標題: １南北韓天安號事件 [打印本頁]

---

作者: 無神論狂徒    時間: 2010-5-23 16:30     標題: １南北韓天安號事件

個人認為中間應該有人想點火惹事從中攞著數∼∼
北韓，一個爛仔國，揪你咪揪你囉∼∼唔會唔好意思∼∼亦唔洗唔認∼∼個人認為支魚雷好有可能係比其他國家生安白做加插罪名∼∼再講，北韓係就係窮，但係唔係白痴∼∼支魚雷有哂特徵，明知實比人查到都隊一支國產魚雷過去炸天安號，冇咁白痴∼∼如果佢有心過南韓一揰，而又唔比知，佢冇理由留個美國所謂"perfect match"的證據比人捉吖∼∼明顯同佢炸完人又唔認的行為有好大茅盾∼∼
至於南韓同美國，我反而認為好有可疑∼∼南韓同北韓昔日是一同個國家，今天是一對反目的兄弟∼∼南韓要知北韓的習慣，易如反掌，當年打過韓戰，要知道南韓的軍事知識，不費吹灰之力，加上美國的情報網，二人要聯手做個「北韓」製魚雷，絕對冇難度∼∼而且有一點好值得大家深思一點，美國同南韓的調查團一致話個魚雷殘駭係Perfect match北韓之前用的魚雷，魚雷身亦有北韓慣用寫在魚雷上的文字，而且也是典形北韓魚雷的型號∼∼越完美的事就顯得越假∼∼北韓有咁白痴？我唔係好信∼∼北韓亦應知道，佢點好揪都好，美國一定會撐南韓，而中國亦早已表態和平發展和平屈起，佢點都唔會撐打杖，多數唔擋北韓，呢場杖，打嚟凶多吉小∼∼北韓打南韓根本冇乜著數

果支魚雷我好懷疑係美國佬有心做北韓佬∼∼用心係要搞亂你朝鮮北島∼∼等你中國發展受制肘∼∼甚或拖冧你中國∼∼中國在這件事上，正如南華早報講，撐北韓同唔撐北韓，介入或唔介入呢件事，佢都有代價要付出，無論如何出招都會蝕卓∼∼

不過都有可能南韓天安號上有北韓國防機密，所以北韓要炸咗佢∼∼但係佢點解唔用支冇咁Perfect match的魚雷呢？
總之Perfect match呢個辭，好可圈可點∼∼我比較懷疑係美國佬砌佢生豬肉∼∼

---

作者: ali    時間: 2010-5-23 19:00

北韓冇咁白痴
係美國佬南韓佬以為世人白痴，當南韓人民白白痴。

---

作者: 無神論狂徒    時間: 2010-5-24 12:15

中美戰略經濟會議，快要談中美及世界重視的人民幣匯率問題，出現北韓魚雷事件，美國佬有心在此刻搞小動作∼∼放棄匯率問題，佢應該有更遠大的利益要爭取掠奪∼∼
睇吓佢美國佬嚟緊出乜招你就會估到，呢單嘢係佢明造北韓佬的成數有幾高∼∼
如果美國佬嚟緊加大力度扇風點火撥痕單嘢（現在已經係，想說掂中國齊齊屌北韓佬順手插埋伊朗）∼∼甚至有心在嚟緊的適當時機，又出現南韓被北韓武器打的情況∼或出現韓戰∼∼咁我好肯定係美國佬有心造北韓∼∼美國佬成日想中國死∼唔想你強大∼呢點冇需懷疑∼∼今日同中國硬碰即係想死∼∼唯有在周邊搞中國∼∼北韓係絕佳砌生豬肉國家∼∼北韓個性內向，火爆個性，唔多向別國表達自己想法，最好係被屈，屈完唔會出聲，一係就同你死過，一係就唔理你∼再加上北韓大佬係中國∼完全係美國佬心頭好啦∼∼

---

作者: 飛毛腿    時間: 2010-5-25 13:20     標題: 回復 1# 的帖子

去搵番上個月所有有關呢單新聞報導睇就知道九成係一個騙局
一開始南韓話同北韓無關
又話當時並冇偵測到附近有北韓軍事活動
開頭美國佬一直都冇出聲
南韓佬講得兩講就收皮
要等美國主子下定論俾指示

其實一隻魚雷就將隻過千噸艦炸成兩截
以事前南韓軍艦竟然偵測唔到附近有北韓潛艇  ?
你估係香港水警咩
咁嘅戰鬥力點防衛南韓本土 ?
所以以軍事角度睇係漏洞百出
大陸好多軍事網都有詳細分析
我就費事抄過嚟嘞

---

作者: 飛毛腿    時間: 2010-5-25 13:24

有兩篇論述簡單易明
即管參考吓 :

就是先假定天安艦確真被魚雷擊沉的（這點本身就很奇怪），該魚雷到底是誰家的貨，韓國方面自己的說法就變過幾次，即使前幾次都不是正式的官方結論，但韓國 現在推論也是很含糊的。那根軸和推進器到底是七年前爆炸的殘餘物還是天安艦事件的兇器，如果是前者，拿出來實在沒有什麼意義，如果是後者，為什麼會保留的 那麼完整？如果是炸藥成份說是相吻，但分析對比也沒有公開，而所謂殘片上韓文的編號，看相關照片居然是油漆上去的！這怎麼能當成鐵證？
只有朝鮮潛艇有攻擊條件更是搞笑，韓國有什麼能力保證同時監控周邊各國（理論上必須也要包括美日）的所有潛艇活動，連朝鮮的小型潛艇都無法確保偵聽把握， 說能控制他人行蹤豈不是笑話。


就說那個軸吧，這麼細的軸，還連著比較完整的推進器，魚雷戰鬥部上百公斤的高爆炸藥炸過居然還能保存的這麼完整，簡直是奇跡了，而且那個所謂的朝鮮文“1 號”居然是手寫的！而且據韓國自己說，這個軸和推進器是在5月15號找到的，就是過了將近兩個月，在海流這麼急的地方，也堪稱奇跡了，如果有這麼強的水下 搜索能力，為什麼連個朝鮮潛艇都找不到呢？
另外，韓國是在5月10聲稱5月20前公開調查結果，而這時最關鍵的證據還沒找到，那他們就不怕到時沒有有力證據下不來台嗎，所以很明顯是先有結論後 “攢”證據。況且還有從水下撈到這個軸的錄影韓國並沒有公佈（這個應該有），只有這個東西能說明這東西在水下的狀態，但也最難造假，如果公開了明眼人很容 易看出破綻。所以我認為這個事就是一個雙簧，一個現代版的緬因號事件。

---

作者: 飛毛腿    時間: 2010-5-25 13:35

引用:

原帖由 ali 於 2010-5-23 19:00 發表
北韓冇咁白痴
係美國佬南韓佬以為世人白痴，當南韓人民白白痴。

世人白唔白痴就難講
起碼一部份人真係白 x 痴
香港就有唔少
而美國人好很多都白白地痴
再加上狗噏吹出嚟嘅所謂獨立自主新聞機構配合之下
更加多人變成真白痴
所以話去阿富汗捉拉登
話伊拉克有大殺傷力武器都有咁多人信
家陣照辦煮碗屈北韓一鑊

不過大陸早睇通美國呢招想玩乜
所以上兩星期北韓金正日訪問中國
中國高調接見
就係話俾全世界~ 主要係美國~ 知
邊個郁北韓都要預咗同大陸反面開打

---

作者: 維圓阿伯    時間: 2010-5-25 16:34     標題: 回復 6# 的帖子

美帝會否打七金仔我就唔知
大騙子高盛呀大摩呀
事實早早大手沽空
PK

---

作者: 飛毛腿    時間: 2010-5-25 18:55

引用:

原帖由 維圓阿伯 於 2010-5-25 16:34 發表
美帝會否打七金仔我就唔知
大騙子高盛呀大摩呀
事實早早大手沽空
PK

向金二開砲即係向中國開砲
1950年中共剛建國﹐只有所謂小米加步槍﹐飛機都唔多架
老美聯軍係當時地球上最強戰鬥力軍事機器
一樣打到要退返 三八線
以美國佬今日嘅財力國力
伊拉克仲未甩得身
阿富汗日日燒銀紙
有能力再對金二開波 ?
就算奧黑食咗過期春藥
國會班議員都唔肯無厘頭開戰
美國國民再白痴都唔肯為咗韓佬一條軍艦被炸沉
而派美軍去送死

---

作者: Das Reich    時間: 2010-5-28 06:07

嘩，開正小弟果"範"，當然是自以為喇，小弟只是對二戰陸上坦克車有些少皮毛認識咋。 唔，據小弟所理解和"斷估"，並不是所有水面艦隻皆有反潛能力/聲納設備，而天安號只是一艘警戒艦所以它很大機會是沒有聲納設備。 若一枚魚雷並不是去直接撞擊吃水線下的艦身後才爆炸，而是在到達船底下才爆炸時，其破壞力是大增和可以令到艦體斷成兩截。 原因是當在船底下才爆炸時，它會令到水中產生大量氣泡而氣泡是會減低了水中的原來應有的浮力，而爆炸的力度亦或會令到船體由爆炸點之上升離水面。 情況就如部份船體懸掛於空中，本身的重量就足以引起龍骨、船體扭曲再加上爆炸時船體必已受損，所以船體很易斷成兩截。

小弟同意Brother 飛毛腿 所引述兩篇的論據。 嘩，爆炸後仍有這麼完整的魚雷推進部件的殘骸?  若真的有時，它們應是各散東西地和十萬八千里式地分佈於海床吧，這麼易就能全數找回?  其實若這時南北高麗大打出手，誰會是最大得益者?  

北高麗也有小小疑點，就是在09年它的海軍蝕了虧而根據紀錄它必會去報仇的。 不過它以往的報仇方式是[正大光明]的。

---

作者: 飛毛腿    時間: 2010-5-28 14:06     標題: 回復 9# 的帖子

>>>北高麗也有小小疑點，就是在09年它的海軍蝕了虧而根據紀錄它必會去報仇的。 不過它以往的報仇方式是[正大光明]的。

據說1950 年韓戰時
金太陽 ( 金日成) 召集北韓一眾將領商討戰況
金太陽沉重地對各人話 : 美帝聯軍武器精良﹐來勢洶洶﹐有乜依郁, 佢地呢個偉大王朝會覆滅....
眾將領相對無言
其時﹐人群中一個肥仔挺身而出
激昂地答話 : 主席﹐北韓不再存在的話﹐呢個地球再冇存在價值﹐我地就將個地球一起毀滅.....
此肥仔何人也 ?
就係當時跟隨金太陽身側﹐今日坐正嘅金二金日成。


北韓海軍舊年吃咗南韓海軍虧
金二要報一箭之仇唔奇
明打唔過放冷箭都唔奇
但突襲成功後必定大鑼大鼓慶祝
更可能乘機捧個三太子做幕後功臣以奠軍威
唔會學似家下咁死口唔認
殺人事小﹐就算打仗都未驚過
點肯晌北韓人民面前敢做唔敢認咁鵪鶉
記唔記得前年北韓邊境開放俾南韓旅遊區個金剛山旅遊區
北韓守衛兵一槍將個南韓女遊客爆頭
事後聲大夾惡怕你南韓條毛  ?
夠膽就放馬過嚟   

---

作者: 飛毛腿    時間: 2010-5-28 14:14

引用:

原帖由 Das Reich 於 2010-5-28 06:07 發表
嘩，開正小弟果"範"，當然是自以為喇，小弟只是對二戰陸上坦克車有些少皮毛認識咋。 唔，據小弟所理解和"斷估"，並不是所有水面艦隻皆有反潛能力/聲納設備，而天安號只是一艘警戒艦所以它很大機會是沒有聲納 ...

軍事知識我連皮毛都冇  
不過出事水域係南北有爭議水域
而且附近仲剛有美韓軍演
似乎呢種敏感地區唔會完全不設防
而且據說北韓潛艇又舊又落後
開動起嚟嘈到幾乎聾耳陳都聽到.....  


題外話
你想寫果個係 " 瓣 " 字....

---

作者: 無神論狂徒    時間: 2010-5-28 16:00

查實自己在魚雷上寫下字，再射，睇睇支軸仲係咪健在，再睇睇個字仲在否，咁就知道有幾多成真啦∼∼
大陸海軍做次Mock就知真假∼∼一支魚雷我估幾十萬左右啫∼∼玩得過∼∼

---

作者: 維圓阿伯    時間: 2010-5-28 16:53

實踐是檢驗真理的唯一標準

---

作者: 屍屠華    時間: 2010-5-28 21:01

美國密謀一舉殲滅宿敵金正日?

http://www.youtube.com/watch?v=yNu8sBUOST4
http://www.youtube.com/watch?v=BPAUR-VuVMA
http://www.youtube.com/watch?v=MMHf-Q4e0_w
http://www.youtube.com/watch?v=I1avbfvmLfM

---

作者: Das Reich    時間: 2010-6-1 22:41

Brother 飛毛腿:謝謝師兄 你的回覆。  其實小弟猜兄臺 應從小弟的回應中，已得知小弟的判斷。 小弟只是不想學人家往往一口就咬定誰是真凶，而是嘗試列出事件中自己認為有疑點的地方，讓人家去立判，所以連北高麗也有的小小疑點也列出。   其實若這時南北高麗大打出手，誰會是最大得益者便會是這事件的幕後策劃者或策劃者之一。  

小弟已用了[""]標點。 在當天回覆時，小弟的手寫板不知何故，硬是寫不出"瓣"這個字，所以靈機一動便用了範圍中的"範"字。 謝謝師兄 你的提點。   

---

作者: ypkln5288    時間: 2010-6-5 14:19

很好 ！很强大！！很好 ！很强大！！很好 ！很强大！！很好 ！很强大！！很好 ！很强大！！

---

歡迎光臨 香港 Xocat Forum 討論區 (http://p.xocat.com/p/)

Powered by Discuz! 6.0.0