標題: 最低工資 [打印本頁]

---

作者: 無神論狂徒    時間: 2010-3-22 10:57     標題: 最低工資

設下最低工資，如果真係三十三元，一個月大約係六千五左右∼∼
低技術，多數係體力勞動，但係壓力細，唔洗點樣用腦（一個保安員同一個股票分析員用腦程度差天共地）；如果一些搵開六千五至七千左右的人，見到以往一些低薪工種，在立法後薪水同自己平排喎∼∼咁我點解要接受較大的工作壓力同用較多腦汁呢？不如找份他條啲的工作啦∼∼反正薪水一樣∼∼最後會有部份搵開六千七千的人轉去做一些更舒適的工種，而做開這些較舒適的工種的人會被受這批人挑戰，丟了飯碗∼∼而過往收開六千五至七千的工種，其僱主會加人工留人才，向較優質的人才埋手招攬，之後一層一層的加，推高全個社會的薪水∼∼最後始終會有一批低技術的人失業；雖然這個結果不一定好強烈，但一定會出現這個效果∼∼
而且比開低薪的公司，會在加最低工資後，無力比人工，公司要生存唯有一係加收費，一係結業，但是加收費的結果係，唔會有人客再用佢服務，會用市場上類似的服務∼∼例如飲食，你老麥貴喎，貴到同飲茶差不多，咁我不如去飲茶啦∼∼最後也難逃大量低技術人士失業∼

其實當這批大聲高呼要求立最低資的低技術勞工，他們不知道是正在叫自己失業．．．．
不過長遠來說，市場自有無形手控制，當以上情況出現，一段混亂痛苦後，市場會找到均衡點，但在此之前，社會要有一些痛苦經歷先∼∼
我分析估計，最低工資立法，長遠對社會未必係壞事，可能係好事，但係大家要面對一段黑暗時期∼∼

---

作者: khadafy    時間: 2010-3-23 05:59

講時講...
果條乜欖野飲食界張宇人...(我都無選過佢)
20蚊個鐘,都講得出口....
叫人點生活呀.....簡直唔係人講架..

連我平時唔鐘意講粗口的,都要出黎插佢呀... .
真係天修佢呀！

---

作者: 無神論狂徒    時間: 2010-3-23 12:43

一個月做足六日，日做八個鐘都係得四千銀，的確係要瞓街∼∼食交通都要去咗千幾二千銀，唔瞓街分分鐘連飯都冇得食∼∼
如果真係立法，肯定香港勞工界會有一段黑暗時間要涯∼∼∼

---

作者: Peter+PANG    時間: 2010-3-25 23:25

�鶗顗峔觓u係瘋人瘋語！

---

作者: yuwen    時間: 2010-4-6 10:45

---

作者: yuwen    時間: 2010-4-6 10:45

---

作者: dulasing    時間: 2010-4-12 01:04

樓主你既憂慮唔係唔會發生，不過機會比較細，你既推斷係建基於大部分人比較冇上進心，因為現在做緊6-7k工作既人，佢地比較有進升既機會，而且立法保護既工種都係比較低技術同冇進升機會既。

---

作者: 暗黑騎士    時間: 2010-4-12 03:26

0的垃圾會議員甘垃圾, 又沒貢獻, 只有破壞, 應該幫佢地定最"低"工資, 每個月俾6-7K佢地咪夠囉.....  慳返果十幾萬一個人, 60個即係600幾萬一個月, 至少幫到唔少低層勞工.....

我既意見係政治唔應該干預經濟, 人工水平應該由市場而不是政府立法去定... 而家人工甘低都有人做, 一方面係0的顧主無良, 另一方面果0的人亦真係好需要份工, 即使慳0的, 辛苦0的都要做, 如果立左法, 想當然認為0的無良顧主會加人工俾佢地, 但有沒諗過可能係另佢地失業, 加入綜援大軍, 又或者有0的少本經營既如茶餐廳, 大排檔結業, 搞到顧主同員工攬住一齊死...???

與其最低工資立法, 不如俾0的資源搞好個勞動市場, 我家附近既酒樓貼左街招請人好耐都未請到....如果勞工求過於供, 自然人工就會上昇,不需要人為立法去搞.....

大陸人工夠低啦卦, 你而家去珠三角, 長三角做下研究, 比較下之前幾年或十幾年既最低人工???   經濟好, 人工自然會向上浮動, 經濟定律不需立法也可以做到的....夾硬立法反而破壞左市場的調節基制....

---

作者: xizhengxia    時間: 2010-4-23 14:54

统一楼主的观点，事实的确也是这样

---

作者: xizhengxia    時間: 2010-4-23 14:54

统一楼主的观点，事实的确也是这样

---

作者: KMY89    時間: 2010-4-23 23:46

唔明點解要插張宇人？
佢 purpose 係 Minimum rate,
你有權選擇，做定唔做, 對嗎？

呢個rate, 大陸有(最低工資), 美國有最低工時，
唔明點解香港訂了就黑暗

美國Minimum rate 係US$7.25，但MacDonald 俾US$8
如果唔係請唔到人
而 Unemployment rate 13%

佢X大陸亷價入口，搶飯碗
實在係南方城市太多太多南美黑工 Hour rate US$4-5   ，

香港已有大量黑工在新界揾食,
唔信？入元朗睇下

---

作者: Das Reich    時間: 2010-4-24 09:38

師傅，唔係喎。  人家"炳"張廿皮並不是因牠提出最低工資制度(若有可能，牠或會為[磡蝕戒]提出全包食宿、衣、和最少每晚一"督"/被"督"但免工資制)，而是牠提出每小時最低工資為廿皮啊。  小弟不肯定牠有沒有提及是何時的現金價值和那一種貨幣，所以我們有機會錯怪牠，可能牠是指1960年代的現金價值和是指US$ 。  

---

作者: 無神論狂徒    時間: 2010-4-24 23:05

引用:

原帖由 KMY89 於 2010-4-23 23:46 發表
唔明點解要插張宇人？
佢 purpose 係 Minimum rate,
你有權選擇，做定唔做, 對嗎？

呢個rate, 大陸有(最低工資), 美國有最低工時，
唔明點解香港訂了就黑暗

美國Minimum rate  ...

定得最低工資緊係要保障低收入人士的人工唔可以太低，否則立法也是多餘，所以立親法，一定係要迫一些低人工的雇主，比多啲錢請人，但係雇主加人工，成本上漲，雇主冇肉食，定會低人手，或摺咗間公司，結果係會有班人失業，之後人工上漲，會帶起勞動市場的人工升浪（勞動市場和食品市場和無數市場機制唔差好遠，一隻廁紙加價，其他廁紙都會漸漸加價），最後是勞動市場的薪水會升∼∼其他行業的雇主成本升，冇肉食，一樣會摺公司∼∼所以我話立法會有一段黑暗日子要涯∼∼
你想想，如果人人月薪十萬，政府立法最低工資係五千，咁佢立法嚟做乜呀，屎忽痕咩，天下本無事，立五千蚊法咪盞比人小∼∼依家個情況係，有人月薪三千，窮得唔夠用，所以才要立法超過三千∼∼
你個講法係純理論，但係實行起嚟，同理論好有出入∼∼

---

作者: khadafy    時間: 2010-4-25 00:38

有人辭官歸故里 ,有人漏夜趕科場...

如果覺得人工貴,咪唔好做 o羅......

實有人做架嗎...係咪！

---

作者: 暗黑騎士    時間: 2010-4-25 17:31

如果立左法, 你認為0的老闆會:

1. 無條件將低收入工人, 人工加到最低人工以上...

2. 將原本 請兩個人, 炒左一個, 然後將剩低果個既人工加到最低工資以上, 但要做埋被炒果個人既野....

3. 將工人人工加到最低工資以上, 但即刻加價, 將成本由客去承擔...

4. 沒錢賺, 干脆執笠, 攞綜緩....

第一項出現機會近乎零, 其他幾樣受害既只會係整個社會!!!  歷史上好多教訓, 都係用政策夾硬改變經濟定律而失敗, 最明顯既例子莫如老董既"八萬五", "最低工資"同"八萬五"無疑都係善政, 為窮苦大眾著想, 但一旦脫離現實, 效果只會相反...

所以, 我始終認為政府應該"無為而治", 少做少錯, 讓經濟學上的"invisible hand" 自己搞掂......

---

作者: KMY89    時間: 2010-4-26 09:11

引用:

原帖由 Das Reich 於 2010-4-24 09:38 發表
師傅，唔係喎。  人家"炳"張廿皮並不是因牠提出最低工資制度(若有可能，牠或會為[磡蝕戒]提出全包食宿、衣、和最少每晚一"督"/被"督"但免工資制)，而是牠提出每小時最低工資為廿皮啊。  小弟不肯定牠有沒有提 ...

炳張宇人係因為需要一個target ，20蚊同24蚊有很大分別？

---

作者: KMY89    時間: 2010-4-26 09:15

引用:

原帖由 無神論狂徒 於 2010-4-24 23:05 發表


定得最低工資緊係要保障低收入人士的人工唔可以太低，否則立法也是多餘，所以立親法，一定係要迫一些低人工的雇主，比多啲錢請人，但係雇主加人工，成本上漲，雇主冇肉食，定會低人手，或摺咗間公司 ...

現時國內和美國都有最低月薪最低時薪，為什麼香港那麼難辦？香港會黑暗？

---

作者: KMY89    時間: 2010-4-26 09:18

引用:

原帖由 暗黑騎士 於 2010-4-25 17:31 發表
如果立左法, 你認為0的老闆會:

1. 無條件將低收入工人, 人工加到最低人工以上...

2. 將原本 請兩個人, 炒左一個, 然後將剩低果個既人工加到最低工資以上, 但要做埋被炒果個人既野....

3. 將工人人工加到最低 ...

大陸實行勞動法始時不少工廠關門，群情激憤，說趕絕了企業，如何如何 ...
而家咪返晒黎 ... 珠三角唔够工人 tim ...

---

作者: 無神論狂徒    時間: 2010-4-26 11:39

引用:

原帖由 KMY89 於 2010-4-26 09:18 發表


大陸實行勞動法始時不少工廠關門，群情激憤，說趕絕了企業，如何如何 ...
而家咪返晒黎 ... 珠三角唔够工人 tim ...   

呢單嘢我可以比啲堅過石堅o既料比你，我剛巧有個老朋友佢就係嚮珠三角自置廠房，做織造行業，每年我都會同佢通一次電話吹吓水，早兩年我都未問，佢已經大吐苦水，狂插呢個勞動法，佢同我話，如果政府一意孤行，一定仆硬街，佢犯法都唔會跟新政云云∼∼橫死掂死，不如博佢唔拉，拉到先算∼∼佢話好多行家已經聞風先執∼∼果時真係風聲鶴淚，好多廠真係執咗，最後呢∼∼上年又同佢通電吹水，問佢呢單嘢，佢話：冇啦，政府冇咗件事啦∼∼
但係政府吹吓風，成個珠三角已經有好多廠聞風先執，政府嚇到尿都標埋，仲敢咩∼∼但係淨係吹風已經破壞力驚人∼∼真係行，必定大把外資走人∼∼回到未開放前∼∼鬼咩你大陸最吸引外資係經營成本低，你加到好似同自己國家做的唔差幾多，我點解要入你度投資呀∼∼

我唔信行最低工資對個社會冇沖擊∼∼冇可能冇事∼∼你當自己係老細吖∼∼突然要我用更多錢去請人喎∼∼比條毛你就得∼∼而且個最低工資加幅唔係一兩個百份點喎，家陣吹風係三十三元一個鐘，同大家鑊啃得雞比加成差不多加成50%，九巴個純利都唔夠十個，大多數生意成本最貴的係人工，加成五十個喎∼∼仲唔仆？
到時夠硬淨的企可以把成本比消費者自付，而且個加幅唔會低囉除時一個漢堡包加成五蚊至十蚊∼∼呢個情況未最仆∼∼仲有唔夠硬的公司會執或者大量裁員

我唔係反對最低工資，香港已經係世界貧富懸殊第一大地區，長此下去必會生妖獸∼∼社會會不和諧不穩定∼∼這個貧富差距係總有一日正視∼∼否則後患無窮，最低工資或許一口苦口良藥，但係大把在服藥時，必要了解這種藥有多苦∼∼當年八萬五係一個善政，但係死了好多人，負資產慘過冚包散∼∼最後香港人個個嚥不下這口藥，紛紛毒咒落藥的老懂，還即時要求吐走良藥∼∼今日八萬五藥已吐清，樓市比九七仲要升得勁∼∼今日最低工資，市民要認清佢有幾苦先好食∼∼唔好食咗又要吐藥∼∼除非個最低工資只輕微加少少，否則我寫包單，三十三蚊肯定係一劑苦死人的藥∼∼

不過經濟體系係個複雜的機制，我好懷疑，最低工資真係行的話，係咪真係可以幫到班窮人；政策執行後，經濟體系在長遠調節後，或多或少會帶動其他行業加人工，資源有限，錢多了，意味通脹，最後窮人手上的錢銀碼是大了，但無助改善他們的情況∼∼但係經濟體太複雜，我不敢亂估，只係懷疑最低工資這隻藥的效用吧了∼∼但係我承認，香港貧富差距是一個很嚴重的問題，政府係要做嘢∼∼

---

歡迎光臨 香港 Xocat Forum 討論區 (http://p.xocat.com/p/)

Powered by Discuz! 6.0.0