Board logo

標題: [原創] 加埋 威尼斯 既遊後感 [打印本頁]
作者: xingwong    時間: 2009-6-23 14:17     標題: 加埋 威尼斯 既遊後感

威尼斯離 米蘭應該唔係太遠, 坐火車 都係 2 個鐘左右.
如果可以既話, 強烈建議大家坐最早既車, 有 d 地方係 5 點第一班, 有 d 係半夜 1:00 幾開出.
米蘭係有夜車去既, 最好係 4~6 個人一起買(我地成班人, 分2個 room) 如果唔係, 你有機會同幾個大漢或美女(看你好唔好彩了)同房.
由於果邊係 5~7 月間既晚上, 差不多 半夜個月亮先升起, 所以半夜車係勁正既~談天說地, 飲紅酒, 食 pizza 或者肉類, 看月亮......
車票係 15 eruo 左右 只能用正黎形容 ! (btw 果邊紅酒好平, 4 euro 已經好好飲)
不過問題係可能冇得平訓~ 因為大家都係坐既, 所以 4 個人呢就坐得鬆 d, 6 個人就玩夜 d 啦....紅酒上頭, 點都訓得啦.

到左近天光, (其實大約係 5:00 左右架 ja, 玩玩下就天光)... 就準備好相機, 影日出!!! 因為夜車多數會停多幾個站, 所以有好多機會影
到 d 靚野. 無論係海景定係田野境都好正~ 到左威尼斯, 又係完全唔同既境.

威尼斯係水都, 連巴士都係水上既(即係船....) 佢地係冇任何地面上既 汽車既. 連 的士 都係船....
唔知點形容比大家聽..... 其實威尼斯並不太大..... 看地圖的感覺 比香港仲細, 最多一個港島咁大....
但係 小路勁多, 拿住 map 都分分鐘 迷路, 但係迷路或者係好事, 因為有好多 建築物都係係 內城區, 好雅致.
大型建築物比如教堂呀 博物館呀 之類都係近河, 但小商店就在內城, 仲有名牌店, 我就見到有 parada gucci 等等...
仲有佢地既 玻璃手工業都係一樣令人著迷的事物.
當地每年好像有個狂歡節, 那是一種氣氛, 平時都會有那些節日物品賣, 如面具, 縷金花鞋等等....
但在非節日去, 那是一種寧靜和歷史的感動.....

有機會大家一定要去..... 感受....很多時是文字表達不出來的(或者只是我的文筆太差.... ^_^''''' )
作者: fivesixnine    時間: 2009-6-23 16:00

引用:
原帖由 xingwong 於 2009-6-23 14:17 發表
威尼斯離 米蘭應該唔係太遠, 坐火車 都係 2 個鐘左右.
如果可以既話, 強烈建議大家坐最早既車, 有 d 地方係 5 點第一班, 有 d 係半夜 1:00 幾開出.
米蘭係有夜車去既, 最好係 4~6 個人一起買(我地成班人, 分2個 ro ...
多謝分享.
旅遊就是個人的親身感受; 每個人都不一樣.
小弟90年也曾到威尼斯作短遊.
可否放點相片跟大家分享?
作者: ganono    時間: 2009-6-27 14:04

是呀, 有相看就更好啦. thanks
作者: whoami123    時間: 2009-7-6 23:28

有没有行程表，住宿方面你是如何预购的？



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0