香港 Xocat Forum 討論區 - Powered by Discuz! Board

標題: 韋達今年廢左 [打印本頁]

作者: dennle 時間: 2009-11-13 16:59 標題: 韋達今年廢左

韋達今年廢左只係開個post比你地講下，韋達係我心見中不嬲都係一個垃圾中的垃圾，九流騎師，做到冠軍只係靠d靚馬，要靠騎功可以話=廢武功
不如又玩下今年邊果會係冠軍騎師，會唔會破格比一個減十磅的見習生贏到做冠軍呢。又或者係一個客串三個月就贏冠軍騎師比你睇既人。
對於馬會依家搵埋晒d唔知咩騎師返黎跑馬有咩意見，叻既騎師又唔比人地黎，咁係你地心見中換d咩騎師返黎會好d啦

作者: 時分秒 時間: 2009-11-14 05:20

佢係公關王，不過好勤力架。

作者: 熊魔鬼 時間: 2009-11-16 16:47

作為一個馬迷,
最緊要係贏錢,
又唔係捧歌星偶像,
理得佢邊個係冠軍? 邊個係亞軍?
更加唔需要馬會換d乜野高手返黎做冠軍騎師,
只需要監察好賽事能夠公平角逐就足夠,
世界頂尖級高手又如何?
我落注係想贏錢,
而唔係睇show,
係咪頂尖級騎師完全唔重要,
多d有好鬥志既騎師至係馬迷之福.

作者: dennle 時間: 2009-11-16 20:26

引用:

原帖由 熊魔鬼 於 2009-11-16 16:47 發表
作為一個馬迷,
最緊要係贏錢,
又唔係捧歌星偶像,
理得佢邊個係冠軍? 邊個係亞軍?
更加唔需要馬會換d乜野高手返黎做冠軍騎師,
只需要監察好賽事能夠公平角逐就足夠,
世界頂尖級高手又如何?
我落注係想贏錢,
而 ...

兄弟冇錯作為馬迷梗係想贏錢啦，但係你係另一個角度去諗，你買左隻馬，你睇晒所有賽積，操練所有野都好好，但係跑左出黎之後係因為個騎師另到你買隻馬輸左，咁你慶唔慶先，唔係話偏幫，人地蘇銘倫點解咁受人歡迎，係因為睇到既係隻馬唔得，唔係佢騎得唔好，雖然佢都會有曾既時候，但係佢錯識得即時執生，咁輸左係我地馬迷角度都唔會媽媽聲，競賽小組唔好講啦，佢地成1班都係外行管內行，點會有公平呀

作者: KMY89 時間: 2009-11-16 21:59

攞一届两届就可以話夠運，連續九屆絕非饒倖

；
咁都係垃圾？輸俾佢果Ｄ例如：Eric St. Martin 係乜？

有D人就係鍾意馬後砲，一沉百踩 ...

作者: 熊魔鬼 時間: 2009-11-16 23:53

引用:

原帖由 dennle 於 2009-11-16 20:26 發表
兄弟冇錯作為馬迷梗係想贏錢啦，但係你係另一個角度去諗，你買左隻馬，你睇晒所有賽積，操練所有野都好好，但係跑左出黎之後係因為個騎師另到你買隻馬輸左，咁你慶唔慶先，唔係話偏幫，人地蘇銘倫點解咁受人歡迎，係 ...

如果見到自己投注既馬因為騎師某種錯誤而輸,
當然唔開心,
不過亦冇必要成日將埋怨掛o係口唇邊,
相反,
我會檢討下自己點解咁老襯,
明知個騎師唔掂都要投注落佢身上,
我會諗清諗楚下次仲應唔應信佢,
例子就係都爾哥,
佢騎既馬熱門我未必敢買,
因為我對佢既騎功唔多信任,
但如果我鍾意佢騎既冷門,
我又會捧佢場,
因為我只係一個馬迷(賭仔),
都爾做唔做到冠軍騎師?
定係會俾馬會掃走,
完全唔會在意,
我在意既只係我投注左佢隻馬跑唔跑得出?

其實跑一場馬唔係大家想得咁容易,
千鈞一髮之際可以有好多變數,
可以係騎師錯誤,
亦可以係馬匹本身有問題,
但歸根到底賽馬始終係一場馬匹實力比較既角逐,
最大既功勞係要睇練馬師既練馬功力,
騎師只係一個輔助,
馬匹冇爭勝實力的話,
配一個幾好既騎師都係冇用.
唔好聽d講騎師只係一隻棋子,
不過騎師係一場賽馬既最前線人物,
所以亦順理成章成為一眾馬迷或評馬人既注目,
兩者等如作曲家同歌手既關係.

我自己賭左廿年馬左右,
見盡唔少騎師或者馬匹因為輸左一場賽事,
受各方指斥唔應該輸俾某某馬匹,
結果兩個馬季之後,
當日取勝既馬匹已經連上兩班,
原來當日贏馬係因為評分大利,
而當日跑輸既馬匹,
仍然滯留在原先班次,
呢種情況我夠膽講係屢見不鮮,
只不過當日是否騎師跑錯馬既爭拗,
兩個馬季之後已經被大部份人遺忘.

作為一個長期作戰既馬迷,
輸左馬之後,
要檢討既係自己既揀馬方向,
終日埋怨騎師累自己輸錢係冇意思既.

以上只係小弟賭左廿年馬所累積既經驗,
意見不同, 請勿見怪!

作者: 熊魔鬼 時間: 2009-11-16 23:58

引用:

原帖由 KMY89 於 2009-11-16 21:59 發表
攞一届两届就可以話夠運，連續九屆絕非饒倖；
咁都係垃圾？輸俾佢果Ｄ例如：Eric St. Martin 係乜？
有D人就係鍾意馬後砲，一沉百踩 ...

騎師等如運動員
能夠贏到9屆冠軍,
除左要有一定身手之外,
內在鬥心亦好重要,
承受壓力既心理質素亦唔容易,
仲有一點就係騎師本身既心術,
心術不正者,
絕不能連年贏得好成績!

作者: 熊魔鬼 時間: 2009-11-17 00:08

引用:

原帖由 時分秒 於 2009-11-14 05:20 發表
佢係公關王，不過好勤力架。

如果冇一定既身手,
有幾好既公關能力都係冇用,
練馬師唔係傻既,
唔會隨便交一匹好馬俾一位只識交際而唔識贏馬既騎師.

作者: KMY89 時間: 2009-11-19 23:24

每年買番黎既馬的總額，遠遠高於獎金，
遠既唔講，就講阿斬幾刀，
永不回水、龍馬、黃馬 ...
加埋幾千個，贏兩場零頭都未夠 ...
重要養馬費

有D馬房逢熱必瓜 ... 冷就變身
e.g. 文記既長勝

無他 ... 揾食艱難

作者: dennle 時間: 2009-11-20 10:43

引用:

原帖由 KMY89 於 2009-11-19 23:24 發表
每年買番黎既馬的總額，遠遠高於獎金，
遠既唔講，就講阿斬幾刀，
永不回水、龍馬、黃馬 ...
加埋幾千個，贏兩場零頭都未夠 ...
重要養馬費

有D馬房逢熱必瓜 ... 冷就變身
e.g. 文記既長勝

無他 ... ...

至理名言，但係好似你地咁講九屈唔係驍幸，我只係講一句囉，係人都鍾意比人奉誠，人地奉誠你，一個人幾冇料都當你神咁拜，明未

作者: KMY89 時間: 2009-11-20 16:42

呢D係個人意見既，碧咸好唔好波都各有睇法.

歡迎光臨香港 Xocat Forum 討論區 (http://p.xocat.com/p/)