Board logo

標題: [灌水] 睇咗先 [打印本頁]
作者: payboy    時間: 2006-8-23 21:29     標題: 睇咗先

睇番513個圖真係好靚,在這7-8年內首次連續5個交易日都超過有2.M股成交,明顯異動,無論日線圖,周線圖,月線圖,都企穩哂各條平均線之上,近兩日大跌市513都不受影響,小弟又避開今次跌市,不過不是幸運,已係睇圖表做野,好似隻715在0.98幾個底,一跌穿執到錢都吾入,睇圖既人一定吾會輸這樣既錢,再一次長氣講,股票跌破位後,其間既反彈只係引你吾好沽,請緊記,可以另你一世受用

評論盈科(走勢
fai 會員編號 286 2000/9/7 PM 06:15:40 參與討論
熟識我既朋友都知我睇淡盈科,直到現在都無改變,今日係盈科至收購1186得信佳以來,首次跌穿250日線收市,這條線承托住個價約有13個月時間,雖然未到正式跌破,(5日線跌破250日線),一但這情況出現咁就大獲,跌幅量度8元,咪以為冇可能,97年最有實力既363都由50跌到7元,291由33跌到4元,最慘既就係到現在363,291,都冇當時50%
我猛烈評擊約一個月前唱好盈科既大行,什麼分析員,在報章上又話目28元,35元,前景點好,如果佢地真係評論錯誤,我不會話他們,但係明知係垃圾,係到亂唱引人上車,就吾啱!
wei 會員編號 601 2000/8/27 PM 09:36:01 參與討論
在這裡﹐仿彿充滿離愁別緒﹐令人感嘆﹗
我是大陸股民﹐由于A股太貴﹐準備轉抄港股。
目前﹐僅限“大學股”

我覺得香港股市的吸引力在于“賣殼”
請大家統計一下99年﹐有5只股票曾上昇100倍﹐
有39只股票上昇10倍以上。
在A股市場是不可能的。
因此﹐我會在大家心灰意冷﹐忘情拋售時﹐拿出
30%的資金投入3只負債不大的“殼股”﹐等兩年
為什么等兩年﹖香港每兩年一旺(93﹐95﹐97﹐99)

30%資金投國企(低PE﹐行業翹楚﹐資產折讓50%以上)
原因﹕越 來 越 多 大 陸 人 抄 港 股﹐ 他 們
與 國 內 企 業 勾 結 做 莊

40%資 金 抄 獨 特 的 新 概 念 股 (如 港 交 所 ﹐
衛 視 ﹐ 大 學 股 ﹐ 基 因 制 藥 股 等 )
但是 ﹐ 一 定 只 買所 有 業 務 在 中 國的 新 中 國
概 念 股。

以 上 策 略 ﹐ 有 何 意 見 。
(本 人 認 為 藍 籌 太 貴 ﹐ 不 值 得 買 )

~~~~~~~~~~~~~~~~~~~~~~~~~~~~~~~~~~~~~~
fai 會員編號 286 2000/8/28 PM 05:50:08 參與討論
我十分同意wei既講法,下一個大浪一定有股票能升十倍,所以請大家現在發掘d有潛質既殼股,不過有好多人都有錯覺以為價位平就會係賣殼對象,係大錯特錯,好以現在d109,273,211,401,雖然係仙股但一d都吾平,因佢地發行既股數實在太多,以上幾隻仙股都超過4億,我地可以參考今個科技浪既殼股就容易分別邊些股會被人睇中,有1186得信佳,603金力,1196昌明,648祥華,59安佳,563永順,622幸福,(全部已改名)佢地都有個共通點,就是未被睇中前全不起眼,市值少,成交少,股權集中,負債不多,好似1186咁,盈科未收購前三個星期,0.065左右日日都有成幾M出貨,但買盤好少,以後停版收購,一開市升到3元,絕非係211,109能做到的,
我有幾隻心水殼股都值得大家參考,384聯網,發行2億股,市價0.23,市值不足5千萬,負債不多,約幾百萬,211既市值係384既10倍,如果你有幸買殼你會簡邊間
933先來,已冇太多業務,手持CASH7億元,每股0.58,現價0.28,冇負債,
726東南,負債不多,股數少,市值細,都係靚殼一族,
不過上面都提及,殼股會悶到你死,不是所有投資者都啱,因為分分鐘一星期都冇成交,好似616咁未賣殼前,一個月都係幾單成交,但係一升就40倍,
最後我想大家諗些好D既話題,不要次次由我諗,

玩股票最後既結果............
fai 會員編號 286 2000/8/26 PM 05:43:07 參與討論
我有個朋友做股票經紀幾年,手上有約80多個客,前兩日我隨意問佢你既客賺最多有幾多錢,個答案竟然係冇,只有幾個吾洗輸已擋贏,仲話炒股票邊有人賺,不過佢會安慰d客,雖然輸?鷟?但賺?鱆?炒股票既過程又起又跌幾咁好玩,
其實炒股票有如食白粉,一上癮就好難nuts,大家有冇同感,好彩自問EQ都幾高,都能控制到係我玩股票,不是被股票玩,但我見到好多人都被股票害到副身家都冇埋,平時飲杯茶都吾捨得,張D錢比哂股票.....
都係(大時代)最後個句玩股必勝術最掂(及早離去)

1186今日平倉,李氏既財技真犀利,偑服,603母公司在今年2月做24萬日圓,今日做4千多日圓,趺99%相反1186就真係好得多,低佢成香港人既偶像股,

胡亂沽空1186既後果係大獲全勝
fai 會員編號 286 2000/8/14 PM 06:04:17 參與討論
我知1186係好多人既愛股,會得罪好多1186fans,但始終事實就係事實,下星期會係1186最大壓力既時候,所以現在已有人空定貨等下星期回補,因8號仔d貨換左番來,前星期1186上升全因係2800盈富既技術買盤,絕無其他因素,d散戶買輪損失慘重,
圖表不會騙人,769現突破,liu我根本都吾知什麼叫稀土,我係純睇圖做野,所以你上次問我個d問題,我不識答,我都係老土個句消息會有假,圖表吾會有假,
今日又發現左隻靚圖723安歷土,不過真係好冷門,我都吾敢買,不過個圖真係好靚,

lui好多謝你既意見,你仲記得3星期前人人都睇好243品質(10元),又話什麼樂依文值幾多,但個圖吾得我就一早睇到,今日得番5.9
我都講過好多次,息消會有假,但圖表吾會有假,因圖表係用真金白銀做出來,

~~~~~~~~~~~~~~~~~~~~~~~~~~~~~~~~~~~~~~~~~~

評論大市同盈動1186
fai 會員編號 286 2000/8/8 PM 06:10:17 參與討論
大市走勢在預期內,10日線上星期已跌破20日線,星期一係走勢陷阱,恆指會反覆下趺,不要以為吾加息就冇有怕,你睇日本既股市就知,日本貼現率去到0息,都冇用,係死就死,吾加息只係一個借口,我睇年尾會見12500,可能係誇張左,但吾誇張我既野邊有咁多人睇,
1186近日有好多分析員又話見28,32,40,佢地真係用心良苦,咁都講得出,明顯係騙散戶上車既技倆,我既空倉1186會在18號後至會平倉,如果信我既朋友,就算冇沽空1186,你都吾會買,都算幫到你,不要信什麼高級分析員,數碼港既地產項目就算賺哂都係幾十億,但1186每年比息都係咁上下,長線1186必見8元以下,

沽空盈動1186
fai 會員編號 286 2000/8/4 PM 09:20:45 參與討論
有好多人以為1186會升上18.6以上吸引電訊既股東換股,
真是大笑話,因大多數證券行同銀行既客戶,都要在今日決定兩個方案選其一,當然100%都會簡現金方案,咁近日1186點解會咁強呢!原因只有一個,就係{盈富基金}買貨,
1186既證股証今日大趺,明顯係{盈富基金}只買正股,不會買warrant,就係咁簡單,我已在16.9-17.6開始沽空1186,我會在8月尾至平倉,我相信到月中時1186冇左盈富買入,單靠d無知散戶,個價一定大散,

tom仔我既目標價1元,同類型8006個網好過tom千萬倍,都跌到0.92,tom市值最大,發行股數最多,如果不是後台勁8001只值0.2,我比1元佢其實已對有0.8係(超人)既溢價,

科技股幾時會重上2月份高位?
fai 會員編號 286 2000/7/23 AM 07:37:35 參與討論
你們可以參考97年既H股和紅籌股就知,我做了一個簡單統計,這四年內只有四隻股可創97年新高553,409,418,992好多都吾超過97年50%,好似近日你會見到個價嘩嘩聲既1109,其實96年在2.36上市,97年升到7元,現在點勁都係1..71,仲有1055南航.97年上市4.7最高6元.現在都係2.525都未返上市價,就算質素最好既144都只不過係97年高位既25%,我上日推介171都只係97年高位10%,仲有隻517,97年做14元,現在0.7,剛剛5%,如果你們諗到仲有邊隻可以有97年高位50%,就話我知,
科技股命運一樣,上番高位難過登天,我一早已提及係一樣,但當時好多人都吾信,
一隻炒傷過既股票係好難升得番,好似人一樣,大病完你對自己都會冇信心,
因莊家有錢都會簡D未傷過來炒,原因好簡單,我擋你有二億,一定要你簡隻2,3線股打莊,(2億一定夠打起一隻2,3線股),你都會簡隻從未炒過,邊有傻仔會同人出蟹貨呢!

黃金交叉,死亡交叉,的啟示

fai 會員編號 286 2000/7/22 AM 06:35:41 參與討論
我在四月份推介1171當時1.25出現黃金交叉,50日線承托10日線至現在,股價已升一倍,當時我都有提及50日時可承托隻股幾個月,其實隻股在99年9月出現死亡交叉,當時2.7一跌穿就反覆下跌至2000年4月足足7個月,跌到1.03,但都不是買入訊號,因未出現黃金交叉,出現後買入,確認轉勢,持有得好放心,又知道止蝕位係邊,
仲有個實例1137城市電訊,99年4月出現黃金交叉(0.25)之後一值上升9.3,其間從未趺穿50日線,如果用升破買入,跌破至沽出,要到2000年1月當時股價趺破50日線6.45出現死亡交叉,9個月內賺30倍,最重要係1137反覆下跌半年至現在1.18,條50日線係1.5幾,未有見底跡象,
講左咁耐,係想話比大家聽,這樣簡單利用平均線做買賣,就可以避開d冇謂買賣,好似1137咁,話知佢趺到幾多,一日未出現黃金交叉,一日執到錢都吾買,

408葉氏恆昌,基本分析,只作參考
fai 會員編號 286 2000/6/16 PM 12:40:29 參與討論
大超值股,中期已賺5千萬,6月28日公佈未期,
公司有現金2億,99年3月年結後已無負債,
現金值每股0.405,估計全年盈利7-8千萬,
PE3倍不足,52周低位0.395,現價0.44大超值,
至從公佈業績期後,成交轉活,
有大戶明顯壓價(4979,8396)
持有到公佈業績,應有不俗回報,

~~~~~~~~~~~~~~~~~~~~~~~~~~~~~~~~~~~~~~~~~~

fai 會員編號 286 2000/6/14 AM 06:18:06 參與討論
討論成交少既股票的問題,因我本人係靠這些股搵兩餐,
成交少有幾個原因,{收集期}我相信以你資歷都應該知道一隻股票收集緊會成交少,第二:冇人原意在現價出貨,俗語說(好野緊係難買貨),第三種:真係冇人理會,如278,657,253,219,662......
好似我隻764,我平均價0.73入,我會持有3-9個月,請問以你眼光,我輸錢既機會,會有幾多?緊記我收集764時1186做20元,8001做10元,622做0.8元,603做0.9....這些就係你話成交多既好股,
我不怕同你說,隻922金科數碼,我已在0.6以下收集了好耐,間公司8月份未期業績(新上市密月期)每股盈利0.25,派息0.05(招股書已明確話會派),你認為我輸錢既機會有多少!
強調不是什麼推介,我係想你知道我係點樣搵兩餐,

錢係你既,冇人逼到你買
fai 會員編號 286 2000/6/12 PM 05:54:33 參與討論
今日推介608,又比人鬧,都係個句,你唱隻股出來,如果係合理既,我都跟係買,
好似隻1043兩個交易日已賺20%,我買個日全日成交34萬股,但我好有信心地買其中既16萬股(0.63),佔全日成交50%,
你地一定吾夠膽咁做,點解?因為你地冇料到,
昨日比哂tips都冇人能夠估到608,實在級數差太遠,
早期入隻764,明顯做緊圓底,等緊條50日線相交,部署緊半年效應,又有幾多人能夠睇得出,

盈動1186最後出貨機會
fai 會員編號 286 2000/5/27 AM 06:16:04 參與討論
目標價不變一年4元(可能高估)科技股熱潮已完結,1186現在似一堆好貴既垃圾,係一堆幾千億市值的垃圾,電訊(因政府取消專利,將來盈利只有倒退,個d什麼[互動電視].[互聯網服務],[光纖傳訊],在現時人們醒悟下,概念根本吾work,所以1186點值幾千億,
最重要李氏收購{得信佳}時發行過大量可換股債券,換股價係0.06合併計0.3(盈動曾5合1)這批股份對1186會帶來好大壓力,
1186近日好硬淨,明眼人都知道係為什麼,當完成收到電訊,就會還我本色,跌穿250日線,
你地吾好忘記日本兩大龍頭軟庫,光通信,在日本都跌九成,香港603,648都係一樣,1186相對趺幅實在太少,

今次災情同97年的分別
fai 會員編號 286 2000/5/9 PM 06:29:13 參與討論
97災情好全面,先殺即日鮮,依次序散戶,大戶,莊家,包銷商(供股上身),富豪(488,355,279....)多到數吾哂,因對上一次股災已係十年前(87年)散戶或大戶都吾記得了,
但今次好吾同,輸錢既只係散戶,大戶一定吾洗輸分毫,
對上一次港股跌穿250日線已係97年10月,當時250日線在13200點,一跌破一星期內趺到落8700,然後衰足一年,仲見6500,不過今次一定吾會趺得咁急,因做倉既人大幅減少,
但前景都吾睇好,地產股,銀行股,科技股,這三種股票係港股支柱,全部現在都好難搞,點睇香港都吾值10000,
764今日在0.68-0.75收了12萬股,現在累積86萬股,收集目標股數150-200萬股,中長線持有,不作短炒,

大多數人既心理(毛病)
fai 會員編號 286 2000/4/30 PM 06:34:49 參與討論
就係吾肯止蝕,例如:一元買入後,跌落0.9時,就望平手出,
再趺落0.8時會後悔點解0.9時吾出,如止類推....
我想強調(止蝕)吾一定對,好多時止蝕後馬上升番,但這個不重要,最重要係:有成千隻股票(計埋認股證),我地一定會買中D衰股,除非你淨係買2,5,13,6等,所以買入股票之前,不是諗賺幾多先,而係自己可以承受幾多風險,所以止蝕位真係好重要,不要比自己身處(吾知點算既地步)如跌了5成或以上,所以跌一成至兩成就要(做野),因再跌就(吾知點算)比什麼專家都係一樣,

關於對股票觸覺問題
fai 會員編號 286 2000/3/12 AM 08:19:18 參與討論
我炒股票都分幾種,好似近日隻281,718咁,我係見到成交有異動,才上車,我先前係冇諗過會買,第二種係1118,403,1184,451,1050,....分析隻股極度偏低,圖表形態好靚(橫行?鬙b年以上),我會進行中長期既收集,至於最後一種係{收料}當然不是普通人都知個種,例如85,571,635,715,.......三種之中最安全既係笫二種,
不過對於一般散戶來說,第三種根本無可能收到,(係我至會比出來),至於1&2你地係可以做到的,強化自己d股票知識,如圖表分析,基本分析,好似隻718咁我相信極少人知佢同隻1205係有關係,我咪快人一步買入,半日賬面已獲利兩成,這樣就係基本分析做得好,(不是自大)

你們想知到我係散戶定係莊家,
fai 會員編號 286 2000/3/8 PM 08:31:52 參與討論
其實我係一個散戶,我在90年開始玩股票,當時19歲,只得兩萬元,第一隻買入既係長江實業(19.3),大約22元出貨,由此開始我就對股票好有興趣,睇好多好多既書,強化自己股票知識,在94年我遇到真正既有錢佬,但佢不憧股票,從至佢就利用我d股票知識,我就利用佢d財力,大家已合作幾年,相當愉快,我就負責簡股票,會吾d上市公司老闆,佢就聽哂我話,任由我買賣,我最自豪既係97,98年,全年計算都有錢賺,

~~~~~~~~~~~~~~~~~~~~~~~~~~~~~~~~~~~~~~~~~~
liu 會員編號 494 2000/6/11 PM 04:11:29 參與討論
如果大家覺得首詩無聊, 歡迎勁"炳". www.Cyberkong.com 已因這首詩遂我出境

買股不買市, 牛熊不用知
短線順勢時, 反應要快D
勢就入多D, 唔就斬手指
成交應配合, 小心有背馳
推介上報紙, 高位套利時
同類炒落後, 不妨試一試

中線考心思, 功課做足D
分類來研究, makes your work easy
街貨唔好多, 要少人留意
就算業績好, 也要低 P/E
現金多的是, 私有化 may be
潛水一年多, 低位不下試
碗形底收集, 大家最心儀
平均線上移, 黃金交义時
成交漸增多, 莊家撻車匙
突破五十日, 齊齊笑 he he



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0