香港 Xocat Forum 討論區 - Powered by Discuz! Board

標題: 北韓出招，似乎呢舖濕滯 [打印本頁]

作者: 無神論狂徒 時間: 2009-5-28 10:54 標題: 北韓出招，似乎呢舖濕滯

http://www.libertytimes.com.tw/2009/new/may/28/today-int1.htm

中國大陸一向都有個堅定的國策：中國領土不可分割
這個絕對可以理解，也是每一個國家的基本國策～～

韓國人係一個自尊心極重的民族，有點野蠻，我嗅到少少自卑的心理～～韓國又點會比自己國土長久分列呢～～所以我估韓國人都希望有朝一日可以天下統一～～問題係如何統一～～說到這裏，不能不擔心北韓真的會出兵打南韓，企圖用武力統一韓國～～

依家北韓已經擁有核武力量，更加危險！
在以前的中國，老毛講過，寧要核子，不要褲子，因為核子打擊力可以令一個國家不會被消滅，好簡單，國家都被滅，有乜唔夠膽做？所以有核武的國家，唔會有人夠膽滅也最好少惹～～而且有核武，國家企出都可以大聲啲～～如果當年中國唔係有核武，可能仲比人冾梗～～香港都分分鐘收唔返。
老鄧同鐵娘子講中國人窮，但係唔怕打杖，呢句的震攝力，冇咗核武做後盾，差好遠～～
北韓亦是如此，金正日做的是為國家生存而努力，唔可以話佢錯～～個人認為最錯的是西方國家以鐵腕極權手段去搞一些所謂邪惡軸心～～

作者: 飛毛腿 時間: 2009-5-28 14:28

放心啦
咪睇金老二耐不耐就發花癲咁狂吠
其實佢心裡面清楚, 佢嘅實力要保住半壁江山已經出盡吃奶之力
武力統一南韓 ? 想都咪想
而南韓現時國力想統一北韓....
撇開軍事能力唔講, 人口4800萬嘅南韓一下子要養起2400萬赤貧嘅北韓人口
大家生活水平倒退到大長今年代都似

而最最重要係...
一個分裂嘅韓國合乎中美俄三大鱷嘅利益, 各取所需

作者: 飛毛腿 時間: 2009-5-28 14:56

有核武都要睇係咩國家
俄羅斯嘅核武就可以令成個歐洲寢食不安
對於小國而言
核武係防守性武器, 作用有如一個無敵盾牌
能令大國唔敢打上門 - 打上門就意味同歸於盡 !
但小國唔可能用核武當攻擊武器
一用核武攻擊, 後果必然係亡國滅種, 你諗你喇.

所以美國佬咁唔過癮其他小國發展核武
理由好簡單, 邊個喺全世界到處撩事鬥非, 睇唔順眼就喊打 ?
如果伊拉克、阿富汗有核武的話
美國佬打上門會有咩後果 ?

今日北韓金老二要搞隻核蛋看門口
最如坐針氈係日本

地球上唯一啃過原子蛋就係日本佬, 諗起都發惡夢

而金老二最唔順眼係日本佬
日本佬身為老美專用太監, 想發展核武就先問問主子肯唔肯....
就算日本北韓都有核武, 中國唔駛驚
邊個敢郁手向中國掟核武器, 後果就係....
中國東北變成焦土, 死一億幾千萬人, 東北從此變死域
但郁手果個就從地圖上永遠消失

作者: 飛毛腿 時間: 2009-5-28 15:02

金老二唔係傻佬
邊個係大佬級數人馬佢好清楚
但對太監就.....

美国事先知道朝鲜核试验未告诉日本
星岛环球网 www.stnn.cc 2009-05-26

　　星岛环球网消息：美国政府官员承认，朝鲜在核试验进行前一个小时，
朝鲜已经向美国政府进行了通报。显然，美国并没有通报给日本政府，
这让日美军事同盟关系再度蒙上阴影。

　　日本新闻网报道，日本政府是在朝鲜核试验1个半小时后，
才从韩国联合通讯社的报道中获得相关消息。上午11时45分，日本首相官邸成立了紧急对策室。
但是此时，朝鲜的地下核试验已经结束1个小时50分钟。

作者: 無神論狂徒 時間: 2009-5-28 15:32

哈！你永遠有精到見解！
拋磗引玉~~
好洗好用～～
有冇再長啲分析～～
睇得唔夠過癮～～你太短喇～～

作者: 無神論狂徒 時間: 2009-5-28 15:37

其實南韓可以實行一國兩際治北%C

作者: 無神論狂徒 時間: 2009-5-28 15:38

其實南韓可以實行一國兩際治北%C

作者: 無神論狂徒 時間: 2009-5-28 15:39

其實南韓可以實行一國兩際治北韓！
南韓分區而治，北韓仍要維持自食其力，但在北韓搞開放資本主義！
有如中國治香港！
總之在政策上錢銀上分治兩國，或者都有得諗！

作者: 飛毛腿 時間: 2009-5-28 21:53

引用:

原帖由 無神論狂徒 於 2009-5-28 15:39 發表
其實南韓可以實行一國兩際治北韓！
南韓分區而治，北韓仍要維持自食其力，但在北韓搞開放資本主義！
有如中國治香港！
總之在政策上錢銀上分治兩國，或者都有得諗！

講真, 佢地統唔統一, 強唔強大
關我地叉事
在中國立場,一個統一又強大嘅韓國對中國絕無好處
有如歐美國家千方百計想搞到中國四分五裂就最冇威脅力
而現實中, 北韓金老二家族同其他掌權者點會將政權拱手讓俾南韓
金老二肯, 下面班軍佬都即刻將佢消滅啦

作者: 飛毛腿 時間: 2009-5-28 22:04

不過, 你講起北韓開放, 佢地都唔係冇嘗試到 :

2003年6月30日

（中央社記者姜遠珍漢城三十日專電）繼歷史性的金剛山觀光旅遊事業之後，
堪稱劃時代的南北韓和解合作交流的象徵──闢建北韓開城南韓專屬工業園區的計劃，
在南北韓雙方人士的大舉參與之下，今天上午在距離漢城七十公里的北韓開城直轄市行
了隆重的破土開工典禮。

2008年03月14日
北韓門開一縫，歐美世界為之驚動。
繼2月25日美國愛樂樂團訪問北韓後，3月5日德國汽車零部件廠商瑞拓集團(Prettl)在北韓開城工業園區開業，
成為首家在該區開業的歐美公司。
消息一傳出，敏感的人們嗅到了北韓半島半個多世紀來的某種持續變化的開啟。

中國網 china.com.cn　　時間： 2009-05-15
北韓宣佈開城工業園區合同無效南韓表示不能接受
北韓中央特區開發指導總局15日向韓方發出通知書，宣佈開城工業園區現有合約和法規等無效。
南韓方面對此表示，不能接受朝方的這種單方面決定。

呢個開城工業園區就係南韓前總統盧武鉉同金大中執政時嘅 “陽光政策”
一到李明博上台後, 政策急轉灣
對北韓嘅 “陽光政策” 急速冷卻, 疏遠與中國關係, 一切以美國老大馬首是瞻
2008年初李命薄上台後跟美國簽訂美韓自由貿易協議, 開放美國牛肉進口韓國去討好老大
引起韓佬激烈反對, 搞到幾乎一上台就要被趕落台
而對北韓態度改為敵視, 兩邊嘅軍事將領大打無聊口水戰
雙方揚言要向對方狂轟濫炸, 俾 d color 對方 see see

對美國而言, 有一個北韓威脅存在, 大條道理駐軍南韓
既可圍堵中國, 又可控制南韓, 兼賣軍火賺 $$$$$
美國佬當然樂意 “養寇” 為患
美國軍佬又可誇大東亞軍事危機向國會爭取經費

[ 本帖最後由飛毛腿於 2009-5-28 22:06 編輯 ]

作者: 飛毛腿 時間: 2009-6-5 21:23 標題: 回復 8# 的帖子

費事開新 thread
橫掂呢條 thread 講開北韓
有關北韓就繼續在此寫....

作者: 飛毛腿 時間: 2009-6-5 21:28

大無賴與小無賴

唔知大家仲記唔記得大概兩年幾前 (2006年)
美國同北韓有所謂假美鈔風波同埋洗錢案搞到好僵
其中所謂洗錢更牽涉到澳門匯業銀行, 搞到要由澳門政府出面接管間銀行

呢次講嘅假美鈔唔係一般假鈔
係 1990年時最初出現嘅 “超級百元假美鈔”
所以話 “超級” 因為其印刷精美度竟然比真鈔更高 !
此超級假鈔最先出現於中東
美國財政部就指責係黎巴嫩嘅哈茲布拉，或者係敘利亞，或者係伊朗…就係假美鈔製造者
按照美國法律，製造假美元就係向美國宣戰，美軍就可以殺入去…
咁大家明白點解美財政部話梗係呢班流氓國家印假美鈔, 唔駛問阿貴喇
好衰唔衰, 當時有北韓外交官帶住大批假美鈔而被擒
咁就俾老大咬住北韓佬死不放口

作者: 飛毛腿 時間: 2009-6-5 21:32

點解北韓無釐頭走去中東搞假美鈔 ?
專家分析話可能性有二 :
1.北韓佬偷偷地賣導彈俾中東佬, 收著批假美鈔
2.北韓佬想搵 easy money, 半價買批超級假美鈔返嚟轉手賺多少

1996年美國重新設計過一套難以仿偽嘅美鈔
所以直至 2006年美國國會一個研究報告話 : 結合南韓情報資料
冇跡象顯示北韓再參與假美鈔活動

據歐洲偽鈔專家意見認為
超級百元印刷水平比真正美元更高超，但似乎就故意留下一d 記號
可以俾美國國內嘅驗鈔機輕易辨明真假，保證美國自己嘅金融系統不受假美元衝擊
海外流通嘅美元占總發行美元的三分之二，好多國家根本就冇美國專用嘅驗鈔機
中招都未知乜事
西方印鈔專家估計，能夠印刷咁高水準鈔票嘅印鈔機只有瑞士嘅專門公司出產，
而單係印刷機成本就超過5千萬美元，仲未包括墨水，印鈔紙等
因為北韓窮，上一次買舊印銀紙機器條數都未找清，瑞士根本連舊機器嘅零件唔肯再賒俾佢
所以北韓貨幣要靠中國幫手印刷，北韓冇可能有能力印如此高水準嘅假鈔
仲有, 發現嘅超級假美鈔總共得5000萬美元, 勉強夠買部印鈔機
咁油墨、印刷紙呢 ? 都要錢買架
印好 d 假美鈔仲要兩三折或更低價透過黑市假鈔市場賣出去散貨
北韓真係印假美元的話, 印幾多先番本 ?
美國傳統基金會嘅學者們“估算”出朝鮮在10年內，每年可以偽造2億5千萬美元假鈔
但美國聯儲局的資料可以查核到 - 聯儲局過去十年平均每年發現的偽鈔為4千萬
而任何美元流通，在第三和第四手時，就會由美國聯儲局下的一家分行接觸到
冇可能有超過2億的偽鈔在外面流通而不被發覺

作者: 飛毛腿 時間: 2009-6-5 21:37

仲有一樣特別奇妙有趣之處 ~
新美鈔防偽技術上加入變色油墨
而呢種變色油墨係瑞士一間公司 Sicpa 專利生產
北韓也好, 邊個也好, 要用變色油墨印超級假美鈔就必定要向 Sicpa 買….
或者印假鈔者自己發明到老翻變色油墨
Sicpa 嘅專家可以憑油墨去判斷係咪真貨, 甚至可以化驗出邊度有呢種老翻油墨生產
美國財政部和國務院共同主持一個叫“北韓造假鈔全球座談會”
Sicpa 拒絕出席 ! 南韓同國際刑警組織都側側膊缺席
Sicpa回應德國記者提問時表示 : 因為美國係該公司最大客戶, 所以唔會對此事作出任何評論
講到呢度, 大家應該估到係咩事, 冇錯…..

歐洲犯罪學專家一致判定呢 d 超級假美鈔根本就係美國自己印
專家推斷多數係 CIA 進行某 D 秘密活動, 為咗繞過國會監管,
自己印假美鈔解決經費

本來瑞士唔想對呢件超級假鈔事件發表任何意見
但布殊政府借抵制伊朗為名去針對歐洲金融業
財政部攞出布殊行政命令要求瑞士銀行業跟美國合作
提供所有與伊朗有關金融活動
如果瑞士不合作的話，不排除 CIA引用美國反恐怖法
利用黑客闖入瑞士銀行系統，在其電腦記錄裏擦掉可疑“恐怖分子“帳戶上的所有金錢結存…..
瑞士政府實在忍無可忍，由警察部門公佈調查結果，關於美國對北韓偽造美元嘅指控係謊言…..
終於指控北韓印假美鈔鬧劇不了了之
小流氓俾大流氓喊打喊殺一輪之後終於暫時甩身

作者: 飛毛腿 時間: 2009-6-5 21:42

至於瑞士, 仲有下文….
今年2月, 美國又攞住把柄再次折磨瑞士

美國司法部指瑞銀 (UBS) 透過離岸金融服務幫美國客戶避稅
瑞銀美國主管被迫認罪, 用 7.8億美元罰款代替刑事控訴
仲要向美國政府交出幾百個可疑逃稅客戶資料… 點知…
2月19日, 美國司法部向邁阿密地方法院起訴，再次指控瑞銀集團
要求其向美方提供５．２萬個擁有秘密賬戶的美國客戶名單
至此, 瑞士佬真係谷到袋都爆

於是, 瑞士反擊, 瑞士聯邦法院2月20日晚緊急下令禁止向第三者特別是美國
稅務部門移交涉及瑞銀集團８名客戶資訊，責令瑞銀集團和瑞士金監機構24日前對移交決定作出答覆

中立 ?

公理 ?

望吓自己隻拳頭先講

作者: 無神論狂徒 時間: 2009-6-11 16:08

點解你會知咁多嘢?
我睇新聞都唔見有,你真係勁,你係

歡迎光臨香港 Xocat Forum 討論區 (http://p.xocat.com/p/)