香港 Xocat Forum 討論區 - Powered by Discuz! Board

標題: '80 [打印本頁]

作者: Drummer33 時間: 2010-2-20 11:58 標題: '80

不要誤會, 我是 '40 後, 但覲看近期的新聞, 他們也不是亂發 up 風的一班人, 你試看現在的生活環境, 大學出來也只可拿 7-8 千, 又要車又要食, 比較生性的又要養父母, 出來做 5-6 年野, 能儲蓄到幾多真的有數得計, 況且而家樓價高高高, 首期起碼要三幾十萬, 你話 la, 點有機會, 而且香港中下家庭占整體人口絕大大多數, 前境如何, 有眼睇, 當然不會是全沒有機會, 只要很博, 多動腦, 也許可以找到一兩個, 其實我說 80 段比我們 40 - 70 後機會小小小, 最大原因是有了 internet, 試想以前做 office boy 也可叫做去學點東西, 從低做起, 送送文件, 幫手影印, 打打 copy, 但現在全由電腦代勞, 100% perfect, 就要真的需要 assistant, 也不會請得多, 以前要3 個, 現在頂多要 1 個, 又有 2 個做失業青年, 所以有時他們不是怨天, Chanceless 也 !

作者: 飛毛腿 時間: 2010-2-20 15:23 標題: 回復 1# 的帖子

如果你老人家真係 '40 後
你好似家陣 '80 後班人同樣年紀時大概係 70年代
70年代香港社會有幾多個大學生 ?
果時大學畢業係天之驕子
今時今日周街都係大學畢業生
今日大學生能力最多只等如 70年代嘅中學生
70年代中學畢業做幾年工作就想買樓做業主 ?
70年代香港仲有山邊木屋, 徙置區, 天台木屋
普通人家有幾多人有資格做業主 ?
70年代新蒲崗、觀塘、柴灣、荃灣到處都係工廠
果時仲有工廠妹、學師仔、住家工呢類名詞
今日就連中三畢業嘅都唔願去做學師仔
社會點發達, 都要有人去做修冷氣電器、汽車, 通坑渠
金融點發達都要有人去做廚房佬, 做燒鴨油雞, 做腸粉
但家陣有幾多 ' 80後 '90 後願意去學呢類工作 ?
今日香港要面對嘅競爭對手係全世界唔係 70年代自成一角
所以唔可以用你老廿幾歲時嘅標進看待今日大學或高中畢業生

作者: 毛球 時間: 2010-2-21 00:15

引用:

原帖由 飛毛腿 於 2010-2-20 03:23 PM 發表
如果你老人家真係 '40 後
你好似家陣 '80 後班人同樣年紀時大概係 70年代
70年代香港社會有幾多個大學生 ?
果時大學畢業係天之驕子
今時今日周街都係大學畢業生
今日大學生能力最多只等如 70年代嘅中學生 ...

菲傭都好多係大學畢業.

作者: 飛毛腿 時間: 2010-2-21 16:28

引用:

原帖由毛球於 2010-2-21 00:15 發表

菲傭都好多係大學畢業.

菲傭老家仲有雙普選添

作者: 一支柒 時間: 2010-2-22 14:49

個問題係香港太多無料大學生, 自以為大學畢業就會一帆風順, 飛黃騰達.

作者: KMY89 時間: 2010-2-22 15:10

引用:

原帖由 飛毛腿 於 2010-2-20 15:23 發表
如果你老人家真係 '40 後
你好似家陣 '80 後班人同樣年紀時大概係 70年代
70年代香港社會有幾多個大學生 ?
果時大學畢業係天之驕子
今時今日周街都係大學畢業生
今日大學生能力最多只等如 70年代嘅中學生 ...

政府應該提供平等、公平機會而不是提供買樓買車

可怜文明古國希臘都要破產

作者: 無神論狂徒 時間: 2010-2-22 15:44

我都認同後生一代的機會係細了好多，這個不是個人覺受咁簡單，係有事實根據，香港七八十年代高速增長，由農村經濟發展成工業經濟，再轉營入智識型經濟，車開到九十年代，已經找不到有力的經濟增長點，唯有靠高地價政策托起個經濟，人人靠炒炒賣賣，買空賣空，無他任何一個資本主義下發展城市必定係呢條路，增長，再增長，長到發展完善就放慢下來，情況一如日本美國英國等，香港無可置疑已經係高度發展的已開發城市，政府不斷找新增長點，但成效不大，新一代在面對一個已發展的城市，城市好多嘢已經有，社會福利又算不錯了，還有甚麼可以發展呢～～一定有，但係肯定少咗好多～～
早前睇本心理學雜誌講，八十後的青年是居於馬斯洛心理需要理論中的追求高層次需要的人，因為食又夠穿又夠，還有甚麼好做呢～～基本的心理需要已滿足得好好，唯有找高層次的需要，就是self-actualization，為公義，為真想而努力，對於個人以為不公義的事加以表達，所以有反高鐵事件，反觀上了年紀的人都會視他們八十後阻礙經濟成長，因為上了年紀的人大多經歷過吃不飽住不暖的日子，在他們心中的心理需要，以人類基本慾望佔最重位置，所以經濟發展在他們中老人眼中永遠排第一～～
不過我個人認為世界是有公義，但實行起來還得講錢～～有錢就可以講公義，甚至買起公義～～無論真公義或假公義，在實際操作上也不是錢～～

歡迎光臨香港 Xocat Forum 討論區 (http://p.xocat.com/p/)