香港 Xocat Forum 討論區 - Powered by Discuz! Board

標題: [疑難] 被 One2Free 明屈 [打印本頁]

作者: fulookchu 時間: 2010-1-2 03:30 標題: 被 One2Free 明屈

本人在 10/11/2009 以 0 機價出左部 Song Ericsson W705 (粉紅色)，
轉用 $149- 月費計劃 (原是舊客戶低月費)，合約生效日期：04/12/09
另加隨身Video計劃 $38- 無限任睇TVB劇集，合約生效日期：10/11/09
當時已問清楚隨身Video計劃 $38- 是否已包上網費，那職員話係，我可以即時任睇，
咁我就分別在幾日試睇左幾集宮心計。
點知左 30/12/2009 下午有位姓張的 One2Free 職員打比我，
話我欠佢地公司 3千幾蚊上網費，咁我話我冇上網，只係睇過電視劇，乜 $38- 吾係包左上網費？
但個位張先生話我個合約要 12月先開始，但可以開多個電話號碼用 $69-月費簽約一年就吾洗交 3千幾蚊上網費，
但當時我冇合約在手同個登記人係我老公，所以我冇同張先生再傾落去，個位張先生要我老公打比佢，
我老公放工返到嚟，我又揾左張合約出嚟，清楚印明(另加隨身Video計劃 $38- 無限任睇TVB劇集，
合約生效日期：10/11/09)咁我老公打比個位張先生同佢講合約日期，張先生就轉口話我上網睇其他網，咁我真係冇呀，
我係一個家庭主婦每個月都只係用幾拾分鐘通話分鐘，成日係屋企做乜有電腦吾用要用電話上網呀？(各位話係吾係)
咁我就攞左個電話再同張先生講我冇用電話上個網睇其他網，
但係張先生好堅持我有用，而且 31/12/2009 係最後限期，如果我吾出新號碼就要交 3千幾蚊，
咁在吾想交 3千幾蚊之下白痴咁接受左用多個號碼，但最後張先生先至講要交 7百幾蚊先(之前從冇提過)，
問佢點解張先生話吾係全數吾洗交只係比優惠價(真係屈得好優惠)。

但有問題：
1) 如果我真係隨身Video計劃 $38- 無限任睇TVB劇集，
合約未生效點解我 12月份賬單冇張先生講個條 3 千幾蚊數 (每月截數日 3 號)，
而且我只係 11 份月有睇劇集但 12 份月冇睇過劇集。
2)如果要 1 月份先出到數咁我都未收到賬單，One2Free 點知我會吾交，咁快要揾我傾呢？
3)如果我收到單一路冇交點解 One2Free 要到最後 2 日限期先揾我傾？(即明屈)
4)前言不對後語，之前話我上網睇劇集到我老公話有合約在手就話我上網睇其他網。
5)我用左 One2Free 已經 7，8 年一路都冇發生事點解一轉plan就有事？

我有個係其他電訊公司做的朋友，話其實公司知都你用乜野服務，
就算你部電話吾係同佢出佢都知到你用乜機，係邊個位用過，所以要屈你，好容易只係屈幾多。

我對 One2Free 完全失去信心
我 31/12/2009 己經向消費者委員會投訴左啦！

今日 05/01/2010 停左我個號碼，今個月張單都未有就停左我。除左佢地所講個三仟幾蚊 (但欠佢未足一個月) 冇其他欠費，佢有病呀。！

[ 本帖最後由 fulookchu 於 2010-1-5 17:26 編輯 ]

作者: fulookchu 時間: 2010-1-6 18:00 標題: 回復 1# 的帖子

今日 05/01/2010 停左我個號碼，今個月張單都未有就停左我。除左佢地所講個三仟幾蚊 (但欠佢未足一個月) 冇其他欠費，佢有病呀！

昨晚 (05/01/2010) 因被停止服務問，我帶同合約去左揾幫我出機的職員，首先我末同佢講我的來意，只係好普通咁問佢隨身 Video 計劃 $38- 是否已包上網費及 GPRS 費，佢好肯定話係完全吾需要比 GPRS 費用，咁我再問佢生效日期，佢話係可以即日生效，只係有啲職員想個月費好計啲，先至要下個月截數日先開始，其實係睇個職員點做。咁我就表明來意，問點解 CUT 左我個電話？佢 CHECK 完話已經開反，好神奇喎我又冇揾過你哋又會無端端開反？佢話可能有又跟緊我單投訴，但又從來冇人揾我傾過，好奇怪吓。咁再 CHECK 三千幾蚊從可來，佢話一定吾係睇電視劇的費用，咁我叫佢出一份要有我上過乜嘢網、時間、日期的單比我，佢又話門市做吾到要揾顧客服務部同未必可以有晒全部網址， (咁其實睇吾睇到網址都冇所為，因為我都冇上過網) 我同佢講反個位張先生的說話，佢就話可能佢一時講錯左，只係見到我有個費用未交，就講左我用黎睇視劇 (乜佢吾係CHEUK清楚先揾我，而係要我話比佢聽，我有個 $ 38- 增值服務，佢先知講錯) 咁點做顧客服務員呀！咁我話如果我有用，三千幾蚊我一定會比，但係而家我冇用過，我一毫子都吾會比，平時佢地無端端收多我幾蚊 SMS 我都吾出聲啦。我同佢講，我已經向消費者委員會及電訊局投訴左，亦打算寄信去各大報章，同考慮報警處理 (可能有人盜用我條線)，咁佢就話會同顧客服務部講反，晚會有人同我聯絡，好我就等今晚！

[ 本帖最後由 fulookchu 於 2010-1-6 18:01 編輯 ]

作者: fulookchu 時間: 2010-1-8 17:00 標題: 回復 2# 的帖子

(06/01/2010) One2Free 夜晚有位小姐打左比我，我繼續堅持，我冇上過網，佢話幫我查詳細賬單，(07/01/2010) 晚再覆我，但到目前無下聞。

作者: pps908 時間: 2010-1-21 18:23

1010 好過123好多

作者: fulookchu 時間: 2010-1-21 19:06

終於等到位小姐回覆，遲左幾日 ( 12/01/2010 )，佢打嚟好似冇事咁，問佢點解咁遲先覆，只得一句 '' 吾好意思 '' 當時己經有啲激氣，咁問佢查成點，佢話我係有上過其他網睇過同有睇過 MTV ，吓睇過 MTV？我話冇喎，佢話記錄我有睇，咁我叫佢寄個記錄比我睇，等我睇左之後再決定會吾會報警處理，咁佢話好呀一星期左右我就可以收到，咁我哋就結束對話，其實我都冇心機再講落去，只會越講越激氣，而且我覺得佢哋一啲承意都冇。

( 14/01/2010 ) 有另一位先生打嚟，佢一開口就話我原本張單要交三千幾蚊，而家同我做左個優惠，只要交返五百幾蚊就得，咁我冇理佢講乜，只係話佢個位小姐遲左覆我啦，個位張先生前言不對後語，一直話只要我開多個新號碼就得，到最後先話要交多五百幾蚊。個位先生話知道張先生係表達上有問題，會同公司反影警告佢 ( 呢啲係佢內部問題 )，佢又繼續講張單，咁我問佢打嚟做乜，係吾係只係叫我交錢？佢話只係同我講冇可能全數吾交，已經做左個優惠只要交五百幾蚊而1月份單己經出左，問我收吾收到？我話12月同1月都收吾到，如果我收到12月張單，見到條三千幾蚊數我自己都打左比佢哋啦！洗乜等佢位張先生呀！我話佢哋吾知係吾係有心吾比單我，咁多年都未試過收吾到單，一收吾到單就發生呢件事，咁佢話我可以用個新號碼，我話我知可以用但係我無需要 ( 開始冇心機再講好嬲 ) 我話等佢哋寄左份記錄比我先，我再決定報吾報警。佢話報警？我話係呀我冇上過其他網即係有人偷用我條線啦！佢話佢哋有記錄，我而家即係口同鼻拗 ( 嬲上加嬲 )，我話我有做過三千幾蚊我一定會比，可況你而家只係要我比五百幾蚊仲吾即時比，而家問題係我冇做過，如果我有做過我做乜攪咁多嘢呀？無聊冇事做呀？( 吾想再同佢講啦 ) 我話等我收到份記錄先啦。

( 18/01/2010 ) 收到份只有日期、時間、用量，的所為詳細記錄而且日期係同一日。個日係星期一的上午我更加冇可能用電話上網。

歡迎光臨香港 Xocat Forum 討論區 (http://p.xocat.com/p/)