香港 Xocat Forum 討論區 - Powered by Discuz! Board

標題: 紅衫軍鎮壓 [打印本頁]

作者: 無神論狂徒 時間: 2010-5-20 11:43 標題: 紅衫軍鎮壓

個人認為泰國呢劑鎮壓，係有需要的，政府大方向上係需要咁做，我撐泰國政府，只係唔洗用到真槍實彈，部份手法或許可以做得好一啲～～
以旁觀者身份睇到泰國政府都算忍得好盡，比你班友仔玩轉成個泰國經濟重心，玩咗幾個月，一路好克制，經濟上嚴重流血，都可以容忍～～直到你班友仔賴死唔走，政府才冇計可施下，唯有武力清場～～
唔好話我馬後炮，我個多兩個星期前都同我屋企人吹水，話呢班友仔一定要鎮壓，我係政府我都主張鎮壓，比班友仔沒完沒了玩咁耐，你估國家冇損失，直頭損失到損手爛腳～～再咁落去，成個國家經濟會崩潰，國之根本會被動搖，呢樣嘢冇得傾冇數講～～再講，他信本身係個爛朵前總理，如果比佢班紅衫軍得手，國家一定有排亂，比佢解散國會，如果選出的新總理都係他信的人，果班好似叫乜鬼人民力量又會出嚟搞搞震；如果選出的唔係他信的人，紅衫軍又會出嚟搞搞震，最後又係死路一條；這個爛攤子只會不斷重複，唯有停止呢個重複，他信的爪牙無論能否掌政，都會有班人出嚟搞搞震，只有冚其中一班友仔旗，而他信個朵己爛，當然冚佢紅衫軍旗啦～～
他信心地唔好，在鎮壓後，仲利用國際傳媒幫佢公然傳達指令，就係叫紅衫軍傳打遊擊，最後果然紅衫軍轉了周圍放火全國進行恐怖活動～～好明顯係他信的指令～～呢個他信根本冇心要為人民著想，心腸歹毒，我係泰國政府就想法子除去呢個人～～此人一日存在世上，泰國冇日安寧～～例如搵方法毒到佢以為自己生癌，再在手術床上．．．．或直頭以放射性毒，毒到佢生癌～～一係好似戴安娜咁囉～～呢個世界好多意外呀～～

作者: 花之慶次 時間: 2010-5-20 13:04

你可唔可以話比我知查實泰國發生左咩野事???

因為我只係知道係地球上發生了三件事, 第一件事就係Arizona洲提出極端嚴苛嘅移民法
第二件事就係希臘財政出左嚴重問題
第三件就係泰國出現紅衫軍事件, 前面兩件事我知發生咩野事, 就係唔知泰國發生左咩野事!!!

作者: 無神論狂徒 時間: 2010-5-20 13:22

紅衫軍要求阿披實解散國會，總之要流亡外國的前總理他信或其爪牙重掌政權～～，所以集會搞搞震，要迫阿披實下台～～
古有黃巾賊，今有紅衫賊～～

作者: masuk 時間: 2010-5-20 22:43

到底是泰国，不同于我国，一样的场景，不一样的情节，自发展出别具一格的故事来。
一样的清场，消息好似无当年6.4那么紧张，气氛也不如当年北京恐怖，喧嚣之声更无当年刺耳。
不一样的是，据说红衫军头头都向当局自首，他们不选择逃窜外国，免却了当局搜捕的困难。

作者: 無神論狂徒 時間: 2010-5-21 10:30

不同
學運是明顯一班知書識禮的學生，純粹和平集會，學生沒有作出任何不禮或粗暴的行為；而中央的反應明顯過激，以大屠殺作結，出動的不只是實彈，還出動坦克，而中央目的不是驅散，而是殺盡所有集會的人～～人民沒有以武力還擊，沒有成為暴徒，只要血肉之軀去檔子彈檔坦克～～
或者係咁講，中國人民和中央對待暴力的方式差天共地，人民如羔羊等待中央屠宰，中央如屠夫盡力殺戮～
泰國人民和中央對待暴力的方式相類似，大家都係暴力，人民抗爭以暴力形式出現，中央也以武力清場～～
再來就是對消息的封鎖，中國向來習慣家醜不出外傳，一定會臭屎密冚～～所以當年努力封鎖新聞消息，使西方傳媒一來可以借機老作；二來就是若隱若現最惹猜，想得越多就越臭，；而泰國對新聞是絕對自由，冇得猜想，你睇著紅衫軍燒車吠放氣油彈，根本係一班暴徒，冇得撐～～
紅衫軍領袖自首可能知道自己未必會被判死刑；中國嘛！你自首等同自殺，自殺要落地獄呀～～

作者: 飛毛腿 時間: 2010-5-25 13:49

引用:

原帖由 無神論狂徒 於 2010-5-21 10:30 發表
不同
學運是明顯一班知書識禮的學生，純粹和平集會，學生沒有作出任何不禮或粗暴的行為；而中央的反應明顯過激，以大屠殺作結，出動的不只是實彈，還出動坦克，而中央目的不是驅散，而是殺盡所有集會的人～～人民沒 ...

你話唔同啫
事實由紅衫軍上場和平示威.... (你自己查返三月新聞報導)
一玩就兩隻月
到阿披實宣佈戒嚴
最後軍隊武力清場
流血死人收場
過程完全有 99 % 跟天安門六四相似

>>>中央目的不是驅散，而是殺盡所有集會的人
你選擇性失明定係咩
youtube 上大把學生由廣場撤退片段
我都好似貼過出嚟

>>>> 紅衫軍領袖自首可能知道自己未必會被判死刑；中國嘛！你自首等同自殺
王丹係學生領袖之一
韓東方係工人領袖之一
今日佢地日子好似過得滋潤過你
你不如舉出一個例子﹐那怕只有一個....
因參與或者發動六四集會而人頭落地個案嚟見識吓
你唔好學以前個硬膠咁搵張無厘頭九名單
有條友後來因癌症病死都入埋六四條數話係六四死難者

[ 本帖最後由飛毛腿於 2010-5-26 12:36 編輯 ]

作者: 飛毛腿 時間: 2010-5-25 14:03

引用:

原帖由 無神論狂徒 於 2010-5-20 13:22 發表
紅衫軍要求阿披實解散國會，總之要流亡外國的前總理他信或其爪牙重掌政權～～，所以集會搞搞震，要迫阿披實下台～～
古有黃巾賊，今有紅衫賊～～

你到底有冇睇過有關泰國新聞 ?

他信係軍人發動政變趕落台先變成流亡
其後軍人頂唔住國內外壓力交回俾民選政府
再選就選咗個他信妹夫上台
保守派輸咗選票就搞出班黃衫軍佔領機場
搞到他信妹夫頂唔順下台再選
又選咗個親他信嘅奧沙馬上台
黃衫軍又唔過癮再搞事
後尾由法庭出面做醜人判奧沙馬上電視台做烹飪節目收車馬費係違法
拆散親他信政黨個台
先整個阿披實做首相
家下紅衫軍只係以牙還牙

作者: netvigator 時間: 2010-5-26 04:44

引用:

原帖由 無神論狂徒 於 2010-5-21 02:30 發表
不同
學運是明顯一班知書識禮的學生，純粹和平集會，學生沒有作出任何不禮或粗暴的行為；而中央的反應明顯過激，以大屠殺作結，出動的不只是實彈，還出動坦克，而中央目的不是驅散，而是殺盡所有集會的人～～人民沒 ...

我覺得無乜唔同喎
只不過係發生嘅地方唔同
令你有唔同感受嗟

作者: masuk 時間: 2010-5-26 09:45

引用:

原帖由 無神論狂徒 於 2010-5-21 10:30 發表
不同
學運是明顯一班知書識禮的學生，純粹和平集會，學生沒有作出任何不禮或粗暴的行為；而中央的反應明顯過激，以大屠殺作結，出動的不只是實彈，還出動坦克，而中央目的不是驅散，而是殺盡所有集會的人～～人民沒 ...

瞻仰北京或俯视曼谷，都要冷眼冷心，正所谓冷眼旁观就是。
个人以为冷眼旁观，就重在一个冷字。
冷，就是说不沸扬，无闹腾，不受影响，还事物本来面目。
冷与静连用成冷静，指的还是眼和心，只有冷眼冷心才会不偏不倚;
这才有旁观者清的说法，
不致拾人牙慧，连屠城和新闻封锁这类名词都引用上。

作者: 無神論狂徒 時間: 2010-5-26 10:16

你們忘了嗎，泰國紅衫軍由和平集會，到四圍霸地，癱瘓某些地方的運作～～後來更成為暴徒～～紅衫軍內有人有武器有軍火！
六四學運有嗎？泰國政府有出動坦克嗎？泰國政府有封鎖新聞嗎？
別死雞撐飯蓋了～～九十幾%相似度只是子虛烏有～～恐怕只有個國家庄席個鼻窿有95%似，大家都係黑色一個洞唔會發光～～
一個會破壞國家的集會，鎮壓是必須的～～六四嘛～～和泰國的紅衫軍鎮壓，有太多不同～～

都係果句，愛國唔係咁樣～～國家放篤屁都叫香，明明食滯放臭屁都唔去醫放臭屁的原因，只懂一味話香～～～你這不是叫愛國～～
發現本版留言者，大多是一係中一係西的死硬派～～咁明顯的分別都可以當作睇唔到～～好嘢～～服～～除咗個服字，我冇嘢好寫～～

作者: 飛毛腿 時間: 2010-5-26 12:45

引用:

原帖由 無神論狂徒 於 2010-5-26 10:16 發表
你們忘了嗎，泰國紅衫軍由和平集會，到四圍霸地，癱瘓某些地方的運作～～後來更成為暴徒～～紅衫軍內有人有武器有軍火！
六四學運有嗎？泰國政府有出動坦克嗎？泰國政府有封鎖新聞嗎？
別死雞撐飯蓋了～～九十幾%相 ...

>>>紅衫軍內有人有武器有軍火！
六四學運有嗎？

放火燒軍車搶武器﹐殺解放軍後火燒屍體﹐又有將解放軍條屍掛晌橋上....
學生成立天安門廣場武裝衛隊﹐向解放軍放冷槍...
劉曉波攞住枝步槍敲落石壆度﹐話唔希望學生用武力.... youtube 上有片段

>>>>泰國政府有出動坦克嗎？泰國政府有封鎖新聞嗎？

泰國政府下令電視台只可播放獲批節目
(商台)2010年5月19日
星期三 18:59

泰國軍警在曼谷市中心的武力清場行動，下午結束，但部份示威者拒絕投降，四出縱火及破壞。政府宣布由晚上八時起至明日清晨六時，在曼谷實施宵禁，總理阿披實解釋，頒佈宵禁是要令保安當局履行職務。清場行動中，有最少四人死亡，包括一名意大利記者；七名紅衫軍領袖，向警方自首，並宣布結束歷時個多月的集會。不過，部份示威者就到股票交易所、電力公司、電視台及大型商場等縱火，多處不斷傳出爆炸聲及槍聲。曼谷郵報報社疏散員工，當局下令電視台只可播放獲批的節目。

在清晨開始的清場行動，千名軍警在坦克及裝甲車支援下，衝破紅衫軍設置的路障，向示威者開槍。騷亂又擴散至紅衫軍支持者佔多數的東北部，孔敬及烏隆市都有政府建築物被縱火。

http://hk.news.yahoo.com/article/100519/18/i3qo.html

[ 本帖最後由飛毛腿於 2010-5-26 12:56 編輯 ]

作者: 飛毛腿 時間: 2010-5-26 12:46

2010-04-08 18:08

政府切斷紅衫軍電視訊號

泰國當局週四切斷紅衫軍經營的電視台訊號，亦封鎖紅衫軍的網頁，引起示威者的抗議。

首相辦公室發言人沙堤指出，已經成功切斷人民頻道的訊號，以重新恢復首都曼谷社會秩序。

這家衛星電視台訊號遭到切斷的時候，正在播放紅衫軍集會的報導，之後熒幕變得一片空白。

http://www.sinchew.com.my/node/156075

作者: 飛毛腿 時間: 2010-5-26 12:53

所以我好懷疑
你到底有冇睇過泰國紅衫軍呢次運動嘅詳細新聞

黃衫軍係乜 ? 紅衫軍又係乜 ....你搞唔搞得清來龍去脈 ?

定係你故意將紅衫軍描繪成強盜亂賊
去將阿披實政府武力清場合理化
而襯托出大陸嘅六四就係不必要嘅屠殺

作者: 無神論狂徒 時間: 2010-5-28 15:47

這種斷章取義式愛國辯護，實難認同~~~
學運人士一開始係冇武器在手，即係冇諗過要作反～～紅衫軍手上有乜你冇理由唔知～～係軍火呀大佬～～有榴彈砲～～罷明作亂啦～～有學運人士向解放軍放冷槍～～我真係未聽過～～你係咪嚮左仔報睇架～～唔好睇咁多左仔報呀～～睇壞腦架～～我在電視新聞上只係睇到一班學生為主的人在天安門廣場上靜坐～～直到解放軍入場，情況才大亂～～同紅衫軍好唔同～～紅衫軍有心隊你曼谷經濟，癱瘓地方運作～～清咗場後仲在其他地方頑強反擊四圍放火，在全國都有放火搶劫～～一開始好和平，中斷已經出現暴民的作風，後來直頭係暴徒～～
坦克車嘛～～你都自已寫咗啦～～係用坦克車開路～～六四嘛～～坦克係用作殺人，君不見一地肉醬嗎？還死撐？！
新聞封鎖又係亂嚟～～你見到有西方記可以在天安門在清場當晚，淮許自出自入拍攝嗎？泰國清場嘛，記者可以自出自入清場區，軍隊甚至幫記者離開戰區～～你可以清楚睇到軍人如何開火，也看到紅衫軍如何拋氣油彈～～過程清清楚楚～明顯泰國切斷人民頻道，只係清場的一種控制手段～～如果佢有心封鎖新聞，你會在電視看到軍隊開火嗎？仲係要死撐～～
你冇理由唔明呢個道理吖～～撐嚟冇謂吖～～
我都愛國，愛唔係咁愛架～～

作者: 飛毛腿 時間: 2010-5-28 17:35 標題: 回復 14# 的帖子

原意係見你原創嘅 thread 就寫兩段捧吓場
你就二分顏色上大紅

唔夠料駁就講立場
左一句愛國右一句愛國
你愛國你嘅事﹐你有本事去賣國又係你嘅事
我晌呢個論壇從來冇講過半句愛國
從冇鼓吹過愛國
根本大部份港燦有條毛國家民族觀念
講呢d 就對牛彈琴嘥九氣
我要講嘅係事實
我要用同一標準去衡量相同性質嘅事
我要用事實去鞭撻果班含洋七洋奴借題發揮
我嘅觀點好簡單
想玩革命推冧執政者就預咗人頭落地
攞乜七嘢和平示威哭哭啼啼玩悲情就去食屎啦
講完

作者: KMY89 時間: 2010-5-28 17:51

引用:

原帖由 飛毛腿 於 2010-5-28 17:35 發表
原意係見你原創嘅 thread 就寫兩段捧吓場
你就二分顏色上大紅

唔夠料駁就講立場
左一句愛國右一句愛國
你愛國你嘅事﹐你有本事去賣國又係你嘅事
我晌呢個論壇從來冇講過半句愛國
從 ...

有人辭窮理屈便人身攻擊又話乜斷章取義 ...

不知所云 ...

一句講晒，呢D就係媚洋反中；

這種人請別說"愛國", 別污蔑這兩個字。

作者: 無神論狂徒 時間: 2010-5-31 11:04

唔啱咀形啫~~唔洗咁勞嘈~~條題啱傾就吹兩咀囉~~觀點大家各異~~好正常啫~~

歡迎光臨香港 Xocat Forum 討論區 (http://p.xocat.com/p/)