: simonkok 時間: 2009-5-14 02:01

引用:

原帖由 管理員先生 於 2009-5-13 23:46 發表

第一 , xocat 唔鼓勵網友攪團同跟團 !

第二 , 我已經唔會再攪團 !

萬二分抱歉 !

恭喜你..我諗你己經搵到份有稳定收入正職!

作者: ivan99 時間: 2009-5-14 09:21

引用:

原帖由 管理員先生 於 2009-5-13 23:46 發表

第一 , xocat 唔鼓勵網友攪團同跟團 !

第二 , 我已經唔會再攪團 !

萬二分抱歉 !

第一點唔重要，因唔鼓勵唔等如唔俾件事發生，反而第二點最主要。

作者: 管理員先生 時間: 2009-5-14 10:20

引用:

原帖由 simonkok 於 2009-5-14 02:01 發表

恭喜你..我諗你己經搵到份有稳定收入正職!

我依家份正職咪係內遊燈頭網站做版面管理員 , 擺到明收受團長俾我既著數 !

作者: potatogundam 時間: 2009-5-14 11:33

Thanks your report, very interesting

歡迎光臨香港 Xocat Forum 討論區 (http://p.xocat.com/p/)