香港 Xocat Forum 討論區 - Powered by Discuz! Board

標題: 我越來越覺得哈爺有品味 [打印本頁]

作者: Jeff9394 時間: 2009-7-21 14:19 標題: 我越來越覺得哈爺有品味

你睇下呢架野攪咩攪到咁既樣重要同人講佢改左 30 萬

唔止飄移車手改 Aristo嚟參賽，就連普通車主都愛死佢嘅跑車血統，豪花 30萬大變身，周身閃燈未算最招積，打開尾箱先係巉眼之處。尾箱底部玩透明，紅藍綠燈光圍住刻紋走，襯埋 Soundstream激盪靚聲，即變迷你舞台。去車尾攞嘢時，分分鐘忍唔住 45度斜企，唱埋首《 Smooth Criminal》先熄車走人。

膠板搶眼過音響
呢架舞台版 Aristo， 99年車仲賣成 12萬，車主再豪花 30萬同佢裝身，最自豪係尾箱大變身。先入眼簾係一大塊亞加力膠橫跨尾箱底部，中間刻住超大圓形圖案，曲線加三角幾何混雜，襯埋會幻變嘅紅藍綠燈，好似魔法陣咁攝人靈魂。負責改裝嘅 Star Station話呢塊膠一啲都唔平，「圖案由車主自己設計，跟手我哋攞去雷射雕刻，為顧及尾箱嘅裝嘢功能，所以夾番兩層膠板增加硬度，成本約八千幾。」三個擴音機藏喺膠板下方，連埋前方喇叭都係用番著名 Soundstream，雖然背後裝上兩個 10"低音單元，但依然平衡到高中低音，無損甜美靚聲。


a.燈光會沿膠板刻紋發光，如魔法陣般迷惑耀眼	c.一對低音喇叭，由音箱到木條都係自行製作	軚盤上豐田章鋪晒水晶，相當有心思	內櫳本為全灰色，把心一橫噴埋桃紅，古典味出奇地夾

b.尾冚隱藏燈位，外包油畫拉布，好有劇院 Feel	d. CD機同 DVD機劃清界線，證明車主係發燒友	全車好多加咗燈嘅鰓位，夜晚出街最型係你

霸氣包圍古典皮櫳
車主係聽歌發燒友，以為佢嗰 30萬擺晒喺 HiFi度，原來音響只佔七萬幾，其餘搞晒外觀同內櫳。由於 Aristo配備 Twin Turbo引擎， 280匹已經好夠，所以預算集中喺包圍 Kit度，如超低頭唇、裙腳同尾泵把等，令 Aristo變得更有型格，最特別係頭冚同頭轆沙板，都有如鰓位般嘅散熱口，每條坑位又暗藏燈泡，夜晚一着細燈，整架車透出如螢火蟲般嘅點點綠色，咁迷人嘅代價盛惠三萬幾。花四萬幾換上 20"巨大胎軨、避震兩萬、頭 Brake一對再加三萬幾，預算不知不覺越搞越高。
上面嘅一大堆，只係改裝基本嘢，睇埋內櫳，再嚇我一跳。改裝車行負責人 Andy嫌原廠灰色駕駛艙唔好睇，卒之翻噴成桃紅色，座椅無換仿桶設計，但改為啡加米白 Two Tone皮，令全車襯到絕。未計水晶豐田 Logo、後座藍光閱讀燈、中控台機頭改裝位、後座兩個「芒」等，改裝費已達 30萬，能造就呢架獨一無二嘅 Aristo，車主仲話好抵喎。