Board logo

標題: [灌水] 撫今追昔 [打印本頁]
作者: suewong    時間: 2010-7-24 16:42     標題: 撫今追昔

從網上看到石門村公屋居民反對起骨灰龕，她對居住環境的看法：


主要有一個好近既馬鐵, 即使我要出九龍返工都好方便~知道有個超人市場, 但去到現場先知道好細~有次無晒尿片, 去到超人市場到都無arm SIZE既買, 局住要行去第一城買, 馬死都要落地行~ 不滿既係有地唔起 D 民生需要既先呢?!
冇食肆都唔緊要, 反正都無咩$出街食啦! 都係係屋企煮, 不過, 要買送就要行去第一城買貴送, 想平 D 既就坐馬鐵去博康 OR 大圍買~

石門村只得 2 棟公屋，居民投訴設備不足：無幼稚園 / 食肆 / 銀行。要行 1 段路/搭 車。

我相信很多私人屋苑也有這些問題。希望網友不要覺得我涼薄，半山 羅便臣道 / 干德道，住宅林立，地價高昂，都有同樣情況。

先父生意失敗後，由洋樓搬到木屋，跟著所住木屋區，在年初二火災，家園被毀。後來可以搬入公屋, 父母都覺得幸運，有瓦遮頭。

個人覺得為何不夠 半世紀，香港人的 mind set 為何 會 180 轉變 ？獲得福利的人，要求比自掏腰包的人，還高 ？考起 !!!!



[ 本帖最後由 suewong 於 2010-7-24 22:41 編輯 ]
作者: ces    時間: 2010-7-24 17:25

公屋住户己經成為本港最大的惡勢力群組, 相對籠屋户, 公屋住户係身在福中不知福

公屋户自97年來未加過租, , 最近提議加租4.7%.
政客卻 要政府免租一個月,
作為消減公屋户加租壓力, ..

即係公屋可以加租,不過要曲折俾番D錢佢地, .
更有堤議, 公屋租金加減應考慮通漲,
但吾係好似巴士水費电費咁, 通漲時可以加價,
而係通漲時公屋户支出多咗, 所以應該減租幫幫呢班人, .

於是通縮故然唔加得租, 通漲又驚佢地莘苦唔可以加重佢地負担,
咁即係点.........

[ 本帖最後由 ces 於 2010-7-24 17:27 編輯 ]
作者: 老何    時間: 2010-7-24 17:55

1. 人心不足蛇吞象。.
2. 政府及建制派亦需要住户選票。
3. 所以老何認為與其補貼公屋, 一於送晒卑住户, 自行管理兼自由買賣。
4. 以下由Albert叔發言.....................................
作者: mygo    時間: 2010-7-24 17:56

引用:
原帖由 suewong 於 2010-7-24 16:42 發表 從網上看到石門村公屋居民反對起骨灰龕，她對周圍環境的看法：主要有一個好近既馬鐵, 即使我要出九龍返工都好方便~知道有個超人市場, 但去到現場先知道好細~有次無晒尿片, 去到超人市場到都無arm SIZE既買, 局 ...
大部分人同以往唔同，香港，而家十個人，可能有三個來自國內，另外兩三個，係80後產物。
主要原因，我覺得可分幾個層面。
以前，中國大陸未開放。冇得食，冇得著，尤記老媽子寄郵包番大陸，裡面是舊衣服，還要用毛巾包住，外縫白布寫地址，好等國內親朋除了衣服外，還有毛巾可用，時移勢易，環境大不同，香港反要救濟。香港優勢已失。
每日50人，一個月就1500人，一年18000人，回歸至今13年，少說超過20萬人，還未計將來及之前，再生下來的。
30，40後父輩，個個胼手胝足，任任怨，個個一窮二白。
50，60後享受成果，70至80年代回歸前大量移民，經濟起飛，只要勤力，升遷不難，多少60管理階層由此而起，手執公司權力者不在少數。
80後情势驟變，一場金融風暴，打得香港落花流水，政府富貴，代之而起的是財閥坐大，政府帶頭減省人工，外判、商業運作，樣樣撒手不管，令到貧者越貧，富者越富。大部分資源集中在一部分人手裡，政府外判工作導致大量工作機會流失，機構以美式商業模式運作，為求機構自身盈利，事事向股東交代，其實就是向自己鉅額花紅有所交代。向下剝削以自肥。此以電訊業為一例，以前入到香x電話公司，即係一份長工好工，而家，只係一些外判公司做大部分既野，不論薪酬，福利，而不可同日而語。政府，大量職位外判，價低者得係同樣情形。領匯、港鐵又商業化一例。
另一方面，已無民問題，居高位者不去，年青一代勢上位，大學生幾千元人工已是閒事，挨十年八年未能上位者大有人在。
營商者大部分經營成果被土地持有者掠去，政府政策是做少錯少，計時炸彈一日緊過一日，不論營商、打工者大部分成果被土地持有者掠去，造成窮者越窮，富者越富。

政府與其年年錢，倒不如諗下何將資源平均再分配一下：
1. 成立臨時員工管理局，政府及公營工作，交由該局負責，免去外判商壓價，薪金只要比高少少，每人每月番一些，令佢地工作得黎有尊嚴，如清潔工，市價四千，政府可俾五千五，六千，總好過俾綜援出來，而另一方面又以合約形式聘用，可免卻公務員體魏制日益龐大。
2. 土地持有者應以累進稅率或土地增值稅等手段平行各方利益，賺得錢越多，稅率越高，土地持有越多交費越多。
當然仲有多細節，呢D就係做官諗唔係我地小市民諗了。
作者: 林八八    時間: 2010-7-24 18:58

引用:
原帖由 mygo 於 2010-7-24 17:56 發表

大部分人同以往唔同，香港，而家十個人，可能有三個來自國內，另外兩三個，係80後產物。
主要原因，我覺得可分幾個層面。
以前，中國大陸未開放。冇得食，冇得著，尤記老媽子寄郵包番大陸，裡面是舊衣服，還要用 ...
分析得好好
作者: suewong    時間: 2010-7-24 22:07

引用:
原帖由 ces 於 2010-7-24 17:25 發表
公屋住户己經成為本港最大的惡勢力群組, 相對籠屋户, 公屋住户係身在福中不知福

公屋户自97年來未加過租, , 最近提議加租4.7%.
政客卻 要政府免租一個月,
作為消減公屋户加租壓 ...
1 些 facts:

其實已有學者發聲，此例 1 開，可加可減, 名存實亡。
作者: suewong    時間: 2010-7-24 22:11

引用:
原帖由 老何 於 2010-7-24 17:55 發表
1. 人心不足蛇吞象。.
2. 政府及建制派亦需要住户選票。
3. 所以老何認為與其補貼公屋, 一於送晒卑住户, 自行管理兼自由買賣。
4. 以下由Albert叔發言.....................................
1 + 3 = 政府管理 / 維修 兼自由買賣 (所得歸住户)；售賣後，可再申請公屋，上樓年期不可比現在長...(任填)
作者: suewong    時間: 2010-7-24 22:24

引用:
原帖由 mygo 於 2010-7-24 17:56 發表

大部分人同以往唔同，香港，而家十個人，可能有三個來自國內，另外兩三個，係80後產物。
主要原因，我覺得可分幾個層面。
以前，中國大陸未開放。冇得食，冇得著，尤記老媽子寄郵包番大陸，裡面是舊衣服，還要用 ...
估唔到 mygo 不但好記憶力，分析力都咁強。

"50，60後享受成果，70至80年代回歸前大量移民，經濟起飛，只要勤力，升遷不難，多少60管理階層由此而起，手執公司權力者不在少數。" - 對此點，我有不同看法。

我不是60管理階層，但會有疑問，40 / 50 / 60 退休後，多數的80 後可以接棒嗎 ？他們多數人的 working pattern -  返工開 facebook, MSN, 娛樂新聞。有 OT 都唔肯加班。2 文 3 語 ？!

哀其不幸 (機會比前人少)，怒其不肖。
作者: mygo    時間: 2010-7-25 00:57

引用:
原帖由 suewong 於 2010-7-24 22:24 發表 估唔到 mygo 不但好記憶力，分析力都咁強。
"50，60後享受成果，70至80年代回歸前大量移民，經濟起飛，只要勤力，升遷不難，多少60管理階層由此而起，手執公司權力者不在少數。" - 對此點，我有不 ...
或者咁講。是雞及旦的問題。
沒有明天，如何肯挨？
其實，70後當年也是這樣的，所以仍有大量高不成低不就的人。80年代請人，多數都係做唔長的，個個做兩個月走人，皆因環境大好，呢邊多五百，走去做，唔愁冇得撈。當然，這些只是眼前利益，年青時走黎走去，冇間做得長，到四五十時，才知自己黃金時代已過。
但60後，於80年間，的而且確有大量機會，眼見好多人只要唔係走馬燈咁走，每事唔怕蝕底者，撈個中等管理位真係唔係咁難。那時只有心諗升人而搵唔到人黎升。
小弟曾於90年代幾次搜索枯腸，在二百幾人中，竟找不到可升可用之人。現今回首，實在已是兩個世界。
現在機會，的而且確係越黎越少。以往大學生，出黎邊個唔兩三萬，就算一個普通中學Call台女仔，都七八千，做得一兩年，撈個supervisor，過萬等閒事，一個電腦作員，八九千起碼，每年加薪不少於 10%。現今大學生有八九千都算唔差了，何況仲有大量時薪不足$25的人？月薪少於四千的人呢？呢個情況響90年代簡直不可想像。
60年代，香港經濟差，靚女年青者賣推車點心，做工廠，到70-80年代，年青人唔知去晒邊，要做呢D野，變左上晒年紀既阿嬸，00年代，後生仔又出番晒黎了，萬x、屈臣x、電訊，可想而知現今搵食之難。

回歸後小弟十年冇加過人工，公司扣除雙糧，公積金以強金代替，每月上限1000，少說唔見太多錢了。每事都有因有果，真係睇唔到香港會點好。唉。

再係咁落去，香港只有更多人要政府照顧，實在不敢想像。

[ 本帖最後由 mygo 於 2010-7-25 11:06 編輯 ]
作者: 9G66    時間: 2010-7-25 01:16     標題: 回復 2# 的帖子

公屋住户己經成為本港最大的惡勢力群組

聽任職房署朋友講，某屋邨因外牆紙皮石有鬆脫跡象，需要盡快維修。工程開始前，也循例咨詢EMAC(Estate Management Advisory Committee)，而EMAC主席為一位年約六十多歲租户。
會議上，朋友講解完有關工程事宜及其需要性後，那位主席回應：「唔係你話做就做，要得我同意.......」
朋友想再解釋工程的迫切性：「X伯，因為.......」
話還未說，主席即時拍枱：「乜嘢X伯呀，叫我X主席......」

看來，現在房署職員也不易為。

[ 本帖最後由 9G66 於 2010-7-25 01:18 編輯 ]
作者: blm    時間: 2010-7-25 13:00

我打政府工，加人工比人鬧，減人工都比人鬧，話減得少。
作者: 理魯竇    時間: 2010-7-25 13:06

正是：

買得細，又巴乜閉；
「枒」頭位，仲要擔凳仔。
作者: suewong    時間: 2010-7-25 17:02

引用:
原帖由 mygo 於 2010-7-25 00:57 發表

回歸後小弟十年冇加過人工，公司扣除雙糧，公積金以強金代替，每月上限1000，少說唔見太多錢了。每事都有因有果，真係睇唔到香港會點好。唉。

再係咁落去，香港只有更多人要政府照顧，實在不敢想像。

...
me too...而且回歸前，象牙塔風氣都頗純樸, 最多是擦o下鞋。但回歸後，70 / 80 後為了上位，不擇手段。見到好多 70 前都無得升，降職。

1000% agree....
作者: mygo    時間: 2010-7-25 17:17

引用:
原帖由 suewong 於 2010-7-25 17:02 發表 me too...而且回歸前，象牙塔風氣都頗純樸, 最多是擦o下鞋。但回歸後，70 / 80 後為了上位，不擇手段。見到好多 70 前都無得升，降職。 1000% agree....
97後已成資本家世界。以前辛苦，係為左做好自己工作，而今辛苦，卻大部分係做俾人睇。
以往辛苦，開足十五六個鐘，冇怨言。公司作為自己既一部分，反正老闆知，老細知，冇野做時，蛇下，自由下，早走一下，完全是件樂事。
97後，個個部門鬥遲收工，唔到七八點唔走，你早走？成左罪人，靠山唔夠，俾人篤死都冇人知。第二D部門，唔到五點幾唔CALL開會，你敢唔敢走？一次唔見人都可以頂得住，兩次唔見人就唔好意思，三次仲唔見人？搵定人替你都得啦。
其實，冇既，以往做野，一番到公司就做，做，做，而家咁環境，咪唔做住囉，朝早打下牙較，食下早餐，上下網先，差不多中午至開工，下午先係戲肉，結果勞民傷財，只係將工作時間拉後拉長，對公司亦不見裨益，香港公司文化十幾年間已然變成如此，係拜乜野所賜呢？
作者: suewong    時間: 2010-7-25 17:22

引用:
原帖由 mygo 於 2010-7-25 00:57 發表
或者咁講。是雞及旦的問題。
沒有明天，如何肯挨？
現在機會，的而且確係越黎越少。以往大學生，出黎邊個唔兩三萬，就算一個普通中學Call台女仔，都七八千，做得一兩年，撈個supervisor，過萬等閒事，一個電腦作員，八九千起碼，每年加薪不少於 10%。現今大學生有八九千都算唔差了，何況仲有大量時薪不足$25的人？月薪少於四千的人呢？呢個情況響90年代簡直不可想像。

...
同意!!!!

1 次茶聚，同何老大提起我 1 個 50 / 60 後 親戚。父親在他 6 歲時早死，母親是清潔工人，1 家 7 口 住在公廁不足 100 呎 的儲物室。中 3 開始半工讀，後來成為中資銀行第 1 批 MBA, 80 年代已揸住成個投資盤。何老大說，現在的草根，已沒有這些機會。

但我的親戚挨時，從沒想到有 1 天會有此機會，住半山豪宅。天行健，君子自強不息。現在的人，多數只懂要求，但不肯付出。

作者: suewong    時間: 2010-7-25 17:30

引用:
原帖由 9G66 於 2010-7-25 01:16 發表
公屋住户己經成為本港最大的惡勢力群組

聽任職房署朋友講，某屋邨因外牆紙皮石有鬆脫跡象，需要盡快維修。工程開始前，也循例咨詢EMAC(Estate Management Advisory Committee)，而EMAC主席為一位年約 ...
家人任職房署，常 有 公屋居民，在公務員名冊，找到他的電話，凌晨致電，命令佢即刻解決問題 (e.g. 無咸水)。

他說，未有領匯時，好多公屋商戶，發達無人知。

[ 本帖最後由 suewong 於 2010-7-25 20:31 編輯 ]
作者: suewong    時間: 2010-7-25 17:42

引用:
原帖由 mygo 於 2010-7-25 17:17 發表

97後已成資本家世界。

97後，個個部門鬥遲收工，唔到七八點唔走，你早走？成左罪人，靠山唔夠，俾人篤死都冇人知。第二D部門，唔到五點幾唔CALL開會，你敢唔敢走？一次唔見人都可以頂得住，兩次唔見人就唔好意思，三次仲唔見人？搵定人替你都得啦。

香港公司文化十幾年間已然變成如此，係拜乜野所賜呢？ ...
mygo, 估不到你和我的看法 / 感慨，如此相似!!!



我的 e-甥 女在銀行做，正常情況，晚晚 8 點幾 9 點 放工，午餐 在 office  1 路做，1 路吃。整親手，都無時間睇跌打。

點解咁辛苦？海嘯後 cut headcount, 但 target set 大 / 高o左 (e.g. 信用卡年費 / 簽賬 都要增加)。
作者: mygo    時間: 2010-7-25 19:40

引用:
原帖由 suewong 於 2010-7-25 17:42 發表 mygo, 估不到你和我的看法 / 感慨，如此相似!!! 我的 e-甥 女在銀行做，正常情況，晚晚 8 點幾 9 點 放工，午餐 在 office  1 路做，1 路吃。整親手，都無時間睇跌打。 點解咁辛苦？ ...
所以，我開頭一路就講，呢個政府已經冇用架啦，只向資本家傾斜，事事撒手不管。
而家社會既富，完全集中在一小部分人手中，（土地有擁有者，呢個並不指只有一個單位而供到死死下個的），政府高官及機構高層。
一個人完全看不到明天：

社會道德淪亡，傳媒譁眾寵，日日講豪宅，同資本家地產商唱和。試問，香港一百人中有幾個買得起？　
政府麻木不仁，董建華本來因金融風暴而精簡公務員系統，本無可厚非，但當情況受控後，政府就應負基本的責任，可是，曾蔭權政府，只懂瘦下肥上，仍樂此不疲，例如港鐵、領匯等，讓其以自由市場形式管理，造成大量基層員工、搭客、市民、租戶受苦，得益者就是機構高層、董事及股東。
政府自夕陽政府，認為多做多錯，少做少錯，每個財政年度，派派錢，又派得心不甘情不願，年年做成分化。
最簡單者，在職貧窮永遠不想法解決，只知向某些惡勢力團伙(你鬧我都係咁話，例如綜援戶、公屋住戶等）低頭，年年出雙糧，歲歲免一兩個月租，其他呢？做成社會分化，鼓勵人們不勞而獲，只要你肯厚住面皮，抓爛塊面就得。

我對呢個曾蔭權政府全無希望，有朝一日，定遠走他方而去。
作者: suewong    時間: 2010-7-25 20:45

引用:
原帖由 mygo 於 2010-7-25 19:40 發表

所以，我開頭一路就講，呢個政府已經冇用架啦，只向資本家傾斜，事事撒手不管。
而家社會既富，完全集中在一小部分人手中，（土地有擁有者，呢個並不指只有一個單位而供到死死下個的），政府高官及機構高層。
一個人完全看不到明天：

社會道德淪亡，傳媒譁眾寵，日日講豪宅，同資本家地產商唱和。試問，香港一百人中有幾個買得起？　
政府麻木不仁，董建華本來因金融風暴而精簡公務員系統，本無可厚非，但當情況受控後，政府就應負基本的責任，可是，曾蔭權政府，只懂瘦下肥上，仍樂此不疲，例如港鐵、領匯等，讓其以自由市場形式管理，造成大量基層員工、搭客、市民、租戶受苦，得益者就是機構高層、董事及股東。
政府自夕陽政府，認為多做多錯，少做少錯，每個財政年度，派派錢，又派得心不甘情不願，年年做成分化。

最簡單者，在職貧窮永遠不想法解決，只知向某些惡勢力團伙(你鬧我都係咁話，例如綜援戶、公屋住戶等）低頭，年年出雙糧，歲歲免一兩個月租，其他呢？做成社會分化，鼓勵人們不勞而獲，只要你肯厚住面皮，抓爛塊面就得。

我對呢個曾蔭權政府全無希望，有朝一日，定遠走他方而去。
...
mygo

我同意要有安全網，作救急用。自問父母都享受個公屋的福利。但現在綜援 / 公屋 已不是安全網。社署職員告訴我，屯門的酒樓，下午茶時間，坐滿綜援戶。反而私樓居民，早出晚歸。

我估退休後，因為老本唔夠，過唔起中產生活，都要走。
作者: mygo    時間: 2010-7-25 21:17

引用:
原帖由 suewong 於 2010-7-25 20:45 發表 mygo 我同意要有安全網，作救急用。自問父母都享受個公屋的福利。但現在綜援 / 公屋 已不是安全網。社署職員告訴我，屯門的酒樓，下午茶時間，坐滿綜援戶。反而私樓居民，早出晚歸。 我估 ...
係呀，咁情形，邊個做野吖？

一路唔捨得走，就係唔捨得老豆老母，如果唔係一早走左十幾年了。
作者: suewong    時間: 2010-7-25 22:58

引用:
原帖由 mygo 於 2010-7-25 21:17 發表

係呀，咁情形，邊個做野吖？

一路唔捨得走，就係唔捨得老豆老母，如果唔係一早走左十幾年了。
講完你仲 "lau", 點解 下午茶 - 平 d + arm arm 起床。

反而嘉湖山莊，d 居民，晨咁早起身搭車返工，驚遲到。(屯門的舊同事所言)
作者: 9G66    時間: 2010-7-25 23:58     標題: 回復 16# 的帖子

哦，咁你家人都應該幾高級吓。
作者: 9G66    時間: 2010-7-26 00:10

下午茶時間嘅酒樓入面；廣東話並唔係主流語言，唔怪之得需要加以悍衛
作者: ces    時間: 2010-7-26 01:20

十步之內都有芳草不過巳經俾現實打謝

http://hk.apple.nextmedia.com/te ... ss_id=20100725&;sec_id=4104&art_id=14275194

[ 本帖最後由 ces 於 2010-7-26 01:25 編輯 ]
作者: suewong    時間: 2010-7-26 16:15

引用:
原帖由 9G66 於 2010-7-25 23:58 發表
哦，咁你家人都應該幾高級吓。
so so 啦.

亞 Sue 的看法 - 半夜冇咸水, 正常都唔會諗水務工人, 可以即刻黎. 唔係緊急到要半夜嘈醒人o者.   

救護的公開秘密 - 過關逼, d 人就會 call 救護車. 到左上水落車. 好過   call  的士. 有 d 人, 平時都當 救護車 係的士.
作者: 9G66    時間: 2010-7-27 01:01

引用:
原帖由 suewong 於 2010-7-26 16:15 發表


so so 啦.

亞 Sue 的看法 - 半夜冇咸水, 正常都唔會諗水務工人, 可以即刻黎. 唔係緊急到要半夜嘈醒人o者.   

救護的公開秘密 - 過關逼, d 人就會 call 救護車. 到左上水落車. 好過   call  的士. 有 d  ...
正常嘅都應該唔會咁做，會咁做嘅就一定打畀最大嗰個。
作者: dw194711    時間: 2010-7-27 14:56

引用:
原帖由 mygo 於 2010-7-25 21:17 發表

係呀，咁情形，邊個做野吖？

一路唔捨得走，就係唔捨得老豆老母，如果唔係一早走左十幾年了。
mygo,你咁孝義，真難得！失敬。
我當年都係如你一樣，唔捨得老母；但睇見情況越黎越不妙，與其一齊在香港攬住，不如忍淚別母，一家五口遠走他方。
打算住落再申請她，但她來過兩、三次，始終不習慣此間生活，而今年事更高，亦不會再來。
尤幸在港尚有親人同住照顧，但每年仍返港一、兩次看望她。
作者: suewong    時間: 2010-7-27 22:28

引用:
原帖由 9G66 於 2010-7-27 01:01 發表


正常嘅都應該唔會咁做，會咁做嘅就一定打畀最大嗰個。
好似好衰，有  d 所謂豪宅，3 個月 已經試過無鹹水 5 次，每次起碼 1 日 (夏天 )。d 住客都無咁把閉。
作者: hkgalbert    時間: 2010-7-28 00:35

引用:
原帖由 老何 於 2010-7-24 09:55 AM 發表
1. 人心不足蛇吞象。.
2. 政府及建制派亦需要住炉選票。
3. 所以老何認為與其補貼公屋, 一於送晒卑住炉, 自行管理兼自由買賣。
4. 以下由Albert叔發言.....................................
倒不如購買大家批 AK47，把那此社會到癈柴全部結果，免浪費米飯。
作者: 9G66    時間: 2010-7-28 00:44

引用:
原帖由 suewong 於 2010-7-27 22:28 發表


好似好衰，有  d 所謂豪宅，3 個月 已經試過無鹹水 5 次，每次起碼 1 日 (夏天 )。d 住客都無咁把閉。
好大可能係因為錢 - 緊急維修需付額外費用，公屋居民唔洗夾錢維修；聲大就得。
作者: ces    時間: 2010-7-28 17:00

假若香港過去10年由本版是但一個做特首, 香港會更公平, 更祥和, 如果由albert哥做就更妙, 人ロ都怕少咗一半
作者: suewong    時間: 2010-7-28 22:11

引用:
原帖由 9G66 於 2010-7-28 00:44 發表


好大可能係因為錢 - 緊急維修需付額外費用，公屋居民唔洗夾錢維修；聲大就得。
雖然是新開發區域，但管理公司話水務署 d 鹹水喉係九龍城駁黎。九龍城 d 喉舊，成日爆，連累埋我地。

咁都無法o家。
作者: suewong    時間: 2010-7-28 22:28     標題: 好似有 d 曙光

職訓局院校學生瞓街4夜入讀首願 排頭位生洗澡慶功
http://hk.news.yahoo.com/article/100727/4/jdsf.html

睇到哩段新聞，Ah Sue 好感動 (我唔係有虐待狂)，雖然我都覺得安排有問題。

終於有 d 年輕人，懂得珍惜 / 爭取 自己的將來。今次的學位得來不易，希望他們不要浪費，用心讀書。

教咁耐大專，聽到學生說：

個心真是好傷o家。
作者: dynmv    時間: 2010-8-1 01:09

引用:
原帖由 ces 於 2010-7-28 17:00 發表
假若香港過去10年由本版是但一個做特首, 香港會更公平, 更祥和, 如果由albert哥做就更妙, 人ロ都怕少咗一半
引用:
原帖由 mygo 於 2010-7-24 17:56 發表

大部分人同以往唔同，香港，而家十個人，可能有三個來自國內，另外兩三個，係80後產物 ...
一代不如一代
宜家d後生只會話我哋班老不死阻住個地球轉,
等我地放長雙眼睇佢地點保住個我地打落嚟嘅江山.
作者: bobbystar2100    時間: 2010-8-1 13:55

睇到咁多前輩們既「呻」，我身為z世代，真係忍唔住要講幾句：

所謂「M型社會」我聽得多，其實香港宜家同個「M」字真係好似，有錢既惡哂，無錢既都惡哂…

無他，
有什麼民族，就有什麼國家；
有什麼管治集團，就有什麼樣的地方政府…

所以某黨不要再說我們「反中亂港」，反而應該好好反思，為什麼回歸以來，即使用大量金錢賄賂和粉飾太平後，所謂的「國家向心力」仍然這樣低？
作者: suewong    時間: 2010-8-1 16:52

引用:
原帖由 dynmv 於 2010-8-1 01:09 發表




一代不如一代
宜家d後生只會話我哋班老不死阻住個地球轉,
等我地放長雙眼睇佢地點保住個我地打落嚟嘅江山.
版主你好後生者

最新 e-學定義，65 歲，都是中年人，所以你有排先係老o野。

從事教育多年，對現今 1 代有深刻的認識 + 中國人的經驗之談 - 富不過 3 代，在香港是 1 個 100% 會成真的預言。

問題是感情上，下 1 代有我們的子侄，理性上，我將來的 福利 / e-療 (我 d e-生 hallmates 話，我地哩輩，起碼 90 歲)，靠他們幫補。而且 香港給予我良多，真不希望 目睹她的衰落。

[ 本帖最後由 suewong 於 2010-8-1 21:18 編輯 ]
作者: suewong    時間: 2010-8-1 16:59

引用:
原帖由 bobbystar2100 於 2010-8-1 13:55 發表
睇到咁多前輩們既「呻」，我身為z世代，真係忍唔住要講幾句：

所謂「M型社會」我聽得多，其實香港宜家同個「M」字真係好似，有錢既惡哂，無錢既都惡哂…

無他，
有什麼民族，就有什麼國家；
有什麼管治集團， ...
我的心底話。

何老大去得地方多，見識廣博。陶傑話中國人 / 亞非洲人 (日本例外) 是低等民族，老大的經驗 / 看法 又如何 ？(其實英美都有白人濫用社會福利呀)
作者: 理魯竇    時間: 2010-8-1 18:55

看來陶才子有一終身的遺憾，
他天生白鴿眼，
最看不起中國人，
但偏偏自己個樣點睇都係黃種人，
奈何。
作者: mygo    時間: 2010-8-1 20:02

引用:
原帖由 suewong 於 2010-8-1 16:59 發表 我的心底話。 何老大去得地方多，見識廣博。陶傑話中國人 / 亞非洲人 (日本例外) 是低等民族，老大的經驗 / 看法 又如何 ？(其實英美都有白人濫用社會福利呀)
哈哈，陶才子祟日到走火入魔耳。
日本人係偽子。中國人係真小人。

日本人比較懂掩飾，中國人只是赤裸裸。

早年放洋日本，每晚放工例必經過火車站，女同事者 ，十次約有三四次被咸豬手。
日本人晚上在街上小便情況並不比中國少。
日本人，看上去謙謙君子，內裡並不一樣。
晚上和日本人飲酒(雖然我唔識飲)你就會聽到佢地十分多牢騷，絕對唔會比香港現今的年青人少。

中國今日好多人都話D貨渣，唔襟用。但我覺得呢個係社會經濟發展的必然階段，只有在國民生活水平達到某一水平，貨品質素才能顯現。
君不見幾十年前，我地香港有一諺語：日本郵船(遲早完)，那時日本野就係化學、唔襟用的思，同來佬貨不可同日而語，日本發展比中國早幾十年，今日中國，就如四十年前的日本而已。
作者: 理魯竇    時間: 2010-8-1 20:52

引用:
原帖由 suewong 於 2010-8-1 16:59 發表


我的心底話。

何老大去得地方多，見識廣博。陶傑話中國人 / 亞非洲人 (日本例外) 是低等民族，老大的經驗 / 看法 又如何 ？(其實英美都有白人濫用社會福利呀)
中國超日本成第二大經濟體 (18:31)
明報即時新聞1/8/2010

中國社會科學院金融研究中心副主任王松奇說，目前中國的國內生產總值已超過日本，成為第二大經濟體。
中國人民銀行副行長、國家外匯管理局局長易綱日前公開表示，中國已經超越日本成為世界第二大經濟體。雖然這是中國官員首次指出中國經濟成為世界第二，但易綱並未解釋或提供數據支持這一結論。
王松奇表示，今年中國經濟數據一直保持11%以上的增幅，強勁的經濟成長足以支撐中國成為世界第二大經濟體。


或者有人會說，中國那麼多人口，平均還是很低。
但如果當我們發覺在1995年，中國的國內生產總值只是日本的 6.9%，你不能不佩服中國人的努力。


至於陶才子知道了肯定不高興，
一個低等民族怎可以這樣。

[ 本帖最後由 理魯竇 於 2010-8-1 20:54 編輯 ]
作者: suewong    時間: 2010-8-1 21:03

引用:
原帖由 mygo 於 2010-8-1 20:02 發表


哈哈，陶才子祟日到走火入魔耳。
日本人係偽子。中國人係真小人。

日本人比較懂掩飾，中國人只是赤裸裸。

早年放洋日本，每晚放工例必經過火車站，女同事者 ，十次約有三四次被咸豬手。
日本人晚上在街上 ...
早年放洋日本 - 你都好有冒險精神 !

90 年代初，到日本開學術研討會，連 d 教授都唔多識英文。搭的士，雞同鴨講。

所以從不敢，日本自由行。
作者: suewong    時間: 2010-8-1 21:11

引用:
原帖由 mygo 於 2010-8-1 20:02 發表


中國今日好多人都話D貨渣，唔襟用。但我覺得呢個係社會經濟發展的必然階段，只有在國民生活水平達到某一水平，貨品質素才能顯現。 ...
我唔介意 D貨渣，唔襟用，所謂 1 分錢，1 分貨。最痛心既係假貨 / 劣貨 充斥，明知會死人既，都不顧 (e.g. 3 聚青胺奶粉，豆渣工程，而家又再次出現)。

第 1 次我當佢地無知，但再次就是存心惡毒 (害小朋友 1 世).

感覺真是中國人，特別多做哩壞 d 事。
作者: mygo    時間: 2010-8-2 00:48

引用:
原帖由 suewong 於 2010-8-1 21:11 發表 我唔介意 D貨渣，唔襟用，所謂 1 分錢，1 分貨。最痛心既係假貨 / 劣貨 充斥，明知會死人既，都不顧 (e.g. 3 聚青胺奶粉，豆渣工程，而家又再次出現)。 第 1 次我當佢地無知，但再次就是存心惡毒 (害小朋 ...
同意。
渣貨最多易壞，但起碼唔會害人。
日本人有一樣野的的確確比中國人好：就係公德。
老實講，中國今日發展，係嚴重透支，呢一代未必會受到苦果，但再這樣下去，我地下一代或再下一代，苦果就會慢慢浮現。
今日既供貸，唔係呢代還，係下幾代還。相反日本人對呢樣野就好好多，識得點去保存、保護。

上月因事到四川、貴州一行，在街上，竟然見到穿著交通警服的女警，踎在路邊摘芽菜，到政府部門辦事，個個穿袜卻沒有鞋。中國距大國之路還遠著哩！
作者: mygo    時間: 2010-8-2 00:51

引用:
原帖由 suewong 於 2010-8-1 21:03 發表 早年放洋日本 - 你都好有冒險精神 !  90 年代初，到日本開學術研討會，連 d 教授都唔多識英文。搭的士，雞同鴨講。  所以從不敢，日本自由行。  
呵呵，日本搭的士，寫漢字即可。其實日本唔使怕哦，恰埋眼都識行，唔會蕩失路架(指東京)。
日本人的禮儀也是中國人要學習的，雖然，他們可能都是心裡一套口裡一套。

在日本公司中，女職員見你在前面行，即使不認識，她急步前走，以為佢做乜，原來係襟住部升降機等你。

在香港公司，出左閘步行往車場坐公司穿梭巴士，突聞後面急步腳步聲由後漸近而至，終讓其超前，見一女子，以為趕時間，誰知，她一超前，就放慢腳步。你估佢做乜？就係怕我先過佢上車，佢怕冇位而已。因為車一滿就開，唉，這又何苦呢？朝見口晚見面。

住處大堂有大玻璃門一度，每次超市買完手挽物件回家，千祈唔好跟住D人後面行。試過不下十次，男女都好，大力推門，明知後面有人，就唔好咁大力推門啦，門一大力，就反彈，真係唔怕撞傷人。  

至升降機口，見你挽住野，就驚唔死，摶命襟掣關門，老實講，mygo雖年紀老邁，但還力壯也，一腳踢門開，咪又要等埋我，度門開左，又要慢慢關門，因快得慢，這又何苦呢？

[ 本帖最後由 mygo 於 2010-8-2 01:06 編輯 ]
作者: dynmv    時間: 2010-8-2 13:49

引用:
原帖由 suewong 於 2010-8-1 16:52 發表


版主你好後生者

最新 e-學定義，65 歲，都是中年人，所以你有排先係老o野。

從事教育多年，對現今 1 代有深刻的認識 + 中國人的經驗之談 - 富不過 3 代，在香港是 1 個 100% 會成真的預言 ...
引用:
原帖由 理魯竇 於 2010-8-1 18:55 發表
看來陶才子有一終身的遺憾，
他天生白鴿眼，
最看不起中國人，
但偏偏自己個樣點睇都係黃種人，
奈何。
所謂愛之愈深,責之愈切.
我地愛我哋嘅下一代,愛我哋嘅國家...

但中國人如果唔識得自我反省,
係唔會有進步...
1, 點解香港人到宜家都唔認同自己係"中國人" ?
2, 點解中國人去到外國發展會比留在中國好 ?
及有好多問題要我哋反思...
作者: bobbystar2100    時間: 2010-8-2 21:26

引用:
原帖由 dynmv 於 2010-8-2 13:49 發表




所謂愛之愈深,責之愈切.
我地愛我哋嘅下一代,愛我哋嘅國家...

但中國人如果唔識得自我反省,
係唔會有進步...
1, 點解香港人到宜家都唔認同自己係"中國人" ?
2, 點解 ...
「萬里長城永不倒，千里黃河水滔滔，
江山秀麗蝶采風嶺，問我國家那像染病？」

其實前輩你問我一千次，我都承認自己係個龍的傳人，炎黃子孫…
基本上，香港絕大多數人都會承認自己係個中國人，
只係，我地國家現時似乎對「愛國」既標準有點跟我們想既唔同…
所以相對佢地既標準，就認為我地「唔愛國」…
作者: 理魯竇    時間: 2010-8-2 21:26

引用:
原帖由 dynmv 於 2010-8-2 13:49 發表




所謂愛之愈深,責之愈切.
我地愛我哋嘅下一代,愛我哋嘅國家...

但中國人如果唔識得自我反省,
係唔會有進步...
1, 點解香港人到宜家都唔認同自己係"中國人" ?
2, 點解 ...
版主，會唔會用「部份香港人」洽當一些？
不要夾硬來。
作者: ali    時間: 2010-8-3 03:53

97前移居或旅行外地，遇到新鄰居或有人問我是那裏來，我回答是「香港」；97後遇到有人問我是那裏來，我回答是「香港中國」。
作者: mygo    時間: 2010-8-3 07:56

引用:
原帖由 ces 於 2010-7-28 17:00 發表 假若香港過去10年由本版是但一個做特首, 香港會更公平, 更祥和, 如果由albert哥做就更妙, 人ロ都怕少咗一半
香港已無公平可言。

昨日包致金侄女襲警醉駕，只判感化，司法已死。

賣油煙機者誇大轉數，罰坐十星期，賣樓者誇大層數，大者穩若泰山。小者都係停牌半年，香港已成權貴天堂。　　
作者: suewong    時間: 2010-8-3 17:38

引用:
原帖由 mygo 於 2010-8-2 00:48 發表

同意。
渣貨最多易壞，但起碼唔會害人。
日本人有一樣野的的確確比中國人好：就係公德。
老實講，中國今日發展，係嚴重透支，呢一代未必會受到苦果，但再這樣下去，我地下一代或再下一代，苦果就會慢慢浮現。
...
住的地方，華洋雜處。國內女同胞，同日本女子，真是無得比。
作者: ali    時間: 2010-8-3 19:29

引用:
原帖由 suewong 於 2010-8-3 17:38 發表


住的地方，華洋雜處。國內女同胞，同日本女子，真是無得比。
香港華洋雜處百多年，部份香港女士男士跟部份國內男女同胞亦不遑多讓。
除了國民/學校教育，家庭教育、父母的身教、言教亦很重要。
作者: ali    時間: 2010-8-3 19:34

引用:
原帖由 mygo 於 2010-8-3 07:56 發表

香港已無公平可言。

昨日包致金侄女襲警醉駕，只判感化，司法已死。

賣油煙機者誇大轉數，罰坐十星期，賣樓者誇大層數，大者穩若泰山。小者都係停牌半年，香港已成權貴天堂。　　
不是同一裁判官審理的案件，相信 阮裁判快升職。
作者: mygo    時間: 2010-8-3 19:39

引用:
原帖由 suewong 於 2010-8-3 17:38 發表 住的地方，華洋雜處。國內女同胞，同日本女子，真是無得比。
間唔中小弟都會行下黃金，個人怕搭地鐵，喜歡迫下巴士。於是坐6、6A。唯好多時上到上層，許多位子都已為女士霸佔，座旁放置大袋一個，途至旺角，乘客漸多，羞於啟齒者望座而折回者甚多，間中有不值所為者開口，女士才悻悻然地把袋子收回。

此等女子大多衣著光鮮、年紀不大於三十五。
作者: mygo    時間: 2010-8-3 19:42

引用:
原帖由 ali 於 2010-8-3 19:34 發表 不是同一裁判官審理的案件，相信 阮裁判快升職。
全世界都係有錢人天堂，香港基石的法治，曾幾何時令人引以為榮，但赤裸裸公然如此者稀耳。
作者: suewong    時間: 2010-8-3 21:13

引用:
原帖由 mygo 於 2010-8-2 00:51 發表
至升降機口，見你挽住野，就驚唔死，摶命襟掣關門，老實講，mygo雖年紀老邁，但還力壯也，一腳踢門開，咪又要等埋我，度門開左，又要慢慢關門，因快得慢，這又何苦呢？
...
試過 1 次，度門 1 開左，即刻關門 ，爭 d 夾到。

我入去見到，1 個著校服既少女，1 路襟住關門掣。如果夾到老人 / 小童，點算 ？咁後生，已經咁 !!!
作者: suewong    時間: 2010-8-3 21:25

引用:
原帖由 dynmv 於 2010-8-2 13:49 發表




所謂愛之愈深,責之愈切.
我地愛我哋嘅下一代,愛我哋嘅國家...

但中國人如果唔識得自我反省,
係唔會有進步...
1, 點解香港人到宜家都唔認同自己係"中國人" ?
2, 點解 ...
1000% 同意。

可能見識少，我見到既國內人，明目張膽貪瀆，女同胞粗鄙無禮 (老中青，係會所既所作所為，令人噴飯 / 側目)。真是好 ashame of them.

在住的地方，開始認識 1 些鄰居，有印度 / 馬來西亞 人，他們都是權貴的後代，在國際機構，擔當要職。但是都有教養。天呀!!!
作者: suewong    時間: 2010-8-3 21:28

引用:
原帖由 bobbystar2100 於 2010-8-2 21:26 發表


只係，我地國家現時似乎對「愛國」既標準有點跟我們想既唔同…
所以相對佢地既標準，就認為我地「唔愛國」…...
技安，你成日說出我的心底話。
作者: suewong    時間: 2010-8-3 21:32

引用:
原帖由 mygo 於 2010-8-3 07:56 發表

香港已無公平可言。

昨日包致金侄女襲警醉駕，只判感化，司法已死。

賣油煙機者誇大轉數，罰坐十星期，賣樓者誇大層數，大者穩若泰山。小者都係停牌半年，香港已成權貴天堂。　　
我對社民連無好感，但佢地襲警，通常判入獄。unfair!!!
作者: suewong    時間: 2010-8-3 21:35

引用:
原帖由 ali 於 2010-8-3 19:29 發表

香港華洋雜處百多年，部份香港女士男士跟部份國內男女同胞亦不遑多讓。
除了國民/學校教育，家庭教育、父母的身教、言教亦很重要。
最慘有得比較，香港 / 國內同胞，真是好丟臉。
作者: suewong    時間: 2010-8-3 21:41

引用:
原帖由 mygo 於 2010-8-3 19:39 發表


間唔中小弟都會行下黃金，個人怕搭地鐵，喜歡迫下巴士。於是坐6、6A。唯好多時上到上層，許多位子都已為女士霸佔，座旁放置大袋一個，途至旺角，乘客漸多，羞於啟齒者望座而折回者甚多，間中有不值所為者開口，女 ...
係會所，香港 / 國內女同胞，專霸野。佢地成日著住波鞋，把腳踏在淺色梳化上。

飯票話，驚 / 預我有一天 會比佢地打。

[ 本帖最後由 suewong 於 2010-8-3 21:43 編輯 ]
作者: dw194711    時間: 2010-8-4 14:19

引用:
原帖由 suewong 於 2010-8-3 21:25 發表


1000% 同意。

可能見識少，我見到既國內人，明目張膽貪瀆，女同胞粗鄙無禮 (老中青，係會所既所作所為，令人噴飯 / 側目)。真是好 ashame of them.

在住的地方，開始認識 1 些鄰居，有印度  ...
神州翹首望，何日俟河清?



文强(重 慶 直 轄 市..公安局前副局长 ) 被判死刑后的感言，说的很真实



    我也活不了几天了。 判我死刑是我没有料到的，但到了这一步上诉是不会有什么结果了。 老子做公安一辈子，办过很多大案，杀过很多人，以前曾担心自己有一天会死在那些死刑犯家人的手中，没有想到自己最后死在自己人手中。 跟我结过梁子的那些人量他们再恨我也不能拿我怎么样。 我没有想到的是，吃我这碗的人也跟我来这一手，落井下石。 我已经想清楚了，我参与过和知道的事情太多，我要是不死很多人就

永远睡不着觉。不杀我后患无穷。 我死对他们更有利。 我是可以把他们拉下水陪我一起去死的。 但那就要把我老婆孩子一起赔上。 都说我是个恶魔，但我为人父，为人夫，还不至于对自己的家眷那么狠毒。很多人巴不得我文强马上去死。 我会的，但有几句话在我走前要讲清楚。

?

都说我贪污那么多的钱，玩了那么多的女人。 我不否认这些。 我想说的是，这怪我也不怪我，当然我的责任更大。 不管谁放在我那个位置上都会贪污那么多的钱，玩那么多的女人，甚至更多。 那些女学生我不去玩也是别人去玩。 说我文强强奸，我那算强奸吗？ 我有把人家奶头给咬掉吗？ 我有把人家扔到楼下去吗？ 我不过是按照游戏规则做了点圈内人人都做的那些事情。 谁不明白，如今一个干部要是不贪，不色，谁敢相信你，重用你？ 你工作干的再好也没有用。 全国像我这样的干部不说有几百万至少也有几十万吧。 单单把我一个文强搞臭、杀掉，又解决什么问题？

?

我还要说的是，老子从巴县的一名小片警做到直辖市的公安局副局长，不是靠贪污一路走过来的。 老实说我文强比那些整天拿钱不做事的干警要强一万倍。 我是工作在前，贪污在后。 我文强充其量只是个公安局副局长，却能在重庆为所欲为，是谁给我为所欲为的权利呢？ 我的上级都干什么去了? 又是谁明明知道我做的那些事却假装不知道？既然不让我活下去，我就豁出去把一切都说白了：我贪的远不止那些钱。 其余的都到哪里去了？ 我是拿过人家的好处费。 但我替那些人办的事情有些是我自己办的，有些还要托别人办。托别人办事情没有钱行吗？那些拿过我的钱的人和送过钱给我的人如今都在带领老百姓参观我贪污的那些证据。 我不否认那些证据的真实性，但你们要是也去那些人家里搜搜，就会觉得我那点儿赃款、字画 拿到他们家里恐怕人家会嫌寒酸的。

?

有些老百姓恨我没有替他们惩治罪犯，沉冤昭雪。 也许我走前该给他们道个歉。 有些案子我要是不去收那些人的钱替他们摆平，那些人就要把钱送到我的上司那里，最后要把我摆平。 这都能怪我吗？ 我跟那些百姓有什么仇？ 我会无缘无故地加害他们吗？ 他们是受害者，难道我文强就不是受害者吗? 我文强30年前有没有拿过一分钱的贿赂？ 当年他们说我是英雄，我其实只是在卖力地工作而已，但他们叫我当英雄我就不能不当。 现在他们又说我是罪犯，我敢不去当这个罪犯吗？

?

有个文件里说，中国国家工作人员犯罪率比普通民众的犯罪率高1 倍；做我这一行的犯罪率则是普通民众的6倍。 这个道理我们都明白。 因为民众有政丨府监督着，公务员有司法人员监督着，那有谁来监督司法人员？政丨府人员要是收买了公安人员，民众要是收买了政丨府公务员，结果会是什么？ 谁去打开这个结子？

?

上小学时，语文课本上有一篇课文，说一个小孩子在外面偷了一苗针，拿回家后那孩子的母亲不但不责备还说那孩子聪明。那孩子被他母亲宠坏了，惯坏了，长大后成了个罪犯。 等到他犯案要被砍头那一天，他恳请他母亲最后喂他一次奶。 结果他把他母亲的奶头给咬掉了，说他恨他母亲当年不管教他，导致他最后被砍头。现在我的头也快被砍了，我该去咬谁的奶头？ 此刻我不恨我母亲，因为她从来就不宠我惯我。

把我变成这个样子的是这个社会，这个制度。 我说这么多并不是要把所有责任都推给别人。 我还是负主要责任的。 要是当年我不从巴县调出来，留在那里安心当一个小片警，我的今天就不会是这样。 贪图功名利禄是我这一生最大的错误。 我死后我的孩子就不要再姓文了，改姓别的，子子孙孙以后再也不要从政，不要当官，远离功名利禄。 平淡、平安才是福。

[ 本帖最後由 dw194711 於 2010-8-4 15:30 編輯 ]
作者: watergap69    時間: 2010-8-4 14:45

社會的悲哀，不知怎樣說起。
事源03/12/2010天晚上吃完晚飯後約十時半左右乘坐公共汽車（巴士）回家，當時無論巴士上或站頭等車的乘客都是比較多人。當巴士埋站時，乘客陸續登車，登車後當然是找坐位坐啦，無位坐就企啦。香港地，任你企在巴士上從A點到B點都不超兩個小時，企唔會死架。

本人看到有一坐位時，便上前想坐下。誰知，原來那坐位上有一女裝手袋，而對坐的一位打扮入時的年青女士說那坐位有人的，那人呢？原來在本人後面 一位相貌端正看似有學識的年青人到來時，那打扮入時的年青女士便離開原先坐著的位置改坐對面（放手袋霸位的那坐位），然後那男的便一屁股坐下那女士原先的坐位上，本人不其然便說了一句“乘巴士都可以霸位？是甚麼世界”，那位相貌端正看似有學識的年青人便回了本人一句【有問題嗎？有問題便出聲】，不帶半點慚愧。倆人還說你唔早一個站上車。跟女人二話不說，在下一個車站下車乘計程車回家去（因驚恐忍不住“中怹倆的心口”）。

如果他霸位的行為是讓給老人、孕婦或老人家的話，我會好欣賞，但他們這樣…………，以後香港怎麼辦！

學校教育的“禮、義、廉、耻”在這兩人身上，變得蕩然無存。
作者: suewong    時間: 2010-8-4 17:12

引用:
原帖由 watergap69 於 2010-8-4 14:45 發表
社會的悲哀，不知怎樣說起。
事源03/12/2010天晚上吃完晚飯後約十時半左右乘坐公共汽車（巴士）回家，當時無論巴士上或站頭等車的乘客都是比較多人。當巴士埋站時，乘客陸續登車，登車後當然是找坐位坐啦，無位坐就 ...
有  次搭地鐵，見到有位，我企係個位前面，叫 1 個孕婦，(帶住小朋友) 埋黎坐，結果有個年輕男人，2 話不說，坐左落去。我望下佢，佢用好惡既眼光，啤住我。

屋企人話，我唔改，遲早被人打。
作者: dynmv    時間: 2010-8-4 18:25

引用:
原帖由 理魯竇 於 2010-8-2 21:26 發表


版主，會唔會用「部份香港人」洽當一些？
不要夾硬來。
同意
咁我地唔再需要50年不變,
港人治港,英國屬土國民海外護照...啦.

唔愛xx黨,唔等於唔愛中國,
中國攞金牌,我會流淚,水災我有捐錢.
這些亦正在是我們需要反思嘅題目...
作者: 理魯竇    時間: 2010-8-4 18:46

引用:
原帖由 suewong 於 2010-8-4 17:12 發表


有  次搭地鐵，見到有位，我企係個位前面，叫 1 個孕婦，(帶住小朋友) 埋黎坐，結果有個年輕男人，2 話不說，坐左落去。我望下佢，佢用好惡既眼光，啤住我。

屋企人話，我唔改，遲早被人打。
有一次我在一超級市場排隊結賬，條龍好長，大約有10個客人便到我，突然有一年輕少女猛叫「唔該」，人家以為她有急事，於是俾她行先，
點知佢一到龍頭，便回頭大叫佢條仔從龍尾排眾而上，好多人都俾佢過，但我不知那裡來的勇氣，把手推車一橫，唔俾佢過，嘈左一輪，後來
為免經理難做，教訓了他一頓才讓他通過，個次我都預左要打交，唔知好彩定唔好彩，打唔成。

[ 本帖最後由 理魯竇 於 2010-8-4 18:50 編輯 ]
作者: bobbystar2100    時間: 2010-8-4 20:34

需知有某部份香港人，實在係「未比人打過」係唔得大既…

好似老豆叔所講超巿呢單野，我唸係因為老豆叔老江湖講求禮儀先唔講手，不過，我唸換轉係我技安的話，呢條友點會夠膽出聲？

雖然我受過教育係講道理的，但並唔代表我罵不還手，打不還口，
加上我大件，我遇上好似你所講既港敗，
我係毫不豫疑地報以怒啤同凶神惡殺，
無他，呢種人大都係有欺善怕惡既特徵，
你惡過佢，佢仲驚過你，
睇通哂呢種就係所謂「香港人」既特色，
遇上唔講道理既人渣，係絕對唔需要講禮貌，講道理，
一於靠凶，嚇走d門口狗。
作者: bobbystar2100    時間: 2010-8-4 20:47

仲有，講起「港敗」不得不提最近遇過一單響地鐵發生既事…

話說有一朝我好早坐地鐵逼過海，遇到一個看似身光頸靚既西裝友，響逼人果陣企左響個幾靚既小姐隔離，原本應該係無乜事既，但過到兩個站，發現小姐好似好唔情願咁企響佢前面，極力地想搵位走，但呢個西裝友似乎無放過佢，仲趁剎車果陣借勢「身體接觸」呢位小姐，當時我企響佢隔離，睇呢條契弟都係好後生，點解會搞成要做「痴漢」既地步？

最後，當呢位小姐好無奈果陣，我突然趁地鐵再一次剎車果陣撞佢，然後攝位當保護小姐，再用一種暖昧眼光望著佢，似手呢條港敗行為，已經被整個範圍既人知道…

香港宜家越來越多呢種人，有性需要但無處發洩，最後走向痴漢之路…
作者: 理魯竇    時間: 2010-8-4 21:18

有時 d 女人遇著 d 痴漢都好慘。

我一向住西營盤，有一段時間我在沙田區工作，通常係搭隧巴過海，到紅磡然後轉火車往沙田，
通常我很早上班，在巴士上層客人甚少，有一次全車只有連我在內只有三人，但發覺前排三座位
有一男一女，但坐得很開，似互不相識，我很奇怪，因為全車大把空位，點解個男人會揀坐係個
女人隔離，一定事有蹺踦。

到紅磡後，我發覺個男人一路跟踪那位女士，最後仲搭埋同一卡火車，我到了沙田要下車了，兩
人仍未下車，繼續北上。

其後我密切留意，發覺該男人每天都是這樣明目張膽地跟貼個位靚女。

待續....................
作者: ces    時間: 2010-8-4 21:29

都市俠客 :

理魯竇 兄,
bobbystar2100, 兄
suewong 姐

警惡懲奸
請受小弟一拜
作者: suewong    時間: 2010-8-4 21:36

引用:
原帖由 理魯竇 於 2010-8-4 18:46 發表


有一次我在一超級市場排隊結賬，條龍好長，大約有10個客人便到我，突然有一年輕少女猛叫「唔該」，人家以為她有急事，於是俾她行先，
點知佢一到龍頭，便回頭大叫佢條仔從龍尾排眾而上，好多人都俾佢過，但我不 ...
理兄咁斯文，都會咁勇 ？!

佢地打尖 ？
作者: suewong    時間: 2010-8-4 21:41

引用:
原帖由 ces 於 2010-8-4 21:29 發表
都市俠客 :

理魯竇 兄,
bobbystar2100, 兄
suewong 姐

警惡懲奸
請受小弟一拜
佢地係， 我唔係呀。

我淨係敢扶弱，唔敢鋤強。
作者: suewong    時間: 2010-8-4 21:47

引用:
原帖由 watergap69 於 2010-8-4 14:45 發表
社會的悲哀，不知怎樣說起。
事源03/12/2010天晚上吃完晚飯後約十時半左右乘坐公共汽車（巴士）回家，當時無論巴士上或站頭等車的乘客都是比較多人。當巴士埋站時，乘客陸續登車，登車後當然是找坐位坐啦，無位坐就 ...
引用:
原帖由 suewong 於 2010-8-4 17:12 發表


有  次搭地鐵，見到有位，我企係個位前面，叫 1 個孕婦，(帶住小朋友) 埋黎坐，結果有個年輕男人，2 話不說，坐左落去。我望下佢，佢用好惡既眼光，啤住我。

屋企人話，我唔改，遲早被人打。
網絡話，巴士 / 地鐵 / 火車 霸位，原來好普遍。

霸 1 個站，已經唔算過份。

孕婦/ 帶住小朋友 / 老人家 多數唔會有人讓位。

[ 本帖最後由 suewong 於 2010-8-4 22:01 編輯 ]
作者: 理魯竇    時間: 2010-8-4 21:50

有一天，在巴士上層我發覺不見了那痴男，在火車亦不見，於是我再忍不住了，上前跟
那靚女說：「小姐，你知唔知有人跟踪左你好耐？」，那位面色蒼白，飽受困擾的靚女
淡然地說：「知又點、佢都跟左我年幾了」。

原來靚女在大埔工作，那痴男可能是她的舊情人，亦可能係暗戀她，每天總找機會接近
她。靚女說早已報警，但警方說無能為力，因為無證據話佢有搔擾行為。靚女話試過用
很多方法，仍無法擺脫他的糾纏。

到了沙田我要下車，靚女亦繼續她的行程，雖然幫不了她，但當時我覺得頭頂有個光環，
因為我總算做了一件好事。
作者: 理魯竇    時間: 2010-8-4 21:56

引用:
原帖由 suewong 於 2010-8-4 21:36 發表


理兄咁斯文，都會咁勇 ？!

佢地打尖 ？
打尖都無咁乞人憎，直情係欺騙群眾，先扮有急事，兩手空空走上頭位，
然後叫老公或男朋友在龍尾推架滿載戰利品的手推車往頭位，你當我傻
架？
作者: suewong    時間: 2010-8-4 22:01

引用:
原帖由 理魯竇 於 2010-8-4 21:50 發表
有一天，在巴士上層我發覺不見了那痴男，在火車亦不見，於是我再忍不住了，上前跟
那靚女說：「小姐，你知唔知有人跟踪左你好耐？」，那位面色蒼白，飽受困擾的靚女
淡然地說：「知又點、佢都跟左我年幾了」。

...
作為女性，我覺得理兄的話/ 行為，對她已經是 1 個好好 的 support. Well done!!!
作者: suewong    時間: 2010-8-4 22:03

引用:
原帖由 理魯竇 於 2010-8-4 21:56 發表


打尖都無咁乞人憎，直情係欺騙群眾，先扮有急事，兩手空空走上頭位，
然後叫老公或男朋友在龍尾推架滿載戰利品的手推車往頭位，你當我傻
架？
咁都得 ？

經理仲幫佢 ？
作者: suewong    時間: 2010-8-4 23:37

引用:
原帖由 suewong 於 2010-8-4 17:12 發表


有  次搭地鐵，見到有位，我企係個位前面，叫 1 個孕婦，(帶住小朋友) 埋黎坐，結果有個年輕男人，2 話不說，坐左落去。我望下佢，佢用好惡既眼光，啤住我。

屋企人話，我唔改，遲早被人打。
有件事我梗梗於懷成半年-

我在銅鑼灣上地鐵，有 1 男 1 女 ( 1 個盲，1 個跛)，義工帶住。上到車，義工大大聲 提佢地企位。成個車廂 (最老個個係我) 都聽到，但到則魚涌，都無人讓位。個對傷殘人士，幾次爭 d 跌倒。

我知世上有不同的人，但對當時車廂坐係度既人，可以視若無睹，真是幾失望。
作者: mygo    時間: 2010-8-5 00:11

社會已向畸型發展，很多事都見怪不怪耳：

某日，至某店吃雲南米線，由於本人忌辣，下單前聲明不要炸醬。女侍亦應和而去。
及米線至，望之，碗中赫然有炸醬，乃曰：小姐，為何仍有炸醬？女侍恍然。但良久不去，凝視米線且面有難色。
心惴：或要賠償，或要受罰，惻隱之心頓起。曰：由之。
時另一女侍至，見之曰：所因為何？甲女曰：放錯炸醬...。乙女曰：簡單耳，多收五元便是。
甲女聞之，居然毫不猶疑，撿收銀卡欲加之.....

後事如何？待續。
作者: flowingwater    時間: 2010-8-5 00:20     標題: 回復 77# 的帖子

吓..咁過份!!!!
狗養的..
作者: ali    時間: 2010-8-5 05:51

引用:
原帖由 watergap69 於 2010-8-4 14:45 發表
社會的悲哀，不知怎樣說起。
事源03/12/2010天晚上吃完晚飯後約十時半左右乘坐公共汽車（巴士）回家，當時無論巴士上或站頭等車的乘客都是比較多人。當巴士埋站時，乘客陸續登車，登車後當然是找坐位坐啦，無位坐就 ...
霸位行為真係由細見到大，重親眼見到有港人用於海外。
話說十幾年前儲到小小錢自由行去北歐順便探舊同學搵路數，係芬蘭北極村搭火車南下，上車後見有一亞洲女子，只見她的小背囊放在其身旁坐位，另大背囊放在小背囊的對面坐位上，這還不夠，那女子把仍穿上波鞋的雙腳擱上其坐的對面坐位；起初以為佢有同伴所以hold 住d 位，火車開行後我見這車卡只有我和她是黑頭髮，奇怪！於是我的好奇多事之心又o黎，我留意到她的行李仍有多條航空公司的行李標籤，之中見到HKG 三個大字，o我！即係o架嘰冷自己友，跟住好唔知醜咁行上去先用水皮英語問：are you from hongkong？答：yes。
跟住用返流利的廣話講：我都係香港人，需唔需要幫手把你的行李放上行李架？答：呢個車廂好多空位，只得幾個人。我：呢個係總站，跟住d分站會陸續有人上車。答：咁我到時會將行李搬上架。我：好呀！打攪晒。
下一站上車的乘客已佔了幾乎大半個卡，我見有洋人行到她的坐處，看一眼或直行直過另找坐位，我奇怪點解霸位女重唔將行李搬上架？再睇睇，唉！那女的竟然低著頭扮睡覺（一個人佔晒4個位自成一閣），真過份兼影衰同車亞洲人的我。好戲終於o黎！係再停一站陸續有人上車，有個洋女士帶著一位可能是佢媽媽上車，洋女士把她拍醒，我坐斜後面都聽到些少佢講：do you need help？我可以幫你..............，跟住將霸位女的2件大小行李一舉塞入架。




[ 本帖最後由 ali 於 2010-8-5 05:53 編輯 ]
作者: watergap69    時間: 2010-8-5 11:49

引用:
原帖由 bobbystar2100 於 2010-8-4 12:47 發表
仲有，講起「港敗」不得不提最近遇過一單響地鐵發生既事…

話說有一朝我好早坐地鐵逼過海，遇到一個看似身光頸靚既西裝友，響逼人果陣企左響個幾靚既小姐隔離，原本應該係無乜事既，但過到兩個站，發現小姐好似好 ...
香港宜家越來越多呢種人，有性需要但無處發洩，最後走向痴漢之路…

我不同意
點會無處發洩吖，香港地咁多專業人仕，花幾佰銀醫療一下。
比我見到這些人粉，我一手柏落去佢個“咕菇”度。
作者: watergap69    時間: 2010-8-5 11:56

引用:
原帖由 mygo 於 2010-8-4 16:11 發表
社會已向畸型發展，很多事都見怪不怪耳：

某日，至某店吃雲南米線，由於本人忌辣，下單前聲明不要炸醬。女侍亦應和而去。
及米線至，望之，碗中赫然有炸醬，乃曰：小姐，為何仍有炸醬？女侍恍然。但良久不去，凝 ...
我會唔食及第一時間走出舖，一去無回頭。
作者: mygo    時間: 2010-8-5 15:08

引用:
原帖由 watergap69 於 2010-8-5 11:56 發表 我會唔食及第一時間走出舖，一去無回頭。
冇錯，我既反應係起身行出門口，走人。
但行到去收銀旁，卻聽見甲乙二女仍在叫：喂，喂....
講都教精佢，答佢亦晒氣，啋佢自己勞氣。

唯一反應：就係冇反應！
作者: suewong    時間: 2010-8-5 16:32

引用:
原帖由 ali 於 2010-8-5 05:51 發表

霸位行為真係由細見到大，重親眼見到有港人用於海外。
話說十幾年前儲到小小錢自由行去北歐順便探舊同學搵路數，係芬蘭北極村搭火車南下，上車後見有一亞洲女子，只見她的小背囊放在其身旁坐位，另大背囊放在小背 ...
唉!!! 1 個女子，單身去得芬蘭北極村自由行，都唔會係 d 嬌生慣養既港女，都咁。

我搭屋苑既專車來回，因為有隨身物品，都會放在身旁坐位。但 人 1 多，即刻會放在地下。
作者: suewong    時間: 2010-8-5 16:36

引用:
原帖由 mygo 於 2010-8-5 15:08 發表


冇錯，我既反應係起身行出門口，走人。
但行到去收銀旁，卻聽見甲乙二女仍在叫：喂，喂....
講都教精佢，答佢亦晒氣，啋佢自己勞氣。

唯一反應：就係冇反應！
我就是無哩 d 智慧.
作者: watergap69    時間: 2010-8-6 16:59

引用:
原帖由 suewong 於 2010-8-4 13:47 發表




網絡話，巴士 / 地鐵 / 火車 霸位，原來好普遍。

霸 1 個站，已經唔算過份。

孕婦/ 帶住小朋友 / 老人家 多數唔會有人讓位。
咁哩個網絡好似係贊成霸位或同意在行駛中的公共交通工具上霸佔坐位喎！
如果係，咁我要為我的子侄、外甥謀定移民他國的路了。
作者: suewong    時間: 2010-8-6 23:00

引用:
原帖由 watergap69 於 2010-8-6 16:59 發表


咁哩個網絡好似係贊成霸位或同意在行駛中的公共交通工具上霸佔坐位喎！
如果係，咁我要為我的子侄、外甥謀定移民他國的路了。
唔係, 係無可奈何.

xocat 哩個論壇, d 網友好正氣.

arm arm 係第度, 見到 1 個帖, 樓主有需要的時候, 要老人家日日黎幫手睇 B B, 危機過左, 就話老人家好日日黎, 易請難送.

令到佢兩夫婦, 冇私人空間.
作者: 老何    時間: 2010-8-7 12:38

香港人生百態歸結於五個字...............中國共產黨。
作者: bobbystar2100    時間: 2010-8-8 15:21

老何叔，我又覺得香港既社會百態始於這四個字會比較貼切——「一黨專政」…
作者: suewong    時間: 2010-8-8 17:06

引用:
原帖由 bobbystar2100 於 2010-8-8 15:21 發表
老何叔，我又覺得香港既社會百態始於這四個字會比較貼切——「一黨專政」…
我反而覺得，有甚麼人民，就有甚麼統治階層。

如果歐美國家的人民，是如中國人的質素，我相信歐美國家的統治階層，都會明目張膽貪瀆。
作者: 老何    時間: 2010-8-8 17:14

引用:
原帖由 bobbystar2100 於 2010-8-8 15:21 發表
老何叔，我又覺得香港既社會百態始於這四個字會比較貼切——「一黨專政」…
一党專政是此黨所宗。 我等作為黨外人, 這黨所作所為, 燃及爐峰, 後果全入這黨帳簿。

近讀-史料無疑, 關鍵無遺-的PRC史；實証而非罵, 一黨專政, 技倆矣。
實乃該湘人借此黨機器行帝王之實, 「普天之下,莫非王土；率土之濱, 莫非王臣」貫徹黨內外生靈, 一體同殉。
卅多年後時移世易, 76,000,000黨員(又係5%)持此圭臬, 施風雲雷電之術, 逐鹿中原, 文強一案正式揭開帷幕, 好戲在後頭。
作者: 老何    時間: 2010-8-11 11:43

真係撫今追昔..................說的是神州而及香江。

從字裡行間, 大家都知老何極之敬重......胡耀邦。
改革壓倒一切.......是胡所說,
穩定壓倒一切.......是江所說。
二者分別及後果, 有目共睹。
大者神州輝煌硬件下的烏煙瘴氣, 小者香江地鐵內爭位的愚昧無知；皆因「穩定壓倒一切」所至。
有多少預示跡象, 得閒過頭的老何話比大家知, 事情有變。
1. 公安系统文強一案, 2.軍內劉亞洲昆明軍區內演說, 3.國企高官秦曉談話------三者焦點: 穩定壓倒一切的說法。
與香江何關？ 有樓階级務需留意！

撫今追昔, 改革壓倒一切重臨乎！
作者: suewong    時間: 2010-8-11 17:14

引用:
原帖由 老何 於 2010-8-11 11:43 發表
1. 公安系统文強一案, 2.軍內劉亞洲昆明軍區內演說, 3.國企高官秦曉談話------三者焦點: 穩定壓倒一切的說法。
與香江何關？ 有樓階级務需留意！
...
講多ｄ丫，唔該！！！
作者: suewong    時間: 2010-8-11 17:21

引用:
原帖由 老何 於 2010-8-8 17:14 發表


一党專政是此黨所宗。 我等作為黨外人, 這黨所作所為, 燃及爐峰, 後果全入這黨帳簿。

近讀-史料無疑, 關鍵無遺-的PRC史；實証而非罵, 一黨專政, 技倆矣。
實乃該湘人借此黨機器行帝王之實, 「普天之下,莫非王 ...
中國有此統治者，真是蒼天無情。

研究中國近代史，此人專橫/暴戾/無倫理親情/好色/排除異己。最要命的是，不少雄才大略之人，對他俯首。先父直情當他是中國的救星。
作者: 老何    時間: 2010-8-11 20:06

引用:
原帖由 suewong 於 2010-8-11 17:14 發表


講多ｄ丫，唔該！！！
網上評論, 多如牛毛。 只需記得老八作風, 甚麼事都有備而來, 曝光之日, 矛盾已難掩.
退而不休者看來對老大,老二绝對控制已力不從心了。
----------------------------------------------------------------------------------------------------------------

與香江何關？ 有樓階级務需留意！..........話口未完, 曾奴開會畢, 即放声氣重建居屋了。
記否老何曾說, 老董王府井賣枱, 事非尋常, 梁兄哥年來高調, 皆事出有因. 不需畫腸了。
作者: 老何    時間: 2010-8-11 20:18

引用:
原帖由 suewong 於 2010-8-11 17:21 發表


中國有此統治者，真是蒼天無情。

研究中國近代史，此人專橫/暴戾/無倫理親情/好色/排除異己。最要命的是，
不少雄才大略之人，對他俯首。先父直情當他是中國的救星。
之所以硬脊樑者如馬寅初, 梁漱冥能傳頌人間, 只可憐不甘受辱而自盡的人們。
受騙者則忍辱偷生, 終浩刼難逃, 唉, 揀錯時晨投錯胎, 整定！
作者: suewong    時間: 2010-8-11 20:20

引用:
原帖由 老何 於 2010-8-11 20:06 發表


話口未完, 曾奴開會畢, 即放声氣重建居屋了。
...
希望千祈不要資助 買私樓。如網友所言，利率 1 升，即死得人多。

有機會涉獵到 1 些諮詢，中產階級，怨聲載道，100 個有 99 個反對。覺得不應 (a) 幫人投資賺錢 (b) 益地產商。
作者: 老何    時間: 2010-8-12 09:25

引用:
原帖由 suewong 於 2010-8-11 20:20 發表


希望千祈不要資助 買私樓。如網友所言，利率 1 升，即死得人多。
有機會涉獵到 1 些諮詢，中產階級，怨聲載道，100 個有 99 個反對。覺得不應 (a) 幫人投資賺錢 (b) 益地產商。
放心可也！不要浪費時間於諮詢了。
肯定話卑妳聽, 皆大歡喜！原因簡單過「一」字, 事關有任何後果, 上面包起。
地產商可以休矣, 信不信由妳！胡溫為下任接班人籌劃已三年的伏著, 開始發功。
作者: liao_marco    時間: 2010-8-12 09:48

地產商可以休矣? 香港地產商的末日?
作者: 老何    時間: 2010-8-12 10:29

引用:
原帖由 liao_marco 於 2010-8-12 09:48 發表
地產商可以休矣? 香港地產商的末日?
LONG TIME NO SEE

相對於過去, 再不能隻手遮天。
港府無能根由是政費, 75%以上收入來自地產業, 而政費支出80%是公務員的薪金及福利,
這惡果是基本法所種下, 在此現實情況下, 官商鈎結這說法已是卑足面給公務員了, 地產商要
港府跪下, 絕無問題；何况是投懷送抱。只因香港中產麻木不仁, 至令豪門更增囂張。
但此種情況及風氣, 危及神州政權基礎, 際此全球開始的調整期, 收拾香港歪局正是時候,
西環约見泛民只是此中一環而矣, 全國重拾群眾路線掛在牆上。



歡迎光臨 香港 Xocat Forum 討論區 (http://p.xocat.com/p/) Powered by Discuz! 6.0.0