Board logo

標題: 投訴司機無門 [打印本頁]
作者: 車行初哥賣車人    時間: 2006-11-21 02:17     標題: 投訴司機無門

19/11/06  19:11 乘坐的士KB4XX4由紅磡萬國殯儀館至灣仔鵝脛橋，司機一出海隧立刻兜至銅鑼灣告士打道沿世貿中心對線兜個大圈才到景龍街沿告士打道西行，我質疑地問司機為何不選擇出海隧時靠右上路馬地橋然後靠左落橋經堅拿道東轉到目的地鵝脛橋，司機態度惡劣地說我沒有說出此行車路線，我說這樣兜路會遠很多，他便對我說，自己一向都這樣行的，我說要投訴，他說不要阻他"搵食"同時我發覺原來他一直沒有展示司機証，所以跟本無得投訴，並懷疑該的士司機故意不展示而令乘客無從投訴，由於車內所展示的交通投訴熱線在假日是休息的，所以我立刻致電999報案，在等候警察期間，司機拒絕停止咪錶，直至警員到場他才肯聽從警員說話停錶，當警員到場時，我說出事件並即場要求警員作証，司機沒有展示司機証，還這樣兜路，很可能此司機很有"兜路"經驗而不被遊客投訴，警員便說已記錄事件並見證司機一直沒有展示司機証，報案編號為060XXXXXXX[灣仔警處]，警員還表示如果投訴可向交通諮詢委員會投訴，本人即晚便透過互聯網於交通諮詢委員網址填寫有關事件發生過程，翌日下午4時許接到該處X小姐回覆表示已收到該投訴，但她竟對我說：[你可以向警察交通部作出投訴！]，我便表示警察叫我向你們作出投訴，現在妳又說我要向警方作出是次投訴，那你的部門到底是負責什麼？她說：我們衹會記錄你的個案，如果一年內司機有兩次投訴記錄我們便會作出警告！我便說：那你們不會作出調查而衹憑記錄有兩次投訴便警告他，對那司機、對我公平嗎？她聽了後便轉給主任與我對話，然後就轉了給Z小姐(主任)，那主任了解事件後便說會給我轉介到警察交通部，我質疑交諮會既然在每輛的士內都貼有該處熱線給乘客投訴，但竟然與他部門無關，那何不直接了檔叫乘客致電警察交通部呢？之後我便問她：主任，咁你知唔知司機無展示司機証的罰款是多少，她竟然說不知道！？此等部門叫人如何諮詢？？？
交諮會電話 28899999

網址http://www.info.gov.hk/tcu/chi/complaint/index.htm

[ 本帖最後由 車行初哥賣車人 於 2006-11-21 02:23 AM 編輯 ]
作者: kk363    時間: 2006-11-21 03:00

這香港............算吧了............
作者: WURTH    時間: 2006-11-21 10:25

# 第 374D 章 - 道路交通(公共服務車輛)規例

條文 編號:           45          版本日期           30/06/1997
條文標題         司機的一般操守

(1)   公共巴士、公共小巴或的士司機在作為該等司機時─
(i)        不得無理延誤行程
2)        司機在掌管的士時─
(a)        不得欺騙或拒絕知會乘客或有意乘車的人有關適當的收費及前往某處的路綫；
作者: WURTH    時間: 2006-11-21 11:02

係唔係咁呀?  
唔show個懞仔牌, 上到法庭都係500左右, 但係同你遊車河, 佢好大鍋!
作者: 百鬼夜行    時間: 2006-11-21 14:43

引用:
原帖由 kk363 於 2006-11-21 03:00 AM 發表
這香港............算吧了............
落錯案姐..
兜路難告刑事,督督唔理你.

一係駛去海洋館,話俾海產知:
1,懷疑有人改裝咪錶, 或
2,懷疑有人未能展示司機証於當眼處, 或
3,懷疑有人駕駛不當,ex沒有打燈切線,超速...

作者: 百鬼夜行    時間: 2006-11-21 14:46

(1)   公共巴士、公共小巴或的士司機在作為該等司機時─
(i)        不得無理延誤行程 (懷疑塞車)
2)        司機在掌管的士時─
(a)        不得欺騙或拒絕知會乘客或有意乘車的人有關適當的收費及前往某處的路綫；(兜路前冇問)

作者: 一代宗師    時間: 2006-11-21 15:08

引用:
原帖由 WURTH 於 2006-11-21 03:02 AM 發表
係唔係咁呀?  
唔show個懞仔牌, 上到法庭都係500左右, 但係同你遊車河, 佢好大鍋!
咁兜法重得了，個司機都儍既，兜路都唔好揀鬧市啦！銅鑼灣有邊個唔識路呀！

[ 本帖最後由 一代宗師 於 2006-11-21 07:09 AM 編輯 ]
作者: Jeff9394    時間: 2006-11-21 15:54

引用:
原帖由 WURTH 於 2006-11-21 11:02 發表
係唔係咁呀?  
唔show個懞仔牌, 上到法庭都係500左右, 但係同你遊車河, 佢好大鍋!
你 真 係 好 好 心 機
作者: Jeff9394    時間: 2006-11-21 16:01

引用:
原帖由 車行初哥賣車人 於 2006-11-21 02:17 發表
19/11/06  19:11 乘坐的士KB4XX4由紅磡萬國殯儀館至灣仔鵝脛橋，司機一出海隧立刻兜至銅鑼灣告士打道沿世貿中心對線兜個大圈才到景龍街沿告士打道西行，我質疑地問司機為何不選擇出海隧時靠右上路馬地橋然後靠左落 ...
交 通 投 訴 組 個 web 寫 明:

交 通 投 訴 組 在 一 九 八 零 年 成 立 ， 隸 屬 交 通 諮 詢 委 員 會 ， 負 責 接 受 和 處 理 市 民 就 交 通 事 宜 提 出 的 建 議 和 投 訴 。

有 冇 睇 清 楚 佢 係 負 責 接 受 和 處 理
接 受 就 係 聽 你 吹 水
處 理 就 係 同 有 關 部 門 開 會
so 係 咁 上 下 佢 做 到 野 先 得 人 驚

個 警 察 誤 導 左 你 jai
其 實 真 係 搵 警 察 攪 先 arm 架

By the way 佢 唔 知 罰 幾 多 係 佢 答 得 你 唔 夠 技 巧
佢 應 該 答 你 "呢 個 問 題 因 為 唔 係 我 地 部 門 管 轄, 我 要 同 有 開 方 面 諮 詢.....etc."

[ 本帖最後由 Jeff9394 於 2006-11-21 04:07 PM 編輯 ]
作者: WURTH    時間: 2006-11-21 16:26

我會叫佢渣去金鍾警處! 同佢慢慢講, 等佢咪唔知死!
中 區 分 區 警 署  
        2522 8882
        2234 9871          
          香 港 灣 仔 軍 器 廠 街 一 號 警 察 總 部 警 政 大 樓

[ 本帖最後由 WURTH 於 2006-11-21 04:30 PM 編輯 ]
作者: chintau    時間: 2006-11-21 18:30

Some of the taxi drivers are really shitty...however, our government is      also way below average in terms of communication & expression. sign....
作者: okmijn    時間: 2006-11-21 22:23

想問下那條粉腸有無show車牌俾班垃圾白炸看,我懷疑車你條粉腸無的士牌.
作者: 車行初哥賣車人    時間: 2006-11-22 01:13

多謝各位巴打幫忙，睇到你地咁幫手，心情已經好番好多，多謝你地，特別係WURTH兄，多謝你咁好心機幫我畫張圖，正係你講既路線，事情今日我已經報左比太陽報，睇下佢受理與否，個Point係投訴熱線竟然衹負責記錄，就連罰則都未知，咁即係好少司機會被佢罰過所以全無印象，有最新消息再話比大家知
作者: 車行初哥賣車人    時間: 2006-11-22 01:36

引用:
原帖由 okmijn 於 2006-11-21 10:23 PM 發表
想問下那條粉腸有無show車牌俾班垃圾白炸看,我懷疑車你條粉腸無的士牌.
當時個差佬X佢，佢死9咁死摷爛摷咁都摷到張證出黎
作者: WURTH    時間: 2006-11-23 12:24

我日日係公司繪圖, 都係幾分鐘功夫仔姐. 我都有的士牌, 平日車朋友兜下路, 都會俾人話下啦! 其實佢唔兜都兜左, 死狗咁認錯同計平d, 佢就唔洗周身蟻. 俾我渣的士, 實同個客講下會點行.
作者: 車行初哥賣車人    時間: 2006-11-23 13:48

當時我都係咁諗，唔兜都兜左算啦其實唔差幾多路，不過佢一D歉意都無，唔好意思都無句，重話佢次次都咁行，重要凶我，話我阻佢時間，我咪同佢玩到底Law
有時諗返，的士佬心態
路程短又唔高慶、以前上摩星嶺打war game又話路爛唔上、掘頭路又話唔入，大佬邊有支支𣄃都咁好做架
作者: Jeff9394    時間: 2006-11-23 18:04

算 啦 個 個 咁 醒 我 食 風 架 啦



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0