香港 Xocat Forum 討論區 - Powered by Discuz! Board

標題: [灌水] 一個尖沙咀赫德道海景大廈地面一個沒有人的商場. [打印本頁]

作者: sharpei99 時間: 2009-11-14 21:17 標題: 一個尖沙咀赫德道海景大廈地面一個沒有人的商場.

這件事就發生在今晚, 2009年11月1日, 晚上約九時多, 地點係一個尖沙咀赫德道海景大廈地面一個沒有人的商場.

其實我同我女朋友都有時候行經呢個商場, 不過主要都係去toilet, 因為呢個商場係完全無商戶 (只有一個化妝店), 而我們通常都會去這化妝店隔離的傷健廁, 因為另一個普通廁所夜晚經常都上鎖的 (日頭唔知有無開), 而呢個普通toilet都有分男,女, 都傷健廁.

今晚, 我們就行過這普通廁所, 方便地去了, 不過男女都上了鎖, 只有傷健廁沒有上鎖, 咁我就讓女朋友先去, 之後佢都去得好順暢, 到我的時候, 怪事發生了...

咁我入到去就掛個袋去個門"ban"度(即係開門果個位), 咁我就坐下去"大", 一路去, 一路聽到出面有高踭鞋既腳步聲, 咁我不以為然啦因為我女友都著高踭鞋, 咁去完好舒服咁出返去, 我就問我女友, 你等得好唔耐煩嗎? 係咁行來行去!? 跟住我女友就無呀! 我一直只係企嚮度等咋! 我話我明明嚮入面聽到出面有高踭鞋腳步聲的...

這時我同我女友都寒左一寒, 可能大家都意會到乜事, 之後我女友反問返我, 有無搖過度門, 我話無喎... 這時大家都真係開始驚, 我女友話, 我嚮出面聽到你係咁搖門都唔知你做乜... 我話會唔會風吹到度門呀... (但係果度又無乜風...) 我女友話搖門係一直持續到由我入去到我出來, 但係我嚮入面時又無聽到同無搖過門... 果時我地好驚了... 在尖沙咀行左一陣, 越想越心寒... 我決定返轉頭, 向廁所門道歉... "唔好意思呀, 我頭先只係借個廁所一用, 有乜野得罪唔好見怪. 唔該"

之後我地即刻走, 返屋企上來寫俾怪談節目知, 希望貴節目有時間, 可否去一去這個地方訪問或者真係check下果度有無什麼問題? 多謝有線電視先

此乃千真萬確, 絕無吹水之意, 如果有人唔信可以自己去試下.
地址: 赫德道海景大廈地面一個沒有人的商場, 商場名唔知出唔出得街, 我怕有線話我宣傳, 如果貴台覺得可以說商場名我才說吧,

歡迎光臨香港 Xocat Forum 討論區 (http://p.xocat.com/p/)