香港 Xocat Forum 討論區 - Powered by Discuz! Board

標題: 上海世博的中國館，果真充滿中國色彩 [打印本頁]

作者: 無神論狂徒 時間: 2010-4-24 23:17 標題: 上海世博的中國館，果真充滿中國色彩

不單外形有濃厚中國色彩，連中國價值觀都融入其中，佩服～～佩服～～

把中國山寨文化發揚光大～～連吉祥物同世博主題歌都有融入濃厚中國特色～～
上海世博果真用心良苦～～為把上海世博做出中國特色，連中國近代價值觀也融入其中～～設計者果真設計功力深厚～～一夫當關萬夫莫開～～

作者: 屍屠華 時間: 2010-4-26 21:01

潮流興講「Cult」片，連近年被指缺乏創意的無綫，亦圖以「溝劇」《飛女正傳》圖強，卻被網友發現「集七家之大成」，疑似向美日韓港劇集及電影「致敬」之餘，抄也抄得「精甩辮」！

隨着《飛女正傳》日前首播，不少觀眾紛紛在網上留言，指《飛》劇犯下橋段、造型、DNA異變、超能力、跌低、慢鏡擋子彈及懷舊扮《阿飛正傳》等7宗罪，疑似向美日韓港劇集及電影「致敬」，今次無綫創先河拍攝第一套「左溝右溝」的「溝劇」，比以往的疑似抄橋更「精叻」！破格飾演中年飛女「Janet Bin（精甩邊）」的蔡少芬，造型十足陳年港產片《東方三俠》的張曼玉，而飾演醫生的陳豪，其一頭白髮與職業，跟日本漫畫家手塚治虫筆下的經典角色怪醫秦博士如出一轍。至於橋段亦貫徹「溝劇」特色，與奧瑪花曼主演的荷里活片《超女．強勢回歸》似足九成，《飛》劇與《超》片女主角均是重點描述變身前後的差異，無論髮飾和胸脯變大的橋段均如兩生花，當中「Janet Bin」飛天勇救黃德斌一幕，更是《超》片奧瑪花曼飛天救男友的「翻版」。

唔理好壞讚題材新穎
未知是否致敬得「唔夠喉」，《飛》劇中的DNA異變橋段十足《蜘蛛俠》；「Janet Bin」跌落樓則如《蝙蝠俠2》裏的貓女、慢鏡擋子彈則十足《22世紀殺人網絡》、飛天超能力似《超人》及《街頭超人》、與李家鼎拖慢對白則模仿《阿飛正傳》的張國榮和張曼玉，加上劇名亦套用楊千嬅舊歌《飛女正傳》，難道真係「咁啱得咁蹺」？

陳豪否認為阿佘慶祝生日，亦不需要向廖碧兒解畫。
陳豪冇與「佘」慶生
對於新劇被指抄橋，身在內地的蔡少芬接受電話訪問時說：「總之唔理意見好定壞，都代表套劇有人留意，多謝捧場！其實我一啲都唔覺似《超》片，扮超人梗係識飛o架啦，睇吓點表達啫！加上題材新穎，我又覺得風趣，同嗰套唔同！」但陳豪卻直認劇中造型與《怪醫秦博士》相似：「少少啦！大家都係白髮！總之如有雷同，實屬巧合，我對收視有信心！」

此外，陳豪昨日出席賽馬活動時，再三澄清沒有跟佘詩曼慶祝生日：「嗰日係拍完劇中一個大場面，唔係我生日！我生日嗰日係喺廠搞咗個Party，多謝發起人阮兆祥同其他一齊夾錢嘅同事！」他表示沒有跟緋聞女友廖碧兒解畫，因報道並非屬實。

正所謂「天下文章一大抄」，《飛女正傳》被眉精眼企的家庭觀眾發現不少「穿崩位」，劇情「湊巧」與不少外國劇集及電影相似。

No.1：激似度99%
《飛》劇的故事大綱與預告片，與奧瑪花曼主演的《超女．強勢回歸》十足「孖公仔」，戲中主角與《飛》劇的Janet Bin一樣，平日造型「娘」爆，但變身後即擁有「索爆」外表及身材，兼有神奇力量！

No.2：激似度95%
《飛》劇內的Janet Bin擁有超能力，赤手空拳便可拯救他人，與《街頭超人》及《超人》的角色同出一轍，因而被不少網民質疑抄橋。

No.3：激似度90%
Janet Bin用手擋子彈的一幕，抄足由奇洛李維斯主演的《22世紀殺人網絡》經典場面。

No.4：激似度90%
陳豪飾演的銀髮醫生，造型激似《怪醫秦博士》的主角，而Janet Bin的打扮亦被指「明抄」《東方三俠》中的張曼玉。

No.5：激似度85%
蔡少芬與李家鼎故意拖慢對白節奏，爆笑地倣效《阿飛正傳》中梁朝偉與張曼玉的經典談情戲。

No.6：激似度85%
《飛》劇內的Janet Bin與《蝙蝠俠2》中的貓女郎均因跌落樓而獲得超能力。

No.7：激似度85%
Janet Bin在劇中因基因異變而擁有超能力，與《蜘蛛俠》主角的遭遇相當相似。

作者: 無神論狂徒 時間: 2010-4-27 12:26

連個網名都抄個發音，抄得咁足，連中共網上打手都咁山寨，勁～～

作者: 至.尊豪庭9 時間: 2010-4-27 13:02

無綫山寨台

作者: 至.尊豪庭9 時間: 2010-4-27 13:07

港人唔夠人講就話人打手...

作者: sichukankan 時間: 2010-4-29 21:29 標題: 回復 1# 的帖子

作者: 飛毛腿 時間: 2010-5-1 22:06 標題: 回復 1# 的帖子

中國館設計師話係中國傳統 "斗拱" 嘅一種建築
網上爭論係咪抄襲已經好多
好多都係引經據典
信不信由你
不過
假如家陣有個大陸時裝設計師設計一套復古唐朝女服
肯定會有人話係抄襲日本和服
總之只要係大陸佬做 d 咩
都大把反華反共腦殘人用顯微鏡去放大嚟搵把柄

作者: 屍屠華 時間: 2010-5-1 23:21

日本漢字邊喥來?
日本漢字咪係山寨漢語

日本語咪係山寨漢語

日本廟宇咪係山寨唐代廟宇
京都和奈良是山寨唐朝

http://www.youtube.com/watch?v=EEeSmbbKMR0&feature=PlayList&p=62994A91216716B3&playnext_from=PL&playnext=1&index=10

http://www.youtube.com/watch?v=F8WjkTrKHrU

[ 本帖最後由屍屠華於 2010-5-1 23:36 編輯 ]

作者: 無神論狂徒 時間: 2010-5-2 00:22

引用:

原帖由 飛毛腿 於 2010-5-1 22:06 發表
中國館設計師話係中國傳統 "斗拱" 嘅一種建築
網上爭論係咪抄襲已經好多
好多都係引經據典
信不信由你
不過
假如家陣有個大陸時裝設計師設計一套復古唐朝女服
肯定會有人話係抄襲日本和服
總之只要係大 ...

我唔係乜嘢反中人士，也不是反美反西方人士～～
但係實在抄得太似～～亦抄得太明顯～～唔知你有冇睇過～～個情況好似係幫Hello Kitty加個咀就當自己設計～～
日本建築大師的確係以唐朝中國建築的其中一個技術（忘了技術名）為重點設計藍圖～～但係呢個技術都要反複使用，有意設計成倒金字塔形先可以做到這個設計，而這個技術，在沒有意識的設計下，是不會做出這個倒金字塔狀的～～這個設計抄得太顯眼啦～～我身為中國人，也不想中國這麼難看，但係睇過設計，唔到我唔信，肯定係抄～～日本大師係有意運用這個技術，做成這個倒金字塔模樣的，因為如果單單這個唐朝技術已經是一個倒金字塔，那中國館的確不是抄的，但單用這個技術是不會做出倒金字塔的樣子的，一定是有人有心用這個技術才能做出這個倒金字塔的～～

馮中必撐，並不能幫到中國強大～～反之有錯就要指出，好嘢就要撐，這才是對中國好～～我是這樣愛國的～～

作者: 飛毛腿 時間: 2010-5-2 10:11 標題: 回復 9# 的帖子

我講嘅 " 反華反共腦殘人" 當然唔係指你
不過呢件事你既未研究過細節內容﹐對中國傳統建築結構認識不深 ( 我自己都係)
只係憑 " 外型相似" 就落結論話係山寨、抄襲
似乎太過草率喇
按這個 " 外型似就係山寨" 標準
以後中國無論造出任何自主研發嘅汽車、飛機、貨船、高樓大廈....全部都係抄襲山寨貨

[ 本帖最後由飛毛腿於 2010-5-2 10:14 編輯 ]

作者: 飛毛腿 時間: 2010-5-2 10:20

2010年上海世博中國館

所謂抄襲嘅 1992年世博日本館 (上圖中國館﹐下面就係日本館一個架 )

[ 本帖最後由飛毛腿於 2010-5-2 10:21 編輯 ]

作者: 飛毛腿 時間: 2010-5-2 10:23

中國館係整體建築
日本館就只係一個架
有人認為中國館似呢個架
所以就係山寨貨

作者: 飛毛腿 時間: 2010-5-2 10:26

又有架佬話日本館當年個設計師安滕忠雄
設計概念來自下面呢個廟

垂直を強調した木造本堂が印象的な光明寺です。

睇見呢個廟就更加無厘頭九
都唔知中國館抄佢乜九 ?

作者: 飛毛腿 時間: 2010-5-2 10:29

睇吓中國自己傳統嘅廟

五台山佛光寺

華林寺大殿

作者: 無神論狂徒 時間: 2010-5-2 18:31

"斗拱"係一種建築技術，用呢套技術，可以造出設計出很多不同樣子的建築物，中國由唐朝至今，千多年歷史，又唔見有建築物做到好似個日本佬手筆咁，好明顯係個日本人有心以這套建築技術設計出這個樣子～～
你話中國館唔係原全抄，但個核心概念都一定係出自呢個日本佬手筆～～個情況等如Tempo變Tinpo～～
Java係一種電腦語言～～類比為"斗拱"技術～～有人用呢套語言寫出軟件，咁個作者理應為此設計的原創者～～如果Java語言的作者硬把這個軟件收為自己版權，理據係佢個軟件的語言架構係同Java一樣，咁好硬來～～

如果中國歷史上有好多建築者用呢套技術做出個日本佬個設計，咁我都信個中國唔係抄～～但歷史上沒有一個設計如個日本佬的設計樣子，而在日本佬之後又出一個相類似設計～～點吟都吟唔甩係抄！

都係果個比喻，我幫hello kitty加個咀就把hello kittty據為己有，之後我話貓呢種動物自古有之，所以我冇抄～～這很橫蠻～～

[ 本帖最後由無神論狂徒於 2010-5-2 18:32 編輯 ]

作者: KMY89 時間: 2010-5-3 02:59

成半年既 Expo, 唔明做乜日日去逼？

二十多年前，Kmy 去 Seoul 睇 Expo, 重誇張，全程塞車，全日在車上無機會入門

歡迎光臨香港 Xocat Forum 討論區 (http://p.xocat.com/p/)