香港 Xocat Forum 討論區 - Powered by Discuz! Board

標題: [疑難] 跪求各位提供意見 [打印本頁]

作者: heha6769 時間: 2006-11-30 21:22 標題: 跪求各位提供意見

大約一年前,我因工作關係認識了之前的女朋友(以下簡稱A小姐),認識不到兩個月,大家都好投緣,很快我們便進一步發展成情侶關係,這段日子大家相處很好,過了若半年,有天她對我說她之前的男友希望和她復合,她對我說希望藉此機會報復,因為之前她的男友另結新歡,令她很傷心,聽到她咁講都好難接受,後期我見她咁坦白對我說出她的用意後,認為她不會騙我而答應了,及後,因為我接受不了她去那男仔嘅屋企過夜而提出分手,當時的她相當後悔並和那男仔交代清楚,不會再和他一起,但我仍然選擇了和她分開,因為當時我認為大家分開下會對雙方均有好處,現在我們已經分開了5個月,我仍舊經常想起她,而且,在我工作的範圍亦時常會見到她,每次她好像刻意迥避我,我曾約她,但她卻甩底,我覺得自己當初做錯了,我仍然愛她,很想再和她在一起!
各位:我現在該如何是好?是否我已經再冇機會?她又會否再次接受我?是否我當日我做法已令大家的關係無法修補?

請大家幫幫忙比D意見!THX

作者: ahfahfa 時間: 2006-11-30 23:50

我覺得你當時和佢分手是對的.因為你接受不到佢有別的男人.如今分開了.可能佢不想再和你交往下去嘍.問清楚你會開心的的.

作者: 酒徒 時間: 2006-12-1 00:26

喜歡就是喜歡，喜歡沒有罪的，只是勉強無幸福，分了手就不要想復合啦。

祝你分手快樂。

作者: Double.Zeta 時間: 2006-12-1 03:09

鐘意人就快 D 追番人啦。

直接走去同佢講，
你好後悔、好愛佢、想同番佢一齊蘿。

佢無心 ge，你便休蘿。

[ 本帖最後由 Double.Zeta 於 2006-12-1 03:17 AM 編輯 ]

作者: 細摩 時間: 2006-12-1 10:31

引用:

原帖由 heha6769 於 2006-11-30 09:22 PM 發表
大約一年前,我因工作關係認識了之前的女朋友(以下簡稱A小姐),認識不到兩個月,大家都好投緣,很快我們便進一步發展成情侶關係,這段日子大家相處很好,過了若半年,有天她對我說她之前的男友希望和她復合,她對我說希望 ...

大話連篇, 要過到人先過自己!!!

希望你自己可以坦白交代前因後果, 你隱瞞某o的野, 大家都幫唔到你!

作者: 豬仔 時間: 2006-12-1 23:10

引用:

原帖由細摩於 2006-12-1 10:31 AM 發表

大話連篇, 要過到人先過自己!!!

希望你自己可以坦白交代前因後果, 你隱瞞某o的野, 大家都幫唔到你!

又會咁利害咁都知佢講大話?真係咁利害,haha

你要加油oh

作者: qmuk 時間: 2006-12-2 11:18 標題: 問題在個女仔

引用:

原帖由細摩於 2006-12-1 10:31 AM 發表

大話連篇, 要過到人先過自己!!!

希望你自己可以坦白交代前因後果, 你隱瞞某o的野, 大家都幫唔到你!

heha6769 未必有心隱瞞。其中有好多野可能佢自己都搞唔清楚，先自係呢都發問。正所謂當局者迷。

個女仔的行徑最不能理解。照計要報復都冇理由報復到過埋夜。似想搵藉口食回頭草多啲。

作者: 中式食肆有座位 時間: 2006-12-2 12:01

引用:

原帖由 qmuk 於 2006-12-2 11:18 發表

heha6769 未必有心隱瞞。其中有好多野可能佢自己都搞唔清楚，先自係呢都發問。正所謂當局者迷。

個女仔的行徑最不能理解。照計要報復都冇理由報復到過埋夜。似想搵藉口食回頭草多鱓。

樓主只係俾條女當係水泡一個，條女都好明顯係想返卓舊仔，但係冇個男人響身邊使好唔慣，就吊住樓主響身邊做跑腿，所謂咬住一件望住出面，一有機會就送外賣同條舊仔執返一兩劑happy。

醒下啦。

除非你好鐘意戴綠帽啦。

[ 本帖最後由中式食肆有座位於 2006-12-2 12:22 PM 編輯 ]

作者: qmuk 時間: 2006-12-3 11:34

引用:

原帖由 中式食肆有座位 於 2006-12-2 12:01 PM 發表

樓主只係俾條女當係水泡一個，條女都好明顯係想返卓舊仔，但係冇個男人響身邊使好唔慣，就吊住樓主響身邊做跑腿，所謂咬住一件望住出面，一有機會就送外賣同條舊仔執 ...

同意。如果女人想個男人返裏，有么比搵另一個男仔追佢咁有效？就算唔係處心積慮，亦是本能動作。男人多少有啲犯賤，一見自己唔要既野俾人攞咗，就會突然覺得她好好，就會想要返。

不過個女人的都幾高招，搞到樓主到已家重搞唔清楚係么事。

樓主可唔可以講下，女人當時用么理由解釋佢去人地既床上”報復”。

作者: heha6769 時間: 2006-12-3 14:26

到現時為止,我仍舊相信她不會和那男人上床,因為當我提出分手時,她哭著跟我說她並冇做d對唔住我嘅事,因為她亦曾對我萬般挽留,但當時我認為大家似乎應該冷靜下來,諗清楚大家仲係咪愛大家,點解大家會搞成咁,諗來諗去愈諗愈亂,唔想再亂咁諗於是堅持分開,分開後我亦很後悔,覺得自己好似好自私,冇比到機會大家,最後反而傷害了她,件事至今已過了近半年,我感覺自己亦還愛著她,仍舊想跟她在一起,但唔知點開口,怕她仍恨我!我唔知係咪自己當做錯了,是否無法回頭?

作者: Double.Zeta 時間: 2006-12-4 03:20

引用:

原帖由 中式食肆有座位 於 2006-12-2 12:01 PM 發表

樓主只係俾條女當係水泡一個，條女都好明顯係想返卓舊仔，但係冇個男人響身邊使好唔慣，就吊住樓主響身邊做跑腿，所謂咬住一件望住出面，一有機會就送外賣同條舊仔執 ...

有大哥話另有內情 ... 咁實際係點就唔知啦。
但係就 heha6769 所講，我覺得：
佢話過夜姐，何以見得一定係上過床呢？

heha6769，既然佢話無對你唔住；
你係愛佢 o既話，你就要相信自己愛 o既人！
去啦！
愛佢，就去追番人啦！

作者: 祖迪仔 時間: 2006-12-4 07:37

一次不忠百次不容!!你同佢分手, 絕對是正確的選擇, 女人之麻, 香港大把!!

作者: 祖迪仔 時間: 2006-12-4 07:53

引用:

原帖由 Double.Zeta 於 2006-12-4 03:20 AM 發表

有大哥話另有內情 ... 咁實際係點就唔知啦。
但係就 heha6769 所講，我覺得：
佢話過夜姐，何以見得一定係上過床呢？

heha6769，既然佢話無對你唔住；
你係愛佢 o既話，你就要相信自己愛 o既人！
去 ...

廢話!針唔咭到肉就梗係甘講, 將心比己, 你既另一半走去同佢既以前既性伴侶共處一室, 事後話比你知叫你原諒佢, 我諗你殺左佢就差唔多, 信佢!呸! 有無上床!佢實話無架! 唔通用o羊招都話你知!幾多次都同你講呀!
根本係應該同唔應該既問題!佢已有現任男友就唔應該做d甘既事!!

作者: Double.Zeta 時間: 2006-12-6 04:37

引用:

原帖由 祖迪仔 於 2006-12-4 07:53 AM 發表

廢話!針唔咭到肉就梗係甘講, 將心比己, 你既另一半走去同佢既以前既性伴侶共處一室, 事後話比你知叫你原諒佢, 我諗你殺左佢就差唔多, 信佢!呸! 有無上床!佢實話無架! 唔通用o羊招都話你知!幾多次都同你講呀 ...

針唔咭到肉？你又知我無試過！！

作者: 不平凡人 時間: 2006-12-6 09:45

你想返轉頭都冇咩可能....
如果真係想一齊返既話...等多1~2年啦..到時由頭追過...應該有機會...
不過我覺得你同佢分手係岩既...
無啦啦肯上去ex度過夜..瓜田李下...冇咩人會信冇做過囉...
不過有樣野...我覺得就算佢之後肯同返你一齊...但係會唔會係想<玩>你呢???
佢<玩>得個ex bf...<玩>埋你都有可能ga喎...
佢可能係<玩家>...諗清楚d好~~

作者: 祖迪仔 時間: 2006-12-6 10:06

引用:

原帖由 Double.Zeta 於 2006-12-6 04:37 AM 發表

針唔咭到肉？你又知我無試過！！

我的而且確係唔知你試過, 但你既情況係唔係同佢完全一模一樣呢!?

作者: Double.Zeta 時間: 2006-12-6 19:56

引用:

原帖由 祖迪仔 於 2006-12-6 10:06 AM 發表

我的而且確係唔知你試過, 但你既情況係唔係同佢完全一模一樣呢!?

咁又唔係完全一模一樣，
只不過我之前再之前個女朋友，
有人話見過佢同弟二條仔 o係街拖住手行，
仲好親熱姐。

不過果陣我好愛佢，佢話無，
我咪信佢 ro ，我果陣真係好愛佢，
無理由信其他人講，唔信自己條女講卦。

[ 本帖最後由 Double.Zeta 於 2006-12-6 08:01 PM 編輯 ]

作者: 祖迪仔 時間: 2006-12-8 08:11

手拖手, 同返屋企過夜完全係兩件事, 更何況係朋友見到可能真係睇錯, 但佢個case係條女都認左同前度男友過夜而之前並沒有同佢講及商量, 問題不在有否不忠, 而係一個身為情人的尊重, 我覺得兩人響埋一起理應互相尊重, 如件事情相反係個男仔去舊女友屋企過夜而之前無同現任女友交帶, 我一樣會叫個女仔同佢分手.

作者: guess_8888 時間: 2006-12-9 13:04

祝你分手快樂................。

作者: fengliu 時間: 2006-12-10 02:17

其實過咗半年都重掛住人
咁就衰衰地問清楚可否再一起
知道結果後都可以了結啦

作者: Erin 時間: 2006-12-20 02:05

我都認為你o既 ex-gf 有心卓返佢之前o個個, 一個女仔有心忘記之前o既男友, 會努力與ex男友保持一段距離,

你分手o既做法, 我覺得o岩, 因為佢必須明白, 作為男友的你不能容忍她同時週旋於兩個男人之中, (“過夜” 上床機會極高), 你要她知道你對感情的態度認真, 如果她重視你們的感情, 她定會做些事情令你安心, 結果她採取了什麼態度, 你當時的感受如何, 就只有你自己才知道

至於分手後忐忑後悔, 實屬正常, (我相信你依家正處於她之前的狀態), 所謂 “新歡雖好, 不過舊愛難忘.”分手後時常見面, 表面即使強裝沒事, 心裡難免會懷緬快樂的片段. 如果真係想同返佢一齊, 去試探/問o下亦無訪, 免得日後遺憾. 如果佢應承, 你都要攪清楚佢係”玩/報復”心理定真係修心養性, 畢竟從<玩家>角度, 提出復合的人處於下方, 形勢不妙, 你要小心決定是否要繼續發展

P.S. Let us know how it is going, okay?

[ 本帖最後由 Erin 於 2006-12-19 06:21 PM 編輯 ]

作者: Erin 時間: 2006-12-20 02:06

引用:

原帖由 不平凡人 於 2006-12-6 01:45 AM 發表
你想返轉頭都冇咩可能....
如果真係想一齊返既話...等多1~2年啦..到時由頭追過...應該有機會...

點解要等一兩年? 玄機係邊? 請指教.

[ 本帖最後由 Erin 於 2006-12-19 06:12 PM 編輯 ]

作者: 不平凡人 時間: 2006-12-20 10:02

引用:

原帖由 Erin 於 2006-12-19 06:06 PM 發表

點解要等一兩年? 玄機係邊? 請指教.

將段情慢慢淡忘後..再見亦是朋友(如果佢仲當你係朋友既話)
到時再以朋友身份追過佢~~

[ 本帖最後由不平凡人於 2006-12-20 02:05 AM 編輯 ]

作者: eaglehp 時間: 2006-12-24 10:22

如果你接受吾到她有第二个男人，劝你种系及早放弃好，否则勉强系一齐，你会更难受，最终都系会分开架。

作者: 冒牌耶穌 時間: 2006-12-26 08:19

引用:

個女仔的行徑最不能理解。照計要報復都冇理由報復到過埋夜。似想搵藉口食回頭草多啲。

正確 !!!
我諗係男人都接受唔到

作者: 中式食肆有座位 時間: 2006-12-28 00:18

引用:

原帖由 冒牌耶穌 於 2006-12-26 08:19 發表

正確 !!!
我諗係男人都接受唔到

或者樓主想keep住隻免費囡囡，間中call黎執一兩劑又何妨呢。

不過一定要戴套，條囡囡咁野，隨時一身病，樓主要保重身體至好，有ｄ病手尾長。

[ 本帖最後由中式食肆有座位於 2006-12-28 12:20 AM 編輯 ]

作者: Anthonychan888 時間: 2006-12-28 02:27

提示: 作者被禁止或刪除內容自動屏蔽

作者: usnameless 時間: 2006-12-28 05:05

引用:

原帖由酒徒於 11/30/2006 08:26 AM 發表
喜歡就是喜歡，喜歡沒有罪的，只是勉強無幸福，分了手就不要想復合啦。

祝你分手快樂。

有人以為情侶要分手, 講完句說話, 或者放低咗個電話就完了.
其實真正的分手, 係要由你放得低個舊情人o個日先開始計...
樓主人分心未分, 比啲時間自己啦. 唔好個心唔舍得就覺得當初要分開嘅決定係自己錯. 唔係你當時太絕無比機會大家, 而係佢太唔顧及你嘅感受姐!! 如果佢真係愛你又點會要你受呢啲苦呢??? 比自己一個機會, 一個可能遇上更適合自己的伴侶嘅機會!!!

Good luck!

作者: siukei 時間: 2006-12-29 16:37

i wish u cut clearly with girls like that asap!

作者: kawdya 時間: 2007-1-5 23:08

當你嘅情人向你表示佢好恨以前果個人，或者想向果個人報復，甘你就小心啦，越恨就表示佢重好鍾意果個人，成日會諗起佢。愛嘅反面係恨。

作者: ahui123 時間: 2007-1-9 15:35

提示: 作者被禁止或刪除內容自動屏蔽

作者: kawdya 時間: 2007-1-9 20:46

翻譯中文，麻煩晒你，如果你願意。

歡迎光臨香港 Xocat Forum 討論區 (http://p.xocat.com/p/)