標題: 全球變暖 ? [打印本頁]

---

作者: 飛毛腿    時間: 2010-1-7 13:40     標題: 全球變暖 ?

科學家話俾我哋知地球日漸變暖
南北極 d 雪會融化
前香港天文台長話 50年後香港會冇冬天
小布薯話伊拉克有大殺傷力武器.....

近兩年香港好似唔係暖咗而係凍咗
記得前年有段時間凍到乜都縮埋
晌屋企都要著住件羽絨背心先頂得順, 唔係就背脊陣陣寒意
天文台仲發出最長時間嘅寒冷天氣警告 - 超過十日
今年一早就凍, 未到聖誕已經凍
仲一日內就凍瓜兩個人
前幾日先係中國節令嘅小雪, 你話 "大雪" 時豈不凍到甩肺 ?
呢兩日北京氣溫零下 16度, 話係 26年來最低溫
世界其它地方又點 ....

---

作者: 飛毛腿    時間: 2010-1-7 13:54

上兩星期美國大風雪
一場大風雪就整瓜十幾個人
而英國低溫兼落大雪, 倫敦晌聖誕前已經落下第一場雪
話係30年來最長寒流時間
德國落大雪冰封公路, 剷雪都剷唔徹
用嚟融雪嘅 "融雪鹽 " 用哂都唔惦
家下搞到唔夠融雪鹽用 ....
法國, 落雪落到公路癱瘓...
其它波蘭, 俄羅斯之類更加唔好講

家陣先正係一月初
今年睇怕仲有幾個月捱吓嚴寒天氣 ~ 起碼北美同歐洲, 中國北部
話唔定搞到連印度都落吓雪應應景
我就一 ｄ都唔覺得出奇

---

作者: masuk    時間: 2010-1-7 14:38

引用:

原帖由 飛毛腿 於 2010-1-7 13:40 發表 ...前幾日先係中國節令嘅小雪, 你話 "大雪" 時豈不凍到甩肺 ?  ...

5/1節令小寒；20/1節令大寒。
北方有俗云：小寒不寒寒大寒。
先兩日小寒，新聞話北京已見「歷史最低溫」，
半個月後，唔知大寒會唔會超「歷史最低溫」？
無論如何，「歷史最低溫」的報導，
似乎在說明，先民們比「暖化專家」更有預見性。

---

作者: masuk    時間: 2010-1-7 15:21

引用:

原帖由 飛毛腿 於 2010-1-7 13:40 發表 科學家話俾我哋知地球日漸變暖南北極 d 雪會融化前香港天文台長話 50年後香港會冇冬天小布薯話伊拉克有大殺傷力武器..... ...

環保呢味o野，唔知信唔信得過科學家？
早年因保護森林，主張多用塑料少用紙；近年又因保護森林，主張少用塑料多用循環袋。
同樣的一個理由，都出自科學家之口，今是昨非的叫人如何取信？
呢幾年我o地感同身受的天寒地凍，確有「小布薯話伊拉克有大殺傷力武器」之嫌。
綠色革命高唱入雲，難言不無吸引力，激發澎湃熱情；
不過，激情之餘還真需冷靜，不能只是人云亦云。
如沒有免費的午餐一樣，沒有無代價的革命，
綠色革命，我o地籌足本錢未？

---

作者: 無神論狂徒    時間: 2010-1-7 16:24

其實個故仔好複雜~~
全球變暖個後果，科學家暫時有兩個大結論∼∼一個係全球變熱，一路熱到生物接受唔到，出現大飢荒，人類滅絕∼∼
另一個係亞熱帶以外的地方進入冰河時期（亦係電影明日之後所講的情況，有印象嗎？最後講美國人湧入墨西哥）∼∼
前者大家唔難明，溫室效應，地球咪一路熱落去囉∼∼
後者源於一條海洋輸送帶∼大約由格凌蘭開始一路延伸到赤道一帶，而南半球也有類似的運作，其原因是赤道熱，海水受熱上升，而北極因水冷所以下沉，最後出現一條海洋輸送帶，赤道的海水會浮上水面向北走，到格凌蘭一帶遇冷下沉，冷海水下降到海床，沿海床向南走，直到赤道又遇熱上升；而這條輸送帶在地球起了調節溫度的作用，把北方冷水帶到南方，為南方降溫，又把南方暖水帶到北方，提高北方氣溫，使北方及赤道的溫度得到調節∼∼
但是溫室效應，北極冰塊大量溶解，而這些冰水是淡水，不是鹽水，淡水和咸水比會較輕，所以會浮於咸水上面，迫使咸水下沉到海床，即係南方海水向北走時，在未遇到足夠寒冷下沉前，已被淡水迫使南方海水提早下沉，結果係北方冷水未能送去南方，反之南方暖水也未能帶入北方，海洋輸送帶終止運作，結果係北方會得不到南方暖水調節而進入冰河時期，反之赤道得不到北方冷水調節而變得異常高溫∼合適人類居住的地方會變少∼∼人類面臨自然淘汰，歷史句訴人類，戰爭及為生存而掠奪會出現∼∼人類必定會出現滅族之戰，西方國家因為是在歐洲，加上西方的民族性　－　搞奪及種族屠殺，西方國家必會首先向南入侵，中國好有可能要同羅殺國開火，而歐洲極有可能入侵印度中東及非洲一帶，美國唔洗講，殺印弟安人起家，滅多幾個族也是舉手之勞，所有拉丁美洲智利阿根廷古巴墨西哥肯定和印第安人祖先同一下場，被殺剩幾個，再冷好心地人道對待∼∼而由於是生存之戰，敗者等同滅族，核戰亦幾乎必定會出現，因為橫死殿死，不如攬著一齊死，扔兩個原子彈仲可以博下，最後地球也有可能進入核涷冬　－　人造冰河時期∼∼
人類歷史也正式滅亡∼∼
不過．．．．．．．．
太長開另一個講｜∼∼

---

作者: 無神論狂徒    時間: 2010-1-7 16:56

十幾廿年前科學講溫室效應，全球暖化，但係經過科學研究，全球暖化的後果係點都唔敢肯定∼∼
所以近年轉講氣候轉變Climate change，你留意吓，綠色團體已經好少講全球暖化啦∼∼
早排哥本哈根個Cop15，南華早報差不多日日都係佢頭條∼∼當中有一則中國科學家的研究好耐人尋味∼∼中國因為歷史悠久，對於天文氣侯的記載，比起好多國家都多且有系統（全球冇幾多國家好似中國咁有史官記載歷史），要研究地球氣溫，其實中國係個大寶庫，中國科學家亦可以有第一手資料，比起西方科研人員，中國的歷史資料勁過班洋鬼子萬倍∼∼
有個奇特現象係中國文化高潮，文治武功顯赫的朝代，遺係氣溫最熱的時間，根據歷史記載，中國（全球？）氣溫上落有一個時序，一個週期，漢朝及唐朝剛好是中國最熱的歷史時刻，另外中國被外族入侵的歷史，例如元朝，中國氣溫是偏冷的∼∼而在漢唐盛世，物埠民豐，農作物年年豐收∼∼這個結論出，氣溫熱有助農作物生產，亦帶來經濟盛景∼∼所以中國有科學不主張控制全球氣溫，變暖了，中國北方也可以生產大量農作物，西歐冬天也可以種植∼∼

再講∼∼人類莫講話對地球有了解，對自己身體呢個系統都只知皮毛，大把絕症都未能攻剋，地球之大，還有多少運作中的系統是人類未知？可能真係多如牛毛，只一個溫室效應，加一個海洋輸送帶，兩個系統，係咪真係可以預測得到地球的未來，我係存有懷疑∼∼地球應該還有無數不為人知的運作中的系統及無數的自我修復的系統，而每個系統都互相影響，地球面對溫室效應的下場係點，我估冇科學家夠膽人頭博芋頭∼

但係個問題係∼∼你人類係咪真係敢去博吖∼∼有得溫室效應繼續落下唔理佢，個後果人類係咪真係玩得起呢？博嬴梗係好啦，物埠民豐啦∼∼衰咗呢？可能係全人類齊齊冚家散喎∼∼結論係人類玩唔玩得起∼

正如有科學家講，溫室效應可能係人類歷史上最大的惡作劇！

---

作者: 飛毛腿    時間: 2010-1-7 17:40

引用:

原帖由 masuk 於 2010-1-7 15:21 發表

環保呢味o野，唔知信唔信得過科學家？
早年因保護森林，主張多用塑料少用紙；近年又因保護森林，主張少用塑料多用循環袋。
同樣的一個理由，都出自科學家之口，今是昨非的叫人如何取信？
呢幾年我o地感同身受的 ...

科學家係凡人, 唔係聖人唔係係神
所以 $$$ 呢味嘢就可買起佢哋
而且科研項目好大部份要靠政府出錢
再唔係就由跨國企業大財團資助
所以好大部份結論係有預設立場

十幾廿年前科學家流行用 "全球變暖" (Global warming ) 呢個概念去嚇人
但整整吓受到好多質疑
當然質疑者亦有部份係各懷鬼胎
最麻煩係老天爺脾氣難測, 一下子就變成到處大風雪
近年科學家就索性改用另一個概念 " 全球氣候改變"  (Global climate change)
氣候改變可以係變冷, 又可以係變暖
咁就冇咁易穿崩   

呢個話題好複雜
遲 d 得閒先再講   

[ 本帖最後由 飛毛腿 於 2010-1-7 17:42 編輯 ]

---

作者: ali    時間: 2010-1-7 18:53

全球是否真的變暖尚言之過早，
個人好肯定調高屋內所有暖爐間屋就真係變暖，現居地由聖誕節開始氣溫就下跌到零下20度 ，兼且又相當應節地落足2日雪，前日星期二仲凍到零下30℃有多 ，到家陣温度仍徘徊-26℃至-33℃之間 ！
希望全球真是「變暖」。

[ 本帖最後由 ali 於 2010-1-7 18:55 編輯 ]

---

作者: 至.尊豪庭9    時間: 2010-1-7 19:11

全球變冷
全英變窮
全美變窮
全港變窮
全球變窮

---

作者: 卓倫    時間: 2010-1-10 23:00

全球暖化 - 最大的科學造假

---

作者: 至.尊豪庭9    時間: 2010-1-11 00:31

千年蟲都造過假,講到核彈會亂射,全球大亂,連普通家電都唔work!

---

作者: 無神論狂徒    時間: 2010-1-11 09:42

引用:

原帖由 卓倫 於 2010-1-10 23:00 發表
全球暖化 - 最大的科學造假

未必係造假，而係唔知個結果會係點∼∼
但係可以肯定，地球出現客觀的轉變，而且呢啲轉變係可以統計的，例如各國和香港都留意到水平上升，同海岸每年錄得輕微水位上升∼∼還有北極冰冠溶解或雪山的冰溶解∼∼
問題係呢啲係地球其他自然因素影響而導致水位上，是一個自然界的循環現象，或是人類排放溫室氣體導致的惡性後果，科學界到今日都唔敢批死∼∼
都係果句，你敢唔敢搏∼∼

[ 本帖最後由 無神論狂徒 於 2010-1-11 09:45 編輯 ]

---

作者: whisky    時間: 2010-1-11 11:44

提示: 作者被禁止或刪除 內容自動屏蔽

---

作者: 飛毛腿    時間: 2010-1-12 13:56

引用:

原帖由 whisky 於 2010-1-11 11:44 發表
全球暖化, 是平均溫度上升,
南北極冰層溶化就是證據,
結果是氣候極端反常,
熱者更熱,
冷者更冷,
旱者更旱,
濕者更濕,
死未?

所以咪話囉
如果歐洲北美等地冬天都暖笠笠
唔駛講嘢, 呢 d 就係全球變暖結果
但家下歐洲好似變成迷你冰河期咁
科學家就話 " 全球暖化" 令到天氣極端反常
呢種科學發現, 同發現二手煙一樣咁偉大
令人駁無可駁   

---

作者: 飛毛腿    時間: 2010-1-12 14:08

引用:

原帖由 無神論狂徒 於 2010-1-11 09:42 發表

未必係造假，而係唔知個結果會係點∼∼
但係可以肯定，地球出現客觀的轉變，而且呢啲轉變係可以統計的，例如各國和香港都留意到水平上升，同海岸每年錄得輕微水位上升∼∼還有北極冰冠溶解或雪山的冰溶解∼ ...

唔知幾多億年前
非洲美洲歐洲亞洲根本係連成一片
又唔知幾多億年前
家下好多陸地根本就係晌水底
一下地殼板塊撞擊後, 無厘頭海中冒出一大片陸地
五大洲都可以分家
冰河期結束, 全球暖化, 續漸變成今日嘅氣候
大自然嘅變化有自己嘅規率

---

作者: masuk    時間: 2010-1-12 15:09

討論到呢到，好似又係各說各話，邊個大聲邊個惡邊個就係正確。
其實講到尾，環保第一大敵就係人類，
因為人有慾望，要改造自然，駕馭自然，
必然要反客為主，破壞原有的然平衡。
失衡的環境造成災難，於是聲大勢惡的就站出來賴。
越大聲越似受害者，越加狂數他人…
全人類都成熱鍋中的螞蟻，卻仍相互抵賴、互相傾軋。
真或假，對或錯，都已不重要，
暖化或冷化都係大自然再尋求新的平衡，
在地球的歷史長河中，都曾經發生過，並不新鮮，
只有人類所玩弄的政治手段可能係最新穎的。
不過，如因這新穎而滅絕，則真所謂空前絕後了，
若干萬年後說不定還真成了另一個史前文明，俾人發掘、憑吊、研究…

---

作者: 無神論狂徒    時間: 2010-1-12 15:45

引用:

原帖由 masuk 於 2010-1-12 15:09 發表
討論到呢到，好似又係各說各話，邊個大聲邊個惡邊個就係正確。
其實講到尾，環保第一大敵就係人類，
因為人有慾望，要改造自然，駕馭自然，
必然要反客為主，破壞原有的然平衡。
失衡的環境造成災難，於是聲大勢 ...

幾千萬年後的新地球主人，會當我哋人類係依家的阿特蘭提斯去研究∼∼
我都係偏去保護環境，因為我唔認為人類搏得過呢場賭局，因為賭輸咗，係全人類可能滅絕，就算賭嬴，都只係食多啲，經濟好啲∼∼呢場賭局明顯係嬴就嬴粒糖，輸就輸間廠∼∼冇著數∼∼

---

作者: 無神論狂徒    時間: 2010-1-12 16:14

對於早前哥本哈根Cop15，中國的減排協議，我都承認中國不單沒有減排，反之係加排∼∼但係我認為全球天氣反常的罪魁禍首唔係中國，在道理上中國也沒有問題∼∼
第一係歷史因素，溫室效應係由工業革命後出現加劇情況，完全是西方等發達國搞出嚟的蘇州屎
第二係中國的人均排放遠遠低過西方各國，如果中國因為總排放第一就要負上最大責任，道理上講唔通∼∼咁講法，如果一個國家得一萬人，都得到同其他國家的排放量，咁係咪意味著佢哋可以瘋狂排放溫室氣體，靠向其他國家出售排放額而可賺錢呢？有錢的西方國家減少少排，但人均排放仍超高，意味可以取得更多地球資源，反之發展中國家人均排放少，如迫其減排，即意味要減少發展中國家取用地球資源的數量，結果係有錢國家可以取得更多地球資源，而發展中國家永遠不能分得比西方國家多的地球資源∼∼這是不合道理
個人認為，除非西方國家願意真心保護環境出力，不存心欺壓發展中國家（包括如中國），中國亦好應該開放減排政策，同西方國家一齊不分你我齊齊控制溫室氣體排放；以COP15西方國家的表現，我絕對肯定西方係有心欺壓發展中國家，佢地冇理由睇唔通人均排放及地球資源的問題，根本係有心要迫你班發展中國家冇得發展，永遠涯窮，既然你西方國家做得咁盡，我點解要賣你賬∼∼
哥本哈根談判結果雖然不好，但道理上中國冇錯∼∼西方國家根本係爛仔，佢枱底下的想法根本係：你要唔減排，我哋就攬著一齊死啦∼∼不過係你死先，因為我哋有錢有科技有實力∼∼
西方國家今時今日的民族性同百幾年前一樣，冇品，靠槍，不過當年係用槍炮搶，今日用政治手段去搶∼∼民族品質沒有提升過，不同只是穿起踼死兔去搶∼∼

---

作者: 飛毛腿    時間: 2010-1-12 21:21

點解我認為 " 全球變暖" 係西方泡製嘅騙局 ?


首先﹐我哋回顧一吓人類嘅進化史
最適合人類生存嘅環境係溫暖地方而唔係寒冷地方
試想想, 一年有半年係 – 40 ~ - 50 度攝氏冰天雪地嘅地方有幾多人可以生存 ?
就算人有腦識得利用其他禦寒方法頂得住, 但畜牲都頂唔住
嚴寒地區更唔好指望種植農作物去做糧食
冇畜牧冇大量農作物, 人類點生存 ?
要香港人好似愛斯基摩人咁生活
相信香港有九成人口滅絕
所以, 對人類生存最大威脅係寒冷而唔係溫暖

環保係一個正確概念
呢樣嘢冇人可以反駁
地球資源有限, 不可能任由人類無止境地消耗
特別係不可再生嘅資源, 例如石油、煤…等
呢類資源要花上千萬年先可以形成
人類三兩百年內就一吓燒清光
到處挖掘, 到處燃燒、排放….
但造成環境污嚴唔係單單排放廢氣
人類無限制繁殖人口已經係加速消耗地球資源
人類無止境嘅追求物質生活水平提高更加係造成環境污染嘅原兇
我哋日常消耗嘅任何物質, 無一唔係來自地球
衣服鞋襪、生活用品進而電子消費產品無一不尋求日新月異
試吓有邊個品牌產品十年如一日冇創新, 就立即被市場淘汰
而商品市場內競爭嘅企業就係要靠銷量增長去增加利潤,
用部份利潤投入研發再出新產品吸引消費者
現代化生活所定下嘅生活水平高低, 係以物質消耗嚟定
你一件衫著十年都唔換, 你連手提電話都冇, 你屋企冇電腦冇電視冇雪櫃洗衣機….
你就係窮人, 你係可憐人 !

---

作者: 飛毛腿    時間: 2010-1-12 21:33

一個政府, 無論佢係民主定係獨裁, 佢敢唔敢向人民講 :

各位國民, 我地唔應該追求經濟增長, 我哋只求兩餐飽飯, 只求溫暖, 其他一切冇必要嘅物質我哋一概唔追求,
我哋唔介意生活水平一百年不變…

任何政府持呢種態度去執政, 立即玩完
所以我哋認識到現代人類每一個商業行為都係破壞地球環境
卻為何單單攞廢氣排放嚟大吵大鬧 ?
科學家又只攞咩全球變暖嚟嚇人 ?

其實所謂全球變暖係由發達國家 – 主要係歐盟, 開動宣傳機器鼓吹
自從瓦特發明蒸汽機之後, 西方國家嘅工業進入革命年代
加上當時以較先進強大嘅軍事力量向海外掠奪殖民地
由殖民地攫取資源, 廉價勞動力加速西方國家自己工業化
所以上世紀初, 無論工業技術或財富積累已經遠遠拋離其他未工業化國家
未工業化國家只可以靠賣資源, 廉價勞動力換取微薄回報, 所以處於人類社會嘅下層
-    被稱為發展中國家
發展中國家要發展, 要邁向富裕環境, 只能走發達國家曾經走過嘅路
~ 除非你好似沙地阿拉伯之類地下有大量石油
問題係個個國家都想富裕, 要過發達國家人民嘅舒適日子的話
地球資源根本應付唔到
最令發達國家不安係, 近十幾廿年發展趨勢證明部份發展中國家有能力提升自己工業化程度
~ 例如中國, 巴西, 印度, 南非
晌呢一個新嘅國際社會競爭地球有限資源遊戲中
發達國家發覺自己冇幾大勝算
21 世紀唔同 17世紀, 西方國家隨便搵個理由或者毋須理由就派軍艦去攻打弱國
21世紀唔可以再赤裸裸咁弱肉強食
所以西方國家就出錢俾一班科學家去研究
攞一大堆研究結果話碳排放令全球變暖 !
為咗保住地球, 所以要限制碳排放
其實目的係要限制發展中國家發展工業 , 限制佢哋搶西方國家飯碗
你哋種田種香蕉, 賣銅賣鐵就算啦, 學咩人工業化

本來美國一向跟歐洲晌剝奪打壓發展中窮國立場係一致
但美國佬嘅揮霍奢侈生活方式令佢哋一向都係碳排放大國
所以美國佬懶啋你歐洲吵吵鬧鬧要搞咩限制碳排放
小布殊一上場就話唔認數克林頓簽落嘅京都議訂書

所以咪學香港一堆腦殘傳霉、含洋精英咁中哂西方宣傳毒
以為碳排放 --> 全球變暖, 限制碳排放 = 環保  

---

作者: KMY89    時間: 2010-1-12 23:09

引用:

原帖由 飛毛腿 於 2010-1-12 21:33 發表
一個政府, 無論佢係民主定係獨裁, 佢敢唔敢向人民講 :

各位國民, 我地唔應該追求經濟增長, 我哋只求兩餐飽飯, 只求溫暖, 其他一切冇必要嘅物質我哋一概唔追求,
我哋唔介意生活水平一百 ...

最�絞囓洃簬i話甲流香港會死4,000人，真係有斷估無痛苦

---

作者: 無神論狂徒    時間: 2010-1-12 23:50

引用:

原帖由 飛毛腿 於 2010-1-12 21:33 發表
一個政府, 無論佢係民主定係獨裁, 佢敢唔敢向人民講 :

各位國民, 我地唔應該追求經濟增長, 我哋只求兩餐飽飯, 只求溫暖, 其他一切冇必要嘅物質我哋一概唔追求,
我哋唔介意生活水平一百 ...

咁又陰謀論咗少少~~
洋鬼佬子冇乜可能由幾十年前已經種下呢個陰謀~~
再講，當年京都議定書，只係已發展國家簽，發展中國家唔洗理會碳排放∼∼如果西洋鬼有陰謀，點會肯簽吖∼∼
再講，溫室效應如果真係西洋鬼老作，點逃得過全球科學家的法眼吖∼你當中國科學家死咩∼全球科學家對全球暖化都冇定案，點會係西洋鬼子搞吖∼∼
加上控制溫室氣體排放只係協議性質，如果傾唔掂數，根本唔洗遵守，你西方點會花大量金錢去作個陰謀去打壓發展中國家的發展，但係個陰謀係全無把握可以達成呀∼∼始終發展中國家一句「冇你咁好氣」，西方國家用大量錢砌成的陰謀，就係一句冇你咁好氣就被化解∼∼西洋鬼邊有咁笨呀∼∼

我唔信溫室問題係西方國家幾十年前搞出嚟的打壓工具，但係我信西方國在溫室問題係借東風，順手用佢嚟打壓發展中國家∼∼
不能不對美國佬側目，面對溫室問題千夫所指，仍可無恥地叫中國減排，話中國係最大責任的國家∼∼為打壓別國，幾無恥幾狠都做得出∼∼果然賊性難改∼∼

---

作者: 無神論狂徒    時間: 2010-1-13 00:07

引用:

原帖由 飛毛腿 於 2010-1-12 21:33 發表
一個政府, 無論佢係民主定係獨裁, 佢敢唔敢向人民講 :

各位國民, 我地唔應該追求經濟增長, 我哋只求兩餐飽飯, 只求溫暖, 其他一切冇必要嘅物質我哋一概唔追求,
我哋唔介意生活水平一百 ...

不過我都認為全球資源的爭奪，將會越演越烈，西方習慣霸佔全球大陪資源，在金磗四國及其他經濟體挑戰下，西方國肯定如坐針毯∼∼
而中國一個人口超大的巨國，如果要好似西方咁人人生活水準都咁高∼∼肯定地球資源唔夠分∼∼所以可以預視到，全球資源的爭奪戰會好快進入高潮∼∼以西方民族性，一定會搶，所以打杖應該在所難免∼∼估計二三十年左右啦∼∼不過到時中國已經係超級大國囉∼∼唔到美國話事∼∼到時歐美澳同一人種一定會聯成一線，世界眼下漢人同印度人係最大而又有實力的人種，必成為要攻打目標∼∼中國近年的政策都好∼積極同發展中國家交往，幫佢哋搞好經濟，到時打起杖，多個朋友都好吖∼∼∼中國既有已發展大國的發言權，但本身是一發展中國家，身份特殊，應該好好利用呢個身份，幫中國打好基礎∼∼

[ 本帖最後由 無神論狂徒 於 2010-1-13 00:09 編輯 ]

---

歡迎光臨 香港 Xocat Forum 討論區 (http://p.xocat.com/p/)

Powered by Discuz! 6.0.0