Board logo

標題: 梅窩居民 [打印本頁]
作者: maksc    時間: 2009-6-16 10:44     標題: 梅窩居民

究竟梅窩居民是反對正生書院?
還是爭取一間中學?
如果是爭取一間中學,是一間什麼的中學(Band 1定Band 3?)
當地有幾多適齡讀中學的學生?夠唔夠人數辦一間中學?
他們的子弟程度如何?(Band 1可能唔夠資格,Band 3又好似侮辱佢貴子弟!)
梅窩居民有冇搞清楚自己的問題?
作者: yy9999    時間: 2009-6-16 10:59

舉腳和議
作者: 理魯竇    時間: 2009-6-16 10:59

根本上反對正生書院理由十分牽強，
亦不會獲社會大眾支持，
唯有節外生枝，轉移視線，
其實就算梅窩將來真係有中學，
都唔會有好多人去讀，
個個都走去市區揾名校。

[ 本帖最後由 理魯竇 於 2009-6-16 11:01 編輯 ]
作者: maksc    時間: 2009-6-16 11:20

正生書院又唔係麻瘋院,胸肺科醫院?
市區都在殺校,殺到D教師人心惶惶!
離島開間中學,真係幾有趣!
主要問題是正生書院的宗旨無得講喇,是解決社會問題的團體,冇人會話不對!
作者: Jeff9394    時間: 2009-6-16 11:52

最 惡 頂 係 佢 係 電 台 到 張 班 學 生 講 到 好 似 有 菌 咁 用 SARS 帶 菌 者 來 比 喻 佢 地

同 我 想 問 佢 地 話 入 邊 冇 中 學, 佢 地 D 子 女 要 用 3~4 個 鐘 先 返 到 學 校.....
我 真 係 唔 識 同 唔 明,  望 各 位 大 哥 指 教 下!!!
佢 地 D 子 女 返 緊 咩 學 校 要 用 成 3~4 個 鐘 先 返 到 學 校??
梅 窩 出 市 區 要 幾 耐?
梅 窩 去 東 涌 要 幾 耐?
東 涌 冇 學 校 架 咩?
作者: maksc    時間: 2009-6-16 12:57

引用:
原帖由 Jeff9394 於 2009-6-16 03:52 發表
最 惡 頂 係 佢 係 電 台 到 張 班 學 生 講 到 好 似 有 菌 咁 用 SARS 帶 菌 者 來 比 喻 佢 地

同 我 想 問 佢 地 話 入 邊 冇 中 學, 佢 地 D 子 女 要 用 3~4 個 鐘 先 返 到 學 校.....
我 真 係 ...
同意你閣下的論點,諗落班梅窩居民都幾有趣!
講真,正生書院在梅窩落腳,幾乎是開硬啦!
作者: nsk    時間: 2009-6-17 12:56

個間離島南約中學正正係冇人入讀先至殺校既！有學校又吾讀，人地辦正生又反對，真係無理！社民連班喪狗又吾見出來撐正生！係咪怕左班鄉下顛狗？
作者: 無神論狂徒    時間: 2009-6-17 13:24

一句：
白粉妹
白粉仔

梅窩人的質素唔係咁差吓哇∼∼
基本尊重人的禮貌都冇，我好唔老禮呢樣嘢∼∼
作者: 理魯竇    時間: 2009-6-17 23:17     標題: 反正生代表女兒讀半山名校 稱「宗教原因」 不留梅窩讀書

(明報)2009年6月17日 星期三 05:05

【明報專訊】梅窩居民極力要求原區設校，但事實上南大嶼山    根本不夠學生，而不少家長亦不願讓子女留在梅窩讀書；如連日來代表梅窩居民反對正生遷入的梅窩鄉事委員會副主席曾雲川，亦不把女兒送入梅窩的幼稚園，而是送到港島半山的幼稚園就讀，他解釋是因宗教背景而送女兒往天主教學校。
曾雲川接受查詢時表示，自己育有兩名女兒，幼女尚未適齡入學，長女正在位於羅便臣道的嘉諾撒聖心幼稚園就讀。

曾雲川：梅窩沒天主教校
他稱，現時梅窩有兩間幼稚園，分別為無宗教信仰及基督教背景，而他一家則信仰天主教，基於宗教理由，沒送女兒到梅窩的幼稚園就讀。至於將來女兒會否回梅窩升讀小學，曾則稱要視乎情况，可能選擇回梅窩，亦可能會選擇原校升學。
其實，教育局曾多次指出，今年新學年，南大嶼山的升中一學生人數不足50人，根本不足以支持一間全面的中學。
另外，立法會    議員張文光    昨於商台    節目《左右大局》中，踢爆當年南約區中學被殺校前夕，曾收到該校師生曾爭取續辦，但當時身為校監的離島區議會    主席林偉強愛理不理，但林現時卻希望重辦中學。
林偉強否認懶理南約被殺
林偉強則在節目中解釋，當年因梅窩規劃不善，令南約區中學收生不足，故導致殺校。而當年他一直努力爭取，但無必要向張文光匯報，但有資料留存作證。
他表示，當時曾去信鄉議局    要求讓學校續辦，亦有要求和其他國際學校合併，及邀請內地大學來梅窩辦分校，但因經濟低迷，難以找到人接手營辦。
支持正生居民敢怒不敢言
另外，梅窩居民並非一面倒反對正生。家住梅窩10多年的李小姐昨日致電本報，表示部分梅窩居民贊成正生遷入，「他們不代表我們！」她表示，周日居民諮詢大會會場內，反對者態度惡劣，而鄉事委員會待反對者說完意見後，即表示因趕時間要投票，過程太倉卒，在場的支持者既不敢、亦無機會說話。
「街坊那天好似着了魔」
她形容，當有人拿出贊成居民的簽名時，有村民似想打人。而她則很內疚，因自己不敢在眾目睽睽下表達意見，「街坊平時好正常，但那天好似着魔一樣」。她指出，贊成正生遷入梅窩的居民都敢怒不敢言，但部分人正計劃秘密前往正生書院探訪，「無團體敢搞，我們會自己去」。

睇完以上報導，我覺得好奇怪，
身為天主教徒，點解會咁落力做這些擺明係歧視他人的行為，
上帝都唔會原諒佢。
作者: raymondckw32    時間: 2009-6-18 00:17

簡直不知所謂....連梅窩鄉事委員會副主席曾雲川，都將個女送去半山讀名校，咁你老哥(曾雲川先生)就收聲啦......



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0