Board logo

標題: 童年的快樂 - - 旅行編 [打印本頁]
作者: PLAYERalex    時間: 2010-7-3 01:56     標題: 童年的快樂 - - 旅行編

童年的快樂是向媽媽拿5毫子,參加學校旅行--去維園,經過金鐘的大灣時,覺得去了很遠的地方......

童年的快樂是向媽媽拿1.5元,參加學校旅行--去新界,經過美孚時,覺得去了很遠,很遠的地方......

童年的快樂是向媽媽拿7.5元,參加學校旅行--去深圳,經過粉嶺時,覺得去了很遠,很遠,很遠的地方......
作者: meijik622    時間: 2010-7-3 02:45

童年看着一座山
心想山后是什麽
結果過了這座山
山後原是另一山

童年自己旅行,就由此開始了.
當時约九歲,結果迷路了在警局等老爸接返
旅行就由止結束老爸話想去就要去遠d唔好
放浪不羈,最后老爸笑一笑,返屋企吃晚飯!
作者: 理魯竇    時間: 2010-7-3 12:06

同學仔話要去長洲旅行，
點知亞媽淨係俾一蚊我，加多幾個麵包，
唔夠錢坐長州船只可以搭迴航，
搭足幾個鐘頭，
重好，可以途經坪州、梅窩、芝麻灣。
作者: mygo    時間: 2010-7-3 15:21

童年冇得去旅行，阿媽話太細個，回條簽不同意，冇得去，旅行當日走去買完面包做早餐經過學校，見人地集合排隊出發，好傷心，有次哭了起來。
及後有得去，大約係四年級左右吧。緊張到不得了，成晚訓唔著，老媽子早一日就買定好多野，烚定幾隻旦，買定一罐回鍋肉/五香肉丁或者沙甸魚，一磅枕頭包，兩個生果，臨行前仲裝滿一壺凍滾水，仲俾一蚊做「責袋」，老媽子又千叮萬囑，唔好唔見左，一陣蕩失路都要識搭車番黎！
作者: mygo    時間: 2010-7-3 15:25

地點多係沙田萬佛寺或道風山，再唔係就係沙田竹林寺或望夫山，一係紅梅谷。遠既係青山禪院，或荃灣東普陀。
作者: suewong    時間: 2010-7-3 18:01

引用:
原帖由 PLAYERalex 於 2010-7-3 01:56 發表
童年的快樂是向媽媽拿7.5元,參加學校旅行--去深圳,經過粉嶺時,覺得去了很遠,很遠,很遠的地方.........
咁平?

好像遊行, 有津貼 ?
作者: suewong    時間: 2010-7-3 18:07

引用:
原帖由 mygo 於 2010-7-3 15:21 發表
童年冇得去旅行，阿媽話太細個，回條簽不同意，冇得去，旅行當日走去買完面包做早餐經過學校，見人地集合排隊出發，好傷心，有次哭了起來。
及後有得去，大約係四年級左右吧。緊張到不得了，成晚訓唔著，老媽子早一 ...
父母管得好嚴, 但小 1 就比我跟學校旅行. 話可以增加見識. 佢地要搵食, 難得有人帶我去.

當時目的地 - 青松觀 / 粉嶺火車站.
作者: suewong    時間: 2010-7-3 18:12

引用:
原帖由 mygo 於 2010-7-3 15:21 發表
緊張到不得了，成晚訓唔著，老媽子早一日就買定好多野，烚定幾隻旦，買定一罐回鍋肉/五香肉丁或者沙甸魚，一磅枕頭包，兩個生果，臨行前仲裝滿一壺凍滾水，仲俾一蚊做「責袋」，老媽子又千叮萬囑，唔好唔見左，一陣蕩失路都要識搭車番黎！ ...
早上亞媽會煎定午餐肉 / 蛋. 其實去到唔好食, 不過當時都唔覺.

現在的小朋友, 物質享受比我小時豐富. 但是好像我小時開心 d.
作者: mygo    時間: 2010-7-3 19:41

引用:
原帖由 suewong 於 2010-7-3 18:12 發表 早上亞媽會煎定午餐肉 / 蛋. 其實去到唔好食, 不過當時都唔覺. 現在的小朋友, 物質享受比我小時豐富. 但是好像我小時開心 d.
咁樣其實好難食，索晒的汁落面包度。我地興去到先開罐頭夾面包。


回鍋肉係首選。七毫子罐，午餐肉都有，只不過係細罐既，間唔中會用鹵水墨魚，4毫半子一罐。SUE姐有冇食過？
作者: suewong    時間: 2010-7-3 21:01

引用:
原帖由 mygo 於 2010-7-3 19:41 發表 咁樣其實好難食，索晒的汁落面包度。我地興去到先開罐頭夾面包。 回鍋肉係首選。七毫子罐，午餐肉都有，只不過係細罐既，間唔中會用鹵水墨魚，4毫半子一罐。SUE姐有冇食過？
亞媽點會比我用罐頭刀.

好像食過. 不過細個最鍾意食煎午餐肉, 即煎即食.


點解你會記得幾錢 (咁好記性) ?

而家細罐午餐肉, (大陸出產), 好像要 10 多塊.  d 基層市民, 真是慘.
作者: mygo    時間: 2010-7-3 21:33

引用:
原帖由 suewong 於 2010-7-3 21:01 發表 亞媽點會比我用罐頭刀. 好像食過. 不過細個最鍾意食煎午餐肉, 即煎即食. 點解你會記得幾錢 (咁好記性) ?而家細罐午餐肉, (大陸出產), 好像要 10 多塊.  d 基層市民,  ...
俾，罐頭刀係擰個種，比較安全。我記呢D真係好好記性架，7毫子罐回鍋肉都唔算平，因為以前係以一毫子做單位，一毫子都買到好多野。不過，而家回鍋肉過十元一罐，真係慘。以前仲有一種罐頭鹵豬什，好好食，都係賣8毫子。老媽子有錢時買罐陳皮鴨做送，每罐 1.2元。
作者: PLAYERalex    時間: 2010-7-4 01:05

引用:
原帖由 suewong 於 2010-7-3 18:01 發表
咁平?
好像遊行, 有津貼 ?
價錢的確是老作,無mygo這樣好記性。
但去深圳倒是真的, 另外看文藝表演(?)。
作者: PLAYERalex    時間: 2010-7-4 01:12

引用:
原帖由 mygo 於 2010-7-3 19:41 發表

咁樣其實好難食，索晒的汁落面包度。我地興去到先開罐頭夾面包。


回鍋肉係首選。七毫子罐，午餐肉都有，只不過係細罐既，間唔中會用鹵水墨魚，4毫半子一罐。SUE姐有冇食過？
罐頭墨魚 - - 我也吃過,印象中好好吃。[現在超市好像仍有]
早年開始感受到「炒魷魚」的事實,就很拒抗魷魚、墨魚。
現時年紀大了,更不想吃了。
作者: mygo    時間: 2010-7-4 01:27

引用:
原帖由 PLAYERalex 於 2010-7-4 01:05 發表 價錢的確是老作,無mygo這樣好記性。但去深圳倒是真的, 另外看文藝表演(?)。
深圳，好細個都唔識性時，老媽子話帶我番鄉下時經過，印象中到七十年代初先真正番去，最記得去深圳前一次先去澳門，坐大船泰山號，晚上十二點鐘開航去到四點鐘，冇地方訓，到天光先上船，個時好多人都係咁。那是第一次去澳門，一早起床剛天光就走去海邊新街地痞茶樓飲茶，點心居然2毫子一碟，那時，香港已冇呢支歌唱久矣。
作者: mygo    時間: 2010-7-4 01:28

引用:
原帖由 PLAYERalex 於 2010-7-4 01:12 發表 罐頭墨魚 - - 我也吃過,印象中好好吃。[現在超市好像仍有]早年開始感受到「炒魷魚」的事實,就很拒抗魷魚、墨魚。現時年紀大了,更不想吃了。
而家的確唔敢食太多了。
作者: algg    時間: 2010-7-6 09:36

印象最深係學校去獅子山公園, 帶咗水壺, 薯仔, 麵包... 細路時代真好玩.
作者: Storage    時間: 2010-7-6 09:53

好怀念童年的那种快乐呢
作者: 36D    時間: 2010-7-6 16:39

好記得小學第一次去旅行，係去九龍塘三角花園。
作者: suewong    時間: 2010-7-6 17:13

引用:
原帖由 36D 於 2010-7-6 16:39 發表
好記得小學第一次去旅行，係去九龍塘三角花園。
我好少少, 去粉嶺火車站....
作者: poitmd0000    時間: 2010-7-6 17:41     標題: 莫无言

都几乎忘记了，如果不是看到这个帖子



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0