香港 Xocat Forum 討論區 - Powered by Discuz! Board

標題: [原創] 見工 [打印本頁]

作者: wilson444 時間: 2006-8-24 14:12 標題: 見工

請問有什麼見工的技巧？
可否分享一二？

作者: SilverJack 時間: 2006-8-24 18:55

呵呵~~
一二係講唔哂過喎...

最基本既，但係仲係好多人犯既︰
1. 唔好遲到，最好早15分鐘左右到，俾自己定定神先都好丫。
2. 衣著要合宜，最主要係企企理理，唔一定西裝骨骨既，視乎見咩野職位囉。

[ 本帖最後由 SilverJack 於 2006-8-24 10:57 AM 編輯 ]

作者: SilverJack 時間: 2006-8-24 19:14

講多一樣

對方好可能問你以前D工既離職原因，你要事先準備好留心D答，咪答D矛盾野。

例如︰
你以前份工每日做10個鐘既，而家見哩份都有番咁上下工時的話，你千祈咪話嫌以前份工時間長所以走。

你以前份工月薪9千，而家見緊哩份月薪8千，你千祈咪話嫌以前人工低所以走囉，雖然可能係真既，只係你離左職後，幾個月都搵唔番野做，少少地都諗住頂住先，都唔可能咁講架。

其他一般可能係真既離職原因，都唔可以太坦白，要包裝下至講得︰
例如︰
同上師唔夾、覺得好受D客既氣、工作太辛苦、返得太早或收得太遲、工作地點太遠、工作環境太差等等，都唔好直講。有D人被問到既時候，仲即刻好似他鄉遇故知咁，係咁猛數以前份工既不是，切記，要戒。

作者: jimmyboy2102 時間: 2006-8-25 02:32 標題: 回復 #3 SilverJack 的帖子

AGREED

作者: wilson444 時間: 2006-8-25 10:27

引用:

原帖由 SilverJack 於 2006-8-24 07:14 PM 發表
講多一樣

對方好可能問你以前D工既離職原因，你要事先準備好留心D答，咪答D矛盾野。

例如︰
你以前份工每日做10個鐘既，而家見哩份都有番咁上下工時的話，你千祈咪話嫌以前份工時間長所以走。

你以前 ...

Thank you.

作者: chuchu1970 時間: 2006-8-25 14:26

yes............

作者: chanpowing 時間: 2006-8-28 14:36

試前準備：
1. 當你收到我們的電話，記緊問清楚面試的「時、地、人」：
「時」 – 面試時間。最好在預約的時間前約十五分鐘到達面試地點，抹抹汗，梳梳頭，醒醒目目見「未來老闆」。
「地」 – 面試地點。及早找出地點及交通安排，別讓塞車或迷路弄壞你的心情，及「未來老闆」對你的印象。
「人」 – 公司名稱、面試負責人的姓名。四出搜集資料，對公司背景略知一二，「未來老闆」一定對你刮目相看。

2. 當然別忘了面試的「戲玉」-- 職位名稱、編號和職責，連這些基本資料都不知道，人家還以為你在夢遊呢！

3. 面試的「主角」當然是你自己！想一想你為甚麼應徵？為甚麼適合這份工作？「未來老闆」最忌求職者說「唔知呀，阿媽 / 社工 / 勞工處叫我來見工咋」、「等錢駛，求其搵份工囉」、「陪朋友囉」，顯得既無主見，又無誠意，切記，切記！

4. 面試前，當少一晚「夜鬼」，早點睡覺。要是你眼袋黑黑，呵欠連連，「未來老闆」對你說的第一句話，大概會是「早點回家睡吧！」

面試物品：
小型記事本（記下面試日期、時間、公司名稱、地址、電話和聯絡人等資料）
履歷表 / 工作證明
學歷證明 / 專業資格證書，例如「展翅」、義工、紅十字會、 LCCI證書等
與申請工作有關的作品，如文章、圖畫、設計作品等
藍色或黑色原子筆(避免用墨水筆，以防漏墨)
身分證副本
近照（2張或以上）
手提電話
八達通或足夠零錢（以作車資）

面試衣著：
不用名牌，不用西裝，不用高跟鞋，太隆重反而嚇壞「未來老闆」。
最重要是整齊得體，打開衣櫃，哪套衣服顯得你最醒目，最有信心，就穿那一套。
金毛、波鞋、暴走鞋、板仔褲、牛仔褲、熱褲、背心、拖鞋等「型仔」裝束，留待慶祝見工成功才登場吧！「未來老闆」始終喜歡較為穩重和斯文的打扮。
如有需要，事先「o趙」片香口膠，更加醒神。不過，記得吐了才見「未來老闆」才好！

面試儀態：
1. 步入公司前，緊記將電話和傳呼機關上，以免它們在面試期間「誤鳴」。

2. 到達公司後，應有禮貌地向接待員表明來意，然後安心等候。切勿「四處巡視」、亂碰別人的東西、頻頻看表。另外，在可能的情況之下，避免上洗手間。

3. 記得說清楚自己是「青少年見習就業計劃」的學員，要是含糊地說是「青見」，恐怕「未來老闆」誤以為你來「清潔」呢！

4. 除非職員帶領進入面試室，否則在進入前，應先敲門兩下，並在進入後輕輕將門關上。

5. 等候面試時，切忌打呵欠、伸懶腰、表現得不耐煩或無精打采，以免「未來老闆」進來時，看到你的「萬千儀態」。

6. 跟「未來老闆」交談時，雙眼應望著對方，以表充滿自信、誠懇坦白，和尊重對方。不過，眼神切勿太兇狠。千萬不要東張西望，以免給別人不可信和不留心的印象。

7. 保持自然的微笑。板起面孔，令別人覺得難以親近，你也不想你的同事這樣「cool」吧。

8. 「行得正，坐得正」，千萬別彎腰駝背，或左搖右擺，這不但沒禮貌，亦反映對面試不耐煩。

9. 面試時搔頭、玩手指、撥頭髮、托頭、搓手、轉筆等動作，均表示不成熟、不尊重和不耐煩。另外，印腳不但會「福薄」，還會給別人輕佻，不留心的印象。

面試問題：
「未來老闆」的問題層出不窮，但最終目的只有一個，就是測試求職者跟申請職位的「匹配」程度。
有時候，他們故意問一些困難的問題，測試你是否成熟淡定，和你的應變能力，並不是存心令你出醜。其實，他們不要求你「叻到識飛」，只要你肯嘗試，表現你的誠意與信心，他們也會樂於接受。
要是你真的不懂，也不妨直說：「對不起，這方面我不太擅長，但我會努力學習。」
千萬不要每句都是「唔知」「唔識」，或者說謊。
下列一些常見的面試問題，想一想應該怎樣答，才合「未來老闆」心意：

「你有甚麼優點及缺點？」
你有甚麼優點，當然要把握機會，好好表現啦！不過，當回答有什麼缺點時，應避重就輕，只提及一些對工作影響性不大的缺點；或憑三寸不爛之舌，將缺點變成優點。

「你為何失業這麼久？」
人人都說「經濟差」、「學歷低」，你不悶，「未來老闆」也聽到厭了，而且這樣答又消極，又「老餅」。其實，你應強調自己不斷積極進修，充實自己，並表示沒有灰心，告訴「未來老闆」：「我年青，有實力，有朝氣！」

「你有甚麼工作經驗？」
如果你有工作經驗，最好用事例來證明你有多能幹，例如以前當售貨員時，比同事賣出多幾件貨，或是當侍應時，曾獲客人讚你招呼週到。
要是沒有工作經驗，也不打緊，你可嘗試說說你的課外活動：如果你當過啦啦隊長、籃球隊長、班會主席，證明你有領導才能；如果你家政了得，或專當司庫，可見你心思慎密。千萬別漏掉當義工的經驗。

「為什麼轉工/離工？」
回答時，理由必須積極正面，別老是埋怨以前的工作「人工低」、「老闆惡」、「同事衰」。記著，面試不是「牢騷王大賽」。

「為什麼你經常轉職？」
頻頻轉工，容易令「未來老闆」以為你騎牛搵馬，虎頭蛇尾。不過，如果每次的轉職均有明確和積極的理由，不妨直說。另外，換一個角度來看，雖然經常轉工，但工作經驗亦會相對地變得豐富。因此，不妨將此「借題發揮」，令缺點變成優點。

「未來老闆」出錢請人，當然有所要求，務求選得「優質佳品」，你購物也不想得到「次貨」吧！
你有誠意，有實力，即使「未來老闆」的要求多高，你也不用怕！

作者: SilverJack 時間: 2006-8-28 16:25

同意，好詳盡呀!!

作者: keroro 時間: 2006-8-29 19:20

引用:

原帖由 chanpowing 於 2006-8-28 02:36 PM 發表
試前準備：
1. 當你收到我們的電話，記緊問清楚面試的「時、地、人」：
「時」 – 面試時間。最好在預約的時間前約十五分鐘到達面試地點，抹抹汗，梳梳頭，醒醒目目見「未來老闆」。
「地」 – 面試地點。及早 ...

我公司請人，一般文員至倉務員，全都死係以上項目。

另外，個個都話識excel同word，吹水吹到樣樣識，一到test，個個都係識data input。
(die hard)
lee個問題由degree到from5畢業都死。都唔知d人讀乜書。

待別見文職時，就一定要補下先去。唔好失禮。

作者: mani 時間: 2006-9-4 03:05

同意，好詳盡呀!!

作者: winnipooh 時間: 2006-9-5 08:13

thanks, 好詳細呀. 我要揾工啦,呢D好o岩我參考.

作者: fthong88 時間: 2006-9-5 15:46

多謝分享

作者: 愛上初中生 時間: 2006-9-5 20:39

我想微笑在見工時是非常重要的~

作者: kennykf 時間: 2006-9-5 21:34

very detail wor~ so gd!!

作者: kenny01 時間: 2006-9-6 10:16

引用:

原帖由 keroro 於 2006-8-29 07:20 PM 發表

我公司請人，一般文員至倉務員，全都死係以上項目。

另外，個個都話識excel同word，吹水吹到樣樣識，一到test，個個都係識data input。
(die hard)
lee個問題由degree到from5畢業都死。都唔知d人讀乜書。
...

大佬呀....你估個個都係用秘書架咩
一陣用word你考人mail marge
excel你計人用來計微積分......
唔關讀幾多書事喎...
i.t. professional都未必識啦

識用vba先係ms office既最高境界....我覺得

作者: keroro 時間: 2006-9-6 14:23 標題: 回復 #15 kenny01 的帖子

大哥ar..

來in文員的人都是已做左2．3年相關工作，連小計，排序，sorting，set打印大小，全都唔識。﹝全都唔洗自己寫FORMULA，係EXCEL的TOOL BAR都有曬啦﹞
人工都有 8-10K ....我地亦唔係請初級OR見習文員 5K-6K月薪果D

係test之前已問識唔識，同時亦講明要test，但係D人怕死係要吹，我都無計。
就算唔識，我覺得都唔好吹，話之前少用，並會去學，好過係test時被人踢爆。
咁你會請個只係會吹水的人，定係一個較老實的人呢？

我都同意MS OFFICE內寫PROGARM(VB)同LINK DATABASE係好高境介。我亦不會用LEE D來比較一般做小計等的基本功能，跟本無得比。

作者: kenny01 時間: 2006-9-6 16:47

唔通同你講唔識word同excel咩

我諗你誤會左啦,從兩個version前既office,已經非常重視vba了
佢地既睇法係office係一個tools,而vba就可以令呢個tools變得百搭
你所講既icon function,亦可以做得到

我try過令一間公司,太部份既excel工作變成e-flow
可能就太多咁既人,d員工真係入左數click幾下就連數都自動入埋銀行架啦

作者: keroro 時間: 2006-9-6 19:27 標題: 回復 #17 kenny01 的帖子

可能要改變問的方法~
唔係問佢地識唔識....係問佢地有無用過....會比較好D

你所講的e-flow，我亦有接觸過。銀行入數的...就希望簡單方便，吸引多D客用佢地銀行。大機構的e-flow就係要佢地d vender 跟佢地的system。
只不過，唔係間間公司都有一個獨立IT DEPT去準備 OR D 老闆願俾錢叫人做的。

今日仲好笑，有個人來IN，問佢對一般電腦應用如何？
佢答"識"！
再問EXCEL同WORD又點？
佢答"識！我讀書時專攻電腦的"....註︰仲要講得好"串"果隻
然後，去TEST一下，只係叫佢按照個HARD COPY的表單，整理個EXCEL FILE內的DATA跟表單一樣。﹝即時資料整理，完全無需任何計算﹞
佢唔明要做乜，我地再說明。當佢完全明白要做D乜，佢就TRY左5分鐘。然後佢答︰
"唔識做，乜D野仲深過讀書學過的野！"
而且就連排序都唔知係乜。

真係要唸下，乜野叫做"識"。

唔係我想咁唸，而係好多實際例子係我地面前出現。
見完後，我地都好無奈，只好當笑話咁講下。

作者: SiuSun01 時間: 2006-9-7 03:47

just a thought, 可唔可以問既時候問detail 少少, prepare下到底"識用excel/word" means 去到咩程度你先滿意.

我都請過or幫其他部門請過好多admin/clerk等既員工, 我會用少少時間問下佢地到底要點識法, at least 有o的咩function要識用. (e.g. countif, counta, vlookup, etc)再去test and 問o的applicants...

我地做請人既有時都需要諗下點樣有效地interview.... 你問我識唔識電腦呢o的既問題我一定答識o格... 我日日都打幾個鐘online game, 我重識用雙手劍同dagger 添.... 我諗問多少少唔會waste too much time, 乜都唔識既, or 你必要佢識某o的function而佢又唔識既, 連test 都唔使佢做囉, 慳好多時間, 見多幾個applicants 咪重好.

作者: keroro 時間: 2006-9-7 12:43

引用:

原帖由 SiuSun01 於 2006-9-7 03:47 AM 發表
just a thought, 可唔可以問既時候問detail 少少, prepare下到底"識用excel/word" means 去到咩程度你先滿意.

我都請過or幫其他部門請過好多admin/clerk等既員工, 我會用少少時間問下佢地到底要點識 ...

我都明白，每個人的定義都唔同。而且無人一生出來就乜都識的。

係每一次問完佢地係電腦方面的應用如何？所有人都會答"識"？
所以我地都會再問佢地係EXCEL同WORD有用過d乜 or 平時用開d乜。
D人都係答D DATA INPUT的工作多。
我地亦會再問下，除左DATA INPUT外，有無用過EXCEL內的其他功能。佢地都係答有。
我地就會要求舉列。咁D人就唸，但無乜人講得出。就算吹到，一TEST又係死左係到。

其實，我地都想係知道，來IN的人可以使用LEE D 一般APPLICATION 的SOFTWARE到什麼程序。就算少用，唔識，OR非常了得，都可以讓請你的公司OR部門有所準備，要點樣教新人做野咁。

作者: Tamago 時間: 2006-9-7 16:12

引用:

原帖由 chanpowing 於 2006-8-28 02:36 PM 發表
試前準備：
1. 當你收到我們的電話，記緊問清楚面試的「時、地、人」：
「時」 – 面試時間。最好在預約的時間前約十五分鐘到達面試地點，抹抹汗，梳梳頭，醒醒目目見「未來老闆」。
「地」 – 面試地點。及早 ...

very useful

a guide for seeking jobs^^

作者: fwu19 時間: 2006-9-8 16:53

提示: 作者被禁止或刪除內容自動屏蔽

歡迎光臨香港 Xocat Forum 討論區 (http://p.xocat.com/p/)